ശബരിമല: ശബരിമല ശ്രീധര്മശാസ്താ ക്ഷേത്രത്തിലെ പുതിയ മേല്ശാന്തിയായി തൃശൂര് കൊടുങ്ങല്ലൂര് പൂപ്പത്തി പൊയ്യ വാരിക്കാട്ടുമഠത്തില് വി.കെ. ജയരാജന്പോറ്റി തെരഞ്ഞെടുക്കപ്പെട്ടു. അങ്കമാലി മൈലക്കോടത്തുമനയില് ജനാര്ദ്ദനന് നമ്പൂതിരി (എം.എന്. രജികുമാര്)യാണ് പുതിയ മാളികപ്പുറം മേല്ശാന്തി. ഇന്നു രാവിലെ ശബരിമല സന്നിധാനത്തു നറുക്കെടുപ്പിലൂടെയാണ് ഇരുവരെയും തെരഞ്ഞെടുത്തത്. മണ്ഡലകാലം ആരംഭിക്കുന്ന വൃശ്ചികം ഒന്നു മുതല് ഒരു വര്ഷത്തേക്കാണ് ഇരുവരുടെയും നിയമനം. തുലാം 30നു രാത്രി ശബരിമലയില് പുതിയ മേല്ശാന്തിമാരുടെ അവരോധചടങ്ങുകള് നടക്കും. തുടര്ന്നുള്ള ഒരുവര്ഷം പുറപ്പെടാ ശാന്തിമാരായി ഇരുവരും പൂജാകര്മങ്ങള് അനുഷ്ഠിക്കണം. 2005 – 06 കാലയളവില് മാളികപ്പുറത്ത് മേല്ശാന്തിയായിരുന്നു പുതിയ ശബരിമല മേല്ശാന്തി ജയരാജന്പോറ്റി. വൈക്കം ക്ഷേത്രത്തില് തന്ത്രി നാരായണന് നമ്പൂതിരിക്കൊപ്പം പൂജാകര്മങ്ങള് അനുഷ്ഠിച്ചിട്ടുള്ള ജയരാജന്പോറ്റി തൃശൂരിലെ വിവിധ ക്ഷേത്രങ്ങളിലും മേല്ശാന്തിയായിരുന്നിട്ടുണ്ട്. ശബരിമല ക്ഷേത്രത്തില് മേല്ശാന്തിയാകാന് ഏറെ ആഗ്രഹിച്ചിരുന്നെങ്കിലും മാളികപ്പുറത്തു നിന്നു മടങ്ങിയശേഷം വര്ഷങ്ങളായി ഈ സ്ഥാനത്തേക്ക് അപേക്ഷ നല്കിയിരുന്നുവെന്നും…
Read Moreവി.കെ. ജയരാജ് പോറ്റി ശബരിമല മേല്ശാന്തി,ജനാര്ദനന് നമ്പൂതിരി മാളികപ്പുറത്ത്
