കൊച്ചി: ജില്ലയിൽ കനത്ത മഴ തുടരുന്നു. വിവിധയിടങ്ങളിൽ നാശനഷ്ടം. ജലനിരപ്പ് ഉയർന്നതിനെത്തുടർന്ന് ഭൂതത്താൻകെട്ട് ഡാമിന്റെ മുഴുവൻ ഷട്ടറുകളും തുറന്നു. ആകെയുള്ള 15 ഷട്ടറുകളും തുറന്നാണ് നിലവിൽ ജലനിരപ്പ് ക്രമീകരിക്കുന്നത്. നാലു ദിവസം കൂടി ശക്തമായ മഴയ്ക്കു സാധ്യതയുണ്ടെന്നു കാലാവസ്ഥ നിരീക്ഷണ കേന്ദ്രം മുന്നറിയിപ്പ് നൽകിയ സാഹചര്യത്തിൽ ജില്ലയിൽ 23 വരെ യെല്ലോ അലർട്ട് പ്രഖ്യാപിച്ചതായി കളക്ടർ എസ്. സുഹാസ് അറിയിച്ചു. ജലനിരപ്പ് ഉയർന്നതിനെത്തുടർന്നു മലങ്കര ഡാമിന്റെ ഷട്ടറുകൾ തുറന്നതിനാൽ മൂവാറ്റുപുഴയാറിന്റെ ഇരുകരകളിലുമുള്ളവർ ജാഗ്രത പാലിക്കാൻ നിർദേശമുണ്ട്. മൂവാറ്റുപുഴ താലൂക്കിൽ 24 മണിക്കൂറും പ്രവർത്തിക്കുന്ന കണ്ട്രോൾ റൂം പ്രവർത്തനം തുടങ്ങി. ഇതിനിടെ ജില്ലയുടെ തീരദേശ മേഖലകളിൽ കടൽക്ഷോഭം രൂക്ഷമാണ്. ചെല്ലാനത്താണ് കടൽക്ഷോഭം ഏറ്റവും രൂക്ഷമായി തുടരുന്നത്. ഇവിടെ കടൽ കയറ്റത്തിൽ നിരവധി വീടുകൾക്കു നാശനഷ്ടം സംഭവിച്ചു. വൈപ്പിൻ മേഖലകളിലും കടൽകയറ്റം രൂക്ഷമാണ്. കൊച്ചി തീരങ്ങളിൽനിന്നു മത്സ്യത്തൊഴിലാളികൾ കടലിൽ പോകുന്നതിനു…
Read MoreCategory: Kochi
യാത്രക്കാരെ പെരുവഴിയിലാക്കി കാളിയാർ-മൂവാറ്റുപുഴ റൂട്ടിൽ കെഎസ്ആർടിസി സർവീസ് മുടക്കുന്നു
മൂവാറ്റുപുഴ: കാളിയാർ-മൂവാറ്റുപുഴ റൂട്ടിൽ കെഎസ്ആർടിസി സർവീസ് മുടക്കുന്നതായി പരാതി. യാത്രക്കാർ ഏറെയുള്ള റൂട്ടിൽ സർവീസ് മുടക്കുന്നത് മൂലം നൂറുകണക്കിനാളുകളാണ് നട്ടം തിരിയുന്നത്. ഓഫീസിലും മറ്റും എത്തേണ്ടവർക്കാണ് ഏറെ ബുദ്ധിമുട്ട്. മൂവാറ്റുപുഴയിൽനിന്നു കാക്കനാട്ടേക്കു ചെയിൻ സർവീസ് നടത്തുന്ന ബസുകൾ പോലും സർവീസ് വെട്ടിച്ചുരുക്കുന്നതായി ആക്ഷേപമുണ്ട്. മേഖലയിലെ സ്വകാര്യ ബസുകളെ സഹായിക്കുന്നതിനാണ് കെഎസ്ആർടിസി സർവീസ് നിരന്തരം മുടക്കുന്നതെന്ന ആരോപണവും ശക്തമാണ്. രാവിലെ 8.10നു പൈങ്ങോട്ടൂരിൽനിന്നു കലൂരിലേക്ക് സർവീസ് നടത്തുന്ന ബസ് പല ദിവസങ്ങളിലും മുടങ്ങുന്നതായി യാത്രക്കാർ പറയുന്നു. യാത്രക്കാർ ഡിപ്പോയിൽ പരാതി അറിയിച്ചപ്പോൾ ആവശ്യത്തിനു ജീവനക്കാരിലെന്നായിരുന്നു മറുപടി. ഇതു മൂലം 8.20നു പോത്താനിക്കാട് എത്തുന്ന കാളിയാർ-മൂവാറ്റുപുഴ റൂട്ടിൽ സർവീസ് നടത്തുന്ന സ്വകാര്യ ബസിൽ വൻ തിരക്കാണ് അനുഭവപ്പെടുന്നത്. സ്കൂൾ വിദ്യാർഥികളടക്കം കയറുന്നതോടെ യാത്രക്കാരിൽ ചിലർ ചവിട്ടുപടിയിലും മറ്റും സാഹസിക യാത്ര നടത്തുന്നതായും ചൂണ്ടിക്കാണിക്കപ്പെടുന്നു. സ്കൂൾ, ഓഫീസ് സമയമായതിനാൽ വിദ്യാർഥികളും സ്ത്രീകളും…
Read Moreമെഡിക്കൽ സീറ്റ് വാഗ്ദാനം ചെയ്തു ലക്ഷങ്ങൾ തട്ടി മുങ്ങിയ പ്രതി പോലീസ് പിടിയിൽ; പരാതിയുമായി നിരവധിപേർ
കൊച്ചി: മെഡിക്കൽ സീറ്റ് വാഗ്ദാനം ചെയ്തു ലക്ഷങ്ങൾ തട്ടിയ കേസിൽ പ്രതിയെ പോലീസ് കസ്റ്റഡിയിലെടുത്തു. സെൻട്രൽ പോലീസാണു പ്രതിയെ പിടികൂടിയത്. 30 ലക്ഷം രൂപയുടെ തട്ടിപ്പാണ് ഇയാൾ നടത്തിയതെന്നാണു വിവരം. കസ്റ്റഡിയിലെടുത്ത് ചോദ്യം ചെയ്തുവരുന്ന പ്രതിയുടെ അറസ്റ്റ് വൈകിട്ടോടെ രേഖപ്പെടുത്തിയേക്കും. മെഡിക്കൽ സീറ്റ് വാഗ്ദാനം ചെയ്തു പലരിൽനിന്നുമായി ലക്ഷങ്ങൾ തട്ടിയെന്ന പരാതിയുടെ അടിസ്ഥാനത്തിൽ പോലീസ് നടത്തിയ അന്വേഷണത്തിലാണു പ്രതിയെ കസ്റ്റഡിയിലെടുത്തത്. നിരവധി യുവാക്കൾ പ്രതിയുടെ തട്ടിപ്പിന് ഇരയായെന്നാണു ലഭിക്കുന്ന സൂചനകൾ.
Read Moreജോലികഴിഞ്ഞ് പുലർച്ചെ വീട്ടിലേക്ക് വരവേ പൂത്തോട്ടപാലത്തിൽ നിന്നും ബൈക്കുമായി പുഴയിലേക്ക് വീണ യുവാവ് മരിച്ചു
പൂത്തോട്ട: പാലത്തിൽ നിന്നും പുഴയിലേക്ക് വീണ് യുവാവ് മരിച്ചു. വൈക്കം തെക്കേനട വല്യായറമ്പത്ത് വീട്ടിൽ വിജയകുമാർ-സിന്ധു ദമ്പതികളുടെ മകനായ അർജുൻ (24) ആണ് മരിച്ചത്. ഇന്ന് പിലർച്ചെ രണ്ടോടെയാണ് സംഭവം. ലുലു മാൾ ജീവനക്കാരനായ അർജുൻ ജോലി കഴിഞ്ഞ് ബൈക്കിൽ മടങ്ങവേ പൂത്തോട്ട പാലത്തിന്റെ മുകളിൽ നിന്നും പുഴയിലേക്ക് വീഴുകയായിരുന്നു എന്ന് പോലീസ് പറഞ്ഞു. സംഭവത്തിൽ ഉദയംപേരൂർ പോലീസ് കേസെടുത്തു. മൃതദേഹം തൃപ്പൂണിത്തുറ താലൂക്ക് ആശുപത്രി മോർച്ചറിയിൽ. പോസ്റ്റ്മോർട്ടത്തിന് ശേഷം ഇന്ന് ബന്ധുക്കൾക്ക് വിട്ടുകൊടുക്കും.
