വി. ശ്രീകാന്ത്പുതുപ്പള്ളിയിലെ പ്രതിപക്ഷത്തിന്റെ ഭൂരിപക്ഷ ക്കുതിപ്പ് കണ്ടു ഞെട്ടൽ മാറാതെ കിതച്ചൊതുങ്ങി ഇടതുപക്ഷം. വിവാദങ്ങൾക്കെല്ലാം പരിഹാസ മേന്പടിയോടെ മറുപടി പറഞ്ഞ് ഭരണപക്ഷ നേതാക്കൾ കാട്ടിക്കൂടിയതിനെയെല്ലാം പുതുപ്പള്ളിക്കാർ നല്ലപോലെയങ്ങ് വിലയിരുത്തി. വോട്ടെണ്ണല്ലിന്റെ തൊട്ടുമുന്പ് വരെ ഇടതുപക്ഷ ക്യാന്പ് പ്രതീക്ഷിച്ച നേരിയ ഭൂരിപക്ഷമെന്ന സ്വപ്നം ചാണ്ടി ഉമ്മൻ അങ്ങ് ആകാശം മുട്ടേ അനുഗ്രഹാശിസുകളുമായി ഇരിക്കുന്ന ഉമ്മൻചാണ്ടിയുടെ സാന്നിധ്യത്തിൽ ഇല്ലാണ്ടാക്കി. ഉമ്മൻ ചാണ്ടിയോടുള്ള സഹതാപവും ഭരണപക്ഷ വിലയിരുത്തലുമെല്ലാം ഒത്തുചേർന്നപ്പോൾ കോണ്ഗ്രസ് കണക്കു കൂട്ടിയ മഹാഭൂരിപക്ഷത്തിലേക്ക് ചാണ്ടി ഉമ്മൻ എത്തി. ഉമ്മൻചാണ്ടിയുടെ ഭൂരിപക്ഷം കഴിഞ്ഞ തവണ കുത്തനെ കുറച്ച ജെയ്ക് സി. തോമസ്, ഉമ്മൻ ചാണ്ടിയുടെ മരണത്തെ തുടർന്ന് നടന്ന ഉപതെരഞ്ഞെടുപ്പിൽ ഉമ്മൻ ചാണ്ടിയുടെ മകൻ ചാണ്ടി ഉമ്മനെ എങ്ങനെയും പിടിച്ചുകെട്ടുമെന്നുള്ള ഇടതുപക്ഷത്തിന്റെ കണക്കുകൂട്ടലുകൾ അന്പേ പാളി. ജനം കുത്തിയത് സർക്കാരിന്റെ ചങ്കിൽപോസ്റ്റൽ വോട്ട് മുതൽ അങ്ങോട്ട് ചാണ്ടി ഉമ്മൻ കയറിയ ഭൂരിപക്ഷമല…
Read MoreCategory: Edition News
അമ്മയുടെയും മകളുടെയും മോര്ഫ് ചെയ്ത ചിത്രങ്ങള് പ്രചരിപ്പിച്ച സംഭവം; അന്വേഷണം ആരംഭിച്ച് പോലീസ്
പരിയാരം: അമ്മയുടെയും മകളുടെയും മോര്ഫ് ചെയ്ത ചിത്രങ്ങള് സമൂഹമാധ്യമങ്ങളിലൂടെ പ്രചരിപ്പിച്ച സംഭവത്തില് പരിയാരം പോലീസ് പോക്സോ നിയമപ്രകാരം കേസെടുത്തു. പരിയാരം മെഡിക്കല് കോളജ് പോലീസ് പരിധിയിലെ 39 കാരിയുടെ പരാതി പ്രകാരമാണ് കേസ്. ഇവരുടെയും 13 കാരിയായ മകളുടെയും ചിത്രങ്ങൾ മോര്ഫ് ചെയ്ത് വിവിധ സമൂഹമാധ്യമങ്ങളിലൂടെ പ്രചരിപ്പിച്ച് അപമാനിക്കുകയും മാനഹാനി വരുത്തുകയും ചെയ്തതിനാണ് പരാതി. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു. നേരത്തെയും സമാന രീതിയിലുള്ള സംഭവത്തില് ഇവരുടെ പരാതിയില് പോലീസ് കേസെടുത്തിരുന്നു.
