താമരശേരി: ചുങ്കത്ത് വാഹനാപകടത്തില് കാരാട്ട് റസാഖ് എംഎല്എ യുടെ സഹോദരന് മരിച്ചു. കൊടുവള്ളി കാരാട്ട് അഹമ്മദിന്റെ മകന്അപ്പക്കാട്ടില് അബ്ദുല് ഗഫൂര് (46) ആണ് മരിച്ചത്. കൂടെയുണ്ടായിരുന്ന കൊടുവള്ളി സ്വദേശികളായ റഫീഖ്, ഹാരിസ് എന്നിവരെ പരിക്കുകളോടെകോഴിക്കോട്ടെ സ്വകാര്യ ആശുപത്രിയില്പ്രവേശിപ്പിച്ചു. ഇന്ന് പുലര്ച്ചെ മൂന്നിന് താമരശേരി ചുങ്കം ജംഗ്ഷനില് ആയിരുന്നു അപകടം. വയനാട്ടില്നിന്നും വരികയായിരുന്ന ഇവര് സഞ്ചരിച്ച കാറും പാചകവാതക സിലിണ്ടറുകളുമായി പോകുകയായിരുന്ന ലോറിയും കൂട്ടിയിടിക്കുകയായിരുന്നു. ഇടിയുടെ ആഘാതത്തില് കാര് പുര്ണമായും തകര്ന്നു. നട്ടുകാരും യാത്രക്കാരും ചേര്ന്ന് ഇവരെ പുറത്തെടുത്തെങ്കിലും അപ്പോേഴക്കും ഗഫൂര് മരിച്ചിരുന്നു. മൃതദേഹം കോഴിക്കോട് മെഡിക്കല്കോളജ് മോര്ച്ചറിയിലേക്കു മാറ്റി.
Read MoreCategory: Kozhikode
മാറി താമസിച്ചതിനാൽ ജീവൻ തിരിച്ചു കിട്ടി; വിവാദമായ വെറ്റിലപ്പാറ ബ്രിക്സ് ആൻഡ് മെറ്റൽസിനടുത്ത് വീണ്ടും ഉരുൾപൊട്ടൽ; ഒഴിവായത് വൻ ദുരന്തം
മലപ്പുറം: കനത്ത മഴ തുടരുന്ന മലപ്പുറത്തെ ഉൗർങ്ങാട്ടിരിയിൽ ഉരുൾപൊട്ടി. ഓടക്കയം വീട്ടിക്കുണ്ട് മലയിൽ ഉരുൾപൊട്ടലുണ്ടായത്. മലവെള്ളപ്പാച്ചിലിൽ ഈന്തുംപാലി കോളനിയിലേക്കുള്ള റോഡ് തകർന്നു. വിവാദമായ വെറ്റിലപ്പാറ ബ്രിക്സ് ആൻഡ് മെറ്റൽസിനടുത്താണ് ഉരുൾപൊട്ടിയത്. പ്രദേശവാസികൾ മാറിതാമസിച്ചിരുന്നതിനാൽ വൻ ദുരന്തം ഒഴിവായി. ഇക്കഴിഞ്ഞ പ്രളയകാലത്തും മേഖലയിൽ വ്യാപക ഉരുൾപൊട്ടലുണ്ടായിരുന്നു.
Read Moreഹെല്മറ്റ് ഓഫറുമായി ട്രാഫിക് പോലീസ് ; നല്കുന്നത് ഐഎസ്ഐ മുദ്രയുള്ള പുതിയ ഹെല്മെറ്റ് ;ഓഫര് അപകടത്തില്പെട്ട് ഹെല്മറ്റ് തകര്ന്നാല് മാത്രം
കോഴിക്കോട് : ബൈക്കില് നിന്ന് വീണ് ഹെല്മെറ്റ് തകര്ന്നാല് ഇനി വിഷമിക്കേണ്ട… ട്രാഫിക് പോലീസ് പുതിയ ഹെല്മറ്റ് നല്കും… കോഴിക്കോട് സിറ്റി പോലീസാണ് ഫ്രീ ഹെല്മറ്റുമായി രംഗത്തെത്തിയിരിക്കുന്നത്. അതേസമയം കൈയില് നിന്ന് വീണ് പൊട്ടിയാല് പുതിയ ഹെല്മെറ്റ് ലഭിക്കുമെന്ന് കരുതേണ്ട… അപകടത്തില്പെടുന്നവര്ക്ക് മാത്രമായാണ് ഈ ഓഫര് ഒരുക്കിയിരിക്കുന്നത്. കോഴിക്കോട് സിറ്റി പരിധിയില് വച്ച് ശരിയായ രീതിയില് ഹെല്മെറ്റ് ധരിച്ച് അപകടത്തില്പെട്ട് ഹെല്മെറ്റ് പൊട്ടിപോകുന്നവര് തത്സമയം 1099, 9497934724 എന്നീ നമ്പറുകളില് ബന്ധപ്പെടണമെന്നാണ് പോലസ് അറിയിച്ചിരിക്കുന്നത്. ട്രാഫിക് പോലീസില് വിവരമറിയിച്ചാല് ഐസ്ഐ മുദ്രയുള്ള ഹെല്മറ്റ് സൗജന്യമായി നല്കുമെന്നാണ് അറിയിപ്പ്’. പോലീസിന്റെ അറിയിപ്പ് സമൂഹമാധ്യമങ്ങളിലും പ്രചരിക്കുന്നുണ്ട്. റോഡപകടങ്ങള് വര്ധിക്കുന്ന സാഹചര്യത്തിലാണ് ഹെല്മെറ്റ് നിര്ബന്ധമാക്കുന്നതിനായി പോലീസ് വ്യത്യസ്ത മാര്ഗങ്ങള് സ്വീകരിക്കുന്നത്. ഇക്കഴിഞ്ഞ ഓഗസ്റ്റില് നിയമംലംഘിച്ചവര്ക്ക് ബംപര് സമ്മാനവുമായി ട്രാഫിക് പോലീസ് രംഗത്തെത്തിയിരുന്നു. 100 രൂപ പിഴ ഈടാക്കിയ ശേഷമായിരുന്നു ഹെല്മെറ്റ് നല്കിയത്.…
Read Moreമകളോടൊപ്പം വരാന്തയിൽ കിടന്നുറങ്ങിയ യുവാവിനെ തലയ്ക്കടിയേറ്റു മരിച്ച നിലയിൽ; സംഭവത്തിൽ ദുരൂഹത; പോലീസ് മേൽനടപടികൾ സ്വീകരിച്ചു
താനൂർ: താനൂരിൽ യുവാവിനെ ദുരുഹസാഹചര്യത്തിൽ തലയ്ക്കടിയേറ്റു മരിച്ച നിലയിൽ കാണപ്പെട്ടു. അഞ്ചുടി സ്വദേശി പൗറകത്ത് കമ്മുവിന്റെ മകൻ സവാദി (40)നെയാണ് തയ്യാല ഓമച്ചപ്പുഴ റോഡിലെ വാടക ക്വാർട്ടേഴ്സിൽ മരിച്ച നിലയിൽ കാണപ്പെട്ടത്. ബുധനാഴ്ച രാത്രി 12ഓടെ ഇളയ മകളുമായി മുൻവശത്തെ വരാന്തയിലാണ് സവാദ് ഉറങ്ങാൻ കിടങ്ങത്. അടച്ചുറപ്പുള്ള വരാന്തയാണിത്. പുലർച്ചെ രണ്ടയോടെ രക്തത്തിൽ കുളിച്ചു കിടക്കുന്ന നിലയിൽ സവാദിനെ കാണപ്പെടുകയായിരുന്നു. തലയ്ക്കടിയേറ്റിട്ടുണ്ട്. കഴുത്തിനും നെഞ്ചിനുമിടയിൽ ആഴത്തിൽ മുറിവകളും കാണപ്പെട്ടിട്ടുണ്ട്. മരണം കാരണം വ്യക്തമായിട്ടില്ല. ഒരു വർഷം മുന്പാണ് മത്സ്യതൊഴിലാളിയായ സവാദ് ഇവിടെ താമസം ആരംഭിച്ചത്. ഭാര്യ: സൗജത്ത്. മക്കൾ: സജാദ്, ഷർജ ഷെറി, ഷംസ ഷെറി, സജ്സ ഷെറി. വിവരമറിഞ്ഞു തിരൂർ ഡിവൈഎസ്പി ബിജു ഭാസ്കർ, താനൂർ സിഐ എം.