കൊച്ചി: നെടുന്പാശ്ശേരിയിലെ ഗ്രാൻഡ് മലബാർ ഹോട്ടലിൽ തീപിടിത്തം. എയർപോട്ടിൽനിന്ന് ഇറങ്ങിവരുന്ന വഴിയിൽ സ്ഥിതി ചെയ്യുന്ന ഹോട്ടലിലാണ് തീപിടിത്തമുണ്ടായത്. തിങ്കളാഴ്ച രാവിലെ 11.30നായിരുന്നു സംഭവം. ഹോട്ടലിനു മുൻഭാഗത്ത് തീ ആളികത്തിപടരുകയായിരുന്നു. സംഭവസ്ഥലത്ത് നിന്നു ആളുകളെ ഒഴിപ്പിച്ചു.
നാല് ഫയർഫോഴ്സ് യൂണിറ്റുകൾ സ്ഥലത്തെത്തി തീയണയ്ക്കാനുള്ള ശ്രമം തുടരുകയാണ്. തീപിടിത്തത്തിന്റെ കാരണം വ്യക്തമല്ല. അപകടത്തെ തുടർന്ന് പ്രദേശത്ത് വൻ ഗതാഗതക്കുരുക്ക് അനുഭവപ്പെട്ടു.
