തളിപ്പറമ്പ്: സഞ്ചരിക്കുന്ന ഒറ്റനമ്പര് ചൂതാട്ടസംഘത്തലവന് അറസ്റ്റില്. കാഞ്ഞങ്ങാട് അരയി കാര്ത്തികയിലെ എ. അഭിനേഷിനെയാണ്(28) തളിപ്പറമ്പ് ഡിവൈഎസ്പി കെ.വി.വേണുഗോപാലിന്റെ നേതൃത്വത്തിലുള്ള സംഘം പിടികൂടിയത്. കഴിഞ്ഞ ഏപ്രില് 23 ന് ഉച്ചക്ക് തളിപ്പറമ്പ് സയ്യിദ് നഗറില് വെച്ച് പിടികൂടിയ ഒറ്റനമ്പര് ചൂതാട്ടസംഘത്തിന്റെ തലവനാണ് അഭിനേഷ് എന്ന് പോലീസ് പറഞ്ഞു. ഒറ്റനന്പർ ചൂതാട്ടത്തിനായി സ്വന്തമായി സോഫ്റ്റ്വെയർ ഇയാൾ വികസിപ്പിച്ചെടുത്തിട്ടുണ്ട്. ഇതരസംസ്ഥാന തൊഴിലാളികൾ കൂടുതൽ ജോലിചെയ്യുന്ന ക്വാറിയടക്കമുള്ളവ കേന്ദ്രീകരിച്ചാണ് ഒറ്റ നന്പർ ചൂതാട്ടം നടത്തുന്നത്. അറസ്റ്റിലായ അഭിനേഷ് മൂന്നുബസുകളുടെ ഉടമയാണെന്നും ഒരു കോടി രൂപ വിലവരുന്ന വീട് ഇയാൾ നിർമിച്ചുവരികയാണെന്നും ഡിവൈഎസ്പി വേണുഗോപാൽ പറഞ്ഞു. രഹസ്യവിവരം ലഭിച്ചതിനെതുടര്ന്നാണ് ഏപ്രിൽ 23ന് സ്വിഫ്റ്റ് കാറും സ്കൂട്ടറും ലാപ്ടോപ്പ് ഉള്പ്പെടെയുള്ള സാധനങ്ങളും പണവും സഹിതം നാലംഗസംഘം പോലീസിന്റെ വലയിലായത്. കാഞ്ഞിരങ്ങാട്ടെ കളപ്പറമ്പില് ജയരാജ് (74), തളിപ്പറമ്പ് സി എച്ച് നഗറിലെ പി.കെ.ഹൗസില് വി.കെ.സിദ്ദിക്ക് (37), പുളിമ്പറമ്പ്…
Read MoreCategory: Kannur
വാടകവാഹനങ്ങൾ പണയപ്പെടുത്തി തട്ടിപ്പ്: ഇരിട്ടി സ്വദേശികൾ പാനൂരിൽ അറസ്റ്റിൽ
പാനൂർ: വാഹനങ്ങൾ വാടകയ്ക്കെടുത്ത് അന്യസംസ്ഥാനത്ത് എത്തിച്ച് പണയപ്പെടുത്തി ലക്ഷക്കണക്കിന് രൂപയുടെ തട്ടിപ്പ് നടത്തുന്ന രണ്ടുപേർ പാനൂരിൽ അറസ്റ്റിൽ. ഇരിട്ടി മുണ്ടയാംപറമ്പിലെ അനീഷ് തോമസ് (31), ആറളം വീർപ്പാട്ടെ അനുരാജ് (30) എന്നിവരെയാണ് പാനൂർ സിഐ വി.വി.ബെന്നിയും സംഘവും അറസ്റ്റു ചെയ്തത്. കോടതിയിൽ ഹാജരാക്കിയ പ്രതികളെ രണ്ടാഴ്ചത്തേക്ക് റിമാൻഡ് ചെയ്തു. ചമ്പാട് പ്രിയാനിവാസിൽ പ്രിയങ്കിന്റെ പരാതിയിൽ പോലീസ് നടത്തിയ അന്വേഷണത്തിലാണ് പ്രതികൾ പിടിയിലായത്. ഇതോടെയാണ് വാഹനം വാടകയ്ക്കെടുത്ത് തട്ടിപ്പ് നടത്തുന്ന വൻറാക്കറ്റിനെ കുറിച്ച് പോലീസിന് സൂചന