കൊണ്ടോട്ടി: കരിപ്പൂർ വിമാനത്താവളത്തിൽ വിമാനം ഇറങ്ങുന്നതിനിടെ റണ്വേയിൽ നിന്നു തെന്നിമാറി വൻ ദുരന്തമൊഴിവായി. ഇന്നു രാവിലെ എട്ടിനു ബംഗളൂരൂവിൽ നിന്നെത്തിയ സ്പൈസ്ജെറ്റ് വിമാനമാണ് റണ്വേയിൽ നിന്നു അകന്നു പോയത്. വിമാനത്തിൽ 60 യാത്രക്കാരുണ്ടായിരുന്നു. ആർക്കും അപായമൊന്നുമില്ല. വിമാനം റണ്വേ വിട്ടതോടെ സുരക്ഷാ ഉദ്യോഗസ്ഥരെത്തി. അഗ്നിശമനസേനയും രംഗത്തെത്തി. തുടർന്നു വിമാനം സുരക്ഷിതസ്ഥാനത്തേക്കു മാറ്റി. വിമാനം ഇറങ്ങിയശേഷം റണ്വേയിൽ നിന്നു ഇടതുഭാഗത്തേക്കാണ് തെന്നി നീങ്ങിയത്. റണ്വേയുടെ വശങ്ങൾ തിരിച്ചറിയാനായി സ്ഥാപിച്ചിരുന്ന ലൈറ്റുകൾ അപകടത്തിൽ തകർന്നിട്ടുണ്ട്. സംഭവത്തെക്കുറിച്ചു പൈലറ്റിനോടു വിവരങ്ങൾ തേടിയിട്ടുണ്ട്. വിമാനത്തിനു കേടുപാടുകളൊന്നും സംഭവിച്ചിട്ടില്ലെന്നാണ് പ്രാഥമിക പരിശോധനയിൽ വ്യക്തമാകുന്നത്. കൂടുതൽ പരിശോധനകൾ നടന്നുവരികയാണ്. ഉന്നത ഉദ്യോഗസ്ഥരും കരിപ്പൂരിലെത്തുന്നുണ്ട്.
Read MoreCategory: Kozhikode
ലോക്കപ്പ് മർദനത്തിനെതിരെ സിപിഎമ്മിന്റെ പേരിൽ വടകരയിൽ പോസ്റ്ററുകൾ; ലോക്കപ്പ് മർദനം എൽഡിഎഫ് നയമല്ലെന്നും എസ്ഐയുടെ വിളയാട്ടം അവസാനിപ്പിക്കണമെന്നുമാണ് പോസ്റ്റർ
വടകര: ലോക്കപ്പ് മർദനത്തിനെതിരെ സിപിഎമ്മിന്റെ പേരിൽ വടകരയിൽ പോസ്റ്ററുകൾ. വടകര എസ്ഐയെ പേരെടുത്ത് വിമർശിച്ചാണ് പോസ്റ്റർ പ്രത്യക്ഷപ്പെട്ടിരിക്കുന്നത്. ലോക്കപ്പ് മർദനം എൽഡിഎഫ് നയമല്ലെന്നും എസ്ഐ സനൽരാജിന്റെ വിളയാട്ടങ്ങൾ അവസാനിപ്പിക്കണമെന്നും പോസ്റ്ററിൽ പറയുന്നു. നഗരത്തിന്റെ പല ഭാഗത്തും പോസ്റ്ററുകൾ പതിച്ചിട്ടുണ്ട്. ഈയിടെ കോട്ടപ്പള്ളി കണ്ണന്പത്തുകരയിൽ നിന്നു പിടികൂടിയ സിപിഎം പ്രവർത്തകരെ എസ്ഐ മർദിച്ചതാണ് ഇതിനു പിന്നിലെന്നു കരുതുന്നു.
