കൊച്ചി: ശബരിമലയിലെയും മാളികപ്പുറത്തെയും പുറപ്പെടാ ശാന്തിമാര്ക്ക് വോട്ടു ചെയ്യാന് ക്ഷേത്രപരിസരത്ത് പോളിംഗ് സ്റ്റേഷന് അനുവദിക്കുകയോ പോസ്റ്റല് വോട്ടിനുള്ള സൗകര്യം ഒരുക്കുകയോ ചെയ്യണമെന്നാവശ്യപ്പെട്ട് ക്ഷത്രിയ ക്ഷേമ സഭ നല്കിയ ഹര്ജി ഹൈക്കോടതി തള്ളി. ക്ഷേത്രങ്ങളിലെ പുറപ്പെടാ ശാന്തിമാര് ഈ ഗണത്തില് വരില്ലെന്നതിനാല് ആവശ്യം അനുവദിക്കാനാവില്ലെന്ന് ഹര്ജി പരിഗണിച്ച ദേവസ്വം ബെഞ്ച് വ്യക്തമാക്കി.
Read MoreCategory: Kochi
വീട്ടിലേക്ക് ആവശ്യമുള്ള സാധനങ്ങൾ പകുതിവിലയ്ക്ക് നല്കി കിഴക്കമ്പലത്തെ ട്വന്റി-ട്വന്റി സംഘടന
കിഴക്കമ്പലം: ഒരു വീട്ടിലേക്ക് ആവശ്യമായ ഗൃഹോപകരണങ്ങള് മാര്ക്കറ്റ് വിലയുടെ പകുതി വിലക്ക് നല്കുന്ന പദ്ധതി കിഴക്കന്പലം പഞ്ചായത്തിൽ ആരംഭിച്ചു. ഇത്തരത്തില് ടിവി മുതല് എല്ലാവിധ ഗൃഹോപകരണങ്ങളും സാധാരണക്കാരനും സ്വന്തമാക്കാവുന്ന തരത്തിലാണ് പദ്ധതി. കിഴക്കമ്പലത്തെ ജനകീയ സംഘടന ട്വന്റി- ട്വന്റിയാണ് പഞ്ചായത്തിലെ കുടുംബശ്രീയുമായി സഹകരിച്ച് പദ്ധതി തയാറാക്കുന്നത്. ആദ്യഘട്ടത്തില് സ്കൂട്ടര്, ഫ്രിഡ്ജ്, വാഷിംഗ് മെഷീന്, ഡി ടിവി, മൊബൈല് ഫോണ് തുടങ്ങിയവയാണ് വിതരണം ചെയ്യുന്നത്. തുടര്ന്ന് ഒരു വീട്ടിലേക്ക് ആവശ്യമായ എല്ലാത്തരം ഗൃഹോപകരണങ്ങളും വിതരണം നടത്തുമെന്ന് ട്വന്റി- ട്വന്റി ചീഫ് കോര്ഡിനേറ്റര് സാബു എം.ജേക്കബ് പറഞ്ഞു. ചെയര്മാന് ബോബി എം.ജേക്കബ്, പഞ്ചായത്ത് പ്രസിഡന്റ് കെ.വി. ജേക്കബ്, വൈസ് പ്രസിഡന്റ് ജിന്സി അജി തുടങ്ങിയവർ പങ്കെടുത്തു.
