കൊച്ചി: നെടുങ്കണ്ടം കസ്റ്റഡി മരണത്തിൽ ഇടുക്കി മജിസ്ട്രേറ്റിനെതിരേ അന്വേഷണത്തിന് ഹൈക്കോടതി ഉത്തരവ്. ഗുരുതരമായി പരിക്കേറ്റ രാജ്കുമാറിനെ റിമാൻഡ് ചെയ്തതിൽ വീഴ്ച്ച പറ്റിയിട്ടുണ്ടൊയെന്നു പരിശോധിക്കുന്നതിനാണ് അന്വേഷണം നടത്തുന്നത്. രാജ്കുമാറിന് കസ്റ്റഡിയിലിരിക്കെ ഗുരുതരമായി പരിക്കേറ്റിട്ടുണ്ടെന്നു പോസ്റ്റ്മോർട്ടം റിപ്പോർട്ടിൽ പറയുന്നുണ്ട്. ഇതിന്റെഅടിസ്ഥാനത്തിലാണ് ഹൈക്കോടതിയുടെ ഇടപെടൽ.
Read MoreCategory: Kochi
നാട്ടില് ക്ലീന് ഇമേജ് ! റോബിന്ഹുഡ് എന്ന സിനിമയിലെ പൃഥിരാജിനെ വെല്ലുന്ന വേഷം; യൂട്യൂബില്നിന്നു മോഷണം പഠിച്ചു, ലക്ഷ്യം ബൈക്കിന്റെ കടംവീട്ടല്
വൈപ്പിൻ: പുതുവൈപ്പിൽ ഇന്നലെ പുലർച്ചെ നടന്ന എടിഎം കവർച്ചാ ശ്രമത്തിനായി മോഷ്ടാവെത്തിയത് റോബിൻഹുഡ് എന്ന സിനിമയിൽ എടിഎമ്മിൽനിന്നു പണം അപഹരിക്കാനെത്തുന്ന നടൻ പൃഥിരാജിനെ വെല്ലുന്ന വേഷത്തിൽ. മുഖം ടവ്വൽകൊണ്ട് മുക്കാൽ ഭാഗവും മറച്ചു തല മുഴുവൻ മൂടി നിൽക്കുന്ന നീണ്ട തൊപ്പിയും ധരിച്ച് പുറകിൽ ഒരു ക്യാരി ബാഗും ഇട്ടാണ് ഇയാൾ കൗണ്ടറിൽ പ്രവേശിച്ചത്. കൈയിൽ കോടാലി ഉണ്ടായിരുന്നു. പ്രതി ഒന്നര ലക്ഷം രൂപയ്ക്കു വാങ്ങിയ ന്യൂ ജനറേഷൻ മോട്ടോർ ബൈക്കിന്റെ കടം വീട്ടാനാണ് മോഷണത്തിനു മുതിർന്നതെന്നു പോലീസ് പറഞ്ഞു. ഇതിനായി ന്യൂസ് ചാനലിൽ വന്നിട്ടുള്ള എടിഎം കൗണ്ടർ കവർച്ചകൾ യൂട്യൂബിൽ പലകുറി കണ്ട് പരിശീലനം നേടി. കൈകളിൽ ഗ്ലൗസ് ധരിച്ചിരുന്ന പ്രതി അതിന്മേൽ സെല്ലോടേപ്പ് ചുറ്റിയിരുന്നു. പുറമെ ധരിച്ചിരുന്ന ഓവർകോട്ടിനുള്ളിൽ എട്ടു ഷർട്ടുകളാണ് ധരിച്ചിരുന്നത്. പണമപഹരിച്ച് രക്ഷപ്പെട്ട് കഴിഞ്ഞാൽ കടന്നുപോകുന്ന മേഖലയിലെ സിസിടിവി കാമറ ദൃശ്യങ്ങൾ…
Read Moreപ്രളയാനന്തര പുനർനിർമ്മാണം: ധനസഹായ വിതരണവും വീടുകളുടെ നിർമാണവും ദിവസങ്ങൾക്കകം പൂർത്തിയാക്കും
