തൃക്കരിപ്പൂർ: കടലിൽ കുടുങ്ങിയ മൽസ്യ തൊഴിലാളികളെ കോസ്റ്റൽ പോലീസിന്റെ സഹകരണത്തോടെ കരക്കെത്തിച്ചു. നീലേശ്വരം അഴിമുഖത്തിന് 90 കിലോമീറ്റർ ദൂരത്തിൽ ബോട്ടിന്റെ യന്ത്രത്തകരാർ മൂലം അഞ്ച് ദിവസമായി കടലിൽ കുടുങ്ങിയ 12 മൽസ്യതൊഴിലാളി കളെയാണ് ഫിഷറീസിന്റെ റസ്ക്യു വിഭാഗവും തീരദേശ പോലീസും ഇന്നലെ വൈകിട്ടോടെ രക്ഷപ്പെടുത്തി കരയ്ക്ക് എത്തിച്ചത്. എറണാകുളം രജിസ്ട്രേഷനുള്ള ഐഎൻഡി കഐൽ 04 എംഎം 2199 അൽ അമീൻ എന്ന ബോട്ടിനെയാണ് കരക്കെത്തിച്ചത്. ഫിഷറീസ് അസിസ്റ്റന്റ് ഡയറക്ടർ പി.വി. സതീശൻ, തൃക്കരിപ്പൂർ കോസ്റ്റൽ സിഐ പി. നന്ദകുമാർ എന്നിവരുടെ നേതൃത്വത്തിൽ ഫിഷറീസ് റസ്ക്യു ഗാർഡ് കെ. മനു, പി. ധനീഷ്, ്രെഡെവർമാരായ നാരായണൻ, കണ്ണൻ, സിവിൽ പോലീസ് ഓഫീസർ എം. ഉണ്ണിരാജൻ എന്നിവർ ചേർന്നാണ് ആറ് മണിക്കൂർ നീണ്ട പരിശ്രമത്തിനൊടുവിൽ തൊഴിലാളികളെ രക്ഷപെടുത്തി നീലേശ്വരം അഴിമുഖത്ത് എത്തിച്ചത്.
Read MoreCategory: Kannur
മദ്യപിച്ചെന്ന് ആരോപിച്ച് അറസ്റ്റു ചെയ്തയാളെ മർദിക്കുന്നതിനിടെ പ്രതിയുടെ വാച്ച് ശരീരത്തില് തട്ടി എസ്ഐക്ക് പരിക്കേറ്റു; ഔദ്യോഗിക കൃത്യനിര്വഹണം തടസപ്പെടുത്തിയതിന് പോലീസ് കേസ്
തളിപ്പറമ്പ്: സ്റ്റേഷനില്വെച്ച് പ്രതിയെ മര്ദിക്കുന്നതിനിടയില് പ്രതിയുടെ വാച്ച് ശരീരത്തില്കൊണ്ട് എസ്ഐക്ക് പരിക്കേറ്റു. പ്രതിക്കെതിരെ ഔദ്യോഗിക കൃത്യനിര്വഹണം തടസപ്പെടുത്തിയതിന് കേസ്. ഇന്നലെ രാത്രി ഹൈവേ പോലീസ് പിടികൂടി സ്റ്റേഷനിലെത്തിച്ച വായാട്ടെ പാലക്കോടന് നൗഷാദിനെ (40) എസ്ഐ മര്ദിച്ചതായാണ് പരാതി. സ്റ്റേഷനിലെത്തിച്ച നൗഷാദ് മദ്യപിച്ചതായി ആരോപിച്ച് എസ്ഐ മര്ദിച്ചതായാണ് ആരോപണം. എന്നാല് പ്രവാസജീവിതം അവസാനിപ്പിച്ച് നാട്ടിലെത്തി ഡ്രൈവറായി ജോലിനോക്കുന്ന നൗഷാദിന് മദ്യപാനശീലം ഇല്ലെന്നാണ് നാട്ടുകാര് പറയുന്നത്. നൗഷാദിനെ ഇന്ന് കോടതിയില് ഹാജരാക്കും. തളിപ്പറമ്പ് എസ്ഐക്കെതിരേ പൊതുസമൂഹത്തില് പരാതികള് വ്യാപകമാകുന്നതിനെതിരെ രഹസ്യാന്വേഷണ വിഭാഗം റിപ്പോര്ട്ട് നല്കിയതായി അറിയുന്നു.
