പാപ്പിനിശേരി: പാപ്പിനിശേരിയിൽ ബിജെപി പ്രവർത്തകന്റെ വീട്ടുമുറ്റത്ത് നിർത്തിയിട്ട ഓട്ടോ ടാക്സിയിൽ ആദരാഞ്ജലികൾ എന്നെഴുതിയ റീത്ത് വച്ചു. പുതിയകാവിന് സമീപത്തെ രാജേഷിന്റെ ഓട്ടോ ടാക്സിയിലാണ് റീത്ത് കണ്ടെത്തിയത്. സംഭവത്തിനു പിന്നിൽ സിപിഎം ആണെന്ന് ബിജെപി നേതൃത്വം ആരോപിച്ചു. സമാധാനന്തരീക്ഷം നിലനിൽക്കുന്ന പ്രദേശത്ത് മനഃപൂർവം സംഘർഷമുണ്ടാക്കാനുള്ള സിപിഎം ഗൂഢതന്ത്രമാണിതെന്നും ഇത്തരം ശ്രമങ്ങൾക്കെതിരേ ജനാധിപത്യ വിശ്വാസികളെ അണിനിരത്തി ശക്തമായ പ്രതിഷേധം ഉയർത്തുമെന്നും ബിജെപി ചിറക്കൽ മണ്ഡലം പ്രസിഡന്റ് രാഹുൽ രാജീവ് പറഞ്ഞു. സംഭവത്തെക്കുറിച്ച് വളപട്ടണം പോലീസ് അന്വേഷണം ആരംഭിച്ചു.
Read MoreCategory: Edition News
“കെ. സച്ചിദാനന്ദൻ പറഞ്ഞത് കേരളത്തിന്റെ മനസ്”; ഭരണത്തെ നോക്കിക്കാണുന്ന ആരും പറയുന്ന അഭിപ്രായമെന്ന് വി.ഡി. സതീശൻ
കോട്ടയം: കേരളത്തിൽ മൂന്നാമതും സിപിഎം അധികാരത്തിലെത്താതിരിക്കാന് സഖാക്കള് പ്രാര്ഥിക്കണമെന്നു കേരള സാഹിത്യ അക്കാദമി പ്രസിഡന്റ് കെ. സച്ചിദാനന്ദന്റെ പ്രസ്താവന കേരളത്തിന്റെ മനസ് അറിഞ്ഞുകൊണ്ടാണെന്നു പ്രതിപക്ഷ നേതാവ് വി.ഡി. സതീശന്. കേരളത്തിലെ ജനങ്ങളുടെ മനസിലുള്ളതാണ് അദ്ദേഹം പറഞ്ഞത്. ഭരണത്തെ നോക്കിക്കാണുന്ന ആരും പറയുന്ന അഭിപ്രായമാണിതെന്നും സതീശൻ പറഞ്ഞു. ഒരു ഇംഗ്ലീഷ് പത്രത്തിനു നല്കിയ അഭിമുഖത്തിലാണ് മൂന്നാമതും സിപിഎം അധികാരത്തിലെത്താതിരിക്കാന് സഖാക്കള് പ്രാര്ഥിക്കണമെന്ന അഭിപ്രായം സച്ചിദാനന്ദൻ പ്രകടിപ്പിച്ചത്. രണ്ടു തവണ ഭരണം ലഭിക്കുന്നത് പ്രസ്ഥാനത്തിന് അഹങ്കാരം നൽകുമെന്നും മൂന്നുതവണ കിട്ടുന്നത് പ്രസ്ഥാനത്തെ നശിപ്പിക്കുമെന്നും സച്ചിദാനന്ദൻ പറഞ്ഞിരുന്നു. കവിയും എഴുത്തുകാരനുമായ സച്ചിദാനന്ദന് ഹൃദയത്തില് തട്ടി പറഞ്ഞ വാക്കുകളാണ് അഭിമുഖത്തിലുള്ളതെന്നും ഇതാണ് കേരളത്തിലെ ജനങ്ങളുടെ മുഴുവന് അഭിപ്രായമെന്നും സതീശൻ പറഞ്ഞു. ഈ സര്ക്കാരാണ് ഇവിടെ തുടരാന് പോകുന്നതെങ്കില് എന്തായിരിക്കും കേരളത്തിന്റെ ഭാവി. കേരളത്തിലെ ജനങ്ങള് ഭയത്തോടെയാണ് കഴിയുന്നതെന്നും പ്രതിപക്ഷ നേതാവ് പറഞ്ഞു.
