കൊച്ചി: തമിഴ്നാടിന്റെ നാടൻ കലാരൂപമായ കട്ടായിക്കൂത്തും കർണാടക സംഗീതവുമായുള്ള അപൂർവ്വ സംഗമത്തിന് കൊച്ചി-മുസിരിസ് ബിനാലെ നാലാം ലക്കം വേദിയാകുന്നു. സമൂഹത്തിന്റെ രണ്ട് ധ്രുവങ്ങളിൽ നിൽക്കുന്ന സംഗീതശാഖകളെ ബന്ധിപ്പിക്കുന്നതോടെ സാംസ്കാരികവും പരന്പരാഗതവുമായ കീഴ്വഴക്കങ്ങളെ ഖണ്ഡിക്കുക കൂടിയാണ് ചെയ്യുന്നത്. നാളെ ഫോർട്ട്കൊച്ചി കബ്രാൾ യാർഡിലെ ബിനാലെ പവലിയനിൽ രാത്രി ഏഴിനാണ് ഈ സംഗീത പരിപാടി അരങ്ങേറുന്നത്. കാട്ടായിക്കൂത്ത് നടനും രചയിതാവുമായ പി. രാജഗോപാൽ, കർണാടക സംഗീതജ്ഞരായ സംഗീത ശിവകുമാർ, ടി.എം. കൃഷ്ണ, ഗവേഷകനായ ഹന്നേ ഡെ ബ്രുയിൻ എന്നിവർ ചേർന്ന് കാഞ്ചീപുരത്ത് നടന്ന കാട്ടായിക്കൂത്ത് സംഗമത്തിലായിരുന്നു ഈ സംഗീത സംഗമം യാഥാർഥ്യമാക്കിയത്. ഫസ്റ്റ് എഡീഷൻ ഓഫ് ആർട്സ് എന്ന സ്ഥാപനമാണ് ഈ പരിപാടി സംഘടിപ്പിക്കുന്നത്. കർണാടക സംഗീതത്തിന്റെ സൗന്ദര്യവും കൂത്തിന്റെ ആക്ഷേപഹാസ്യം, തമാശ, മൂർച്ചയേറിയ വാക്കുകൾ എന്നിവയുടെ ലയനം സംഗീത മേഖലയിലെ വ്യത്യസ്ത അനുഭവമാണ്. അവതരണത്തിൽ രണ്ട് വ്യത്യസ്ത ധ്രുവങ്ങളിൽ…
Read MoreCategory: Kochi
സലാം ചേച്ചി! ലോകത്തേത് ആശുപത്രിയിലും ഒരു മലയാളി നഴ്സ് ഉണ്ടാകും! കേരളത്തിന്റെ മാലാഖമാർക്കുള്ള സമർപ്പണവുമായി നീലിമ ഷേഖ്
കൊച്ചി: ലോകത്തെവിടെപ്പോയാലും ഒരു മലയാളിയുടെ ചായക്കട ഉണ്ടാകുമെന്നതിനേക്കാൾ യാഥാർഥ്യ ബോധമുള്ള പ്രസ്താവനയായിരിക്കും ലോകത്തേത് ആശുപത്രിയിലും ഒരു മലയാളി നഴ്സ് ഉണ്ടാകുമെന്നത്. അർപ്പണ മനോഭാവം കൊണ്ട് ലോകം മുഴുവൻ അംഗീകാരം ലഭിച്ച നഴ്സുമാർക്കുള്ള സമർപ്പണമാണ് നീലിമ ഷേഖ് ഒരുക്കിയ ബിനാലെ നാലാം ലക്കത്തിലെ കലാസൃഷ്ടി. കൊച്ചി-മുസിരിസ് ബിനാലെ നാലാം ലക്കത്തിന്റെ പ്രധാനവേദിയായ ആസ്പിൻവാൾ ഹൗസിലാണ് നീലിമ ഷേഖിന്റെ ചിത്രങ്ങൾ പ്രദർശനത്തിന് വച്ചിരിക്കുന്നത്. സലാം ചേച്ചി എന്നാണ് ഈ സൃഷ്ടിയ്ക്ക് നീലിമ നൽകിയിരിക്കുന്ന പേര്. കാലികമായി ഏറെ പ്രസക്തമായ വിഷയമാണ് നീലിമ ഷേഖ് ബിനാലെ നാലാം ലക്കത്തിൽ അവതരിപ്പിച്ചിരിക്കുന്നതെന്ന് ബിനാലെ ഫൗണ്ടേഷൻ പ്രസിഡന്റ് ബോസ് കൃഷ്ണമാചാരി പറഞ്ഞു. ഏറ്റവുമധികം ചൂഷണം നേരിടുന്ന തൊഴിൽ മേഖല കൂടിയാണിത്. ബിനാലെ പോലൊരു അന്താരാഷ്ട്ര കലാ പ്രദർശനത്തിൽ ഈ പ്രമേയം ഉൾപ്പെട്ടതു വഴി നഴ്സിംഗ് മേഖല ആദരിക്കപ്പെട്ടിരിക്കുകയാണെന്നും അദ്ദേഹം പറഞ്ഞു. കഴിഞ്ഞ കുറേക്കാലമായി മലയാളി…
Read Moreവെള്ളത്തിലൂടെ പറക്കും..! കൊച്ചി വാട്ടർ മെട്രോ പദ്ധതി; സ്ഥലമേറ്റെടുക്കലിന് `72 കോടിയുടെ ഭരണാനുമതി നൽകി സർക്കാർ
കൊച്ചി: കൊച്ചി വാട്ടർ മെട്രോ പദ്ധതിക്കായി സ്ഥലം ഏറ്റെടുക്കാൻ ഭരണാനുമതിയായി. ബോട്ട് യാർഡ് നിർമാണത്തിന് ഒഴികെയുള്ള 7.69 ഹെക്ടർ ഭൂമി ഏറ്റെടുക്കുന്നതിനാണ് 72 കോടി രൂപയുടെ ഭരണാനുമതി സർക്കാർ കൊച്ചി മെട്രോ റെയിൽ ലിമിറ്റഡിന് നൽകിയിരിക്കുന്നത്. ഇതു സംബന്ധിച്ച ഗതാഗത വകുപ്പ് പ്രിൻസിപ്പൽ സെക്രട്ടറിയുടെ കത്ത് കെഎംആർഎൽ ആസ്ഥാനത്ത് ഇന്നലെ ലഭിച്ചു. സ്വകാര്യവ്യക്തിയുടേത് ഒഴികെ സർക്കാർ അർധസർക്കാർ, പൊതുമേഖലാ സ്ഥാപനങ്ങളുടെ ഉടമസ്ഥതയിലുള്ള ഭൂമി ഏറ്റെടുക്കുന്നതിനാണ് ആദ്യഘട്ടത്തിൽ അനുമതി കിട്ടിയിരിക്കുന്നത്. സ്വകാര്യ വ്യക്തിയുടെ ഉടമസ്ഥതയിലുള്ള 2.9 ഹെക്ടർ സ്ഥലമാണു പദ്ധതിക്കായി കണ്ടെത്തിയിട്ടുള്ളത്. ശേഷിക്കുന്നത് ഉൾനാടൻ ജലഗതാഗത വകുപ്പിന്റെയും കൊച്ചിൻ പോർട്ടിന്റെയും മറ്റും ഉടമസ്ഥതയിലുള്ളതാണ്. ഈ സ്ഥലങ്ങൾ ഏറ്റെടുക്കുന്നതിനാണ് അനുമതി. അനുമതി കിട്ടിയ സാഹചര്യത്തിൽ സ്ഥലമേറ്റെടുക്കൽ നടപടികൾ വേഗത്തിലാക്കുമെന്ന് കെഎംആർഎൽ എംഡി എ.പി.എം. മുഹമ്മദ് ഹനീഷ് പറഞ്ഞു. ഏറെ നാളത്തെ ചർച്ചകൾക്കും അവ്യക്തതകൾക്കും ശേഷമാണ് വാട്ടർ മെട്രോ പദ്ധതിക്ക് ജീവൻ…
Read Moreപാർട്ടി ഡ്രഗ് എന്നറിയപ്പെടുന്ന മയക്കുമരുന്നുമായി രണ്ടു പേർ പിടിയിൽ; മയക്കുമരുന്നെത്തിച്ചത് ബാംഗ്ലൂരിൽനിന്നെന്ന് യുവാക്കൾ