Read Moreരാത്രികാലങ്ങളിലെ കോളജ് ക്യാന്പസിലെ വഴിവിട്ട പ്രവർത്തനം ചോദ്യം ചെയ്ത യൂത്ത് ലീഗ് പ്രവർത്തകന് ക്രൂരമർദനം; തന്നെ മർദിച്ചത് എസ്എഫ്ഐക്കാരാണ് സഹീർ
വടകര: മടപ്പള്ളി കോളജിനു സമീപത്തെ ഓട്ടോ തൊഴിലാളിയും എസ്ടിയു, യൂത്ത് ലീഗ് പ്രവർത്തകനുമായ മീത്തലെ കോറോത്ത് സഹീറിനെ ഓട്ടം വിളിച്ച് ക്രൂരമായി മർദിച്ചതായി പരാതി. മടപ്പള്ളി കോളേജ് ഗ്രൗണ്ടിൽ വെച്ചാണ് ഒരു കൂട്ടം എസ്എഫ്ഐക്കാർ സഹിറിനെ അക്രമിച്ച് പരിക്കേൽപിച്ചത്. ഇദ്ദേഹത്തെ ജില്ലാ ആശുപത്രിയിൽ പ്രവേശിപ്പിച്ചു. കോളജിനു തൊട്ടടുത്ത് താമസിക്കുന്ന സഹീർ രാത്രി കാലങ്ങളിൽ കോളജ് ക്യാന്പസിൽ തങ്ങുന്നവരുടെ വഴിവിട്ട പ്രവർത്തനത്തെ ചോദ്യം ചെയ്തിരുന്നു. ഇതിന്റെ വൈരാഗ്യമാണ് ആക്രമണ ത്തിന് കാരണമെന്നു കരുതുന്നു.പ്രതികളെ ഉടൻ പിടികൂടണമെന്ന് യൂത്ത് ലീഗ് ആവശ്യപ്പെട്ടു. ജില്ലാ ആശുപത്രിയിൽ കഴിയുന്ന സഹീറിനെ പ്രസിഡന്റ് ഷുഹൈബ് കുന്നത്ത്, ജനറൽ സിക്രട്ടറി എം.ഫൈസൽ, അഫ്നാസ് ചോറോട്, റഫീഖ് പി.ടി.കെ, അനസ്.കെ, സഫീർ മാളിയേക്കൽ, മുനീർ സേവന,യൂനുസ് ആവിക്കൽ തുടങ്ങിയവർ സന്ദർശിച്ചു.
Read Moreതാമസമെന്തേ വരുവാൻ..! സ്കൂൾ വിദ്യാർഥിനികൾക്ക് ആർത്തവ സമയത്ത് ആവശ്യമായ നാപ്കിനുകൾ സ്കൂളുകളിൽനിന്നുതന്നെ ലഭ്യമാക്കുന്നതിനായി ആരംഭിച്ച ഷീ പാഡ് പദ്ധതി വൈകുന്നു
കോഴിക്കോട്: സ്കൂൾ വിദ്യാർഥിനികൾക്ക് ആർത്തവ സമയത്ത് ആവശ്യമായ നാപ്കിനുകൾ സ്കൂളുകളിൽനിന്നുതന്നെ ലഭ്യമാക്കുന്നതിനായി ആരംഭിച്ച ഷീ പാഡ് പദ്ധതി വൈകുന്നു. സംസ്ഥാനത്തെ സർക്കാർ, എയ്ഡഡ് സ്കൂളുകളിലെ ആറു മുതൽ പ്ളസ് ടു വരെയുള്ള ക്ളാസുകളിലെ ഒരു ലക്ഷത്തോളം പെൺകുട്ടികൾക്ക് വേണ്ടി സംസ്ഥാന സർക്കാരിന്റെ നേതൃത്വത്തിൽ സംസ്ഥാന വനിതാവികസന കോർപറേഷന്റെ മേൽനോട്ടത്തിൽ ആരംഭിച്ച പദ്ധതിയാണ് ഷീ പാഡ്. 