വാഴക്കുളം: വാഴക്കുളത്ത് ഫെഡറൽ ബാങ്കിന്റെ എടിഎം തകർത്ത് നടത്തിയ മോഷണശ്രമത്തിൽ പോലീസ് അന്വേഷണം ഊർജിതമാക്കി. വിരലടയാള വിദഗ്ദ്ധരും ഡോഗ് സ്ക്വാഡും സംഭവസ്ഥലത്തെത്തി തെളിവുകൾ ശേഖരിച്ചിട്ടുണ്ട്. രാത്രിയിൽ കനത്ത മഴ പെയ്തിരുന്നതിനാൽ ഡോഗ് സ്ക്വാഡിന് കൂടുതൽ തെളിവുകൾ ലഭിച്ചില്ല. ടൗണിലും പരിസര പ്രദേശങ്ങളിലുമുള്ള സിസിടിവി കാമറ ദൃശ്യങ്ങൾ പരിശോധിച്ച് സംശയാസ്പദമായ സാഹചര്യത്തിലുള്ള വാഹനങ്ങളും വ്യക്തികളെയും സംബന്ധിച്ച് കൂടുതൽ തെളിവുകൾ എടുക്കുകയാണ്. മോഷ്ടാക്കൾ കൈയുറകൾ ധരിച്ചിരുന്നെങ്കിലും വിരലടയാള വിദഗ്ധർക്ക് നിർണായകമായ തെളിവുകൾ ലഭിച്ചതായും സൂചനയുണ്ട്. ഇതിനടുത്ത ദിവസങ്ങളിൽ ബാങ്കുകളുടെ പരിസരങ്ങളിൽ അനാവശ്യമായി കറങ്ങി നടന്ന വാഹനങ്ങൾ സംബന്ധിച്ചും നിരീക്ഷണം നടത്തുന്നുണ്ട്. ടൗണിന്റെ കിഴക്കേ ഭാഗത്ത് സംസ്ഥാന പാതയോരത്തുള്ള ഫെഡറൽ ബാങ്കിനോടു ചേർന്നുള്ള എടിഎം കൗണ്ടറാണ് വ്യാഴാഴ്ച പുലർച്ചെ മോഷ്ടാക്കൾ തകർത്തത്. എടിഎം കൗണ്ടർ പൊളിച്ചെടുത്തെങ്കിലും പണം സൂക്ഷിച്ചിരുന്ന കാബിൻ തകർക്കാൻ കഴിയാത്തതിനാൽ പണ നഷ്ടമുണ്ടായിട്ടില്ലെന്നാണ് ബാങ്ക് അധികൃതർ പറയുന്നത്. രാത്രി…
Read MoreCategory: Kochi
എറണാകുളം മാർക്കറ്റിന്റെ മുഖച്ഛായ മാറ്റുന്നു 100 കോടിയുടെ പദ്ധതി ഡിസംബറിൽ തുടങ്ങും
കൊച്ചി: ആധുനിക സൗകര്യങ്ങളോടെ എറണാകുളം മാർക്കറ്റ് പുതുക്കിപ്പണിയാൻ 100 കോടിയുടെ ബ്രഹത് പദ്ധതി. 18 മാസംകൊണ്ടു പൂർത്തിയാക്കാൻ ലക്ഷ്യമിടുന്ന പദ്ധതി ഡിസംബർ ഒന്നിനു തുടങ്ങാനാണു തീരുമാനം. കഴിഞ്ഞ ദിവസം കൊച്ചി മെട്രോ റെയിൽ ലിമിറ്റഡിന്റെ ആസ്ഥാനത്ത് ചേർന്ന വിവിധ ഏജൻസികളുടെ യോഗത്തിലാണ് ഇതുസംബന്ധിച്ച തീരുമാനം ഉണ്ടായത്. പുതിയ മാർക്കറ്റും ഷണ്മുഖം റോഡും ബന്ധിപ്പിച്ച് ആകാശപാത നിർമിക്കണമെന്ന നിർദേശവും ഹൈബി ഈഡൻ എംപി വിളിച്ചുചേർത്ത യോഗം മുന്നോട്ടുവച്ചു. കൊച്ചി കോർപറേഷന്റെ സ്വപ്നപദ്ധതികളിലൊന്നായിരുന്നു