Read Moreനിക്ഷേപകരില് നിന്നു കോടികൾ തട്ടിയ കേസിൽ രണ്ടുപേര് അറസ്റ്റില്; സിഗ്സ്ടെക് മാര്ക്കറ്റിംഗ് എന്ന സ്ഥാപനത്തിന്റെ മറവിലായിരുന്നു തട്ടിപ്പ്
തളിപ്പറമ്പ്: ആയിരത്തിലേറെ നിക്ഷേപകരില് നിന്നു കോടിക്കണക്കിനു രൂപ തട്ടിയെടുത്ത കേസില് സ്വകാര്യ ധനകാര്യ സ്ഥാപന നടത്തിപ്പുകാരായ രണ്ടുപേര് അറസ്റ്റില്. ഉടമ ഉള്പ്പെടെയുള്ളവര് ഒളിവില്. തളിപ്പറമ്പ് ചിറവക്കില് പ്രവര്ത്തിക്കുന്ന സിഗ്സ്ടെക് മാര്ക്കറ്റിംഗ് എന്ന സ്ഥാപനത്തിന്റെ നടത്തിപ്പ് ചുമതലയുള്ള പാലക്കാട് സ്വദേശിയും പുഴക്കുളങ്ങര ഗൗരീശങ്കരത്തില് താമസക്കാരനുമായ എസ്.സുരേഷ്ബാബു (47), കാസര്ഗോഡ് കളനാട് വിഷ്ണുലീലയിലെ കുഞ്ഞിച്ചന്തു മേലത്ത് (42) എന്നിവരെയാണ് ഇന്നലെ ഡിവൈഎസ്പി കെ.വി വേണുഗോപാലിന്റെ നേതൃത്വത്തിലുള്ള സംഘമാണ് പിടികൂടിയത്. 15 വര്ഷമായി ചിറവക്കില് പ്രവര്ത്തിച്ചുവരുന്ന ഈ സ്ഥാപനത്തിന്റെ ഉടമ കോട്ടയം സ്വദേശിയായ കെ.എന്.രാജീവ് എന്നതാണ്. സ്ത്രീകള് ഉള്പ്പെടെയുള്ള ഏജന്റുമാര് വലിയ വാഗ്ദാനങ്ങള് നല്കിയാണ് ആയിക്കണക്കിനാളുകളുടെ നിക്ഷേപം സ്വീകരിച്ചത്. അഞ്ചുവര്ഷം കൊണ്ടു പണം ഇരട്ടിക്കും. ഒരു ലക്ഷം രൂപയ്ക്കു പ്രതിമാസം 10,000 രൂപ പലിശ എന്നീ മോഹന വാഗ്ദാനങ്ങളില് മയങ്ങിയാണു നിരവധി പേര് നിക്ഷേപം നടത്തിയത്. കോടികള് തന്നെ നിക്ഷേപിച്ചവരുണ്ടെന്നു പോലീസ്…
Read Moreമൈസൂരു വൃന്ദാവനിൽ മരം കടപുഴകി മലയാളി ഉൾപ്പെടെ മൂന്നു പേർ മരിച്ചു; വിനോദിന്റെ ആകസ്മിക മരണം സുഹൃത്തുക്കളെ കണ്ണീരിലാഴ്ത്തി
മൈസൂരു: മൈസൂരു വൃന്ദാവന് ഗാര്ഡനില് മരം കടപുഴകി വീണ് രണ്ട് മലയാളികൾ ഉൾപ്പെടെ മൂന്നു പേർ മരിച്ചു. കണ്ണൂർ, പാലക്കാട് സ്വദേശികളാണ് മരിച്ച രണ്ട് മലയാളികൾ. ഇന്നലെ വൈകുന്നേരമായിരുന്നു അപകടം നടന്നത്. മരിച്ച കണ്ണൂർ സ്വദേശി തളിപ്പറന്പ് പട്ടുവത്തെ കാവുങ്കല് കെ.