ദുരൂഹത ബാക്കി! ആ​ത്മ​ഹ​ത്യ​യെ​ന്ന് പോ​ലീ​സി​ന്‍റെ പ്രാഥമിക നിഗമനം; നാ​ട്ടു​കാ​ർ​ക്കി​ട​യി​​ൽ നി​ല​നി​ൽ​ക്കു​ന്ന​ സംശയം ഇങ്ങനെ…

മാ​വേ​ലി​ക്ക​ര: ചെ​ട്ടി​കു​ള​ങ്ങ​ര​യി​ൽ ഗ്യാ​സ് സി​ല​ണ്ട​ർ പൊ​ട്ടി​ത്തെ​റി​ച്ച് വൃ​ദ്ധ ദ​ന്പ​തി​ക​ൾ കൊ​ല്ല​പ്പെ​ട്ട സം​ഭ​വ​ത്തി​ൽ ആ​ത്മ​ഹ​ത്യാ ശ്ര​മ​മാ​ണ് ഉ​ണ്ടാ​യ​തെ​ന്നു പോ​ലീ​സി​ന്‍റെ സം​ശ​യം .

ആ​ത്മ​ഹ​ത്യാ ശ്ര​മ​മാ​ണെ​ങ്കി​ൽ നി​റ​ഞ്ഞി​രി​ക്കു​ന്ന ഗ്യാ​സ് സി​ല​ിണ്ട​റു​ക​ൾ അ​ടു​ക്ക​ള​യി​ൽനി​ന്ന് എ​ടു​ത്തു​കൊ​ണ്ട് കി​ട​പ്പുമു​റി​യി​ൽ എ​ത്തി​ച്ച​ത് ആ​രെ​ന്ന സം​ശ​യ​മാ​ണ് നാ​ട്ടു​കാ​ർ​ക്കി​ട​യി​​ൽ നി​ല​നി​ൽ​ക്കു​ന്ന​ത്.

എ​ണ്‍​പ​ത് വ​യ​സു​കാ​ര​നാ​യ രാ​ഘ​വ​നും ശാ​രീ​രി​ക​മാ​യി അ​വ​ശ​ത​യി​ലു​ള്ള മ​ണി​യ​മ്മ​യ്ക്കും ഇ​തു​സാ​ധി​ക്കു​മോ എ​ന്ന ചോ​ദ്യ​മാ​ണ് പ്ര​ദേ​ശ​വാ​സി​ക​ൾ ഉ​യ​ർ​ത്തു​ന്ന​ത്.

അ​ടു​ക്ക​ള​യി​ൽ ഗ്യാ​സ് അ​ടു​പ്പി​ൽ നി​ന്ന് റെ​ഗു​ലേ​റ്റ​ർ വേ​ർ​പെ​ടു​ത്തു​ന്ന​തുത​ന്നെ ശ്ര​മ​ക​ര​മാ​യ ജോ​ലി​യാ​ണെ​ന്ന് ഈ​രം​ഗ​ത്തെ വി​ദ​ഗ്ധരും പ​റ​യു​ന്നു. മ​റി​ച്ച് അ​പ​ക​ട​മാ​ണെ​ങ്കി​ൽ എ​ന്തി​ന് ഗ്യാ​സ് സി​ല​ിണ്ട​ർ മു​റി​ക്കു​ള്ളി​ൽ എ​ത്തി​ച്ചു എ​ന്ന സം​ശ​യ​വും നി​ല​നി​ൽ​ക്കു​ന്നു.

വീ​ട്ടി​ൽ ഉ​ണ്ടാ​യി​രു​ന്ന​തി​ൽ ര​ണ്ട് ഗ്യാ​സ് സി​ല​ിണ്ട​റു​ക​ൾ കി​ട​പ്പു​മു​റി​യി​ൽ എ​ത്തി​ച്ച ശേ​ഷം അ​ടു​ക്ക​ള​യി​ൽ ഉ​ണ്ടാ​യി​രു​ന്ന ഗ്യാ​സ് അ​ടു​പ്പി​ൽ നി​ന്ന് റ​ഗു​ലേ​റ്റ​ർ വേ​ർ​പെ​ടു​ത്തി കി​ട​പ്പു മു​റി​യി​ൽ വെ​ച്ചി​രു​ന്ന ഗ്യാ​സ് സി​ലി​ണ്ട​റു​ക​ളി​ൽ ഒ​ന്നി​ൽ റെഗു​ലേ​റ്റ​ർ ഘ​ടി​പ്പി​ക്കു​ക​യും തു​ട​ർ​ന്ന് പാ​ച​ക​വാ​ത​കം തു​റ​ന്നുവി​ട്ട് ആ​ത്മ​ഹ​ത്യ​യ്ക്കു ശ്ര​മി​ച്ച​താ​കാമെ​ന്നു​മാ​ണ് പോ​ലീ​സി​ന്‍റെ സം​ശ​യം.

ഇ​തി​നെ സാ​ധൂ​ക​രി​ക്കുന്നവിധം അ​ടു​ക്ക​ള​യി​ലെ ഗ്യാ​സ് അ​ടു​പ്പി​രി​ക്കു​ന്ന സ്ലാ​ബി​നു താ​ഴെ​യാ​യി റെഗു​ലേ​റ്റ​ർ ഗ്യാ​സ് അ​ടു​പ്പി​ന്‍റെ ഓ​സി​ൽ നി​ന്നു വേ​ർ​പെ​ടു​ത്താ​ൻ ഉ​പ​യോ​ഗി​ച്ച ഉ​പ​ക​ര​ണ​ങ്ങ​ളും ഇ​രി​പ്പു​ണ്ടാ​യി​രു​ന്നു.

കൂ​ടാ​തെ പൊ​ട്ടി​ത്തെ​റി​ച്ച ഗ്യാ​സ് സി​ല​ിണ്ട​റി​ന്‍റെ നോ​ബി​ൽ റെ​ഗു​ലേ​റ്റ​റി​ന്‍റെ ക​ത്തി​ക്ക​രി​ഞ്ഞ കു​റ​ച്ച് അ​വ​ശി​ഷ്ട​ങ്ങ​ളും ക​ണ്ടെ​ത്തി​യി​ട്ടു​ണ്ട്.

തീ​പി​ടിത്ത​ത്തി​ൽ ഭി​ത്തി​യി​ലെ സി​മ​ന്‍റ് പ്ലാ​സ്റ്റ​റിം​ഗു​ക​ളും മ​റ്റും ക​ത്തി​ക്ക​രി​ഞ്ഞു കി​ട​ന്നി​രു​ന്ന മൃ​ത​ദേ​ഹ​ത്തി​ലേ​ക്ക് വീ​ണ നി​ല​യി​ലാ​യി​രു​ന്നു. മ​ണി​യ​മ്മ​യു​ടെ മൃ​ത​ദേ​ഹം കി​ട​പ്പു​മു​റി​യു​ടെ കി​ഴ​ക്കുഭാ​ഗ​ത്തും രാ​ഘ​വ​ന്‍റെ മൃ​ത​ദേ​ഹം മു​റി​യു​ടെ വാ​തി​ലി​നോ​ട് ചേ​ർ​ന്ന് മു​റി​യു​ടെ വ​ട​ക്ക് ഭാ​ഗ​ത്തു​മാ​യി​രു​ന്നു കി​ട​ന്നി​രു​ന്ന​ത്.