മാർക്കറ്റ് നവീകരണം. കോർപറേഷൻ ബജറ്റുകളിൽ വലിയ പദ്ധതിയായി അവതരിപ്പിക്കുകയും ചെയ്തിരുന്നു. ഇതിനിടെ കേന്ദ്ര നഗരാസൂത്രണ പദ്ധതിയിയായ സ്മാർട്സിറ്റിയിൽ എറണാകുളം മാർക്കറ്റ് നവീകരണം ഉൾപ്പെടുത്തി. കാര്യമായ പുരോഗതിയില്ലാതെ മുന്നോട്ട് പോകുന്നതിനിടെയാണ് ഹൈബി ഈഡൻ ഇടപെട്ട് പദ്ധതി വേഗത്തിലാക്കിയത്.ഇപ്പോഴത്തെ മാർക്കറ്റ് പൂർണമായും പൊളിച്ചുനീക്കിയാണു പുതിയ മാർക്കറ്റിന്റെ നിർമാണം. ഭൂമിക്കടിയിലുള്ള നില ഉൾപ്പെടെ നാലു നിലകളിലാണ് പുതിയ മാർക്കറ്റ് നിർമിക്കുക.…
Read Moreകഞ്ചാവു വില്പനയെക്കുറിച്ചു വിവരം നൽകിയ വയോധികനെ മർദിച്ച കേസിൽ യുവാവ് അറസ്റ്റിൽ
മൂവാറ്റുപുഴ: കഞ്ചാവ് ഉപയോഗവും വില്പനയും സംബന്ധിച്ച് എക്സൈസിനു വിവരം കൈമാറിയ വയോധികനെ വീട്ടിൽ കയറി മർദിച്ചവശാനാക്കിയ സംഭവത്തിലെ പ്രതി പോലീസ് പിടിയിൽ. മുളവൂർ വിശ്വകർമ നഗർ പുൽപ്പനയിൽ അക്ഷയി(18) യെയാണ് എസ്ഐ ടി.എം. സൂഫിയും സംഘവും അറസ്റ്റ് ചെയ്തത്. മുളവൂർ കുടകുത്തിച്ചാലിൽ രാമചന്ദ്രനെ(75)യാണ് പ്രതി മർദിച്ചത്. കഴിഞ്ഞ 19നു വൈകുന്നേരം 4.30 ഓടെയായിരുന്നു സംഭവം. രാമചന്ദ്രന്റെ വീട്ടിൽ കയറി ഒളിച്ചിരിക്കുകയായിരുന്ന അക്ഷയ് പുരയിടത്തിൽ ജോലി ചെയ്തുകൊണ്ടിരിക്കുകയായിരുന്ന രാമചന്ദ്രൻ വീട്ടിലേക്ക് കയറുന്പോൾ കൈയിൽ കരുതിയിരുന്ന വടികൊണ്ട് അടിച്ച് വീഴ്ത്തുകയായിരുന്നു. ഏതാനു നാൾ മുന്പ് എക്സൈസ് സംഘം അക്ഷയുടെ വീട്ടിൽനിന്ന് കഞ്ചാവ് കണ്ടെടുക്കുകയും ഇതേത്തുടർന്നു ഇയാളെ അറസ്റ്റ് ചെയ്യുകയും ചെയ്തിരുന്നു. ഇതിന്റെ വൈരാഗ്യമാണ് രാമചന്ദ്രനെ ക്രൂരമായി മർദിച്ചതിനു കാരണമായതെന്ന് പോലീസ് പറഞ്ഞു. ആക്രമണത്തിനുശേഷം ബ്ലേഡ് ഉപയോഗിച്ച് സ്വയം ശരീരം മുറിച്ച അക്ഷയ് തന്നെ രാമചന്ദ്രൻ വാക്കത്തി ഉപയോഗിച്ച് വെട്ടിയതാണെന്ന് ആരോപിച്ച്…
Read Moreഇതാണോ പിഎസ്സിയുടെ പരീക്ഷാരീതി? സ്വാധീനമുള്ളവര്ക്കു ചോദ്യപേപ്പര് നേരത്തേ നൽകുമോയെന്നു ഹൈക്കോടതി
