പറ്റിപ്പോയി, ചെയ്തുപോയ അബദ്ധത്തെയോര്‍ത്ത് ഞാന്‍ പശ്ചാത്തപിക്കുന്നു. ഐസിസില്‍ ചേര്‍ന്നതിന് ജയിലിലായ ആദ്യത്തെ ബ്രിട്ടീഷ് വനിതയായ മാറിയ തരീന ഷക്കീലിന്‍റെ വാക്കുകളാണിത്.
ഓണ്‍ലൈന്‍ ഗ്രൂമര്‍മാര്‍ തന്നെ ‘മുതലെടുത്തുവെന്നും ദ ഒണ്‍ലി വേ ഈസ് എസെക്സ് പോലുള്ള റിയാലിറ്റി ടിവി ഷോകളുടെ ആരാധികയായതോടെ ‘ടോവി ജിഹാദി’ എന്ന വിളിപ്പേരും തനിക്ക് ലഭിച്ചുവെന്നും ഷക്കീല്‍ പറയുന്നു.
ഐസിസ് ഭയാനകമായ കുറ്റകൃത്യങ്ങള്‍ നടക്കുന്ന ഇടമാണെന്ന് അറിഞ്ഞിട്ടാണ് ഈ സ്ത്രീ അതിന്‍റെ ആരാധികയായി തീര്‍ന്നത്.
എങ്ങനെ കിട്ടി ഈ ധൈര്യം
സ്പൈസ് ഗേള്‍സിനെ ശ്രവിക്കുകയും ടാലന്റ് മത്സരങ്ങളില്‍ പങ്കെടുക്കുകയും ചെയ്തിരുന്ന പാശ്ചാത്യ വിദ്യാഭ്യാസം നേടിയ ഷക്കീല്‍ എന്ന 32 കാരി,ഐസിസില്‍ ചേര്‍ന്നതിനുശേഷം ഒരു വര്‍ഷത്തിന് ശേഷമാണ് ബ്രിട്ടനിലേക്ക് മടങ്ങിയെത്തിയത്.
ഇതിനുശേഷമാണ് ശേഷം ജയിലില്‍ അടയ്ക്കപ്പെട്ടത്. സിറിയയില്‍ നിന്ന് രക്ഷപ്പെടാന്‍ അവള്‍ക്ക് എങ്ങനെ സാധിച്ചു എന്നറിയാതെ ഡിറ്റക്ടീവുകള്‍ പോലും സ്തംഭിച്ചു.
ഇപ്പോഴും അവള്‍’ഗുരുതരമായ അപകടത്തിലാണ്.സിറിയയില്‍ നിന്ന് തോക്കുകളുമായി പോസ് ചെയ്യുന്നതിന്റെയും കുഞ്ഞിനെ ഐസിസ് തൊപ്പി അണിയിക്കുന്നതിന്റെയും ഫോട്ടോകള്‍ പങ്കിട്ട അമ്മ – ഇസ്ലാമിക് സ്റ്റേറ്റില്‍ ചേര്‍ന്ന് ബ്രിട്ടനിലെ ഏക സ്ത്രീയായി തുടരുന്നു.
പരിണിതഫലങ്ങള്‍ ഇന്നും
2018-ല്‍ പുറത്തിറങ്ങിയതിന് ശേഷമുള്ള ഒരു അപൂര്‍വ അഭിമുഖത്തില്‍,ബിബിസി റേഡിയോ 4-ന്റെ ടുഡേ പ്രോഗ്രാമിനോട് തരീന പറഞ്ഞു:
തന്റെ ആറ് വര്‍ഷത്തെ തടവിന്റെ പകുതിയില്‍ താഴെ അനുഭവിക്കുകയും ഒരു ഡീറാഡിക്കലൈസേഷന്‍ പ്രോഗ്രാമിന് വിധേയയാകുകയും ചെയ്തു.
‘സിറിയയിലേക്ക് ഓടിപ്പോയതില്‍ ഞാന്‍ ഖേദിക്കുന്നു. ഞാനും എന്റെ കുട്ടിയും എല്ലാ ദിവസവും ആ പരിണതഫലങ്ങളുമായാണ് ജീവിക്കുന്നത്.
വിദ്യാഭ്യാസം നേടിയ എനിക്ക് ് ഐഎസ് പറയുന്ന കാര്യങ്ങള്‍ സത്യമല്ലെന്ന് അറിയാമായിരുന്നു. പക്ഷേ, അതൊരു നീണ്ട യാത്രയായിരുന്നു.