Read Moreകനത്ത മഴ തുടരുന്നു ; കൊച്ചി നഗരത്തിൽ വെള്ളക്കെട്ട് രൂക്ഷം; ഇരുചക്ര, കാൽനട യാത്രക്കാർ ദുരിതത്തിൽ
കൊച്ചി: കനത്ത മഴ തുടരുന്നതോടെ കൊച്ചിയിലും പരിസര പ്രദേശങ്ങളിലും രൂപപ്പെട്ട വെള്ളക്കെട്ട് രൂക്ഷമായി തുടരുന്നു. കാലവർഷം കനത്ത ഇന്നലെ രാവിലെ മുതൽ ആരംഭിച്ച മഴ ഇന്നും ശക്തമായിതന്നെ തുടരുകയാണ്. വെള്ളക്കെട്ടിനെത്തുടർന്ന് ഇരുചക്ര, കാൽനട യാത്രികരാണു കൂടുതലായും വലയുന്നത്. ഹൈക്കോടതി, മേനക ജംഗ്ഷനുകളിൽ ഉൾപ്പെടെ റോഡിന് ഇരുവശത്തും വെള്ളക്കെട്ട് രൂപപ്പെട്ടതോടെ ബസ് കാത്തിരിപ്പ് കേന്ദ്രങ്ങളിൽ കയറി നിൽക്കാനാകാതെ യാത്രക്കാർ വലയുന്ന കാഴ്ചയാണുള്ളത്. മെട്രോയുടെ പണികൾ പുരോഗമിക്കുന്ന എംജി റോഡിൽ മഹാരാജാസ് ജംഗ്ഷനിലും ചെറിയ തോതിൽ വെള്ളക്കെട്ട് രൂപപ്പെട്ടു. നിരവധി യാത്രക്കാർ വന്നുപോകുന്ന സൗത്ത് റെയിൽവേ സ്റ്റേഷൻ പരിസരവും വെള്ളക്കെട്ടിലായി. എറണാകുളം കെഎസ്ആർസടിസി ബസ് സ്റ്റാൻഡിൽ ഇന്നലെ ഇരിപ്പിടങ്ങളിൽ വരെ വെള്ളം കയറി. സമീപപ്രദേശങ്ങളിലെ ഓടകളിൽനിന്നുള്ള മാലിന്യങ്ങൾ അടക്കമുള്ളവ സ്റ്റാൻഡിനുള്ളിൽ നിറഞ്ഞു. വൈറ്റില ജംഗ്ഷനിൽ റോഡിലെ വെള്ളക്കെട്ടും കുഴികളും മെട്രോയുടെയും മേൽപ്പാലത്തിന്റെയും പണികളും ഗതാഗതക്കുരുക്കിനു കാരണമായി. ചിറ്റൂർ റോഡ്, കോണ്വന്റ്…
Read Moreനിർമാണത്തിന് അനുവദിച്ച തുകയിൽ കുടിശിക; വൈറ്റില മേൽപ്പാലനിർമാണം നിർത്തി കരാറുകാരൻ; യാത്രാദുരിതം തുടരും
കൊച്ചി: നിർമാണത്തിന് അനുവദിച്ച തുകയിൽ കുടിശിക വന്നതോടെ വൈറ്റില മേൽപ്പാലം നിർമാണം കരാറുകാരൻ നിർത്തിവച്ചു. 13 കോടി രൂപയാണു കുടിശികയായിരിക്കുന്നത്. പണികൾ നിറുത്തി വയ്ക്കുകയാണെന്നു ചൂണ്ടിക്കാട്ടി കരാറുകാരായ തിരുവനന്തപുരം ആസ്ഥാനമായ ശ്രീധന്യ കണ്സ്ട്രക്ഷൻ കന്പനി കേരള റോഡ്സ് ഫണ്ട് ബോർഡിനും കിഫ്ബിക്കും കത്തുനൽകി. 