കൊച്ചി: നടി ലീന മരിയ പോളിന്റെ ബ്യൂട്ടി പാർലറിനുനേരെ വെടിവയ്പ് നടന്നിട്ട് ഇന്ന് ഒരു മാസം. വിവിധ തലത്തിൽ അന്വേഷണം നടക്കുന്നുണ്ടെങ്കിലും പ്രതികളെ സംബന്ധിച്ച് വ്യക്തമായ വിവരങ്ങൾ ലഭിച്ചിട്ടില്ലെന്നു അന്വേഷണസംഘം വ്യക്തമാക്കി. സംഭവുമായി ബന്ധപ്പെട്ട ചില ദുരൂഹതകൾ മാറ്റുന്നതിനും തുടർ അന്വേഷണങ്ങൾക്കുമായി ബ്യൂട്ടി പാർലർ ഉടമയും നടിയുമായ ലീന മരിയ പോളിനെ വീണ്ടും ചോദ്യം ചെയ്യേണ്ടതുണ്ടെന്ന നിലപാടിലാണു പോലീസ്. ഇതിനായി ഹാജരാകാൻ ആവശ്യപ്പെട്ടെങ്കിലും നടി എത്തിയിട്ടില്ലെന്ന് അന്വേഷണ സംഘം പറയുന്നു. വിവിധ കാരണങ്ങളാൽ ഒഴിഞ്ഞുമാറിയ ഇവർ വരും ദിവസങ്ങളിൽതന്നെ ചോദ്യം ചെയ്യലിനു ഹാജരാകുമെന്നാണു പ്രതീക്ഷിക്കുന്നതെന്ന് അന്വേഷണ സംഘം പറഞ്ഞു. കഴിഞ്ഞ മാസം 15ന് ഉച്ചകഴിഞ്ഞു മൂന്നോടെയാണ് പനന്പള്ളിനഗറിലുള്ള നെയ്ൽ ആർട്ടിസ്ട്രി എന്ന ബ്യൂട്ടിപാർലറിൽ വെടിവയ്പുണ്ടായത്. ബൈക്കിൽ എത്തിയ രണ്ടുപേർ വെടിവച്ചശേഷം കടന്നുകളയുകയായിരുന്നു. രവി പൂജാരിയുടെ പേരെഴുതിയ കടലാസ് പ്രദേശത്ത് ഉപേക്ഷിച്ചശേഷമാണു പ്രതികൾ രക്ഷപ്പെട്ടത്. പ്രാദേശിക ഗുണ്ടാസംഘത്തിലേക്കുൾപ്പെടെ അന്വേഷണം…
Read MoreCategory: Kochi
ഭർത്താവിനെ ഭയപ്പെടുത്താൻ ദേഹത്ത് പെട്രോളൊഴിച്ച യുവതി മരിച്ച സംഭവം; ഭർത്താവിൽ നിന്നു പോലീസ് വിവരങ്ങൾ ആരായും;പോലീസ് പറയുന്നതിങ്ങനെ…
കൊച്ചി: വാക്കുതർക്കത്തെതുടർന്നു ഭർത്താവിനെ ഭയപ്പെടുത്താനാണെന്നു പറയുന്നു, വാടകവീടിനുള്ളിൽ ദേഹത്തു പെട്രോളൊഴിച്ച യുവതി വെന്തുമരിച്ച സംഭവത്തിൽ ഭർത്താവിൽനിന്ന് പോലീസ് വിവരങ്ങൾ ആരായും. സംഭവത്തിൽ അസ്വാഭാവികമരണത്തിന് കേസെടുത്ത പാലാരിവട്ടം പോലീസ് കൂടുതൽ അന്വേഷണം നടത്തിവരികയാണ്. തമ്മനം പൊന്നുരുന്നിയിൽ വാടകയ്ക്കു താമസിക്കുന്ന കള്ളിക്കാട്ട് വീട്ടിൽ സേതുവിന്റെ ഭാര്യ അർച്ചന(22)യാണ് അതിദാരുണമായി മരിച്ചത്. ഇന്നലെ വൈകിട്ട് 5.45 ഓടെയായിരുന്നു സംഭവം. ദേഹത്ത് പെട്രോളൊഴിച്ചശേഷം തീപ്പെട്ടിയുരച്ച് കൈയിലിരുന്ന തുണി കത്തിക്കാൻ ശ്രമിച്ചപ്പോൾ തീ പടർന്നു പിടിക്കുകയായിരുന്നുവെന്നാണു പോലീസിന്റെ പ്രാഥമിക നിഗമനം. തീപിടിക്കാനുണ്ടായ സാഹചര്യമെന്തെന്നത് ഉൾപ്പെടെയുള്ള കാര്യങ്ങളിൽ വ്യക്തത വരുത്തുന്നതിനാണ് സേതുവിൽനിന്നും വിവരങ്ങൾ ആരായുക. എളമക്കര