കൊച്ചി: മലയാള സിനി ടെക്നിഷ്യന്സ് അസോസിയേഷന് (മാക്ട) ഭരണസമിതിയിലേക്ക് 29ന് നടത്താനിരുന്ന തെരഞ്ഞെടുപ്പ് എറണാകുളം ഒന്നാംക്ലാസ് മുന്സിഫ് കോടതി തടഞ്ഞു. തപാല് വോട്ട് ചെയ്യാനുള്ള വ്യവസ്ഥയില് മാറ്റം വരുത്തിയതിനെതിരേ സെക്രട്ടറി ഷാജി പാണ്ഡവത്ത് നല്കിയ ഹര്ജിയിലാണ് ഉത്തരവ്. മാക്ടയില് വോട്ടവകാശമുള്ള അംഗങ്ങള് തപാല് വോട്ടിനുള്ള അപേക്ഷ തെരഞ്ഞെടുപ്പിന് 20 ദിവസം മുമ്പ് നല്കണമെന്നായിരുന്നു വ്യവസ്ഥ. നിലവിലെ ഭരണസമിതി ഈ സമയപരിധി 30 ദിവസമാക്കി നീട്ടി. ജനറല് ബോഡിയുടെ അംഗീകാരമില്ലാതെയാണ് വ്യവസ്ഥ മാറ്റിയതെന്നു കാണിച്ചാണ് ഷാജി പാണ്ഡവത്ത് ഹര്ജി നല്കിയത്. ഹര്ജിയിലെ അന്തിമ വിധിയനുസരിച്ച് മാത്രമേ തെരഞ്ഞെടുപ്പ് നടത്താവൂ എന്നും ഉത്തരവില് പറയുന്നു.
Read MoreCategory: Kochi
ബാങ്ക് ജീവനക്കാരുടെ ഭീഷണി; ഗൃഹനാഥൻ കുഴഞ്ഞുവീണു മരിച്ചു; ആഗോള പരിസ്ഥിതി സംഘടനായ ഗ്രീൻപീസിന്റെ റിവർ കീപ്പറായിരുന്നു ജോസ്
കളമശേരി: മകന്റെ ഇരുചക്ര വാഹനത്തിന്റെ വായ്പ കുടിശികയുടെ പേരിൽ ബാങ്ക് ജീവനക്കാർ വീട്ടിലെത്തി ഭീഷണിപ്പെടുത്തിയതിനെ തുടർന്നു ഗൃഹനാഥൻ കുഴഞ്ഞുവീണു മരിച്ചു. ഏലൂർ ഫെറി റോഡിൽ വടശേരി വീട്ടിൽ പരേതനായ ജേക്കബിന്റെ മകൻ ജോസ് (61) ആണ് മരിച്ചത്. ഇന്ന് രാവിലെ 7.30 ഒടെ എച്ച്ഡിഎഫ്സി ബാങ്കിലെ ജീവനക്കാർ ജോസിന്റെ വീട്ടിലെത്തി മകന്റെ ഇരുചക്ര വാഹനത്തിന്റെ വായ്പയുടെ രണ്ട് മാസ തവണകൾ മുടങ്ങിയതുമായി ബന്ധപ്പെട്ട് തർക്കങ്ങൾ ഉണ്ടായി. ഇതിനിടയിൽ തർക്കത്തിൽ ഇടപെട്ട ജോസ് തളർന്ന് വീഴുകയായിരുന്നു. ഉടൻ മഞ്ഞുമ്മലിലെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിച്ചു. ആഗോള പരിസ്ഥിതി സംഘടനായ ഗ്രീൻപീസിന്റെ റിവർ കീപ്പറായിരുന്നു ജോസ്. പരിസ്ഥിതിയുമായ് ബന്ധപ്പെട്ട് സംസ്ഥാനത്തെ ജയിലുകളിൽ ക്ലാസ് എടുക്കുന്നയാളാണ് ജോസ്. ഭാര്യ: ആലീസ്, മക്കൾ: ജോയൽ, രമ്യ. മരുമകൻ: കെടിസൺ.