2017 അധ്യയനവർഷത്തോടെ ആരംഭിക്കണമെന്ന ഉദ്ദേശ്യത്തോടെയാണ് പദ്ധതിക്ക് രൂപം നൽകിയത്. എന്നാൽ, അധ്യയനവർഷം ആരംഭിച്ച് രണ്ടു മാസം പിന്നിട്ടിട്ടും പദ്ധതി പ്രാബല്യത്തിൽ വന്നിട്ടില്ല. പദ്ധതിയുടെ ടെൻഡർ ഏറ്റെടുത്ത കമ്പനിയുമായി ഉണ്ടായ സാങ്കേതിക തടസങ്ങളാണ് പദ്ധതി വൈകാൻ പ്രധാന കാരണം. പദ്ധതിയുടെ വിജയപരീക്ഷണാർത്ഥം പൈലറ്റ് പദ്ധതി എന്ന നിലയ്ക്ക് രണ്ട് വർഷം മുമ്പ് തിരുവനന്തപുരത്ത് നൂറ്റമ്പതോളം സ്കൂളുകളിൽ നാപ്കിൻ വെൻഡിംഗ് യന്ത്രങ്ങൾ സ്ഥാപിച്ചു. ഇന്റിമേറ്റ് എന്ന കമ്പനിയാണ് പൈലറ്റ് പദ്ധതിയുടെ കരാർ ഏറ്റെടുത്തത്. എന്നാൽ,…
Read Moreഇത്തവണ ഓണത്തിന് കൈപൊള്ളില്ല..! ഓണക്കാലത്ത് അരി കിലോയ്ക്ക് 23 മുതൽ 25വരെ; ഒരു കുടുംബത്തിന് വേണ്ടതെല്ലാം ഒരു കിറ്റിലൊതുക്കി ഓണ ബാസ്ക്കറ്റുമായി കൺസ്യൂമർ ഫെഡ്
കോഴിക്കോട്: ഇത്തവണ ഓണത്തിന് കൈപൊള്ളില്ല, കീശ കാലിയാകുകയുമില്ല. വിലക്കുറവിൽ സാധനങ്ങൾ വിപണിയിലെത്തിക്കാൻ കണ്സ്യൂമർഫെഡ് സംസ്ഥാനത്തെ സഹകരണ സ്ഥാപ്യൂങ്ങളുമായി ചേർന്ന് ഓണച്ചന്തകൾ തുടങ്ങുന്നു. ഓഗസ്റ്റ് 25ന് ആരംഭിക്കുന്ന ഓണച്ചന്തകൾ സെപ്റ്റംബർ മൂന്നുവരെ തുടരും. ആഘോഷാവസരങ്ങളിലെ വിലവർധനവ് തടയുന്നതിനായി പ്രത്യേക ഓണച്ചന്തകൾ സ്ഥാപിക്കാൻ സർക്കാർ കണ്സ്യൂമർ ഫെഡിന് 60കോടി രൂപ സബ്സിഡി അനുവദിച്ചതായി കണ്സ്യൂമർ ഫെഡ് ചെയർമാൻ എം. മെഹബൂബ് വാർത്താ സമ്മളനത്തിൽ പറഞ്ഞു. 2017ലെ ഓണം കണ്സ്യൂമർ ഫെഡിനൊപ്പം എന്ന ശീർഷകവുമായി നടത്തുന്ന ചന്തകൾ വിപണിയിലെ വിലക്കയറ്റത്തെ ഒരു പരിധിവരെ പിടിച്ചു നിർത്തുന്നതായിരിക്കുമെന്ന് മെഹ്ബൂബ് പറഞ്ഞു. ജയ അരി, കുറുവ അരി, കുത്തരി, പച്ചരി, പഞ്ചസാര, വെള്ളിച്ചെണ്ണ, ചെറുപയർ, കടല, ഉഴുന്ന്, വൻപയർ, തുവരപ്പരിപ്പ്, മുളക്, മല്ലി തുടങ്ങി 13 സബ്സിഡി ഇനങ്ങൾ ഉൾപ്പെടെ തെരഞ്ഞെടുത്ത 38 ഇനം സാധനങ്ങളാണ് ഓണചന്തകളിൽ ലഭ്യമാകുക. സംസ്ഥാനത്തെ 961 പഞ്ചായത്തുകളിൽ 2575…
Read Moreആരോഗ്യമന്ത്രി അറിയാൻ..! മെഡിക്കൽ കോളജിൽ നിർധന രോഗികൾക്ക് കുറഞ്ഞ ചിലവിൽ താമസിക്കാൻ തയാറാക്കിയ സംരക്ഷണ കേന്ദ്രം സംരക്ഷണമില്ലാതെ നശിക്കുന്നു