ലഭിക്കുന്നത്. തളിപ്പറമ്പ് സ്വദേശിയിൽ നിന്നാണ് ചമ്പാട്ടെ പ്രിയങ്ക് യുകെയിൽ നിന്നെത്തുന്ന ആളുടെ ആവശ്യത്തിനായി ഇന്നോവ കാർ വാടകയ്ക്കെടുത്തത്. ഇത് അനീഷിന് കൈമാറിയെങ്കിലും പറഞ്ഞ കാലാവധി കഴിഞ്ഞിട്ടും തിരിച്ച് നൽകാത്തതിനെ തുടർന്നാണ് പരാതി നൽകിയത്. തുടർന്ന് നടത്തിയ അന്വേഷണത്തിലാണ് കാർ മൈസൂരുവിലെത്തിച്ച് പണയപ്പെടുത്തിയതായി തിരിച്ചറിഞ്ഞത്. തളിപ്പറമ്പ് ,പയ്യാവൂർ, ആലക്കോട്, ശ്രീകണ്ഠാപുരം സ്റ്റേഷൻ പരിധികളിലും…
Read Moreസിപിഎം പ്രവർത്തകനെ ആക്രമിച്ചെന്ന സംഭവം വെറും നാടകം; ആശുപത്രിയിൽ കഴിയുന്ന ഷിനുവിനെ വിശദമായി ചോദ്യം ചെയ്യണമെന്ന് ബിജെപി
കണ്ണൂർ: സിപിഎം പ്രവർത്തകൻ ഷിനുവിനെ പയ്യന്നൂരിൽ വച്ച് ബിജെപി പ്രവർത്തകർ ആക്രമിച്ചുവെന്ന സംഭവം നാടകമാണെന്നും ഇതുസംബന്ധിച്ച വ്യക്തത വരുത്താൻ ആശുപത്രിയിലുള്ള ഷിനുവിനെ വിശദമായി ചോദ്യം ചെയ്യണമെന്നും ബിജെപി സംസ്ഥാന സെൽ കോ-ഓർഡിനേറ്റർ കെ. രഞ്ജിത്ത്. കൊല്ലപ്പെട്ട സിപിഎം പ്രവർത്തകൻ ധനരാജിന്റെ ചരമവാർഷികം വരാനിരിക്കെ ചെറിയ ചെറിയ അക്രമം നടത്തി രണ്ടുവർഷം മുന്പു നടന്ന വ്യാപകമായ ആക്രമണം വീണ്ടും നടത്താനുള്ള സിപിഎമ്മിന്റെ ഗൂഢതന്ത്രത്തിന്റെ ഭാഗമാണ് ഷിനുവിന് നേരെയുള്ള ആക്രമണനാടകമെന്നും രഞ്ജിത്ത് പത്രസമ്മേളനത്തിൽ പറഞ്ഞു. ധനരാജ് വധത്തെ തുടർന്ന് രണ്ടു കൊലപാതകങ്ങളും 30 വീടുകൾ പൂർണമായും തകർക്കപ്പെടുകയും ചെയ്തിരുന്നു. കഴിഞ്ഞദിവസം സിപിഎം പ്രവർത്തകൻ ഷിനോജിനെ ആർഎസ്എസ് പ്രവർത്തകർ വധിക്കാൻ ശ്രമിച്ചുവെന്ന് സോഷ്യൽമീഡിയയിലൂടെ വ്യാജപ്രചാരണം നടത്തി ശക്തമായി തിരിച്ചടിക്കുകയെന്ന സിപിഎമ്മിന്റെ രീതിയാണ് കഴിഞ്ഞദിവസം പയ്യന്നൂരിൽ നടന്നത്. ഇതുവഴി ജില്ലയിൽ വ്യാപക ആക്രമണത്തിന് സിപിഎം കോപ്പുകൂട്ടുകയായിരുന്നു. ആരാണ് അക്രമം നടത്തുന്നതെന്ന് അറിയാൻ സിപിഎമ്മിന്റെ…
Read Moreമാവോയിസ്റ്റ് പ്രവര്ത്തകര്ക്ക് കീഴടങ്ങല് പദ്ധതി നടപ്പാക്കാന് മന്ത്രിസഭ; കീഴടങ്ങാനൊരുങ്ങി മാവോയിസ്റ്റുകൾ
