കൊച്ചി: ഹോർമുസ് കടലിടുക്കിൽ ഇറാൻ പിടിച്ചെടുത്ത ബ്രിട്ടീഷ് കപ്പലിലെ ജീവനക്കാരെല്ലാവരും സുരക്ഷിതരെന്ന് കേന്ദ്ര വിദേശകാര്യ മന്ത്രാലയം അറിയിച്ചതായി ഹൈബി ഇൗഡൻ എംപി അറിയിച്ചു. ജീവനക്കാരെ ആരെയും അറസ്റ്റ് ചെയ്തിട്ടില്ല. യഥാസമയം ഭക്ഷണവും വെള്ളവും ഉൾപ്പടെയുള്ള കാര്യങ്ങൾ ലഭിക്കുന്നുണ്ടെന്നു വിവരം ലഭിച്ചിട്ടുണ്ടെന്നും വിദേശകാര്യമന്ത്രാലയം അറിയിച്ചു. കപ്പൽ പിടിച്ചെടുക്കുകമാത്രമേ ചെയ്തിട്ടുള്ളു എന്നാണ് ഇറാന്റെ വിശദീകരണം. കപ്പലിന്റെ ഉടമകളായ സ്വീഡിഷ് കന്പനിയിൽ നിന്നും ലഭ്യമായ വിവരം അനുസരിച്ച് മൂന്ന് മലയാളികളാണ് കപ്പലിലുണ്ടായിരുന്നത്. കളമശേരി സ്വദേശി ഡിജോ പാപ്പച്ചൻ (26), തൃപ്പൂണിത്തുറ, പള്ളുരുത്തി സ്വദേശികളായ രണ്ടുപേർ എന്നിവരാണ് കപ്പലിലുള്ള മലയാളികൾ. മറ്റു രണ്ടുപേർ ആരൊക്കെയാണെന്ന് ഇതaുവരെ വ്യക്തമായിട്ടില്ല. കപ്പലിന്റെ ക്യാപ്റ്റൻ പള്ളുരുത്തി സ്വദേശിയാണെന്ന സ്ഥിരീകരിക്കാത്ത വിവരവുമുണ്ട്. ഇവരെല്ലാം സുരക്ഷിതരാണ്. രണ്ട് ദിവസം മുൻപാണ് ബ്രിട്ടീഷ് എണ്ണക്കപ്പലായ സ്റ്റെനാ ഇംപെറോ അന്തർദേശീയ സമുദ്രനിയമം ലംഘിച്ചുവെന്ന് ആരോപിച്ച് ഇറാൻ പിടിച്ചെടുത്തത്. ഏതാനും ആഴ്ച്ചകൾക്ക് മുൻപ് ഇറാന്റെ…
Read MoreCategory: Kochi
വിദ്യാർഥികൾക്ക് ഭ്രഷ്ട് കൽപ്പിച്ച് കെഎസ്ആർടിസി തിരുക്കൊച്ചി സർവീസ് ; വിദ്യാർഥികളെ ചുമക്കേണ്ട ഗതികേടിൽ പഴിച്ച് പ്രൈവറ്റ് ബസും;നഷ്ടങ്ങൾ ചൂണ്ടിക്കാട്ടി മുതലാളിമാർ
വൈപ്പിൻ: കെഎസ്ആർടിസി തിരുക്കൊച്ചി ബസുകൾ വൈപ്പിൻ ബസ് സ്റ്റാന്ഡിൽ കയറാതെ പോകുന്നതിനാൽ ഫോർട്ടുകൊച്ചി, മട്ടാഞ്ചേരി, വില്ലിംഗ്ടണ് ഐലന്റ് എന്നിവിടങ്ങളിലേക്ക് പോകുന്ന യാത്രക്കാർക്ക് സർവീസ് പ്രയോജനരഹിതം. മാത്രമല്ല കെഎസ്ആർടിസി ഇവിടെ വിദ്യാർഥികൾക്ക് കണ്സഷനും അനുവദിക്കുന്നില്ല. കെഎസ്ആർടിസിയിൽ വിദ്യാർഥികൾക്ക് കണ്സഷൻ നൽകാത്തതിനാൽ വിദ്യാർഥികളെമുഴുവൻ ചുമക്കുന്നത് സ്വകാര്യ ബസുകളാണ്. ഇതിനാൽ ബസുകളുടെ നിലനിൽപ്പ് തന്നെ അവതാളത്തിലാണെന്ന് ഉടമകളും തൊഴിലാളികളും