കോട്ടയം: കൂരോപ്പട ഗ്രാമത്തെ മുൾമുനയിൽ നിർത്തിയ ആറടി നീളമുള്ള മൂർഖൻപാന്പ് പാന്പുപിടുത്തക്കാരൻ നീണ്ടൂർ വെള്ളാപ്പള്ളിയിൽ സോമനാചരിയുടെ മുന്പിൽ കീഴടങ്ങി. കൂരോപ്പട പുത്തൻപുരയ്ക്കൽ മോഹനന്റെ വീട്ടിലെ കോഴിക്കൂട്ടിൽ ഒളിച്ചിരുന്ന പാന്പിനെയാണ് ഒന്നരമണിക്കൂർ നീണ്ട പരിശ്രമത്തിനൊടുവിൽ ചാക്കിലാക്കിയത്. ഇന്നു പുലർച്ചെ നാലിന് കൂട്ടിൽ നിന്നും കോഴികളുടെ ബഹളം കേട്ടവീട്ടുകാർ വന്നുനോക്കിയപ്പോഴാണ് മൂർഖൻ പാന്പിനെ കണ്ടത്. തുടർന്നു സോമനാചാരിയെ വിവരമറിയിക്കുകയായിരുന്നു. പാന്പിനെ പിടിക്കാനുള്ള ശ്രമത്തിൽ എല്ലാവരുടെയും കണ്ണ് വെട്ടിച്ച് അടുത്ത മതിലിന്റെ പൊത്തിൽ പാന്പ് ഒളിച്ചു. തുടർന്ന് മതിലിന്റെ ഒരുഭാഗം പൊളിച്ചു ദ്വാരമുണ്ടാക്കിയാണ് സോമനാചാരി പാന്പിനെ പിടികൂടിയത്. പാന്പിനെ ഇന്നു വനംവകുപ്പിനു കൈമാറും.
Read MoreCategory: Kottayam
കാത്തിരുന്ന് രോഗികൾ മടുത്തു..! കാലവർഷ അറ്റകുറ്റപണികൾക്ക് ഓപ്പറേഷൻ തിയറ്ററുകൾ പൂട്ടിയിട്ട് ആഴ്ചകൾ; ശസ്ത്രക്രിയ രോഗികൾ ഊഴവും കാത്ത് ആശുപത്രിയിൽ
കോട്ടയം: നഗരമധ്യത്തിലുള്ള ജനറൽആശുപത്രിയുടെ ഓപ്പറേഷൻ തിയറ്ററുകൾ അടച്ചുപൂട്ടിയിട്ട് ആഴ്ചകൾ പിന്നിട്ടു. ചോർച്ചയുള്ള ആശുപത്രിയിൽ അണുബാധയുണ്ടാകുമെന്ന ആശങ്കയെ തുടർന്നാണ് ഓപ്പറേഷൻ തീയറ്ററുകൾ അടച്ചത്. മേയ് അവസാന വാരം ശസ്ത്രക്രീയയ്ക്കെത്തിയ രോഗികൾ ഇപ്പോഴും ഉൗഴം കാത്ത് കിടക്കുകയാണ്. ദിവസം ശരാശരി 15 ഓപ്പറേഷനുകൾ വീതം നടന്നിരുന്ന ആശുപത്രിയിൽ ശസ്ത്രക്രിയ നടക്കാതെ വന്നതോടെ പലരും സ്വകാര്യ ആശുപത്രികളിൽ അഭയം തേടി. തിയറ്ററുകൾ എന്നു തുറക്കുമെന്ന് ആർക്കും വ്യക്തമായ വിവരം നൽകാൻ കഴിയുന്നില്ല.പ്രധാന ഓപ്പറേഷൻ തിയറ്റർ സ്ഥിതി ചെയ്യുന്ന കെട്ടിടത്തിലെ ചോർച്ചയാണ് തിയറ്റർ അടയ്ക്കാൻ കാരണമെന്നു ആശുപത്രി സൂപ്രണ്ട് പറഞ്ഞു. ചോർച്ച പഴയതായതിനാൽ അറ്റകുറ്റപ്പണികൾക്കായി ഒരു കോടി രൂപയുടെ എസ്റ്റിമേറ്റുമായി സർക്കാരിനെ സമീപിച്ചപ്പോൾ സാങ്കേതിക കാരണം പറഞ്ഞ് തള്ളി. പിന്നീടാണ് തിയറ്റർ അടയ്ക്കേണ്ടി വന്നത്. സ്വന്തം ഫണ്ടിൽനിന്നുള്ള തുക ഉപയോഗിച്ച് ചോർച്ച അടയ്ക്കാനുള്ള പണികൾക്കായി എസ്റ്റിമേറ്റ് തയാറാക്കുന്നതിന് നഗരസഭാ അധികൃതർക്ക് കത്തു നല്കിയിട്ടുണ്ട്.…
Read Moreഒന്നും അങ്ങോട്ട് മനസിലാകുന്നില്ല..! കാർഷികോത്പന്നങ്ങളുടെ വിലയിടിവ്: 23 ന് കേരള കോൺഗ്രസിന്റെ ട്രെയിൻ തടയലും സെക്രട്ടറിയേറ്റ് മാർച്ചും
കോട്ടയം: കാർഷികോത്പന്നങ്ങളുടെ വിലയിടിവിൽ പ്രതിഷേധിച്ച് കേരള കോൺഗ്രസ്-എം പ്രതിഷേധസമരത്തിലേക്ക്. ഈ മാസം 23 ന് ട്രെയിൻ തടയും. 30 ന് സെക്രട്ടറിയേറ്റിലേക്ക് മാർച്ച് നടത്തും. കുത്തനെ ഉയരുന്ന അരിവില പിടിച്ചുനിർത്തണമെന്നും കേരള കോൺഗ്രസ്-എം ചെയർമാൻ കെ.എം മാണി ആവശ്യപ്പെട്ടു.
Read More‘ഇത്രയ്ക്കു കൂതറ ആകരുത് ..! ഒാപ്പറേഷൻ തിയറ്ററിൽ നിന്നു പുറം തള്ളുന്ന പ്ലാസ്റ്റിക് പാത്രങ്ങൾ ശേഖരിച്ച് വീണ്ടും വില്പനയ്ക്കെത്തിക്കുന്നതായി പരാതി
ഗാന്ധിനഗർ: മെഡിക്കൽ കോളജ് ആശുപത്രിയിലെ ശസ്ത്രക്രിയ തിയറ്ററുകളിൽ നിന്നുള്ള മാലിന്യങ്ങൾ ശേഖരിക്കുന്ന പ്ലാസ്റ്റിക് പാത്രങ്ങൾ മോഷ്ടിച്ച് വീണ്ടും കഴുകി വൃത്തിയാക്കി വിൽപ്പനയ്ക്കെത്തിക്കുന്നതായി പരാതി. ശസ്ത്രക്രിയയ്ക്കുശേഷം രോഗികളുടെ ശരീരത്തിൽ നിന്നും ലഭിക്കുന്ന മാലിന്യങ്ങൾ ബക്കറ്റിലും കപ്പിലുമാണ് ശേഖരിക്കുന്നത്. മാലിന്യങ്ങൾ ലാബിൽ എത്തിച്ചശേഷം ബക്കറ്റുകളും കപ്പുകളും ശസ്ത്രക്രിയ ലാബിനു സമീപം കൂട്ടിയിടുകയാണ് പതിവ്. ലാബിനു സമീപം സെക്യൂരിറ്റിയേയും നിയമിച്ചിട്ടുണ്ട്. സെക്യൂരിറ്റിയുടെ കണ്ണുവെട്ടിച്ചു ലാബിനു സമീപം എത്തുന്നവർ ബക്കറ്റുകളും കപ്പുകളും ശേഖരിച്ച് വീണ്ടും വിൽപ്പനയ്ക്കെത്തിക്കുന്നതായാണ് ആരോപണം ഉയർന്നിരിക്കുന്നത്.
