പാക്കില്: സ്വകാര്യ ബസിന്റെ മരണപ്പാച്ചിലില് പൊലിഞ്ഞത് ഒരു കുടുംബത്തിന്റെ അത്താണി. ഗാന്ധിനഗറിലെ ജോലിസ്ഥലത്തുനിന്നു മൂത്ത മകള് റിയായുടെ സ്കൂളില് നടക്കുന്ന പിടിഎ മീറ്റിംഗിനായി ഓടിയെത്തിയ രാജിനെ മരണം കവര്ന്നെടുത്തത് വിശ്വസിക്കാനാകാതെ ബന്ധുക്കളും നാട്ടുകാരും. ഹോട്ടല് ജീവനക്കാരനായിരുന്ന രാജ് പാക്കില് കവലയില് ഓട്ടോയിലിറങ്ങിയ നിമിഷം പാഞ്ഞെത്തിയ സ്വകാര്യ ബസ് ഇടിച്ചുതെറിപ്പിക്കുകയായിരുന്നു. അമിതവേഗത്തില് കോട്ടയം ഭാഗത്തുനിന്നുമെത്തിയ ബസ് രണ്ടു ടിപ്പര് ലോറികളെയും മറികടന്നെത്തിയാണ് അപകടത്തിനിടയാക്കിയതെന്നു ദൃക്സാക്ഷികള് പറയുന്നു. ഇടിയുടെ ആഘാതത്തില് തലയ്ക്ക് ഗുരുതരമായി പരിക്കേറ്റ രാജിനെ നാട്ടുകാര് ഉടനടി ആശുപത്രിയിൽ എത്തിച്ചെങ്കിലും രക്ഷിക്കാനായില്ല. സ്വകാര്യ ബസുകളുടെ അമിതവേഗവും മറ്റു നിയമലംഘനങ്ങളും അതുമൂലമുണ്ടാകുന്ന അപകടങ്ങളും തുടര്ക്കഥയായിട്ടും അധികൃതര് അങ്ങാപ്പാറനയം സ്വീകരിക്കുകയാണെന്നാണ് നാട്ടുകാരുടെ ആക്ഷേപം. കാല്നടയാത്രക്കാരോ ചെറിയ വാഹനങ്ങളോ ബസുകാര്ക്ക് പ്രശ്നമല്ലെന്നുള്ളതിന്റെ ഒടുവിലത്തെ ഉദാഹരണമാണ് ഇന്നലെ പാക്കില് കവലയില് നടന്നത്. മുക്കിലും മൂലയിലുംനിന്ന് ചെറുവാഹനങ്ങള്ക്ക് നിസാര കാര്യങ്ങള്ക്കുപോലും പെറ്റി അടിക്കുന്ന പോലീസാകട്ടെ, മരണപ്പാച്ചില്…
Read Moreസ്വകാര്യ ബസിന്റെ മരണപ്പാച്ചിലില് പൊലിഞ്ഞത് ഒരു കുടുംബത്തിന്റെ അത്താണി; രാജിനെ മരണം കവര്ന്നെടുത്തത് വിശ്വസിക്കാനാകാതെ ബന്ധുക്കളും നാട്ടുകാരും
