നാളുകൾ എണ്ണിയിരിക്കേ അരവിന്ദാക്ഷൻ വിടവാങ്ങിയത്  ആഗ്രഹം സഫലമാകാതെ; സി​പി​എ​മ്മി​ൽ ല​യി​ക്ക​ണ​മെ​ന്ന ആ​ഗ്ര​ഹം ബാ​ക്കി​നി​ൽക്കെയാണ് വിടവാങ്ങിയത്​  

കോ​ട്ട​യം: സി​പി​എ​മ്മി​ൽ ല​യി​ക്ക​ണ​മെ​ന്ന ആ​ഗ്ര​ഹം സ​ഫ​ല​മാ​കാ​ൻ നാ​ളു​ക​ൾ​മാ​ത്രം ബാ​ക്കി​നി​ൽ​ക്കെ​യാ​ണ് കെ.​ആ​ർ. അ​ര​വി​ന്ദാ​ക്ഷ​ന്‍റെ വി​ട​വാ​ങ്ങ​ൽ. ബ​ദ​ൽ രേ​ഖ വി​വാ​ദ​ത്തെ​ത്തു​ട​ർ​ന്നു എം.​വി. രാ​ഘ​വ​നൊ​പ്പം സി​എം​പി രൂ​പീ​ക​രി​ച്ച് യു​ഡി​എ​ഫി​ലെ​ത്തി​യെ​ങ്കി​ലും പ​ല​ഘ​ട്ട​ങ്ങ​ളി​ലും സി​പി​എ​മ്മി​ലേ​ക്കു മ​ട​ങ്ങാ​ൻ ആ​ഗ്ര​ഹം പ്ര​ക​ടി​പ്പി​ച്ചി​രു​ന്നു. സി​എം​പി രൂ​പീ​ക​രി​ച്ചെ​ങ്കി​ലും ത​ന്‍റെ രാ​ഷ്ട്രീ​യ ശൈ​ലി മാ​റ്റു​വാ​ൻ ത​യാ​റാ​യി​ല്ല.

ക​ഴി​ഞ്ഞ ഉ​മ്മ​ൻ ചാ​ണ്ടി സ​ർ​ക്കാ​രി​ന്‍റെ ര​ണ്ടാം വാ​ർ​ഷി​ക​ത്തി​നു​ശേ​ഷം യു​ഡി​എ​ഫു​മാ​യി അ​ക​ന്ന അ​ര​വി​ന്ദാ​ക്ഷ​ൻ ഇ​ട​തു​പ​ക്ഷ​ത്തി​നൊ​പ്പം പ്ര​വ​ർ​ത്തി​ക്കു​വാ​ൻ ശ്ര​മി​ച്ചു. സി​പി​എ​മ്മി​ന്‍റെ ഏ​പ്രി​ലി​ലെ പാ​ർ​ട്ടി കോ​ണ്‍​ഗ്ര​സി​നു​ശേ​ഷം സി​പി​എ​മ്മി​ലേ​ക്കു മ​ട​ങ്ങാ​നു​ള്ള എ​ല്ലാ​ശ്ര​മ​ങ്ങ​ളും അ​ദ്ദേ​ഹം ന​ട​ത്തി പൂ​ർ​ത്തി​ക​രി​ച്ചി​രു​ന്നു. 1987ൽ ​ന​ട​ന്ന നി​യ​മ​സ​ഭാ തെ​ര​ഞ്ഞെ​ടു​പ്പി​ൽ കോ​ട്ട​യ​ത്ത് സ്ഥാ​നാ​ർ​ഥി​യാ​കു​മെ​ന്നു​വ​രെ പ്ര​ചാ​ര​ണ​മു​ണ്ടാ​യി​രു​ന്നു