കോഴിക്കോട്: നിർധനരോഗികൾക്ക് കുറഞ്ഞചിലവിൽ താമസിക്കാൻ തയ്യാറാക്കിയ സംരക്ഷണകേന്ദ്രം സംരക്ഷണമില്ലാതെ നശിക്കുന്നു. ദിവസേന മെഡിക്കൽ കോളജിലെത്തേണ്ടി വരുന്ന രോഗികൾക്ക് യാത്ര ഒഴിവാക്കി കുറഞ്ഞചിലവിൽ താമസിക്കാനാണ് കേന്ദ്രം ഒരുക്കിയത്. കിഡ്നി, കാൻസർ ബാധിതരായ രോഗികൾക്ക് ദിവസേന ആശുപത്രിയിലെത്തേണ്ടി വരും. അത്തരക്കാർ ഇവിടെയാണ് രാത്രി കിടക്കുന്നത്.45 സ്ത്രീകൾക്കും 50 പുരുഷൻമാർക്കും താമസിക്കാനുള്ള വാർഡുകളാണ് ഇവിടെയുള്ളത്. ഒരാളിൽ നിന്നും 20രൂപയാണ് ഈടാക്കുന്നത്. സ്വകാര്യ സ്ഥാപനങ്ങളിൽ 300 രൂപമുതൽ മുകളിലേക്കാണ് തുക എന്നതിനാൽ സംരക്ഷണകേന്ദ്രം രോഗികൾക്ക് അനുഗ്രഹമാണ്. ആശുപത്രി വികസന സമിതിയാണ് കേന്ദ്രം നടത്തുന്നത്. കെട്ടിടം പണിതു എന്നല്ലാതെ ദൈന്യംദിനകാര്യങ്ങൾ ഇവർ ശ്രദ്ധിക്കാറില്ല. മെഡിക്കൽ കോളേജിലെ ഏറ്റവും താഴെ കിടക്കുന്നതിനാൽ മുകളിൽ നിന്നും ഒലിച്ചിറങ്ങുന്ന മലിന ജലം ഇവിടെയാണ് എത്തിച്ചേരുക. മലിനജലം ഒലിച്ചിറങ്ങി കിണർ ഉപയോഗശൂന്യമായി. ജനലുകളും വാതിലും തകർന്നു. തണുപ്പ് കയറാതിരിക്കാൻ കാർബോഡ് ഷീറ്റ് വെച്ച് താൽകാലികമായി അടച്ച നിലയിലാണ്. വാർഡുകളിൽ പല…
Read Moreകടക്ക് പുറത്ത്..! ധാർഷ്ട്യം മാത്രം കൈമുതലുള്ളയാണ് മുഖ്യമന്ത്രി; ധിക്കാരിയും സ്വേഛാധിപതിയുമായ ഒരാൾക്ക് ഒരിക്കലും ഒരു നല്ല കമ്മ്യൂണിസ്റ്റ് ആവാൻ കഴിയില്ലെന്ന് കെ കെ രമ രാഷ്ട്രദീപികയോട്…
കോഴിക്കോട്: മുഖ്യമന്ത്രി പിണറായി വിജയൻ മാധ്യമങ്ങളെ ഭയക്കുന്നത് എന്തിനാണെന്ന് വ്യക്തമാക്കണമെന്ന് ആർഎംപിഐ സംസ്ഥാന സെക്രട്ടേറിയറ്റ് അംഗം കെ.കെ. രമ. കേരള ചരിത്രത്തിൽ ആദ്യമായാണ് മാധ്യമങ്ങളെ ഇത്രയേറെ ഭയക്കുന്ന മുഖ്യമന്ത്രിയുണ്ടാകുന്നതെന്നും രമ ’രാഷ്ട്ര ദീപിക’യോട് പറഞ്ഞു. മാധ്യമങ്ങളെ മാത്രമല്ല ജനങ്ങളെയും ജനകീയ പ്രതിരോധങ്ങളെയും ഭയക്കുന്ന മുഖ്യമന്ത്രിയാണ് ഇന്ന് സംസ്ഥാനം ഭരിക്കുന്നത്. ധാർഷ്ട്യം മാത്രം