Read Moreമൂവാറ്റുപുഴ നഗരത്തിൽ വൈദ്യുതി മുടക്കം പതിവാകുന്നു; വ്യാപാരികളും ജനങ്ങൾ ദുരിതത്തിൽ
മൂവാറ്റുപുഴ: നഗരത്തിൽ വൈദ്യുതി മുടക്കം പതിവാകുന്നത് ഉപയോക്താക്കൾക്ക് ദുരിതമാകുന്നു. വ്യാപാര വ്യവസായ സ്ഥാപനങ്ങളുടെയും ധനകാര്യ സ്ഥാപങ്ങളുടെയും പ്രവർത്തനം താറുമാറാക്കുന്ന വിധത്തിലാണ് വൈദ്യുതി തടസപ്പെടുന്നത്. ഓരോ മണിക്കൂറിലും നിരവധി തവണയാണ് വൈദ്യുതി മുടങ്ങുന്നത്. നേരത്തെ നഗരത്തിൽ അടിക്കടി വൈദ്യുതി തടസമുണ്ടാകുന്നതു വ്യാപക പ്രതിഷേധത്തിനിടയാക്കിയിരുന്നു. ഇതേത്തുടർന്നു വൈദ്യുതി തടസം പരിഹരിക്കാൻ 1.46 കോടി ചെലവഴിച്ച് നഗരത്തിൽ ഏരിയൽ ബഞ്ചഡ് കേബിൾ (എബിസി) സംവിധാനം ഒരുക്കിയിരുന്നു. ഇതിനായി നഗരത്തിലുടനീളം പ്രത്യേക കേബിളും വലിച്ചു. എബിസി സംവിധാനം നിലവിൽ വരുന്നതോടെ നഗരത്തിലെ വൈദ്യുതി മുടക്കത്തിന് പരിഹാരമാകുമെന്ന് അന്ന് അധികൃതർ വ്യക്തമാക്കിയിരുന്നു. കൊടുംവേനലിൽ ദിവസങ്ങളോളം വൈദ്യുതി വിച്ഛേദിച്ചശേഷമായിരുന്നു നിർമാണ പ്രവൃത്തികൾ നടത്തിയത്. വൈദ്യുതി തടസത്തിനു ശാശ്വത പരിഹാരമാകുമെന്നതിനാൽ ജനങ്ങളും സഹകരിക്കുകയായിരുന്നു. പദ്ധതി നിലവിൽവന്ന ഏതാനും ദിവസത്തേക്ക് വൈദ്യുതി തടസം ഒഴിവായിരുന്നെങ്കിലും പിന്നീട് അടിക്കടി വൈദ്യുതി ബന്ധം വിച്ഛേദിക്കപ്പെടുന്ന സ്ഥിതിയായിരുന്നു. വൈദ്യുതി മുടക്കം പതിവാകുന്നത് നഗരത്തിലെ…
Read Moreപെരിയാറിന്റെ തീരം ഇടിയുന്നു; 15 കുടുംബങ്ങൾ ഭീതിയിൽ; തീരത്ത് സുരക്ഷിത ഭിത്തി നിർമിച്ച് നൽകണമെന്ന ആവശ്യം ശക്തമാകുന്നു
ചേരാനല്ലൂർ: കൂവപ്പടി പഞ്ചായത്തിലെ ഒന്നാം വാർഡ് ഉൾപ്പെടുന്ന ചേരാനല്ലൂർ-മാണിക്യത്ത് കടവിന്റെ സമീപത്തുള്ള പെരിയാറിന്റെ തീരം ഇടിഞ്ഞു നശിക്കുന്നു. ഇത് മൂലം ഈ ഭാഗത്ത് താമസിക്കുന്ന പതിനഞ്ചോളം കുടുംബങ്ങൾ ഭീതിയിലാണ്. എല്ലാ വർഷവും കാലവർഷം ശക്തിപ്രാപിക്കുകയും പെരിയാറിൽ ജലനിരപ്പ് ഉയരുകയും ശക്തമായ ഒഴുക്ക് രൂപപ്പെടുകയും ചെയ്യുന്പോൾ പെരിയാറിന്റെ തീരം ഉൾപ്പെടുന്ന പ്രദേശം ഇടിഞ്ഞ് നശിച്ചുകൊണ്ടിരിക്കുന്നത് പതിവായിരിക്കുന്നു. ഇതുമൂലം പെരിയാറിൽ ജലനിരപ്പ് ഉയരുകയും നീരൊഴുക്ക് ശക്തി പ്രാപിക്കുകയും ചെയ്യുന്പോൾ തീരത്ത് താമസിക്കുന്നവർ ഭീതിയിലാണ്. ഈ പ്രദേശത്ത് തീരം ഇടിയാതിരിക്കാൻ കുറച്ച് ഭാഗത്ത് സംരക്ഷണഭിത്തി നിർമിച്ചിരുന്നെങ്കിലും നീരൊഴുക്കിന്റെ ശക്തിമൂലം ഇവയെല്ലാം തന്നെ ഇടിഞ്ഞു നശിച്ചുകിടക്കുകയാണ്. അതിനാൽ ചേരാനല്ലൂർ -മാണിക്യത്ത് കടവും തീരദേശവും സുരക്ഷഭിത്തി നിർമിച്ച് തീരദേശവാസികളുടെ ഭീതി അകറ്റാൻ നടപടി സ്വീകരിക്കണമെന്ന് ആവശ്യമുയർന്നു.