കൊച്ചി: ഉന്നത സ്വാധീനമുള്ളവര്ക്കു ചോദ്യപേപ്പര് നേരത്തേ ലഭിക്കുകയും ഇവര്ക്ക് ഉയര്ന്ന മാര്ക്ക് നേടാനാവുകയും ചെയ്യുന്ന തരത്തിലാണോ പിഎസ്സി പരീക്ഷ നടത്തുന്നതെന്ന് ഹൈക്കോടതി. പോലീസ് കോണ്സ്റ്റബിള് പരീക്ഷയില് ക്രമക്കേടു നടന്നെന്ന കേസിലെ നാലാം പ്രതി തിരുവനന്തപുരം കല്ലറ സ്വദേശി ഡി. സഫീര് നല്കിയ മുന്കൂര് ജാമ്യാപേക്ഷയിലാണു സിംഗിള് ബെഞ്ച് പിഎസ്സിയെ വാക്കാല് വിമര്ശിച്ചത്. സംഭവത്തില്നിന്നു മനസിലാകുന്നത് സ്വാധീനമുള്ള വ്യക്തികള്ക്കു പരീക്ഷയെഴുതാനുള്ള സൗകര്യം ഒരുക്കി നല്കുന്നുവെന്നാണ്. ഇവര്ക്കു മൊബൈല് വഴി ഉത്തരം ലഭിക്കുന്നു. ഇതാണോ പിഎസ്സിയുടെ പരീക്ഷാരീതി? പരീക്ഷാ ഹാളില് മൊബൈല് ഫോണ് അനുവദിക്കുന്നുണ്ടോയെന്നും ഹൈക്കോടതി ചോദിച്ചു. ഇല്ലെന്നായിരുന്നു സര്ക്കാരിന്റെ മറുപടി. ഈ കേസില് മുന്കൂര് ജാമ്യാപേക്ഷ നല്കിയെന്ന കാരണത്താല് പ്രതിയെ അറസ്റ്റ് ചെയ്യാന് തടസമില്ലെന്നു വാക്കാല് വ്യക്തമാക്കിയ സിംഗിള് ബെഞ്ച്, ഹര്ജി 29നു പരിഗണിക്കാന് മാറ്റി. തിരുവനന്തപുരം യൂണിവേഴ്സിറ്റി കോളജിലെ വിദ്യാര്ഥി അഖിലിനെ കുത്തിക്കൊല്ലാന് ശ്രമിച്ച കേസിലെ പ്രതികളും…
Read Moreനെടുമ്പാശേരിയിൽ 28 ലക്ഷത്തിന്റെ സ്വർണം പിടികൂടി: മൂന്നുപേർ അസ്റ്റിൽ
നെടുന്പാശേരി: കൊച്ചി രാജ്യാന്തര വിമാനത്താവളത്തിൽനിന്ന് 28 ലക്ഷം രൂപയുടെ സ്വർണം കസ്റ്റംസ് ഇന്റലിജൻസ് വിഭാഗം പിടികൂടി. സ്വർണ ചങ്ങലയും മിശ്രിതവുമായി 900 ഗ്രാം സ്വർണമാണു പിടികൂടിയത്. സംഭവുമായി ബന്ധപ്പെട്ട് സ്വർണം കടത്തിയ ആളെയും വാങ്ങാനെത്തിയ രണ്ടു പേരെയും അറസ്റ്റ് ചെയ്തു. എമിറേറ്റ്സ് വിമാനത്തിൽ ദുബൈയിൽനിന്നും വെള്ളിയാഴ്ച രാവിലെ എത്തിയ ആലുവ സ്വദേശി ശരീരത്തിനുള്ളിൽ ഒളിപ്പിച്ചാണ് സ്വർണം കൊണ്ടുവന്നത്. സ്വർണം ഏറ്റുവാങ്ങാൻ കോഴിക്കോട് പേരാന്പ്ര സ്വദേശികളായ രണ്ടുപേരാണ് പുറത്തുകാത്തുനിന്നത്. മൂവരെയും അറസ്റ്റ് ചെയ്ത് ചോദ്യം ചെയ്തുവരികയാണ്.