കൈമുതലായുള്ള മുഖ്യമന്ത്രിയെ സഹിക്കേണ്ട ഗതികേട് കേരളത്തിനില്ലെന്നും രമ പറഞ്ഞു. മുഖ്യമന്ത്രി പിണറായി വിജയൻ ഒരിക്കലും ഒരു കമ്യൂണിസ്റ്റല്ല. ധിക്കാരിയും സ്വേഛാധിപതിയുമായ ഒരാൾക്ക് ഒരിക്കലും ഒരു നല്ല കമ്മ്യൂണിസ്റ്റ് ആവാൻ കഴിയില്ല. ഒരു കമ്മ്യൂണിസ്റ്റിന്റെ സംസാരവും പെരുമാറ്റവും വിനയത്തോടെയാവണം. കമ്മ്യൂണിസ്റ്റ് ഭരണാധികാരികൾ സമൂഹത്തിന് മാതൃകയാകണമെന്നാണ് കമ്മ്യൂണിസ്റ്റ് ചിന്തകർ പറയുന്നത്. എന്നാൽ പിണറായി വിജയനും സിപിഎം നേതാക്കൾക്കും ഒരിക്കലും വിനയത്തോടെ പെരുമാറാൻ സാധിക്കില്ല. സിപിഎമ്മിലെ എല്ലാ നേതാക്കളും ധിക്കാരപരമായ പെരുമാറ്റമാണ് കാഴ്ചവയ്ക്കാറുള്ളത്. തങ്ങൾ മാത്രമാണ് ശരിയെന്ന നിലപാടിലാണ്…
Read Moreഇനിയാരേയും നഷ്ടമാകരുത് ..! അപകട സാധ്യതയുള്ള കടവുകളിൽ മുന്നറിയിപ്പ് ബോർഡ് സ്ഥാപിച്ച് പോലീസും വിദ്യാർഥികളും; കെഎം സ്കൂളിന്റെ സഹായത്തോടെയാണ് ബോർഡ് സ്ഥാപിച്ചത്
ചങ്ങരംകുളം: മഴക്കാലമായതോടെ അപകട സാധ്യതയുള്ള കടവുകളിൽ മുന്നറിയിപ്പ് ബോർഡുകളുകളുമായി പോലീസും വിദ്യാർഥികളും രംഗത്ത്. പെരുന്പടപ്പ് സ്റ്റേഷൻ പരിതിയിൽ കഴിഞ മാസം തുടർച്ചയായ രണ്ട് ദിവസങ്ങളിൽ രണ്ട് യുവാക്കൾ മുങ്ങി മരിച്ചിരുന്നു. മാറഞ്ചേരി സ്വദേശി അനന്തുരാജ്,ചെറുവല്ലൂർ സ്വദേശി അജ്മൽ എന്നിവരാണ് വെള്ളക്കെട്ടുകളിൽ മുങ്ങി മരിച്ചത്. നന്നായി നീന്തൽ അറിയുന്ന യുവാക്കൾ ആണ് കടവുകളിൽ മുങ്ങി മരിച്ചത് എന്നത് കൊണ്ട് തന്നെ അടിയൊഴുക്കുള്ള കടവുകളിൽ കുളിക്കാനിറങ്ങുന്ന വിദ്യാർഥികൾ ജാഗ്രത പാലിക്കണമെന്ന മുന്നറിയിപ്പുമായാണ് പെരുന്പടപ്പ് സ്റ്റേഷൻ അതിർത്തിയിലെ പോലീസും സ്റ്റുഡൻസ് പോലീസും ചേർന്ന് അപകടം വിതക്കുന്ന കടവുകളിൽ മുന്നറിയിപ്പ് ബോർഡ് സ്ഥാപിച്ചത്. കെഎം സ്കൂളിന്റെ സഹായത്തോടെ അപകടം നടന്ന രണ്ട് കടവുകളിലും പെരുന്പടപ്പ് എസ്ഐ വിനോദ് വലിയാട്ടേലിന്റെ നേതൃത്വത്തിൽ കഴിഞ്ഞ ദിവസം മുന്നറിയിപ്പ് ബോർഡ് സ്ഥാപിച്ചു.
