ബൈ​ക്കി​ലെ​ത്തി​യ സം​ഘം യു​വ​തി​യു​ടെ ബാ​ഗ് ത​ട്ടി​പ്പ​റി​ച്ച് ര​ക്ഷ​പ്പെ​ട്ട സം​ഭ​വം; സിസിടിവി ദൃശ്യം പോലീസ് പരിശോധിക്കുന്നു;  സംഭവത്തെക്കുറിച്ച് യുവതി പറ‍യുന്നതിങ്ങനെ… 

കോ​ട്ട​യം: സി​നി​മ സ്റ്റെ​ലി​ൽ ബൈ​ക്കി​ലെ​ത്തി​യ സം​ഘം യു​വ​തി​യു​ടെ ബാ​ഗ് ത​ട്ടി​പ്പ​റി​ച്ചു ര​ക്ഷ​പ്പെ​ട്ട സം​ഭ​വ​ത്തി​ൽ വാ​ക​ത്താ​നം പോ​ലീ​സ് അ​ന്വേ​ഷ​ണ​മാ​രം​ഭി​ച്ചു. ഇ​ന്ന​ലെ രാ​ത്രി 7.45നു ​ഇ​ര​വു​ചി​റ കോ​ണ്ടോ​ടി​പ്പ​ടി​യി​ലാ​ണു ബൈ​ക്കി​ലെ​ത്തി​യ സം​ഘം യു​വ​തി​യു​ടെ കൈ​യി​ലു​ണ്ടാ​യി​രു​ന്ന ബാ​ഗും ത​ട്ടി​പ്പ​റി​ച്ചു ര​ക്ഷ​പ്പെ​ട്ട​ത്. കൊ​ണ്ടോ​ടി​പ്പ​ടി​യി​ൽ വാ​ട​ക​യ്ക്കു താ​മ​സി​ക്കു​ന്ന ചി​ങ്ങ​വ​നം പോ​ള​ച്ചി​റ പു​ത്ത​ൻ​വീ​ട്ടി​ൽ മു​രു​ക​ന്‍റെ ഭാ​ര്യ സ്മി​ത​യു​ടെ ബാ​ഗാ​ണു ബൈ​ക്കി​ലെ​ത്തി​യ സം​ഘം ത​ട്ടി​യെ​ടു​ത്ത​ത്.

സ​മീ​പ പ്ര​ദേ​ശ​ത്തു​ള്ള സ്വ​കാ​ര്യ സ്ഥാ​പ​ന​ങ്ങ​ളി​ലെ സി​സി​ടി​വി ദൃ​ശ്യ​ങ്ങ​ൾ ശേ​ഖ​രി​ച്ചാ​ണു അ​ന്വേ​ഷ​ണം ന​ട​ത്തു​ന്ന​തെ​ന്നു പോ​ലീ​സ് പ​റ​ഞ്ഞു. ബൈ​ക്കി​ലെ​ത്തി​യ സം​ഘം ബാ​ഗ് ത​ട്ടി​യെ​ടു​ക്കു​ന്ന​ ദൃ​ശ്യ​ങ്ങ​ൾ സ​മീ​പ​ത്തു​ള്ള സി​സി​ടി​വി​യി​ൽ പ​തി​ഞ്ഞി​ട്ടു​ണ്ട്. ഇ​തി​ന്‍റെ ദൃ​ശ്യ​ങ്ങ​ൾ പോ​ലീ​സ് ഇ​ന്ന​ലെ ത​ന്നെ ശേ​ഖ​രി​ച്ചി​രു​ന്നു. ഇ​തി​നു പു​റ​മേ വാ​ക​ത്താ​നം, ക​റു​ക​ച്ചാ​ൽ, ച​ങ്ങ​നാ​ശേ​രി മേ​ഖ​ല​ക​ളി​ൽ നി​ന്നും സ​മാ​ന​മാ​യ കേ​സു​ക​ളി​ൽ പി​ടി​ക്ക​പ്പെ​ട്ടി​ട്ടു​ള്ള​വ​രെ​ക്കു​റി​ച്ചും പോ​ലീ​സ് അ​ന്വേ​ഷി​ക്കു​ന്നു​ണ്ട്.

