കൊല്ലം: ചാത്തന്നൂർ ഇത്തിക്കര പാലത്തിന് സമീപം മൂന്ന് പേരുടെ മരണത്തിനിടയാക്കിയ വാഹനാപകടത്തിന് കാരണം കെഎസ്ആർടിസി ഡ്രൈവറുടെ അനാസ്ഥയാണെന്ന് പ്രാഥമിക അന്വേഷണ റിപ്പോർട്ട്. അപകടത്തിന്റെ പ്രാഥമിക വിവരങ്ങൾ ശേഖരിച്ച് കൊല്ലം ആർടിഒ ട്രാൻസ്പോർട്ട് കമ്മീഷണർക്ക് സമർപ്പിച്ച റിപ്പോർട്ടിലാണ് ഇക്കാര്യം വ്യക്തമാക്കിയിരിക്കുന്നത്. കെഎസ്ആർടിസിയുടെ ഡ്രൈവർ ഉറങ്ങിപ്പോയതാവാം അപകടത്തിന് കാരണമായതെന്നും റിപ്പോർട്ടിൽ പരാമർശമുണ്ട്. ഇന്ന് പുലർച്ചെയാണ് ഇത്തിക്കര പാലത്തിന് സമീപം കെഎസ്ആർടിസി സൂപ്പർ എക്സ്പ്രസ് ബസും ചരക്ക് ലോറിയും കൂട്ടിയിടിച്ച് മൂന്ന് പേർ മരിച്ചത്. അപകടത്തിൽ മുപ്പതോളം പേർക്ക് പരിക്കേറ്റിരുന്നു. കെഎസ്ആർടിസി കണ്ടക്ടർ ടി.പി.സുഭാഷ് (30), ഡ്രൈവർ കോഴിക്കോട് മലയണ്ണാകുപ്പാറത്തുവീട്ടിൽ അബ്ദുൽ അസീസ്, ലോറി ഡ്രൈവർ ചെങ്കോട്ട പുളിയറ കേശവപുരം കോവിൽതെരുവിൽ വീട്ടിൽ ഗണേശ് (33) എന്നിവരാണ് മരിച്ചത്.
Read MoreCategory: Kollam
വിദ്യാർത്ഥികളിൽ സ്വാശ്രയ ശീലവും സമ്പാദ്യ ശീലവും വളർത്താൻ കഴിയണമെന്ന് ജെ ചിഞ്ചുറാണി
കൊല്ലം : കുട്ടികളിൽ സ്വാശ്രയ ശീലവും സമ്പാദ്യ ശീലവും വളർത്താൻ കഴിയണമെന്നും അതിനാവശ്യമായ പരിപാടികൾ ആവിഷ്ക്കരിച്ച് പാഠ്യപദ്ധതിയിൽ ഉൾപ്പെടുത്തണമെന്നും കെ എസ് പി ഡി സി ചെയർപേഴ്സൺ ജെ ചിഞ്ചുറാണി പറഞ്ഞു. മുഖത്തല എം ജി റ്റി എച്ച് എസ്, എൻ എസ് എസ് യു പി എസ് സ്കൂളുകളിൽ കേരള സംസ്ഥാന പൗൾട്രി വികസന കോർപ്പറേഷൻ നടപ്പിലാക്കുന്ന കുഞ്ഞ് കൈകളിൽ കോഴിക്കുഞ്ഞ് പദ്ധതിയുടെ സ്കൂൾ തല ഉദ്ഘാടനം നിർവഹിച്ച് പ്രസംഗിക്കുകയായിരുന്നു അവർ. വിവിധ പദ്ധതികളിലൂടെ സംസ്ഥാനത്ത് മുട്ടയുൽപ്പാദനത്തിലും ഇറച്ചിക്കോഴിയുടെ ആഭ്യന്തര ഉൽപ്പാദനത്തിലും നിർണ്ണായകമായ വളർച്ച കൈവരിക്കാൻ കഴിഞ്ഞിട്ടുണ്ട്. കുട്ടികളിൽ കോഴി വളർത്തലിലുള്ള താൽപ്പര്യം വർധിപ്പിച്ച് അവരിൽ സ്വാശ്രയ ശീലവും സമ്പാദ്യ ശീലവും വളർത്തി കോഴിമുട്ട ഉൽപ്പാദനത്തിലൂടെ കുട്ടികൾക്കാവശ്യമായ ഭക്ഷണത്തിൽ മുട്ടയുടെ ലഭ്യത ഉറപ്പാക്കി അർപ്പണ ബോധവും ആരോഗ്യവുമുള്ള ഒരു സമൂഹത്തെ വാർത്തെടുക്കുന്നതിനോടൊപ്പം കോഴിവളർത്തൽ രംഗത്തെ സാധ്യതകൾ…
