ബംഗളൂരു നഗരത്തിൽ വിനോദ സഞ്ചാരത്തിനായി വന്ന ജാക്ക് ഹീറ്റൺ എന്ന വിദേശ യുവാവ് സമൂഹ മാധ്യമങ്ങളിൽ ബംഗളൂരു നഗരത്തെക്കുറിച്ച് പോസ്റ്റ് ചെയ്ത വീഡിയോയാണ് ഇപ്പോൾ വൈറൽ. ബംഗളൂരു നഗരത്തിന്റെ അന്തരീക്ഷവും സംസ്കാരവും, പ്രക്യതി ഭംഗിയുമാണ് ജാക്കിനെ ആകർഷിച്ചത്.
ബംഗളൂരുവിലെ രണ്ടാഴ്ച താമസം തന്നെ ആശ്ചര്യപ്പെടുത്തിയെന്നും , ഒരിക്കലും ഇങ്ങനെയാണെന്ന് വിചാരിച്ചതുമില്ലെന്ന് ജാക്ക് പറയുന്നു. ബംഗളൂരുവിന്റെ തനതായ സംസ്കാരവും പ്രകൃതി ഭംഗിയും പ്രത്യേക രീതിയിലുള്ള അമ്പലത്തിന്റെ ഡിസൈനുകളും സ്റ്റാർട്ടപ്പുകളും അതിനെ മനോഹരമാക്കുന്നുവെന്നും ജാക്ക് നിരീക്ഷിക്കുന്നു.
സോഷ്യൽ മീഡിയ ബംഗളൂരു സമൂഹത്തിന്റെ മോശം വശങ്ങളെയാണ് ചൂണ്ടികാണിക്കുന്നത് എന്നാൽ യഥാർഥത്തിൽ അങ്ങനെയല്ലെന്നും ജാക്ക് വ്യക്തമാക്കുന്നു. വ്യക്തിപരമായ താത്പര്യംകൊണ്ട് ബംഗളൂരു നഗരം തന്റെ റാംഗ് ലിസ്റ്റിൽ ഒന്നാമത് ഇടം പിടിച്ചുവെന്നും ജാക്ക് പറഞ്ഞു.
സമൂഹ മാധ്യമങ്ങൾ പലപ്പോഴായി ഇന്ത്യയെ മോശമായാണ് ചിത്രീകരിച്ചിരിക്കുന്നതെന്നും അതിനാൽതന്നെ സത്യം അതൊന്നുമല്ലെന്നും ജാക്ക് പറയുന്നു. തനിക്ക് ബംഗളൂരുവിൽ സുഹൃത്തുക്കളുള്ളത് അവിടെത്തെ സംസ്കാരം മനസിലാക്കാനും ആഘോഷങ്ങളിൽ പങ്കെടുക്കാൻ സഹായിച്ചതായും ജാക്ക് വ്യക്തമാക്കി. തന്റെ വ്യക്തിപരമായ അഭിപ്രായത്തിൽ തമിഴ് നാടിനെക്കാളും ബംഗളൂരുവാണ് ഒന്നാമതെന്നും ജാക്ക് പറയുന്നു.
