തലശേരി: ആര്എസ്എസ് പ്രവര്ത്തകന് ന്യൂമാഹി പെരിങ്ങാടിയിലെ യു.സി.ഷമേജിനെ വെട്ടിക്കൊലപ്പെടുത്തിയ കേസില് അറസ്റ്റിലായി റിമാൻഡില് കഴിയുന്ന മൂന്ന് പ്രതികളെ കൂടുതല് അന്വേഷണങ്ങള്ക്കായി പോലീസ് കസ്റ്റഡിയില് വാങ്ങും. സിപിഎം പ്രവര്ത്തകരായ ചെറുകല്ലായി പുതിയപറമ്പത്ത് വീട്ടില് ഷബിന് രവീന്ദ്രന് എന്ന ചിക്കു (28), ചെറുകല്ലായി മലയങ്കര വീട്ടില് എം.എം. ഷാജി എന്ന മണ്ണട്ട ഷാജി(38), പള്ളൂര് നാലുതറയിലെ നടയന്റവിട ലിജിന് എന്ന ലിച്ചു(38) എന്നിവരെയാണ് കസ്റ്റഡിയില് വാങ്ങുക. പ്രതികളെ കസ്റ്റഡിയില് ലഭിക്കുന്നതിനുള്ള അപേക്ഷ അന്വേഷണ സംഘം കോടതിയില് സമര്പ്പിക്കും. കൊലയാളി സംഘം ഉപയോഗിച്ച് കൊടുവാള് രാസ പരിശോധനയ്ക്കായി കണ്ണൂര് ഫോറന്സിക് ലാബിലേക്ക് അയയ്ക്കും. പോസ്റ്റ്മോര്ട്ടം നടത്തിയ കോഴിക്കോട് മെഡിക്കല് കോളജിലെ ഡോക്ടര്മാരില് നിന്നും അന്വേഷണസംഘം മൊഴിയെടുക്കും. ഒരു കൊടുവാള് കൊണ്ട് രണ്ടുപേര് മാറി മാറി ഷമേജിനെ വെട്ടിക്കൊലപ്പെടുത്തുകയായിരുന്നുവെന്ന് പ്രതികള് പോലീസിന് നല്കിയ മൊഴിയില് പറഞ്ഞു. ഷമേജിന്റെ തലയ്ക്ക് മാത്രം ആഴത്തിലുള്ള ഏഴ്…
Read MoreCategory: Kannur
നാവിക അക്കാദമി മാലിന്യപ്രശ്നം ;24 ന് വഞ്ചനാ ദിനം, 25 നും 26നും രാമന്തളിയിൽ കരിദിനം ആചരിക്കുമെന്ന് ജനാരോഗ്യ സംരക്ഷണ സമിതി
പയ്യന്നൂർ: നാവിക അക്കാദമി മാലിന്യപ്രശ്നത്തിനു ശാശ്വത പരിഹാരം കാണമെന്നാവശ്യപ്പെട്ടു ജനാരോഗ്യ സംരക്ഷണ സമിതി പ്രക്ഷോഭങ്ങൾ ശക്തമാക്കുന്നു. ഇതിന്റെ ഭാഗമായി നാവിക അക്കാദമിയിൽ പാസിംഗ് ഔട്ട് പരേഡ് നടക്കുന്ന 25, 26 തീയതികളിൽ രാമന്തളി പഞ്ചായത്തിൽ കരിദിനവും 24 ന് വഞ്ചനാദിനവും ആചരിക്കും. സമരസമിതിയുമായി കരാർ ഉടമ്പടി ഉണ്ടാക്കിയതിന്റെ ഒരു വർഷം തികയുന്നതിനാലാണു 24 ന് വഞ്ചനാദിനമായി ആചരിക്കുന്നത്. കഴിഞ്ഞ വർഷം ജനാരോഗ്യ സംരക്ഷണ സമിതിയുമായി നാവിക അക്കാദമി അധികൃതർ കരാർ ഉണ്ടാക്കിയതിനെ തുടർന്നായിരുന്നു സമരം പിൻവലിച്ചത്. എന്നാൽ സമരമവസാനിപ്പിച്ച് ഒരു വർഷമായിട്ടും ഒത്തുതീർപ്പു വ്യവസ്ഥകൾ നടപ്പാക്കിയില്ലെന്നാണു സമരസമിതിയുടെ ആരോപണം. അക്കാദമി അധികൃതരുമായി ഉണ്ടാക്കിയ കരാർ നടപ്പിലാക്കുമെന്നു കേന്ദ്ര പ്രതിരോധ മന്ത്രാലയവും സമരസമിതിക്ക് ഉറപ്പുനൽകിയിരുന്നു. കേന്ദ്ര പ്രതിരോധ മന്ത്രാലയത്തെ സമരസമിതിയുടെ പ്രതിഷേധം അറിയിക്കുന്നതിനു കൂടിയാണു 25, 26 തീയതികളിലെ കരിദിനാചരണമെന്നു ജനാരോഗ്യ സംരക്ഷണ സമിതി ഭാരവാഹികൾ അറിയിച്ചു.
