ക​ന​ത്ത​മ​ഴ​യും മ​ണ്ണി​ടി​ച്ചി​ലും മൂ​ലം ചു​രം​വ​ഴി​യു​ള്ള ഗ​താ​ഗ​തം പൂർണ്ണമായില്ല; വേണം, അ​ട്ട​പ്പാ​ടിയിലേക്കു ബ​ദ​ൽ​റോ​ഡ്

മ​ണ്ണാ​ർ​ക്കാ​ട്: മ​ല​യോ​ര കു​ടി​യേ​റ്റ​ക​ർ​ഷ​ക​രും ആ​ദി​വാ​സി​ക​ളും തി​ങ്ങി​പ്പാ​ർ​ക്കു​ന്ന അ​ട്ട​പ്പാ​ടി​യി​ലേ​ക്ക് അ​ടി​യ​ന്ത​ര​മാ​യി ബ​ദ​ൽ റോ​ഡ് നി​ർ​മ്മി​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു. കാ​ഞ്ഞി​ര​പ്പു​ഴ ഗ്രാ​മ​പ​ഞ്ചാ​യ​ത്തി​ലെ ചി​റ​ക്ക​ൽ​പ്പ​ടി​യി​ൽ നി​ന്നും കാ​ഞ്ഞി​രം, പൂ​ഞ്ചോ​ല, കു​റു​ക്ക​ൻ​കു​ണ്ട് വ​ഴി​യാ​ണ് നി​ർ​ദ്ദി​ഷ്ട ബൈ​പ്പാ​സി​ന്‍റെ ഘ​ട​ന.

ക​ന​ത്ത​മ​ഴ​യും മ​ണ്ണി​ടി​ച്ചി​ലും മൂ​ലം ചു​രം​വ​ഴി​യു​ള്ള ഗ​താ​ഗ​തം സു​ഖ​ക​ര​മാ​യി​ട്ടി​ല്ല. 13 സ്ഥ​ല​ങ്ങ​ളി​ലാ​ണ് മ​ണ്ണി​ടി​ഞ്ഞും മ​രം​വീ​ണും ചു​രം റോ​ഡി​ലെ ഗ​താ​ഗ​തം ത​ട​സ​പ്പെ​ട്ട​ത്. ഭാ​ഗി​ക​മാ​യി മാ​ത്ര​മാ​ണ് ചു​രം റോ​ഡി​ലൂ​ടെ വാ​ഹ​ന​ങ്ങ​ൾ ക​ട​ന്നു​പോ​കു​ന്ന​ത്. മ​ഴ​മാ​റി​യെ​ങ്കി​ലും ചു​രം റോ​ഡി​ൽ മ​ണ്ണി​ടി​ച്ചി​ലി​നു​ള്ള സാ​ധ്യ​ത​ക​ൾ ഏ​റെ​യാ​ണ്. അ​ധി​കൃ​ത​ർ ഇ​ത് മ​ന​സി​ലാ​ക്കു​ന്നി​ല്ല.

ഓ​ണം അ​വ​ധി ക​ഴി​ഞ്ഞ് വി​ദ്യാ​ല​യ​ങ്ങ​ൾ ഇ​ന്നു​മു​ത​ൽ തു​റ​ക്കു​ക​കൂ​ടി ചെ​യ്യു​ന്ന​തോ​ടെ അ​ട്ട​പ്പാ​ടി​യി​ലേ​ക്കു​ള്ള യാ​ത്രാ​ക്ലേ​ശം വ​ർ​ധി​ക്കും. ര​ണ്ടു​ത​വ​ണ​യാ​യി ആ​ഴ്ച​ക​ളോ​ളം ഗ​താ​ഗ​ത​ത​ട​സം ഉ​ണ്ടാ​യി​ട്ടും അ​ധി​കൃ​ത​ർ യു​ക്ത​മാ​യ നി​ല​പാ​ട് എ​ടു​ക്കാ​ൻ ത​യ്യാ​റാ​കു​ന്നി​ല്ലെ​ന്നാ​ണ് പ​രാ​തി.

ദി​നം​പ്ര​തി നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് അ​ട്ട​പ്പാ​ടി​യി​ലേ​ക്ക് മ​ണ്ണാ​ർ​ക്കാ​ട് വ​ഴി പോ​കു​ന്ന​ത്. എ​ന്നാ​ൽ റോ​ഡി​ന്‍റെ ത​ക​ർ​ച്ച​യോ​ടെ ഇ​വ​രെ​ല്ലാം ദു​രി​തം അ​നു​ഭ​വി​ക്കു​ക​യാ​ണ്. ബ​ദ​ൽ​റോ​ഡി​ന്‍റെ സ​ർ​വേ ന​ട​പ​ടി​ക​ൾ​ക്ക് പോ​ലും തീ​രു​മാ​ന​മാ​യി​ട്ടി​ല്ല. ബ​ദ​ൽ റോ​ഡ് എ​ന്ന​ത് സ്വ​പ്ന​മാ​യി മാ​റു​മോ എ​ന്ന ആ​ശ​ങ്ക​യി​ലാ​ണ് ഇ​പ്പോ​ൾ ജ​ന​ങ്ങ​ൾ