കൊച്ചി: ജില്ലയിലെ പ്രളയാനന്തര പുനർനിർമ്മാണവുമായി ബന്ധപ്പെട്ട് ആദ്യ ഘട്ടത്തിലെ പൂർത്തിയാകുവാൻ ശേഷിക്കുന്ന ധനസഹായ വിതരണവും വീടുകളുടെ പുനർ നിർമാണവും ജൂലൈ 20 നകം പൂർത്തീകരിക്കുമെന്ന് ജില്ലാ കളക്ടർ എസ്. സുഹാസ്. ധനസഹായ വിതരണവുമായി ബന്ധപ്പെട്ട എല്ലാ നടപടികളും 20 നകം പൂർത്തീകരിക്കുന്നതിന് ഉദ്യോഗസ്ഥർക്ക് കർശന നിർദേശവും നൽകി. പ്രളയാനന്തര പ്രവർത്തനങ്ങളുമായി ബന്ധപ്പെട്ട് ജില്ലാ കളക്ടറുടെ അധ്യക്ഷതയിൽ ചേർന്ന അവലോകന യോഗത്തിലാണു തീരുമാനം. നിർമാണം പൂർത്തിയാക്കിയ വിവിധ വീടുകൾ ജില്ലാ കളക്ടർ നേരിട്ട് പരിശോധിച്ചു. ജില്ലയിൽ ഇതുവരെ നടന്ന പുനർനിർമാണ പ്രവർത്തനങ്ങളുടെ പൂർണമായ വിവരങ്ങൾ പൊതുജനങ്ങൾക്ക് ലഭ്യമാക്കും. പ്രളയത്തിന്റെ അടിയന്തിര ധന സഹായമായ 10,000 രൂപ 1,79,879 പേരാണ് ജില്ലയിൽ കൈപ്പറ്റിയത്. ക്യാന്പുകളിൽനിന്നു പ്രളയശേഷം വീടുകളിലേയ്ക്കു മടങ്ങിയതും പ്രളയം ബാധിച്ചതുമായ കുടുംബങ്ങൾക്ക് ജില്ലയിൽനിന്ന് നൽകിയ റിലീഫ് കിറ്റുകളുടെ എണ്ണം 2,31,801 ആണ്. ഇത് കുടാതെ തുടർന്നും ജില്ലയിൽ എത്തിച്ചേർന്ന…
Read Moreകാഴ്ച വൈകല്യമുള്ളവരോട് അവഗണന മാത്രം; സെക്രട്ടറിയേറ്റ്പടിക്കൽ സമരത്തിനൊരുങ്ങി ഫെഡറേഷൻ ഓഫ് ദി ബ്ലൈൻഡ്
കൊച്ചി: കേരളത്തിലെ കാഴ്ച വൈകല്യമുള്ളവരുടെ സംഘടനയായ ഫെഡറേഷൻ ഓഫ് ദി ബ്ലൈൻഡ് സമരത്തിലേക്ക്. സംസ്ഥാന സർക്കാർ കാഴ്ചവൈകല്യമുള്ളവരോട് കാണിക്കുന്ന അവഗണനയിൽ പ്രതിഷേധിച്ച് ജൂലൈ ഒന്നിന് സംഘടനയുടെ നേതൃത്വത്തിൽ സെക്രട്ടേറിയറ്റ് മാർച്ചും ധർണയും സംഘടിപ്പിക്കുമെന്നു ഭാരവാഹികൾ പത്രസമ്മേളനത്തിൽ അറിയിച്ചു. ധനമന്ത്രി ബജറ്റ് അവതരിപ്പിച്ച വേളയിൽ കാഴ്ചവൈകല്യമുള്ളവരുടെ പെൻഷൻ തുക വർധിപ്പിക്കുമെന്ന് ഉറപ്പ് നൽകിയിരുന്നു. എന്നാൽ 40 ശതമാനം കാഴ്ച വൈകല്യമുള്ളവർക്കാണ് സർക്കാർ പെൻഷൻ തുക വർധിപ്പിച്ചത്. 80 ശതമാനത്തിലേറെ വൈകല്യമുള്ളവർക്ക് ഈ വർധന നൽകിയില്ല. അതിനാൽ ക്ഷേമപെൻഷൻ 100 രൂപ വർധിപ്പിക്കണമെന്നും ഇപ്പോൾ നൽകിവരുന്ന ക്ഷേമപെൻഷൻ 5000 രൂപയായി വർധിപ്പിക്കണമെന്നും ഫെഡറേഷൻ ആവശ്യപ്പെടുന്നു. ഇതടക്കമുള്ള വിവിധ ആവശ്യങ്ങൾ ഉന്നയിച്ച് നിരവധി തവണ അധികൃതരെ സമീപിച്ചെങ്കിലും ഫലമുണ്ടായില്ല. കാഴ്ചയില്ലാത്തവരുടെ ഇൻസൈറ്റ് പ്രോജക്ട് പുനരാരംഭിക്കുക, കാഴ്ചയില്ലാത്ത ലോട്ടറി വിൽപനക്കാരുടെ പ്രശ്നങ്ങൾ പരിഹരിക്കുക തുടങ്ങിയ ആവശ്യങ്ങളും ധർണയുടെ ഭാഗമായി ഉയർത്തിക്കാട്ടുമെന്നും അവർ പറഞ്ഞു.…