Read Moreപരിയാരം മെഡിക്കൽ കോളജ് പൂര്ണമായും സര്ക്കാര് അധീനതയിലാക്കണമെന്ന് ആവശ്യപ്പെട്ട് പരിയാരം മെഡിക്കല് കോളജിലേക്കു 30 ന് ബഹുജനമാര്ച്ച്
പരിയാരം: പരിയാരം മെഡിക്കല് കോളജിലേക്ക് 30 ന് ബഹുജനമാര്ച്ച് സംഘടിപ്പിക്കും. കോഴിക്കോട് മാതൃകയില് പരിയാരം മെഡിക്കൽ കോളജ് പൂര്ണമായും സര്ക്കാര് അധീനതയിലാക്കണമെന്ന് ആവശ്യപ്പെട്ടാണു പ്രക്ഷോഭസമിതിയുടെ നേതൃത്വത്തില് മാര്ച്ച് സംഘടിപ്പിക്കുന്നതെന്ന് ചെയര്മാന് ഡോ.ഡി.സുരേന്ദ്രനാഥ് അറിയിച്ചു. മെഡിക്കല് കോളജ് പൂര്ണതോതില് ഏറ്റെടുക്കണമെന്ന ആവശ്യവുമായി ബന്ധപ്പെട്ട് സമര പരിപാടികള് ആസൂത്രണം ചെയ്ത് വരികയാണെന്നും ഇതിന്റെ തുടക്കമെന്ന നിലയിലാണ് 30ന് രാവിലെ പത്തിനു പിലാത്തറയില് നിന്നും പരിയാരത്തേക്കു ബഹുജന മാര്ച്ച് സംഘടിപ്പിക്കുന്നതെന്നും അദ്ദേഹം പറഞ്ഞു. മാര്ച്ചിന്റെ പ്രചരണാര്ഥം മെഡിക്കല് കോളജ് പരിസരത്ത് ഒപ്പുശേഖരണം നടത്തി. പ്രക്ഷോഭസമിതി ചെയര്മാന് ഡോ.ഡി.സുരേന്ദ്രനാഥ് ഉദ്ഘാടനം ചെയ്തു. കെ.പി.ചന്ദ്രാംഗദന് അധ്യക്ഷത വഹിച്ചു. വിനോദ് പയ്യട, വി.ദേവദാസ്, രാഘവന് കാവുമ്പായി, ജോണി പാമ്പാടിയില്, ജയ്സന് ഡൊമനിക്, മേരി അബ്രഹാം, ടി.ചന്ദ്രന്, കെ.രാജന് എന്നിവര് നേതൃത്വം നല്കി.
