കേ​ര​ള​ത്തി​ൽ​വ​ച്ച് പ്ര​ധാ​ന​മ​ന്ത്രി​യെ ആ​ക്ര​മി​ക്കു​മെ​ന്ന് ഭീ​ഷ​ണി ക​ത്ത്; പേരും അഡ്രസും എഴുതിയ ലെറ്ററിൽ പറയുന്ന കാര്യം ഞെട്ടിക്കുന്നത്; ശ​ക്ത​മാ​യ അ​ന്വേ​ഷ​ണം ന​ട​ത്ത​ണ​മെ​ന്ന് സു​രേ​ന്ദ്ര​ൻ

തി​രു​വ​ന​ന്ത​പു​രം: കേ​ര​ള​ത്തി​ൽ​വ​ച്ച് പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യെ ആ​ക്ര​മി​ക്കു​മെ​ന്ന് ഭീ​ഷ​ണി ക​ത്ത്. ബി​ജെ​പി​യു​ടെ സം​സ്ഥാ​ന ക​മ്മി​റ്റി ഓ​ഫീ​സി​ലാ​ണ് ക​ത്ത് ല​ഭി​ച്ച​ത്. ക​ത്ത് ബി​ജെ​പി പോ​ലീ​സി​ന് കൈ​മാ​റി.

ജോ​സ​ഫ് ജോ​ൺ ന​ടു​മു​റ്റ​ത്ത് എ​ന്ന​യാ​ളു​ടെ പേ​രി​ലാ​ണ് ക​ത്ത് എ​ത്തി​യ​ത്. ഒ​രു പേ​ജു​ള്ള ക​ത്തി​ൽ മോ​ദി​യു​ടെ നേ​രെ ചാ​വേ​ർ ആ​ക്ര​മ​ണം ന​ട​ത്തു​മെ​ന്നാ​ണ് ഭീ​ഷ​ണി. കൈ​കൊ​ണ്ട് എ​ഴു​തി​യ ക​ത്ത് ര​ണ്ട് ദി​വ​സം മു​ൻ​പാ​ണ് ബി​ജെ​പി ഓ​ഫീ​സി​ൽ ല​ഭി​ച്ച​ത്.

ഭീ​ഷ​ണി സ​ന്ദേ​ശം എ​ത്തി​യ​തോ​ടെ സം​ഭ​വ​ത്തി​ൽ പോ​ലീ​സും ര​ഹ​സ്യാ​ന്വേ​ഷ​ണ ഏ​ജ​ൻ​സി​ക​ളും അ​തീ​വ ഗൗ​ര​വ​ത്തോ​ടെ അ​ന്വേ​ഷ​ണം ആ​രം​ഭി​ച്ചു.

ഏ​പ്രി​ൽ 25ന് ​പ്ര​ധാ​ന​മ​ന്ത്രി കേ​ര​ള​ത്തി​ലെ​ത്താ​നി​രി​ക്കെ​യാ​ണ് ക​ത്ത് ല​ഭി​ച്ച​ത്. കൊ​ച്ചി​യി​ലും തി​രു​വ​ന​ന്ത​പു​ര​ത്തു​മാ​ണ് മോ​ദി എ​ത്തു​ന്ന​ത്. കേ​ര​ള​ത്തി​ലെ​ത്തു​ന്ന പ്ര​ധാ​ന​മ​ന്ത്രി തി​രു​വ​ന​ന്ത​പു​രം-​കാ​സ​ർ​ഗോ​ഡ് റൂ​ട്ടി​ലെ വ​ന്ദേ​ഭാ​ര​ത് ട്രെ​യി​ന്‍ ഫ്‌​ളാ​ഗ് ഓ​ഫ് ചെ​യ്യും.