Read Moreമദ്യലഹരിയിൽ യുവാവ് ഓടിച്ച കാർ പെട്രോൾ പന്പിലേക്ക് ഇടിച്ചുകയറി; ഒഴിവായത് വൻ ദുരന്തം
മാഹി: പന്തക്കൽ മൂലക്കടവിലെ ഇന്ത്യൻ ഓയിൽ പെട്രോൾ പമ്പിലേക്ക് കാർ നിയന്ത്രണംവിട്ട് ഇടിച്ചു കയറി.പന്പിൽ ഡ്യൂട്ടിയിലുണ്ടായിരുന്ന രണ്ട് ജീവനക്കാർ ഓടി രക്ഷപ്പെട്ടതിനാൽ അപകടം ഒഴിവാകുകയായിരുന്നു. ഇന്നലെ രാത്രി പത്തോടെയായിരുന്നു സംഭവം. ഇന്ധനം നിറയ്ക്കുന്ന പൈപ്പുകളിൽ കാർ കയറിയിറങ്ങി. പമ്പിലെ പണം സൂക്ഷിക്കുന്ന മേശയിലും കാറിടിച്ചു. കാർ ഇടിച്ചെങ്കിൽ പെട്രോൾ പുറത്തേക്കൊഴുകി വൻ ദുരന്തമായിരുന്നു സംഭവിക്കുക. കാർ ഓടിച്ച ഡ്രൈവറും സുഹൃത്തും മദ്യലഹരിയിലായിരുന്നു. പന്തക്കൽ പോലീസ് സംഭവസ്ഥലത്തെത്തി കാറും ചമ്പാട് കുന്നോത്ത് മുക്ക് സ്വദേശിയായ കാർ ഓടിച്ച യുവാവിനെയും കാറിലുണ്ടായിരുന്ന ധർമടം സ്വദേശിയായ മറ്റൊരു യുവാവിനെയും കസ്റ്റഡിയിലെടുത്തു. പമ്പിന് സമീപത്തെ ബാറിൽ മദ്യപിക്കാനെത്തിയതാണെന്ന് യുവാക്കൾ പോലീസിനോട് പറഞ്ഞു.അഞ്ച് പെട്രോൾ പമ്പുകളും 12 മദ്യശാലകളും പ്രവർത്തിക്കുന്ന ഈ പ്രദേശത്ത് മദ്യലഹരിയിൽ വാഹനങ്ങൾ ഓടിക്കുന്നത് നിത്യസംഭവമായിരിക്കുകയാണെന്ന് നാട്ടുകാർ ആരോപിക്കുന്നു.
Read Moreശാരീരികവും മാനസികവുമായ പീഡനം: അറുപതുകാരനെതിരേ വധശ്രമത്തിന് കേസ്
പയ്യന്നൂര്: ശാരീരികമായും മാനസികമായും പീഡിപ്പിക്കുന്നുവെന്നും ഇരുമ്പുമുട്ടികൊണ്ട് തലയിലടിച്ച് പരിക്കേല്പ്പിച്ചുവെന്നുമുള്ള ഭാര്യയുടെ പരാതിയില് ഭര്ത്താവിനെതിരേ വധശ്രമമുള്പ്പെടെയുള്ള വകുപ്പുകളില് കേസ്. കുന്നരു വടക്കേ ഭാഗത്തെ ഒണക്കന്റെ വീട്ടില് പത്മനാഭനെതിരേ (60) യാണ് ഇയാളുടെ ഭാര്യയുടെ പരാതിയില് പയ്യന്നൂര് പോലീസ് കേസെടുത്തത്. ഇരുപത്തഞ്ച് വര്ഷം മുമ്പായിരുന്നു ഇവരുടെ വിവാഹം. എന്നാല് കുറെ നാളുകളായി വീട്ടില് താമസിക്കാന് പറ്റാത്ത അവസ്ഥയായിരുന്നുവെന്ന് പരാതിയില് സൂചനയുണ്ട്. അതിനിടയിലാണ് കഴിഞ്ഞ 26ന് രാത്രി പത്തോടെ ഇപ്പോഴത്തെ പരാതിക്കാസ്പദമായ സംഭവം. ഇരുമ്പുമുട്ടികൊണ്ട് രണ്ടുപ്രാവശ്യം തന്റെ തലയിലിടിച്ച് പരിക്കേല്പ്പിച്ചതായും അടുത്ത അടിയില്നിന്ന് ഒഴിഞ്ഞുമാറിയതിനാലാണ് മരണത്തില്നിന്നു രക്ഷപ്പെട്ടതെന്നുമാണു പരാതിയിലുള്ളത്. അതേസമയം ഭാര്യയുമായി വഴക്കിട്ട ഗൃഹനാഥന് കഴിഞ്ഞ വര്ഷം ഓഗസ്റ്റ് 19ന് വീട്ടിലെ പാചകവാതകം തുറന്നു വിട്ട് ആത്മഹത്യക്ക് ശ്രമിച്ച സംഭവവുമുണ്ടായിരുന്നു. അഗ്നിരക്ഷാസേനയുടെ മിന്നല് രക്ഷാപ്രവര്ത്തനത്തിലൂടെയാണ് കിടപ്പുമുറിയില് കയറി തീ കൊളുത്തിയ ഇയാളെ രക്ഷപ്പെടുത്തിയത്.
Read Moreടി.പി. ചന്ദ്രശേഖരൻ വധം; ഡിവിഷൻ ബെഞ്ചിൽ അപ്പീൽ വിചാരണ തുടങ്ങി;ശിക്ഷ കൂട്ടണമെന്നും വെറുതെ വിട്ടവരെ ശിക്ഷിക്കണമെന്നും പ്രോസിക്യൂഷൻ
തലശേരി: കേരള രാഷ്ട്രീയത്തെ പിടിച്ചുലച്ച ആർഎംപി സ്ഥാപക നേതാവ് ടി.പി.ചന്ദ്രശേഖരനെ വെട്ടിക്കൊലപ്പെടുത്തിയ കേസിൽ അപ്പീൽ വാദം ഹൈക്കോടതി ഡിവിഷൻ ബെഞ്ചിൽ ആരംഭിച്ചു. ജസ്റ്റിസ് ഡോ. ജയശങ്കർ നമ്പ്യാർ, ഡോ. കൗസർ എന്നിവർ മുമ്പാകെയാണ് വാദം ആരംഭിച്ചത്. 2012 മേയ് നാലിന് രാത്രി വടകര വള്ളിക്കാവ് വെച്ചാണ് ടി.പി. ചന്ദ്രശേഖരൻ കൊല്ലപ്പെട്ടത്. ഈ കേസിൽ ശിക്ഷിക്കപ്പെട്ട കൊടി സുനി, കിർമാണി മനോജ് ഉൾപ്പെടെ പതിനൊന്ന് പ്രതികൾ നൽകിയ അപ്പീലിലും ശിക്ഷ പോരെന്നും കേസിൽ വെറുതെ വിട്ടവരെ ശിക്ഷിക്കണമെന്നും ആവശ്യപ്പെട്ട് പ്രോസിക്യൂഷനും ടി.പി.ചന്ദ്രശേഖരന്റെ ഭാര്യ കെ.കെ രമയും നൽകിയ അപ്പീലിലുമാണ് വാദം ആരംഭിച്ചിട്ടുള്ളത്. കേസന്വേഷിച്ച ക്രൈംബ്രാഞ്ച് സംഘം 74 പേരെ പ്രതി ചേർത്താണ് സെഷൻസ് കോടതിയിൽ കുറ്റപത്രം സമർപ്പിച്ചിരുന്നത്. വിചാരണക്കൊടുവിൽ പതിനൊന്നുപേരെയാണ് കോടതി ജീവപര്യന്തം ശിക്ഷിച്ചത്. ഒന്നു മുതൽ ഏഴു വരെ പ്രതികളായ അനൂപ്, കിർമാണി മനോജ്, കൊടി സുനി,…
Read Moreആകാംക്ഷയും പ്രതീക്ഷയും ആശങ്കയുമായി മുന്നണികൾ; പുതുപ്പള്ളി നിർണായകമാവുക “ഭൂരിപക്ഷം”
എം. സുരേഷ്ബാബുതിരുവനന്തപുരം: പുതുപ്പള്ളി ഉപതെരഞ്ഞെടുപ്പ് ഫലം നാളെ വരാനിരിക്കെ ആകാംക്ഷയും പ്രതീക്ഷയും ആശങ്കയുമായി മുന്നണികൾ. റിക്കാർഡ് ഭൂരിപക്ഷത്തിൽ യുഡിഎഫ് സ്ഥാനാർഥി ചാണ്ടി ഉമ്മൻ വിജയിക്കുമെന്ന് യുഡിഎഫ് അവകാശപ്പെട്ടെങ്കിലും പോളിംഗ് ശതമാനം കുറഞ്ഞത് ഭൂരിപക്ഷം കുറയ്ക്കുമോ എന്ന ആശങ്കയും യുഡിഎഫ് ക്യാന്പിനുണ്ട്. ബിജെപി യുടെ സഹായം യുഡിഎഫിന് കിട്ടിയിട്ടുണ്ടെന്ന് സംശയമുണ്ടെന്ന ആരോപണം സിപിഎം നേതൃത്വം ഉയർത്തിയിരുന്നു. നില മെച്ചപ്പെടുത്താനുള്ള പ്രവർത്തനങ്ങളിൽ ഫലം കാണാനാകുമെന്നാണ് ബിജെപിയും