ചൂണ്ടിക്കാട്ടി. ഈ സാഹചര്യത്തിൽ കണ്സഷൻ നൽകാത്തതിനെതിരേ പൊതുപ്രവർത്തകരും ജനപ്രതിനിധികളും രംഗത്തിറങ്ങണമെന്ന് സ്വകാര്യ ബസുടമകളും തൊഴിലാളികളും ആവശ്യപ്പെട്ടു. വിദ്യാർഥി സംഘടനകളൊന്നും ഇക്കാര്യത്തിൽ പ്രതിഷേധിക്കുക പോലും ചെയ്യാത്തത് ആശ്ചര്യകരമാണെന്ന് ബസുടമകൾ പറയുന്നു. മാത്രമല്ല തിരുക്കൊച്ചി സർവീസുകൾ ഞാറക്കൽ-എറണാകുളം ജെട്ടി റൂട്ടിൽ ഹ്രസ്വദൂര ഷട്ടിൽ സർവീസാണ് നടത്തുന്നത്. ഇതിനാൽ ഒരേ സ്വകാര്യ ബസിന്റെ തന്നെ അഞ്ചോളം ചാലുകൾക്ക് മുന്നിൽ തിരുക്കൊച്ചി ബസിന്റെ സർവീസ് പതിവാണ്. ഇത് സ്വകാര്യ ബസുകളുടെ വരുമാനത്തെ വല്ലാതെ ബാധിച്ചിരിക്കുകയാണ്. പലപ്പോഴും തൊഴിലാളിക്കുള്ളതും…
Read Moreസ്വകാര്യ വ്യക്തി തോട്ടുവരമ്പ് കൈയേറി മതിൽ കെട്ടി; വഴിയില്ലാതെ വലഞ്ഞ് ആറോളം കുടുംബങ്ങൾ
കിഴക്കന്പലം: കാലങ്ങളായി തോട്ടുവരന്പിനെ മാത്രം ആശ്രയിച്ചു വഴിനടന്നിരുന്ന ആറോളം കുടുംബങ്ങളെ ദുരിതത്തിലാക്കി സ്വകാര്യ വ്യക്തി മതിൽ നിർമിച്ചു. കിഴക്കന്പലം താമരച്ചാൽ വലിയതോടിനു സമീപത്ത് താമസിക്കുന്ന കുടുംബങ്ങളാണ് വഴിയില്ലാതെ വിഷമിക്കുന്നത്. കിഴക്കന്പലം പഞ്ചായത്തും ട്വന്റി-20യും ചേർന്ന് നടപ്പാക്കുന്ന തോട് വികസനത്തിന്റെ ഭാഗമായി താമരച്ചാൽ വലിയതോടിന്റെ ഇരുവശങ്ങളും കരിങ്കൽകെട്ടി സംരക്ഷണഭിത്തി ഒരുക്കിയിരുന്നു. ഇതോടെ വഴിക്ക് കൂടുതൽ വീതി ലഭിച്ചത് പ്രദേശവാസികൾക്ക് ഏറെ ആശ്വാസമായിരുന്നു. ഇതിനിടെയാണ് സ്വകാര്യ വ്യക്തി തന്റെ സ്ഥാപനത്തിന്റെ മറവിൽ തോട്ടുവരന്പ് കൈയേറി മതിൽ നിർമിച്ചത്. ഇതോടെ ഓട്ടോറിക്ഷയിലെങ്കിലും വീട്ടിലെത്താം എന്ന ഏറെ നാളത്തെ ആഗ്രഹം ഈ കുടുംബങ്ങൾക്ക് വ്യാമോഹമായി. 40 വർഷത്തിലേറെയായി ഈ കുടുംബങ്ങൾ തോട്ടുവരന്പിനെയാണ് ആശ്രയിച്ചിരുന്നത്. അസുഖം ബാധിച്ചാൽ പെട്ടെന്ന് ആശുപത്രിയിൽ എത്തിക്കാൻ പോലും കഴിഞ്ഞിരുന്നില്ല. ഇത്തരത്തിൽ ഒരാളെ ആശുപത്രിയിൽ എത്തിക്കാൻ കഴിയാതെ മരിച്ചിരുന്നു. സ്കൂളിലേക്കു പോകുന്ന കുട്ടികൾ തോട്ടിൽ വീണ് അപകടപ്പെടുമെന്ന ആശങ്കയും ഇവർക്കുണ്ട്.