Read Moreകൊല്ലം നഗരപരിധിയിൽ മൂന്ന് വാഹനാപകടങ്ങളിൽ രണ്ട് മരണം ; ഇടിയുടെ ആഘാതത്തിൽ ബൈക്ക് കത്തിനശിച്ചു
കൊല്ലം: നഗരപരിധിയിൽ ഇന്നലെ രാത്രിയിൽ വാഹനാപകടത്തിൽ രണ്ടുപേർ മരിച്ചു. ഒരാൾക്ക് പരിക്ക് .ചിന്നക്കടയിൽ രാത്രിയിൽ വാഹനാപകടത്തിൽ ബൈക്ക് യാത്രികനായ പെരിനാട് സ്വദേശി സാജൻ മരിച്ചു.തൊട്ടുപിന്നാലെ തട്ടാമലയിൽ ബൈക്കിന് പിന്നിൽ കാറിടിച്ച് വർക്കല മുടിയോട് ചെറിന്നിയൂരിൽ അപർണയിൽ സുഭഗന്റെ മകൻ വിവേക് (25) മരിച്ചു. ഇയാളുടെ ബൈക്ക് ഇടിയുടെ ആഘാതത്തിൽ കത്തിയമർന്നു. വിവേകിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം സമീപത്തെ സ്വകാര്യ ആശുപത്രി മോർച്ചറിയിൽ. കടപ്പാക്കടയിൽ നിയന്ത്രണം വിട്ട കണ്ടെയ്നർ ട്രെയിലർ ഇടിച്ചുകയറി മൂന്നു ഓട്ടോറിക്ഷകൾ തകർന്നു. രണ്ട് ഓട്ടോറിക്ഷകൾ പൂർണമായും ഒരേണ്ണം ഭാഗികമായും തകർന്നു. ഓട്ടോറിക്ഷയിലുണ്ടായിരുന്ന കടപ്പാക്കട സ്വദേശി ബിനുവിന് പരിക്കേറ്റു. പ്രതിഭ ജംഗ്ഷനിൽ രാത്രി 10.30ഓടെയായിരുന്നു അപകടം. വണ്ടിയുടെ അടിയിൽ കുടുങ്ങിയ ബിനുവിനെ ക്രെയിൽ കൊണ്ടുവന്ന് ട്രെയിലർ ഉയർത്തിയശേഷമാണ് പുറത്തെടുത്തത്.
Read Moreകല്ലുവാതുക്കൽ പഞ്ചായത്ത് വിഭജിച്ച് പാരിപ്പള്ളി പഞ്ചായത്ത് രൂപീകരിക്കാൻ അടിയന്തരനടപടി സ്വീകരിക്കണമെന്ന് എൻ.പീതാംബരകുറുപ്പ്
ചാത്തന്നൂർ:കല്ലുവാതുക്കൽ പഞ്ചായത്ത് വിഭജിച്ച് പാരിപ്പള്ളി പഞ്ചായത്ത് രൂപീകരിക്കാൻ സർക്കാർ അടിയന്തര നടപടി സ്വീകരിക്കണമെന്ന് മുൻ പാർലമെന്റ് അംഗം എൻ.പീതാംബരകുറുപ്പ് ആവശ്യപ്പെട്ടു. പാരിപ്പള്ളി പഞ്ചായത്ത് രൂപീകരിക്കണമെന്നാവശ്യപ്പെട്ട് പാരിപ്പള്ളി മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ പാരിപ്പള്ളിയിൽ നടത്തിയ സായാഹ്ന ധർണ്ണ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. കഴിഞ്ഞ യുഡിഎഫ് സർക്കാർ ഇതിനുള്ള ഉത്തരവ് പുറപ്പെടുവിച്ചിരുന്നതാണ്.