വി.വിനോദ് (42) ആണ്. മരിച്ച പാലക്കാട് സ്വദേശി ഹിലർ ആണെന്നാണ് ലഭ്യമായ വിവരം. മരിച്ച മൂന്നാമനെ കുറിച്ചുള്ള വിവരങ്ങൾ ലഭ്യമായിട്ടില്ല. നിരവധിപേർക്കു പരിക്കേറ്റു. വൃന്ദാവന് ഗാര്ഡനില് ഷോ നടക്കുന്നതിനിടയില് പെട്ടെന്നു കാറ്റും മഴയും വന്നതിനെ തുടര്ന്നാണ് അപകടം ഉണ്ടായത്. പോസ്റ്റ്മോര്ട്ടത്തിനു ശേഷം നാട്ടിലെത്തിക്കുന്ന വിനോദിന്റെ മൃതദേഹം രാത്രിയോടെ കാവുങ്കല് പൊതുശ്മശാനത്തില് സംസ്ക്കരിക്കും. പരേതനായ കുഞ്ഞമ്പു-സരസ്വതി ദമ്പതികളുടെ മകനായ വിനോദ് അവിവാഹിതനാണ്. സഹോദരങ്ങള്: ദിനേശന് (ക്ലാസിക് സിനിമ), സുരേഷ് (ഫോട്ടോഗ്രാഫര്), ഉമേഷ് (ഡ്രൈവര്), അനിത. സുഹൃത്തുക്കളെ കണ്ണീരിലാഴ്ത്തിവിനോദിന്റെ ആകസ്മിക മരണം തളിപ്പറമ്പ്: ആഹ്ലാദത്തിനിടയില് കടന്നുവന്ന ആപത്ത് “കാറ്റാടി…
Read More“കാട്ടുതീ’ പുതിയ ലക്കം പുറത്തിറങ്ങി; മധുവിന്റെ കൊലപാതകത്തിനെതിരേ രൂക്ഷ പ്രതികരണവുമായി മാവോയിസ്റ്റ് പ്രസിദ്ധീകരണം വീണ്ടും
ഇരിട്ടി: ആദിവാസി യുവാവായ മധുവിന്റെ കൊലപാതകത്തിനെതിരേ രൂക്ഷ പ്രതികരണവുമായി മാവോയിസ്റ്റ് പ്രസിദ്ധീകരണമായ “കാട്ടുതീ’ വീണ്ടും പുറത്തിറങ്ങി. പുതിയ ചെക്യേരി കോളനിയിലെ ഇ.പി. ജയരാജന് എംഎല്എയുടെ സന്ദര്ശനത്തെ വിമർശിച്ച പുതിയ ലക്കത്തിൽ കെ. പാനൂരിന് ആദരാഞ്ജലികള് അർപ്പിച്ചുള്ള ലേഖനവും ഉൾപ്പെടുത്തിയിട്ടുണ്ട്. ഇടക്കാലത്തു നിലച്ചുപോയ “കാട്ടുതീ’യാണു വീണ്ടും പ്രസിദ്ധീകരിച്ചു തുടങ്ങിയത്. സര്ക്കാരിനും ഭരണകൂടത്തിനും രുക്ഷ വിമര്ശനമുള്ള ലേഖനത്തില് ആറളം ഫാം ആദിവാസി പുനരധിവാസ മേഖലയില് ഭൂമി തിരിച്ചുപിടിക്കാനുള്ള നീക്കം ചെറുക്കണമെന്നും ആവശ്യപ്പെട്ടിട്ടുണ്ട്. ഫാമിലുള്പ്പെടെ ആദിവാസി കോളനികളും കേരള – കര്ണാടക വനാതിര്ത്തി കേന്ദ്രീകരിച്ചും മാവോയിസ്റ്റ് പ്രവര്ത്തനം സജീവമാണ്.
Read Moreഉറങ്ങിക്കിടക്കുകയായിരുന്ന പതിനൊന്നുകാരിയെ പീഡിപ്പിക്കാൻ ശ്രമിച്ച കേസ്; മാർത്താണ്ഡം സ്വദേശി ജെഹിൻരാജിനെ പോലീസ് അറസ്റ്റു ചെയ്തു
മയ്യിൽ: പതിനൊന്നുകാരിയെ പീഡിപ്പിക്കാൻ ശ്രമിച്ച കേസിൽ പോലീസ് അറസ്റ്റ് ചെയ്ത കന്യാകുമാരി സ്വദേശിയെ ഇന്ന് കോടതിയിൽ ഹാജരാക്കും. വീട്ടിൽ ഉറങ്ങുകയായിരുന്ന പതിനൊന്നുകാരിയെ പീഡിപ്പിച്ച കേസിൽ കന്യാകുമാരി മാർത്താണ്ഡം സ്വദേശി ജെഹിൻരാജിനെ (24) ആണ് റെയിൽവേ പോലീസിന്റെ സഹായത്തോടെ മയ്യിൽ പോലീസ് പിടികൂടിയത്. കഴിഞ്ഞദിവസം അച്ഛൻ കടയിലും അമ്മ കുടുംബശ്രീ പരിപാടിക്കും പോയ സമയത്താണ് പീഡിപ്പിക്കാൻ ശ്രമിച്ചത്. തവണ വ്യവസ്ഥകളിൽ ഗൃഹോപകരണങ്ങൾ വീട്ടിലെത്തിച്ചതിന്റെ തുക പിരിച്ചെടുക്കുന്ന ജോലിയാണ് ജെഹിൻരാജിന്. മയ്യിൽ എസ്ഐ പി. ബാബുമോന്റെ അവസരോചിതമായ ഇടപെടലാണ് പ്രതി പിടിയിലായത്.
Read Moreസിസിടിവി ചതിച്ചു! അശ്ലീലപ്രദര്ശനം നടത്തിയ യുവാവ് പിടിയില്; പോലീസ് കേസെടുത്തത് നഴ്സിന്റെ പരാതിയില്
കണ്ണൂർ: കാറിൽവന്ന് വഴി ചോദിച്ച ശേഷം അശ്ലീല പ്രദർശനം നടത്തിയ യുവാവ് അറസ്റ്റിൽ. കണ്ണൂരിലെ സ്വകാര്യ ആശുപത്രിയിലെ നഴ്സിനോട് അശ്ലീല പ്രദർശനം നടത്തിയതിന് കൊട്ടിയൂർ ചുങ്കക്കുന്നിലെ അനീഷി(37) നെയാണ് ടൗൺ പോലീസ് അറസ്റ്റ് ചെയ്തത്. ഇയാളെ പിന്നീട് കോടതിയിൽ ഹാജരാക്കി. കഴിഞ്ഞ കുറച്ച് ദിവസങ്ങളായി തളാപ്പ്, തുളിച്ചേരി, പള്ളിക്കുന്ന് എന്നീ ഭാഗങ്ങളിൽനിന്നും ഇത്തരം സംഭവങ്ങൾ റിപ്പോർട്ട് ചെയ്തിരുന്നു. നഴ്സിന്റെ പരാതിപ്രകാരമാണ് പോലീസ് കേസെടുത്തത്. നഗരത്തിലെ വിവിധ ഭാഗങ്ങളിൽ സമാനഅനുഭവം നേരിട്ട മൂന്നുപേരുടെ മൊഴിയും രേഖപ്പെടുത്തി. യുവതി നൽകിയ വിവരത്തിന്റെ അടിസ്ഥാനത്തിൽ തളാപ്പിലെ സിസിടിവി കാമറ പരിശോധിച്ചതിൽ നിന്ന് അനീഷിന്റെ കാർ അതുവഴി ചുറ്റിക്കറങ്ങുന്നത് ശ്രദ്ധയിൽപ്പെട്ടു. തുടർന്ന് നടത്തിയ അന്വേഷണത്തിലാണ് യുവാവ് വലയിലാകുന്നത്.
