കോഴിക്കോട്: പന്തീരാങ്കാവില് നവവധുവിനെ ക്രൂരമായി മര്ദിച്ച കേസില് പ്രതി രാഹുൽ പി. ഗോപാലന് ജർമനിയിൽ എത്തിയെന്ന് അന്വേഷണ സംഘം സ്ഥിരീകരിച്ചു. രാഹുലിന്റെ സുഹൃത്ത് രാജേഷാണ് ഇക്കാര്യം പോലീസിനോട് പറഞ്ഞത്. നവവധുവിനെ പന്തീരാങ്കാവിലെ മർദിച്ച സമയത്ത് രാഹുലിന്റെ വീട്ടിലുണ്ടായിരുന്ന സുഹൃത്താണ് രാജേഷ്. ഇയാളെ പോലീസ് വിശദമായി ചോദ്യം ചെയ്തു. രാജേഷിന്റെ ഉൾപ്പെടെ വാട്സാപ്പ് ചാറ്റുകൾ പോലീസ് പരിശോധിച്ചു വരികയാണ്. രാഹുലിന്റെ അമ്മ ഉഷയെയും ബന്ധുക്കളെയും ചോദ്യം ചെയ്യും. ഇതിനായി ഇവരോട് ഹാജരാകാൻ ആവശ്യപ്പെട്ടിട്ടുണ്ട്.രാഹുൽ വിദേശത്തേക്ക് കടന്നെന്ന് വ്യക്തമായതോടെ ഇന്റര്പോളിന്റെ സഹായത്തോടെ ബ്ലൂ കോര്ണര് നോട്ടീസ് പുറപ്പെടുവിച്ചിട്ടുണ്ട്. ജര്മനിയിൽ ഉണ്ടെന്ന് സ്ഥിരീകരിച്ചതിനാല് ഇനി ഇയാളെ നാട്ടിലെത്തിക്കാനുള്ള നടപടികൾക്ക് തുടക്കമിടും. രാഹുലിന്റെ പന്തീരാങ്കാവ് വള്ളിക്കുന്നിലെ വീട് അടഞ്ഞുകിടക്കുകയാണ്. അയല് വാസികളില്നിന്ന് ഇന്നലെ വൈകുന്നേരം പോലീസ് വിവരങ്ങള് ശേഖരിച്ചിട്ടുണ്ട്.
Read MoreCategory: Edition News
കോഴിഫാമിൽ നിന്നുള്ള ദുർഗന്ധം; പരാതി നൽകിയ കുടുംബത്തിന് നേരെ ആക്രമണം; രണ്ടു സ്ത്രീകള്ക്കു പരിക്ക്
ആലപ്പുഴ: ചേര്ത്തലയില് കോഴിഫാമിനെതിരേ പരാതി നല്കിയതിന്റെ വൈരാഗ്യത്തില് വീടുകയറി ആക്രമണം. രണ്ടു സ്ത്രീകള്ക്കു പരിക്ക്. ചേര്ത്തല തെക്ക് പഞ്ചായത്ത് എട്ടാം വാര്ഡില് പറപ്പള്ളി വെളിയില് സുജിത്തിന്റെ ഭാര്യ മഞ്ജു (40), അമ്മ പ്രശോഭ (64) എന്നിവര്ക്കാണ് പരിക്കേറ്റത്. അയല്വാസികളായ അഞ്ചു സഹോദരന്മാരാണ് ആക്രമണം നടത്തിയതെന്ന് സുജിത്ത് പറഞ്ഞു. സുജിത്തിന്റെ അയല്വാസി മട്ടുമ്മേല്വെളി അനിരുദ്ധന് നടത്തുന്ന കോഴി ഫാമില്നിന്ന് ദുര്ഗന്ധം വരുന്നതിന്റെ പേരില് ഇരുവരും തമ്മില് തര്ക്കമുണ്ടായിരുന്നു. കോഴി ഫാമിനെതിരേ അര്ത്തുങ്കല് പോലീസില് സുജിത്ത് പരാതി നല്കിയിരുന്നു. ഇതിന്റെ വൈരാഗ്യം തീര്ക്കാനാണ് ആക്രമണം നടത്തിയതെന്ന് സുജിത്ത് പറഞ്ഞു. സംഭവത്തില് സഹോദരങ്ങളായ അനിരുദ്ധന്, ഗിരീശന്, ബിനീഷ്, അജീഷ്, അനീഷ് എന്നിവര്ക്കെതിരേ കേസെടുത്തതായി അര്ത്തുങ്കല് പോലീസ് അറിയിച്ചു.