Read Moreജോലി ചെയ്യാൻ ആളില്ല..! ഉപഭോക്തൃ തർക്കപരിഹാര ഫോറങ്ങളിൽ പരാതികൾ കുന്നുകൂടുന്നു
റോബിൻ ജോർജ് കൊച്ചി: ഒഴിവുകളിൽ യഥാസമയം നിയമനം നടത്താത്തതിനെത്തുടർന്ന് ഉപഭോക്തൃ തർക്ക പരിഹാര ഫോറങ്ങളിൽ പരാതികൾ കുന്നുകൂടുന്നു. കഴിഞ്ഞ ഏപ്രിൽ വരെയുള്ള കണക്കുകൾ പ്രകാരം സംസ്ഥാന ഉപഭോക്തൃതർക്ക പരിഹാര കമ്മീഷനിൽ 789 പരാതികളിലും 2103 അപ്പീലുകളിലും തീർപ്പു കല്പിക്കാനുണ്ട്. വിവിധ ജില്ലാ ഉപഭോക്തൃ തർക്കപരിഹാര ഫോറങ്ങളിലെയും സ്ഥിതി വിഭിന്നമല്ല. തൃശൂർ ജില്ലയിലാണ് ഏറ്റവും കൂടുതൽ പരാതികൾ കെട്ടിക്കിടക്കുന്നത്. 2836 പരാതികളാണ് ഇവിടെ തീർപ്പാക്കാനുള്ളത്. തിരുവനന്തപുരം, എറണാകുളം ജില്ലകളാണു തൊട്ടുപിന്നിൽ. തിരുവനന്തപുരത്ത് 1558 പരാതികളിലും എറണാകുളത്ത് 1552 പരാതികളിലും തീർപ്പ് കല്പിക്കാനുണ്ട്. കൊല്ലം ജില്ലയിൽ 614 പരാതികളും പത്തനംതിട്ടയിൽ 207, ആലപ്പുഴയിൽ 461, കോട്ടയത്ത് 552 പരാതികൾ വീതവും കെട്ടിക്കിടക്കുന്നു. ഇടുക്കിയിൽ 362, പാലക്കാട് 314 മലപ്പുറത്ത് 474, കോഴിക്കോട് 981, വയനാട് 354, കണ്ണൂരിൽ 878, കാസർഗോഡ് 606 പരാതികളിലും തീർപ്പു കല്പിക്കാനുണ്ടെന്നും എറണാകുളം ഡിസ്ട്രിക്ട് കണ്സ്യൂമേഴ്സ്…
Read Moreമൂവാറ്റുപുഴയിൽ കേരള കോണ്ഗ്രസ് വിഭാഗങ്ങളുടെ വെവ്വേറെ യോഗം; നിയോജക മണ്ഡലം പ്രസിഡന്റിനെ പുറത്താക്കിയതായി ജോസ് കെ.മാണി വിഭാഗം
മൂവാറ്റുപുഴ: കേരള കോണ്ഗ്രസ്-എമ്മിലെ ഇരുവിഭാഗങ്ങൾ മൂവാറ്റുപുഴയിൽ പ്രത്യേകയോഗം ചേർന്നു. മൂവാറ്റുപുഴ നാസ് ഓഡിറ്റോറിയത്തിൽ ചേർന്ന ജോസ് കെ. മാണി വിഭാഗം നിയോജക മണ്ഡലം കമ്മിറ്റി യോഗം ജില്ലാ പ്രസിഡന്റ് ബാബു ജോസഫ് ഉദ്ഘാടനം ചെയ്തു. പാർട്ടി വിരുദ്ധ പ്രവർത്തനങ്ങൾ നടത്തിയെന്നു ചൂണ്ടിക്കാട്ടി നിയോജക മണ്ഡലം പ്രസിഡന്റ് എൻ.