പി​റ​വ​ത്ത് 180 തൊ​ഴി​ലാ​ളി​ക​ൾ​ക്ക്  ഒ​രു ശു​ചി​മു​റി; സ്ഥാ​പ​നം പൂ​ട്ടാ​ൻ ന​ഗ​ര​സ​ഭയുടെ നോ​ട്ടീ​സ്

പി​റ​വം: വൃ​ത്തി​ഹീ​ന​മാ​യി​ക്കി​ട​ക്കു​ന്ന ഷെ​ഡു​ക​ളി​ൽ തൊ​ളി​ലാ​ളി​ക​ളെ താ​മ​സി​പ്പി​ക്കു​ന്ന​തി​നെ​തി​രെ ന​ഗ​ര​സ​ഭ നോ​ട്ടീ​സ് ന​ൽ​കി​യി​ട്ടും ന​ട​പ​ടി​യാ​കു​ന്നി​ല്ല. കൂ​ടം​കു​ളം പ​ദ്ധ​തി​യു​മാ​യി ബ​ന്ധ​പ്പെ​ട്ട് ട​വ​ർ​ലൈ​ൻ വ​ലി​ക്കു​ന്ന​തി​നാ​യി കൊ​ണ്ടു​വ​ന്നി​രി​ക്കു​ന്ന ഇ​ത​ര സം​സ്ഥാ​ന തൊ​ഴി​ലാ​ളി​ക​ളെ​യാ​ണ് ര​ണ്ട് ഷെ​ഡു​ക​ളി​ലാ​യി കു​ത്തി​നി​റ​ച്ച് താ​മ​സി​പ്പി​ച്ചി​രി​ക്കു​ന്ന​ത്.

ക​ക്കാ​ട് സ്കൂ​ൾ റോ​ഡി​ന് സ​മീ​പ​മു​ള്ള ര​ണ്ട് ഷെ​ഡു​ക​ളി​ലാ​യി 180-ഓ​ളം തൊ​ഴി​ലാ​ളി​ക​ളാ​ണ് താ​മ​സി​ക്കു​ന്ന​ത്. ഇ​വ​ർ​ക്ക് ഉ​യോ​ഗി​ക്കു​ന്ന​തി​നാ​യി ഒ​രു ശു​ചി​മു​റി മാ​ത്ര​മാ​ണ് ഇ​വി​ടെ​യു​ള്ള​ത്. തൊ​ഴി​ലാ​ളി​ക​ൾ ഭൂ​രി​ഭാ​ഗ​വും സ​മീ​പ​ത്തു​ള്ള പാ​ട​ശേ​ഖ​ര​വും പു​ര​യി​ട​വും കാ​ര്യ സാ​ധ്യ​ത്തി​ന് ഉ​പ​യോ​ഗി​ക്കു​ന്പോ​ൾ വ​ൻ പ​രി​സ്ഥി​തി പ്ര​ശ്ന​ങ്ങ​ൾ​ക്കാ​ണ് ഇ​ട​വ​രു​ത്തു​ന്ന​ത്.

ഇ​ത് സം​ബ​ന്ധി​ച്ച് നാ​ട്ടു​കാ​രു​ടെ പ​രാ​തി​യെ​ത്തു​ട​ർ​ന്ന് ന​ഗ​ര​സ​ഭ​യു​ടെ ആ​രോ​ഗ്യ വി​ഭാ​ഗം അ​ധി​കൃ​ത​ർ പ​രി​ശോ​ധ​ന ന​ട​ത്തി​യി​രു​ന്നു. തു​ട​ർ​ന്ന് ഷെ​ഡ് അ​ട​ച്ചു​പൂ​ട്ടാ​ൻ നോ​ട്ടീ​സ് പ​തി​പ്പി​ച്ചെ​ങ്കി​ലും ഇ​തി​ന് പു​ല്ലു​വി​ല പോ​ലും ക​ൽ​പ്പി​ക്കാ​തെ തൊ​ഴി​ലാ​ളി​ക​ളെ താ​മ​സി​പ്പി​ച്ചി​രി​ക്കു​ക​യാ​ണ്.

ഇ​ത​ര സം​സ്ഥാ​ന തൊ​ഴി​ലാ​ളി​ക​ളെ അ​ന​ധി​കൃ​ത​മാ​യും, വൃ​ത്തി​ഹീ​ന​മാ​യ സാ​ഹ​ച​ര്യ​ത്തി​ലും, ഏ​തു നി​മി​ഷ​വും പ​ക​ർ​ച്ച​വ്യാ​ധി പൊ​ട്ടി​പു​റ​പ്പെ​ടാ​വു​ന്ന സ്ഥി​തി​യി​ലും, മ​തി​യാ​യ ശു​ചീ​ക​ര​ണ സം​വി​ധാ​ന​ങ്ങ​ളി​ല്ലാ​തെ​യു​മാ​ണ് താ​മ​സി​പ്പി​ച്ചി​രി​ക്കു​ന്ന​തെ​ന്ന് നോ​ട്ടീ​സി​ൽ ചൂ​ണ്ടി​ക്കാ​ണി​ക്കു​ന്നു.

രാ​മ​മം​ഗ​ലം സ്വ​ദേ​ശി​യാ​ണ് തൊ​ഴി​ലാ​ളി​ക​ളെ താ​മ​സി​പ്പി​ക്കു​ന്ന​തി​ന് ഷെ​ഡു​ക​ൾ വാ​ട​ക​യ്ക്കെ​ടു​ത്തി​രി​ക്കു​ന്ന​ത്. ഷെ​ഡി​ന്‍റെ ഉ​ട​മ വി​ദേ​ശ​ത്തു​മാ​ണ്. മ​ഴ​ക്കാ​ല​മാ​യ​തി​നാ​ൽ പ​ക​ർ​ച്ച​വ്യാ​ധി പ​ട​ർ​ന്നു​പി​ടി​ക്കാ​നു​ള്ള സാ​ധ്യ​ത ഏ​റെ​യു​ള്ള​തി​നാ​ൽ നാ​ട്ടു​കാ​ർ ഏ​റെ ആ​ശ​ങ്ക​യി​ലാ​ണ്. എ​ത്ര​യും വേ​ഗം സ്ഥാ​പ​നം അ​ട​ച്ചു​പൂ​ട്ട​ണ​മെ​ന്ന് വാ​ർ​ഡ് കൗ​ണ്‍​സി​ല​ർ ഷൈ​ബി രാ​ജു ആ​വ​ശ്യ​പ്പെ​ടു​ന്നു.