Read Moreകാത്തിരിപ്പു വെറുതേയായില്ല മണ്സൂണ് വലയിൽ കുടുക്കി; ലഹരി ഗുളികകളുമായി പിടിയിലായത് വിപണന മാഫിയയിലെ പ്രധാന കണ്ണിയെന്ന് എക്സൈസ്
കൊച്ചി: ലഹരി ഗുളികകളുമായി എക്സൈസ് സംഘം പിടികൂടിയ യുവാവ് മയക്കുമരുന്ന് വിപണന മാഫിയയിലെ പ്രധാന കണ്ണിയെന്ന് അധികൃതർ. നിരവധി അടിപിടി കേസുകളിൽ പ്രതിയായ ഇയാൾ നാളുകളായി എക്സൈസ് സംഘത്തിന്റെ നിരീക്ഷണത്തിലായിരുന്നു. എടത്തല കുഴിവേലിപ്പടി കുർലാട് വീട്ടിൽ ചൂണ്ട സുനി എന്നറിയപ്പെടുന്ന അനീഷ് തങ്കപ്പൻ (30) നെയാണ് ആലുവ റേഞ്ച് എക്സൈസ് ഇൻസ്പെക്ടർ ടി.കെ. ഗോപിയുടെ നേതൃത്വത്തിലുള്ള ഷാഡോ സംഘം ലഹരി ഗുളികകളുമായി അറസ്റ്റ് ചെയ്തത്. മാനസികവിഭ്രാന്തി നേരിടുന്നവർക്കു നൽകുന്ന 60 നൈട്രോസെപാം മയക്കുമരുന്ന് ഗുളികളാണ് ഇയാളിൽനിന്ന് കണ്ടെടുത്തത്. ഒട്ടേറെ അടിപിടിക്കേസുകളിൽ പ്രതിയായ ഇയാൾ വിദ്യാർഥികൾക്കും യുവാക്കൾക്കുമിടയിൽ ഏറെ നാളുകളുകളായി മയക്കുമരുന്ന് വിൽപന നടത്തിവന്നിരുന്നുവെങ്കിലും പിടിയിലാകുന്നത് ആദ്യമായാണ്. പ്രതിയിൽനിന്നു ലഭിച്ച വിവരത്തിന്റെ അടിസ്ഥാനത്തിൽ കൂടുതൽ അറസ്റ്റ് ഉടൻ ഉണ്ടാകുമെന്നും അധികൃതർ അറിയിച്ചു. അധ്യയനവർഷം ആരംഭിച്ചതോടെ ആലുവയിലെ മയക്കുമരുന്ന് മാഫിയയുടെ വേരറുക്കുക എന്ന ലക്ഷ്യത്തോടെ ഡെപ്യൂട്ടി കമ്മീഷണർ കെ. ചന്ദ്രപാലന്റെ…
Read Moreവിവാഹ അഭ്യർഥന നിരസിച്ചതിനെത്തുടർന്ന് യുവതിക്കെതിരേ അക്രമം; മധ്യവയസ്കൻ പോലീസ് പിടിയിൽ
കൊച്ചി: വിവാഹ അഭ്യർഥന നിരസിച്ചതിലുള്ള വിരോധംമൂലം പച്ചാളം സ്വദേശിനിയായ യുവതിയെ വഴിയിൽ തടഞ്ഞുനിർത്തി അപമാനിക്കുകയും ദേഹോപദ്രവം ഏല്പിക്കുകയും ചെയ്ത കേസിൽ പിടിയിലായ മധ്യവയസകനെ റിമാൻഡ് ചെയ്തു. എറണാകുളം നോർത്ത് പോലീസ് പിടികൂടിയ തൃപ്പൂണിത്തുറ സ്വദേശി ചന്ദ്രനെ (48) ആണ് കോടതിയിൽ ഹാജരാക്കി റിമാൻഡ് ചെയ്തത്. പ്രതി കൊച്ചി കോർപറേഷനിലെ മാലിന്യം ശേഖരിക്കുന്ന തൊഴിലാളിയാണ്. ഇരുപത്തിമൂന്നുകാരിയായ യുവതി ജോലി കഴിഞ്ഞ് വീട്ടിലേക്ക് മടങ്ങുംവഴി പച്ചാളം പാലത്തിനടിയിൽ കാത്തുനിന്ന ചന്ദ്രൻ യുവതിയോട് തന്നെ വിവാഹം കഴിക്കണമെന്ന് അഭ്യർഥിച്ചു. പറ്റില്ലെന്ന് പറഞ്ഞപ്പോൾ യുവതിയെ കടന്നു പിടിച്ച് അതിക്രമം നടത്തുകയായിരുന്നു. മൂന്നുവർഷം മുന്പാണു ഇയാൾ മാലിന്യം ശേഖരിക്കാനായി യുവതിയുടെ വീട്ടിലെത്തിയത്. പിന്നീട് പ്രതി താൻ വിവാഹിതനല്ലെന്നും തന്നെ വിവാഹം കഴിക്കണമെന്നും യുവതിയോട് ആവശ്യപ്പെട്ടു. യുവതി വിവാഹ അഭ്യർഥന നിരസിക്കുകയും വീട്ടിൽനിന്നു മാലിന്യം ശേഖരിക്കുന്ന ജോലി മറ്റൊരാളെ ഏൽപ്പിക്കുകയും ചെയ്തു. സംഭവത്തിനുശേഷം ഒളിവിൽ പോയ…
Read Moreമരത്തിനു പോടുണ്ടെന്ന് കണ്ടെത്തിയാൽ.. മുനമ്പം അങ്ങാടിയിലെ വിവാദ തണൽ മരം ഫോറസ്റ്റ് അധികൃതർ പരിശോധിക്കും
ചെറായി: മുനന്പം അങ്ങാടിയിൽ പൊതു സ്ഥലത്ത് സ്ഥിതിചെയ്യുന്ന തണൽ മരം മുറിക്കുന്നത് വിവാദമായതോടെ വനംവകുപ്പ് ഉദ്യോഗസ്ഥർ ഇന്ന് വൈകുന്നേരം സ്ഥലത്തെത്തി പരിശോധന നടത്തും. മരത്തിനു പോടുണ്ടെന്ന് കണ്ടെത്തി നാട്ടുകാർക്ക് ഭീഷണിയാണെന്ന് വനംവകുപ്പ് ഉദ്യോഗസ്ഥർ വിധിയെഴുതിയാൽ മരം മുറിക്കാനാണ് പഞ്ചായത്തിന്റെ നീക്കം. പഞ്ചായത്ത് അനുവാദം നൽകിയെന്ന് പറഞ്ഞ് സമീപത്തെ സ്ഥാപനത്തിന്റെ ഉടമ ഈ വർഷം ഫെബ്രുവരിയിൽ മരം മുറിക്കാൻ ശിഖരങ്ങൾ വെട്ടിമാറ്റിയിരുന്നു. എന്നാൽ യാതൊരു കേടുപാടുമില്ലാത്ത തണൽ മരം സ്വകാര്യ വ്യക്തിയുടെ കെട്ടിടത്തിനു സൗകര്യം ചെയ്യാൻ മുറിച്ചു മാറ്റുന്നതിനെതിരേ പള്ളിപ്പുറം വികസന ജനകീയ സമിതി സംരക്ഷണ സമിതി രംഗത്ത് വന്നതോടെയാണ് വിവാദമായത്. ഇവർ പഞ്ചായത്ത് സെക്രട്ടറിക്കും പോലീസിനും പരാതി നൽകിയതിനെ തുടർന്ന് പഞ്ചായത്ത് ഇടപെട്ട് തടയുകയും സമിതിയെ ചർച്ചക്ക് ക്ഷണിക്കുകയും ചെയ്തതിന്റെ അടിസ്ഥാനത്തിൽ വനം വകുപ്പ് ഉദ്യോഗസ്ഥർ എത്തി പരിശോധന നടത്തി മരത്തിനു കേടുണ്ടെങ്കിൽ മുറിച്ച് മാറ്റുമെന്ന് പഞ്ചായത്ത്…
Read Moreവ്യാജ കുറിപ്പടി ഉപയോഗിച്ച് ലഹരി ഗുളികകൾ വാങ്ങി വിൽപ്പന; യുവാവ് പിടിയിൽ