Read Moreമധുരം നിങ്ങളെ രോഗികളാക്കും..! കേന്ദ്രത്തിന്റെ പിടിവാശിയിൽ റേഷൻ കടകൾ വഴിയുള്ള പഞ്ചാസാര വിതരണം നിലച്ചു; പാവങ്ങളുടെ ചായകുടി കയ്ക്കും
കോട്ടയം: റേഷൻ പഞ്ചസാര നിലച്ചതോടെ പൊതുവിപണിയിൽ വില കയറാൻ സാധ്യതയേറി. പൊതു വിപണിയിൽ 45 രൂപയ്ക്കു മുകളിലാണ് വില. ഏപ്രിൽ മുതൽ പഞ്ചസാര വിതരണത്തിന് സബ്സിഡി തുക അനുവദിക്കേണ്ടതില്ലെന്ന കേന്ദ്ര നിലപാടിനെത്തുടർന്നാണ് പഞ്ചസാര നിലച്ചത്. ഭക്ഷ്യ ഭദ്രതാ നിയമപ്രകാരം വിതരണംചെയ്യുന്ന ഭക്ഷ്യസാധനങ്ങളിൽ പഞ്ചസാര ഉൾപ്പെടുത്തേണ്ടെന്നാണ് കേന്ദ്ര തീരുമാനം. അര നൂറ്റാണ്ടായി നിലനിന്ന റേഷൻകട വഴിയുള്ള പഞ്ചസാരവിതരണമാണ് ഇതോടെ നിലച്ചിരിക്കുന്നത്. സാന്പത്തികമായി ഏറ്റവും പിന്നോക്കം നിൽക്കുന്ന കുടുംബങ്ങൾക്കാണ് റേഷൻ നിലച്ചത് ബാധ്യതയായിരിക്കുന്നത്. കഴിഞ്ഞ കേന്ദ്രബജറ്റിൽ പഞ്ചസാര സബ്സിഡിക്ക് സംസ്ഥാനങ്ങൾക്ക് പണം നീക്കിവച്ചില്ല. മുൻബജറ്റിൽ 4500 കോടി രൂപ നീക്കിവച്ചിരുന്നു. സംസ്ഥാനങ്ങൾക്ക് ആവശ്യമെങ്കിൽ സ്വന്തം ചെലവിൽ പഞ്ചസാര വാങ്ങി സബ്സിഡി നിരക്കിൽ വിതരണംചെയ്യാമെന്നാണ് കേന്ദ്ര സർക്കാർ നിർദേശം. ബിപിഎൽ കുടുംബങ്ങൾക്ക് കിലോഗ്രാമിന് 13.50 രൂപയായിരുന്നു റേഷൻ പഞ്ചസാരയ്ക്കു വില. കിലോയ്ക്ക് 32 രൂപയാണ് കേന്ദ്രസബ്സിഡി അനുവദിച്ചിരുന്നത്. സംസ്ഥാനം സ്വന്തംനിലയിൽ റേഷൻ…
Read Moreകൂട്ടുകാരന്റെ വീട്ടിലെത്തിയ വിദ്യാർഥിയെ പിതാവ് മയക്കു ഗുളികനൽകി ബോധരഹി തനാക്കി; പിന്നീട് കുട്ടിയെ വീടിനു സമീപം ഇറക്കി വീട്ടു; ഗുരുതരാവസ്ഥയിൽ വിദ്യാർഥി