Read Moreഇവന്മാരൊരു വല്ലാത്ത ശല്യമാ..! ആണ്കുട്ടികളെ പ്രകൃതിവിരുദ്ധ പീഡനത്തിനിരയാക്കാൻ ശ്രമിച്ച കർണാടക സ്വദേശി അറസ്റ്റിൽ; കുട്ടികൾ അധ്യാപകരോട് വിവരം പറഞ്ഞതി നെ തുടർന്നാണ് സംഭവം പുറത്തറിഞ്ഞത്
വെള്ളമുണ്ട: ഒന്നിലും മൂന്നിലും പഠിക്കുന്ന ആണ്കുട്ടികളെ പ്രകൃതിവിരുദ്ധ പീഡനത്തിനിരയാക്കാൻ ശ്രമിച്ച കർണാടക സ്വദേശിയായ വൃദ്ധനെ റിമാൻഡ് ചെയ്തു. ഇയാളെ നാട്ടുകാർ പിടികൂടി പോലീസിലേൽപ്പിക്കുകയായിരുന്നു. കർണാടക അന്തർസന്ത സ്വദേശിയായ സണ്ണയ്യ(68)യെയാണ് വെള്ളമുണ്ട പോലീസിലേൽപ്പിച്ചത്. സ്കൂൾ വിട്ടുപോവുകയായിരുന്ന വിദ്യാർഥികളെ ഇയാൾ പീഡിപ്പിക്കാൻ ശ്രമിക്കുകയായിരുന്നു. വിദ്യാർഥികൾ വിവരം രക്ഷിതാക്കളെയും അധ്യാപകരെയും അറിയിച്ചതിനെതുടർന്ന് നടത്തിയ അന്വേഷണത്തിലാണ് പ്രതി തരുവണയിൽ പീടികത്തിണ്ണയിൽ താമസിച്ചു വരുന്ന വൃദ്ധനാണെന്ന് ബോധ്യമായത്. തുടർന്ന് ഇയാളെ പിടികൂടുന്നതിനായി പോലീസ് സഹായം തേടുന്നതിനിടെ ഇയാൾ രക്ഷപ്പെടുകയായിരുന്നു. നാട്ടുകാർ നടത്തിയ തെരച്ചിലിൽ ദ്വാരകയിൽനിന്നാണ് ഇയാളെ പിടികൂടിയത്. ഇയാൾക്കെതിരെ പോക്സോ വകുപ്പ് പ്രകാരം കേസെടുത്തു. കോടതിയിൽ ഹാജരാക്കിയ ഇയാളെ റിമാൻഡ് ചെയ്യുകയായിരുന്നു.
Read Moreഒരു ദുരന്തം ഒഴിവാക്കാം..! നൂറുകണക്കിന് വിദ്യാഥികൾ പഠിക്കുന്ന സസ്കൂൾ മുറ്റത്തെ ഉണങ്ങിയ മരം മുറിച്ചു മാറ്റാൻ അധികൃതർ തയാറാകുന്നില്ലെന്ന് പരാതി; സ്കൂളിന് ഫിറ്റ്നസ് സർട്ടിഫിക്കറ്റ് നൽകി അധികൃതരും
നാദാപുരം: കല്ലാച്ചി ഗവ. യുപി സ്കൂൾ മുറ്റത്തെ ഉണങ്ങിയ മരം അധ്യായന വർഷം തുടങ്ങിയിട്ടും മുറിച്ചില്ല.സ്കൂൾ നവീകരച്ച് പുതിയ കെട്ടിടത്തിൽ പ്രവർത്തനം ആരംഭിച്ചെങ്കിലും സ്കൂൾ മുറ്റത്തെ ഉണങ്ങിയ മരം മുറിച്ച് മാറ്റാൻ അധികൃതർ തയ്യാറായില്ല. പ്രീ പ്രൈമറി മുതൽ ഏഴുവരെയുള്ള നൂറ് കണക്കിന് വിദ്യാർഥികൾ ഈ മരത്തിന് സമീപത്തുകൂടിയാണ് നടക്കുന്നത്. അധ്യായന വർഷം ആരംഭിക്കുന്നതിന് മുൻപ് എൽഎസ്ജി ഡിപ്പാർട്ട്മെന്റ് എൻജിനീയർ സ്കൂൾ സന്ദർശിച്ച് ഫിറ്റ്നസ് സർട്ടിഫിക്കറ്റ് കൊടുക്കണമെന്നാണ് ചട്ടം. സ്കൂൾ കെട്ടിടം ക്ലാസ്പ്രവർത്തിക്കാൻ അനുയോജ്യമാണെന്നും പരിസരത്ത് അപകട ഭീഷണി ഉയർത്തുന്ന മരങ്ങളും ഇല്ലെന്നും ഉറപ്പ് വരുത്തിയാണ് സർട്ടിഫിക്കറ്റ് നൽകുന്നത്.
Read More