ആലുവ: ആലുവ മെട്രോ സ്റ്റേഷൻ പരിസരത്തു നിന്ന് മയക്കുമരുന്നുമായി പിടിയിലായ രണ്ട് യുവാക്കൾ റിമാൻഡിൽ. കൊടുങ്ങല്ലൂർ എറിയാട് ഞാറ്റുകെട്ടി വീട്ടിൽ ജെസീം (24), എടവഴിക്കൽ വീട്ടിൽ അബ്ദുൾ റഹീം(22) എന്നിവരെയാണ് എംഡിഎംഎയുമായി ആലുവ എക്സൈസ് സംഘം ഇന്നലെ പിടികൂടിയത്. പ്രതികൾ സഞ്ചരിച്ച സ്കൂട്ടറും എക്സൈസ് കസ്റ്റഡിയിലെടുത്തിട്ടുണ്ട്. “പാർട്ടി ഡ്രഗ്’, “എക്സ്റ്റസി’ എന്നീ പേരുകളിൽ അറിയപ്പെടുന്ന എംഡിഎംഎ മയക്കുമരുന്നാണ് പ്രതികളിൽനിന്നു പിടികൂടിയത്. മാനസിക വിഭ്രാന്തിയുണ്ടാക്കുന്ന മയക്കുമരുന്നാണിത്. 12 ഗ്രാം മയക്കുമരുന്നാണ് പ്രതികളിൽ നിന്നും കണ്ടെടുത്തത്. ബംഗളൂരുവിൽ നീഗ്രോ വംശജനായ യുവാവിൽ നിന്നും ഗ്രാമിന് 5000 രൂപ നിരക്കിൽ വാങ്ങിയതാണെന്ന് പ്രതികൾ മൊഴി നൽകിയിട്ടുണ്ട്.പുതുവത്സര ആഘോഷങ്ങൾക്ക് വിതരണം ചെയ്യാൻ 20 ഗ്രാം എംഡിഎംഎ ഇവർ വാങ്ങിയിരുന്നതായിട്ടാണു സൂചന. ജില്ലയിൽ ആലുവ, ഇടപ്പള്ളി, കലൂർ ഭാഗങ്ങളിലാണ് പ്രതികൾ മയക്കുമരുന്നു വിൽക്കുന്നത്. തൃശൂർ ജില്ലയിലെ ചേർപ്പ് എക്സൈസിൽ കഞ്ചാവ് വിൽപ്പന കേസിലെ പ്രതിയാണ്…
Read Moreകൃത്യം കണക്ക് പറഞ്ഞ് കോൺഗ്രസ്; ലോക്സഭാ തെരഞ്ഞെടുപ്പിന്റെ പ്രചാരണത്തിന് കൊച്ചിയിലെത്തുന്ന രാഹുൽ ഗാന്ധി അഭിസംബോധന ചെയ്യുക കാൽ ലക്ഷത്തോളം വനിതകളെ…
കൊച്ചി: ലോക്സഭാ തെരഞ്ഞെടുപ്പിന്റെ പ്രചാരണത്തിനു തുടക്കമിട്ട് 29ന് കൊച്ചിയിലെത്തുന്ന കോണ്ഗ്രസ് അധ്യക്ഷൻ രാഹുൽ ഗാന്ധി അഭിസംബോധന ചെയ്യുക 24,970 വനിതാ ഭാരവാഹികളെ. രാഹുലിന്റെ താത്പര്യ പ്രകാരമാണ് വനിതാ ഭാരവാഹികളുമായി കൂടിക്കാഴ്ച ഒരുക്കിയിട്ടുള്ളതെന്നാണു വിവരം. രാഹുൽ ഗാന്ധിയെ വരവേൽക്കുന്നതിനായുള്ള ഒരുക്കങ്ങൾ ആരംഭിച്ചതായും 15ന് ഡിസിസി ഓഫീസിൽ സ്വഗതസംഘ രൂപീകരണ യോഗം നടക്കുമെന്നും ഡിസിസി പ്രസിഡന്റ് ടി.ജെ. വിനോദ് പറഞ്ഞു. 29ന് എറണാകുളം മറൈൻ ഡ്രൈവിലാണ് പരിപാടി സംഘടിപ്പിച്ചിട്ടുള്ളത്. പുതുതായി തെരഞ്ഞെടുക്കപ്പെട്ട 24,970 ബൂത്ത് പ്രസിഡന്റുമാരും അത്രയും വനിതാ വൈസ് പ്രസിഡൻറുമാരും ഉൾപ്പെടെ അരലക്ഷത്തോളം പ്രതിനിധികളെയാകും രാഹുൽ ഗാന്ധി അഭിസംബോധന ചെയ്യുക. ഇതോടെ കേരളത്തിലെ ലോക്സഭാ തെരഞ്ഞെടുപ്പു പ്രചാരണത്തിനു തുടക്കമാകും. ഇതാദ്യമായാണ് ഇത്രയുമധികം ബൂത്തുകളിൽ വൈസ് പ്രസിഡന്റ് പദവികളിലേക്കു വനിതകളെ പാർട്ടി നിയോഗിക്കുന്നത്. ബൂത്തുതല ഭാരവാഹിത്വത്തിൽ വനിതകൾക്കു പ്രാമുഖ്യം നൽകിയ കെപിസിസി നടപടിയിൽ സന്തുഷ്ടി പ്രകടിപ്പിച്ച രാഹുൽ, അവരെ അഭിസംബോധന…