Read Moreകൈക്കൂലിക്ക് മേൽ ഭക്ഷണം സുരക്ഷിതം; ഭക്ഷ്യ സുരക്ഷാ ഓഫീസുകളിലെ വിജിലന്സ് പരിശോധനയിൽ കണ്ടെത്തിയത് വൻക്രമക്കേട്
കോട്ടയം: പഴകിയ ഭക്ഷണം പിടിച്ചെടുത്താലും പരിശോധനയില് വമ്പന് ക്രമക്കേട് നടത്തി ഭക്ഷ്യസുരക്ഷാ ഉദ്യോഗസ്ഥര് ഹോട്ടലുകളെ രക്ഷിക്കുന്നതായി വിജിലന്സ് കണ്ടെത്തല്.സംസ്ഥാന വ്യാപകമായി ഭക്ഷ്യ സുരക്ഷാ വകുപ്പിന്റെ ഓഫീസുകളില് നടത്തിയ പരിശോധനയുടെ ഭാഗമായായിരുന്നു ജില്ലയിലും മിന്നല് പരിശോധന. ജില്ലാ ഭക്ഷ്യസുരക്ഷാ അസിസ്റ്റന്റ് കമ്മീഷണര് ഓഫീസ്, ഭക്ഷ്യസുരക്ഷാ സര്ക്കിള് ഓഫീസുകളായ കാഞ്ഞിരപ്പള്ളി, പാലാ, ചങ്ങനാശേരി, കടുത്തുരുത്തി എന്നിവിടങ്ങളിലുമാണ് പരിശോധന നടത്തിയത്.ലാബുകളില് നിന്നും പരിശോധനാഫലം വരുന്ന ഭക്ഷ്യസാമ്പിളുകളുടെ കേസുകളില് ഉത്പാദകര് അപ്പീല് ഫയല് ചെയ്യാറുണ്ട്. വീണ്ടും റഫറല് ലാബുകളിലേക്ക് അയയ്ക്കുന്ന സാമ്പിളുകളില് ഉദ്യോഗസ്ഥര് തിരിമറി നടത്തുകയാണ്. അതിനാല് റഫറല് ലാബുകളില്നിന്നും ലഭിക്കുന്ന ഭൂരിഭാഗം ഫലങ്ങളും അട്ടിമറിക്കപ്പെടുകയാണ്. ഭക്ഷ്യസുരക്ഷാ ലാബുകളില്നിന്നു പരിശോധിച്ചു സുരക്ഷിതമല്ലെന്നു ഫലം ലഭിക്കുന്ന ഭക്ഷ്യസാമ്പിളുകളില് 90 ദിവസം കഴിഞ്ഞാല് പ്രോസിക്യൂഷന് പാടില്ലെന്നാണ് ചട്ടം. ഇതിനുവേണ്ടി മനഃപൂര്വം പരിശോധനയ്ക്ക് സാമ്പിളുകള് അയയ്ക്കുന്നത് വൈകിപ്പിക്കുന്നതായും വിജിലന്സ് സംഘം കണ്ടെത്തി. ലക്ഷങ്ങള് വിറ്റുവരവുള്ള ഹോട്ടലുകാര്ക്കു ഭക്ഷ്യസുരക്ഷാ…
Read Moreപതിരായി സർക്കാരിന്റെ നെല്ലുസംഭരണം; ഈര്പ്പത്തിന്റെ പേരില് വൻകിടമില്ലുകാരുടെ ചൂഷണം; പഴയ അരിക്കച്ചവടം എത്രയോ ഭേദം
