തിരുവനന്തപുരം: കോളജ് വിദ്യാർഥികളുടെ വേറിട്ട പ്രതിഷേധത്തിന്‍റെ ചിത്രം സോഷ്യൽ മീഡിയയിൽ വൈറലാകുന്നു.
ബസ് ഷെൽട്ടറിൽ ആണ്‍കുട്ടികളും പെണ്‍കുട്ടികളും ഇടകലർന്നിരിക്കുന്നതിനെതിരെ നാട്ടുകാർ ബസ് ഷെൽട്ടറിലെ സീറ്റ് മുറിച്ച് അകലം സൃഷ്ടിച്ചിരുന്നു.
ഇതിനെതിരെ തിരുവനന്തപുരം ഗവ.എൻജിനിയറിംഗ് കോളജിലെ വിദ്യാർഥികൾ ബസ് ഷെൽട്ടറിലെത്തി ആണ്‍കുട്ടികളും പെണ്‍കുട്ടികളും മടിയിലിരുന്നാണ് പ്രതിഷേധിച്ചത്.
പ്രതിഷേധ ചിത്രങ്ങൾ സോഷ്യൽ മീഡിയയിലൂടെ പുറത്ത് വിട്ടു. ശ്രീകാര്യം എൻജിനീയറിംഗ് കോളജിന് സമീപത്തെ ബസ് ഷെൽട്ടറിലെ നീളത്തിലുള്ള സീറ്റാണ് ശ്രീകൃഷ്ണ നഗർ റെസിഡന്‍റ്സ് അസോസിയേഷൻ ഭാരവാഹികളും നാട്ടുകാരും ചേർന്ന് മുറിച്ച് അകലത്തിലാക്കിയത്.
ഇതിൽ പ്രതിഷേധിച്ചാണ് ആണ്‍കുട്ടികളുടെ മടിയിലിരുന്നു പെണ്‍കുട്ടികൾ പ്രതിഷേധിച്ചത്. നാട്ടുകാരുടെ പ്രതിഷേധത്തിനെതിരെ പെണ്‍കുട്ടികൾ രംഗത്തെത്തി.