Read Moreകണ്ണൂർ ബൈപ്പാസ്: പോലീസിന്റെ കനത്ത സുരക്ഷയിൽ കോട്ടക്കുന്നിൽ സർവേ തുടങ്ങി
കണ്ണൂർ ബൈപ്പാസ്:കനത്ത സുരക്ഷയിൽ കോട്ടക്കുന്നിൽ സർവേ തുടങ്ങിപുതിയതെരു: കണ്ണൂർ ബൈപ്പാസിന് വേണ്ടിയുള്ള സർവ നടപടികളുടെ ഭാഗമായി കോട്ടക്കുന്ന് ഭാഗങ്ങളിൽ കല്ലിടൽ പ്രവൃത്തി തുടങ്ങി. കോട്ടക്കുന്ന് സ്കൂൾ മുതൽ വളപട്ടണം പുഴ വരെയാണ് ഇന്ന് സർവേ. എഎസ്പി അരവിന്ദ് സുകുമാരന്റെ നേതൃത്വത്തിൽ വളപട്ടണം പോലീസ് സ്ഥലത്ത് കനത്ത സുരക്ഷാ ക്രമീകരണം ഏർപ്പെടുത്തിയിട്ടുണ്ട്. സർവേ നടപടിയിൽ സമരസമിതി പ്രതിഷേധ കൂട്ടായ്മ സംഘടിപ്പിച്ചു വരുന്നു. സ്ത്രീകൾ ഉൾപ്പെടെ നിരവധി പേർ പ്രതിഷേധിച്ചു വരുന്നു. കണ്ണൂർ ബൈപ്പാസ് റോഡ് നിർമ്മാണവുമായി ബന്ധപ്പെട്ട സർവ്വേ നടപടികളിൽ ഈ ഭാഗത്ത് ഇനി ഏകദേശം ഒരു കിലോമീറ്ററോളം ദൂരത്തിൽ ആണ് കല്ലിടുന്നത്. പുതിയ അലൈൻമെന്റിൽ മാറ്റം വരുത്താതെ പിൻമാറില്ലെന്ന് ആവശ്യവുമായി കണ്ണൂർ ബൈപ്പാസ് വിരുദ്ധ ആക്ഷൻ കമ്മിറ്റിയുടെ നേതൃത്വത്തിലാണ് കോട്ടക്കുന്ന് സ്കൂളിന് മുന്നിലാണ് പ്രതിഷേധം.