എന്നാൽ മലപ്പുറം ജില്ലയിലെ ചില പഞ്ചായത്തുകൾ വിഭജിച്ചതിനെ സംബന്ധിച്ച് ഹൈക്കോടതിയുടെ സ്റ്റേവന്നതിനാലാണ് പാരിപ്പള്ളി പഞ്ചായത്ത് യാഥാർത്ഥ്യമാകാതിരുന്നത്. സ്റ്റേ നിലവിലുണ്ടെങ്കിൽ അത് മാറ്റാൻ സർക്കാർ നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.യുഡിഎഫ് സർക്കാർ പാരിപ്പള്ളി പഞ്ചായത്ത് രൂപീകരിച്ചപ്പോൾ എംഎൽഎയോ എൽഡിഎഫോ എതിർപ്പ് പ്രകടിപ്പിച്ചിരുന്നില്ലെന്നും അദ്ദേഹം കൂട്ടിച്ചേർത്തു. പാരിപ്പള്ളി മണ്ഡലം പ്രസിഡന്റ് സജീവ് സജിഗത്തിൽ അദ്ധ്യക്ഷത വഹിച്ചു. ഡിസിസി ജന.സെക്രട്ടറി ഉണ്ണികൃഷ്ണൻ,ബ്ലോക്ക് പ്രസിഡന്റ് പരവൂർ സജീബ്,യുഡിഎഫ് പാർലമെന്ററി പാർട്ടി ലീഡർ അഡ്വ.സിമ്മിലാൽ, വട്ടക്കുഴിക്കൽമുരളി,ബിജു പാരിപ്പള്ളി ,സത്താർ ,മോഹനൻപിള്ള,തോമസ്, അഭിലാഷ്കുമാർ,അന്നമ്മചാക്കോ,സുനിൽകുമാർ,അനിൽ ,പഞ്ചായത്ത്…
Read Moreതെന്മല ഡാമിന്റെ ഷട്ടറുകള് തുറന്നു; കല്ലടയാറിന്റെ തീരമേഖലകളില് ജാഗ്രതാ നിര്ദേശം; കൺട്രോൾ റൂമുകൾ തുറന്നു
കൊല്ലം: തെന്മല ഡാമിന്റെ ഷട്ടറുകള് തുറന്നതിനെത്തുടര്ന്ന് കല്ലടയാറ്റിലെ ജലനിരപ്പ് ഉയര്ന്ന സാഹചര്യത്തില് തീരങ്ങളിലെ പഞ്ചായത്തുകള്ക്ക് ജില്ലാ ദുരന്തനിവാരണ അതോറിറ്റി ജാഗ്രതാ നിര്ദേശം നല്കി. ഇന്നലെ വൈകുന്നേരം ഡാമിലെ ജലനിരപ്പ് 115.62 മീറ്ററില് എത്തിയതിനെത്തുടര്ന്ന് മൂന്നു ഷട്ടറുകള് 105 സെന്റീ മീറ്റര് തുറന്നിട്ടുണ്ട്. ഡാമില് കൂടുതല് വെള്ളം എത്തുന്ന സാഹചര്യത്തില് ഷട്ടറുകള് ഇനിയും ഉയര്ത്തിയേക്കും. പട്ടാഴി വടക്കേക്കര, പിറവന്തൂര് എന്നിവിടങ്ങളില് വെള്ളം കയറാന് സാധ്യതയുള്ള പ്രദേശങ്ങളില് താമസിക്കുന്നവര്ക്ക് മുന്നറിയിപ്പ് നല്കിയിട്ടുണ്ട്. ചിറക്കര വില്ലേജില് മണ്ണിടിച്ചിലിന് സാധ്യതയുള്ള മേഖലയില്നിന്ന് നാലു കുടുംബങ്ങളെ മാറ്റി. ഇതില് മൂന്നു കുടുംബങ്ങളിലെ ഒന്പതു പേരെ ചിറക്കര പഞ്ചായത്തിന്റെ പകല്വീട്ടിലാണ് താമസിപ്പിച്ചിരിക്കുന്നത്. ഒരു കുടുംബം ബന്ധുവീട്ടിലേക്ക് മാറി. അടിയന്തര സാഹചര്യമുണ്ടായാല് നേരിടുന്നതിന് സജ്ജരായിരിക്കാന് ജില്ലാ ദുരന്തനിവാരണ അതോറിറ്റി ചെയര്മാന്കൂടിയായ ജില്ലാ കളക്ടര് ഡോ. എസ്. കാര്ത്തികേയന് വില്ലേജ് തലം മുതലുള്ള ഉദ്യോഗസ്ഥര്ക്ക് നിര്ദേശം നല്കി. കളക്ട്രേറ്റിലും…
