തിരുവനന്തപുരം: ഭക്ഷ്യകിറ്റ് വാങ്ങാത്തവർക്ക് റേഷൻ ലഭിക്കില്ലെന്ന പ്രചാരണം തെറ്റാണെന്നു ഭക്ഷ്യപൊതുവിതരണ വകുപ്പ് മന്ത്രിയുടെ ഓഫീസ് അറിയിച്ചു. അനർഹരെ ഒഴിവാക്കി അർഹരായവരെ മുൻഗണനാ പട്ടികയിൽ ഉൾപ്പെടുത്താനാവുമോയെന്ന് പരിശോധിക്കാനുള്ള സർക്കാർ നീക്കമാണ് തെറ്റായി പ്രചരിപ്പിക്കപ്പെട്ടത്. സംസ്ഥാനത്തെ മുപ്പതിനായിരത്തിലേറെ റേഷൻ കാർഡ് ഉടമകൾ കഴിഞ്ഞ ആറ് മാസമായി തുടർച്ചയായി റേഷൻ വാങ്ങാത്തവരും സൗജന്യ ഭക്ഷ്യകിറ്റ് വാങ്ങാത്തവരുമാണെന്ന് പൊതുവിതരണ വെബ്സൈറ്റിൽനിന്ന് മനസിലായിട്ടുണ്ട്. ഇവരുടെ മുൻഗണനാ പദവിയുടെ അർഹത പരിശോധിക്കാൻ സർക്കാർ തീരുമാനിച്ചിട്ടുണ്ട്. മുൻഗണനാ പദവി ഉണ്ടായിട്ടും അർഹതപ്പെട്ട വിഹിതം വാങ്ങാതെ ലാപ്സാക്കുന്നത് വെയിറ്റിംഗ് ലിസ്റ്റിലുള്ള കുടുംബങ്ങളോടു കാട്ടുന്ന അനീതിയാണ്. ഇവരുടെ വിശദാംശങ്ങളാണ് പരിശോധിക്കുന്നതെന്നും മന്ത്രിയുടെ ഓഫീസ് അറിയിച്ചു. ഇത്തരത്തിൽ റേഷനും അതിജീവന കിറ്റും വാങ്ങാത്തവരുടെ പട്ടിക എല്ലാ റേഷൻ കടകളിലും വില്ലേജ് ഓഫീസുകളിലും തദ്ദേശസ്വയംഭരണ സ്ഥാപനങ്ങളിലും പ്രദർശിപ്പിക്കും. റേഷൻ വാങ്ങാത്ത കാർഡ് ഉടമകൾക്കു നോട്ടീസ് നൽകി അവർക്കു പറയാനുള്ളതു കണക്കിലെടുത്തു മാത്രമേ തീരുമാനമെടുക്കൂയെന്നും…
Read MoreCategory: TVM
ആംബുലൻസിലെ പീഡനം: ദുരനുഭവത്തിന്റെ ആഘാതം വിട്ടുമാറിയില്ല; മെച്ചപ്പെട്ട കൗൺസിലിംഗിന് പെൺകുട്ടിയെ കോട്ടയത്തേക്ക് മാറ്റി
കോട്ടയം: ആംബുലൻസിൽ വച്ച് പീഡനത്തിനിരയായ പെൺകുട്ടിയെ കോട്ടയം മെഡിക്കൽ കോളജ് ആശുപത്രിയിലേക്ക് മാറ്റി. മെച്ചപ്പെട്ട കൗൺസിലിംഗ് നടത്താനാണ് കോട്ടയത്തേക്ക് മാറ്റിയത്. അതേസമയം പെൺകുട്ടിയുടെ വിശദമായ മൊഴിയെടുക്കാൻ അന്വേഷണ സംഘത്തിന് ഇതുവരെ കഴിഞ്ഞില്ല. സംഭവത്തെ തുടർന്നുണ്ടായ ആഘാതം പെൺകുട്ടിക്ക് വിട്ടുമാറിയിട്ടില്ല.
