ബൈ​ക്ക് യാ​ത്രി​ക​നെ മ​ർ​ദി​ച്ച് പ​ണം ക​വ​ർ​ന്ന കേ​സി​ൽ ര​ണ്ടുപേ​ർ റി​മാന്‍റി​ൽ; ഭീ​ഷ​ണി​പ്പെ​ടു​ത്തി മ​ർ​ദി​ച്ചശേ​ഷം പ​ണം അ​ടി​വ​സ്ത്ര​ത്തോ​ടുകൂടി കൊണ്ടുപോയെന്ന് യുവാവ്​

ച​വ​റ : ലി​ഫ്റ്റ് ചോ​ദി​ച്ച് ബൈ​ക്കി​ൽ ക​യ​റി​യ ശേ​ഷം ബൈ​ക്ക് യാ​ത്രി​ക​നെ മ​ർ​ദി​ച്ച് പ​ണം ക​വ​ർ​ന്ന കേ​സി​ൽ ര​ണ്ട് പേ​ർ റി​മാ​ന്‍റി​ൽ. തേ​വ​ല​ക്ക​ര പാ​ല​യ്ക്ക​ൽ നൂ​റാംകു​ഴി വീ​ട്ടി​ൽ ഷാ​ന​വാ​സ് ( 35 ),പ​ന്മ​ന മ​ന​യി​ൽ തൈ​യി​ൽ തെ​ക്ക​തി​ൽ നാ​ദ​ർ​ഷാ (36) എ​ന്നി​വ​രെ​യാ​ണ് ച​വ​റ പോ​ലീ​സ് അ​റ​സ്റ്റ് ചെ​യ്ത​ത്.

ക​ഴി​ഞ്ഞ 18 ന് ​രാ​ത്രി​ ‌‌പ​റ​മ്പി​മു​ക്കി​ന് സ​മീ​പം വാ​ട​ക​യ്ക്ക് താ​മ​സി​ച്ചു​വ​രു​ന്ന പ​ന്മ​ന സെ​വ​ന്‍റീ​ൻ കോ​ള​നി​യി​ൽ ച​വ​റ കെ​എം​എം​എ​ൽ എം.​എ​സ് യൂ​ണി​റ്റി​ലെ ജീ​വ​ന​ക്കാ​ര​ൻ റെ​ജി​യെ മ​ർ​ദി​ച്ച ശേ​ഷം അ​ടി​വ​സ്ത്ര​ത്തിന്‍റെ പോ​ക്കേ​റ്റി​ൽ സൂ​ക്ഷി​ച്ചി​രു​ന്ന പ​തി​മൂ​വാ​യി​രം രൂ​പ ക​വ​ർ​ച്ച ചെ​യ്ത കേ​സി​ലാ​ണ് ഇ​രു​വ​രും റി​മാ​ന്‍റി​ൽ ആ​യ​ത്.

പ​രി​ക്കേ​റ്റ റെ​ജി ച​വ​റ​യി​ലെ സ​ർ​ക്കാ​ർ ആ​ശു​പ​ത്രി​യി​ൽ ചി​കി​ത്സ​യി​ലാ​ണ് .ലി​ഫ്റ്റ് ചോ​ദി​ച്ചു ക​യ​റി​യ ഇ​രു​വ​രും സ​മീ​പ​ത്ത് ഇ​റ​ക്കി​യാ​ൽ മ​തി​യെ​ന്ന് പ​റ​ഞ്ഞാ​ണ് ബൈ​ക്കി​ൽ​ക്ക​യ​റി​യ​ത്. തു​ട​ർ​ന്ന് മു​ഖം മൂ​ടി ജം​ഗ്ഷ​നി​ൽ എ​ത്തി​യ​പ്പോ​ൾ അ​ൽ​പ്പം കൂ​ടി മു​ന്നോ​ട്ട് പോ​കാ​ൻ ആ​വ​ശ്യ​പ്പെ​ടു​ക​യും ചെ​യ്തു.

പ​യ്യ​ന്നൂ​ർ കാ​വി​ന് സ​മീ​പം വെ​ച്ച് ഭീ​ഷ​ണി​പ്പെ​ടു​ത്തി മ​ർ​ദി​ച്ചശേ​ഷം പ​ണം അ​ടി​വ​സ്ത്ര​ത്തോ​ടെ ഊ​രി​ക്കൊ​ണ്ടു പോ​കു​ക​യു​മാ​യി​രു​ന്നു​വെ​ന്ന് പോ​ലീ​സി​നു ന​ൽ​കി​യ പ​രാ​തി​യി​ൽ റെ​ജി പ​റ​ഞ്ഞു. ച​വ​റ പോ​ലീ​സ് സ്റ്റേ​ഷ​നി​ലെ എ​സ്ഐ സു​ഖേ​ഷി​ൻ്റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘ​മാ​ണ് ഇ​രു​വ​രെ​യും അ​റ​സ്റ്റ് ചെ​യ്ത​ത്.​ഇ​വ​രെ ച​വ​റ കോ​ട​തി റി​മാ​ൻ്റ് ചെ​യ്തു.

Related posts