78 കോടി രൂപയ്ക്കാണ് കരാറുകാർ പ്രവൃത്തി ഏറ്റെടുത്തിരുന്നത്. മേൽപ്പാലത്തിന്റെ പുതുക്കിയ കരാറിന് കിഫ്ബി അനുമതി നൽകാത്തത് വലിയ പ്രതിസന്ധി സൃഷ്ടിച്ചിരിക്കുകയാണെന്നു കരാർ കന്പനി അധികൃതർ പറഞ്ഞു. ആദ്യം അംഗീകരിച്ച രൂപരേഖയിലും എസ്റ്റിമേറ്റിലും ഏതാനും മാറ്റങ്ങൾ വരുത്തിയതാണു പുതുക്കിയ കരാർ. പൊതുമരാമത്തു വകുപ്പിന്റെയും മറ്റ് സാങ്കേതിക കമ്മിറ്റികളുടെയും അംഗീകാരം ലഭിച്ചശേഷം ഫണ്ടിംഗ് ഏജൻസിയായ കിഫ്ബിക്ക് കഴിഞ്ഞ ഡിസംബറിൽ റിപ്പോർട്ട് സമർപ്പിച്ചെങ്കിലും ഇതുവരെ അനുമതി നൽകിയിട്ടില്ല. നിർമാണം പുരോഗമിക്കുന്നതിനിടെ ഓരോ ബില്ലുകളും മാറി തുക നൽകുന്പോൾ കോടികളുടെ കുറവാണുണ്ടാകുന്നതെന്നു കരാറുകാർ ചൂണ്ടിക്കാട്ടി. പുതുക്കിയ കരാർ പ്രകാരമുള്ള…
Read Moreറിനിയ്ക്ക് വെറുതേ നോക്കിനിൽക്കാൻ തോന്നിയില്ല; മാല പൊട്ടിച്ചു കടന്ന മോഷ്ടാവിനെ ഓടിച്ചിട്ടു പിടികൂടി പോലീസിൽ ഏൽപ്പിച്ച് താരമായി യുവതി
കോലഞ്ചേരി: കെഎസ്ആർടിസി ബസിൽനിന്ന് പ്രായമുള്ള സ്ത്രീയുടെ മാല പൊട്ടിച്ച് പുറത്തേക്ക് ഓടിയ യുവതിയെ സഹയാത്രിക്കാരി കീഴ്പ്പെടുത്തി പോലീസിലേൽപ്പിച്ചു. ഇന്ന് രാവിലെ 9.10 ഓടെ ചൂണ്ടി -മുവാറ്റുപുഴ റൂട്ടിലോടുന്ന കെഎസ്ആർടിസി ബസിൽ കോലഞ്ചേരി മെഡിക്കൽ കോളജ് ജംഗ്ഷനിലാണ് സംഭവം നടന്നത്. ബസിൽ സമീപത്തു നിന്ന പ്രായമുള്ള സ്ത്രീയുടെ മാല പൊട്ടിച്ച് കടന്നു കളയുന്ന സ്ത്രീയെ ശ്രദ്ധയിൽ പെട്ടാണ് മീമ്പാറ സ്വദേശി റിനി റോബിൻ പുറകെ ഓടിയത്. മെഡിക്കൽ കോളജ് സ്റ്റോപ്പിൽ നിന്ന് പൊട്ടിച്ചെടുത്ത മാലയുമായി ഓടിയ യുവതിയുടെ പുറകെ ഓടിയ റിനി ഇവരെ പിടികൂടുകയായിരുന്നു. തുടർന്ന് പുത്തൻകുരിശ് പോലീസ് സ്ഥലത്തെത്തി ഇവരെയും സംഘത്തിലുണ്ടായിരുന്ന മറ്റ് ഒരാളെയും കസ്റ്റഡിയിലെടുത്തു.