Read Moreക്വാറന്റൈനിലിരുന്ന യുവതിക്ക് പീഡനം; ഹെൽത്ത് ഇൻസ്പെക്ടർക്ക് സസ്പെൻഷൻ
തിരുവനന്തപുരം: കോവിഡ് നിരീക്ഷണത്തിലിരുന്ന യുവതിയെ പീഡിപ്പിച്ച സംഭവത്തില് ഹെല്ത്ത് ഇന്സ്പെക്ടറെ ആരോഗ്യവകുപ്പ് സസ്പെൻഡ് ചെയ്തു. കുളത്തുപ്പുഴ സാമൂഹിക ആരോഗ്യ കേന്ദ്രത്തിലെ ജൂണിയർ ഹെൽത്ത് ഇൻസ്പെക്ടർ പ്രദീപിനെതിരേയാണ് നടപടിയെടുത്തത്. മലപ്പുറത്ത് ജോലിക്ക് പോയിരുന്ന യുവതി നാട്ടിൽ തിരിച്ചെത്തി ക്വാറന്റൈനിൽ കഴിഞ്ഞിരുന്നു. നിരീക്ഷണ കാലാവധിക്ക് ശേഷം കോവിഡ് പരിശോധന നടത്തുകയും ഫലം നെഗറ്റീവാകുകയും ചെയ്തു. സർട്ടിഫിക്കറ്റ് വാങ്ങാനായി സെപ്റ്റംബർ മൂന്നിന് പാങ്ങോടുളള ഹെല്ത്ത് ഇന്സ്പെക്ടറുടെ വീട്ടില് എത്തിയപ്പോഴാണ് കെട്ടിയിട്ട് പീഡനം നടത്തിയത്. സംഭവത്തിൽ ഹെൽത്ത് ഇൻസ്പെക്ടർ പ്രദീപിനെ പോലീസ് അറസ്റ്റ് ചെയ്തിരുന്നു. പീഡനത്തിരയായ യുവതിയെ ഭരതനൂരിലെ ഫ്ലാറ്റിൽ എത്തിച്ച് മൊഴി എടുത്തു.
Read Moreടാറിൽ മുങ്ങിയ നായ്ക്കുട്ടികൾക്ക് രക്ഷകരായി യുവാക്കൾ; വിവരം അഗ്നിരക്ഷാ സേനയെയും പോലീസിനെയും അറിയിച്ചെങ്കിലും അവർ അവഗണിച്ചെന്ന് യുവാക്കൾ
കാട്ടാക്കട : ടാറിൽ മുങ്ങിയ നായ്ക്കുട്ടികൾക്ക് രക്ഷകരായി ഒരുകൂട്ടം യുവാക്കൾ. മലയിൻകീഴ് തച്ചോട്ടു കാവ് കാവുവിള ലയിനിൽ തച്ചോട്ടുകാവ് റസിഡന്റ്സ് അസോസിയേഷൻ പരിധിയിലാണ് ഒന്നര മാസം പ്രായമുള്ള നായകുട്ടികൾക്ക് യുവാക്കൾ രക്ഷകരായത്. സ്വകാര്യ പുരയിടത്തിൽ മറിഞ്ഞുകിടന്ന ടാർ വീപ്പയിലേക്ക് ഏഴു നായ്ക്കുട്ടികൾ ഓടി കയറുകയായിരുന്നു. വൈകുന്നേരം ബാഡ്മിന്റൺ കളിക്കാൻ എത്തിയ പ്രദേശവാസികളായ യുവാക്കളാണ് ടാറിൽ മുങ്ങിയ നായ്ക്കുട്ടികളെ കണ്ടെത്തിയത്. തുടർന്ന് സന്ദീപ് രവീന്ദ്രൻ,അമൽ ബാബു,ശ്രീലാൽ, എസ്.എസ്.അതുൽ, വിഷ്ണു, സംഗീത് , ജ,മഹേഷ്, എസ് .വൈശാഖ്, ലാലു എന്നിവരടങ്ങിയ സംഘം മണ്ണെണ്ണയും ഡീസലുമായെത്തി രക്ഷപെടുത്തുകയായിരുന്നു. വിവരം അഗ്നിരക്ഷാ സേനയെയും പോലീസിനെയും അറിയിച്ചെങ്കിലും അവർ അവഗണിച്ചെന്ന് യുവാക്കൾ പറഞ്ഞു.
