മരട്(കൊച്ചി): ഫ്ളാറ്റുകൾ പൊളിച്ചുനീക്കുന്നതിന്റെ ഭാഗമായി താമസക്കാരെ ഒഴിപ്പിക്കുന്ന നടപടികൾ ഏകദേശം പൂർത്തിയായതോടെ മരടിലെ ഫ്ളാറ്റു സമുച്ചയങ്ങളുടെ ഭാഗികമായ നിയന്ത്രണം പോലീസ് ഏറ്റെടുത്തു. എല്ലാ ഫ്ളാറ്റ് സമുച്ചയങ്ങളിലും പോലീസ് സംഘത്തെ നിയോഗിച്ചു. നാലു ഫ്ളാറ്റ് സമുച്ചയങ്ങളിലെ അഞ്ച് ബഹുനില കെട്ടിടങ്ങളിലായി താമസിച്ചിരുന്ന വാടകക്കാരും ഉടമകളുമായ ഭൂരിഭാഗം പേരും ഒഴിഞ്ഞു പോയി. ആകെ താമസക്കാരുണ്ടായിരുന്ന 328 ഫ്ളാറ്റുകളിലെ 245 കുടുംബങ്ങൾ ഒഴിഞ്ഞു പോയെന്നാണ് ഏറ്റവും ഒടുവിൽ ലഭ്യമായ കണക്ക്. സാധനങ്ങൾ മാറ്റാനും മറ്റും സമയം നീട്ടി നൽകാൻ അപേക്ഷ സമർപ്പിച്ചവർക്ക് അതിനുള്ള അനുമതി നൽകിയിട്ടുണ്ട്. ഉടമകൾ വിദേശത്തു താമസമാക്കിയതിനാൽ പൂട്ടിയിട്ടിരിക്കുന്ന അപ്പാർട്ടുമെന്റുകളുമുണ്ട്. ഇവർ ഉടൻ നാട്ടിലെത്തുമെന്നാണ് അധികൃതരുടെ പ്രതീക്ഷ. ഇന്നലെ വരെ പുനരധിവാസത്തിന് അപേക്ഷ നൽകിയ 42 പേർക്ക് താമസ സൗകര്യം അനുവദിക്കുന്നതിന് നടപടി എടുത്തിട്ടുണ്ടെന്ന് ജില്ലാ ഭരണകൂടം വ്യക്തമാക്കി. ഫ്ളാറ്റ് സമുച്ചയങ്ങളിലെ വൈദ്യുതി ഉടൻ വിച്ഛേദിക്കില്ല എന്ന തീരുമാനം…
Read MoreCategory: Kochi
ആത്മാവില്ലാത്ത വികസനമാണ് രാജ്യത്തോടു കാണിച്ച വലിയ അപരാധമെന്ന് കെ. ജയകുമാർ
കൊച്ചി: ആത്മാവില്ലാത്ത വികസനമാണ് രാജ്യത്തോടു കാണിച്ച ഏറ്റവും വലിയ അപരാധമെന്ന് മുൻ ചീഫ് സെക്രട്ടറി കെ. ജയകുമാർ. ഇരുപത്തൊന്നാം നൂറ്റാണ്ടിൽ ഗാന്ധിജിയുടെ പ്രസക്തി എന്ന വിഷയത്തിൽ കേരള മാനേജ്മെന്റ് അസോസിയേഷൻ (കെഎംഎ) സംഘടിപ്പിച്ച പ്രഭാഷണത്തിൽ സംസാരിക്കുകയായിരുന്നു അദ്ദേഹം. ഗാന്ധിജിയെ ജീവിതത്തിലേക്ക് കൊണ്ടുവന്നാൽ കായലോരത്ത് തന്നെ കിടന്നാലേ ഉറക്കം വരൂ എന്ന ചിന്ത ഉണ്ടാകില്ലെന്നും അദ്ദേഹം പറഞ്ഞു. ഗാന്ധിജിയെ മറന്നുള്ള പ്രവർത്തനങ്ങളുടെ ഫലമാണു മരടിലും പ്ലാച്ചിമടയിലുമൊക്കെ അനുഭവിക്കുന്നത്. കോടിപതി ആവുക എന്നതാണു പലരുടെയും ജീവിതത്തിന്റെ ആത്യന്തിക ലക്ഷ്യം. ഗാന്ധിജിയെ സ്വീകരിച്ചാൽ ലാളിത്യം ജീവിതത്തിന്റെ ഭാഗമായി മാറും. രാജ്യം നേരിടുന്ന പല സമീപകാല