Read Moreബസിൽ വിദ്യാർഥിനിയോട് അപമര്യാദയായി പെരുമാറി; യുവാവിനായി തെരച്ചിൽ; സംഭവം മട്ടന്നൂരില്
മട്ടന്നൂർ: സ്വകാര്യ ബസിൽ സ്കൂൾ വിദ്യാർഥിനിയോട് അപമര്യാദയായി പെരുമാറുകയും തള്ളിയിടുകയും ചെയ്ത സംഭവത്തിൽ പ്രതിക്കായി പോലീസ് തെരച്ചിൽ ഊർജിതമാക്കി. കഴിഞ്ഞ ദിവസം രാത്രി ഏഴോടെ മട്ടന്നൂരിനടുത്തായിരുന്നു സംഭവം. പ്ലസ്ടു വിദ്യാർഥിനി അമ്മയെ മട്ടന്നൂരിലെ ആശുപത്രിയിൽ കാണിച്ചു തിരിച്ചു പോകുന്നതിനിടെയായിരുന്നു സംഭവം. ബസ് യാത്രക്കാരനായ യുവാവ് വിദ്യാർഥിനിയോട് അപമര്യാദയായി പെരുമാറുകയും ഇതു ചോദ്യം ചെയ്തപ്പോൾ തള്ളിയിട്ടുവെന്നുമായിരുന്നു പരാതി. വിദ്യാർഥിനിയുടെ പരാതി പ്രകാരം മട്ടന്നൂർ പോലീസ് പോക്സോ ആക്ട് പ്രകാരം കേസ് രജിസ്റ്റർ ചെയ്യുകയായിരുന്നു. ഇരിട്ടി ഡിവൈഎസ്പി പ്രജീഷ് തോട്ടത്തിലിന്റെ നേതൃത്വത്തിലാണ് അന്വേഷണം നടത്തുന്നത്. ഇതിനിടെ കേസ് വഴിതിരിച്ചു വിടാൻ യുവാവ് ശ്രമം നടത്തിയതായി വിവരമുണ്ട്. നാട്ടുകാർ മർദിച്ചുവെന്ന് ആരോപിച്ചു പ്രതിയായ യുവാവ് തലശേരിയിലെ ഒരു സ്വകാര്യ ആശുപത്രിയിൽ ചികിത്സ തേടിയിരുന്നു. പോലീസ് ആശുപത്രിയിലെത്തിയെങ്കിലും ഇയാളെ പിടികൂടാനായില്ല.
Read Moreവിശ്വാസവഞ്ചന, ചതി ! ചിട്ടി തട്ടിപ്പില് കോൺഗ്രസ് നേതാവിനെതിരേ കേസ്; വിവിധ വ്യാപാര കേന്ദ്രങ്ങളില്നിന്ന് പിരിച്ചെടുത്തത് കോടിക്കണക്കിന് രൂപ
കണ്ണൂർ: ചിട്ടി നടത്തി കാലാവധി പൂർത്തിയായിട്ടും പണം തിരിച്ചു നൽകിയില്ലെന്ന പരാതിയിൽ കോൺഗ്രസ് നേതാവിനെതിരേ പോലീസ് കേസെടുത്തു. ചിറക്കൽ ബ്ലോക്ക് കോൺഗ്രസ് പ്രസിഡന്റ് കല്ലിക്കോടൻ രാഗേഷിനെതിരേയാണ് കേസ്. കണ്ണൂർ ടൗണിലെ ജെഎസ് പോളിലുള്ള നിത്യാനന്ദ പൂജാ സ്റ്റോർ ഉടമ ലക്ഷമണന്റെ പരാതിപ്രകാരമാണ് ടൗൺ പോലീസ് കേസെടുത്തിരിക്കുന്നത്. ചിട്ടിയുടെ പേരിൽ നഗരത്തിലെ വിവിധ വ്യാപാര കേന്ദ്രങ്ങളിൽനിന്ന് കോടിക്കണക്കിന് രൂപ ഇയാൾ പിരിച്ചെടുത്തതായും പരാതിയിൽ പറയുന്നു. വിശ്വാസവഞ്ചന, ചതി എന്നിവയ്ക്കാണ് കേസെടുത്തത്. പ്രതിദിനം ഒരു നിശ്ചിത തുക നിക്ഷേപിച്ചാൽ രണ്ടു വർഷം കഴിഞ്ഞാൽ 2,75,000 രൂപ തരുമെന്നായിരുന്നായിരുന്നു വാഗ്ദാനമെന്നും എന്നാൽ കാലവധി കഴിഞ്ഞിട്ടും പണം തിരികെലഭിച്ചില്ലെന്നും ചോദിച്ചപ്പോൾ ഭീഷണി മുഴക്കിയതായും പരാതിയിൽ പറയുന്നു. നിലവിൽ സമാനരീതിയിലുള്ള ആറു പരാതികൾ കല്ലിക്കോടൻ രാഗേഷിനെതിരേ ലഭിച്ചിട്ടുണ്ടെന്ന് പോലീസ് പറഞ്ഞു. ഇതിൽ ഒരു പരാതിയിലാണ് ഇപ്പോൾ കേസെടുത്തിരിക്കുന്നത്. രാഗേഷിന്റെ സഹായി സുനിലിനെതിരേയും കേസെടുത്തിട്ടുണ്ട്.