റെനീഷ് മാത്യു കണ്ണൂർ: കേരളത്തിലെ മാവോയിസ്റ്റ് പ്രവര്ത്തകര്ക്ക് കീഴടങ്ങല് പദ്ധതി നടപ്പാക്കാന് മന്ത്രിസഭ അംഗീകാരം നല്കിയതോടെ കീഴടങ്ങാൻ മാവോയിസ്റ്റുകൾ. കേരളത്തിലെ നിലമ്പൂർ, അട്ടപ്പാടി കാടുകൾ കേന്ദ്രീകരിച്ചുള്ള മാവോയിസ്റ്റ് പ്രവർത്തനങ്ങൾക്കു നേതൃത്വം നൽകുന്ന മാവോയിസ്റ്റ് സംഘത്തിലെ മലയാളികൾ ഉൾപ്പെടെയുള്ളവരാണ് കീഴടങ്ങാൻ തയാറായിരിക്കുന്നത്. കേരളത്തിലെ വിവിധ പോലീസ് സ്റ്റേഷനുകൾ ഇവർക്കെതിരേ നിരവധി കേസുകൾ രജിസ്റ്റർ ചെയ്തിട്ടുണ്ട്. ശാരീരിക അസ്വസ്ഥതകൾ നേരിടുന്നവരാണ് ആദ്യഘട്ടത്തിൽ കീഴടങ്ങുന്നത്. ഇതിനായി മാവോയിസ്റ്റ് കേന്ദ്രകമ്മിറ്റിയുടെ അനുവാദത്തിനായി കാത്തിരിക്കുകയാണ് ഇവർ. കീഴടങ്ങുന്നവർക്ക് തൊഴിലവസരങ്ങൾ ഉറപ്പാക്കുന്ന നയമാണ് കേരള സർക്കാർ നടപ്പിലാക്കുന്നത്. തീവ്രവാദികളെ അവരുടെ പ്രവര്ത്തനവും സംഘടനയിലെ സ്ഥാനവും കണക്കിലെടുത്ത് മൂന്നായി തരംതിരിച്ചിട്ടുണ്ട്. വ്യത്യസ്ത ആനുകൂല്യങ്ങളാണ് ഓരോ വിഭാഗത്തിലുളളവര്ക്കും നിര്ദ്ദേശിച്ചിട്ടുളളത്. ഉയര്ന്ന കമ്മിറ്റികളിലുളളവരാണ് ഒന്നാം കാറ്റഗറി വിഭാഗത്തില് വരുന്നത്. അവര് കീഴടങ്ങുമ്പോള് അഞ്ചുലക്ഷം രൂപ നല്കും. ഗഡുക്കളായാണ് തുക നല്കുക. പഠനം തുടരാന് ആഗ്രഹിക്കുന്നവര്ക്ക് 15,000 രൂപ നല്കും. വിവാഹം…
Read Moreഇരിട്ടിയിലും മട്ടന്നൂരിലും “വവ്വാൽ ഭീതി’; രോഗം പടർത്തുമോയെന്ന ഭീതിയിൽ നാട്ടുകാർ
ഇരിട്ടി/മട്ടന്നൂർ: കോഴിക്കോട് ജില്ലയിലുൾപ്പെടെ സംസ്ഥാനത്ത് ഒൻപത് പേരുടെ മരണത്തിനിടയാക്കിയ പനിക്ക് കാരണം നിപ്പ വൈറസ് ആണെന്ന് സ്ഥിരീകരിച്ചതോടെ ഇരിട്ടിയിലെയും മട്ടന്നൂരിലെയും മുഴുവൻ ജനങ്ങളും ഭീതിയിലായിരിക്കുകയാണ്. ഇരിട്ടിക്കടുത്ത് എടക്കാനം, വള്ളിയാട്, മാടമ്പള്ളി, പെരുമ്പറമ്പ്, കപ്പച്ചേരി, പെരുവംപറമ്പ് പ്രദേശത്തെ നാട്ടുകാരുൾപ്പെടെ പഴശി പുഴയുടെ മധ്യത്തിലായി പുഴയുടെ ചുറ്റും അഞ്ച് ഏക്കറോളം സ്ഥലത്തെ അക്കേഷ്യ മരങ്ങൾ ഉൾപ്പെടെയുള്ള നൂറുകണക്കിന് മരച്ചില്ലകൾ മുഴുവൻ പതിനായിരക്കണക്കിന് വവ്വാലുകളാണ് വർഷങ്ങളായി തങ്ങളുടെ താവളങ്ങളാക്കി മാറ്റിയിരിക്കുന്നത്. സ്ത്രീകളും കുട്ടികളും ഉൾപ്പെടെനൂറു കണക്കിന് കുടുംബങ്ങൾ അലക്കുന്നതിനും കുളിക്കുന്നതിനും ഉപയോഗിക്കുന്ന പുഴയോട് ചേർന്ന പ്രദേശമാണ് അകംതുരുത്ത് ഈ തുരുത്തിലാണ് ഒരു പ്രദേശം മുഴുവൻ ഭീതിയിലാക്കി വവ്വാലുകൾ നിറഞ്ഞിരുക്കുന്നത്. വവ്വാലുകളുടെ കേന്ദ്രമായ മട്ടന്നൂരിലെ ഇൻസ്പെക്ഷൻ ബംഗ്ലാവായ ഐബിയിലെ മരങ്ങളാണ് വവ്വാലുകളുടെ കേന്ദ്രം. ഇവിടെയുള്ള മുഴുവൻ മരങ്ങളും വവ്വാലകളുടെ താവളമാണ്. കിണറ്റിൽ വവ്വാൽ വിസർജ്യം കലർന്ന വെള്ളം കഴിച്ചാണ് കഴിഞ്ഞ ദിവസം മൂന്ന്…
Read Moreകൈനാട്ടിയിലെ വാഹനാപകടം; ഒന്നിച്ചു കളിച്ചുനടന്നവർക്ക് അന്ത്യവിശ്രമവും ഒന്നിച്ച്
തലശേരി: ഒന്നിച്ചു കളിച്ചുനടന്ന് അപ്രതീക്ഷിതമായി അപകടത്തിന്റെ രൂപത്തില് ഒന്നിച്ച് ഈ ലോകത്തോടു വിടപറഞ്ഞ പുന്നോലിലെ നാലു യുവാക്കളുടെ അന്ത്യ വിശ്രമവും ഒന്നിച്ചുതന്നെ. വടകര കൈനാട്ടി മുട്ടുങ്ങലില് ഇന്നലെ സന്ധ്യക്കുണ്ടായ വാഹനാപകടത്തില് മരണമടഞ്ഞ പുന്നോല് കുറിച്ചിയില് ഈയ്യത്തുംകാട് റെയില്വേ ഗേറ്റിനു സമീപത്തെ സൈനാബാഗ് ഹൗസില് ഇസ്മയീല്-ഫയറൂസ ദമ്പതികളുടെ മകന് മുഹമ്മദ് അനസ് (19), ഹാരീസ്-താഹിറ ദമ്പതികളുടെ മകന് പറയങ്ങാട്ട് വീട്ടില് സഹീര് (18) റൂഫിയ മന്സിലില് നൗഷാദ്-റൂഫിയ ദമ്പതികളുടെ മകന് നിഹാല് (18) സുലൈഖ മഹലില് മുഹമ്മദ് തലത്ത് ഇഖ്ബാല് (18) എന്നിവരുടെ മൃതദേഹങ്ങള് ഇന്ന് ഉച്ചയോടെ പുന്നോല് ജുമുഅ മസ്ജിദ് കബർസ്ഥാനില് കബറടക്കും. അനസ്, സഹീര്, നിഹാല് എന്നിവരുടെ മൃതദേഹങ്ങള് വടകര ജനറല് ആശുപത്രിയില് നിന്നും തലത് ഇഖ്ബാലിന്റെ മൃതദേഹം കോഴിക്കോട് മെഡിക്കല് കോളജ് ആശുപത്രിയില് നിന്നും പോസ്റ്റ്മോര്ട്ടത്തിനു ശേഷം ഉച്ചയോടെ പുന്നോല് റെയില്വെ ഗേറ്റിനു സമീപം…
Read Moreപനിച്ചു വിറച്ച് കണ്ണൂർ; പനി ബാധിച്ചവർ 10,500 പേർ ; കൊട്ടിയൂരിലും ഉളിക്കലിലും ഡെങ്കി