Read Moreഅഞ്ചലില് വീടിന്റെ വാതിൽ കുത്തിതുറന്ന് മോഷണം; ഒരാഴ്ച കഴിഞ്ഞ് മടങ്ങിയെത്തിയപ്പോഴാണ് മോഷണം അറിയുന്നതെന്ന് വീട്ടുടമ
അഞ്ചൽ :അഞ്ചലില് കഴിഞ്ഞ ഏതാനും ദിവസമായി അടച്ചിട്ടിരുന്ന വീട്ടിൽ മോഷണം. അഞ്ചല് മലമേൽ ഉദയം വീട്ടിൽ സുരേഷ് കുമാറിന്റെ വീട്ടിലാണ് മോഷണം നടന്നത്. കഴിഞ്ഞ ഒരാഴ്ചയോളമായി സുരേഷ് കുമാറും കുടുംബവും വീട്ടിൽ ഇല്ലായിരുന്നു. കഴിഞ്ഞ ദിവസം തിരികെ വീട്ടിലെത്തിയപ്പോഴാണ് മുൻവശത്തെ കതക് കുത്തിത്തുറന്ന നിലയിൽ കണ്ടത്. കതക് തുറന്ന് വീട്ടിനുള്ളിൽ പരിശോധന നടത്തിയതിൽ അലമാരയിൽ സൂക്ഷിച്ചിരുന്ന 15000 ത്തോളം രൂപ നഷ്ടപ്പെട്ടു. ഉടൻ തന്നെ അഞ്ചൽ പോലീസിൽ പരാതി നൽകി. എസ്ഐ ടി.സതികുമാറിന്റെ നേതൃത്വത്തിൽ പോലീ അന്വേഷണം ആരംഭിച്ചിട്ടുണ്ട്.
Read Moreപൂതക്കുളം പഞ്ചായത്ത് പ്ലാസ്റ്റിക് വിമുക്തമാക്കുന്നു; 50 മൈക്രോണിൽ താഴെയുള്ള പ്ലാസ്റ്റികാരി ബാഗുകൾ വിൽക്കുന്നവരിൽ നിന്നും നിന്നും പിഴയിടാക്കും
പരവൂർ: പൂതക്കുളം ഗ്രാമപഞ്ചായത്ത് പ്ലാസ്റ്റിക് വിമുക്തമാക്കുന്നതിന്റെ ഭാഗമായി 50 മൈക്രോണിൽ താഴെയുള്ള പ്ലാസ്റ്റികാരി ബാഗുകൾ ഉപയോഗിക്കുകയോ വിൽപ്പന നടത്തുകയോ ചെയ്യുന്നവരിൽ നിന്ന് 4000 രൂപ മുതൽ 10,000 രൂപവരെ പിഴ ഈടാക്കുമെന്ന് പഞ്ചായത്ത് സെക്രട്ടറി അറിയിച്ചു. 50 മൈക്രോണിന് മേലുള്ള പ്ലാസ്റ്റിക് കാരിബാഗുകൾ വിൽപ്പന നടത്തുന്നവരും സാധനങ്ങൾ ബാഗുകളിലാക്കി നൽകുന്നവരും പഞ്ചായത്തിൽ രജിസ്റ്റർ ചെയ്യുകയും രജിസ്ട്രേഷൻ ഫീസായി പ്രതിമാസം 4000 രൂപ അടയ്ക്കുകയും വേണം. രജിസ്ട്രേഷൻ ഫീസ് ഒടുക്കാത്തവരിൽ നിന്ന് 10,000 രൂപവരെ പിഴ ഈടാക്കും. 50 മൈക്രോണിൽ കൂടുതലുള്ള കാരി ബാഗുകൾ വിൽക്കുമ്പോൾ പൊതുജങ്ങളിൽ നിന്ന് നിശ്ചിത തുക ഈടാക്കണം. ഇക്കാര്യം പരസ്യപ്പെടുത്തുന്നബോർഡ് കടയിൽ പ്രദർശിപ്പിക്കണം.സൗജന്യമായി പ്ലാസ്റ്റിക് കാരിബാഗുകൾ നൽകുന്നതല്ലെന്ന് ഇംഗ്ലീഷിലും മലയാത്തിലും എഴുതിയ ബോർഡും സ്ഥാപിക്കണം. പ്ലാസ്റ്റിക് കത്തിക്കുന്നവരിൽ നിന്ന് 25,000 രൂപ വരെ പിഴ ഈടാക്കുമെന്നും അറിയിച്ചു.