Read Moreജനവാസകേന്ദ്രത്തില് കാട്ടാനക്കൂട്ടം; ബൈക്ക് യാത്രികനെ ആക്രമിച്ചു; കാലുകൾക്ക് ഗുരുതര പരിക്കേറ്റ് വിനോദിനെ ആശുപത്രിയിൽ പ്രവേശിപ്പിച്ചു
ഇരിട്ടി(കണ്ണൂർ): മുഴക്കുന്നില് ജനവാസ കേന്ദ്രത്തില് കാട്ടാനക്കൂട്ടമിറങ്ങി. ബൈക്ക് യാത്രക്കാരനെ കാട്ടാനക്കൂട്ടം അക്രമിച്ചു. വട്ടപൊയിലിലെ ഒതയോത്ത് വിനോദ് കുമാറി(48)നെയാണ് അക്രമിച്ചത്. കാലുകള് തകര്ന്ന ഇദ്ദേഹത്തെ കോഴിക്കോട് മെഡിക്കല് കോളജില് പ്രവേശിപ്പിച്ചു. ഇന്നു പുലര്ച്ചെ അഞ്ചിന് എയര്പോര്ട്ടില് പോയി മടങ്ങവെയാണ് വീടിന് സമീപം റോഡില് വെച്ച് ആനക്കൂട്ടം ബൈക്ക് തകര്ത്ത് യാത്രക്കാരനെ അക്രമിച്ചത്. പുലര്ച്ചെ ആന ഓടിച്ചതിനെ തുടര്ന്ന് വട്ടപൊയിലിലെ ശങ്കരന് നമ്പൂതിരിയുടെ കാല് ഒടിഞ്ഞു. വട്ടപൊയില്, കൂളിക്കുന്ന് മേഖലകളില് കാട്ടാനക്കൂട്ടം വ്യാപക കൃഷി നാശവും വരുത്തിയിരുന്നു. മേഖലയിലെ വീടുകളുടെ മതിലും കാട്ടാനകള് തകര്ത്തു. മൂന്നാനകൾ കൂളിക്കുന്നില് നില്ക്കുകയാണ്. ജനവാസ കേന്ദ്രത്തില് നിന്ന് ഇവയെ തുരത്താന് വനപാലകരും പോലീസും ചേര്ന്ന് ശ്രമം തുടങ്ങി. കഴിഞ്ഞ ഡിസംബറിലും ആനക്കൂട്ടം ഇവിടെ എത്തിയിരുന്നു. മുഴക്കുന്ന് പഞ്ചായത്തിലെ പാലപ്പുഴ , കല്ലേരിമല മേഖലകളില് കഴിഞ്ഞ ദിവസങ്ങളിലെല്ലാം കാട്ടാനക്കൂട്ടമിറങ്ങി കൃഷി നശിപ്പിച്ചിരുന്നു.
Read Moreആർഎസ്എസ് പ്രവർത്തകൻ ഷമേജിന്റെ കൊലപാതകം: മൂന്ന് സിപിഎം പ്രവർത്തകർ അറസ്റ്റിൽ
കണ്ണൂർ: മാഹിയിൽ ആർഎസ്എസ് പ്രവർത്തകനായ ഷമേജിനെ കൊലപ്പെടുത്തിയ കേസിൽ മൂന്ന് സിപിഎം പ്രവർത്തകർ അറസ്റ്റിൽ. ഷെബിൻ രവീന്ദ്രൻ, വിജിൻ ചന്ദ്രൻ, എം.എം ഷാജി എന്നിവരെയാണ് പോലീസ് അറസ്റ്റ് ചെയ്തത്. വെള്ളിയാഴ്ച രാത്രി വടകരയിലെ ലോഡ്ജിൽനിന്നാണ് ഇവരെ പോലീസ് കസ്റ്റഡിയിലെടുത്തത്. ഇവരെ ചോദ്യം ചെയ്തുവരികയാണ്. കൊലപാതകത്തിൽ നേരിട്ടു പങ്കുള്ളവരാണ് പിടിയിലായതെന്നു പോലീസ് അറിയിച്ചു. പള്ളൂരിൽ സിപിഎം പ്രവർത്തകനായ കണ്ണിപ്പൊയിൽ ബാബുവിനെ കൊലപ്പെടുത്തിയതിനു തൊട്ടുപിന്നാലെയാണ് ബിജെപി ബൂത്ത് പ്രസിഡന്റായ ഷമേജിനെ വെട്ടിക്കൊലപ്പെടുത്തുന്നത്. ബാബുവിനെ കൊലപ്പെടുത്തിയ കേസിൽ നാലു ബിജെപി പ്രവർത്തകരെ പുതുച്ചേരി പോലീസ് അറസ്റ്റ് ചെയ്തിരുന്നു.