നെല്ലുകുത്തുമില്ലുകള് ഒന്നാകെ വിസ്മൃതിയിലായപ്പോഴും വൈക്കം തലയാഴത്ത് കെ.എക്സ്. കുര്യാച്ചന് (ബേബിച്ചന്) കൈമോശം വരുത്താതെ ഇപ്പോഴും പ്രവര്ത്തിപ്പിക്കുന്ന കുത്ത് മില്ല്. –ജോണ് മാത്യു. കോട്ടയം: കടക്കെണിയിലാക്കുന്ന സര്ക്കാരിന്റെ നെല്ലുസംഭരണത്തെക്കാള് എത്രയോ ഭേദമായിരുന്നു പഴയകാലത്തെ നേരിട്ടുള്ള അരി വില്പനയെന്ന് കര്ഷകര് ചോദിച്ചുപോകുന്നു. സ്വന്തം പാടത്തു വിളയുന്ന നെല്ല് ചെമ്പില് പുഴുങ്ങി ചിക്കുപായയില് നിരത്തിയുണക്കി മില്ലില് കുത്തി അരിയാക്കി വിറ്റിരുന്ന അക്കാലത്ത് കൈയില് പണം വരുമായിരുന്നു, വീടുകളില് വറുതിയില്ലായിരുന്നു. കൃഷി വിരിപ്പോ പുഞ്ചയോ ആവട്ടെ സപ്ലൈകോയുടെ സംഭരണം ഒരു വിളവെടുപ്പിലും സുതാര്യമല്ല. വിറ്റ നെല്ലിന്റെ പണത്തിന് ആറേഴു മാസമായി സര്ക്കാരിന്റെ കനിവുതേടിയിരിക്കേണ്ട ഗതികേട് കര്ഷകര്ക്ക് വന്നിരിക്കുന്നു. വിത്തും വിതയും വളവും വിളവെടുപ്പുമെല്ലാം ഇക്കാലത്ത് കടത്തിലാണ്. പതിരിന്റെയും ഈര്പ്പത്തിന്റെയും പേരില് ചൂഷണം. യന്ത്രക്കൂലിയും പണിക്കൂലിയും ഓരോ വര്ഷവും കൂടിവരുന്നു. ഇടനിലക്കാരും ഉദ്യോഗസ്ഥരും കുത്തുമില്ലുകളും സംഘടിതമായി കര്ഷകരെ ചൂഷണം ചെയ്യുകയാണ്.സപ്ലൈകോ സംഭരണം തുടങ്ങുംമുന്പ് കുട്ടനാടിന്…
Read Moreരാഹുൽ ബലം പ്രയോഗിച്ചു മദ്യപിപ്പിക്കാനും സിഗരറ്റ് വലിപ്പിക്കാനും ശ്രമം നടത്തി; അമ്മായിയമ്മയുമായി സ്ത്രീധനത്തിന്റെ പേരിൽ തർക്കമുണ്ടായെന്ന് യുവതി
പറവൂർ: കോഴിക്കോട് പന്തീരാങ്കാവിൽ ഭർതൃവീട്ടിൽ നവവധു ക്രൂരമർദനത്തിന് ഇരയായ സംഭവത്തിൽ പ്രതിയായ രാഹുൽ തന്നെ ബലം പ്രയോഗിച്ചു മദ്യപിപ്പിക്കാനും സിഗരറ്റ് വലിപ്പിക്കാനും ശ്രമിച്ചതായയും, അതിന്റെ ചിത്രങ്ങൾ എടുത്തിട്ടുണ്ടെന്നും യുവതി പോലീസിന് മൊഴി നൽകി. വീട്ടിൽ സ്ത്രീധനം സംബന്ധിച്ചു തർക്കമുണ്ടായിട്ടില്ലെന്ന രാഹുലിന്റെ അമ്മയുടെ വാദം പച്ചക്കള്ളമാണെന്നും യുവതി പോലീസിന് നൽകിയ മൊഴിയിൽ പറയുന്നു. കേസിൽ അന്വേഷണം പുരോഗമിക്കുകയാണ്. സംഭവത്തിൽ ഫറൂഖ് എസിപി സജു കെ. എബ്രഹാമിന്റെ നേതൃത്വത്തിലുള്ള പോലീസ് അന്വേഷണ സംഘം ഇന്നലെ യുവതിയുടെ പറവൂരിലുള്ള വീട്ടിലെത്തി മൊഴിയെടുത്തു. വൈകിട്ട് ഏഴോടെ വീട്ടിലെത്തിയ പോലീസ് പെൺകുട്ടിയിൽനിന്നും മാതാപിതാക്കളിൽനിന്നും സഹോദരനിൽനിന്നും മൊഴിയെടുത്തു. രാത്രി പത്തിനു ശേഷമാണ് പോലീസ് സംഘം തിരികെ പോയത്. തന്റെ ആഭരണങ്ങളൊക്കെ കണ്ടെങ്കിലും രാഹുലിന്റെ അമ്മയ്ക്ക് തൃപ്തിക്കുറവുണ്ടായിരുന്നെന്ന് മർദനത്തിന് ഇരയായ യുവതി പറഞ്ഞു. അമ്മയുടെ ഭാഗത്തുനിന്ന് ഇക്കാര്യത്തിൽ ഇടപെടലുണ്ടായതിന് ശേഷമാണ് തനിക്ക് നേരേ രാഹുലിന്റെ മർദനമുണ്ടാകുന്നത്. അമ്മയും…
Read Moreതലസ്ഥാനത്തെ ഗുണ്ടാ വിളയാട്ടം; പിടിയിലായത് 25 വയസിൽ താഴെപ്രായമുള്ളവർ
വെള്ളറട: അമ്പൂരിയില് ഇന്നലെ ഗുണ്ടാ ആക്രമണം നടത്തിയ ശേഷം ഒളിവില് കഴിഞ്ഞ രണ്ട്പേര് പോലീസ് പിടിയിലായി. കുളനപാറ പള്ളിയെട് വീട്ടില് അഖില്ലാൽ (22), കണ്ണന്നൂര് ആശാഭവനില് അബിൻ(19) എന്നിവർ ആണ് പിടിയിലായത്. കളിയക്കാവിളയിലെ ഒളിസങ്കേതത്തില് നിന്നും ഇന്നലെ രാത്രിയാണ് ഇവരെ പിടികൂടിയത്. സംഘത്തിലുണ്ടായിരുന്ന മലയിൻകീഴ് സ്വദേശി അബിന് ഒളിവിലാണ്.കഴിഞ്ഞ ദിവസം രാത്രിയിൽ അന്പൂരി കണ്ണന്നൂരിൽ നടന്ന ആക്രമണത്തിൽ വീടും വാഹനങ്ങളും തകര്ക്കുകയും അഞ്ചുപേര്ക്ക് പരിക്ക് ഏല്ക്കുകയും ചെയ്തിരുന്നു. നാലു പേര് ഉള്പ്പെടുന്ന സംഘമാണ് വാളും കത്തിയുമായി അക്രമം നടത്തിയത്. രാത്രി പത്തു മണിയോടെയായിരുന്നു സംഭവം. വെളളറട കോട്ടയം വിള സ്വദേശി സരിതയെയും ഭര്ത്താവ് രതീഷിനെയും ആദ്യം സംഘം അക്രമിച്ചു. സരിതയുടെ തലമുടി ചുറ്റിപ്പിടിച്ച് മര്ദ്ദിച്ചു. രതീഷിനെ മാരകമായി മര്ദ്ദിക്കുകയായിരുന്നു. തൊട്ടുപിന്നാലെ വരികയായിരുന്ന കണ്സ്യൂമര് ഫെഡിലെ സഹപ്രവത്തകനായ ബിജിലാല് അക്രമകാരികളെ പിന്തിരിപ്പിക്കാന് ശ്രമിച്ചു. അയാളെയും അക്രമികള് മര്ദ്ദിച്ചു. വെള്ളറടയില്…