കൊച്ചി: മനോരോഗ വിദഗ്ധന്റെ വ്യാജ കുറിപ്പടി തയ്യാറാക്കി ആശുപത്രികളിൽനിന്നും മെഡിക്കൽ സ്റ്റോറുകളിൽനിന്നും മനോരോഗികൾക്കു നൽകുന്ന നൈട്രോസെപാം ഉൾപ്പെടെയുള്ള ലഹരി ഗുളികകൾ വാങ്ങി വിൽപ്പന നടത്തുന്ന യുവാവ് പോലീസ് പിടിയിൽ. വടുതല സ്വദേശി ആന്റണി നിഖിൽ (25) ആണ് എറണാകുളം നോർത്ത് പോലീസിന്റെ പിടിയിലായത്. കഴിഞ്ഞ ചൊവ്വാഴ്ച വൈകിട്ടാണു കേസിനാസ്പദമായ സംഭവം. നഗരത്തിലെ പ്രമുഖ ആശുപത്രിയിൽ വ്യാജ കുറിപ്പടിയുമായി മരുന്നുകൾ വാങ്ങുവാൻ എത്തിയ നിഖിൽ ആശുപത്രി ഫാർമസിയിലെത്തി മരുന്നുകൾ ആവശ്യപ്പെട്ടു. സംശയം തോന്നിയ ആശുപത്രി അധികൃതർ വിവരമറിയിച്ചതനുസരിച്ച് സ്ഥലത്തെത്തിയ പോലീസ് നിഖിലിനെ ആശുപത്രിയിൽനിന്ന് അറസ്റ്റ് ചെയ്യുകയായിരുന്നു. പ്രതി ഇത്തരത്തിൽ വ്യാജ കുറിപ്പടി ഉപയോഗിച്ച് നിരവധി മെഡിക്കൽ സ്റ്റോറുകളിൽനിന്നും മരുന്നുകൾ വാങ്ങി വിൽപ്പന നടത്തിയിട്ടുണ്ടെന്ന് പോലീസ് പറഞ്ഞു. കടുത്ത മനോരോഗമുള്ളവരുടെ ചികിത്സയ്ക്ക് ഉപയോഗിക്കുന്ന നൈട്രോസെപാം യുവാക്കളുടെ ഇടയിൽ ലഹരിക്കായി ഉപയോഗിക്കുന്നുണ്ട്. നോർത്ത് പോലീസ് ഇൻസ്പെക്ടർ സിബി ടോമിന്റെ നിർദേശാനുസരണം സബ്…
Read Moreതത്ത കാവിയണിയുമോ? ജേക്കബ് തോമസ് ബിജെപിയിലേക്ക്; ദേശീയ നേതാക്കളുമായി ചർച്ച നടത്തി
കൊച്ചി: മുൻ വിജിലൻസ് ഡയറക്ടർ ജേക്കബ് തോമസ് ബിജെപിയിൽ ചേർന്നേക്കുമെന്നു സൂചന. ബിജെപി, ആർഎസ്എസ് നേതാക്കളുമായി ജേക്കബ് തോമസ് ഡൽഹിയിൽ ചർച്ച നടത്തിയതോടെയാണ് അഭ്യൂഹങ്ങൾ ശക്തമായത്. ചർച്ച നടത്തിയതായി ജേക്കബ് തോമസ് സ്ഥിരീകരിച്ചെന്നു ചാനലുകൾ റിപ്പോർട്ട് ചെയ്യുന്നു. സീനിയർ ഐപിഎസ് ഉദ്യോഗസ്ഥനായ ജേക്കബ് തോമസ് 2017 ഡിസംബർ മുതൽ സസ്പെൻഷനിലാണ്. സർക്കാരിന്റെ അനുമതി വാങ്ങാതെ സർവീസ് സ്റ്റോറി എഴുതിയതിനെ തുടർന്നാണ് സസ്പെൻഷൻ. ജേക്കബ് തോമസിനെതിരെ ക്രിമിനൽ കേസും രജിസ്റ്റർ ചെയ്തിട്ടുണ്ട്. ലോക്സഭാ തെഞ്ഞെടുപ്പിൽ ചാലക്കുടി ലോക്സഭാ മണ്ഡലത്തിൽനിന്ന് മത്സരിക്കാൻ ജേക്കബ് തോമസ് തയാറെടുത്തിരുന്നു. എന്നാൽ, വിരമിക്കൽ പദ്ധതി പാളിയതോടെ മത്സരിക്കാൻ സാധിക്കാതെ പോയി.