Read Moreഎറണാകുളത്ത് പ്രതിക്കൂട്ടിൽ നിന്ന് ഓടിരക്ഷപ്പെട്ട സംഭവം; ഒളിവിൽ കഴിഞ്ഞ പ്രതി ആസിഫിനെ പോലീസ് തൃക്കാക്കരയിൽ നിന്ന് കണ്ടെത്തി; വീണ്ടും കോടതിയിലെത്തിച്ച് റിമാന്റു ചെയ്തു
കൊച്ചി: എറണാകുളം ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് ഒന്പതാം നന്പർ കോടതി മുറിയിലെ പ്രതിക്കൂട്ടിൽ നിന്നും ഓടി രക്ഷപ്പെട്ട ശേഷം ഒളിവിൽ കഴിയുകയായിരുന്ന പ്രതിയെ അറസ്റ്റ് ചെയ്ത് റിമാൻഡ് ചെയ്തു. തൃക്കാക്കര മുണ്ടംപാലം അൻസില മനസിലിൽ ആസിഫ് സുലൈമാൻ (26) ആണ് കോടതി മുറിയിൽ നിന്ന് ഓടിപ്പോകുകയും പിന്നീട് പിടികൂടി വീണ്ടും കോടതിയിൽ ഹാജരാക്കി റിമാൻഡ് ചെയ്യുകയും ചെയ്തത്. 2013 ഫെബ്രുവരിയിൽ പാടിവട്ടം അഞ്ചുമന റോഡിലുള്ള സ്കൂട്ടർ ഗ്യാരേജിൽ നിന്നും മോട്ടോർ സൈക്കിൾ മോഷ്ടിച്ച ശേഷം പൊളിച്ചെടുത്ത് പാർട്സുകളായി വിൽപ്പന നടത്തിയ സംഭവത്തിൽ പാലാരിവട്ടം പോലീസ് സ്റ്റേഷനിൽ രജിസ്റ്റർ ചെയ്ത കേസിലെ ഒന്നാം പ്രതിയായിരിന്നു ആസിഫ്. ഈ കേസിലെ വിചാരണ നടപടികൾക്ക് പലവട്ടം സമൻസ് ഉത്തരവായിട്ടും ഹാജരാകാതിരുന്ന ആസിഫിനെതിരെ മജിസ്ട്രേറ്റ് കോടതിയിൽ നിന്നും വാറണ്ട് പുറപ്പെടുവിച്ചിരുന്നു. തുടർന്ന് ഈമാസം മൂന്നിന് അഭിഭാഷകനോടൊപ്പം കോടതിയിൽ ഹാജരായ ആസിഫിനെ, മജിസ്ട്രേറ്റ്…
Read Moreഎത്ര മനോഹരമായ ആചാരങ്ങള്! പുഴയിലെ മാലിന്യങ്ങൾ പാലത്തിൽ തങ്ങി; പഞ്ചായത്ത് വീണ്ടുമത് പുഴയിലൊഴുക്കി
കോതമംഗലം: കുടമുണ്ട പാലത്തിൽ തങ്ങിനിന്ന പ്ലാസ്റ്റിക് മാലിന്യങ്ങളടക്കമുള്ളവ ജെസിബി ഉപയോഗിച്ച് പാലത്തിന് താഴെ കോതയാർ പുഴയിലേക്ക് കോരിയിട്ട് കവളങ്ങാട്, പല്ലാരിമംഗലം പഞ്ചായത്തുകൾ. പ്ലാസ്റ്റിക് മാലിന്യങ്ങളും മരങ്ങളുടെ അവശിഷ്ടങ്ങളുമാണ് വെള്ളിയാഴ്ച പെയ്ത കനത്ത