Read Moreതന്റെ വാർഡിന്റെ വികസനത്തിന് തുരങ്കം വയ്ക്കുന്നത് ചെയർമാർ; നഗരസഭാ കാര്യാലയത്തിനു മുന്നിൽ ഒറ്റയാൾ ധർണ നടത്തി നഗരസഭാംഗം
കൂത്താട്ടുകുളം: കൂത്താട്ടുകുളം നഗരസഭ 21-ാം ഡിവിഷനിൽ ചെയർമാന്റെ ഇടപെടൽ മൂലം ഫണ്ട് നൽകുന്നില്ലെന്നാരോപിച്ച് നഗരസഭാംഗം ടി.എസ്. സാറ കൗണ്സിൽ യോഗം ബഹിഷ്കരിച്ച് നഗരസഭാ കാര്യാലയത്തിനു മുന്നിൽ ഒറ്റയാൾ ധർണ നടത്തി. വികസന പ്രവർത്തനങ്ങൾക്കായി സ്വകാര്യസ്ഥാപനം നൽകിയ സിഎസ്ആർ ഫണ്ട് സംബന്ധിച്ചുള്ള തർക്കത്തെത്തുടർന്നാണ് ഇന്നലെ അംഗം പ്രതിഷേധവുമായി രംഗത്തെത്തിയത്. ഫണ്ട് ആവശ്യപ്പെട്ട തന്നോട് ചെയർമാൻ തരാനാകില്ലെന്നു പറഞ്ഞതായും തന്റെ വാർഡിന്റെ വികസനം തുരങ്കം വയ്ക്കുന്നതിനാണ് ചെയർമാൻ ശ്രമിക്കുന്നതെന്നും സാറ പറഞ്ഞു. ഫണ്ട് ഒരു വാർഡിനു മാത്രം നൽകാനാകില്ല: ചെയർമാൻ കൂത്താട്ടുകുളം: നഗരസഭയ്ക്കു സ്വകാര്യ സ്ഥാപനം നൽകിയ സിഎസ്ആർ ഫണ്ട് ഒരു വാർഡിന് മാത്രമായി നൽകണമെന്ന നഗരസഭാംഗത്തിന്റെ വാദം അംഗീകരിക്കാനാകില്ലെന്നും ഇക്കാര്യം കൗണ്സിൽ യോഗം തള്ളിയതായും ചെയർമാൻ റോയി ഏബ്രഹാം. ഫണ്ട് നഗരസഭയിലെ വിവിധ ഡിവിഷനുകളിൽ മാരകരോഗം ബാധിച്ചവർക്കാർ അംഗങ്ങളുടെ ശിപാർശയിൽ വിതരണം ചെയ്യാനാണ് കൗണ്സിൽ തീരുമാനം. കഴിഞ്ഞ മാസം…
Read Moreചരിത്രപ്രസിദ്ധമായ തൃപ്പൂണിത്തുറ അത്തച്ചമയ ഘോഷയാത്ര സെപ്റ്റംബർ രണ്ടിന്
തൃപ്പൂണിത്തുറ: ചരിത്രപ്രസിദ്ധമായ തൃപ്പൂണിത്തുറ അത്തച്ചമയ ഘോഷയാത്ര സെപ്റ്റംബർ രണ്ടിന് നടക്കും. സെപ്റ്റംബർ ഒന്നിന് വൈകിട്ട് ഹിൽ പാലസിൽ കൊച്ചി രാജകുടുംബാംഗം എസ്. അനുജൻ തമ്പുരാനിൽ നിന്നും അത്തപതാക ചെയർപേഴ്സൺ ചന്ദ്രികാ ദേവി ഏറ്റുവാങ്ങും. തുടർന്നു ഘോഷയാത്രയോടെ അത്തംനഗറിൽ എത്തിക്കും. പിന്നീട് ഏഴ് മുതൽ 11 വരെ തൃപ്പൂണിത്തുറ കഥകളി കേന്ദ്രത്തിന്റെ കഥകളി അരങ്ങേറും. 26ന് തിങ്കളാഴ്ച മുതൽ തന്നെ കലാപരിപാടികൾക്ക് ആരംഭം കുറിക്കും.സംഘം കലാ ഗ്രൂപ്പിന്റെ 101 പേർ പങ്കെടുക്കുന്ന അത്തച്ചമയ ഗാനോത്സവം. 27 ന് വൈകിട്ട് 6.30ന് കൗൺസിലർമാരും ജീവനക്കാരും ചേർന്ന് അവതരിപ്പിക്കുന്ന തിരുവാതിര- കരോക്കെ ഗാനമേള, 28ന് 5.30 മുതൽ മീനാക്ഷി നായരുടെ കുച്ചുപ്പുടി, 29, 30 തീയതികളിൽ കഥാപ്രസംഗം, 31 ന് ഗാനമേള എന്നിവ നടക്കും. സെപ്റ്റംബർ രണ്ടിനാണ് രാവിലെ ഒമ്പതിന് അത്തം നഗറായ ഗവ.ബോയ്സ് ഹൈസ്കൂൾ മൈതാനിയിൽ മന്ത്രി എ.കെ. ബാലൻ…
