പിറവത്ത് വീ​ട്ട​മ്മ​യെ വെ​ട്ടി​ക്കൊ​ന്ന സം​ഭ​വം; പ്ര​തി എ​ത്തി​യ​ത് വാ​ക്ക​ത്തി​യു​മാ​യി;  ശിവരാമനെ വീട്ടമ്മയ്ക്ക് നേരത്തെ പരിചയമുണ്ടായിരുന്നതായി പോലീസ്

പി​റ​വം: വീ​ട്ട​മ്മ​യെ വെ​ട്ടി​ക്കൊ​ല​പ്പെ​ടു​ത്തി​യ സം​ഭ​വ​ത്തി​ൽ പ്ര​തി വീ​ട്ടി​ൽ എ​ത്തി​യ​ത് വാ​ക്ക​ത്തി​യു​മാ​യി. വ​ട്ട​പ​റ​മ്പി​ൽ വീ​ട്ടി​ൽ പ​രേ​ത​നാ​യ കൃ​ഷ്ണ​ൻ​കു​ട്ടി​യു​ടെ ഭാ​ര്യ ശ്യാ​മ​ള​കു​മാ​രി (54) യാ​ണ് കൊ​ല്ല​പ്പെ​ട്ട​ത്.

പ്ര​തി​യാ​യ ക​ക്കാ​ട് സ്വ​ദേ​ശി ശി​വ​രാ​മ​ൻ പോ​ലീ​സി​ന്‍റെ ക​സ്റ്റ​ഡി​യി​ലാ​ണ്. പി​റ​വം പോ​ലീ​സ് സ്റ്റേ​ഷ​നി​ൽ നി​ന്നും 250 മീ​റ്റ​ർ അ​ക​ലെ ഇ​ന്ന​ലെ ഉ​ച്ച​യോ​ടെ സം​ഭ​വ​മു​ണ്ടാ​യ​ത്.

പ്ര​തി​യു​മാ​യി വീ​ട്ട​മ്മ​യ്ക്കു മു​ൻ​പ​രി​ച​യ​മു​ണ്ടാ​യി​രു​ന്ന​താ​യി പോ​ലീ​സ് പ​റ​ഞ്ഞു. വാ​ക്ക​ത്തി​യു​മാ​യി വീ​ട്ടി​ലെ​ത്തി​യ പ്ര​തി മു​ൻ​കൂ​ട്ടി നി​ശ്ച​യി​ച്ച പ്ര​കാ​രം കൊ​ല​പ്പെ​ടു​ത്തി​യ​താ​ണ​ന്നാ​ണ് പോ​ലീ​സ് ന​ൽ​കു​ന്ന സൂ​ച​ന.

ദേ​ഹ​മാ​സ​ക​ലം വെ​ട്ടു​ക​യും കു​ത്തു​ക​യും ചെ​യ്തി​ട്ടു​ണ്ട്. കൃ​ത്യ​ത്തി​നു ശേ​ഷം പ്ര​തി പോ​ലീ​സ് സ്റ്റേ​ഷ​നി​ലെ​ത്തി കീ​ഴ​ട​ങ്ങു​ക​യാ​യി​രു​ന്നു. ശ്യാ​മ​ള​യു​ടെ വീ​ട്ടി​ൽ ഓ​ട്ടോ​റി​ക്ഷ​യി​ലാ​ണ് പ്ര​തി​യെ​ത്തി​യ​ത്. ഇ​തി​നു ശേ​ഷം ശ്യാ​മ​ള​യും ശി​വ​രാ​മ​നു​മാ​യി ത​ർ​ക്ക​മു​ണ്ടാ​യ​താ​യി ക​രു​തു​ന്നു.

വീ​ടി​നു​ള്ളി​ൽ സാ​ധാ​ന​ങ്ങ​ൾ അ​ല​ങ്കോ​ല​പ്പെ​ട്ടാ​ണു കാ​ണ​പ്പെ​ട്ട​ത്. മൃ​ത​ദേ​ഹം വീ​ടി​ന്‍റെ പി​ൻ​വ​ശ​ത്തെ മു​റ്റ​ത്താ​ണ് കി​ട​ന്ന​ത്. സം​ഭ​വ​ത്തി​നു ശേ​ഷം ശി​വ​രാ​മ​ൻ ശ്യാ​മ​ള​യു​ടെ ഫോ​ണി​ൽ​നി​ന്നും മ​ക​ൾ ധ​ന്യ​യെ വി​ളി​ച്ച് വി​വ​രം പ​റ​ഞ്ഞു.

മ​ക​ൾ ഉ​ട​നെ സ​ഹോ​ദ​ര​ൻ അ​ശ്വി​നെ അ​റി​യി​ക്കു​ക​യും ചെ​യ്തു. അ​ശ്വ​ൻ എ​ത്തി​യ​പ്പോ​ൾ മാ​താ​വി​നെ മ​രി​ച്ച നി​ല​യി​ലാ​ണ് ക​ണ്ട​ത്. ഈ ​സ​മ​യം പ്ര​തി പോ​ലീ​സ് സ്റ്റേ​ഷ​നി​ലെ​ത്തി കൊ​ല​പാ​ത​കം ന​ട​ത്തി​യ വി​വ​രം പ​റ​ഞ്ഞ് കീ​ഴ​ട​ങ്ങി​യി​രു​ന്നു.

ശ്യാ​മ​ള​യും ശി​വ​രാ​മ​നും മൂ​ന്നു വ​ർ​ഷ​മാ​യി പ​രി​ച​യ​മു​ള്ള​താ​യി പ​റ​യു​ന്നു. ശ്യാ​മ​ള​യു​ടെ മ​ക​ൾ ധ​ന്യ പോ​സ്റ്റ​ൽ ഓ​ഫീ​സി​ൽ ജീ​വ​ന​ക്കാ​രി​യാ​ണ്. മ​ക​ൻ അ​ശ്വി​നൊ​പ്പ​മാ​ണ് ശ്യാ​മ​ള താ​മ​സി​ച്ചി​രു​ന്ന​ത്‌. പ്ര​തി​ക്കു ഭാ​ര്യ​യും ര​ണ്ട് മ​ക്ക​ളു​മു​ണ്ട്.

ക​ള​മ​ശേ​രി മെ​ഡി​ക്ക​ൽ കോ​ള​ജി​ൽ പോ​സ്റ്റ്മോ​ർ​ട്ട​ത്തി​നു ശേ​ഷം ഇ​ന്ന് സം​സ്കാ​രം ന​ട​ത്തും.