കണ്ണൂർ: ജില്ലയിൽ പകർച്ചപ്പനി പടരുന്നു. ഈമാസം ജില്ലയിൽ 10,500 പേർ പനി ബാധിച്ച് വിവിധ ആശുപത്രികളിൽ ചികിത്സ തേടിയതായി ആരോഗ്യവകുപ്പിന്റെ കണക്കുകൾ വ്യക്തമാക്കുന്നു. കഴിഞ്ഞമാസം 3,474 പേരാണ് മാത്രമാണ് ചികിത്സതേടിയത്. ജനുവരി മുതൽ 74,497 പേർ പനി ബാധിച്ച് ചികിത്സ തേടി. കൊട്ടിയൂർ, ഉളിക്കൽ എന്നിവടങ്ങളിൽ ഡെങ്കിപ്പനി പടരുന്നുതിൽ ജനങ്ങൾ ആശങ്കയിലാണ്. ഈമാസം 113 പേർക്ക് ഡെങ്കിയുടെ ലക്ഷണം കണ്ടതിനെ തുടർന്ന് ആശുപത്രിയിൽ പ്രവേശിച്ചിരുന്നു. ഇതിൽ 14 പേർക്ക് രോഗം സ്ഥിരീകരിച്ചു. ഡെങ്കിപ്പനി പടരുന്ന മേഖലയിൽ ആരോഗ്യ വകുപ്പ് അധിക്യതർ ക്യാമ്പ് ചെയ്യുന്നുണ്ട്. പരിസര ശുചിത്വം, വ്യക്തി ശുചിത്വം എന്നിവ പാലിക്കാൻ അധികൃതർ നിർദേശം നൽകിയിട്ടുണ്ട്. ഓടകളിലെ മാലിന്യം നീക്കം ചെയ്യുവാനും കൊതുകു നശീകരണവും വെള്ളം കെട്ടികിടക്കുന്നത് ഒഴിവാക്കാനും ജനങ്ങൾ ജാഗ്രത പാലിക്കണമെന്നും അധിക്യതർ മുന്നറിപ്പ് നൽകി. കോഴിക്കോട് ജില്ലയിലെ സ്ഥിരീകരിച്ച നിപ്പാ വൈറസ് പനി ഇതുവരെ…
Read Moreകൊല്ലപ്പെട്ട ബാബു വിലാപ യാത്രയ്ക്കിടെ അക്രമം; മാഹിയിലും പള്ളൂരിലും റെയ്ഡ്: 6 സിപിഎം പ്രവർത്തകർ കസ്റ്റഡിയിൽ
മാഹി:പള്ളൂരിൽ കൊല്ലപ്പെട്ട സിപിഎം നേതാവ് കണ്ണിപ്പൊയിൽ ബാബുവിന്റെ വിലാപയാത്രയ്ക്കിടെ പള്ളൂരിൽ നടന്ന അക്രമ സംഭവങ്ങളിലെ പ്രതികളെ പിടികൂടുവാൻ മാഹിയിലും പള്ളൂരിലും റെയ്ഡ് തുടങ്ങി. സിപിഎം പ്രവർത്തകരുടെ വീടുകളിലാണ് റെയ്ഡ്. ആറുപേരെ കസ്റ്റഡിയിലെടുത്തു. ഇന്നു പുലർച്ചെ മാഹി പോലീസ് സൂപ്രണ്ട് ആർ.രാധാകൃഷ്ണയുടെ നേതൃത്വത്തിലാണ് റെയ്ഡ് ആരംഭിച്ചത്.ബാബുവിന്റെ വിലാപയാത്ര കഴിഞ്ഞ് എട്ടിന് വൈകുന്നേരമായിരുന്നു സംഘർഷം അരങ്ങേറിയത്. തീ വയ്പ് അടക്കമുള്ള അക്രമങ്ങൾ ഉണ്ടായി. പള്ളൂരിലെ ബിജെപി ഓഫീസും. പോലീസ് ജീപ്പും തീവെച്ചതിന് പുറമെ ബിജെപി പ്രവർത്തകരുടെ വീടുകൾക്കും, കടകൾക്ക് നേരെയും അക്രമണം നടന്നിരുന്നു. 500 പേർക്കെതിരെ കേസെടുത്ത് അന്വേഷണം മുന്നോട് പോകുന്നതിനിടയ്ക്കാണ് റെയ്ഡ് നടന്നത്.