കൊ​ച്ചി വാ​ട്ട​ര്‍ മെ​ട്രോ​യും നാ​ടി​ന് സ​മ​ര്‍​പ്പി​ക്കും. കൂ​ടാ​തെ ച​ന്ദ്ര​ശേ​ഖ​ര്‍ നാ​യ​ര്‍ സ്റ്റേ​ഡി​യ​ത്തി​ല്‍ ന​ട​ക്കു​ന്ന പ​രി​പാ​ടി​യി​ല്‍ കോ​ടി​ക​ളു​ടെ പ​ദ്ധ​തി​ക​ള്‍ ഉ​ദ്ഘാ​ട​നം ചെ​യ്യും.

നേ​മം, കൊ​ച്ചു​വേ​ളി സ്റ്റേ​ഷ​നു​ക​ളു​ടെ വി​ക​സ​ന പ​ദ്ധ​തി ഉ​ദ്ഘാ​ട​നം, തി​രു​വ​ന​ന്ത​പു​രം, കോ​ഴി​ക്കോ​ട്, വ​ര്‍​ക്ക​ല ശി​വ​ഗി​രി റെ​യി​ല്‍​വെ സ്‌​റ്റേ​ഷ​നു​ക​ളു​ടെ പു​ന​ര്‍ നി​ര്‍​മാ​ണ പ​ദ്ധ​തി​ക​ളു​ടെ ഉ​ദ്ഘാ​ട​നം എ​ന്നി​വ​യും മോ​ദി നി​ര്‍​വ​ഹി​ക്കും.

പ്ര​ധാ​ന​മ​ന്ത്രി​ക്ക് സു​ര​ക്ഷാ ഭീ​ഷ​ണി: ശ​ക്ത​മാ​യ അ​ന്വേ​ഷ​ണം ന​ട​ത്ത​ണ​മെ​ന്ന് സു​രേ​ന്ദ്ര​ൻ

തി​രു​വ​ന​ന്ത​പു​രം: പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്കു​നേ​രെ ആ​ക്ര​മ​ണം ന​ട​ത്തു​മെ​ന്ന് ഭീ​ഷ​ണി സ​ന്ദേ​ശം ല​ഭി​ച്ച പ​ശ്ചാ​ത്ത​ല​ത്തി​ൽ ശ​ക്ത​മാ​യ അ​ന്വേ​ഷ​ണം ന​ട​ത്ത​ണ​മെ​ന്ന് ബി​ജെ​പി സം​സ്ഥാ​ന അ​ധ്യ​ക്ഷ​ൻ കെ. ​സു​രേ​ന്ദ്ര​ൻ. ഭീ​ഷ​ണി​പ്പെ​ടു​ത്തി​യ ആ​ളു​ടെ പേ​രും ന​ന്പ​റും ക​ത്തി​ലു​ണ്ട്. ഇ​ത് പോ​ലീ​സ് പ​രി​ശോ​ധി​ച്ചോ​യെ​ന്നും സു​രേ​ന്ദ്ര​ൻ ചോ​ദി​ച്ചു.

എ​സ്പി​ജി മി​ക​ച്ച സു​ര​ക്ഷ​യാ​ണ് പ്ര​ധാ​ന​മ​ന്ത്രി​ക്ക് ഒ​രു​ക്കു​ന്ന​ത്. കേ​ര​ള​ത്തി​ൽ മ​ത​തീ​വ്ര​വാ​ദ സം​ഘ​ട​ന​ക​ളും രാ​ജ്യ​ദ്രോ​ഹ ശ​ക്തി​ക​ളും ശ​ക്ത​മാ​ണെ​ന്നാ​ണ് പോ​ലീ​സ് പു​റ​ത്തു​വി​ട്ട ഇ​ന്‍റ​ലി​ജ​ൻ​സ് റി​പ്പോ​ർ​ട്ടി​ലൂ​ടെ പു​റ​ത്തു​വ​ന്നി​രി​ക്കു​ന്ന​ത്.