Read Moreദുരിതാശ്വാസ നിധിയിലേക്ക് പണം സ്വരൂപിക്കാൻ ചെരിപ്പ് പോളിഷ് ചെയ്തു സൈയ്തുകുഞ്ഞ്
മൂവാറ്റുപുഴ: പ്രളയ ദുരിതാശ്വാസത്തിനായി ചെരിപ്പ് പോളിഷു ചെയ്ത് തുക കണ്ടെത്തുകയാണ് സൈയ്തുകുഞ്ഞ്. ബധിരനും മൂകനുമായ മൂവാറ്റുപുഴ കാവുംങ്കര മീത്തിൽ സൈയ്തു കുഞ്ഞെന്ന അറുപതുകാരനാണ് ചെരുപ്പ് പോളിഷ് ചെയ്ത് ലഭിക്കുന്നവരുമാനം മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകുവാൻ ഒരുങ്ങുന്നത്. എഫ്എസിടിയിൽനിന്ന് വിരമിച്ചയാളാണ് സൈയ്തു കുഞ്ഞ്. രണ്ടു പതിറ്റാണ്ടു മുന്പ് കൊല്ലം, എറണാകുളം കെഎസ്ആർടിസി ബസ് സ്റ്റാൻഡുകളും ബസുകളും ശുചീകരിച്ച് സംസ്ഥാനതലത്തിൽതന്നെ ശ്രദ്ധ നേടിയവരാണ് സൈയ്തു കുഞ്ഞും കുടുംബവും. പരിസ്ഥിതി പ്രവർത്തനങ്ങളിലും പൊതുഇടങ്ങളിലെ ശുചീകരണ പ്രവർത്തനങ്ങളിലും സജീവമായ ഇടപെടൽ നടത്താൻ വൈകല്യങ്ങളൊന്നും ഇദ്ദേഹത്തിന് തടസമല്ല. മൂവാറ്റുപുഴ കച്ചേരിത്താഴത്തെ ആധുനിക ബസ് കാത്തിരിപ്പു കേന്ദ്രത്തിൽ മൂന്നുദിവസമാണ് സൈയ്തു കുഞ്ഞ് ചെരിപ്പു പോളിഷ് ചെയ്ത് ദുരിതാശ്വാസ നിധിയിലേക്ക് തുക ശേഖരിക്കുന്നത്. മൂവാറ്റുപുഴ എസ്ഐ കെ.എം. സൂഫി ഉദ്ഘാടനം നിർവഹിച്ചു. മുനിസിപ്പൽ കൗണ്സിലർ സി.എം. ഷുക്കൂർ അധ്യക്ഷത വഹിച്ചു. കൗണ്സിലർ പി.വൈ. നൂറുദീൻ, കെ.പി. റസാഖ്,…
Read Moreമാനസികസമ്മർദം; പോലീസുകാരുടെ ആത്മഹത്യാനിരക്ക് വർധിക്കുന്നു; അഞ്ചു വർഷത്തിനിടെ ആത്മഹത്യചെയ്തത് 65 പോലീസുകാർ
ജോണ്സണ് വേങ്ങത്തടം കൊച്ചി: മേലധികാരികളുടെ പീഡനവും മാനസികസമ്മർദവും മൂലം സംസ്ഥാനത്ത് ആത്മഹത്യ ചെയ്യുന്ന പോലീസുകാരുടെ എണ്ണം വർധിക്കുന്നു. അഞ്ചു വർഷത്തെ കണക്കനുസരിച്ച് ആത്മഹത്യ ചെയ്തതു 64 പോലീസുകാർ. സംസ്ഥാന ക്രൈം റെക്കോർഡ്സ് ബ്യൂറോയുടെ കണക്കനുസരിച്ചു 2014ൽ ഒൻപത്, 2015ൽ അഞ്ച്, 2016ൽ 13, 2017ൽ 14, 2018ൽ 13 ഉദ്യോഗസ്ഥർ വീതമാണ് ജീവനൊടുക്കിയത്. 