ആ യാത്രയില്‍ ധാരാളം ആളുകളെ കണ്ടു. ജയിലില്‍ ഇമാമുമാരും പുറത്തുള്ള ഉപദേശകരും ഉള്‍പ്പെടെ നിരവധി ആളുകളുമായി ഞാന്‍ ധാരാളം സംഭാഷണങ്ങള്‍ നടത്തിയിട്ടുണ്ട്.
വിനോദയാത്രയ്‌ക്കെന്ന് പറഞ്ഞ്
24 വയസ്സുള്ളപ്പോഴാണ് ഷക്കില്‍ തന്റെ മകനെ ടര്‍ക്കിഷ് ബീച്ചില്‍ വിനോദയാത്രയ്ക്ക്് കൊണ്ടുപോകുകയാണെന്ന് കുടുംബത്തോട് പറഞ്ഞ് വീട്ടില്‍ നിന്നും ഇറങ്ങിയത്. അവളുടെ വിദ്യാര്‍ത്ഥി വായ്പ ഉപയോഗിച്ച് യാത്രയ്ക്ക് പണം ശേഖരിച്ച് അവള്‍ അതിര്‍ത്തി കടന്ന് സിറിയയിലേക്ക് പോയി.
അവിടെനിന്നും സിറിയയിലെ ഇസ്ലാമിക് സ്റ്റേറ്റിന്റെ (ഐസിസ്) ശക്തികേന്ദ്രമായ റാഖയിലേക്കക്കും പോയി.
സ്റ്റാഫോര്‍ഡ്ഷെയറിലെ ബര്‍ട്ടണ്‍ ഓണ്‍ ട്രെന്റില്‍ നിന്നുള്ള ഷക്കില്‍, സിറിയയില്‍ ഐസിസ് ബാലക്ലാവ ധരിച്ച് മകനോടൊപ്പം എകെ 47 ഉപയോഗിച്ച് പോസ് ചെയ്യുന്ന ഫോട്ടോ എടുത്തു.
പോരാട്ടത്തില്‍ പങ്കുചേരാന്‍ മറ്റുള്ളവരെ പ്രോത്സാഹിപ്പിക്കുന്നതിനായി ഈ ചിത്രം അവള്‍ ട്വിറ്ററില്‍ പങ്കുവെച്ചു.
അവള്‍ എപ്പോഴും പഠിക്കുന്ന, ഒരിക്കലും നൈറ്റ്ക്ലബ്ബുകളില്‍ പോകാത്ത ഒരു മകള്‍’ ആയിരുന്നുവെന്നാണ് അവളുടെ പിതാവ് മുഹമ്മദ് പറഞ്ഞു.
ഓണ്‍ലൈന്‍ റിക്രൂട്ടര്‍മാര്‍
താന്‍ സിറിയയിലേക്ക് പോകുന്നതിന് മുമ്പ് ഇസ്ലാമിക് സ്റ്റേറ്റ് അതിക്രമങ്ങളെക്കുറിച്ച് അറിയാമായിരുന്നുവെന്ന് ഷക്കില്‍ നേരത്തെ സമ്മതിച്ചിരുന്നു ഓണ്‍ലൈന്‍ റിക്രൂട്ടര്‍മാരാണ് തന്നെ വളര്‍ത്തിയതെന്നാണ് അവള്‍ പറഞ്ഞു.
ആ നിമിഷത്തില്‍ എന്നെ റിക്രൂട്ട് ചെയ്യുകയാണെന്നോ ഞാന്‍ ദുര്‍ബലയായെന്നോ എനിക്ക് മനസിലായില്ല.’ആ അവബോധം എനിക്ക് പിന്നാലെയാണ് വന്നത്.
‘ഒപ്പം എനിക്ക് ശരിക്കും സങ്കടവും അനുഭവപ്പെട്ടു. ഇപ്പോള്‍ ഞാന്‍ അത് സംഭവിക്കാന്‍ അനുവദിച്ചതില്‍ സ്വയം ലജ്ജിക്കുന്നു.
ഇപ്പോള്‍ ബിര്‍മിംഗ്ഹാമില്‍ താമസിക്കുന്ന ഷക്കില്‍ സിറിയയില്‍ നിന്ന് പലായനം ചെയ്തു, തുര്‍ക്കിയിലെത്തി അവിടെ നിന്ന് തിരിച്ച് ഹീത്രൂവില്‍ എത്തിയപ്പോഴാണ് അറസ്റ്റ് ചെയ്യപ്പെട്ടത്.’