ഐ ഷാജി തുടങ്ങിയവർ സംഭവ സ്ഥലം പരിശോധിച്ചു. ഡോഗ് സ്ക്വാഡും വിരലടയാള വിദഗ്ധരും സ്ഥലത്തെത്തി തെളിവുകൾ ശേഖരിച്ചു.…
Read Moreശബരിമല സ്ത്രീപ്രവേശനം; വിശ്വാസികള്ക്ക് പിന്തുണയുമായി ബിജെപിക്ക് പിന്നാലെ ലീഗും; വിശ്വാസികള് സ്വീകരിക്കുന്ന നിലപാടാണ് ലിഗിന്റേതെന്ന് പി.കെ.കുഞ്ഞാലിക്കുട്ടി
കോഴിക്കോട്: ശബരിമല സ്ത്രീ പ്രവേശനത്തില് വിശ്വാസികള്ക്കൊപ്പമാണെന്ന് വ്യക്തമാക്കി മുസ്ലീംലീഗും രംഗത്ത്. വിശ്വാസികളുടെ നിലപാടിനൊപ്പം നില്ക്കുമെന്ന് ബിജെപി പ്രഖ്യാപിച്ചതിനു പിന്നാലെയാണ് ശബരിമല വിഷയത്തില് കോടതിവിധിയെ പരോക്ഷമായി എതിര്ത്ത് മുസ്ലീംലിഗും രംഗത്തെത്തിയത്. ശബരിമല വിശ്വാസികള് എടുക്കുന്ന നിലപാടാണ് ലീഗിന്റേതെന്ന് പി.കെ. കുഞ്ഞാലിക്കുട്ടി എംപി വാര്ത്താസമ്മേളനത്തില് പറഞ്ഞു. യുഡിഎഫ് വിശ്വാസികള്ക്കൊപ്പം നില്ക്കണം. ചില വിശ്വാസങ്ങള് മാനിക്കാതിരിക്കാന് സാധിക്കില്ല. ഇക്കാര്യത്തില് കോടതിയില് സര്ക്കാര് എടുത്ത നിലപാടാണ് പ്രശ്നമായത്. മത വിശ്വാസികള്ക്ക് യോജിക്കാന് കഴിയാത്ത ഒരുപാട് വിധി അടുത്ത കാലത്ത് കോടതി പുറപ്പിടിവിച്ചിട്ടുണ്ട്. അതില് വലിയ ജനവിഭാഗത്തിന് വിയോജിപ്പുണ്ടെന്നും അദ്ദേഹം പറഞ്ഞു. വിശ്വാസികള്ക്കൊപ്പം ജീവന് മരണ പ്രക്ഷോഭത്തിന് ബിജെപി ഉണ്ടാകുമെന്നും സുപ്രീം കോടതി വിധിയുടെ മറവില് ശബരിമലയെ തകര്ക്കാന് അനുവദിക്കില്ലെന്നും സര്ക്കാര് ഓര്ഡിനന്സിറക്കി വിശ്വാസികളുടെ വിശ്വാസം സംരക്ഷിക്കണമെന്നും ബിജെപി സംസ്ഥാന പ്രസിഡന്റ് പി.എസ്. ശ്രീധരന്പിള്ള കഴിഞ്ഞ ദിവസം പറഞ്ഞിരുന്നു. വിശ്വാസികളുെട വികാരം നിലനിര്ത്താന് യുവമോര്ച്ചയും…
Read Moreലാസ്റ്റ് ഗ്രേഡ് സര്വന്റ് പരീക്ഷ; ഒരുവര്ഷം കഴിഞ്ഞിട്ടും ലിസ്റ്റ് പ്രസിദ്ധീകരിക്കാതെ പിഎസ്സി;ആക്ഷേപം ഉന്നയിച്ച് ഉദ്യോഗാർഥികൾ