ചിങ്ങവനം: ആറാംക്ലാസ് വിദ്യാർഥിയെ മയക്കുഗുളികനൽകി അപായപ്പെടുത്താൻ ശ്രമിച്ചെന്ന് പരാതി. ചിങ്ങവനം പോലീസ് സ്റ്റേഷനിലാണ് ഇതുസംബന്ധിച്ച് വിദ്യാർഥിയുടെ മാതാപിതാക്കൾ പരാതി നൽകിയിരിക്കുന്നത്. പരാതിയെ തുടർന്ന് കുഴിമറ്റം വെള്ളുത്തുരുത്തി പുത്തൻപറന്പിൽ അനിൽകുമാറിനെതിരേ ചിങ്ങവനം പോലീസ് കേസെടുത്തു. കഴിഞ്ഞ 10നാണ് കേസിനാസപദമായ സംഭവം നടക്കുന്നത്. പനച്ചിക്കാട് സ്വദേശിയായ വിദ്യാർഥിയെ വീട്ടിലെത്തിയ കൂട്ടുകാരൻ മറ്റൊരു കൂട്ടുകാരന്റെ വീട്ടിലേക്ക് വിളിച്ചുകൊണ്ടു പോയി. കൂട്ടുകാരന്റെ പിതാവായ കുഴിമറ്റം വെള്ളുത്തുരുത്തി പുത്തൻപറന്പിൽ അനിൽകുമാർ വിദ്യാർഥിയെ വശീകരിച്ച് ജ്യൂസ് നൽകി. ജ്യൂസ് കൊടുക്കുന്നതിനു മുന്പായി ഗുളിക രൂപത്തിലുള്ള ഒരു വസ്തു വിദ്യാർഥിയുടെ വായിൽവച്ചുകൊടുക്കുകയും ചെയ്തു. തുടർന്ന് ഏതാനും നിമിഷങ്ങൾക്കകം വിദ്യാർഥി ബോധരഹിതനായി വീണു. ഇതുകണ്ട വിദ്യാർഥിയുടെ കൂട്ടുകാരൻ അനിൽകുമാറിനോട് കാര്യങ്ങൾ ചോദിച്ചു. ഇയാൾ കൂട്ടുകാരനെ അസഭ്യംപറഞ്ഞ് ഓടിച്ചുവിട്ടു. പിന്നീട് വൈകുന്നേരം അഞ്ചോടെ വിദ്യാർഥിയെ ഓട്ടോറിക്ഷയിൽ കൊണ്ടുവന്നു വീടിനു സമീപം ഇറക്കിവിട്ടു. വീട്ടിലെത്തിയ വിദ്യാർഥി ബോധരഹിതനാവുകയും തുടർന്ന് നാട്ടുകാർ ചേർന്ന…
Read Moreകണികണ്ടുണരാൻ കിട്ടില്ല..! ക്ഷീരകർഷക ർക്കു ഇരുട്ടടിയായി മിൽമ കാലിത്തീറ്റവില കൂട്ടി; ചിലവിനനുസരിച്ച് വിലയില്ലെങ്കിൽ ക്ഷീരമേഖലയിൽ നിന്ന് പിൻമാറേണ്ടി വരും
മൂവാറ്റുപുഴ: മിൽമ കാലിത്തീറ്റ വില വർധിപ്പിച്ചതു ക്ഷീരകർഷകർക്ക് ഇരുട്ടടിയായി. മിൽമയുടെ 50 കിലോയുള്ള വിവിധ തരം കാലിത്തീറ്റകളുടെ വിലയിൽ 15 രൂപയുടെ വർധനയാണുണ്ടായിരിക്കുന്നത്. ഉത്പാദനച്ചെലവിന് അനുസരിച്ച് പാൽ വില വർധിപ്പിക്കാത്തതിനാൽ കാലിത്തീറ്റ വിലയിൽ വരുത്തിയ വർധന കർഷകർക്ക് കനത്ത നഷ്ടമാണുണ്ടാക്കിയിരിക്കുന്നത്. വേനൽക്കാലത്ത് കർഷകർക്ക് നൽകിവന്നിരുന്ന ഇൻസെന്റീവ് ഇത്തവണ ഒരു മാസം മുന്പേ നിർത്തലാക്കിയിരുന്നു. പാൽ ഉത്പാദനത്തിലുണ്ടായ വർധന ചൂണ്ടിക്കാട്ടിയാണ് ഇൻസെന്റീവ് നൽകുന്നതു നിർത്തലാക്കിയതെന്നായിരുന്നു മിൽമയുടെ വിശദീകരണം. ക്ഷീരസംഘത്തിൽ അളക്കുന്ന ഓരോ ലിറ്റർ പാലിനും രണ്ടു രൂപ വീതമായിരുന്നു ഇൻസെന്റീവ് നൽകിയിരുന്നത്. വേനൽക്കാലം ആരംഭിക്കുന്ന നവംബർ മുതൽ മേയ് വരെയായിരുന്നു കർഷകർക്ക് മിൽമ ഇൻസന്റീവ് നൽകിയിരുന്നത്. പാലിന്റെ വിലയിൽ മുന്പ് വർധന വരുത്തിയിരുന്നെങ്കിലും അതിന്റെ യഥാർഥ ഗുണഫലങ്ങൾ കർഷകർക്ക് ലഭിക്കുന്നില്ലെന്നും കർഷകർ പറഞ്ഞു. പ്രാഥമിക ക്ഷീരസംഘങ്ങളിൽ അളക്കുന്ന ഒരു ലിറ്റർ പാലിന് ശരാശരി 30 മുതൽ 32 രൂപ…
Read Moreപുഴയിൽ ഇറങ്ങുന്നവർ ജാഗ്രത പാലിക്കണം..! കാലവർഷമെത്തിയതോടെ തോടു കളിൽ ഒഴുക്ക് ശക്തമായി; ജനങ്ങൾ ശ്രദ്ധയും മുൻകരുതലുകളും സ്വീകരിക്കണമെന്ന് ഫയർഫോഴ്സ്
കോട്ടയം: മഴ ശക്തമായതോടെ പുഴയിലും തോടുകളിലും ഇറങ്ങുന്നവർ ജാഗ്രത പാലിക്കണമെന്ന് അധികൃതർ. രണ്ടു വർഷത്തിനിടെ ജില്ലയിൽ ജലാശയങ്ങളിൽ വീണ് മരിച്ചത് 126 പേരാണ്. മരണം കൂടുതലും കോട്ടയം മേഖലയിലാണ്. കഴിഞ്ഞ 15ന് ഗാന്ധിനഗർ ചെമ്മനംപടിക്കു സമീപം മീനച്ചിലാറ്റിലെ ചിറപ്പാട്ട് കടവിൽ മുങ്ങി രണ്ടു വിദ്യാർഥികൾ മരിച്ചു. പിന്നാലെ 17ന് തിടനാട്ടിൽ പാറക്കുളത്തിൽ മുങ്ങി മുത്തച്ഛനും കൊച്ചുമകൾക്കും ജീവൻ നഷ്ടമായി. കാലവർഷം പെയ്തിറങ്ങും മുന്പേ ജലാശയങ്ങൾ ജീവനെടുത്ത് തുടങ്ങിയതു ജനങ്ങളിൽ ആശങ്ക വർധിപ്പിച്ചിരിക്കുകയാണ്. ഫയർഫോഴ്സ് രേഖപ്പെടുത്തിയ കണക്കുകൾ പ്രകാരം 2016- 17 കാലയളവിൽ 126 പേർ ജില്ലയിൽ മുങ്ങിമരിച്ചു. കോട്ടയത്തു 44 പേരും ചങ്ങനാശേരിയിൽ എട്ടും കടുത്തുരുത്തിയിലും വൈക്കത്തും 17 പേർ വീതവും കാഞ്ഞിരപ്പള്ളിയിൽ 33 പേരും പാലായിൽ ഏഴു പേരുമാണ് മുങ്ങിമരിച്ചത്. കിണറ്റിൽ വീണുണ്ടായ അപകടങ്ങൾ 180 എണ്ണമാണ്. പുഴകളുടെ ആഴവും ഒഴുക്കും മനസിലാക്കാതെയും മദ്യവും മയക്കും…