വെല്ലുവിളികൾക്കുമുള്ള ഉത്തരം ഗാന്ധിജിയാണെന്നും അദ്ദേഹം പറഞ്ഞു. പുതുതലമുറയ്ക്ക് ഗാന്ധിയെക്കുറിച്ച് ഏറെ തെറ്റിദ്ധാരണകളുണ്ട്. പ്രശ്നങ്ങളുടെ നടുവിലാണ് ഇന്ന് രാജ്യം. അക്രമങ്ങളും കലാപവും വർധിച്ചുവരുന്നു. ധാർമികത പൊതുജീവിതത്തിന്റെ ഭാഗമല്ലാതായി. സമകാലീന പ്രശ്നങ്ങളെക്കുറിച്ച് നമുക്ക് നല്ല ബോധമുണ്ട്, പക്ഷെ പലതിനും…
Read Moreപാലാരിവട്ടം മേല്പ്പാലം: പ്രതികളുടെ റിമാന്ഡ് കാലാവധി നീട്ടി; ഒന്നും പറയാനില്ലെന്ന് ടി.ഒ സൂരജ്
കൊച്ചി: പാലാരിവട്ടം മേല്പ്പാലം അഴിമതിക്കേസില് അറസ്റ്റിലായ പൊതുമരാമത്ത് മുന് സെക്രട്ടറി ടി.ഒ.സൂരജ് ഉള്പ്പെടെയുള്ള നാല് പ്രതികളുടെ റിമാന്ഡ് കാലാവധി നീട്ടി. ഈമാസം 17 വരെയാണ് വിജിലന്സ് കോടതി റിമാന്ഡ് കാലാവധി നീട്ടിയത്. ടി.ഒ. സൂരജ്, ഒന്നാം പ്രതി സുമിത് ഗോയല്, രണ്ടാം പ്രതിയും കേരള റോഡ്സ് ആന്ഡ് ബ്രിഡ്ജസ് ഡെവലപ്മെന്റ് കോര്പറേഷന് അസിസ്റ്റന്റ് ജനറല് മാനേജര് എം.ടി തങ്കച്ചന്, മൂന്നാം പ്രതിയും കിറ്റ്കോ ജോയിന്റ് ജനറല് മാനേജരുമായ ബെന്നി പോള് എന്നിവരുടെ റിമൻഡ് കാലാവധിയാണ് നീട്ടിയത്. അതേസമയം, മേല്പ്പാലത്തിന്റെ ടെണ്ടറില് തിരിമറി നടന്നതിന് പിന്നില് രാഷ്ട്രീയനേതാക്കള്ക്ക് പങ്കുണ്ടോയെന്ന കാര്യം അന്വേഷിച്ചുവരികയാണെന്ന് വിജിലന്സ് അറിയിച്ചു. ടെണ്ടര് നടപടികളില് പങ്കെടുക്കുന്നത് ഉദ്യോഗസ്ഥരാണ്. എന്നാൽ, ഇത്രയും വലിയ ക്രമക്കേട് സംഭവിച്ചതിന് പിന്നില് മറ്റാരുടെയെങ്കിലും ഇടപെടലുണ്ടായിട്ടുണ്ടോയെന്ന സംശയത്തിന്റെ സാഹചര്യത്തിലാണ് രാഷ്ട്രീയ നേതാക്കളുടെയടക്കം സ്വാധീനം അന്വേഷിക്കുന്നത്. നിര്മാണ കരാര് ആര്ഡിഎസ് കമ്പനിക്ക് നല്കാന് ടെണ്ടര്…
Read Moreഫർണിച്ചർ ഗോഡൗണിൽ വൻ തീപിടിത്തം; തൊഴിലാളികൾ ഓടിമാറിയതിനാൽ വൻ ദുരന്തം ഒഴിവായി; ലക്ഷങ്ങളുടെ നാശം