. പു​റ​ത്താ​ക്ക​പ്പെ​ട്ട എം​വി​ആ​ർ, സി.​പി. ജോ​ണ്‍ എ​ന്നി​വ​രോ​ടൊ​പ്പം സി​എം​പി​യു​ടെ പ്ര​ധാ​ന സം​ഘാ​ട​ക​നാ​യി​മാ​റി. കോ​ട്ട​യം ജി​ല്ലാ സെ​ക്ര​ട്ട​റി​യേ​റ്റ് അം​ഗ​മാ​യി​രു​ന്ന​പ്പോ​ഴാ​ണു സി​പി​എം വി​ട്ട​ത്. എം.​വി. ആ​റി​ന്‍റെ മ​ര​ണ​ശേ​ഷം സി.​പി. ജോ​ണു​മാ​യി തെ​റ്റി​പ്പി​രി​ഞ്ഞു. ഇ​തോ​ടെ യു​ഡി​എ​ഫ് വി​ട്ട് എ​ൽ​ഡി​എ​ഫു​മാ​യി സ​ഹ​ക​രി​ച്ച് പ്ര​ർ​ത്തി​ച്ചു വ​രി​ക​യാ​യി​രു​ന്നു.

ഇ​ട​തു​പ​ക്ഷ സ​ഹ​യാ​ത്രി​ക​നാ​ണെ​ങ്കി​ലും വി​ശ്വാ​സം കൈ​മോ​ശം വ​രു​ത്തു​വാ​ൻ അ​ദ്ദേ​ഹം ഒ​രി​ക്ക​ലും കൂ​ട്ടാ​ക്കി​യി​രു​ന്നി​ല്ല. പി​താ​വി​ന്‍റെ മ​ര​ണ​ത്തോ​ടെ തി​ക​ഞ്ഞ അ​ന്പ​ല​വാ​സി​യാ​യി അ​ര​വി​ന്ദാ​ക്ഷ​ൻ അ​റി​യ​പ്പെ​ട്ടു. മാ​താ​പി​താ​ക്ക​ളു​ടെ ബ​ലി​ത​ർ​പ്പ​ണം എ​ല്ലാ​വ​ർ​ഷ​വും മു​ട​ക്കം കൂ​ടാ​തെ അ​ദ്ദേ​ഹം ന​ട​ത്തി. ആ​ദ്യ​കാ​ല​ങ്ങ​ളി​ൽ അ​ദ്ദേ​ഹ​ത്തി​ന്‍റെ കു​ടും​ബ​വീ​ടാ​യ പൊ​ൻ​കു​ന്നം കൂ​രാ​ലി ത​റ​വാ​ട്ട് വീ​ട്ടു​വ​ള​പ്പി​ലും പി​ന്നീ​ട് കോ​ട്ട​യം തി​രു​ന​ക്ക​ര​യി​ലേ​ക്കു താ​മ​സം മാ​റ്റി​യ​പ്പോ​ഴും ആ​ചാ​രം തു​ട​ർ​ന്നു.

1990ൽ ​മ​ഞ്ഞ​പ്പി​ത്തം ബാ​ധി​ച്ചു മ​ര​ണ​ത്തി​നു കീ​ഴ​ട​ങ്ങു​മെ​ന്ന് ഡോക്ട​ർ​മാ​ർ വി​ധി​യെ​ഴു​തി​യ​തി​നു​ശേ​ഷം പൂ​ർ​ണ ആ​രോ​ഗ്യ​വാ​നാ​യി തി​രി​ച്ചെ​ത്തി​യ​ത് സ​ജീ​വ രാ​ഷ്ട്രീ​യ പ്ര​വ​ർ​ത്ത​ക​നാ​യി​ട്ടാ​ണ്. ഇ​ക്കാ​ല​ങ്ങ​ളി​ലെ​ല്ലാം തി​രു​ന​ക്ക​ര ക്ഷേ​ത്ര​ത്തി​ലെ നി​ത്യ​സ​ന്ദ​ർ​ശ​ക​നു​മാ​യി​രു​ന്നു. അ​ഖി​ല ഭാ​ര​ത അ​യ്യ​പ്പ സേ​വാ സം​ഘം ദേ​ശീ​യ എ​ക്സി​ക്യൂ​ട്ടീ​വ് അം​ഗ​മായും അ​ദ്ദേ​ഹം പ്ര​വ​ർ​ത്തി​ച്ചു.