ലെവര്കുസെന്: ജര്മന് കപ്പ് ഫുട്ബോളില് എഫ്സി ബയേണ് മ്യൂണിക് ഫൈനലില്. സെമിയില് ബയെര് ലെവര്കുസെനെ മറുപടിയില്ലാത്ത രണ്ട് ഗോളുകള്ക്ക് കീഴടക്കിയാണ് ബയേണ് മ്യൂണിക് ഫൈനലില് പ്രവേശിച്ചത്.
ഹാരി കെയ്ന് (22), ലൂയിസ് ഡിയസ് (90+3) എന്നിവരുടെ വകയായിരുന്നു ബയേണ് മ്യൂണിക്കിന്റെ ഗോളുകള്. 2025-26 സീസണില് വിവിധ ചാമ്പ്യന്ഷിപ്പുകളിലായി ഹാരി കെയ്ന്റെ ഗോള് സമ്പാദ്യം 52 ആയി. 2020നുശേഷം ആദ്യമായാണ് ബയേണ് ജര്മന് കപ്പിന്റെ ഫൈനലില് പ്രവേശിക്കുന്നത്.