Read Moreഅർജുന്റെ കൊലപാതകം; പകലുപോലും എത്തപ്പെടാൻ പറ്റാത്ത സ്ഥലത്തെ രാത്രികാല തെളിവെടുപ്പിൽ ദുരൂഹതയെന്ന് നാട്ടുകാർ
മരട്: കുമ്പളത്ത് അർജുൻ എന്ന യുവാവിനെ ദാരുണമായി കൊലപ്പെടുത്തിയ സംഭവത്തിൽ പ്രതികളെ അർധരാത്രി സംഭവസ്ഥലത്തെത്തിച്ച് തെളിവെടുത്തതിൽ ദുരൂഹതയെന്ന് ആക്ഷേപം. പകൽ സമയത്തുപോലും എത്തിപ്പെടാൻ പറ്റാത്ത ചതുപ്പു പ്രദേശത്ത് രാത്രിയെത്തി തെളിവെടുത്തെന്നു പോലീസ് പറയുന്നതിൽ ദുരൂഹതയുണ്ടെന്ന് ബന്ധുക്കളും നാട്ടുകാരും ആരോപിക്കുന്നു. ഇതിനിടെ തിങ്കളാഴ്ച പോലീസ്കസ്റ്റഡിയിൽ വാങ്ങിയ പ്രതികളെ ചോദ്യം ചെയ്യൽ പൂർത്തിയാക്കി ജയിലിലേക്കു തിരികെ അയച്ചു. പ്രതികളായ അനന്ദു, നിബിൻ പീറ്റർ, റോണി, അജിത് കുമാർ എന്നീ പ്രതികളെയാണ് തെളിവെടുപ്പിനും കൂടുതൽ ചോദ്യം ചെയ്യലിനുമായി മൂന്നു ദിവസത്തേക്ക് പോലീസ് കസ്റ്റഡിയിൽ വാങ്ങിയത്. തിങ്കളാഴ്ച വൈദ്യ പരിശോധനയ്ക്കു ശേഷം പനങ്ങാട് സ്റ്റേഷനിൽ കൊണ്ടുവന്ന പ്രതികളെ വിശദമായി ചോദ്യം ചെയ്തതായും സംഭവം സംബന്ധിച്ച് കൂടുതൽ വെളിപ്പെടുത്തലുകൾ നടത്തിയെന്നും പനങ്ങാട് പോലീസ് പറഞ്ഞു.