കോ​ട്ട​യം നാ​ഗ​ന്പ​ട​ത്തു​ള്ള സ്വ​കാ​ര്യ സ്ഥാ​പ​ന​ത്തി​ൽ ജോ​ലി ചെ​യ്യു​ന്ന സ്മി​ത സ്കൂ​ട്ട​റി​ൽ വീ​ട്ടി​ലേ​ക്കു മ​ട​ങ്ങു​ന്പോ​ഴാ​യി​രു​ന്നു സം​ഭ​വം. സ്കൂ​ട്ട​റിന്‍റെ ഹാ​ന്‌ഡിലി​ലാ​യി​രു​ന്നു ബാ​ഗ് തൂ​ക്കി​യി​ട്ടി​രു​ന്ന​ത്. വ​ഴി ചോ​ദി​ക്കാ​നെ​ന്ന പോ​ലെ ബൈ​ക്ക് നി​ർ​ത്തി​യ​ശേ​ഷ​മാ​ണു ര​ണ്ടം​ഗ സം​ഘം ബാ​ഗ് വേ​ഗ​ത്തി​ൽ ത​ട്ടി​യെ​ടു​ത്തു ര​ക്ഷ​പ്പെ​ടു​ക​യാ​യി​രു​ന്നു. സ്മി​ത ബ​ഹ​ളം വ​ച്ച​തോ​ടെ പ്ര​ദേ​ശ​ത്തു​ണ്ടാ​യി​രു​ന്ന​വ​ർ ചേ​ർ​ന്നു സം​ഭ​വം വാ​ക​ത്താ​നം പോ​ലീ​സി​ൽ അ​റി​യി​ക്കു​ക​യാ​യി​രു​ന്നു.

പോ​ലീ​സ് എ​ത്തി വി​വി​ധ സ്ഥ​ല​ങ്ങ​ളി​ൽ തെരച്ചിൽ ന​ട​ത്തി​യെ​ങ്കി​ലും ഇ​വ​രെ ക​ണ്ടെ​ത്താ​ൻ ക​ഴി​ഞ്ഞി​ല്ല. കൊ​ണ്ടോ​ടി​പ്പ​ടി​യി​ൽ നി​ന്നും ച​ങ്ങ​നാ​ശേ​രി, തോ​ട്ട​യ്ക്കാ​ട്, പാ​ന്പാ​ടി, പു​തു​പ്പ​ള്ളി എ​ന്നീ സ്ഥ​ല​ങ്ങ​ളി​ലേ​ക്കു ചെ​റു​വ​ഴി​ക​ൾ ഉള്ള​തി​നാ​ൽ ബൈ​ക്കി​ലെ​ത്തി​യ സം​ഘം ഏ​തു​വ​ഴി​യി​ൽ കൂ​ടി​യാ​ണു ര​ക്ഷ​പ്പെ​ട്ട​തെ​ന്നു ക​ണ്ടെ​ത്താ​ൻ ക​ഴി​ഞ്ഞി​ല്ല. അ​തേ​സ​മ​യം വാ​ക​ത്താ​നം പോ​ലീ​സ് ക​റു​ക​ച്ചാ​ൽ പോ​ലീ​സി​നെ​യും വി​വ​ര​മ​റി​യി​ച്ചി​രു​ന്നു.

ബൈ​ക്കി​ൽ ര​ക്ഷ​പ്പെ​ട്ട സം​ഘം ക​റു​ക​ച്ചാ​ൽ പോ​ലീ​സി​ന്‍റെ പ​രി​ധി​യി​ലേ​ക്കു ചെ​ല്ലാ​നു​ള്ള സാ​ധ്യ​ത ക​ണ​ക്കി​ലെ​ടു​ത്താ​ണു വി​വ​ര​മ​റി​യി​ച്ച​ത്. സ്മി​ത​യു​ടെ ന​ഷ്്ട​പ്പെ​ട്ട ബാ​ഗി​നു​ള്ളി​ൽ പ​ണ​മോ സ്വ​ർ​ണ​മോ ഇ​ല്ലാ​യി​രു​ന്നു​വെ​ങ്കി​ലും വി​ല​പ്പെ​ട്ട രേ​ഖ​ക​ളാ​യ റേ​ഷ​ൻ കാ​ർ​ഡ്, ബാ​ങ്ക് പാ​സ്ബു​ക്ക് എ​ന്നി​വ​യു​ണ്ടാ​യി​രു​ന്നു. ബാ​ഗ് ത​ട്ടി​യെ​ടു​ത്ത സം​ഘ​ത്തെ ഉ​ട​ൻ പി​ടി​കൂ​ടു​മെ​ന്നു പോ​ലീ​സ് പ​റ​ഞ്ഞു.