മഴയിൽ ഒഴുകിയെത്തി പാലത്തിൽ തങ്ങിക്കിടന്നത്. ഇവയാണ് കവളങ്ങാട്, പല്ലാരിമംഗലം പഞ്ചായത്ത് അധികൃതർ ജെസിബിയിൽ കോരിയെടുത്ത് പുഴയിലേക്കു തന്നെ തള്ളിയത്. മണിക്കുറുകൾ നീണ്ടുനിന്ന മാലിന്യ നിർമാർജനം കാണാൻ നിരവധി പേർ തടിച്ചുകൂടിയിരുന്നു. കവളങ്ങാട്, പല്ലാരിമംഗലം പഞ്ചായത്തുകളുടെ അതിർത്തിയാണ് കുടമുണ്ട പാലം. ഇവിടെ നിന്നു പാലത്തിന് താഴെയുള്ള വാരപ്പെട്ടി പഞ്ചായത്തിന്റെ ഭാഗത്തേക്കാണ് മാലിന്യം ഒഴുക്കിയത്. വെള്ളത്തിന്റെ ഒഴുക്ക് തടസപ്പെടുന്നതും പാലത്തിന് ബലക്ഷയമുണ്ടാകുന്നതും ഒഴിവാക്കാനാണ് തങ്ങിക്കിടന്ന മാലിന്യങ്ങൾ നീക്കംചെയ്തത്. താഴെ ഭാഗത്ത് പുഴയിൽ പലയിടങ്ങളിലും ജല അഥോറിറ്റിയുടെ പന്പ് ഹൗസുകളുമുണ്ട്. അത്തരം കാര്യങ്ങളൊന്നും പരിഗണിക്കാതെയാണ് മാലിന്യം വീണ്ടും പുഴയിൽ തള്ളിയതെന്നും ആക്ഷേപമുണ്ട്. പുഴയിൽനിന്നുകോരിയ മാലിന്യങ്ങൾ ലോറിയിൽ കയറ്റി ഡന്പിംഗ്…
Read More60 രൂപയ്ക്കു പകരം 100 രൂപ! അമിതചാർജ് ഈടാക്കിയ ഓട്ടോഡ്രൈവര്ക്ക് എട്ടിന്റെപണി
കാക്കനാട്: അമിത ചാർജ് ഈടാക്കിയ ഓട്ടോഡ്രൈവറുടെ ലൈസൻസ് 15 ദിവസത്തേക്ക് സസ്പെന്ഡ് ചെയ്തു. എറണാകുളം പനന്പള്ളി നഗറിൽനിന്നു നോർത്ത് റെയിൽവേ സ്റ്റേഷനിലേക്ക് പോകുന്നതിനായി 60 രൂപയ്ക്കു പകരം 100 രൂപ വാങ്ങിയ സംഭവത്തിലാണ് രവിപുരം നെടുംപറന്പത്ത് ജോബിയുടെ ലൈസൻസ് സസ്പെൻഡ് ചെയ്തത്. യാത്രക്കാരെ ഇറക്കിവിടുകയും ഓട്ടം പോകാൻ വിസമ്മതിക്കുകയും ചെയ്ത സംഭവത്തിൽ കൊച്ചി മൊണാസ്റ്ററി റോഡിൽ താമസിക്കുന്ന വിജയന്റെ ലൈസൻസും സസ്പെന്ഡ് ചെയ്തു. ലിസി ആശുപത്രിക്ക് സമീപത്തെ സ്റ്റാന്ഡിൽനിന്നു കലൂർ ബസ് സ്റ്റാന്ഡിലേക്ക് ഓട്ടം വിസമ്മതിച്ചതിനാണ് ലൈസൻസ് സസ്പെന്ഡ് ചെയ്തതെന്ന് ആർടിഒ മനോജ്കുമാർ പറഞ്ഞു.