Read More“ഊരാക്കുടുക്കിൽ’ ഇരിട്ടി പാലം; ഭാരനിയന്ത്രണ നിർദേശം പാലിക്കാതെ വാഹനങ്ങൾ; കൂറ്റന് കണ്ടെയ്നര് ലോറി പാലത്തില് കുടങ്ങി ഗതാഗതം തടസപ്പെട്ടു
ഇരിട്ടി: ഭാരനിയന്ത്രണ നിര്ദേശം ലംഘിച്ച് ഇരിട്ടി പാലത്തില് കയറുന്ന ലോറികള് തുടര്ച്ചയായ ഗതാഗതകുരുക്കുണ്ടാക്കുന്നു. ഇന്നലെ രാത്രി കണ്ടെയ്നര് ലോറി ഇരിട്ടി പാലത്തില് കുടുങ്ങി. ഇതേ തുടര്ന്ന് ഒരു മണിക്കൂറോളം തലശേരി-കുടക് അന്തർസംസ്ഥാന പാതയില് ഗതാഗതം തടസപ്പെട്ടു. ഇതേത്തുടർന്ന് ഇരിട്ടി- ജബ്ബാര്കടവ് – കോളിക്കടവ് വഴി വാഹനങ്ങ തിരിച്ചുവിട്ടു. ഇന്നലെ രാത്രി ഒന്പതേ മൂക്കാലോടെയാണ് ടൗൺ ഭാഗത്തുനിന്ന് കൂറ്റന് കണ്ടെയ്നര് ലോറി പാലത്തില് കയറിയത്. പാലത്തിന്റെ ഇരുമ്പുഗര്ഡറുകളിൽ കണ്ടെയ്നറിന്റെ മുകള്ഭാഗം ഉടക്കിയതോടെ ലോറി കുടുങ്ങി. തുടര്ന്ന് നാട്ടുകാരും അഗ്നിരക്ഷാനിലയം അധികൃതരും ചേര്ന്ന് ലോറിയുടെ ടയറിന്റെ കാറ്റുകള് അഴിച്ചുവിട്ട് ഉയരം ക്രമീകരിക്കാന് ശ്രമിച്ചെങ്കിലും പ്രയോജനം ഉണ്ടായില്ല. തുടര്ന്ന് പാലത്തിന്റെ മേൽക്കൂടിന്റെ ഭാഗം മുറിച്ചുനീക്കി. ലോറി പിന്നോട്ടുമാറ്റിയപ്പോള് വീണ്ടും മേല്ക്കൂടിന്റെ ഇരുമ്പു ഗര്ഡറുകളിൽ ഉരഞ്ഞ് വലിയ ശബ്ദമുണ്ടാവുകയും പാലം കുലുങ്ങുകയും ചെയ്തത് കുറച്ചുനേരം ഭീതിപരത്തി. തകര്ച്ച നേരിടുന്ന ഇരിട്ടി പാലത്തിലൂട 12…
Read Moreകണ്ണൂരിൽ ഡ്രൈവിംഗ് സ്കൂളിന് നേരെ അക്രമം; വാഹനങ്ങൾ തകർത്തു; അക്രമികൾക്കെതിരേ നടപടിയെടുക്കണമെന്ന് അസോസിയേഷൻ
കണ്ണൂർ: ഡ്രൈവിംഗ് സ്കൂളിനുനേരേ അക്രമം. കാർ ഉൾപ്പെടെയുള്ള വാഹനങ്ങൾ തകർത്തു. കണ്ണൂർ തായത്തെരു റോഡിൽ പ്രവർത്തിക്കുന്ന യുക്തി ഡ്രൈവിംഗ് സ്കൂളിനുനേരേയാണ് അക്രമമുണ്ടായത്. ഇന്നു രാവിലെ ഓഫീസ് തുറക്കാനെത്തിയപ്പോഴാണ് വാഹനങ്ങൾ തകർത്തനിലയിൽ കണ്ടെത്തിയത്. കുറ്റ്യാട്ടൂരിലെ നിതിന്റെ ഉടമസ്ഥതയിലുള്ളതാണ് ഡ്രൈവിംഗ് സ്കൂൾ. ഓഫീസിന് മുന്നിൽ നിർത്തിയിട്ടിരുന്ന കാറിന്റെ മുന്നിലെയും പിന്നിലെയും ഗ്ലാസുകൾ തകർക്കുകയും ഓഫീസിന്റെ പിൻഭാഗത്തെ ഗ്രൗണ്ടിൽ നിർത്തിയിട്ടിരുന്ന സ്കൂട്ടറുകളും ഓട്ടോറിക്ഷയും മറിച്ചിട്ട നിലയിലുമാണ്. കാറിന്റെ ടയറുകൾ കുത്തിക്കീറുകയും ചെയ്തിട്ടുണ്ട്. സംഭവത്തിൽ ഡ്രൈവിംഗ് സ്കൂൾ ഇൻസ്ട്രക്ടേഴ്സ് ആൻഡ് വർക്കേഴ്സ് അസോസിയേഷൻ പ്രതിഷേധിച്ചു. അക്രമികൾക്കെതിരേ നടപടിയെടുക്കണമെന്ന് സംസ്ഥാന പ്രസിഡന്റ് പാലോട് രവിയും ജനറൽ സെക്രട്ടറി പ്രസാദ് പൂങ്കുന്നവും ആവശ്യപ്പെട്ടു.
Read Moreകുപ്പത്ത് ലോറി മറിഞ്ഞ് രണ്ടുപേർക്ക് പരിക്ക്; അവശരായിട്ടും സാധനങ്ങൾ സംരക്ഷിച്ച് ഡ്രൈവറും സഹായിയും റോഡിൽതന്നെ
തളിപ്പറമ്പ്: ദേശീയപാതയില് നിയന്ത്രണംവിട്ട് ലോറി മറിഞ്ഞ് രണ്ടുപേര്ക്ക് പരിക്കേറ്റു. ഇന്ന് പുലര്ച്ചെ ഒന്നരയോടെയായിരുന്നു അപകടം. ഡല്ഹിയില് നിന്നും തുകല് ഉത്പന്നങ്ങളുമായി കൊച്ചിയിലേക്ക് പോകുന്ന നാഷണൽ പെര്മിറ്റ് ലോറിയാണ് കുപ്പം മരത്തക്കാട്ട് അപകടത്തില്പ്പെട്ടത്. റോഡരികിലെ വളവില് നിയന്ത്രണംവിട്ട ലോറി മറിയുകയായിരുന്നു. ലോറിക്കടിയില് പെട്ടുപോയ ഡ്രൈവര് ഷഹറുദ്ദീന് (33), സഹായി മോസം(19) എന്നിവരെ ഹൈവേ പോലീസ് രക്ഷപ്പെടുത്തി പരിയാരം മെഡിക്കല് കോളജില് എത്തിച്ചു. എന്നാല്, ലോറിയില് സാധനങ്ങളുള്ളതിനാല് ഇരുവരും ആശുപത്രിയില് കിടക്കാതെ അപകടസ്ഥലത്തുതന്നെ എത്തുകയായിരുന്നു. ഇവര് ലോറിക്ക് സമീപം റോഡില് തന്നെ അവശനിലയില് കിടക്കുന്ന കാഴ്ച ദയനീയമാണ്. ഉടമകള് എത്തിയശേഷം മാത്രമേ ലോറി ഉയര്ത്തുവാനോ സാധനങ്ങള് മാറ്റുവാനോ സാധിക്കുകയുള്ളുവെന്ന് പോലീസ് പറഞ്ഞു.
Read More