സ്വദേശിനിയായ യുവതിക്ക് ഒരു വയസുള്ള കുട്ടിയുണ്ട്. പൊന്നുരുന്നിയിലുള്ള രണ്ടുനില വീടിന്റെ മുകൾ നിലയിലാണ് കുടുംബം വാടകയ്ക്ക് താമസിക്കുന്നത്. ഇതിൽ ഒരു മുറിയിലാണു തീപിടിത്തമുണ്ടായത്. മുറി പൂർണമായി കത്തി നശിച്ചനിലയിലാണ്. ജനറേറ്ററിൽ ഒഴിക്കാനായി കന്നാസിൽ പെട്രോൾ വാങ്ങി സൂക്ഷിച്ചിരുന്നു. ഇതാണു…
Read Moreഅരക്കോടി വില വരുന്ന ഇരുതലമൂരിയുമായി യുവാക്കൾ പിടിയിലായ സംഭവം; തുടർഅന്വേഷണം പോലീസിന്
പെരുന്പാവൂർ: വിപണിയിൽ അരക്കോടിയോളം രൂപ വിലവരുന്ന ഇരുതലമൂരിയുമായി രണ്ടുപേർ പിടിയിലായ സംഭവത്തിൽ തുടർ അന്വേഷണം പോലീസിനു കൈമാറിയേക്കും. കടമക്കുടി ചെറിയംതുരുത്ത് സ്വദേശി വേലിപറന്പിൽ ആർ. രാജേഷ് (40), കണ്ണൂർ കോടൻചാൽ മുളക്കോടിയിൽ എം.വി. ഷിനോദ് (42) എന്നിവരെ വൈൽഡ് ലൈഫ് ക്രൈം കണ്ട്രോൾ ബ്യൂറോ ഇന്റലിജൻസാണു പിടികൂടിയത്. വൈൽഡ് ലൈഫ് ക്രൈം കണ്ട്രോൾ ബ്യൂറോ ഇന്റലിജൻസിനു കിട്ടിയ രഹസ്യവിവരത്തിന്റെ അടിസ്ഥാനത്തിൽ പെരുന്പാവൂർ ഡിഎഫ്ഒയുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. കൂടുതൽ അന്വേഷണത്തിന്റെ ഭാഗമായാണു കേസ് പോലീസിനു കൈമാറുകയെന്നാണു വിവരം. പ്രതികളിൽനിന്നു പിടികൂടിയ ഇരുതലമൂരിയെ മേയ്ക്കപ്പാല ഫോറസ്റ്റിനു കൈമാറി. പ്രതികളെ ഇന്ന് കോടതിയിൽ ഹാജരാക്കും. ഇന്റലിജൻസ് ഉദ്യോഗസ്ഥർ ഇരുതലമൂരിയെ വാങ്ങാനെന്ന വ്യാജേന ഒന്നാം പ്രതിയായ രാജേഷിനെ ഫോണിൽ വിളിച്ച് 35 ലക്ഷം പറഞ്ഞെങ്കിലും 50 ലക്ഷം രൂപയ്ക്ക് കച്ചവടം ഉറപ്പിക്കുകയായിരുന്നു. ഇതനുസരിച്ച് പ്രതികൾ ഇന്നലെ ഉച്ചകഴിഞ്ഞ് രണ്ടിന് മാരുതി…
Read Moreകൂട്ടപ്പിരിച്ചുവിടൽ: കെഎസ്ആർടിസി വഴുതിക്കളിക്കുകയാണെന്ന് ഹൈക്കോടതി
കൊച്ചി: കെഎസ്ആർടിസിക്കെതിരേ വിമർശനവുമായി വീണ്ടും ഹൈക്കോടതി. എംപാനൽ കണ്ടക്ടർമാരെ പിരിച്ചുവിട്ട കേസിൽ കെഎസ്ആർടിസി വഴുതിക്കളിക്കുകയാണെന്ന് ഹൈക്കോടതി വിമർശിച്ചു. എംപാനൽ കണ്ടക്ടർമാരെ പിരിച്ചുവിട്ടതുമായി ബന്ധപ്പെട്ട ഹർജി പരിഗണിക്കവെയാണ് വിമർശനം. കെഎസ്ആർടിസിയിൽ പുറംവാതിൽ നിയമനം ഒരു കാരണവശാലും അംഗീകരിക്കില്ലെന്നും കോടതി അറിയിച്ചു. സ്ഥിരം കണ്ടക്ടർമാരെ നിയമിച്ചതിന്റെ സ്ഥിതിവിവര കണക്കുകൾ കെഎസ്ആർടിസി കോടതിയിൽ സമർപ്പിക്കുകയും ചെയ്തു. ഹർജി പരിഗണിക്കുന്നത് അടുത്ത തിങ്കളാഴ്ചത്തേക്ക് മാറ്റി.