പ്രതീക്ഷിക്കുന്നത്. പുതുപ്പള്ളിയിലെ ഫലം സംസ്ഥാന സർക്കാരിനെ ബാധിക്കുകയില്ലെങ്കിലും യുഡിഎഫിന് വലിയ ഭൂരിപക്ഷം ലഭിച്ചാൽ അത് സംസ്ഥാന സർക്കാരിന് തിരിച്ചടിയാകും. സംസ്ഥാന സർക്കാരിന്റെ വിലയിരുത്തലായിരിക്കും പുതുപ്പള്ളി ഉപതെരഞ്ഞെടുപ്പ് ഫലമെന്ന് സിപിഎം സംസ്ഥാന സെക്രട്ടറി എം.വി.ഗോവിന്ദൻ ഇടത് സ്ഥാനാർഥി പ്രഖ്യാപനത്തിനു പിന്നാലെ പറഞ്ഞിരുന്നു. യുഡിഎഫ് ഭൂരിപക്ഷം 20,000 കടന്നാല് സർക്കാരിനെതിരെ പ്രതിപക്ഷത്തിന് ലഭിക്കുന്ന ആയുധമാകും അത്.കഴിഞ്ഞ നിയമസഭ തെരഞ്ഞെടുപ്പിൽ ഉമ്മൻചാണ്ടിയുടെ ഭൂരിപക്ഷം പതിനായിരം വോട്ടിന് താഴെയായിരുന്നു.…
Read Moreമണര്കാട് പള്ളിയിൽ ദർശനം സൗഭാഗ്യം;പള്ളിയങ്കണത്തിൽ മുഴങ്ങിക്കേട്ടത് “അമ്മേ, മാതാവേ” എന്ന വിളികൾ മാത്രം
മണര്കാട്: കൂപ്പുകൈകളോടെ കാത്തുനിന്ന വിശ്വാസികള്ക്കു ദര്ശന സൗഭാഗ്യമായി മണര്കാട് കത്തീഡ്രലില് നടതുറന്നു. വിശ്വാസികൾ വിശുദ്ധ ദൈവമാതാവിന്റെയും ഉണ്ണിയേശുവിന്റെയും ഛായാചിത്രം ദര്ശിച്ചു. എട്ടുനോമ്പ് പെരുന്നാളിന്റെ ഏഴാം ദിനമായ ഇന്ന് ശ്രേഷ്ഠ കാതോലിക്കാ ബസേലിയോസ് തോമസ് പ്രഥമന് ബാവായുടെ മുഖ്യകാര്മികത്വത്തിലായിരുന്നു നടതുറക്കല്. എംഎസ്ഒടി സെമിനാരി റസിഡന്റ് മെത്രാപ്പോലീത്ത കുര്യാക്കോസ് മാര് തെയോഫിലോസ് സഹകാര്മികത്വം വഹിച്ചു.രാവിലെ കുര്ബാന സമയത്തു തന്നെ കത്തീഡ്രൽ വിശ്വാസികളാല് നിറഞ്ഞു. 11ന് ഉച്ചനമസ്കാരത്തിന് ദേവാലയമണി മുഴക്കിയ ശേഷം ശ്രേഷ്ഠ കാതോലിക്കാ ബാവായുടെയും വൈദിക ശ്രേഷ്ഠരുടെയും നേതൃത്വത്തില് പ്രാര്ഥനകള് ആരംഭിച്ചതോടെ “അമ്മേ, മാതാവേ’ എന്ന വിളികള് മാത്രമായി എങ്ങും. മദ്ബഹയ്ക്കു മുന്നിലെ തിരശീല നീങ്ങി നട തുറന്നതോടെ വിശുദ്ധ ദൈവമാതാവിന്റെയും ഉണ്ണി യേശുവിന്റെയും ഛായാചിത്രം ദര്ശിച്ചു. സ്ലീബാ പെരുന്നാള് ദിനമായ 14ന് സന്ധ്യാനമസ്കാരത്തിനാണു നട അടയ്ക്കുക. അതുവരെ ദര്ശനത്തിനു ഭക്തര്ക്ക് അവസരമുണ്ട്.