Read Moreപരീക്ഷ ജയിച്ചവർമതി; കണ്ടക്ടർമാർക്ക് പിന്നാലെ എം പാനൽ ഡ്രൈവർമാരുടെ പിടിക്കാൻ ലിസ്റ്റ് ചോദിച്ച് ഹൈക്കോടതി
കൊച്ചി: കെഎസ്ആർടിസിയിൽ എം പാനൽ വിഭാഗത്തിൽ ജോലി ചെയ്യുന്ന ഡ്രൈവർമാരുടെ പട്ടിക നൽകണമെന്ന് ഹൈക്കോടതി കോർപ്പറേഷനോട് ആവശ്യപ്പെട്ടു. പിഎസ്സി ലിസ്റ്റിലുള്ള ഡ്രൈവർമാർ സമർപ്പിച്ച ഹർജി പരിഗണിച്ചാണ് കോടതി നടപടി. കേസ് ഇനി പരിഗണിക്കുന്പോൾ പട്ടിക സമർപ്പിക്കാനാണ് ഹൈക്കോടതി നിർദ്ദേശം. അടുത്തിടെ പിഎസ് സി ലിസ്റ്റിലുണ്ടായിരുന്ന കണ്ടക്ടർമാരുടെ ഹർജി പരിഗണിച്ച് എം പാനൽ കണ്ടക്ടർമാരെ പിരിച്ചുവിടാൻ ഹൈക്കോടതി ഉത്തരവിട്ടിരുന്നു. ഇതേതുടർന്ന് 4,071 താത്കാലിക കണ്ടക്ടർമാരെ കോർപ്പറേഷന് പിരിച്ചുവിടേണ്ടി വന്നിരുന്നു. ഇതിന് പിന്നാലെയാണ് റാങ്ക് ലിസ്റ്റിലുള്ള ഡ്രൈവർമാരും കോടതിയെ സമീപിച്ചത്. കണ്ടക്ടർമാരെ പിരിച്ചുവിടാനുള്ള ഉത്തരവിന് കോർപ്പറേഷൻ രണ്ടുമാസം സാവകാശം തേടിയെങ്കിലും രൂക്ഷ വിമർശനം ഉന്നയിച്ച് കോടതി തള്ളിക്കളയുകയായിരുന്നു. പിന്നീട് റാങ്ക് ലിസ്റ്റിലുണ്ടായിരുന്ന കണ്ടക്ടർമാർക്ക് കോർപ്പറേഷൻ നിയമന ഉത്തരവ് നൽകുകയും ചെയ്തു.
Read Moreസ്ത്രീവിരുദ്ധ പരാമർശം: കൊല്ലം തുളസിയുടെ ജാമ്യാപേക്ഷ തള്ളി; അന്വേഷണ ഉദ്യോഗസ്ഥനു മുന്നിൽ കീഴടങ്ങണം
കൊച്ചി: ശബരിമല യുവതി പ്രവേശന വിഷയത്തിൽ നടത്തിയ സ്ത്രീവിരുദ്ധ പരാമർശത്തിൽ നടൻ കൊല്ലം തുളസിയുടെ മുൻകൂർ ജാമ്യാപേക്ഷ ഹൈക്കോടതി തള്ളി. അന്വേഷണ ഉദ്യോഗസ്ഥനു മുന്നിൽ കീഴടങ്ങണമെന്നും കോടതി ആവശ്യപ്പെട്ടു. ശബരിമലയിൽ യുവതി പ്രവേശനം അനുവദിച്ച സുപ്രീം കോടതി വിധിക്കെതിരേ നടത്തിയ പ്രസംഗത്തിലാണ് കൊല്ലം തുളസി സ്ത്രീ വിരുദ്ധ പരാമർശം നടത്തിയത്. ഇതിനു പിന്നാലെ പോലീസ് കേസെടുക്കുകയായിരുന്നു.