Read Moreമത്സ്യത്തൊഴിലാളികള് ക്ഷേമനിധി അംഗത്വം ഉറപ്പാക്കണമെന്ന് മന്ത്രി ജെ. മേഴ്സിക്കുട്ടിയമ്മ
കൊല്ലം :സംസ്ഥാനത്തെ എല്ലാ മത്സ്യത്തൊഴിലാളികളും ക്ഷേമനിധി അംഗത്വം ഉറപ്പാക്കണമെന്ന് മന്ത്രി ജെ. മേഴ്സിക്കുട്ടിയമ്മ .മത്സ്യത്തൊഴിലാളികളുടെയും മത്സ്യ അനുബന്ധ തൊഴിലാളികളുടെയും മക്കള്ക്കായി കേരള മത്സ്യത്തൊഴിലാളി ക്ഷേമനിധി ബോര്ഡ് ഏര്പ്പെടുത്തിയ വിദ്യാഭ്യാസ-കായിക പ്രോത്സാഹന പുരസ്കാര വിതരണം കൊല്ലം വിമലഹൃദയ സ്കൂള് ഓഡിറ്റോറിയത്തില് നിര്വഹിച്ച് പ്രസംഗിക്കുകയായിരുന്നു മന്ത്രി. ഒരാള് ക്ഷേമനിധി അംഗമായാല് കുടുംബത്തിന് മുഴുവന് ഇതിന്റെ ആനുകൂല്യം ലഭിക്കും. അപകടങ്ങള് നേരിടുന്ന സാഹചര്യത്തിലാണ് ക്ഷേമനിധി അംഗത്വത്തിന്റെ പ്രയോജനം മനസിലാകുക. അനര്ഹര് അംഗത്വം നേടുന്നത് നിയന്ത്രിക്കുന്നതിന് പ്രതേ്യക സംവിധാനം ഏര്പ്പെടുത്തും. അപേക്ഷ സമര്പ്പിക്കുന്നവരുടെ വീടുകളില് പോയി സര്വ്വേ നടത്തി വിവരങ്ങള് സ്ഥിരീകരിക്കാന് ബോര്ഡിന് സാധിച്ചാല് ആക്ഷേപങ്ങള് പരിഹരിക്കാനാകും. കുറ്റമറ്റ രീതിയില് ക്ഷേമനിധി പ്രവര്ത്തിക്കുവെന്ന് ഉറപ്പുവരുത്താന് കാലാനുസൃതമായ ഇടപെടലുകള് ഉണ്ടാകുമെന്നും മന്ത്രി പറഞ്ഞു.മത്സ്യത്തൊഴിലാളികളുടെ മക്കള്ക്ക് വിദ്യാഭ്യാസ-കായിക പ്രോത്സാഹന പുരസ്കാരങ്ങള് നല്കുന്നതിന് 47 ലക്ഷം രൂപയാണ് സര്ക്കാര് നീക്കിവച്ചിട്ടുള്ളത്. ഇതില് 14.75 ലക്ഷം രൂപ കൊല്ലം,…
Read Moreപൊൻമുടിയിൽ മ്ലാവിനെ വേട്ടയാടിയ സംഭവം; ഒളിവിപോയ എസ്ഐ ഉൾപ്പെട്ട പ്രതികൾക്കായി അന്വേഷണം ഊര്ജിതം
കുളത്തുപ്പുഴ : കുളത്തുപ്പുഴ റേഞ്ച് ഓഫീസ് പരിധിയില് വരുന്ന പൊന്മുടി വന മേഖലയില് നിന്നും മ്ലാവിനെ വെടിവച്ചുകൊന്നു ഇറച്ചിയാക്കി സംഭവത്തില് ഒളിവില് പോയ എസ്ഐ അടക്കമുള്ള പോലീസുകാര്ക്കും പോസ്റ്റ് മാസ്റ്റര്ക്കുമായി അന്വേഷണം ഊര്ജിതമാക്കിയതായി വനം വകുപ്പ് അധികൃതര് അറിയിച്ചു. പൊന്മുടി പോലീസ് സ്റ്റേഷനിലെ ഗ്രേഡ് എസ് ഐ അയൂബ്, സിവില് പോലീസ് ഓഫീസര് രാജീവ്, പോലീസ് ഡ്രൈവര് വിനോദ്, കൊല്ലയില് പോസ്റ്റ്മാസ്റ്റര് മനു എന്നിവരാണ് ഒളിവില് ഉള്ളത്.