Read Moreബാങ്കുകളുടെ സെർവർ തകരാറിൽ; ജിഎസ്ടി റിട്ടേണ് ഫയൽ ചെയ്യാനാകുന്നില്ലെന്നു വ്യാപാരികൾ
കൊച്ചി: ബാങ്കുകളുടെ ഇന്റർനെറ്റ് സെർവർ തകരാറിൽ. ജിഎസ്ടി റിട്ടേണ് ഫയൽ ചെയ്യാൻ കഴിയുന്നില്ലെന്നു വ്യാപാരികൾ. ഇന്നലെയായിരുന്നു ജിഎസ്ടിആർ ത്രീ ബി റിട്ടേണുകൾ ഫയൽ ചെയ്യാനുള്ള അവസാന ദിനം.ഒരാഴ്ചയായി തുടരുന്ന ഇന്റർനെറ്റ് സെർവർ തകരാറുകൾ പരിഹരിക്കപ്പെടാതിരിക്കുന്നതിനാൽ അവസാന ദിവസമായ ഇന്നലെ ജിഎസ്ടിആർ ത്രീ ബി റിട്ടേണുകൾ ഫയൽ ചെയ്യാൻ കഴിഞ്ഞില്ലെന്നാണു വ്യാപാരികൾ പറയുന്നത്. അവസാന തീയതിക്കുശേഷം ഓരോ ദിവസവും 50 രൂപയും ആകെ നികുതിയുടെ ഒന്നര ശതമാനവുമാണ് ജിഎസ്ടി ഡിപ്പാർട്ട്മെന്റ് പിഴ ചുമത്തുന്നത്. സ്റ്റേറ്റ് ബാങ്ക് ഓഫ് ഇന്ത്യയുടെ ശാഖകൾ വഴിയാണ് 70 ശതമാനത്തോളം വ്യാപാരികൾ റിട്ടേണ് സമർപ്പിക്കുന്നത്. തങ്ങളുടേതല്ലാത്ത കുറ്റത്തിന്റെ പേരിൽ പിഴ ചുമത്തുകയോ പലിശ ഈടാക്കുകയോ ചെയ്യുന്ന നടപടികൾ ഒഴിവാക്കണമെന്നും വ്യാപാരികൾ ആവശ്യപ്പെടുന്നു. ജിഎസ്ടി നിലവിൽ വന്ന വർഷം തന്നെ റിട്ടേണുകൾ ഫയൽ ചെയ്യേണ്ട അവസാന ദിവസം കഴിഞ്ഞിട്ടും ജിഎസ്ടി നെറ്റ്വർക്ക് തകരാറുമൂലവും ബാങ്കിംഗ് സെർവർ…
Read Moreശനിയാഴ്ച വരെ ഒറ്റപ്പെട്ട കനത്ത മഴയ്ക്കു സാധ്യത; നാല് ജില്ലകളിൽ യെല്ലോ അലർട്ട്
തിരുവനന്തപുരം: സംസ്ഥാനത്ത് ശനിയാഴ്ച വരെ ഒറ്റപ്പെട്ട കനത്ത മഴയ്ക്കു സാധ്യതയെന്ന് കാലാവസ്ഥാ നിരീക്ഷണകേന്ദ്രം. ഇടുക്കി ജില്ലയിൽ ബുധനാഴ്ചയും വെള്ളിയാഴ്ചയും ശനിയാഴ്ചയും കോട്ടയം, എറണാകുളം ജില്ലകളിൽ ബുധനാഴ്ചയും തൃശൂരിൽ ശനിയാഴ്ചയുമാണ് കനത്ത മഴയ്ക്കുളള സാധ്യത പ്രവചിക്കപ്പെട്ടിരിക്കുന്നത്. ഒറ്റപ്പെട്ട പ്രദേശങ്ങളിൽ 11 സെന്റീമീറ്റർ വരെയുള്ള അതിശക്തമായ മഴയ്ക്കാണ് സാധ്യത. മുന്നറിയിപ്പിന്റെ പശ്ചാത്തലത്തിൽ ഇടുക്കി ജില്ലയിൽ ബുധനാഴ്ചയും വെള്ളിയാഴ്ചയും ശനിയാഴ്ചയും യെല്ലോ അലർട്ട് പ്രഖ്യാപിച്ചു. കോട്ടയം, എറണാകുളം ജില്ലകളിൽ ബുധനാഴ്ചയും തൃശൂരിൽ ശനിയാഴ്ചയും യെല്ലോ അലർട്ട് പ്രഖ്യാപിച്ചിട്ടുണ്ട്. ചൊവ്വാഴ്ച ഏറ്റവും കൂടുതൽ മഴ പെയ്തത് വയനാട് ജില്ലയിലെ കുപ്പാടിയിലാണ്.
