വടകര: ലോക്കപ്പ് മർദനത്തിനെതിരെ സിപിഎമ്മിന്‍റെ പേരിൽ വടകരയിൽ പോസ്റ്ററുകൾ. വടകര എസ്ഐയെ പേരെടുത്ത് വിമർശിച്ചാണ് പോസ്റ്റർ പ്രത്യക്ഷപ്പെട്ടിരിക്കുന്നത്. ലോക്കപ്പ് മർദനം എൽഡിഎഫ് നയമല്ലെന്നും എസ്ഐ സനൽരാജിന്‍റെ വിളയാട്ടങ്ങൾ അവസാനിപ്പിക്കണമെന്നും പോസ്റ്ററിൽ പറയുന്നു. നഗരത്തിന്‍റെ പല ഭാഗത്തും പോസ്റ്ററുകൾ പതിച്ചിട്ടുണ്ട്. ഈയിടെ കോട്ടപ്പള്ളി കണ്ണന്പത്തുകരയിൽ നിന്നു പിടികൂടിയ സിപിഎം പ്രവർത്തകരെ എസ്ഐ മർദിച്ചതാണ് ഇതിനു പിന്നിലെന്നു കരുതുന്നു.
ലോക്കപ്പ് മർദനത്തിനെതിരെ സിപിഎമ്മിന്‍റെ പേരിൽ വടകരയിൽ പോസ്റ്ററുകൾ; ലോക്കപ്പ് മർദനം എൽഡിഎഫ് നയമല്ലെന്നും എസ്ഐയുടെ വിളയാട്ടം അവസാനിപ്പിക്കണമെന്നുമാണ് പോസ്റ്റർ