Read Moreഉപതെരഞ്ഞെടുപ്പ്; എട്ടാംനാള് തിരുവോണം; പതിനാറാം നാള് പുതുപ്പള്ളി ബൂത്തിലേക്ക്
പുതുപ്പള്ളി: നാടും നഗരവും ഓണനാളുകളുടെ തിരക്കിലാണ്. ആഘോഷദിനങ്ങൾക്കിടയിലും പുതുപ്പള്ളി തെരഞ്ഞെടുപ്പു ചൂടിലാണ്. പതിനാറാം നാള് പുതുപ്പള്ളിയിലെ വോട്ടര്മാര് തങ്ങളുടെ പുതിയ ജനപ്രതിനിധിയെ തെരഞ്ഞെടുക്കാന് വിധിയെഴുതും. വോട്ടെടുപ്പിനായി ദിവസങ്ങള് ബാക്കിനില്ക്കെ മൂന്നു മുന്നണികളും പ്രചാരണം ഊര്ജിതമാക്കി. ഇന്നലെ സ്ഥാനാര്ഥികളുടെ പ്രസ്താവനയുമായി പ്രവര്ത്തകര് വീടുകള് കയറി. യുഡിഎഫ് സ്ഥാനാര്ഥി ചാണ്ടി ഉമ്മന്റെ വാഹനപര്യടനത്തിനു ഇന്നു രാവിലെ പാമ്പാടിയില് തുടക്കമായി. ജെയ്ക് സി. തോമസിന്റെയും ലിജിന് ലാലിന്റെയും വാഹനത്തിലുള്ള പര്യടനം അടുത്ത ദിവസം ആരംഭിക്കും. മുഖ്യമന്ത്രിക്കും സംസ്ഥാന സര്ക്കാരിനുമെതിരേ ആരോപണങ്ങള് ഉന്നയിച്ച് യുഡിഎഫ് പ്രചാരണം കൊഴുപ്പിക്കുമ്പോള് വികസനം മാത്രംചര്ച്ചയാക്കിയാണ് എല്ഡിഎഫ് പ്രചാരണം. ബിജെപിയാകട്ടെ എല്ഡിഎഫിനെയും യുഡിഎഫിനെയും ഒരേ പോലെ കടന്നാക്രമിക്കുകയാണ്. നേതാക്കളും പ്രവര്ത്തകരും വരും ദിവസങ്ങളില് പുതുപ്പള്ളിയില് തമ്പടിക്കുന്നതോടെ പ്രചാരണം ടോപ് ഗിയറിലാകും. ജനങ്ങൾക്കിടയിൽ ചാണ്ടി പേടിക്കണ്ടാ സാറേ സാധു വെറും സാധുവാ… ധൈര്യമായി പോരെ സൂര്യസുബ്രഹ്മണ്യ നമ്പൂതിരി അത് പറഞ്ഞെങ്കിലും…
Read Moreതലസ്ഥാനത്ത് വീണ്ടും യുവതിക്കുനേരേ ആക്രമണം; ലൈംഗികാത്രിക്രമം നേരിട്ടത് നാഗാലാന്റ് യുവതി; യുവാവ് അറസ്റ്റിൽ
തിരുവനന്തപുരം: ജോലി കഴിഞ്ഞ് താമസസ്ഥലത്തേക്ക് മടങ്ങുകയായിരുന്ന നാഗാലാൻഡ് യുവതിയോട് ലൈംഗികാതിക്രമം നടത്തിയ യുവാവിനെ തുന്പ പോലീസ് അറസ്റ്റ് ചെയ്തു. മേനംകുളം സ്വദേശി അനീഷി (25) നെയാണ് തുന്പ എസ്എച്ച്ഒ ശിവകുമാറിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. ഇന്ന് പുലർച്ചെ ഒരു മണിയോടെ ബൈപാസ് റോഡിൽ തന്പുരാൻ മുക്കിന് സമീപമായിരുന്നു സംഭവം. സ്വകാര്യ സ്ഥാപനത്തിലെ ജോലി കഴിഞ്ഞ് താമസസ്ഥലത്തേക്ക് പോകുകയായിരുന്ന നാഗാലാന്ഡ് സ്വദേശിനിയായ യുവതിയെ ബൈക്കിലെത്തിയ യുവാവ് കടന്ന് പിടിക്കുകയായിരുന്നു. യുവതി ബഹളം വച്ചതോടെ ഇയാൾ ബൈക്കിൽ രക്ഷപ്പെട്ടു. പോലീസിൽ വിവരം അറിയിച്ചതിനെ തുടർന്ന് പോലീസ് സിസിടിവി ദൃശ്യങ്ങൾ പരിശോധിച്ച് നടത്തിയ അന്വേഷണത്തിലാണ് യുവാവ് പിടിയിലായത്. പ്രതിയെ ഇന്ന് കോടതിയിൽ ഹാജരാക്കും.