Read Moreമോഷണം, ലഹരി വസ്തുക്കൾ കടത്ത്; പ്രതികളെ പിടികൂടാൻ കച്ചകെട്ടി പോലീസ്; പിടിയിലായത് ആറ് പേർ
കൊച്ചി: മോഷണം, ലഹരി വസ്തുക്കളുടെ കടത്തൽ തുടങ്ങിയ കേസുകളുമായി ബന്ധപ്പെട്ട് കൊച്ചി സിറ്റി പോലീസിനു കീഴിൽ വിവിധ പോലീസ് സ്റ്റേഷനുകളിലായി ഇന്നലെ പിടിയിലായത് ആറുപേർ. വിദ്യാർഥികളടക്കം ലഹരി വാഹകരാകുന്പോൾ കൊച്ചിയിലേക്ക് മയക്കുമരുന്നു കടത്ത് വർധിക്കുന്നതായി സൂചന. മാരക ലഹരിമരുന്നായ എൽഎസ്ഡി സ്റ്റാന്പുകളുമായി വിദ്യാർഥിയെ ഇന്നലെ പോലീസ് പിടികൂടിയിരുന്നു. തൃശൂർ കുരിയച്ചിറ പുലിക്കാട്ടിൽ കിരണ്ബാബു (21) ആണ് പിടിയിലായത്. സെൻട്രൽ പോലീസും ഡാൻസാഫും ചേർന്നാണു പ്രതിയെ പിടികൂടിയത്. കൊച്ചി സിറ്റി ഡപ്യൂട്ടി കമ്മീഷണർ ജി. പൂങ്കുഴലിയുടെ നിർദേശപ്രകാരം അസിസ്റ്റന്റ് കമ്മീഷണർ വി. സുരേഷ് കുമാറിന്റെ നേതൃത്വത്തിൽ സെൻട്രൽ എസ്.ഐ. കിരണ് സി. നായർ, ഡാൻസാഫ് എസ്ഐ ജോസഫ് സാജൻ എന്നിവർ ചേർന്നാണ് എറണാകുളം സൗത്ത് ഭാഗത്തുനിന്നും പ്രതിയെ അറസ്റ്റ് ചെയ്തത്. വളരെ രഹസ്യമായി സൂക്ഷിക്കാൻ കഴിയുന്നതും ആർക്കും തിരിച്ചറിയാൻ കഴിയാത്ത വിധം സ്റ്റാന്പ് രൂപത്തിലുള്ള മയക്കുമരുന്നാണ് എൽഎസ്ഡി. ഉന്നത…
Read Moreപുന്നേക്കാട് ജംഗ്ഷനിൽ കൈയേറ്റം ഒഴിപ്പിക്കൽ; സർവേ നടപടികൾ പൂർത്തിയാക്കി; തുടർ നടപടി ഉടൻ
കോതമംഗലം: പുന്നേക്കാട് ജംഗ്ഷനിൽ പുറന്പോക്ക് കൈയേറ്റങ്ങൾ ഒഴിപ്പിക്കാൻ സർവേ നടപടികൾ പൂർത്തീകരിച്ചു. കൈയേറ്റങ്ങൾ ഒഴിപ്പിക്കണമെന്ന ആവശ്യത്തിന്റെ അടിസ്ഥാനത്തിൽ പൊതുമരാമത്ത് വകുപ്പാണ് നടപടികൾ സ്വീകരിക്കുന്നത്. തുടർ നടപടികൾ ഉടൻ ഉണ്ടായേക്കും. മുന്പ് നൽകിയ നോട്ടീസ് സ്റ്റേ ചെയ്യാൻ കെട്ടിട ഉടമകൾ ഹൈക്കോടതിയെ സമീപിച്ചെങ്കിലും അനുകൂല നടപടിയുണ്ടായില്ല. തുടർന്നാണ് താലൂക്ക് സർവേയറുടെ നേതൃത്വത്തിൽ പുറന്പോക്ക് അളന്ന് തിരിച്ചത്. പൊതുമരാമത്ത് ഉദ്യോഗസ്ഥരും ഒപ്പമുണ്ടായിരുന്നു. ആശുപത്രിപടി മുതൽ പബ്ലിക് ലൈബ്രറിവരെയാണ് പുറന്പോക്ക് അളന്നത്. 