Read Moreമതിയായ ചികിത്സ കിട്ടാതെ വയോധിക മരിച്ചെന്നാരോപണം; ആലപ്പുഴ മെഡിക്കൽ കോളജിൽ മൃതദേഹവുമായി പ്രതിഷേധം
ആലപ്പുഴ: ചികിത്സ കിട്ടിയില്ലെന്നാരോപിച്ച് വയോധികയുടെ മൃതദേഹവുമായി ബന്ധുക്കൾ ആലപ്പുഴ മെഡിക്കൽ കോളജ് ആശുപത്രി അത്യാഹിതവിഭാഗത്തിനു മുന്നിൽ പ്രതിഷേധിച്ചു. ഇന്നലെ രാത്രി പന്ത്രണ്ടരയോടെയായിരുന്നു സംഭവം. പുന്നപ്ര അഞ്ചിൽ 70 വയസുകാരി ഉമൈബയുടെ മൃതദേഹവുമായിട്ടായിരുന്നു പ്രതിഷേധം. ഉമൈബ ഒരുമാസമായി ഇവിടെ ചികിത്സയിലായിരുന്നു. കഴിഞ്ഞദിവസം വിട്ടയച്ച ഇവരെ രോഗം ഭേദമാകാതെ വന്നതോടെ വീണ്ടും ആശുപത്രിയിൽ പ്രവേശിപ്പിച്ചു. നില വഷളായതിനെത്തുടർന്നു പിന്നീട് കോട്ടയം മെഡിക്കൽ കോളജ് ആശുപത്രിയിലേക്കു മാറ്റി. ഇന്നലെ രാത്രി എട്ടോടെ മരിച്ചു. തുടർന്നു മൃതദേഹവുമായി ബന്ധുക്കളും നാട്ടുകാരുമടങ്ങുന്ന നൂറോളം പേർ ആലപ്പുഴ മെഡിക്കൽ കോളേജ് ആശുപത്രി അത്യാഹിതവിഭാഗത്തിനു മുന്നിലെത്തി പ്രതിഷേധിക്കുകയായിരുന്നു. ആലപ്പുഴ മെഡിക്കൽ കോളേജിൽ മതിയായ ചികിത്സ ലഭിക്കാത്തതാണു മരണത്തിനു കാരണമെന്നാരോപിച്ചായിരുന്നു പ്രതിഷേധം. സംഘർഷാവസ്ഥ ഉടലെടുത്തതോടെ പോലീസ് ഇടപെട്ടെങ്കിലും പ്രതിഷേധം അടങ്ങിയില്ല. ഒടുവിൽ ആശുപത്രി സൂപ്രണ്ട് ഡോ. എ. അബ്ദുൽ സലാം എത്തി ബന്ധുക്കളുമായി ചർച്ച നടത്തി. ഒന്നരയോടെയാണ് മൃതദേഹവുമായി…
Read Moreഉറങ്ങിക്കിടന്ന പെൺകുട്ടിയെ തട്ടിയെടുത്തു പീഡിപ്പിച്ച സംഭവം; പ്രതി നാട്ടുകാരൻതന്നെ? അന്വേഷണത്തിന് പ്രത്യേകസംഘം
കാഞ്ഞങ്ങാട്: വീട്ടിൽ ഉറങ്ങിക്കിടന്ന പത്തുവയസുകാരിയെ തട്ടിക്കൊണ്ടുപോയി പീഡിപ്പിക്കുകയും സ്വർണാഭരണം കവരുകയും ചെയ്ത സംഭവത്തിൽ അന്വേഷണത്തിന് കാഞ്ഞങ്ങാട് ഡിവൈഎസ്പി വി.