2019ൽ ഇതുവരെ പത്തു പോലീസുകാർ ആത്മഹത്യ ചെയ്തു. പാലക്കാട് ഉന്നത ഉദ്യോഗസ്ഥരുടെ മാനസിക പീഡനംമൂലം കല്ലേക്കാട് എആർ ക്യാന്പിലെ പോലീസുകാരൻ കുമാർ മരിച്ചതിന്റെ മുറിവുണങ്ങുന്നതിനു മുന്പാണ് ഇന്നലെ ആലുവ തടിയിട്ടപറന്പ് പോലീസ് സ്റ്റേഷനിലെ എഎസ്ഐ തൂങ്ങി മരിച്ചത്. കഴിഞ്ഞ വർഷം ജനുവരിയിലാണ് എറണാകുളം നോർത്ത് സ്റ്റേഷനിലെ പ്രബേഷണറി എസ്ഐ ഗോപകുമാർ ആത്മഹത്യ ചെയ്തത്. മേലുദ്യോഗസ്ഥരുടെ സമ്മർദം മൂലമാണ് താൻ ആത്മഹത്യ ചെയ്യുന്നതെന്നു ഗോപകുമർ കത്തെഴുതി വച്ചിരുന്നു. സന്പത്ത് വധക്കേസ് അന്വേഷിച്ച ഡിവൈഎസ്പി ഹരീദത്ത്,…
Read Moreകഞ്ചാവ് കടത്ത്! ദിവസങ്ങൾക്കകം പിടികൂടിയത് 16 കിലോയിലധികം കഞ്ചാവ്; പിടിയിലായത് അഞ്ച് ഒറീസ സ്വദേശികളും
കൊച്ചി: ജില്ലയിലേക്ക് ഒഡീഷയിൽനിന്നു വൻ തോതിൽ കഞ്ചാവ് എത്തിക്കുന്നതായി സൂചന. വിവിധയിടങ്ങളിൽ ജോലി ചെയ്തുവരുന്ന ഇതര സംസ്ഥാനക്കാർക്കിടയിൽ വിതരണം ചെയ്യുന്നതിനായി ഇതരസംസ്ഥാനക്കാരുടെ നേതൃത്വത്തിലാണു കഞ്ചാവ് കടത്ത്. ഏതാനും ദിവസമായി പോലീസ് നടത്തിയ പരിശോധനകളിൽ രണ്ട് സംഭവങ്ങളിലായി ഒഡീഷയിൽനിന്ന് എത്തിച്ച 16.2 കിലോഗ്രാം കഞ്ചാവും ഇവയെത്തിച്ച അഞ്ച് ഒഡീഷ സ്വദേശികളെയുമാണു പിടികൂടിയത്. ഒഡീഷയിലെ ഉൾവനങ്ങളിൽ താമസിക്കുന്ന ആദിവാസികളുടെ പക്കൽനിന്നു വാങ്ങുന്ന കഞ്ചാവ് കൂടുതലായും ട്രെയിൻ മാർഗമാണു കൊച്ചിയിലെത്തിക്കുന്നത്. പിന്നീട് വിവിധ പ്രദേശങ്ങളിലേക്ക് എത്തിച്ചുനൽകും. ഒഡിഷയിൽനിന്ന് കുറഞ്ഞ തുകയിൽ വാങ്ങുന്ന കഞ്ചാവ് ഇവിടെയെത്തിച്ച് വൻ വിലയ്ക്കാണു വിൽപ്പന നടത്തിവന്നിരുന്നത്. കിലോഗ്രാമിന് ഒരു ലക്ഷം രൂപ വരെയാണ് ഇവരുടെ വിറ്റുവരവെന്നാണു പോലീസിൽനിന്ന് ലഭിക്കുന്ന വിവരങ്ങൾ. കഴിഞ്ഞ ദിവസമാണ് ഇടപ്പള്ളി റെയിൽവേ സ്റ്റേഷൻ പരിസരത്തുനിന്നും വിൽപ്പനക്കെത്തിച്ച 13.2 കിലോഗ്രാം കഞ്ചാവുമായി ഒഡീഷ സ്വദേശികളായ കൃഷ്ണചന്ദ്ര രജക്, സുബ്ഹാം സാഹൂ എന്നിവരെ ക്കാക്കര അസി.…
Read More