Read Moreപയ്യന്നൂരിൽ ബിജെപി ഓഫീസിനു ബോംബേറ്; സിപിഎം പ്രവർത്തകനെ വാഹനമിടിപ്പിച്ച് കൊലപ്പെടുത്താൻ ശ്രമം
പയ്യന്നൂർ: പയ്യന്നൂരിൽ ബിജെപി ഓഫീസിനുനേരേ ബോംബേറ്. ബിജെപി പ്രവർത്തകന് മർദനം, സിപിഎം പ്രവർത്തകനെ വാഹനം ഇടിപ്പിച്ചു കൊലപ്പെടുത്താൻ ശ്രമിച്ചതായും പരാതി. ഇന്നുരാവിലെ 11.15ഓടെയാണ് ബോംബേറ്. പയ്യന്നൂർ മുകുന്ദാ ആശുപത്രി റോഡിലുള്ള മാരാർജി മന്ദിരത്തിനുനേരേയാണ് ബോംബേറ് ഉണ്ടായത്. ബിജെപി ഓഫീസിന്റെ ചുവരിൽതട്ടി ബോംബ് പൊട്ടുകയായിരുന്നു. രാവിലെ 11ഓടെ പയ്യന്നൂർ പഴയ ബസ് സ്റ്റാൻഡിനടുത്ത് വച്ച് ബിജെപി പ്രവർത്തകനും പയ്യന്നൂർ താലൂക്ക് ആശുപത്രിക്കു സമീപത്തെ താമസക്കാരനുമായ രജിത്തിന് (33) മർദനമേറ്റു. പരിക്കേറ്റ രജിത്തിനെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്നു രാവിലെ 9.45 ഓടെ ആർഎസ്എസിൽനിന്ന് സിപിഎമ്മിൽ ചേർന്ന കുന്നരു ബാങ്കിനു സമീപത്തെ ഡി. സിനുവിനെ (30) വാഹനമിടിച്ച് കൊലപ്പെടുത്താൻ ശ്രമിച്ചതായും പരാതിയിലുണ്ട്. കണ്ടങ്കാളി ഭാഗത്തുനിന്നും പയ്യന്നൂരിലേക്ക് ബൈക്കിൽ വരുന്നതിനിടെ സ്റ്റേഡിയം റോഡിനു സമീപം വച്ച് ഇന്നോവകാർ ബൈക്കിനുനേരേ വരുകയായിരുന്നു. ബൈക്ക് വെട്ടിച്ച് രക്ഷപ്പെടാൻ ശ്രമിക്കുന്നതിനിടെ സിനുവിന് പരിക്കേറ്റു. ഇയാളെ പയ്യന്നൂർ…
Read Moreകമലേഷ് ചന്ദ്രകമ്മിറ്റി റിപ്പോർട്ട്; തപാൽ ജീവനക്കാരുടെ പണിമുടക്ക് ഇന്ന് അർധരാത്രി മുതൽ
കണ്ണൂർ: തപാൽ മേഖലയിലെ ജിഡിഎസ് ജീവനക്കാരുടെ സേവനവേതന പരിഷ്കരണവുമായി ബന്ധപ്പെട്ട കമലേഷ് ചന്ദ്രകമ്മിറ്റി റിപ്പോർട്ടിലെ അനുകൂല ശിപാർശകൾ ഉടൻ നടപ്പാക്കുക, നിർത്തിവച്ച ജിഡിഎസ് മെന്പർഷിപ്പ് വെരിഫിക്കേഷൻ നടപടികൾ ഉടൻ പൂർത്തീകരിക്കുക എന്നീ ആവശ്യങ്ങൾ ഉന്നയിച്ച് നാഷണൽ ഫെഡറേഷൻ ഓഫ് പോസ്റ്റൽ എംപ്ലോയീസ് (എൻഎഫ്പിഇ) ആഭിമുഖ്യത്തിലുള്ള അനിശ്ചിതകാല പണിമുടക്ക് ഇന്ന് അർധരാത്രി മുതൽ ആരംഭിക്കും. കണ്ണൂർ ഡിവിഷനിലെ കണ്ണൂർ, തളിപ്പറന്പ് ഹെഡ് പോസ്റ്റോഫീസടക്കമുള്ള മുഴുവൻ തപാൽ ഓഫീസുകളുടെയും പ്രവർത്തനം സ്തംഭിക്കും. നാളെ മുതൽ കണ്ണൂർ ഹെഡ് പോസ്റ്റോഫീസ് പരിസരത്ത് ധർണ സംഘടിപ്പിക്കും. ജിഡിഎസ് ജീവനക്കാരുടെ ദൈന്യതയും പ്രയാസവും തിരിച്ചറിഞ്ഞ് അവർക്ക് അർഹമായ ആനുകൂല്യം നൽകുന്നതു വരെ പണിമുടക്കുമായി മുന്നോട്ടുപോകുമെന്ന് എൻഎഫ്പിഇ ഭാരവാഹികൾ അറിയിച്ചു. പത്രസമ്മേളനത്തിൽ കൺവീനർ എ.പി. സുജികുമാർ, എ. ചന്ദ്രൻ, പി. മോഹനൻ, വി.പി. രമേശൻ, ഒ. സുധീഷ് എന്നിവർ പങ്കെടുത്തു.
Read More