Read Moreനാളെ വോട്ടെണ്ണൽ;മുന്നണികൾ ആത്മവിശ്വാസത്തിൽ; ഭൂരിപക്ഷം 20,000നു മുകളിലെന്ന് യുഡിഎഫ്; ജെയ്ക്കിനു ജയം ഉറപ്പെന്ന് എൽഡിഎഫ്
കോട്ടയം: പോളിംഗ് ശതമാനത്തിലും വോട്ടുകണക്കിലും ആത്മവിശ്വാസം പ്രകടിപ്പിച്ച മുന്നണികള്ക്ക് പുതുപ്പള്ളിയിൽ വിജയപ്രതീക്ഷ മാത്രം. വോട്ടെടുപ്പിന്റെ പിറ്റേദിവസമായ ഇന്നലെ മൂന്നു മുന്നണികളും വോട്ടിംഗ് ശതമാനവും വോട്ടുകണക്കും തമ്മില് കൂട്ടലും കിഴിക്കലുമായിരുന്നു. പോളിംഗ് ശതമാനം കുറഞ്ഞതൊന്നും യുഡിഎഫിനെ ബാധിക്കില്ലെന്നും ഒന്നേകാല് ലക്ഷം വോട്ടു മാത്രം പോള് ചെയ്തപ്പോള് 30,000 വോട്ടിനു മുകളില് ജയിച്ച ചരിത്രമുണ്ടെന്ന് യുഡിഎഫ് അവകാശപ്പെടുമ്പോള് എല്ഡിഎഫ് ക്യാമ്പ് വിജയത്തോട് അടുത്ത മുന്നേറ്റമാണു പറയുന്നത്. ബിജെപിയാകട്ടെ തങ്ങളുടെ വോട്ടുകള് ഒരെണ്ണം പോലും നഷ്ടപ്പെട്ടില്ലെന്ന് അവകാശപ്പെടുന്നു. 30,000 വോട്ടിന്റെ ഭൂരിപക്ഷത്തില് ചാണ്ടി ഉമ്മന് വിജയിക്കുമെന്നാണ് യുഡിഎഫ് ക്യാമ്പിന്റെ വിലയിരുത്തല് ഒരു കാരണവശാലും ഭൂരിപക്ഷം 20,000 താഴെ പോകില്ലെന്നാണ് ബൂത്തു തലത്തില് ലഭിച്ച കണക്കുകള് കൂട്ടി യുഡിഎഫ് ഇലക്ഷന് പ്രചാരണത്തിനു നേതൃത്വം വഹിച്ച കോണ്ഗ്രസ് നേതാക്കൾ പറയുന്നത്. ഉമ്മന് ചാണ്ടിയുടെ വികാരം തെരഞ്ഞെടുപ്പു പ്രചാരണത്തിലും വോട്ടിംഗിലുമുണ്ടായി. സര്ക്കാര് വിരുദ്ധ തരംഗം ആഞ്ഞടിച്ചു.…
Read Moreഇറച്ചിക്കടയിൽ ചെറുപ്പാക്കരുടെ തിക്കും തിരക്കും; പോലീസ് പരിശോധനയിൽ കണ്ടെത്തിയത് കഞ്ചാവ്; ആസാം സ്വദേശികൾ അറസ്റ്റിൽ
ഗാന്ധിനഗർ: ഇറച്ചിക്കടയിൽ കഞ്ചാവ് വില്പന നടത്തിയ രണ്ടു പേരെ എക്സൈസ് സംഘം പിടികൂടി. കോട്ടയം പെരുമ്പായിക്കാട് സംക്രാന്തി പഴയ എംസി റോഡിനോടു ചേർന്നുള്ള ചീമാച്ചേരിൽ സാബുവിന്റെ ചിക്കൻ കടയിലെ ആസാം സ്വദേശികളായ റാഷിദുൾ ഹക്ക് (28), ഹബീബുള്ള (23) എന്നിവരെയാണ് അറസ്റ്റ് ചെയ്തത്. സംക്രാന്തിയിൽ പ്രവർത്തിക്കുന്ന