Read Moreസാമൂഹ്യ സുരക്ഷ പെൻഷൻ വിതരണം; ഇൻസെന്റീവായി 9.5 കോടി ധനകാര്യവകുപ്പ് കൈമാറി; പെൻഷൻ വീടുകളിലെത്തിച്ച പ്രാഥമിക സഹകരണ സംഘങ്ങൾക്ക് തുക ലഭിക്കും
ഏ.ജെ.വിൻസൻ തൃപ്രയാർ (തൃശൂർ): സാമൂഹ്യ സുരക്ഷാ പെൻഷൻ ഒരു തവണ വീടുകളിലെത്തിച്ചതിനു പ്രാഥമിക സഹകരണസംഘങ്ങൾക്ക് ഇൻസെന്റീവ് ഇനത്തിൽ നല്കാൻ 9,30,21,900 രൂപ സംസ്ഥാനത്തെ 14 ജില്ലകളിലേയും സഹകരണ വകുപ്പ് ജോയിന്റ് രജിസ്ട്രാർമാരുടെയും പെൻഷൻ ട്രഷറി അക്കൗണ്ടിലേക്കു കൈമാറാൻ ധനകാര്യ വകുപ്പ് നിർദേശം നൽകി. 2018 ഏപ്രിൽ മുതൽ ജൂലൈ വരെ സാമൂഹ്യ സുരക്ഷാ പെൻഷൻ പ്രാഥമിക കാർഷിക വായ്പാ സംഘങ്ങൾ, മറ്റ് വായ്പാ സംഘങ്ങൾ എന്നിവ മുഖാന്തിരം ഗുണഭോക്താവിന്റെ വീട്ടിൽ എത്തിച്ചതിനാണ് ഈ തുക കൈമാറുന്നത്. ഒരു ഗുണഭോക്താവിനു വീട്ടിൽ ചെന്നു പെൻഷൻ വിതരണം ചെയ്യുന്നതിന് 50 രൂപയാണ് ഇൻസെന്റീവായി സഹകരണ സംഘങ്ങൾക്കു നല്കുന്നത്. 18,60,438 വീടുകളിലാണ് സഹകരണ സംഘങ്ങൾ മുഖേന പെൻഷനെത്തിച്ചത്. മലപ്പുറം ജില്ലയിലാണ് ഏറ്റവും കൂടുതൽ വീടുകളിൽ പെൻഷൻ എത്തിച്ചത്.ഈ ജില്ലയിൽ 2,42,153 ഗുണഭോക്തക്കൾക്കാണ് സഹകരണ സംഘങ്ങൾ മുഖാന്തിരം നേരിട്ടു പെൻഷനെത്തിച്ചത്. ജില്ലയും കൈമാറിയ…
Read Moreപൊതുസമൂഹത്തിൽനിന്നു ഹർത്താൽ വിരുദ്ധ നീക്കമുണ്ടായത് സ്വാഗതാർഹം
വാഴക്കുളം: ദേശീയ പണിമുടക്ക് ദിനങ്ങളിൽ ഹർത്താൽ വിരുദ്ധ നീക്കം പൊതുസമൂഹത്തിൽനിന്ന് ഉണ്ടായതു സ്വാഗതാർഹമെന്ന് വാഴക്കുളം മർച്ചന്റ്സ് അസോസിയേഷൻ. വാഴക്കുളത്ത് ദേശീയ പണിമുടക്ക് ദിവസങ്ങളിൽ കടകളും സ്ഥാപനങ്ങളും തുറന്നു പ്രവർത്തിക്കുകയും വാഹനങ്ങൾ തടസമില്ലാതെ ഓടുകയും ചെയ്തു. കഴിഞ്ഞ ഏപ്രിൽ 16ന് വാട്ട്സാപ്പ് ഹർത്താലിന്റെ പേരിൽ വാഴക്കുളത്ത് കടകൾ അടപ്പിക്കാൻ എത്തിയ അക്രമികളെ നേരിട്ടുകൊണ്ടാണ് മർച്ചന്റ്സ് അസോസിയേഷന്റെ നേതൃത്വത്തിൽ ഹർത്താൽ വിരുദ്ധ നീക്കത്തിന് തുടക്കംകുറിച്ചത്. തുടർന്ന് ഹർത്താലുകൾക്കെതിരേ ഒപ്പുശേഖരണവും വിപുലമായ കാന്പയിനുകളും നടത്തിയിരുന്നു. മുന്നറിയിപ്പില്ലാതെ നടത്തുന്ന ഹർത്താലുകളോട് സഹകരിക്കില്ലെന്നും