Read Moreലൈംഗിക ചുവയുള്ള സന്ദേശങ്ങളും ചിത്രങ്ങളും യുവതിക്ക് അയച്ച് സിപിഎം നേതാവ്; പാലക്കാട്ടെ നേതാവിനെക്കുരുക്കി മൊബൈൽ…
കൊച്ചി: സ്ത്രീയോട് അപരമര്യാദയായി പെരുമാറിയ ജില്ലാ നേതാവിനെ സസ്പെൻഡ് ചെയ്ത് സിപിഎം. പാലക്കാട് ജില്ലാ കമ്മിറ്റി അംഗം എൻ.ഹരിദാസിനെയാണ് പാർട്ടിയിൽനിന്നും സസ്പെൻഡ് ചെയ്തത്. ഒരു വർഷത്തേക്കാണ് സസ്പെൻഷൻ. സ്ത്രീയോട് അപമര്യാദയായി പെരുമാറിയെന്ന പരാതിയിലാണ് നടപടി. പാർട്ടി അന്വേഷണ കമ്മിഷൻ നടത്തിയ പരിശോധനയിൽ ലൈംഗിക ചുവയുള്ള സന്ദേശങ്ങളും ചിത്രങ്ങളും സ്ത്രീക്ക് അയച്ചെന്ന് കണ്ടെത്തി. പരാതിക്കാരി ഡിജിറ്റൽ തെളിവുകൾ ഉൾപ്പെടെ സിപിഎം നേതൃത്വത്തിന് നൽകിയിരുന്നു.
Read Moreഏറെക്കാലത്തെ കാത്തിരിപ്പിന് വിരാമം; സംസ്ഥാനത്ത് ബിഎസ്എന്എല് 4ജിയിലേക്ക്
കോഴിക്കോട്: ഏറെക്കാലത്തെ കാത്തിരിപ്പിനൊടുവില് കേരളത്തില് ബിഎസ്എന്എല് 4ജിയിലേക്ക് മാറുന്നു. ഡിസംബര് മാസത്തോടെ കമ്മീഷന് ചെയ്യാനാണു നീക്കം. സ്വകാര്യ മൊബൈല് സേവനദാതാക്കള് ഫൈവ് ജി വേഗത്തിലേക്ക് ചുവടുമാറുമ്പോഴാണ് ബിഎസ്എന്എല് ഫോര് ജിയിലേക്ക് കാലെടുത്തുവയ്ക്കുന്നത്. ആദ്യഘട്ടത്തില് തിരുവനന്തപുരം, എറണാകുളം, കോഴിക്കോട്, കണ്ണൂര് മേഖലയിലാണ് 4ജി ലഭ്യമാകുക. ഇതിനായി 796 പുതിയ 4ജി ടവര് സ്ഥാപിക്കുന്നതിനുള്ള നടപടികള് ആരംഭിച്ചു. തിരുവനന്തപുരത്ത് 296-ഉം എറണാകുളത്ത് 275-ഉം കോഴിക്കോട്- 125ഉം കണ്ണൂരില് 100-ഉം ടവറുകളാണ് സ്ഥാപിക്കുക. ലക്ഷദ്വീപിലെ മിനികോയ് ദ്വീപിലും സേവനം ലഭ്യമാക്കും. ചണ്ഡീഗഢില് നടത്തിയ 4ജി പരീക്ഷണം വിജയമായതോടെയാണ് രാജ്യത്തെ തെരഞ്ഞെടുത്ത ജില്ലകളില് 4ജി സേവനം ആരംഭിക്കാന് കേന്ദ്രം തീരുമാനിച്ചത്. ഇന്ത്യന് നിര്മിത 4ജി ഉപകരണങ്ങളാണ് സേവനത്തിന് ഉപയോഗിക്കുന്നതെന്നതും പ്രത്യേകതയാണ്. ഇതിനായി ടാറ്റ കണ്സള്ട്ടന്സി സര്വീസുമായി ബിഎസ്എന്എല് കരാര് ഒപ്പുവച്ചിട്ടുണ്ട്. ഒക്ടോബര് മാസത്തോടെ ഉപകരണങ്ങള് എത്തുമെന്ന് ബിഎസ്എന്എല് അധികൃതര് അറിയിച്ചു.4ജി നെറ്റ് വര്ക്ക്…