Read Moreചാലക്കുടി മേൽപ്പാലത്തിനു താഴെ സാമൂഹ്യവിരുദ്ധരുടെ വിളയാട്ടം; കണ്ടില്ലെന്ന് നടിച്ച് പോലീസ്
ചാലക്കുടി: സൗത്ത് ജംഗ്ഷനിലെ മേൽപാലത്തിനു താഴെ സാമൂഹ്യവിരുദ്ധരുടെ വിളയാട്ടം. മദ്യപിച്ച് ലക്കുകെട്ട സാമൂഹ്യവിരുദ്ധർ ഇവിടെ അഴിഞ്ഞാടുകയാണ്. കഴിഞ്ഞ രാത്രി ഇവരുടെ സംഘത്തിൽപ്പെട്ട ഒരു സ്ത്രീയെ തീവെച്ച് കൊല്ലാൻ ശ്രമിച്ച സംഭവം നാട്ടുകാരെ ഭീതിയിലാഴ്ത്തി. മദ്യപിച്ച് ലക്കുകെട്ട് കിടന്നിരുന്ന സ്ത്രീയുടെ ചുറ്റും തുണികൾ കൂട്ടിയിട്ട് തീകൊളുത്തി. സ്ത്രീക്കു ചുറ്റും തീകത്തുന്നത് കണ്ട നാട്ടുകാർ ഫയർഫോഴ്സിനെയും പോലീസിനെയും വിവരം അറിയിച്ചു. ഫയർഫോഴ്സ് എത്തി തീ അണച്ചശേഷം സ്ത്രീയെ താലൂക്ക് ആശുപത്രിയിലേക്ക് മാറ്റി. പെട്ടെന്ന് തീ അണച്ചതിനാൽ സ്ത്രീ പൊള്ളലേൽക്കാതെ രക്ഷപ്പെട്ടു. സാമൂഹ്യവിരുദ്ധരുടെ സംഘത്തിലെ ഒരാളെ പോലീസ് കസ്റ്റഡിയിലെടുത്തു. വർഷങ്ങളായി സൗത്ത് ജംഗ്്ഷനിൽ തന്പടിച്ചിരിക്കുന്ന ഈ സംഘത്തെ ഇവിടെ തുരത്താൻ പോലീസ് പഠിച്ചപണി പതിനെട്ടും പയറ്റിയിട്ടും നടക്കുന്നില്ല. ഇവിടെനിന്നും ഇവരെ പോലീസ് ഓടിച്ചുവിട്ടാലും അടുത്ത ദിവസം തന്നെ ഇവർ ഇവിടെ തിരിച്ചെത്തും. കഞ്ചാവിന്റെയും മദ്യത്തിന്റെയും അടിമകളായ ഇവരിൽ പോക്കറ്റടിക്കാരും മോഷ്ടാക്കളുമുണ്ട്. ജയിലിൽ…
Read Moreഅൻസിയയുടെ തിരോധാനം ; ആക്ഷൻ കൗൺസിലിന് രൂപം നൽകി; അന്വേഷണം സിബിഐയ്ക്കു കൈമാറണമെന്നാണു നാട്ടുകാർ
നെടുമ്പാശേരി: വിദ്യാലയത്തിലേയ്ക്കു പോയ പെൺകുട്ടിയെ കാണാതായ സംഭവത്തിൽ അന്വേഷണം ഊർജിതമാക്കണമെന്നാവശ്യപ്പെട്ട് നാട്ടുകാർ പ്രക്ഷോഭം ആരംഭിക്കുന്നു. കുന്നുകര ചാലാക്കൽ കോന്നം ബഷീറിന്റെ മകൾ അൻസിയയെയാണ് കഴിഞ്ഞ നവംബർ എട്ടു മുതൽ കാണാതായത്. പഠിക്കുന്നതിനായി സ്കൂളിലേക്കു പോയ പ്ലസ് ടു വിദ്യാർഥിനിയായ പെൺകുട്ടി പിന്നീട് മടങ്ങി വന്നിട്ടില്ല. അന്നുതന്നെ പിതാവ് പോലീസിൽ പരാതി നൽകിയെങ്കിലും പെൺകുട്ടിയെ ഇതുവരെ കണ്ടെത്താനായിട്ടില്ല. ഇതേത്തുടർന്ന് ഹൈക്കോടതിയിൽ നൽകിയ ഹർജിയിൽ പെൺകുട്ടിയെ എത്രയുംവേഗം കണ്ടെത്തി റിപ്പോർട്ട് സമർപ്പിക്കണമെന്ന് ഉത്തരവായെങ്കിലും അന്വേഷണത്തിൽ യാതൊരു പുരോഗതിയും ഉണ്ടായിട്ടില്ലെന്ന് നാട്ടുകാർ പറയുന്നു. ഈ സാഹചര്യത്തിൽ അന്വേഷണം സിബിഐയ്ക്കു കൈമാറണമെന്നാണു നാട്ടുകാരുടെ ആവശ്യം. ഗ്രാമപഞ്ചായത്തംഗം ടി.കെ. അജികുമാറിന്റെ അധ്യക്ഷതയിൽ ചാലാക്കൽ ഗവ. എൽപി സ്കൂളിൽ നടന്ന യോഗത്തിൽ ആക്ഷൻ കൗൺസിലിന് രൂപം നൽകി. വി.കെ. ഇബ്രാഹിം കുഞ്ഞ് എംഎൽഎ-രക്ഷാധികാരി, ഗ്രാമപഞ്ചായത്ത് പ്രസിഡന്റ് ഫ്രാൻസിസ് തറയിൽ-ചെയർമാൻ, ടി.കെ. അജികുമാർ-കൺവീനർ എന്നിവരാണ് ഭാരവാഹികൾ. യോഗത്തിൽ…
Read Moreറോഡുകൾ തകർന്നു നാട്ടിൽ പൊടിപ്രളയം; വേനൽ കനക്കുന്നതോടെ പൊടി ശല്യം രൂക്ഷമാകും; കൊച്ചിയിലെ ചില കാഴ്ചകൾ
കൊച്ചി: വേനൽ തീവ്രതയിലേക്ക് എത്തുംമുന്പേ പൊടിയിൽ കുളിച്ചു ജില്ല. രാവിലെ അതിശൈത്യവും പിന്നീട് കഠിനമായ ചൂടും അനുഭവപ്പെടുന്ന നിലവിലെ കാലാവസ്ഥയിൽ പൊടിശല്യം കൂടി ആകുന്നതോടെ ആരോഗ്യപ്രശ്നങ്ങളും വർധിക്കുന്നു. നേരത്തെ പ്രളയാനന്തര പ്രവർത്തനങ്ങൾ നടക്കുന്പോൾ ജില്ലയിൽ പൊടിശല്യം രൂക്ഷമായിരുന്നു. തകർന്നതും വെട്ടിപ്പെളിച്ചതുമായ റോഡുകളിലാണു നിലവിൽ പൊടിശല്യം കൂടുതൽ. പൊടിപടലത്തിന്റെ കഷ്ടത അധികവും അനുഭവിക്കുന്നതു കാൽനട, ഇരുചക്ര യാത്രികരാണ്. ഗുരുതരമായ അലർജികൾക്കുവരെ കാരണമായേക്കാവുന്ന പൊടിയാണ് ചുറ്റിലും പറന്നുയരുന്നത്. ആധുനികരീതിയിൽ ടാർ ചെയ്ത റോഡുകളിൽവരെ പ്രളയാനന്തരം എണ്ണിയാൽ തീരാത്ത കുഴികൾ രൂപപ്പെട്ടിരുന്നു. ഗ്രാമ പ്രദേശങ്ങളിലെ കാര്യമാണെങ്കിൽ പറയുകയേ വേണ്ട. മിക്ക ഇടറോഡുകളും തകർന്നു തരിപ്പണമായി കിടക്കുന്നു. ഇവയിൽ ചിലത് അറ്റകുറ്റപ്പണികൾ നടത്തി ഗതാഗത യോഗ്യമാക്കിയെങ്കിലും പലയിടങ്ങളിലെയും സ്ഥിതി അതീവശോചനീയമാണ്. ഇവിടങ്ങളിൽനിന്ന് ഉയരുന്ന പൊടിപടലം സമീപവാസികൾക്കും വ്യാപാര സ്ഥാപനങ്ങളിലുള്ളവർക്കും അസഹ്യമായ ബുദ്ധിമുട്ടുകൾ സൃഷ്ടിക്കുന്നു. പലേടത്തും സ്ഥിതി ഗുരുതരം ദിനംപ്രതി ആയിരക്കണക്കിനു വാഹനങ്ങളും ആളുകളും…
Read Moreമുനമ്പം കേന്ദ്രീകരിച്ചുള്ള മനുഷ്യക്കടത്ത്; സൂത്രധാരൻ കുളച്ചൽസ്വദേശി? മനുഷ്യക്കടത്ത് മാത്രമല്ല കള്ളക്കടത്തും നടക്കുന്നുവെന്ന് ബോട്ടുടമകൾ
വൈപ്പിൻ: ഓസ്ട്രേലിയയിലേക്ക് അനധികൃത കുടിയേറ്റം കൊച്ചി വഴി. തമിഴ്നാട്ടുകാരും ശ്രീലങ്കക്കാരും കൊച്ചിവഴി ഓസ്ട്രേലിയയിലേക്കു കടത്തപ്പെടുന്നു. ഐബി അന്വേഷണം ആരംഭിച്ചതോടെ ഞെട്ടിപ്പിക്കുന്ന വിവരങ്ങളാണ് പുറത്തു വരുന്നത്. ഓസ്ട്രലിയയിൽ അഭയർഥികളെ കുടിയേറ്റക്കാരായി കരുതുമെന്നതാണ് ഇവരെ ആകർഷിക്കുന്നത്. ഓസ്ട്രേലിയൻ നിയമം അനുസരിച്ചു 12 വർഷം തടവു ലഭിക്കാവുന്ന കുറ്റമാണ് മനുഷ്യക്കടത്ത്. രാജ്യന്തര തലത്തിൽ പ്രവർത്തിക്കുന്ന മനുഷ്യക്കടത്തു സംഘം കൊച്ചിയിൽ താവളമാക്കുന്നുവെന്നും സൂചനയുണ്ട്. രാജ്യാന്തര നിയമങ്ങൾ ലംഘിച്ചു മത്സ്യബന്ധന ബോട്ടിൽ സ്ത്രീകളും കുട്ടികളും അടക്കമുള്ളവരാണ് പോയിരിക്കുന്നത്. മുനന്പം കേന്ദ്രീകരിച്ചുള്ള മനുഷ്യക്കടത്തുമായി ബന്ധപ്പെട്ട് കുളച്ചൽ സ്വദേശിയുടെ ഉടമസ്ഥതയിലുള്ള ബോട്ടിനായി പോലീസ് അന്വേഷണം ഊർജിതമാക്കി. മുനന്പം കേന്ദ്രീകരിച്ച് മത്സ്യബന്ധനം നടത്തുന്ന ബോട്ടാണിത്. ഈ മാസം ഏഴിനും 11നുമായി 10 ലക്ഷം രൂപക്കുള്ള ഡീസൽ മുനന്പത്തെ ഒരു പന്പിൽ നിന്നും ഈ ബോട്ടിൽ നിറച്ചിട്ടുള്ളതായി പോലീസിനു വിവരം ലഭിച്ചിട്ടുണ്ട്. ഇതിൽ 6000 ലിറ്റർ ഡീസൽ പ്രത്യേകമായി ബാരലിൽ ആണ്…
Read Moreകേരള വാറ്റ് നികുതി കുടിശിക വ്യാപാരികൾ അടയ്ക്കണം; ഒഴിവാകാനാവില്ലെന്നു ഹൈക്കോടതി