വി. ലതീഷിന്റെ നേതൃത്വത്തിൽ പ്രത്യേക സംഘത്തെ നിയോഗിച്ചു. കണ്ണൂർ മേഖലാ ഡിഐജി തോംസൺ ജോസ്, കാസർഗോഡ് ജില്ലാ പോലീസ് മേധാവി പി. ബിജോയ് എന്നിവർക്കാണ് അന്വേഷണത്തിന്റെ ഏകോപന ചുമതല. നാട്ടുകാരനായ ആൾ തന്നെയാണ് സംഭവത്തിനു പിന്നിലെന്ന് മിക്കവാറും ഉറപ്പിച്ചിട്ടുണ്ട്. പെൺകുട്ടിയോട് മലയാളത്തിൽ സംസാരിച്ചതും സംഭവത്തിനു ശേഷം വീട്ടിലേക്കുള്ള വഴി പറഞ്ഞുകൊടുത്തതുമെല്ലാം ഇക്കാര്യം ഉറപ്പിക്കുന്നു. കുട്ടിയുടെ വല്യച്ഛൻ അതിരാവിലെ വീടുതുറന്ന് പശുവിനെ കറക്കാൻ പോകാറുണ്ടെന്നും വല്യമ്മ സ്ഥലത്തില്ലെന്നും അച്ഛനമ്മമാർ മറ്റൊരു മുറിയിലാണ് കിടക്കാറുള്ളതെന്നുമുള്ള വിവരങ്ങൾ പോലും ഇയാൾക്കറിയാമെന്നതിൽ നിന്നും കുടുംബത്തെ അടുത്തറിയാവുന്ന ആൾ തന്നെയാണെന്ന് വ്യക്തമാണ്. പുലർച്ചെ മൂന്നുമണിയോടെയാണ് വല്യച്ഛൻ തൊഴുത്തിലേക്ക് പോയത്. നാലുമണിയോടെ തിരിച്ചെത്തിയപ്പോഴാണ് കുട്ടി മുറിയിലില്ലെന്ന് അറിയുന്നത്. തുടർന്നു തെരച്ചിൽ നടത്തുന്നതിനിടെയാണ് അര കിലോമീറ്ററോളം അകലെയുള്ള വീട്ടിൽനിന്ന്…
Read Moreപക്ഷിപ്പനിയും കൊടുംചൂടും; മുട്ടവില ഉയരങ്ങളില്; താറാവുമുട്ട ഒന്നിന് 11 രൂപ
കോട്ടയം: പക്ഷിപ്പനിയും കൊടുംചൂടും താറാവ് മുട്ട വില ഉയരാന് കാരണമായി. താറാവുമുട്ട ചില്ലറ വില 11 രൂപയായി ഉയര്ന്നു. പൊതുവേ കേടും കൂടുതലാണ്. കുട്ടനാട്ടില് പക്ഷിപ്പനിയെ തുടര്ന്ന് നാടന് താറാവുമുട്ടയ്ക്ക് ക്ഷാമമുണ്ട്. പാലക്കാട്, തൃശൂര് ജില്ലകളില്നിന്ന് മുട്ട ഇവിടേക്ക് എത്തുന്നുമില്ല. പത്തനംതിട്ട, ആലപ്പുഴ ജില്ലകളിലായി എണ്ണായിരം താറാവുകളെയാണ് കൊന്നൊടുക്കുന്നത്. കോഴികള്ക്കും രോഗം ബാധിച്ചതോടെ കോഴിമുട്ട വിലയിലും നേരിയ വര്ധനയുണ്ട്. താറാവും കോഴിയും അടക്കം കാല്ലക്ഷത്തിലേറെ പക്ഷികളെയാണ് കൊല്ലാന് തീരുമാനം. നിരണം സര്ക്കാര് താറാവുവളര്ത്തല് കേന്ദ്രത്തില് പക്ഷിപ്പനി സ്ഥിരീകരിച്ച സാഹചര്യത്തില് വൈകാതെ താറാവുകുഞ്ഞുങ്ങള്ക്കും ക്ഷാമം നേരിടും. നിരണം ഫാമിലെ 560 താറാവുകളാണ് ചത്തൊടുങ്ങിയത്. ഫാമില് ബാക്കിയുള്ള 4081 താറാവുകളെയും ഒരു കിലോമീറ്റര് ചുറ്റളവിലുള്ള 5000 വളര്ത്തു പക്ഷികളെയും കൊന്നു കത്തിക്കും. പക്ഷിപ്പനി കൂടുതല് സ്ഥലങ്ങളില് സ്ഥിരീകരിച്ചതോടെ കേരളത്തില്നിന്നുള്ള കോഴിക്കും മുട്ടയ്ക്കും തമിഴ്നാട് നിരോധനം ഏര്പ്പെടുത്തിയിട്ടുണ്ട്. അതേ സമയം ചൂടു…
Read Moreകണമലയിലെ കാട്ടുപോത്ത് ആക്രമണം; കണ്ണീരോര്മയ്ക്ക് ഒരു വര്ഷം; സർക്കാർ വാഗ്ദാനങ്ങൾ പാഴ്വാക്കായി; സമരം ചെയ്തവരുടെ പേരിൽ കേസും
കോട്ടയം: കണമലയില് അയല്വാസികളായ രണ്ട് ഗ്രാമീണകര്ഷകരെ കാട്ടുപോത്ത് കുത്തിക്കൊന്നതിന്റെ ഭയാനക ഓര്മകള്ക്ക് ഒരു വയസ്. വീട്ടുവരാന്തയില് പത്രം വായിച്ചുകൊണ്ടിരുന്ന കണമല പുറത്തേല് ചാക്കോ (65), പുരയിടത്തില് റബര് ടാപ്പിംഗ് നടത്തുകയായിരുന്ന പ്ലാവനാല്കുഴിയില് തോമസ് ആന്റണി (65) എന്നിവരാണ് കഴിഞ്ഞ വര്ഷം മേയ് 19ന് രാവിലെ കൊല്ലപ്പെട്ടത്. ചാക്കോ സംഭവസ്ഥലത്തും തോമസ് ആശുപത്രിയിലേക്കുള്ള യാത്രാമധ്യേയുമാണ് മരിച്ചത്. പമ്പ വനത്തില്നിന്ന് കാട്ടുപോത്ത് നാലു കിലോമീറ്റര് അകലെ കണമല ഗ്രാമത്തില് അട്ടിവളവിനു സമീപമെത്തിയാണ് രണ്ടുപേരെയും ആക്രമിച്ചത്.വയറ്റിലും തലയിലും ആഴത്തില് മുറിവേറ്റ ഇരുവരും അതിദാരുണമായി കൊല്ലപ്പെടുകയായിരുന്നു. സാമ്പത്തികമായി വലിയ ബാധ്യതകളും പരിമിതികളാണ് രണ്ടു കുടുംബങ്ങള്ക്കുമുണ്ടായിരുന്നത്. രണ്ടു ഘട്ടമായി പത്തുലക്ഷം രൂപ വീതം നഷ്ടപരിഹാരം ലഭിച്ചെങ്കിലും ആശ്രിതര്ക്ക് ജോലി, വിധവാ പെന്ഷന്, ബാങ്ക് ബാധ്യത എഴുതിത്തള്ളല് തുടങ്ങിയ വാഗ്ദാനങ്ങളൊന്നും പാലിക്കപ്പെട്ടില്ല. ഏഴു പതിറ്റാണ്ടായി ജനങ്ങള് കൃഷി ചെയ്തു താമസിക്കുന്ന കണമലയില് കാട്ടുപോത്ത് മിന്നലാക്രമണം നടത്തിയപ്പോഴും…
Read More