Read Moreഅത്തം ചമഞ്ഞിറങ്ങും നാളെ തൃപ്പൂണിത്തുറയിൽ
തൃപ്പൂണിത്തുറ: ആഘോഷച്ചമയങ്ങളുമായി അത്തം ഘോഷയാത്ര നാളെ. പണ്ടെങ്ങോ മുടങ്ങിപ്പോയ കൊച്ചി രാജാവിന്റെ ചമയപ്പുറപ്പാടിനെ അനുസ്മരിച്ച് നടക്കുന്ന വർണോജ്വല ഘോഷയാത്ര അത്തംനഗറിൽ നിന്നുമിറങ്ങി രാജവീഥികളിലൂടെ നഗരം ചുറ്റി അത്തംനഗറിൽ തിരിച്ചെത്തുന്നതോടെ മലയാളക്കര ഓണാഘോഷത്തിന്റെ ലഹരിയിലാറാടും. സംസ്ഥാനത്തിന്റെ ഓണാഘോഷങ്ങൾക്ക് തുടക്കം കുറിക്കുന്ന അത്തച്ചമയാഘോഷങ്ങൾ മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. നാളെ രാവിലെ ഒന്പതിന് തൃപ്പൂണിത്തുറ ഗവ. ബോയ്സ് ഹൈസ്കൂൾ ഗ്രൗണ്ടിലെ അത്തം നഗറിൽ നടക്കുന്ന ആഘോഷങ്ങൾക്ക് കെ. ബാബു എംഎൽഎ അധ്യക്ഷത വഹിക്കും. മന്ത്രി പി. രാജീവ് അത്തം പതാകയുയർത്തും. എംപിമാരായ ഹൈബി ഈഡൻ, തോമസ് ചാഴികാടൻ, നഗരസഭാ അധ്യക്ഷ രമ സന്തോഷ് തുടങ്ങിയവർ പ്രസംഗിക്കും. 10ഓടെ നടൻ മമ്മൂട്ടി ഫ്ലാഗ് ഓഫ് ചെയ്യുന്നതോടെ ഘോഷയാത്ര അത്തംനഗറിലെ പടിഞ്ഞാറെ കവാടത്തിലൂടെ നഗരവീഥിയിലേക്കിറങ്ങും. നെറ്റിപ്പട്ടം കെട്ടിയ ഗജവീരന്മാരും മലബാറിലെ വിവിധതരം തെയ്യങ്ങളും കഥകളി വേഷങ്ങൾ, കരകാട്ടം, പുലികളി, അർജുന നൃത്തം,…
Read Moreവാക്കുതര്ക്കത്തെ തുടര്ന്ന് കത്തിക്കുത്ത്; പ്രതിയുടെ വീട്ടില്നിന്ന് വടിവാളുകൾ കണ്ടെടുത്തു
കൊച്ചി: വാക്കു തര്ക്കത്തെ തുടര്ന്ന് യുവാവിനെ കുത്തിയ കേസിലെ പ്രതിയുടെ വീട്ടില് നിന്ന് വടിവാളും നൈട്രോസിപ്പാം ഗുളികകളും മരട് പോലീസ് കണ്ടെടുത്തു. പ്രതി മരട് മുന്നിറയില് വീട്ടില് അരുണ് കൃഷ്ണ (ഡാര്ക്ക്- 24)ന്റെ വീട്ടില് നടത്തിയ പരിശോധനയിലാണ് രണ്ടടി