കോഴിക്കടയിൽ നിരവധി ചെറുപ്പക്കാരുടെ സാന്നിധ്യം മനസിലാക്കിയ എക്സൈസ് സംഘം വേഷം മാറിയാണ് ഇവരെ നിരീക്ഷണം നടത്തിയിരുന്നത്. ഇന്നലെ എക്സൈസ് സംഘം ഇവരെ പിടികൂടുകയായിരുന്നു. ഇവരുടെ കൈയിൽ നിന്നു വില്പനയ്ക്കായി സൂക്ഷിച്ചിരുന്ന 50 ഗ്രാം കഞ്ചാവും പിടിച്ചെടുത്തു. തുടർന്ന് നാട്ടുകാരുടെ സാന്നിധ്യത്തിൽ കടപരിശോധിച്ചു. കോഴിക്കൂട്ടിലും ഇറച്ചിവെട്ടുന്ന പലകയ്ക്കടിയിലുമായി നിരവധി കഞ്ചാവ് പൊതികളാണ് സൂക്ഷിച്ചിരുന്നത്. ഇവരുടെ സംഘത്തിൽ കൂടുതൽ ആളുകൾ ഉണ്ടെന്നു കരുതുന്നതായി എക്സൈസ് സംഘം പറയുന്നു.
Read Moreഐഎസിന്റെ തൃശൂര് മേഖല നേതാവ് പിടിയിൽ; എൻഐഎ അറസ്റ്റ് ചെയ്ത മലയാളി നേതാവിനെ കോടതിയില് ഹാജരാക്കും
കൊച്ചി: എന്ഐഎ അറസ്റ്റ് ചെയ്ത തീവ്രവാദ സംഘടന ഐഎസിന്റെ തൃശൂര് മേഖല നേതാവ് സയ്ദ് നബീല് അഹമ്മദിനെ ഇന്ന് കൊച്ചിയിലെ എന്ഐഎ പ്രത്യേക കോടതിയില് ഹാജരാക്കും. നേപ്പാളിലേക്ക് കടക്കാനുള്ള ഒരുക്കത്തിനിടെയാണ് ചെന്നൈയില് വച്ചാണ് ഇയാളെ അറസ്റ്റ് ചെയ്തത്. ഇയാളില്നിന്ന് രേഖകളും ഡിജിറ്റല് ഉപകരണങ്ങളും പിടിച്ചെടുത്തു. തൃശൂര് കേന്ദ്രമായി പ്രവര്ത്തിക്കുന്ന ഐഎസ്ഐഎസ് മൊഡ്യൂള് കേരളത്തില് വിവിധ സ്ഥലങ്ങളില് ആക്രമണം നടത്താന് പദ്ധതിയിടുന്നുവെന്ന് വിവരം ലഭിച്ചതിനെത്തുടര്ന്ന് ജൂലൈ 11നാണ് എന്ഐഎ കേസ് രജിസ്റ്റര് ചെയ്തത്. കേരളത്തില് ശക്തമായ ഭീകരപ്രവര്ത്തനങ്ങള്ക്കാണ് നബീലും സംഘവും ലക്ഷ്യമിട്ടിരുന്നതെന്ന് എന്ഐഎ പറയുന്നു. ആരാധനാലയങ്ങള്ക്കും ചില സമുദായ നേതാക്കള്ക്കുമെതിരെയാണ് നബീലും സംഘവും ഭീകരാക്രമണത്തിന് പദ്ധതിയിട്ടിരുന്നത്. ഭീകരപ്രവര്ത്തനങ്ങള്ക്ക് പണം കണ്ടെത്താന് എടിഎം കൊള്ള അടക്കമുള്ള പദ്ധതികളും ആസൂത്രണം ചെയ്തിരുന്നു.ജൂലൈയില് തമിഴ്നാട്ടിലെ സത്യമംഗലം കാടിന് സമീപത്തെ ഒളിത്താവളത്തില് നിന്ന് മതിലകത്ത് കൊടയില് അഷ്റഫ് എന്ന ആഷിഫിനെ എന്ഐഎ അറസ്റ്റ് ചെയ്തിരുന്നു.…
Read More