കോഴിക്കോട്: കമ്പനി,ബോര്ഡ്, കോര്പറേഷന് ലാസ്റ്റ് ഗ്രേഡ് സര്വന്റ് പരീക്ഷയുടെ ലിസ്റ്റ് വൈകിപ്പിക്കുന്നതായി ആക്ഷേപം. 2017 -മെയ് അവസാനവാരമാണ് തസ്തികയിലേക്ക് അപേക്ഷ ക്ഷണിച്ചത്. 2017 ഒക്ടോബറില് രണ്ട് ഘട്ടമായി പരീക്ഷ നടത്തി ( കാറ്റഗറി-നമ്പര് 113/2017). എന്നാല് എഴുത്തു പരീക്ഷ കഴിഞ്ഞു ഒരു വര്ഷം കഴിഞ്ഞിട്ടും മുന് റാങ്ക് പട്ടികയുടെ കാലാവധി ഒന്നര വര്ഷം കഴിഞ്ഞിട്ട് പോലും ഷോര്ട് ലിസ്റ്റ് പ്രസിദ്ധികരിക്കാന് പിഎസ്സി തയാറാകുന്നില്ലെന്നാണ് ആക്ഷേപം. ഇതിനെതിരെ ചെയര്മാന് അടക്കം ഉദ്യോഗാര്ഥികള് പല നിവേദനങ്ങളും പരാതികളും കൊടുത്തിട്ടും അവഗണിക്കുകയാണെന്നു ഉദ്യോഗാര്ഥികള് പറയുന്നു. വിവിധ കമ്പനി, ബോര്ഡ്, കോര്പറേഷന് നാനൂറില് പരം ഒഴിവുകള് ഇപ്പോള് റിപ്പോര്ട്ട് ചെയ്യപ്പെട്ടിട്ടുണ്ട്. റാങ്ക്ലിസ്റ്റ് നിലവില് ഇല്ലാത്തതിനാല് ആണ് ഒഴിവുകള് റിപ്പോര്ട്ട് ചെയ്യാത്തത് എന്നാണു വിവരവകാശം വഴി വിവിധ കമ്പനി ബോര്ഡ് കോര്പറേഷനില്നിന്നും ഉദ്യോഗാര്ഥികള്ക്ക് കിട്ടിയ മറുപടി. ഇതിനു മുന്പുള്ള ലിസ്റ്റില് നിന്നും 2,589 പേരെ…
Read Moreമന്ത്രി ടി.പി.രാമകൃഷ്ണന്റെ രാജി ആവശ്യപ്പെട്ട് നടത്തിയ യൂത്ത് കോണ്ഗ്രസിന്റെ എക്സൈസ് ഓഫീസ് മാര്ച്ചില് സംഘര്ഷം
കോഴിക്കോട്: ബിയര് ഉല്പാദനശാലയ്ക്ക് ഭൂമി നല്കിയതുമായി ബന്ധപ്പെട്ട് ജുഡീഷ്യല് അന്വേഷണം നടത്തുക, മന്ത്രി ടി.പി.രാമകൃഷ്ണന് രാജിവയ്ക്കുക എന്നീ ആവശ്യങ്ങളുന്നയിച്ച് യൂത്ത് കോണ്ഗ്രസ് പ്രവര്ത്തകര് എക്സൈസ് ഓഫീസിലേക്ക് നടത്തിയ മാര്ച്ചില് നേരിയ സംഘര്ഷം. എരഞ്ഞിപ്പാലത്തുനിന്നും 11.45-ന് ആരംഭിച്ചമാര്ച്ച് സിവില്സ്റ്റേഷന് രണ്ടാം ഗേറ്റിന് സമീപത്ത് വച്ച് പോലീസ് തടഞ്ഞു. ബാരിക്കേഡുകള് തള്ളിമാറ്റാന് ശ്രമിച്ച പ്രവര്ത്തകര്ക്കുനേരെ പോലീസ് ഇരട്ടജലപീരങ്കി ഉപയോഗിച്ചു. പോലീസിന് നേരെ ഒരുവിഭാഗം പ്രവര്ത്തകര് കല്ലേറ് നടത്തി. അറുപതോളം വരുന്ന പ്രവര്ത്തകരാണ് മാര്ച്ച് നടത്തിയത്. കെപിസിസി ജനറല് സെക്രട്ടറി എന്.സുബ്രമഹ്ണ്യന് ഉദ്ഘാടനം ചെയ്തു. യൂത്ത് കോണ്ഗ്രസ്. ജോ. സെക്രട്ടറി ആദം മുന്സി, യൂത്ത് കോണ്ഗ്രസ് കോഴിക്കോട് പാര്ലമെന്റ് കമ്മിറ്റി പ്രസിഡന്റ് ജെയ്സണ് അത്തോളി, സെക്രട്ടിറമാരായ സി.വി. ജിതേഷ്, എം.ധനീഷ് ലാല്, ആര്.സഫിന്, എന്നിവര് പ്രസംഗിച്ചു.