മുഖ്യധാരാ രാഷ്ട്രീയ പാർട്ടികൾ മുൻകൂട്ടി അറിയിച്ച് നടത്തുന്ന ഹർത്താലുകളിൽ രാവിലെ ഒന്പതു മുതൽ 11 വരെ കടകളടച്ചിട്ട് സഹകരിക്കുമെന്നുമാണ് വ്യാപാരികളുടെ തീരുമാനം. പൈനാപ്പിൾ മേഖലയായ വാഴക്കുളത്ത് ഓരോ ഹർത്താലും കോടിക്കണക്കിന് രൂപയുടെ നഷ്ടമാണ് കർഷകർക്കും വ്യാപാരികൾക്കും ഉണ്ടാക്കുന്നത്. തുടരെയുള്ള ഹർത്താലുകൾമൂലം വാഴക്കുളത്തെ പൈനാപ്പിൾ വിപണിക്ക് ചുരുങ്ങിയത് 50 കോടിയുടെയെങ്കിലും നഷ്ടമുണ്ടായിട്ടുണ്ടെന്നു…
Read Moreബസ് സ്റ്റോപ്പുകൾക്കു മുന്നിൽ അനധികൃത പാർക്കിംഗ്; യാത്രക്കാർ ദുരിതത്തിൽ; ആളെകയറ്റാൻ റോഡിന്റെ മധ്യഭാഗത്ത് ബസ് നിർത്തേണ്ട അവസ്ഥ
മൂവാറ്റുപുഴ: നഗരത്തിലെ ബസ് സ്റ്റോപ്പുകൾക്ക് മുന്നിൽ അനധികൃത പാർക്കിംഗ് വ്യാപകമായത് യാത്രക്കാരെ ദുരിതത്തിലാക്കുന്നു. നെഹ്റു പാർക്കിലും വെള്ളൂർകുന്നത്തുമാണ് അനധികൃത പാർക്കിംഗ് വ്യാപകമായിരിക്കുന്നത്. ഇവിടെയെത്തുന്ന ബസുകൾക്ക് യാത്രക്കാരെ ഇറക്കുന്നതിനും കയറ്റുന്നതിനും റോഡിന്റെ മധ്യഭാഗത്ത് നിർത്തേണ്ട അവസ്ഥയാണ്. ബസ് കാത്തുനിൽക്കുന്നവർ റോഡിലേക്ക് ഇറങ്ങി നിൽക്കേണ്ടിവരുന്നത് അപകടങ്ങൾക്കിടയാകുന്നുണ്ട്. പല ബസ് കാത്തിരിപ്പു കേന്ദ്രങ്ങളും തകർന്നിരിക്കുന്നതും യാത്രക്കാരെ വലയ്ക്കുകയാണ്. സന്ധ്യയാകുന്നതോടെ ഇവിടം മദ്യപാനികൾ കൈയടക്കുന്നതും ബുദ്ധിമുട്ട് സൃഷ്ടിക്കുകയാണ്. ഇതോടെ സ്ത്രീകൾക്കും കുട്ടികൾക്കും ബസ് കാത്തു നിൽക്കാൻ പറ്റാത്ത അവസ്ഥയാണ്. ഗതാഗതക്കുരുക്കിലാകുന്ന നഗരത്തിൽ ബസ് സ്റ്റോപ്പുകൾക്കു മുന്നിൽ ബസുകൾ നിർത്താൻ കഴിയാത്ത അവസ്ഥയുമുണ്ട്. ഗതാഗതക്കുരുക്ക് നിയന്ത്രിക്കുന്നതിന് പോലീസിനു പുറമെ ഗാർഡുകളെ നിയമിച്ചിട്ടുണ്ടെങ്കിലും ബസ് സ്റ്റോപ്പുകൾക്കു മുന്നിലെ പാർക്കിംഗ് തടയാൻ ഇവർ ശ്രമിക്കുന്നില്ലെന്ന് ആരോപണം ഉയർന്നിട്ടുണ്ട്. പലപ്പോഴും ബസുകൾക്ക് പിന്നാലെ യാത്രക്കാർ ഓടുന്ന സ്ഥിതിയാണ്. കച്ചേരിത്താഴത്ത് ആധുനിക സംവിധാനത്തോടെ ബസ് കാത്തിരിപ്പ് കേന്ദ്രം നിർമിക്കുമെന്ന് അധികൃതർ…
Read More