കോതമംഗലം: നെല്ലിക്കുഴി ഇളബ്രയിൽ ഫർണിച്ചർ ഗോഡൗണിൽ വൻ തീപിടിത്തം. ഫർണിച്ചറുകളും നിർമാണത്തിനായി സൂക്ഷിച്ചിരുന്ന മര ഉരുപ്പടികളും ഉൾപ്പെടെ ലക്ഷക്കണക്കിന് രൂപയുടെ സാധനങ്ങൾ കത്തിനശിച്ചു. തീ ആളിപ്പടരുന്നത് കണ്ട് തൊഴിലാളികൾ ഇറങ്ങിയോടിയതിനാൽ വലിയ ദുരന്തം ഒഴിവായി. ഇന്ന് പുലർച്ചെ 2.45 ഓടെയാണ് സംഭവം. നെല്ലിക്കുഴി പാണാട്ടിൽ പി.എ അലിയാരുടെ ഉടമസ്ഥതയിൽ ഇളബ്രയിലുള്ള റോയൽ ഫർണിച്ചർ യൂണിറ്റിനാണ് തീ പിടിച്ചത്. ഏകദേശം പതിനായിരത്തോളം സ്ക്വയർഫീറ്റ് വിസ്തൃതിയുള്ള ഫർണിച്ചർ കടയാണ് അഗ്നിക്കിരയായത്. ഫർണിച്ചർ കടയുടെ പല ഭാഗത്ത് ഒരേ സമയം തീ ആളിപ്പടരുകയായിരുന്നു. കോതമംഗലം, മൂവാറ്റുപുഴ, പെരുമ്പാവൂർ എന്നിവിടങ്ങളിൽ നിന്ന് അഗ്നി രക്ഷാസേനയുടെ നാല് യൂണിറ്റുകളെത്തി മൂന്ന് മണിക്കൂറിലേറെ നീണ്ട പരിശ്രമത്തിനൊടുവിലാണ് തീയണച്ചത്. തീപിടിത്തം അറിഞ്ഞ ഉടൻ കോതമംഗലത്തുനിന്ന് അഗ്നിരക്ഷാ സംഘം എത്തിയെങ്കിലും തീ കൂടുതൽ വ്യാപിച്ചതോടെ മൂവാറ്റുപുഴ, പെരുമ്പാവൂർ എന്നിവിടങ്ങളിൽനിന്ന് കൂടുതൽ സേനയുടെ സഹായം തേടുകയായിരുന്നു. കോട്ടപ്പടി പോലീസും സ്ഥലത്തെത്തി…
Read Moreപോകാനിടമില്ല! സാധനങ്ങൾ നീക്കാനും പകരം താമസസ്ഥലം കണ്ടെത്താനും രണ്ടാഴ്ച സമയം നീട്ടിനല്കണം; ഫ്ളാറ്റുടമയുടെ ഒറ്റയാൾ പ്രതിഷേധം
കൊച്ചി: ഫ്ളാറ്റുകളിൽനിന്ന് ഒഴിഞ്ഞു പോകാൻ കൂടുതൽ സമയം നൽകണമെന്നാവശ്യപ്പെട്ട് ഉടമയുടെ ഒറ്റയാൾ പ്രതിഷേധം. പൊളിച്ചുമാറ്റാനിരിക്കുന്ന മരടിലെ ഹോളിഫെയ്ത്തിലെ ഫ്ളാറ്റുടമ ഐസക് പട്ടാണിപ്പറമ്പിലാണ് പ്രതിഷേധം നടത്തിയത്. സാധനങ്ങൾ നീക്കാനും പകരം താമസസ്ഥലം കണ്ടെത്താനും രണ്ടാഴ്ച സമയം നീട്ടി നൽകണമെന്ന ആവശ്യമാണ് ഉടമകൾ ഉന്നയിച്ചത്. ഇതു ചെവിക്കൊള്ളാൻ അധികൃതർ തയാറാവാത്ത സാഹചര്യത്തിലാണ് ഇദ്ദേഹം പ്രതിഷേധിച്ചത്. ഫ്ളാറ്റ് നിർമാതാക്കൾക്കെതിരേ രേഖാമൂലം പോലീസിൽ പരാതി നൽകിയ ഉടമകളിൽ മൂന്നു പേരിൽ ഒരാൾകൂടിയാണ് കായംകുളം സ്വദേശി ഐസക്. മകൾക്കുവേണ്ടി 68 ലക്ഷം രൂപയ്ക്കാണ് ഇദ്ദേഹം ഫ്ളാറ്റ് സ്വന്തമാക്കിയത്. പകരം വീടു കിട്ടാത്തതിനാൽ സാധനങ്ങൾ മാറ്റാനോ താമസം മാറാനോ കഴിയാത്ത അവസ്ഥയിലാണ് തങ്ങളെന്ന് മരട് നഗരസഭാ സെക്രട്ടറി, സബ് കളക്ടർ എന്നിവരോട് ഐസക് പറഞ്ഞു. ഉടമകളുടെ ന്യായമായ ആവശ്യങ്ങൾ മേലുദ്യോഗസ്ഥരെ അറിയിച്ച് സാധ്യമായത് ചെയ്യാമെന്ന ഉറപ്പു ലഭിച്ചതിനെത്തുടർന്നാണ് ഇദ്ദേഹം പ്രതിഷേധം അവസാനിപ്പിച്ചത്.