Read Moreഎറണാകുളത്ത് യുവാക്കളെ ആക്രമിച്ച് സ്വർണമാല കവർന്ന സംഭവം; കുടുക്കിയത് സിസിടിവി ദൃശ്യങ്ങൾ
കൊച്ചി: എറണാകുളം കെഎസ്ആർടിസി ബസ് സ്റ്റാൻഡിനു സമീപം യുവാക്കളെ ആക്രമിച്ച് സ്വർണമാല കവർന്ന കേസിൽ പിടിയിലായ പ്രതികളെ റിമാൻഡ് ചെയ്തു. സെൻട്രൽ പോലീസ് അറസ്റ്റ് ചെയ്ത ചേർത്തല അരൂക്കുറ്റി വടുതല ചെട്ടി പറന്പിൽ മനീഷ് പ്രകാശ് (23), എറണാകുളം മൊണാസ്ട്രി റോഡിൽ മേലെകാട്ടുപറന്പ് അജിത്ത് (23), ഇയാളുടെ സഹോദരനായ അരുണ് രാജ് (25) എന്നിവരെയാണു കോടതിയിൽ ഹാജരാക്കി റിമാൻഡ് ചെയ്തത്. കഴിഞ്ഞ ശനിയാഴ്ച രാത്രിയിൽ അരങ്ങേറിയ കവർച്ചക്കേസിൽ സിസിടിവി ദൃശ്യങ്ങളാണു പ്രതികളെ കുടുക്കിയത്. കെഎസ്ആർടിസി സ്റ്റാൻഡിനു സമീപത്തുള്ള ബാറിന് സമീപംനിന്നിരുന്ന കളമശേരി സ്വദേശിയായ യുവാവിനെയും സുഹൃത്തിനെയും ആക്രമിച്ചശേഷം യുവാവിന്റെ കഴുത്തിൽ കിടന്ന ഒന്നരപവൻ തൂക്കമുള്ള സ്വർണമാല പ്രതികൾ കവരുകയായിരുന്നു. തടയാൻ ശ്രമിച്ച യുവാവിനെയും സുഹൃത്തിനെയും കത്തിയും ബിയർ കുപ്പിയും വീശി ഭയപ്പെടുത്തിയശേഷം പ്രതികൾ സ്ഥലത്തുനിന്നു കടന്നു. യുവാവിന്റെ പരാതിയിൽ സെൻട്രൽ സ്റ്റേഷനിൽ കേസ് രജിസ്റ്റർ ചെയ്തു നടത്തിയ…
Read Moreഅങ്ങാടിയിൽ തോറ്റതിന്… എസ്എഫ്ഐ അക്രമത്തില് പരിക്കേറ്റ എഐഎസ്എഫ് വിദ്യാര്ഥികളെ കാണാനെത്തിയ സിപിഐ എറണാകുളം ജില്ലാ സെക്രട്ടറിയെ തടഞ്ഞ് ഡിവൈഎഫ്ഐ പ്രവർത്തകർ
കൊച്ചി: എസ്എഫ്ഐ അക്രമത്തില് പരിക്കേറ്റ എഐഎസ്എഫ് വിദ്യാര്ഥി നേതാക്കളെ സന്ദര്ശിച്ച സിപിഐ എറണാകുളം ജില്ലാ സെക്രട്ടറി പി. രാജുവിനെ ഡിവൈഎഫ്ഐ പ്രവര്ത്തകര് തടഞ്ഞു. ഞാറക്കല് സര്ക്കാര് ആശുപത്രിക്ക് മുന്നിലായിരുന്നു സംഭവം. ബുധനാഴ്ച വൈപ്പിൻ ഗവൺമെന്റ് കോളജിൽ എസ്എഫ്ഐ-എഐഎസ്എഫ് സംഘർഷമുണ്ടായത്. ഇതിൽ പരിക്കേറ്റ എഐഎസ്എഫ് പ്രവർത്തകരെ കാണാനാണ് സിപിഐ ജില്ലാ സെക്രട്ടറി എത്തിയത്. എന്നാൽ മടങ്ങിപ്പോവുന്നതിനിടെ ഡിവൈഎഫ്ഐ പ്രവര്ത്തകര് തടഞ്ഞുവയ്ക്കുകയായിരുന്നു. തിരുവനന്തപുരം യൂണിവേഴ്സിറ്റി കോളജിലുണ്ടായ സംഘര്ഷത്തിനു പിന്നാലെയാണ് വൈപ്പിൻ കോളജിലെ സംഘർഷം. എഐഎസ്എഫ് യൂണിറ്റ് സെക്രട്ടറി സ്വാലിഹ് അഫ്രീദി, പ്രസിഡന്റ് ടി.എസ്. വിഷ്ണു എന്നിവരെ ക്ലാസില് നിന്ന് പിടിച്ചിറക്കി എസ്എഫ്ഐ പ്രവർത്തകർ മര്ദിച്ചുവെന്നാണ് എഐഎസ്എഫിന്റെ ആരോപണം
Read More