Read Moreനേവല് ബേസ് ഉദ്യോഗസ്ഥ ചമഞ്ഞു നിരവധി പേരില്നിന്നു ദേവിപ്രിയ തട്ടിയെടുത്തത് 10 ലക്ഷത്തോളം രൂപ; ഒടുവില് തന്ത്രം പാളി
കൊച്ചി: നേവൽ ബേസിലെ ഉന്നത ഉദ്യോഗസ്ഥ ആണെന്നു പരിചയപ്പെടുത്തി വിവിധ ജില്ലകളിൽനിന്നായി നിരവധി പേരിൽനിന്നു 10 ലക്ഷത്തോളം രൂപ തട്ടിയെടുത്തെന്ന കേസിൽ യുവതിയെ നോർത്ത് പോലീസ് അറസ്റ്റ് ചെയ്തു. ചെറായി തുണ്ടത്തിൽ ശാമുലിന്റെ ഭാര്യ ദേവിപ്രിയ ബാബു (30) ആണ് അറസ്റ്റിലായത്. വടുതല സ്വദേശി നിജോ ജോർജിന് നേവൽ ബേസിൽ ക്ലർക്ക് ജോലി നൽകാമെന്നു പറഞ്ഞു 70,000 രൂപ തട്ടിയെടുത്തെന്ന പരാതിയിലാണ് അറസ്റ്റ്. ഒരുവർഷമായി ഇത്തരത്തിൽ ഇവർ തട്ടിപ്പു നടത്തിവരികയായിരുന്നുവെന്നു പോലീസ് പറഞ്ഞു. തൃശൂർ സ്വദേശിനിയായ വീട്ടമ്മയുടെ രണ്ടു മക്കൾക്കു ജോലി വാഗ്ദാനം നൽകി ആറുലക്ഷം രൂപ ദേവിപ്രിയ വാങ്ങിയിരുന്നു. ഇവർക്കു നേവൽ ക്വാർട്ടേഴ്സ് റെഡിയാക്കിയിട്ടുണ്ടെന്നു പറഞ്ഞതിനാൽ തൃശൂർ ഉള്ള വാടകവീട് ഒഴിഞ്ഞു. കൊച്ചുമക്കൾക്കു കേന്ദ്രീയ വിദ്യാലയത്തിൽ അഡ്മിഷൻ ശരിയായിട്ടുണ്ടെന്നു വിശ്വസിപ്പിച്ചതിനാൽ പഴയ സ്കൂളിൽനിന്നു ടിസി വാങ്ങുകയും യൂണിഫോം തയ്പിക്കുകയും ചെയ്തു. ഇതുപോലെ ജോലി ശരിയായെന്നു പറഞ്ഞു…
Read Moreപ്രസാദിന്റെ സത്യസന്ധതയ്ക്ക് സാബുവിന് ആശ്വാസം; റോഡിൽ കിടന്ന് കിട്ടിയ രണ്ട് ലക്ഷം രൂപ പോലീസ് സാനിധ്യത്തിൽ തിരിച്ചേൽപ്പിച്ചു മാതൃകയായി
ആലുവ: നഷ്ടപ്പെട്ട രണ്ട് ലക്ഷത്തിലധികം രൂപയും ചെക്കുലീഫുകളും യുവാവിന്റെ സത്യസന്ധത മൂലം ഉടമസ്ഥന് മണിക്കൂറുകൾക്കുള്ളിൽ തിരികെ ലഭിച്ചു. കുന്നത്തേരി ചേലക്കാട്ട് വീട്ടിൽ സി.എസ്. പ്രസാദിനാണ് 2,13,460 രൂപയും ചെക്ക് ലീഫുകളുമടങ്ങിയ പൊതി റോഡിൽ കിടന്ന് ലഭിച്ചത്. ആലുവ ഈസ്റ്റ് പോലീസ് സ്റ്റേഷനിൽ അറിയിച്ചതിനെത്തുടർന്ന് സീനിയർ സിവിൽ പോലീസ് ഓഫീസർ സാബുവാണ് ഉടമയെ കണ്ടെത്തിയത്. അന്വേഷണത്തിൽ കുന്നത്തേരി പനയപ്പിള്ളി പി.എം. അബൂബക്കർ ഹാജിയുടെ വാഹനത്തിൽനിന്നാണ് നഷ്ടമായതെന്നു തിരിച്ചറിയുകയായിരുന്നു. ആലുവ ഈസ്റ്റ് പോലീസ് സ്റ്റേഷനിലെത്തിയ ഉടമയ്ക്ക് സബ് ഇൻസ്പെക്ടർ അരുണിന്റെ സാന്നിധ്യത്തിൽ പ്രസാദ് പണവും ചെക്ക് ലീഫുകളും തിരികെ നൽകി.