നീളമുള്ള വടിവാളും 12 നൈട്രോസിപ്പാം ഗുളികകളും മരട് പോലീസ് ഇന്സ്പെക്ടര് സാജു ജോസിന്റെ നേതൃത്വത്തിലുള്ള പോലീസ് സംഘം കണ്ടെടുത്തത്. പ്രതിക്കെതിരെ ഒരു കേസുകൂടി രജിസ്റ്റര് ചെയ്തു. സംഭവത്തെക്കുറിച്ച് പോലീസ് വിശദമായ അന്വേഷണം ആരംഭിച്ചു. മരട് സ്വദേശിയായ എബിനെയാണ് 17 ന് രാത്രി അരുണ് വെട്ടിയത്. പ്രതിയും പരാതിക്കാരനുമായ എബിന്റെ സുഹൃത്തും തമ്മിലുള്ള മുന്വിരോധം പറഞ്ഞുതീര്ക്കുന്നതിനു മരട് ന്യൂക്ലിയസ് മാളിന് മുന്നില് എത്തിയപ്പോള് അരുണ് എബിനുമായി വാക്കുതര്ക്കത്തിലേര്പ്പെട്ടു. തുടര്ന്ന് കൈയില് കരുതിയിരുന്ന കത്തിയെടുത്തു കുത്തുകയുമായിരുന്നു. കൈ ഞരമ്പ് മുറിഞ്ഞു ഗുരുതര പരിക്ക് പറ്റിയ എബിന് സ്വകാര്യ ആശുപത്രിയില് ചികിത്സയിലാണ്.…
Read Moreയൂസ്ഡ് കാര് തട്ടിപ്പ്; പോലീസ് ഉദ്യോഗസ്ഥര് കേസ് അന്വേഷണത്തിനായി പ്രതിയുടെ വാഹനം ഉപയോഗിച്ചെന്ന് കണ്ടെത്തല്
സ്വന്തം ലേഖികകൊച്ചി: വില്പന നടത്തിത്തരാമെന്ന് വിശ്വസിപ്പിച്ച് കാറുകള് കൈക്കലാക്കിയശേഷം മറിച്ചുവിറ്റ് ലക്ഷങ്ങള് തട്ടിയ കേസില് അറസ്റ്റിലായ പാലാരിവട്ടം ആലിന്ചുവട് എ ബി കാര് സ്ഥാപനമുടമ നെയ്യാറ്റിന്കര ചെങ്കല് പ്ലാമൂട്ടുകട പേരുംചേരിവീട്ടില് കെ.എസ്. അമലിന്റെ വാഹനങ്ങള് കൊച്ചി സിറ്റി പോലീസിലെ ചില പോലീസ് ഉദ്യോഗസ്ഥര് ഉപയോഗിച്ചിരുന്നതായി കണ്ടെത്തല്. മദ്യം, മയക്കുമരുന്നു കേസുകളുടെ അന്വേഷണത്തിന്റെ ഭാഗമായിട്ടാണ് ഇയാളുടെ വാഹനം ഉപയോഗിച്ചെന്നാണ് കണ്ടെത്തിയിരിക്കുന്നത്. അമലിന് പാലാരിവട്ടം, എളമക്കര പോലീസ് സ്റ്റേഷനുകളിലെ ചില ഉദ്യോഗസ്ഥരുമായി അടുത്ത ബന്ധമുണ്ടെന്ന് നേരത്തെ അന്വേഷണ സംഘം കണ്ടെത്തിയിരുന്നു. ഇതിന്റെ പശ്ചാത്തലത്തില് അമലിന്റെ ഉടമസ്ഥതയിലുള്ള വാഹനം പോലീസ് ഉദ്യോഗസ്ഥര് കേസ് അന്വേഷണത്തിന് ഉപയോഗിച്ചതിനെക്കുറിച്ച് വ്യക്തത