ഇ​ന്‍റ​ലി​ജ​ൻ​സ് റി​പ്പോ​ർ​ട്ടി​ൽ നി​ര​വ​ധി സം​ഘ​ട​ന​ക​ളെ സം​ബ​ന്ധി​ച്ച് പ​രാ​മ​ർ​ശം ഉ​ണ്ട്. പി​ഡി​പി, എ​സ്ഡി​പി​ഐ, പി​എ​ഫ്ഐ, ചി​ല ആ​ർ​ബ​ൻ നെ​ക്സ​ൽ സം​ഘ​ട​ന​ക​ൾ തു​ട​ങ്ങി​വ​യു​ടെ പേ​രു​ക​ളാ​ണ് പോ​ലീ​സ് പു​റ​ത്തു​വി​ട്ടി​രി​ക്കു​ന്ന​ത്. എ​ന്നാ​ൽ അ​വ​രെ​യെ​ല്ലാം സം​ര​ക്ഷി​ച്ചു​കൊ​ണ്ടി​രി​ക്കു​ക​യാ​ണ്.

നാ​ളെ പി​ഡി​പി നേ​താ​വ് കേ​ര​ള​ത്തി​ലേ​ക്ക് വ​രി​ക​യാ​ണ്. അദ്ദേഹത്തിന് എ​ല്ലാ സു​ര​ക്ഷ​യും സം​സ്ഥാ​ന സ​ർ​ക്കാ​രാ​ണ് ഒ​രു​ക്കു​ന്ന​ത്. ഈ ​ഇ​ന്‍റ​ലി​ജ​ൻ​സ് റി​പ്പോ​ർ​ട്ട് പു​റ​ത്തു​വി​ട്ട​തി​ലൂ​ടെ പ്ര​ധാ​ന​മ​ന്ത്രി​യു​ടെ സു​ര​ക്ഷ​യെ ആ​ണോ, അ​തോ മ​റ്റെ​ന്തെ​ങ്കി​ലു​മാ​ണോ കേ​ര​ള പോ​ലീ​സ് ഉ​ദേ​ശി​ക്കു​ന്ന​തെ​ന്ന് മ​ന​സി​ലാ​കു​ന്നി​ല്ല.

പോ​ലീ​സ് ശ​ക്ത​മാ​യ ന​ട​പ​ടി എ​ടു​ക്കു​ക​യാ​ണ് വേ​ണ്ട​ത്. ഭീ​ഷ​ണി ക​ത്തി​നെ സം​ബ​ന്ധി​ച്ച് അ​ന്വേ​ഷ​ണം ന​ട​ത്തി അ​ത് ആ​രാ​ണെ​ന്ന് ക​ണ്ടെ​ത്തു​ക​യാ​ണ് വേ​ണ്ട​ത്. അ​തി​നു​പ​ക​രം പോ​ലീ​സ് ചെ​യ്യു​ന്ന​ത് പ്ര​ധാ​ന​മ​ന്ത്രി​യു​ടെ സ​ന്ദ​ർ​ശ​ന​ത്തി​നു തൊ​ട്ട​ടു​ത്ത ദി​വ​സം ഉ​ന്ന​ത​നാ​യ പോ​ലീ​സ് ഉ​ദ്യോ​ഗ​സ്ഥ​ൻ ത​ന്നെ മാ​ധ്യ​മ​ങ്ങ​ളെ വി​ളി​ച്ച് ഈ ​വി​വ​ര​ങ്ങ​ൾ പു​റ​ത്തു​വി​ട്ടി​രി​ക്കു​ക​യാ​ണെ​ന്നും സു​രേ​ന്ദ്ര​ൻ ആ​രോ​പി​ച്ചു.

അ​തേ​സ​മ​യം പ്ര​ധാ​ന​മ​ന്ത്രി​യു​ടെ സ​ന്ദ​ർ​ശ​ന​വു​മാ​യി ബ​ന്ധ​പ്പെ​ട്ട് എ​ഡി​ജി​പി ഇ​ന്‍റ​ലി​ജ​ൻ​സ് ത​യാ​റാ​ക്കി​യ സു​ര​ക്ഷാ​സ്കീം ചോ​ർ​ന്നു. പോ​ലീ​സ് സു​ര​ക്ഷ​യു​ടെ വി​വ​ര​ങ്ങ​ളാ​ണ് ചോ​ർ​ന്നി​രി​ക്കു​ന്ന​ത്.