ആ തീരുമാനം കൈക്കൊള്ളാന്‍ അത്ര എളുപ്പമല്ലായിരുന്നു; വിവാഹമോചനം സമ്മാനിച്ചത് വലിയ വേദനകളെന്ന് അമലാപോള്‍

സംവിധായകന്‍ എ.എല്‍ വിജയുമായുള്ള വിവാഹമോചനം തനിക്ക് ഏറെ വേദനകള്‍ സമ്മാനിച്ചുവെന്ന്് നടി അമലാപോള്‍. ഒരു തമിഴ് മാധ്യമത്തിന് നല്‍കിയ അഭിമുഖത്തിലാണ് അമലയുടെ വെളിപ്പെടുത്തല്‍. ‘വിവാഹ മോചനം നല്ലതോ ചീത്തയോ എന്നൊന്നും നിര്‍വചിക്കാന്‍ എനിക്കാകില്ല. എന്നെ സംബന്ധിച്ച് ഒരുപാട് വേദനകള്‍ നിറഞ്ഞതായിരുന്നു. എളുപ്പമായിരുന്നില്ല ആ നിമിഷങ്ങള്‍… അമല പറയുന്നു.

വിവാഹ ജീവിതത്തില്‍ ഞാനും വിജയും ഒരുപാട് വിഷമം നിറഞ്ഞ ഘട്ടങ്ങളിലൂടെ കടന്നു പോയിട്ടുണ്ട്. വേര്‍പിരിയാന്‍ തീരുമാനിച്ചപ്പോഴും. ഞങ്ങള്‍ രണ്ടുപേരും സിനിമയില്‍ നിന്നുള്ളവരായതിനാല്‍ അതത്ര എളുപ്പമല്ലായിരുന്നു. ഒരുപാട് പേര്‍ ഞങ്ങളുടെ വിഷയത്തില്‍ ആവശ്യമില്ലാതെ ഇടപ്പെട്ടു. ജീവിതത്തിന്റെ നല്ലവശം നോക്കി കാണാനാണ് എനിക്കിഷ്ടം. അതുകൊണ്ട് എല്ലാ പ്രശ്‌നങ്ങളെയും മറികടന്ന് മുന്നോട്ട് പോകുന്നു’ അമല പറഞ്ഞു.

പുതിയ ചിത്രമായ തിരുട്ടുപയലേ 2 വിന്റെ വിശേഷങ്ങളും അമല പങ്കുവയ്ച്ചു. ചിത്രത്തിന്റെ ഫസ്റ്റ്‌ലുക്ക് ഏറെ ആഘോഷിക്കുപ്പെടുകയും വിമര്‍ശിക്കപ്പെടുകയും ചെയ്തതാണ്. സമൂഹമാധ്യമങ്ങളിലൂടെ പലരും അമലയ്ക്കു നേരെ കടുത്ത ആക്രമണം അഴിച്ചുവിടുകയും ചെയ്തു. എന്നാല്‍ വിമര്‍ശനങ്ങള്‍ തന്നെ ബാധിക്കാറില്ലെന്ന് അമല വ്യക്തമാക്കുന്നു.’മറ്റുള്ളവരുടെ സര്‍ഗത്മകതയെ ചിലര്‍ അംഗീകരിക്കില്ല. ട്വിറ്റര്‍ പോലുള്ള മാധ്യമങ്ങള്‍ ഇക്കൂട്ടര്‍ മോശം കാര്യങ്ങള്‍ക്കാണ് ഉപയോഗിക്കുക. ഇതൊന്നും ഗൗനിക്കേണ്ടതില്ല’ അമല കൂട്ടിച്ചേര്‍ക്കുന്നു.

 

Related posts