Read More“പറഞ്ഞ സമയത്ത് മാറണം’; മരട് ഫ്ളാറ്റ് ഉടമകൾക്ക് കൂടുതൽ സമയം നൽകാനാവില്ലെന്ന് നഗരസഭ
കൊച്ചി: മരട് ഫ്ളാറ്റുകളിൽനിന്ന് ഒഴിയാൻ കൂടുതൽ സമയം വേണമെന്ന ഉടമകളുടെ ആവശ്യം നിഷേധിച്ച് നഗരസഭ. ഫ്ളാറ്റിൽനിന്ന് ഒഴിയാൻ കൂടുതൽ സമയം അനുവദിക്കാനാവില്ലെന്ന് നഗരസഭാ സെക്രട്ടറി ആരിഫ് ഖാൻ പറഞ്ഞു. വ്യാഴാഴ്ചയോടെ താമസക്കാരെല്ലാവരും ഫ്ളാറ്റുകളിൽനിന്നും പൂർണമായും മാറണം. താൽക്കാലികമായി പുനസ്ഥാപിച്ച വെള്ളവും വൈദ്യുതിയും വ്യാഴാഴ്ചയോടെ വീണ്ടും വിച്ഛേദിക്കും. ഫ്ളാറ്റുകളിൽ നിന്ന് ഒഴിയാൻ ഒക്ടോബർ പത്ത് വരെ സമയം വേണമെന്നാണ് ഉടമകളുടെ ആവശ്യം. 180 കുടുംബങ്ങൾക്ക് പകരം താമസ സൗകര്യം കിട്ടി യില്ലെന്നും ഫ്ലാറ്റ് ഉടമകൾ പറഞ്ഞു. ഒഴിയാമെന്ന് സമ്മതിച്ചതാണ്. സർക്കാർ മാനുഷിക പരിഗണന നൽകണം. രണ്ടു ദിവസത്തിനകം ഫ്ളാറ്റ് ഒഴിയുന്നത് അ പ്രായോഗികമാണെന്നും ഉടമകൾ പറഞ്ഞു.
Read Moreവലിച്ചുകുടിക്കാന് സ്റ്റീല് സ്ട്രോ! ഉപയോഗശേഷം വലിച്ചെറിയാതെ സ്ട്രോകള് വീണ്ടും കഴുകി ഉപയോഗിക്കാം; ലക്ഷ്യം, പ്ലാസ്റ്റിക് വിമുക്ത കാമ്പസ്
കളമശേരി: പ്ലാസ്റ്റിക് വിമുക്ത കാന്പസ് എന്ന ലക്ഷ്യത്തിന്റെ ഭാഗമായി പ്ലാസ്റ്റിക് സ്ട്രോകൾക്കു പകരം സ്റ്റീൽ സ്ട്രോകൾ ഉപയോഗിക്കാൻ കൊച്ചി ശാസ്ത്ര സാങ്കേതിക സർവകലാശാല (കുസാറ്റ്) വിദ്യാർഥികളുടെ തീരുമാനം. വിദ്യാർഥികളുടെ കൂട്ടായ്മയായ സ്മൈൽ മേക്കേഴ്സ് ഇതിന്റെ ഭാഗമായി കുസാറ്റ് കാന്റീനിൽ പ്ലാസ്റ്റിക് സ്ട്രോക്കു പകരം സ്റ്റീൽ സ്ട്രോ വാങ്ങി നൽകിയിരിക്കുകയാണ്. പ്ലാസ്റ്റിക് സ്ട്രോ ഒഴിവാക്കാൻ കാന്റീൻ ഉൾപ്പടെ കാമ്പസിനകത്തുള്ള പല കോഫി ഷോപ്പുകളുമായി വിദ്യാർഥികൾ നടത്തിയ ചർച്ചകളുടെ ഫലമായിട്ടാണ് ഇങ്ങനെ ഒരു ബദൽ സംവിധാനത്തിന് അവർ തയാറായത്. ഇതോടു കൂടി ഇന്ത്യയിൽ സ്റ്റീൽ സ്ട്രോ ഉപയോഗിക്കുന്ന ആദ്യത്തെ യൂണിവേഴ്സിറ്റി കാന്റീനായി കുസാറ്റ് കോഫി ഹൗസ് മാറി. പ്ലാസ്റ്റിക് സ്ട്രോകൾ പോലെ ഉപയോഗശേഷം വലിച്ചെറിയാതെ സ്ട്രോകൾ വീണ്ടും കഴുകി ഉപയോഗിക്കാം എന്നതാണ് ഇതിന്റെ ഏറ്റവും വലിയ പ്രത്യേകത. തുടക്കമെന്ന നിലക്ക് ചൈനയിൽ നിന്നും നേരിട്ട് 200 സ്ട്രോകളാണ് സ്മൈൽ മേക്കേഴ്സ്…
Read Moreആര്ക്കും ഭാരവും ബാദ്ധ്യതയുമാകാതെ രാഷ്ട്രീയ മുന്നേറ്റത്തിന് കേരളത്തില് ധാരാളം ഇടമുണ്ടെന്ന് ബിഡിജെഎസ്
കൊച്ചി: അഞ്ചരവര്ഷമായിട്ടും ബിജെപി നല്കിയ വാഗ്ദാനങ്ങള് പാലിക്കാത്തതില് എന്ഡിഎ ഘടകകക്ഷിയായ ബിഡിജെഎസിൽ ഉടലെടുത്ത അതൃപ്തി പരസ്യമാകുന്നു. ഉപതെരഞ്ഞെടുപ്പ് അടുത്തിരിക്കുന്ന പശ്ചാത്തലത്തില്, ബിജെപിയെ വിമര്ശിച്ച് ബിഡിജെഎസ് ജനറല് സെക്രട്ടറി ടി.വി.ബാബു രംഗത്തെത്തി. ആന കൊടുത്താലും ആശ കൊടുക്കരുത് എന്ന് പ്രധാനമന്ത്രി നരേന്ദ്രമോദിയെയും ബിജെപി ദേശീയ അധ്യക്ഷന് അമിത് ഷായെയും ടി.വി.ബാബു ഓര്മ്മപ്പെടുത്തി. ഫേസ്ബുക്കിലൂടെയാണ് ബാബു ബിജെപിയെ വിമർശിച്ച് രംഗത്തെത്തിയത്. ബിഡിജെഎസിന്റെ ശക്തി അളക്കാൻ ഉപതെരഞ്ഞെടുപ്പുകള് ധാരാളമെന്ന് ബാബു വ്യക്തമാക്കി. നിലപാടുകള് ഇനിയും തുറന്നു പറയുമെന്നും, ധീരമായി മുന്നേറുമെന്നും പറഞ്ഞ ബാബു. ആര്ക്കും ഭാരവും ബാദ്ധ്യതയുമാകാതെ രാഷ്ട്രീയ മുന്നേറ്റത്തിന് കേരളത്തില് ധാരാളം ഇടമുണ്ടെന്നും കൂട്ടിച്ചേർത്തു. ദരിദ്ര ജനതക്ക് അധികാര അവസരങ്ങള് പങ്കിടാന് മൂന്നു മുന്നണികളും തയാറല്ലെന്നും ബിഡിജെഎസിനു മുന്നില് മൂന്നു മുന്നണിയും ഒരു പോലെയാണെന്നും ബാബു തുറന്നടിച്ചു.