ജെ. ജോർജിനെ പാർട്ടിയിൽനിന്നു പുറത്താക്കി പുതിയ പ്രസിഡന്റായി ഷൈൻ ജേക്കബ് മഞ്ചുമലക്കുടിയെ തെരഞ്ഞെടുത്തു. നിയോജക മണ്ഡലത്തിലെ ഏഴു മണ്ഡലം പ്രസിഡന്റുമാരും 80 അംഗ നിയോജക മണ്ഡലം കമ്മിറ്റിയംഗങ്ങളിൽ 62 പേരും പങ്കെടുത്തതായി ഭാരവാഹികൾ അവകാശപ്പെട്ടു. ജില്ലാ സെക്രട്ടറി ഏബ്രഹാം പൊന്നുംപുരയിടം അധ്യക്ഷത വഹിച്ചു. യോഗത്തിൽ കെ.എം. മാണി അനുസ്മരണ സമ്മേളനവും നടന്നു. സംസ്ഥാന സ്റ്റിയറിംഗ് കമ്മിറ്റിയംഗം ടോമി കെ. തോമസ്, ജോയി നടുക്കുടി, ടോമി ജോസഫ്, ബാബു മനയ്ക്കപ്പറന്പൻ, ബ്ലോക്ക് പഞ്ചായത്തംഗം ചിന്നമ്മ ഷൈൻ, ആയവന പഞ്ചായത്ത് വൈസ് പ്രസിഡന്റ്…
Read Moreമീന് വാങ്ങുന്നവരുടെ ശ്രദ്ധയ്ക്ക്! മത്സ്യത്തിൽ വ്യാപകമായി രാസപദാർഥങ്ങൾ ചേർക്കുന്നെന്നു പരാതി; പരിശോധന കർശനമാക്കും
മൂവാറ്റുപുഴ: മത്സ്യത്തിൽ വ്യാപകമായി രാസപദാർഥങ്ങൾ ചേർക്കുന്നതായി പരാതി ഉയർന്ന സാഹചര്യത്തിൽ ഭക്ഷ്യസുരക്ഷാ വകുപ്പ് ഉദ്യോഗസ്ഥർ മൂവാറ്റുപുഴയിലെ ചെറുകിട മത്സ്യവിപണന കേന്ദ്രങ്ങളിൽ പരിശോധന നടത്തി. ട്രോളിംഗ് നിരോധിച്ചിരിക്കുന്ന സാഹചര്യത്തിൽ ഫോർമാലിൻ, അമോണിയ തുടങ്ങിയ രാസവസ്തുക്കൾ ചേർത്ത മത്സ്യം വിൽക്കുന്നുണ്ടെന്ന പരാതിയെത്തുടർന്നാണ് ഓപ്പറേഷൻ സാഗർ റാണി രണ്ടിന്റെ ഭാഗമായി മത്സ്യവിപണന കേന്ദ്രങ്ങളിൽ പരിശോധന നടത്തിയത്. ക്വിക് ഡിറ്റക്ഷൻ കിറ്റ് ഉപയോഗിച്ച് നടന്ന പരിശോധനയിൽ രാസവസ്തുക്കളുടെ സാന്നിധ്യം കണ്ടെത്താനായില്ല. ഭക്ഷ്യസുരക്ഷാ ഉദ്യോഗസ്ഥരായ ബൈജു പി. ജോസഫ്, കെ. വൈശാഖൻ, ഫിഷറീസ് ഉദ്യോഗസ്ഥ ദേവി എന്നിവരുടെ നേതൃത്വത്തിലായിരുന്നു പരിശോധന. മൂവാറ്റുപുഴ നഗരത്തിലും സമീപ പ്രദേശങ്ങളിലുമുള്ള മുഴുവൻ വില്പന കേന്ദ്രങ്ങളിലും വരും ദിവസങ്ങളിൽ പരിശോധന കർശനമാക്കാനാണ് ഉദ്യോഗസ്ഥരുടെ തീരുമാനം. ജില്ലയിലെ കിഴക്കൻ പ്രദേശങ്ങളിലും സമീപ ജില്ലകളായ ഇടുക്കി, കോട്ടയം എന്നിവിടങ്ങളിലേക്കും ആവശ്യമായ മത്സ്യം പേഴയ്ക്കാപ്പിള്ളിയിലെ മൊത്തവിപണന മാർക്കറ്റിൽനിന്നുമാണ് ചെറുകിട വ്യാപാരികൾ വാങ്ങുന്നത്. ഓലക്കുടി, വറ്റ,…