Read Moreപ്രളയം തകർത്തെറിഞ്ഞ കാഞ്ഞിരപ്പുഴയുടെ തീരങ്ങളിൽ ശുചിത്വ പ്രവർത്തനങ്ങളുമായി വിദ്യാർഥികൾ
നിലന്പൂർ: പ്രളയം തകർത്തെറിഞ്ഞ ചാലിയാർ പഞ്ചായത്തിലെ കാഞ്ഞിരപ്പുഴയുടെ തീരങ്ങളിൽ നൂറുകണക്കിന് വിദ്യാർഥികൾ ശുചീകരണം നടത്തി. കാലിക്കട്ട് യൂണിവേഴ്സിറ്റിയുടെ കീഴിലുള്ള 60 കോളജുകളിലെ 400 ഓളം എൻഎസ്എസ് വോളണ്ടിയർമാരാണ് ഏറെ നാശനഷ്ടം ഉണ്ടായ മതിൽമൂല കോളനിക്ക് സമീപം ശുചീകരണത്തിൽ പങ്കെടുത്തത്. അകന്പാടം ഫോറസ്റ്റ് സ്റ്റേഷന് മുന്നിൽ ജില്ലാ പ്രോഗ്രാം കോ-ഓർഡിനേറ്റർ എം.പി.സമീറയുടെ നേതൃത്വത്തിൽ നടന്ന കൂടിയാലോചനയ്ക്ക് ശേഷമാണ് സംഘം പ്രളയഭൂമിയിലെത്തിയത്. കാഞ്ഞിരപ്പുഴയുടെ ഓരങ്ങളിൽ അടിഞ്ഞുകൂടിയ മാലിന്യങ്ങൾ നീക്കം ചെയ്തു. ചാലിയാർ പഞ്ചായത്തിലെ ഹരിതസേന, എക്സൈസ്, വനം വകുപ്പ്, ആരോഗ്യവകുപ്പ്, പഞ്ചായത്ത്, ജനപ്രതിനിധികൾ, നാട്ടുകാർ എന്നിവരും കുട്ടികൾക്കൊപ്പം ചേർന്നു. ശേഖരിച്ച മാലിന്യങ്ങൾ പഞ്ചായത്തിന്റെ പദ്ധതിയായ ക്ലീൻ ചാലിയാറിന് കൈമാറി. മണ്ണുപ്പാടം, അകന്പാടം, കാഞ്ഞിരപ്പടി റോഡിൽ വനമേഖലയും നിലന്പൂർ-നായാടംപൊയിൽ മലയോരപാതയും ശുചീകരിച്ചു. പഞ്ചായത്ത് പ്രസിഡന്റ് പി.ടി.ഉസ്മാൻ, വൈസ് പ്രസിഡന്റ് എം.ടി.ലസ്ന, തോണിക്കടവൻ ഷൗക്കത്ത്, എക്സൈസ് റേഞ്ച് ഇൻസ്പെക്ടർ കെ.ടി. സജിമോൻ, ഡെപ്യൂട്ടി…
Read Moreനീല വേണ്ട! ഇനി ടൂറിസം പോലീസിനും കാക്കി യൂണിഫോം; നീല മാറി കാക്കിയാവുന്നത് 15 മുതല്
കോഴിക്കോട്: വിനോദസഞ്ചാരമേഖലയുടെ ചുമതലയ്ക്കായി നിയോഗിച്ചിട്ടുള്ള ടൂറിസം പോലീസും കാക്കി അണിയണമെന്ന് ഡിജിപി. നീലനിറത്തിലുള്ള ഷര്ട്ടിന് പകരം കാക്കി ഷര്ട്ട് തന്നെ ധരിക്കണമെന്ന് ഡിജിപി ലോക്നാഥ് ബഹ്റ ഉത്തരവിറക്കി. ഇതോടെ കാക്കി നിറത്തിലുള്ള പാന്റ്സും നീല നിറത്തിലുള്ള ഷര്ട്ടും ധരിച്ചിരുന്ന ടൂറിസം പോലീസ് പൂര്ണമായും