Read Moreമത്സ്യബന്ധനത്തിനു ഗുജറാത്ത് മോഡൽ ! നിരോധിച്ച പെലാജിക് വലകൾക്ക് പകരം ഭീകരനായ ഗുജറാത്ത് വലകൾ എത്തുന്നു
വൈപ്പിൻ: അനുവദനീയമായ അളവിൽ കൂടുതൽ ചെറുമീനുകൾ കുടുങ്ങുമെന്നതിനാൽ സംസ്ഥാനത്ത് സർക്കാർ നിയമംമൂലം നിരോധിച്ച പെലാജിക് വലകൾക്ക് പകരമായി ഇതര സംസ്ഥാനത്ത് നിന്നും ഇതിലും ഭീകരനായ ഗുജറാത്ത് വലകൾ എത്തുന്നു. ചില ബോട്ടുകൾ പെലാജിക് വലകൾ ഉപയോഗിക്കുന്നത് തടയാൻ ബോട്ടുടമാ സംഘങ്ങളും ഫിഷറീസ് അധികൃതരും കർശന നടപടികളുമായി രംഗത്തിറങ്ങിയതോടെയാണ് ഗുജറാത്തിൽ നിന്നു പുതിയ വലകളെത്തിച്ചു തുടങ്ങിയിരിക്കുന്നത്. തീരെ ചെറിയ കണ്ണികൾ ഉള്ള ഈ വല നന്നേ കനം കുറഞ്ഞ നൂലുപയോഗിച്ച് നിർമിക്കുന്നവയാണ്. ഇതുമൂലം വല വലിക്കുന്പോൾ കണ്ണികൾ തമ്മിൽ അടുത്ത് കഴിഞ്ഞാൽ വെള്ളംപോലും ചോർന്ന് പോകുന്നത് കഷ്ടിച്ചായിരിക്കും. പെലാജിക് വല രണ്ട് ബോട്ടുകൾ ചേർന്നാണ് വലിക്കുന്നതെങ്കിൽ ഗുജറാത്ത് വല വലിക്കാൻ ഒരു ബോട്ടു മതി. വലയുടെ വായ ഭാഗത്ത് നല്ല വിരിവ് ലഭിക്കുമെന്നതിനാൽ വല വലിക്കുന്ന സമയത്ത് കൂടുതൽ ഭാഗത്ത് വലയുടെ സാന്നിധ്യമുണ്ടാകും. ഇത് മൂലം കൂടുതൽ മീനുകൾ…
Read Moreശബരിമലയിലേക്കുള്ള പ്രധാന റോഡ്! കൂത്താട്ടുകുളം-പാലാ റോഡ് തകർന്ന് തരിപ്പണമായി
കൂത്താട്ടുകുളം: ശബരിമലയിലേക്കുള്ള പ്രധാന റോഡായ കൂത്താട്ടുകുളം-പാലാ റോഡ് തകർന്ന് തരിപ്പണമായിട്ടും പൊതുമരാമത്ത് വകുപ്പ് ഉദ്യേഗസ്ഥർ തിരിഞ്ഞു നോക്കാത്തതിനെതിരേ ജനരോക്ഷം ശക്തമാകുന്നു. മാരുതി കവല മുതൽ ഉഴവൂർ റോഡിലും രാമപുരം റോഡിലും തകർന്ന കുഴികൾ താണ്ടിയുള്ള യാത്ര ആളുകളുടെ നടുവൊടിക്കുന്നതാണ്. കുഴികൾ ശ്രദ്ധിക്കാതെ വരുന്ന ബസുകളും ചെറുവാഹനങ്ങളും വൻ ശബ്ദത്തോടെയാണ് കുഴികളിൽ വീഴുന്നത്. ശബരിമല യാത്രക്കരുൾപ്പെടെ അന്യ നാട്ടുകാരാണ് അപകടത്തിൽ പെടുന്നവരിൽ ഏറെയും. സമീപത്തെ പുരയിടങ്ങൾ രൂപമാറ്റം വരുത്തിയപ്പോൾ റോഡിലേക്ക് ഒഴുകിയിറങ്ങിയ മണ്ണും വെള്ളക്കെട്ടുമാണ് പാല റോഡിലെ ചില ഭാഗങ്ങൾ തകരുന്നതിനു കാരണമെന്നാണ് നാട്ടുകാർ പറയുന്നത്. കഴിഞ്ഞ ദിവസം നഗരത്തിലെ കുഴികൾ നികത്താത്തതിൽ ഡിവൈഎഫ്ഐ പ്രവർത്തകർ പ്രതിഷേധിക്കുകയും താത്കാലികമായി കുഴികൾ അടയ്ക്കുകയും ചെയ്തിരുന്നു. തിരുമാറാടി പഞ്ചായത്തിലെ മണ്ണത്തൂർ-കുഴിക്കാട്ടുക്കുന്ന് പൊതുമരാമത്ത് റോഡ് നന്നാക്കാത്തതിൽ പ്രതിഷേധിച്ച് ഡിവൈഎഫ്ഐ പ്രവർത്തകർ വാഴ നട്ടും പ്രതിഷേധിച്ചിരുന്നു. കിഴകൊന്പ് -ചക്കാല, പൈറ്റക്കുളം-കുങ്കുമശേരി റോഡുകളുടെ ടെൻഡർ നടപടി…
Read More