Read Moreപ്രതിദിനം മുപ്പതിനായിരത്തോളം യാത്രക്കാർ; ചെക്ക്-ഇൻ ചെയ്യാൻ മൂന്നു മണിക്കൂർ; നെടുമ്പാശേരിയിൽ സമയ പുനക്രമീകരണം
നെടുന്പാശേരി: കൊച്ചി വിമാനത്താവളത്തിൽ ചെക്ക്-ഇൻ സമയം മൂന്നു മണിക്കൂറാക്കി ഉയർത്തി. ആഭ്യന്തര യാത്രക്കാർക്കാണു സമയക്രമീകരണം ബാധകം. ചൊവ്വാഴ്ച മുതൽ വിമാന പുറപ്പെടൽ സമയത്തിനു മൂന്നു മണിക്കൂർ മുന്പ് ആഭ്യന്തര യാത്രക്കാർക്കു ചെക്ക് ഇൻ ചെയ്യാം. സുരക്ഷാ ക്രമീകരണങ്ങൾ, യാത്രക്കാരുടെ തിരക്ക് എന്നിവ കണക്കിലെടുത്താണു ചെക്ക്-ഇൻ സമയം വർധിപ്പിച്ചത്. നിലവിൽ ആഭ്യന്തര ചെക്ക്-ഇൻ കൗണ്ടറുകൾ വിമാന പുറപ്പെടൽ സമയത്തിനു രണ്ടു മണിക്കൂർ മുന്പാണു പ്രവർത്തനം ആരംഭിക്കുന്നത്. ഇതിലും നേരത്തെ എത്തുന്നവരെ സിഐഎസ്എഫ് ചെക്ക്-ഇൻ മേഖലയിലേക്കു കടത്തിവിടാറില്ല. തീവ്രവാദ ആക്രമണ ഭീഷണിയുള്ള പശ്ചാത്തലത്തിൽ ബ്യൂറോ ഓഫ് സിവിൽ ഏവിയേഷന്റെ നിർദേശപ്രകാരമാണു സുരക്ഷാ പരിശോധന അതീവ കർശനമാക്കിയത്. സുരക്ഷാ പരിശോധനയ്ക്കു കൂടുതൽ സമയമെടുക്കുന്നതിനാൽ സുരക്ഷാ പരിശോധനാ ഹാളിൽ വൻ തിരക്ക് ഇപ്പോൾ അനുഭവപ്പെടുന്നുണ്ട്. അവസാന നിമിഷം എത്തുന്നവർക്ക് ഗേറ്റുകളിലേക്ക് പ്രവേശിക്കാൻ കഴിയാത്ത സാഹചര്യം പലപ്പോഴുമുണ്ടാകാറുണ്ട്. ഇക്കാര്യങ്ങളെല്ലാം പരിഗണിച്ചാണു ചെക്ക്-ഇൻ കൗണ്ടറുകൾ നേരത്തെ…
Read Moreആശുപത്രിക്കിടക്കയിലും ടീച്ചർ ചോദിച്ചത് തന്റെ കുട്ടികൾ സുരക്ഷിതരല്ലേയെന്ന്; യോഗാദിനാചരണത്തിനു കുട്ടികളെ അണിനിരത്തുന്നതിനിടെ കാര്തട്ടി ഗുരുതപരിക്കേറ്റ രേവതി ടീച്ചറുടെ സംസ്കാരം ഇന്ന്
മൂവാറ്റുപുഴ: സ്കൂൾ മുറ്റത്തേക്കു കാർ പാഞ്ഞു കയറിയ സംഭവത്തിൽ വിദ്യാർഥികളെ രക്ഷിക്കുന്നതിനിടെ പരിക്കേറ്റു ചികിത്സയിലിരിക്കെ മരിച്ച അധ്യാപികയുടെ സംസ്കാരം ഇന്ന്. മൂവാറ്റുപുഴ കടാതി വിവേകാനന്ദ പബ്ലിക് സ്കൂളിലെ അധ്യാപികയും അരിക്കുഴ ചിറ്റൂർ പാലക്കാട്ടുപുത്തൻപുരയിൽ ദീപുവിന്റെ ഭാര്യയുമായ രേവതി (26)ആണു ചികിത്സയിലിരിക്കെ മരിച്ചത്. വൈകുന്നേരം നാലിന് വീട്ടുവളപ്പിലാണ് സംസ്കാരം. പോസ്റ്റ്മോർട്ടത്തിനുശേഷം