Read Moreഗുണ്ടകള്ക്കുപോലും പേടിസ്വപ്നം! വിദേശ മലയാളിയെ തട്ടിക്കൊണ്ടുപോയി അരക്കോടി രൂപ തട്ടിയെടുത്ത കേസിലെ പ്രതി ചെറിയപുള്ളിയല്ല
കൊച്ചി: വിദേശ മലയാളിയെ തട്ടിക്കൊണ്ടുപോയി ഭീഷണിപ്പെടുത്തി അരക്കോടി രൂപ തട്ടിയെടുത്ത കേസിൽ പോലീസ് പിടിയിലായ പ്രധാന പ്രതിക്കെതിരേ എറണാകുളം സൗത്ത്, നോർത്ത് സ്റ്റേഷനുകളിലും ക്രിമിനൽ കേസുകൾ. ഗുണ്ടകൾക്കുപോലും പേടിസ്വപ്നമായി മാറിയ പ്രതിക്കെതിരേ ഗുണ്ടകളായ മാക്കാൻ സജീറിനെ കൊലപ്പെടുത്താൻ ശ്രമിച്ചതിനും തൊപ്പി കണ്ണൻ എന്നയാളെ ആക്രമിച്ചതിനുമാണ് കേസ് രജിസ്റ്റർ ചെയ്തിട്ടുള്ളത്. തെക്കൻ ജില്ലകളിലെ കുപ്രസിദ്ധ ഗുണ്ട എറണാകുളം ഇരുന്പനത്തു താമസിക്കുന്ന മരിയനന്ദനയിൽ ഷാരോണി(29)നെ തൃശൂർ റൂറൽ എസ്പി വിജയകുമാറിന്റെ നേതൃത്വത്തിൽ ഇരിങ്ങാലക്കുട ഡിവൈഎസ്പി ഫേമസ് വർഗീസ്, ഇൻസ്പെക്ടർ പി.ആർ. ബിജോയ് എന്നിവരുടെ സംഘമാണ് പിടികൂടിയത്. പിന്നീട് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. എറണാകുളം, ആലപ്പുഴ മേഖലയിലെ ഗുണ്ടാനേതാവും കൊലപാതകം, കൊലപാതകശ്രമം എന്നിവയടക്കം നിരവധി കേസുകളിലെ പ്രതിയായ ഇയാളെ ഏറെ ശ്രമകരമായി ഇടപ്പള്ളിയിൽനിന്നുമാണു പിടികൂടിയത്. മഫ്തിയിൽ ഇയാളെ പിൻതുടർന്ന പോലീസ് സംഘം പഴുതടച്ച നീക്കങ്ങളിലൂടെ ഇയാളെ പിടികൂടുകയായിരുന്നു. 2018…
Read Moreഓണ്ലൈൻ ഭക്ഷണ വിതരണം മറയാക്കി ലഹരി മരുന്ന് വില്പന; നാലു മാസത്തിനിടെ പിടിയിലായത് നാലു പേർ
കൊച്ചി: ഓണ്ലൈൻ ഭക്ഷണ വിതരണം മറയാക്കി ലഹരിമരുന്നു വില്പന നടത്തുന്ന സംഭവുമായി ബന്ധപ്പെട്ടു കഴിഞ്ഞ നാലു മാസത്തിനിടെ എക്സൈസ് സംഘത്തിന്റെ പിടിയിലായതു നാലു പേർ. ഭക്ഷണ വിതരണം മറയാക്കി നിരവധിപേർ ഈ മേഖലയിൽ പ്രവർത്തിക്കുന്നതായ വിവരങ്ങളുടെ അടിസ്ഥാനത്തിൽ നിരീക്ഷണവും പരിശോധനകളും കർശനമാക്കാൻ അധികൃതരും രംഗത്തിറങ്ങി. പരിശോധനകൾ കർശനമാക്കുന്നതിന്റെ ഭാഗമായി പ്രമുഖ ഓണ്ലൈൻ ഭക്ഷണ വിതരണ കന്പനികളിൽനിന്നു ജീവനക്കാരുടെ പേരുവിവരങ്ങളും വാഹന സംബന്ധമായ കാര്യങ്ങളും