Read Moreചെങ്ങന്നൂരിൽ എല്ലാവരുടെയും വോട്ട് സ്വീകരിക്കും; കാനം രാജേന്ദ്രന്റെ പ്രസ്താവന തള്ളി സിപിഎം സംസ്ഥാന സെക്രട്ടറി കോടിയേരി
കണ്ണൂർ: ചെങ്ങന്നൂർ ഉപതെരഞ്ഞെടുപ്പിൽ കേരള കോൺഗ്രസ് എമ്മിന്റെ വോട്ട് വേണ്ടന്ന കാനം രാജേന്ദ്രന്റെ പ്രസ്താവന തള്ളി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. ചെങ്ങന്നൂർ തെരഞ്ഞെടുപ്പിൽ കേരള കോണ്ഗ്രസിന്റെ വോട്ട് വേണ്ടെന്ന് കാനത്തിന് പറയാനാകില്ലെന്ന് കോടിയേരി പറഞ്ഞു. ഇക്കാര്യം തീരുമാനിക്കേണ്ടത് എൽഡിഎഫ് സംസ്ഥാന സമിതിയാണ്. ഒരു ഘടകകക്ഷിക്ക് മാത്രമായി ഇക്കാര്യത്തിൽ തീരുമാനമെടുക്കാനാവില്ലെന്നും അദ്ദേഹം പറഞ്ഞു.കോണ്ഗ്രസിനോട് അതൃപ്തിയുള്ളവർ ചെങ്ങന്നൂരിൽ എൽഡിഎഫിന് വോട്ട് ചെയ്യും. കോണ്ഗ്രസിനോട് കേരള കോണ്ഗ്രസിനും അതൃപ്തിയാണെങ്കിൽ അവർക്കും എൽഡിഎഫിന് വോട്ട് ചെയ്യാം. ചെങ്ങന്നൂരിൽ എല്ലാവരുടെയും വോട്ടുകൾ സ്വീകരിക്കുമെന്നും കോടതിയേരി പറഞ്ഞു.
Read Moreസിനിമ കണ്ടിറങ്ങിയപ്പോള് മഴ, പിന്നെ…! കുപ്രസിദ്ധ ഭണ്ഡാര മോഷ്ടാവ് പോലീസിന്റെ പിടിയില്; പയ്യന്നൂര് പുതിയ ബസ്സ്റ്റാന്ഡില് നാടകീയ രംഗങ്ങള്
പയ്യന്നൂര്: കുപ്രസിദ്ധ ഭണ്ഡാര മോഷ്ടാവ് പോലീസിന്റെ പിടിയില്. കോറോം കാനായിയിലെ തെക്കില് ബാബു (45) എന്ന സുരേഷ് ബാബുവാണ് പയ്യന്നൂര് പുതിയ ബസ്സ്റ്റാൻഡിൽ വച്ച് നാടകീയമായി പോലീസിന്റെ പിടിയിലായത്. എടാട്ട് ക്ഷേത്രത്തിലെ നിരീക്ഷണ കാമറയില് ഇയാള് ഭണ്ഡാരം കവര്ച്ച ചെയ്യുന്നതിന്റെ ദൃശ്യങ്ങള് പതിഞ്ഞിരുന്നു. ഇതില്നിന്നും കുറ്റവാളിയെ തിരിച്ചറിഞ്ഞ പോലീസ് പല സ്ഥലങ്ങളിലും ഇയാളെ തെരഞ്ഞെങ്കിലും കണ്ടുകിട്ടിയില്ല. ഇതിനിടയിലാണ് ഇന്നലെ രാത്രി 8.15ഓടെ ഇയാള് പയ്യന്നൂര് പുതിയ ബസ്സ്റ്റാൻഡിൽ ബസിറങ്ങിയത്. ഇതേ ബസില് യാത്രചെയ്തിരുന്ന തളിപ്പറമ്പ് ഡിവൈഎസ്പിയുടെ പ്രത്യേക സ്ക്വാഡംഗമായ എഎസ്ഐ എന്.ഗോപിനാഥന് ഇയാളെ തിരിച്ചറിഞ്ഞ് പയ്യന്നൂര് പോലീസിന് വിവരം കൈമാറിയിരുന്നു. ബസില് നിന്നും പുറത്തിറങ്ങിയ ഉടനെ ഗോപിനാഥന് ഇയാളെ പിടികൂടിയപ്പോള് കുതറിയോടിയെങ്കിലും കാത്തുനിന്നിരുന്ന പോലീസ് സംഘത്തിന്റെ പിടിയില്നിന്നും ഇയാള്ക്ക് രക്ഷപ്പെടാനായില്ല. മറ്റൊരു കേസിലെ ജയില്വാസത്തിന് ശേഷം ഈ മാസം മൂന്നിനാണ് ഇയാള് പുറത്തിറങ്ങിയത്. അതിനു ശേഷമാണ് 20ന്…
Read More