ബന്ധുക്കൾക്കു വിട്ടുനൽകിയ മൃതദേഹം സ്കൂളിൽ പൊതുദർശനത്തിനുവച്ചശേഷമാണു വസതിയിലേക്ക് എത്തിച്ചത്. കഴിഞ്ഞ 21നു രാവിലെ ഒന്പതിനു സ്കൂൾ മുറ്റത്തു നടന്ന യോഗാദിനാചരണത്തിനു കുട്ടികളെ അണിനിരത്തുന്നതിനിടെയാണ് അപകടം സംഭവിച്ചത്. സ്കൂൾ അക്കാഡമിക് ഡയറക്ടറുടെ കാർ നിയന്ത്രണംവിട്ടു പാഞ്ഞു കയറുകയായിരുന്നു. അപകടത്തിൽ പത്തു വിദ്യാർഥികൾക്കു നിസാര പരിക്കേറ്റിരുന്നു. കാർ പാഞ്ഞുവരുന്നതു കണ്ടു വിദ്യാർഥികളെ രക്ഷിക്കുന്നതിനുള്ള ശ്രമത്തിനിടെ രേവതിയുടെ ദേഹത്താണ് ആദ്യം കാർ തട്ടിയത്. അധ്യാപികയെ വലിച്ചിഴച്ച് മുന്നോട്ടുനീങ്ങിയ കാർ കുട്ടികളെയും തട്ടിവീഴ്ത്തുകയായിരുന്നു. സമീപത്തു പാർക്കു ചെയ്തിരുന്ന സ്കൂൾ ബസിൽ ഇടിച്ചാണ് കാർ…
Read Moreരക്ഷിക്കേണ്ടവർ അധികൃതരുടെ രക്ഷയ്ക്കായി കാത്തിരിക്കുന്നു; വൈപ്പിനിലെ അഗ്നിരക്ഷാനിലയം തകർച്ചയിൽ
ഹരുണി സുരേഷ് വൈപ്പിൻ: അഞ്ചു സെന്റ് ഭൂമിയിൽ ഓടുമേഞ്ഞതും പാഴടഞ്ഞതുമായ കെട്ടിടത്തിലെ മൂന്ന് കുടുസുമുറിയും മുറ്റത്ത് രണ്ട് പന്തലും ഒരു തുക്കടാ ബോർഡും. ഇതാണ് കൊച്ചിനഗരത്തിന്റെ ഉപഗ്രഹനഗരമായി വളർന്നുകൊണ്ടിരിക്കുന്ന വൈപ്പിൻകരയിലെ ഏക അഗ്നിരക്ഷാനിലയം. എളങ്കുന്നപ്പുഴ പഞ്ചായത്താഫീസിനോട് ചേർന്ന് സ്ഥിതി ചെയ്യുന്ന ഈ സ്ഥാപനം കണ്ടാൽ ആളുകൾ തലയിൽ കൈവെച്ചുപോകും. കാരണം, ഇമ്മാതിരി ഒരു ഫയർ സ്റ്റേഷൻ ഒരുനാട്ടിലും കണ്ടിട്ടുണ്ടാവില്ല. ഇവിടത്തെ പരിമിതികളുടെ പട്ടികകൂടി പരിശോധിച്ചാൽ മൂക്കത്തും വിരൽവെക്കും. 25 പേർ ജോലി ചെയ്യുന്ന സ്ഥാപനത്തിൽ ആവശ്യത്തിന ശുചിമുറി സൗകര്യമില്ല. തീരെ പരിമിതമായ സൗകര്യം മാത്രമായതിനാൽ പഞ്ചായത്താഫീസിലെ ശുചിമുറികളാണ് പലപ്പോഴും ഫയർമാൻമാർക്കും മറ്റും ആശ്രയം. അതേ പോലെ കുടിവെള്ള കണക്ഷൻ ഇതുവരെ ലഭിച്ചിട്ടില്ല. കെട്ടിടം സ്വന്തം പേരിലല്ലാത്തതിനാൽ കുടിവെള്ള കണക്ഷനു അപേക്ഷ വെച്ചിട്ട് അധികൃതർ നിരസിക്കുകയാണത്രേ. പിന്നെ വെള്ളകെട്ടിന്റെ കാര്യം പറയേ വേണ്ട. ഒരു മഴപെയ്താൽ മുറ്റം മുഴുവൻ…
Read More