Read Moreആലുവയിൽ കവർച്ചകൾ തുടർക്കഥ ! കഥയറിയാതെ പോലീസ്
ആലുവ: കാലവർഷം കനത്തതോടെ സജീവമായി കവർച്ചാസംഘങ്ങൾ. ആലുവയുടെ പരിസരപ്രദേശങ്ങളിൽ കഴിഞ്ഞ ദിവസങ്ങളിൽ നടന്ന മോഷണപരന്പരകളിലെ പ്രതികളെ കണ്ടെത്താനാകാതെ പോലീസ് ഇരുട്ടിൽ തപ്പുകയാണ്. കഴിഞ്ഞദിവസം നടന്ന തോട്ടയ്ക്കാട്ടുകര കവർച്ചയ്ക്ക് തൊട്ടുപിന്നാലെ ബുധനാഴ്ച സമീപത്തെ പറവൂർ കവലയിലെ അഞ്ച് കടകളാണ് കുത്തിതുറന്ന് മോഷണം നടത്തിയത്. അന്വേഷണങ്ങൾക്ക് വഴിത്തിരിവാകുന്ന സിസിടിവി ദൃശ്യങ്ങളും സംഭവസ്ഥലത്തുനിന്നും ലഭിച്ച വിരലടയാളങ്ങളും വിശദമായി പരിശോധിക്കുന്നുണ്ടെങ്കിലും പ്രതികളെ കണ്ടെത്താനാകാതെ പോലീസ് വലയുകയാണ്. റൂറൽ ജില്ലാ പോലീസ് മേധാവിയുടെ ക്യാന്പ് ഓഫീസ് സ്ഥിതിചെയ്യുന്ന തോട്ടയ്ക്കാട്ടുകരയ്ക്ക് വിളിപ്പാട് അകലെ കഴിഞ്ഞ പന്ത്രണ്ടിന് നടന്നത് വൻ കവർച്ചയായിരുന്നു. ജിസിഡിഎ റോഡിൽ പാണേലി ജോർജ് മാത്യുവിന്റെ വീട് കുത്തിതുറന്ന് വജ്രാഭരണങ്ങളും പണവുമടക്കം 30 ലക്ഷം രൂപയുടെ കവർച്ചയാണ് നടന്നത്. വീടിന്റെ താഴെ നിലയിലെ കിടപ്പുമുറിയിൽ ഡിജിറ്റൽ ലോക്കറിൽ സൂക്ഷിച്ചിരുന്ന 20 ലക്ഷം രൂപയുടെ വജ്രാഭരണങ്ങൾ, 65,000 രൂപ, 2000 യുഎസ് ഡോളർ, 800 പൗണ്ട്,…
Read Moreവിദേശ മലയാളിയിൽനിന്നു ലക്ഷങ്ങൾ തട്ടിയെടുത്ത കേസ്: പ്രതി സമാനമായ നിരവധി തട്ടിപ്പ് നടത്തിയതായി പോലീസ്
കൊച്ചി: വിദേശ മലയാളിയിൽനിന്നു ലക്ഷങ്ങൾ തട്ടിയെടുത്ത കേസിൽ പോലീസ് പിടിയിലായ പ്രതി സമാനമായ നിരവധി തട്ടിപ്പുകൾ നടത്തിയിട്ടുള്ളതായി പോലീസ്. ഇത് സംബന്ധിച്ച വിവരങ്ങൾ ലഭിച്ചതായും അന്വേഷണം ആരംഭിച്ചതായും അധികൃതർ വ്യക്തമാക്കി. എംബിബിഎസ് അഡ്മിഷന് ഫീസ് കുറപ്പിച്ചുതരാമെന്നു പറഞ്ഞു എളംകുളം സ്വദേശിയായ വിദേശ മലയാളിയിൽനിന്നു ലക്ഷങ്ങൾ തട്ടിയെടുത്ത ആലുവ ചൂർണിക്കര തായ്ക്കാട്ടുകര ശാന്തിനഗർ തെക്കേമണ്ണിൽ ജോയ് മാത്യുവിന്റെ മകൻ ജോബിൻ ജോയിയെ (32) ആണ് എറണാകുളം സെൻട്രൽ പോലീസ് അറസ്റ്റ് ചെയ്തത്. പുതുച്ചേരിയിലെ മെഡിക്കൽ കോളജിൽ എംബിബിഎസിന് അഡ്മിഷൻ ലഭിച്ച മകൾക്ക് ഫീസ് ഇളവ് വാങ്ങിത്തരണമെന്നു വിശ്വസിപ്പിച്ചാണു പ്രതി പരാതിക്കാരനുമായി പരിചയത്തിലാകുന്നത്. സ്റ്റഡി ലിങ്ക് കണ്സൾട്ടൻസി എന്ന സ്ഥാപനത്തിന്റെ നടത്തിപ്പുകാരനെന്നു സ്വയം പരിചയപ്പെടുത്തിയ പ്രതി തനിക്ക് കോളജ് മാനേജ്മെന്റിലും രാഷ്ട്രീയത്തിലും ഉന്നതമായ സ്വാധീനമുണ്ടെന്നു പരാതിക്കാരനെ വിശ്വസിപ്പിച്ചു. 1.10 കോടി രൂപയുടെ ഫീസ് തന്റെ സ്വാധീനം ഉപയോഗിച്ച് 80 ലക്ഷമാക്കി…
Read More