Read Moreനാളെ ഹർത്താലെന്ന് സോഷ്യൽ മീഡിയ, ഇല്ലെന്ന് യുഡിഎഫ്..! സർക്കാരിന്റെ മദ്യനയത്തിൽ പ്രതിഷേധിച്ച് നാളെ യുഡി എഫ് ഹർത്താലെന്നത് തെറ്റായ പ്രചരണമെന്ന് ജോഷി ഫിലിപ്പ്
കോട്ടയം: സംസ്ഥാനത്ത് നാളെ യുഡിഎഫ് ഹർത്താലെന്ന് സാമൂഹ്യമാധ്യമങ്ങൾ വഴി വ്യാപക പ്രചരണം. ഇന്നു രാവിലെ മുതലാണ് പ്രമുഖ ചാനലിന്റെ സ്ക്രോൾ ഉൾപ്പെടെ നാളെ യുഡിഎഫ് ഹർത്താലെന്ന വാർത്ത പ്രചരിക്കാൻ തുടങ്ങിയത്. സംസ്ഥാനസർക്കാരിന്റെ മദ്യനയത്തിൽ പ്രതിഷേധിച്ച് നാളെ യുഡിഎഫ് ഹർത്താലെന്നാണ് സാമൂഹ്യമാധ്യമങ്ങൾ വഴി പ്രചരിക്കുന്നത്. എന്നാൽ ഈ വാർത്ത അടിസ്ഥാനരഹിതമാണെന്ന് കോട്ടയം ഡിസിസി പ്രസിഡന്റ് ജോഷി ഫിലിപ്പ് രാഷ്ട്രദീപികയോട് പറഞ്ഞു.
Read Moreസഹപ്രവര്ത്തകന്റെ ക്രൂരത! ആശുപത്രി ജീവനക്കാരിയായ യുവതിയെ പീഡിപ്പിക്കാന് ശ്രമിച്ച സഹപ്രവര്ത്തകന് കുടുങ്ങി; അതും ആശുപത്രിയിലെ റെക്കോര്ഡ്സ് മുറിയില് വച്ച്
തൊടുപുഴ: ആശുപത്രി ജീവനക്കാരിയായ യുവതിയെ അപമാനിക്കാന് ശ്രമിച്ച സഹപ്രവര്ത്തകനെ പോലീസ് അറസ്റ്റു ചെയ്തു. മേലുകാവ് ഇടമറുക് തോട്ടപ്പറമ്പില് ഷാജിമോന് ജേക്കബി (48) നെയാണ് തൊടുപുഴ പോലീസ് അറസ്റ്റു ചെയ്തത്. ആശുപത്രിയിലെ റെക്കോര്ഡ്സ് മുറിയില് വച്ച് കഴിഞ്ഞ മാസം 28 നാണ് ഇതുപതുകാരിയായ യുവതിയെ ഇയാള് മാനഭംഗപ്പെടുത്താന് ശ്രമിച്ചതെന്നു പോലീസ് പറഞ്ഞു. പീഡന ശ്രമത്തിനിടയില് യുവതിയുടെ കൈയ്ക്കു പരുക്കേല്ക്കുകയും ചെയ്തിരുന്നു. യുവതി ആശുപത്രിയിലെ ഇന്റേണല് കംപ്ലയിന്റ് കമ്മിറ്റിക്കു നല്കിയ പരാതിയെതുടര്ന്ന് ചെയര്മാനാണ് പോലീസിനു പരാതി കൈമാറിയത്. വൈദ്യപരിശോധനയ്ക്കു ശേഷം കോടതിയില് ഹാജരാക്കിയ പ്രതിയെ റിമാന്ഡു ചെയ്തു.
Read More