കാക്കിയിലേക്ക് മാറും. പരിഷ്കരിച്ച യൂണിഫോം ഒക്ടോബർ15 മുതല് നടപ്പിലാവും. കാക്കി നിറത്തിന് പ്രാധാന്യമുള്ള യൂണിഫോം ടൂറിസം പോലീസിനും ലഭ്യമാക്കണമെന്ന ആവശ്യം പരിഗണിച്ചാണ് ഡിജിപി പുതിയ യൂണിഫോം രൂപകല്പന ചെയ്തത്. അതേസമയം സാധാരണ പോലീസുകാരുടേതില് നിന്ന് ടൂറിസം പോലീസിനെ വ്യത്യസ്തമാക്കും വിധത്തിലാണ് പുതിയ യൂണിഫോമും തയാറാക്കിയിരിക്കുന്നത്. നിലവിലുള്ള നീല ഷര്ട്ടിന് പകരം കാക്കി ഷര്ട്ട് ധരിക്കണമെന്നാണ് നിര്ദേശം . ഈ ഷര്ട്ടിന്റെ ഇടതു കൈയില് കേരള പോലീസ് എന്നും വലതുകൈയില് ടൂറിസം പോലീസ് എന്നും രേഖപ്പെടുത്തിയ ബാഡ്ജ് തുന്നിച്ചേര്ക്കും. ഷര്ട്ടിനു പുറമേ കറുത്ത നിറത്തിലുള്ള…
Read Moreമാവോയിസ്റ്റുകൾക്കെതിരേ വാണ്ടഡ് നോട്ടീസുമായി എന്ഐഎ; പിടികൂടാന് സഹായിക്കുന്നവര്ക്ക് രണ്ടു ലക്ഷം പാരിതോഷികം
കോഴിക്കോട്: മാവോയിസ്റ്റ് നേതാക്കള്ക്കെതിരേ വാണ്ടഡ് നോട്ടീസുമായി എന്ഐഎ. വെള്ളമുണ്ട മാവോയിസ്റ്റ് കേസിലെ പ്രതികളായ ദക്ഷിണ കന്നടബെല്ത്തങ്ങാടി കുത്തല്ലുര് വില്ലേജില് കൊട്ടയന്റടക്ക ഹൗസില് സുന്ദരി( ഗീത, സിന്ധു-മറ്റുപേരുകള്), റായ്പുര് അറോളി വില്ലേജില് കുരു ടീമനെ റോഡില് അംബേദ്ക്കര്കോളനി സ്വദേശി മഹേഷ്, ജയണ്ണ, ജോണ്,മാരപ്പ (ഒരേ ആള്) എന്നിവര്ക്കെതിരേയാണ് പോലീസ് ചിത്രങ്ങളടക്കം നോട്ടീസ് പുറപ്പെടുവിച്ചിരിക്കുന്നത്. ഇവരെ പിടികൂടാന് സഹായിക്കുന്നവര്ക്ക് രണ്ടരലക്ഷം പാരിതോഷികവും പ്രഖ്യാപിച്ചിട്ടുണ്ട്. ഇവര്ക്കായി സംസ്ഥനത്തുടനീളം പോസ്റ്ററുകള് പതിപ്പിച്ചിട്ടുണ്ട്. എന്ഐഎ കോടതി ഇവക്കായി അറസ്റ്റ് വാറണ്ട് പുറപ്പെടുവിച്ചിട്ടുണ്ട്. വിവരങ്ങള് നല്കുന്നവരുടെ പേരുവിവരങ്ങള് രഹസ്യമായി സൂക്ഷിക്കും. ഇവരെ തിരിച്ചറിയുന്നവര്ക്ക് 0484-2349344, 9496533777, 9497715294 എന്നീ നമ്പറുകളില് ബന്ധപ്പെടാമെന്ന് പോലീസ് അറിയിച്ചു.
Read More