15ഓളം കെട്ടിടങ്ങളാണ് ഈ ഭാഗത്തുള്ളത്. ഒന്നരമീറ്റർ മുതൽ ഒൻപത് മീറ്റർവരെ പുറന്പോക്ക് കൈയേറ്റമാണ് കണ്ടെത്തിയിരിക്കുന്നത്. ചില കെട്ടിടങ്ങൾ പൂർണമായി പൊളിക്കേണ്ടിവരും. പുറന്പോക്ക് ഒഴിപ്പിക്കാനുള്ള ഇപ്പോഴത്തെ നീക്കത്തിൽ വ്യാപാരികൾക്ക് അമർഷമുണ്ട്. സർവേ നടക്കുന്നതിനിടെ വ്യാപാരികൾ അത് പ്രകടിപ്പിക്കുകയും ചെയ്തു. എന്നാൽ സിപിഎം പ്രവർത്തകർ സർവേയ്ക്ക് പിന്തുണയുമായി രംഗത്തുണ്ടായിരുന്നു. പരാതി ലഭിച്ചതിന്റെ അടിസ്ഥാനത്തിൽ 2008ൽ കീരന്പാറ പഞ്ചായത്ത് കമ്മിറ്റിയാണ് പുറന്പോക്ക ഒഴിപ്പിക്കണമെന്ന്…
Read Moreവജ്രവ്യാപാര സ്ഥാപനത്തിൽനിന്ന് ആഭരണങ്ങൾ തട്ടിയ കേസ്; പ്രത്യേക സംഘം ഈ ആഴ്ചതന്നെ മുംബൈയിലേക്ക്; കസ്റ്റഡി അപേക്ഷ ഉടൻ
കൊച്ചി: നഗരത്തിലെ വജ്രവ്യാപാര സ്ഥാപനത്തിൽനിന്നു രണ്ടരക്കോടി രൂപയുടെ വജ്രാഭരണങ്ങൾ തട്ടിയെടുത്ത കേസുമായി ബന്ധപ്പെട്ട് പ്രത്യേക അന്വേഷണ സംഘം ഈ ആഴ്ചതന്നെ മുംബൈയിലേക്കു തിരിച്ചേക്കും. കേസ് അന്വേഷണം മുംബൈയിലേക്കുകൂടി വ്യാപിപിക്കുന്നതിന്റെ ഭാഗമായാണു പ്രത്യേക സംഘം അവിടേക്കു പോകുന്നത്. വജ്രാഭരണങ്ങൾ മുംബൈയിലാണു വിൽപ്പന നടത്തിയതെന്ന കേസിലെ പ്രതിയായ ബംഗളൂരു ആർത്തസിട്രിൻ വില്ലയിൽ പ്രശാന്ത് നായരുടെ (28) മൊഴിയുടെ അടിസ്ഥാനത്തിലാണ് അന്വേഷണം അവിടേക്കു വ്യാപിപ്പിക്കുന്നത്. അതിനിടെ, റിമാൻഡിൽ കഴിഞ്ഞുവരുന്ന പ്രതിയെ കസ്റ്റഡിയിൽ ലഭിക്കുന്നതിനായി ഉടൻ അധികൃതർ കസ്റ്റഡി അപേക്ഷ സമർപ്പിക്കും. കസ്റ്റഡിയിൽ ലഭിക്കുന്ന മുറയ്ക്ക് ഇത്തരത്തിൽ കൂടുതൽ തട്ടിപ്പ് നടത്തിയിട്ടുണ്ടേയെന്നത് ഉൾപ്പെടെ കൂടുതൽ കാര്യങ്ങൾ പ്രതിയിൽനിന്ന് ചോദിച്ചറിയും. വജ്രവ്യാപാര സ്ഥാപനത്തിൽനിന്ന് 99 ആഭരണങ്ങളാണ് ഇയാൾ തട്ടിയെടുത്തത്. ഇവയിൽ 48 എണ്ണമാണ് മുംബൈയിൽ വിൽപ്പന നടത്തിയത്. ഇവ മുംബൈയിൽ നിന്നു കണ്ടെടുക്കേണ്ടതുണ്ട്. ബംഗളൂരു ആസ്ഥാനമായി പ്രവർത്തിക്കുന്ന ഫ്യൂച്ചർ ലൈഫ് സ്റ്റൈൽ ഫാഷൻസ് ലിമിറ്റഡ്…
Read Moreഡിഐജി ഓഫീസ് മാർച്ചിലെ സംഘർഷം; ലോക്കൽ കമ്മിറ്റി അംഗത്തിന്റെ അറസ്റ്റ്; പരസ്യ പ്രതിഷേധവുമായി സിപിഐ
കൊച്ചി: സിപിഐയുടെ നേതൃത്വത്തിൽ നടത്തിയ ഡിഐജി ഓഫീസ് മാർച്ചിലെ സംഘർഷവുമായി ബന്ധപ്പെട്ടു പാർട്ടി ലോക്കൽ കമ്മിറ്റി അംഗത്തെ അറസ്റ്റ് ചെയ്തതിൽ പരസ്യ പ്രതിഷേധവുമായി സിപിഐ ജില്ലാ കമ്മറ്റി രംഗത്ത്. ഇത് സംബന്ധിച്ച തങ്ങളുടെ പ്രതിഷേധം ജില്ലാ കമ്മറ്റി സംസ്ഥാന കമ്മിറ്റിയെയും സർക്കാരിനെയും അറിയിച്ചെന്നാണു വിവരം. സംഘർഷവും അതിലേക്കു നയിച്ച സംഭവങ്ങളുമായി ബന്ധപ്പെട്ട് കൂടുതൽ പോലീസുകാർക്കെതിരേ നടപടി വേണമെന്ന കാര്യം ശക്തമായി ഉയർത്തുന്നതിനിടെ ലോക്കൽ കമ്മറ്റി അംഗത്തെ അറസ്റ്റ് ചെയ്തത് ശരിയായ നടപടിയല്ലെന്നാണു ജില്ലാ ഘടകത്തിന്റെ കണക്കുകൂട്ടൽ. കേസുമായി ബന്ധപ്പെട്ട് പെരുന്പാവൂർ മാറന്പിള്ളി പൂവത്തിങ്കൽ അൻസാർ അലിയെയാണ് (33) ക്രൈംബ്രാഞ്ച് അറസ്റ്റ് ചെയ്തത്. ഓട്ടോതൊഴിലാളിയായ അൻസാർ അലി സിപിഐ വാഴക്കുളം ലോക്കൽ കമ്മിറ്റിയംഗവും എഐവൈഎഫ് പെരുന്പാവൂർ മണ്ഡലം ജോയിന്റ് സെക്രട്ടറിയുമാണ്. മാർച്ചിനു നേരേ നടന്ന ലാത്തിച്ചാർജിനിടെ എൽദോ ഏബ്രഹാം എംഎൽഎ ഉൾപ്പെടെയുള്ള സിപിഐ നേതാക്കൾക്കു പരിക്കേറ്റ സംഭവത്തിൽ എറണാകുളം…
Read More