നെടുങ്കണ്ടം: മുണ്ടിയെരുമയിൽ കാർ നിയന്ത്രണംവിട്ട് തലകീഴായി കല്ലാർ പുഴയിലേക്ക് മറിഞ്ഞു. പ്രദേശത്തെ ഓട്ടോറിക്ഷാ തൊഴിലാളികളുടെ സമയോചിത ഇടപെടലിനെത്തുടർന്ന് വൻ ദുരന്തം ഒഴിവായി. അപകടം നടന്ന ഉടനെ ഇവർ പുഴയിലിറങ്ങി കാറിലുണ്ടായിരുന്ന നാലുപേരെയും രക്ഷിക്കുകയായിരുന്നു. ഇന്നലെ രാവിലെ ഒന്പതോടെയാണ് അപകടം നടന്നത്. പെയിന്‍റിംഗ് തൊഴിലാളികളായ എഴുകുംവയൽ മാക്കൽ സിജു, രഞ്ജിത്ത്, കട്ടപ്പന സ്വദേശി അനി, വലിയതോവാള സ്വദേശി അപ്പു എന്നിവർ സഞ്ചരിച്ചിരുന്ന കാറാണ് അപകടത്തിൽപെട്ടത്. സിജുവിന്‍റെ ഉടമസ്ഥതയിലുള്ളതാണ് വാഹനം. സിജു തന്നെയാണ് വാഹനം ഓടിച്ചിരുന്നത്. മുണ്ടിയെരുമയിൽ പണി പൂർത്തിയാകുന്ന വീടിന്‍റെ പെയിന്‍റിംഗ് ജോലികൾക്കായാണ് ഇവർ എത്തിയത്. മുണ്ടിയെരുമയിൽ എത്തിയശേഷം കോന്പയാർ റോഡിലെ പാലം കടന്ന് കായംകുളംപടി റോഡിലേക്ക് തിരിയുന്നതിനിടെയാണ് അപകടമുണ്ടായത്. നിയന്ത്രണംവിട്ട കാർ റോഡിൽ നിന്നും തെന്നിനീങ്ങി പാലത്തിനു സമീപത്തായി നിർമിച്ചിരിക്കുന്ന കൽക്കെട്ടിലേക്ക് പതിച്ചു. ഇവിടെനിന്നും വാഹനം തലകുത്തി മറിഞ്ഞ് പുഴയിലേക്ക് പതിക്കുകയായിരുന്നു. അപകടസമയം പാലത്തിലൂടെ നടന്നുപോവുകയായിരുന്ന സ്ത്രീയുടെ…
Read Moreഅവര്‍ ഓടിയെത്തിയില്ലായിരുന്നെങ്കില്‍…! നിയന്ത്രണംവിട്ട കാർ പുഴയിലേക്കു മറിഞ്ഞു; രക്ഷകരായത്‌ ഓട്ടോറിക്ഷ തൊഴിലാളികളും നാട്ടുകാരും