എക്സൈസ് വകുപ്പ് ശേഖരിക്കും. അധികൃതരുടെ കണ്ണുവെട്ടിച്ച് വൻകിട ഫ്ളാറ്റുകളിലേക്കും മാളുകളിലേക്കും ഭക്ഷണമെന്ന വ്യാജേന ലഹരിമരുന്നുകൾ എത്തിക്കാൻ ഡെലിവറി ജീവനക്കാർക്ക് കഴിയുന്നുണ്ടെന്നാണ് എക്സൈസ് വകുപ്പിന്റെ കണ്ടെത്തൽ. രാത്രികാലങ്ങളിൽ ഉൾപ്പെടെ നടത്തുന്ന വാഹന പരിശോധനകളിൽ ഡെലിവറി ജീവനക്കാരുടെ വാഹനങ്ങളിൽ കർശന പരിശോധന നടത്തുവാനും എക്സൈസ് അധികൃതർ തീരുമാനിച്ചിട്ടുണ്ട്. കഴിഞ്ഞ നാലു മാസത്തിനിടെ പിടിയിലായ നാലുപേരിൽനിന്നായി പത്തുലക്ഷം വില വരുന്ന ലഹരിമരുന്നുകളാണ് പിടിച്ചെടുത്തത്. എംഡിഎംഎ, ഹാഷിഷ് എന്നിവയുൾപ്പെടെയുള്ളവയാണ്…
Read Moreആശങ്കയൊഴിഞ്ഞു..! കോതമംഗലം താലൂക്ക് ആശുപത്രി കാഷ്വാലിറ്റി അടച്ചിട്ട സംഭവം; രോഗിക്കു നിപ്പയില്ലെന്നു സ്ഥിരീകരിച്ചു
കോതമംഗലം: നിപ്പ രോഗബാധയെന്ന സംശയത്തെ തുടർന്നു കോതമംഗലം താലൂക്ക് ആശുപത്രിയിലെ കാഷ്വാലിറ്റി അടച്ചിട്ട സംഭവത്തിൽ രോഗിക്കു നിപ്പയല്ലെന്ന് സ്ഥിരീകരിച്ചു. ഇന്നലെ രാവിലെ പതിനൊന്നോടെ താലൂക്ക് ആശുപത്രിയിൽ പനി ബാധിതനായ യുവാവ് ചികിത്സയ്ക്കെത്തിയപ്പോഴാണ് നിപ്പ രോഗലക്ഷണങ്ങൾ സംശയിക്കപ്പെട്ടത്. തുടർന്ന് മണിക്കൂറുകളോളം കാഷ്വാലിറ്റി അടച്ചിട്ടു. രോഗിയെ പ്രത്യേക മുൻകരുതൽ ക്രമീകരണങ്ങളോടെ വിദഗ്ധ പരിശോധനക്കായി കളമശേരി മെഡിക്കൽ കോളേജിലേക്കു മാറ്റുകയായിരുന്നു. പിണ്ടിമന പ്രാഥമികാരോഗ്യ കേന്ദ്രത്തിലാണ് ഇന്നലെ രാവിലെ പനി ബാധിതനായ യുവാവ് ആദ്യം ചികിൽസ തേടിയെത്തിയത്. ലക്ഷണങ്ങളിൽ നിപ്പ രോഗം സംശയിച്ച് താലൂക്ക് ആശുപത്രിയിലേക്ക് മാറ്റുകയായിരുന്നു. താലൂക്ക് ആശുപത്രിയിൽ എത്തിയ രോഗിയെ പ്രത്യേക മുൻകരുതൽ സംവിധാനം ഒരുക്കി ആംബുലൻസിൽ കളമശേരി മെഡിക്കല് കോളേജ് ആശുപത്രിയിലേക്കു മാറ്റിയെങ്കിലും നിപ്പയല്ലെന്ന സൂചന ഇന്നലെ തന്നെ പുറത്തുവന്നിരുന്നു. ഡെങ്കിപ്പനിയാണെന്നു പിന്നീട് സ്ഥിരീകരിച്ചതായാണ് അറിയുന്നത്. രോഗലക്ഷണങ്ങൾ കണ്ട ഉടനെ നിപ്പയാണെന്ന സംശയത്തില് കോതമംഗലം താലൂക്ക് ആശുപതിയില് അടിയന്തിര…
Read More