ആ​സി​ഡ് ആ​ക്ര​മ​ണം! പ്ര​തി​യു​ടെ വി​വ​രംതേ​ടി പോ​ലീ​സ് വി​മാ​ന​ത്താ​വ​ള​ങ്ങ​ളി​ലേ​ക്ക്; പാ​സ്പോ​ർ​ട്ട് പ​ക​ർ​പ്പ് ല​ഭി​ക്കാ​ത്ത​തി​നാ​ൽ ലു​ക്ക് ഔ​ട്ട് നോ​ട്ടീ​സ് വൈ​കു​ന്നു

മു​ക്കം: കാ​ര​ശ്ശേ​രി ആ​ന​യാം​കു​ന്നി​ൽ യു​വ​തി​യു​ടെ ദേ​ഹ​ത്ത് ആ​സി​ഡൊ​ഴി​ച്ച് കു​ത്തി പ​രി​ക്കേ​ൽ​പ്പി​ച്ച സം​ഭ​വ​ത്തി​ൽ പ്ര​തി​യെ ഇ​നി​യും പി​ടി​കൂ​ടാ​നാ​യി​ല്ല. സം​ഭ​വം ന​ട​ന്ന് മൂ​ന്ന് ദി​വ​സ​മാ​യി​ട്ടും പ്ര​തി​യെ പി​ടി​കൂ​ടാ​നാ​വാ​തെ പോ​ലീ​സ് ഇ​രു​ട്ടി​ൽ ത​പ്പു​ക​യാ​ണ്. പ്ര​തി​ക്കാ​യി ലു​ക്ക് ഔ​ട്ട് നോ​ട്ടീ​സ് പു​റ​പ്പെ​ടു​വി​ക്കു​ന്ന​തി​നാ​യി പാ​സ്പോ​ർ​ട്ട് കോ​പ്പി പോ​ലീ​സി​ന് ല​ഭി​ച്ചി​ല്ല​ന്നാ​ണ് വി​വ​രം.

ഇ​തോ​ടെ ഇ​യാ​ളു​ടെ മേ​ല്‍​വി​ലാ​സം ഉ​ൾ​പ്പെ​ടെ​യു​ള്ള വി​വ​ര​ങ്ങ​ൾവച്ച് ക​രി​പ്പൂ​ർ, ക​ണ്ണൂ​ർ, നെ​ടു​മ്പാ​ശ്ശേ​രി വി​മാ​ന​താ​വ​ള​ങ്ങ​ളി​ലേ​ക്ക് പോ​ലീ​സ് അ​പേ​ക്ഷ ന​ൽ​കി​യി​രി​ക്കു​ക​യാ​ണ്. ഇ​വി​ടെ നി​ന്ന് മ​റു​പ​ടി​ല​ഭി​ച്ചാ​ൽ മാ​ത്ര​മേ ഇ​യാ​ൾ വി​ദേ​ശ​ത്തേ​ക്ക് ക​ട​ന്നി​ട്ടു​ണ്ടോ എ​ന്ന് അ​റി​യാ​ൻ സാ​ധി​ക്കൂ.

സ്വ​ന്തം വീ​ട്ടു​കാ​ർ പോ​ലും അ​റി​യാ​തെ​യാ​ണ് വി​ദേ​ശ​ത്താ​യി​രു​ന്ന പ്ര​തി നാ​ട്ടി​ലെ​ത്തി കൃ​ത്യം ന​ട​ത്തി മു​ങ്ങി​യ​ത്. മു​ൻ ഭ​ർ​ത്താ​വ് മാ​വൂ​ർ തെ​ങ്ങി​ല​ക്ക​ട​വ് സ്വ​ദേ​ശി സു​ഭാ​ഷാ​ണ് ആ​ക്ര​മി​ച്ച​തെ​ന്ന് പ​രി​ക്കേ​റ്റ സ്വ​പ്ന പോ​ലീ​സി​ന് മൊ​ഴി ന​ൽ​കി​യി​രു​ന്നു. ആ​സൂ​ത്രി​ത​മാ​യി ന​ട​ത്തി​യ ഈ ​കൊ​ല​പാ​ത​ക ശ്ര​മ​ത്തി​ൽ നി​ന്ന്അ​ടു​ത്ത വീ​ട്ടി​ലേ​ക്ക് ഓ​ടി​ക​യ​റി​യ​തി​നാ​ലാ​ണ് യു​വ​തി ര​ക്ഷ​പ്പെ​ട്ട​ത്. യു​വ​തി യു​ടെ മൊ​ഴി​യു​ടെ അ​ടി​സ്ഥാ​ന​ത്തി​ൽ ഇ​യാ​ൾ​ക്കെ​തി​രെ വ​ധ​ശ്ര​മ​ത്തി​ന് കേ​സെ​ടു​ത്തി​ട്ടു​ണ്ട്.

ശ​നി​യാ​ഴ്ച്ച വൈ​കു​ന്നേ​രം ആ​റോ​ടെ ആ​ന​യാ​ത്ത്ക്ഷേ​ത്ര​ത്തി​ന​ടു​ത്ത കോ​ള​നി പ​രി​സ​ര​ത്തുവച്ചാ​ണ് യു​വ​തി​യെ അ​ക്ര​മി​ച്ച​ത്. ഗോ​ത​മ്പ്റോ​ഡി​ലെ സ്വ​കാ​ര്യ ഹോ​മി​യോ ക്ലി​നി​ക്കി​ൽ റി​സ​പ്ഷ​നി​സ്റ്റാ​യ സ്വ​പ്ന (31) ജോ​ലി ക​ഴി​ഞ്ഞ് വീ​ട്ടി​ലേ​ക്ക് മ​ട​ങ്ങ​വെ വി​ജ​ന​മാ​യ സ്ഥ​ല​ത്ത് കാ​ട്ടി​ൽ ഒ​ളി​ച്ചി​രു​ന്ന അ​ക്ര​മി യു​വ​തി​യു​ടെ ത​ല​യി​ലൂ​ടെ ആ​സി​ഡ് ഒ​ഴി​ക്കു​ക​യും തു​ട​ർ​ന്ന് ക​ത്തി കൊ​ണ്ട് കു​ത്തി​യും വെ​ട്ടി​യും പ​രു​ക്കേ​ൽ പ്പി​ക്കു​ക​യു​മാ​യി​രു​ന്നു.

മെ​ഡി​ക്ക​ൽ കോ​ളേ​ജി​ൽ ചി​കി​ത്സ​യി​ലു​ള്ള യു​വ​തി അ​ത്യാ​സ​ന്ന ത​ര​ണം ചെ​യ്തു.​ക്വാ​ഷാ​ലി​റ്റി​യി​ൽ നി​ന്ന് ഇ​വ​രെ വാ​ർ​ഡി​ലേ​ക്ക് മാ​റ്റി​യി​ട്ടു​ണ്ട്. സം​ഭ​വ​ത്തി​ൽ അ​ന്വേ​ഷ​ണം ഊ​ർ​ജി​ത​മാ​ക്കി​യ​താ​യി പോ​ലീ​സ് അ​റി​യി​ച്ചു.