അതെ സമയം തന്നെ പോലീസ് വാഹനത്തില് യൂണിഫോമില് എത്തിയാണ് അയൂബും സംഘവും മൃഗ വേട്ട നടത്തിയതെന്ന് തെളിഞ്ഞതോടെ പോലീസ് വാഹനം കസ്റ്റഡിയില് എടുക്കാന് തിരുവനന്തപുരം എസ് പി യുടെ അനുമതി തേടി വനം വകുപ്പ് കത്ത് നല്കിയിട്ടുണ്ട്. പോലീസ് വാഹനം ഉടന് കസ്റ്റഡിയില് എടുക്കുമെന്നാണ് സൂചന. കഴിഞ്ഞ ഞായറാഴ്ചയാണ് ഗ്രേഡ് എസ് ഐ അയൂബും ഇയാളുടെ ബന്ധുക്കളും അടങ്ങുന്ന ഏഴംഗ…
Read Moreമദ്യശാലയിലും വ്യാപാരസ്ഥാപനത്തിലും ആക്രമണം നടത്തിയ ഗുണ്ടാലിസ്റ്റിൽപ്പെട്ട ചങ്ക് സുനിലിനെ പോലീസ് അറസ്റ്റു ചെയ്തു
കുളത്തൂപ്പുഴ :വിളക്കുപാറ ബിവറേജ് ഔട്ട് ലെറ്റിലും സമീപ സ്റ്റേഷനറി കടയിലും അതിക്രമിച്ച് കയറി അക്രം നടത്തിയ ആൾ പോലീസ് പിടിയിൽ. വിളക്കുപാറ സുനിൽ വിലാസത്തിൽ ചങ്കു സുനിലാണ് പിടിയിലായത്. ബിവറേജ് ഔട്ട്ലെറ്റ് മാനേജരുടെ ക്യാബിനിൽ എത്തിയ സുനിൽ പൈസ നൽകാതെ മദ്യം നൽകണമെന്ന് ആവശ്യപ്പെട്ടു. പൈസ നൽകിയാൽ കൗണ്ടറിൽ നിന്ന് മദ്യം ലഭിക്കുമെന്ന് മാനേജർ പറഞ്ഞതോടെ പ്രകോപിതനായ സുനിൽ മാനേജരെ അസഭ്യം പറയുകയും സെയിൽസ് ഷോപ്പിലേക്ക് അതിക്രമിച്ച് കയറുകയും ചെയ്തു. തുടർന്ന് സെയിൽസിനായ് സുക്ഷിച്ചിരുന്ന മദ്യം കൈക്കലാക്കുവാൻ ശ്രമം നടത്തി. ഇത് തടയുവാൻ ശ്രമിച്ച ഷോപ്പിലെ ജീവനക്കാരെ കൈയേേറ്റം ചെയ്തു. ഔട്ട് ലെറ്റ് ജീവനക്കാർ പോലീസിൽ വിവരം അറിയിക്കുന്നത് ശ്രദ്ധയിൽപ്പെട്ട സുനിൽ അവിടെ നിന്ന് കടന്ന് കളഞ്ഞു. പിന്നീട് വിളക്കുപാറ ക്ഷേത്രത്തിന് സമീപത്തെ സ്റ്റേഷനറി കടയിൽ എത്തിയ സുനിൽ ഒരു കിലേ പഴം നൽകാൻ കട ഉടമയോട്…
Read More