കൊച്ചി: ചരക്കുസേവന നികുതി (ജിഎസ്ടി) നിലവിൽ വന്നെന്ന കാരണത്താൽ പഴയ കേരള വാറ്റ് നികുതി കുടിശികയും പിഴയും അടയ്ക്കുന്നതിൽനിന്നു വ്യാപാരികൾക്ക് ഒഴിവാകാനാവില്ലെന്നു ഹൈക്കോടതി. വാറ്റ് നികുതി കുടിശികയും പിഴയും ഈടാക്കാൻ സർക്കാരിന് അധികാരം നല്കുന്ന കേരള ജിഎസ്ടി (ചരക്കു സേവന നികുതി) നിയമത്തിലെ 173, 174 വകുപ്പുകൾ ഭരണഘടനാ വിരുദ്ധമല്ലെന്നും സിംഗിൾബെഞ്ചിന്റെ വിധിയിൽ പറയുന്നു. റ്റ് നികുതി കുടിശികയും പിഴയും അടയ്ക്കണമെന്ന നിർദേശം നിലനിൽക്കുമോയെന്ന ഭരണഘടനാ ചോദ്യമാണു പരിഗണിച്ചതെന്നും ഇതുമായി ബന്ധപ്പെട്ട മറ്റു തർക്കങ്ങൾക്ക് ഉചിതമായ ബദൽ ഫോറങ്ങളെ ഹർജിക്കാർക്കു സമീപിക്കാമെന്നും വിധിയിൽ വ്യക്തമാക്കിയിട്ടുണ്ട്. വാറ്റ് നികുതി കുടിശികയും പിഴയും അടയ്ക്കാനുള്ള സർക്കാരിന്റെ നോട്ടീസിനെ ചോദ്യം ചെയ്തു 3280 ഹർജികളാണു ഹൈക്കോടതി പരിഗണിച്ചത്. ഇവയിൽ തീർപ്പു കല്പിച്ചതോടെ 2000 കോടി രൂപയുടെ കുടിശികയും പിഴയും ഈടാക്കാൻ സർക്കാരിനു തുടർനടപടികൾ സ്വീകരിക്കാൻ കഴിയും. 2011-2012 വർഷം മുതലുള്ള കുടിശികയും…
Read Moreമുടവൂരിലെ ബിനുവിന്റെ വീട്ടിൽ വിരുന്നെത്തി വെള്ളിമൂങ്ങ; ഒരാഴ്ചയായി എത്തുന്ന മൂങ്ങയെക്കാണാൻ നാട്ടുകാരുടെ തിരക്ക്
മൂവാറ്റുപുഴ: മുടവൂരിലെ വീട്ടിൽ വിരുന്നെത്തിയ വെള്ളിമൂങ്ങ വീട്ടുകാർക്കും നാട്ടുകാർക്കും കൗതുകമായി. മുടവൂർ മഠത്തിക്കുന്നേൽ ബിനു ജോണിന്റെ വീട്ടിലാണ് ഒരാഴ്ചയോളമായി വെള്ളിമൂങ്ങ പതിവായെത്തുന്നത്. രാവിലെ ആറരയോടെ വീട്ടിലെത്തി ബാൽക്കണിയിലെ ഫാനിൽ വിശ്രമിക്കുന്ന മൂങ്ങ സന്ധ്യമയങ്ങുന്നതോടെ പറന്ന് അകലുകയും ചെയ്യും. അപ്രതീക്ഷിതമായി ഫാനിൽ മൂങ്ങയെ കണ്ടതോടെ വീട്ടുകാർക്ക് ആദ്യം ഭയമായിരുന്നെങ്കിലും പിന്നീട് മൂങ്ങയെക്കാണാൻ നാട്ടുകാരും മറ്റും എത്തിത്തുടങ്ങിയതോടെ കൗതുകമായി മാറി. മൂങ്ങ വീട്ടിലെത്തുന്ന കാര്യം വീട്ടുകാർ വനംവകുപ്പിനെ അറിയിച്ചിരുന്നു. ഇതിനിടയിൽ മൂങ്ങയെ ആക്രമിക്കാൻ കാക്കകളും മറ്റും വട്ടം കൂടിയതോടെ മൂങ്ങ പറന്നകന്നു. ഇതിനു പിന്നാലെ വനംവകുപ്പ് ഉദ്യോഗസ്ഥർ എത്തിയെങ്കിലും മൂങ്ങയെ കണ്ടെത്താനാവാതെ മടങ്ങി. എന്നാൽ വെള്ളിമൂങ്ങ വീണ്ടും വരുമെന്ന പ്രതീക്ഷയിലാണ് വീട്ടുകാർ.
Read More