വരുത്താനുള്ള അന്വേഷണമാണ് ഇപ്പോള് പുരോഗമിക്കുന്നത്. സുഹൃത്തുക്കളായ ചില പോലീസ് ഉദ്യോഗസ്ഥര്ക്കൊപ്പംനിന്ന് ഇയാള് എടുത്തിട്ടുള്ള ഫോട്ടോകള് സമൂഹമാധ്യമങ്ങളില് പോസ്റ്റ് ചെയ്തിരുന്നു. ആ ഉദ്യോഗസ്ഥരെ കേന്ദ്രീകരിച്ചും അന്വേഷണം നടക്കുന്നുണ്ട്. പ്രതിയുടെ എളമക്കര താന്നിക്കല് ജംഗ്ഷനിലുള്ള ഫ്ളാറ്റില്…
Read Moreജയിലര് കാണാനെത്തി ജയിലിലാകാതെ രക്ഷപ്പെട്ടു; യുവാവിനോട് യുവതി ക്ഷമിച്ചു; പയ്യന്നൂർ തിയേറ്ററിൽ സംഭവിച്ചത്…
പയ്യന്നൂര്: രജനികാന്ത് സിനിമ ജയിലർ കാണാനെത്തിയ യുവാവ് ഒടുവിൽ യുവതിയുടെ കാരുണ്യത്താൽ ജയിലാകാതെ രക്ഷപ്പെട്ടു. നാട്ടുകാർ പിടികൂടി പോലീസിലേൽപ്പിച്ചിട്ടും തന്നോടു മോശമായി പെരുമാറിയ രാമന്തളിയിലെ നാല്പ്പത്തൊമ്പതുകാരനോടു യുവതി ക്ഷമിക്കുകയായിരുന്നു. തിയേറ്ററിന്റെ അകത്തുവച്ചു യാവാവിന്റെ ‘കയ്യിലിരുപ്പ്’ മോശമായപ്പോളാണ് യുവതി പ്രതകരിച്ചത്. ഇന്നലെ ഉച്ചകഴിഞ്ഞ് രണ്ടേമുക്കാലോടെ ജയിലര് സനിമ കാണാന് സുഹൃത്തുക്കളായ മൂന്നുവനിതകളോടൊപ്പമെത്തിയ യുവതിയാണ് യുവാവിന്റെ കയ്യിലിരിപ്പ് കണ്ട് പ്രതികരിച്ചത്. സിനിമ കണ്ടുകൊണ്ടിരിക്കുമ്പോള്തന്നെയായിരുന്നു സംഭവം. യുവതി പുറത്തിറങ്ങി തിയേറ്റര് നടത്തിപ്പുകാരോട് സംഭവം പറഞ്ഞതിനെ തുടര്ന്ന് അവര് പോലീസില് വിവരമറിയിക്കുകയായിരുന്നു. അപകടം മണത്തതോടെ രക്ഷപ്പെടാനായി ഓടിയ യുവാവിനെ റോഡിലെത്താനായപ്പോഴേക്കും പിന്തുടര്ന്നെത്തിയവര് പിടികൂടി തിയേറ്ററിലെത്തിച്ച് തടഞ്ഞുവെച്ചു. അപ്പോഴേക്കുമെത്തിയ പോലീസിന് യുവാവിനെ കൈമാറിയെങ്കിലും ഇയാളുടെ ഭാര്യയേയും മക്കളേയുമോര്ത്ത് യുവതി പിന്വാങ്ങിയതിനാലാണ് ജയിലിലാകാതെ രക്ഷപ്പെട്ടത്. ഒടുവില് പൊതുസ്ഥലത്ത് ലൈംഗീകചേഷ്ഠ കാണിച്ചതിന് പോലീസ് ഇയാള്ക്കെതിരെ സ്വമേധയാ കേസെടുത്ത് ജാമ്യത്തില് വിട്ടു.
Read More