Read Moreഇരട്ടക്കൊലപാതകം! ഉണ്ണിയുടെ അറസ്റ്റ് ഇന്ന് രേഖപ്പെടുത്തും; ഉന്നത ഗൂഢാലോചനയ്ക്ക് തെളിവുകളില്ലാതെ പോലീസ്
വെഞ്ഞാറമൂട് : വെഞ്ഞാറമൂട് ഇരട്ടക്കൊല കൃത്യത്തിൽ നേരിട്ട് പങ്കെടുത്തെന്ന് പോലീസ് പറയുന്ന ഉണ്ണിയുടെ അറസ്റ്റ് ഇന്ന് രേഖപ്പെടുത്തും. കസ്റ്റഡിയിലായ ഉണ്ണിയെ അന്വേഷണ സംഘം വിശദമായി ചോദ്യം ചെയ്ത് വരികയാണ്. ഇന്നലെ രാത്രിയാണ് സംഭവം നടന്ന സ്ഥലത്തു നിന്ന് രണ്ടു കിലോമീറ്റർ അപ്പുറത്തുള്ള വള്ളിയറുപ്പാൻകാട് ഏസ്റ്റേറ്റിൽ നിന്നും അന്വേഷണ സംഘം ഉണ്ണിയെ കസ്റ്റഡിയിൽ എടുത്തത്. കേസിൽ അറസ്റ്റിലായ പ്രതികളുടെ ഫോണുകളിലേയ്ക്ക് സംഭവത്തിന് മുമ്പും പിമ്പുമായുണ്ടായ ഫോൺകോളുകളല്ലാം സൈബർ പോലീസ് സഹായത്തോടെ അന്വേഷണം സംഘം സസൂക്ഷ്മം പരിശോധിച്ചു വരികയാണ്. മുഴുവൻ പ്രതികളേയും കസ്റ്റഡിൽ വാങ്ങി തെളിവെടുപ്പ് ആരംഭിക്കാനുള്ള ഒരുക്കത്തിലാണ് അന്വേഷണ സംഘം. ഉന്നത ഗൂഢാലോചനയ്ക്ക് തെളിവുകളില്ലാതെ പോലീസ് തിരുവനന്തപുരം : വെഞ്ഞാറമൂട് ഇരട്ട കൊലപാതകക്കേസിലെ പ്രതികൾ എല്ലാവരും നിലവിൽ കോൺഗ്രസ് പ്രവർത്തകരാണെന്ന് പോലീസ്. പ്രതികളിൽ ചിലർ നേരത്തെ സിപിഎമ്മിന്റെയും ബിജെപിയുടെയും അനുഭാവികളായിരുന്നുങ്കിലും പിന്നീട് കോൺഗ്രസ് പ്രവർത്തകരാവുകയായിരുന്നുവെന്ന് പോലീസ് പറയുന്നു.…
Read Moreമലമുകളിൽ ഒളിച്ചാലും പോലീസ് പൊക്കും; വെഞ്ഞാറമൂട് ഇരട്ടക്കൊലപാതകത്തിലെ മുഖ്യപ്രതി പോലീസ് പിടിയിൽ
തിരുവനന്തപുരം: വെഞ്ഞാറമൂട് ഇരട്ടക്കൊലപാതക കേസിലെ മുഖ്യപ്രതികളിലൊരാൾ അറസ്റ്റിൽ. ഐഎൻടിയുസി പ്രാദേശിക നേതാവായ ഉണ്ണിയാണ് അറസ്റ്റിലായത്. കൊലപാതകത്തിൽ ഇയാൾക്ക് നേരിട്ട് ബന്ധമുണ്ടെന്നാണ് റിപ്പോർട്ടുകൾ. മദപുരത്തെ മലയുടെ മുകളിൽ ഇയാൾ ഒളിവിൽ കഴിയുകയായിരുന്നു. ഇവിടെ നിന്നാണ് പിടിയിലായത്. രണ്ട് ഡിവൈഎഫ്ഐ പ്രവർത്തകരെ കൊലപ്പെടുത്തിയ കേസിൽ ഒരു സ്ത്രീ ഉൾപ്പെടെ നാല് പേർ നേരത്തെ അറസ്റ്റിലായിരുന്നു. കേസിൽ അറസ്റ്റിലായ നാല് പ്രതികളും റിമാൻഡിലാണ്.
Read Moreസർക്കാരിനേയും സിപിഎമ്മിനേയും പ്രതിസന്ധിയിലാക്കി വിവാദങ്ങളിൽ നിന്ന് പിടിവിടാതെ ബിനിഷും ബിനോയും
തിരുവനന്തപുരം: സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകൻ ബിനീഷിനെതിരെ ഉയർന്നു വന്ന പുതിയ ആരോപണം സ്വർണക്കടത്ത് വിവാദത്തിൽപ്പെട്ടുലയുന്ന സർക്കാരിനേയും സിപിഎമ്മിനേയും പ്രതിസന്ധിയിലാക്കിയിരിക്കുകയാണ്. ബംഗളൂരുവിൽ അറസ്റ്റിലായ മയക്കുമരുന്ന് മാഫിയയുമായി ബിനീഷ് കോടിയേരിക്ക് ബന്ധമുണ്ടെന്ന് മുസ്ലിം യൂത്ത് ലീഗ് സംസ്ഥാന ജനറൽ സെക്രട്ടറി പി.കെ ഫിറോസ് ആരോപിച്ചിരുന്നു. ഇതിനു പിന്നാലെ മയക്കുമരുന്ന് മാഫിയ സംഘത്തിലെ അനൂപ് മുഹമ്മദിനൊപ്പം ബിനീഷ് കോടിയേരി നിൽക്കുന്ന ചിത്രങ്ങളും സോഷ്യൽ മീഡയയിൽ സജീവമായി. എൽഡിഎഫ് സർക്കാരിന്റെ ഭരണകാലത്ത് പലപ്പോഴും ബിനീഷും സഹോദരൻ ബിനോയിയും വിവാദങ്ങളിൽ നിറഞ്ഞു നിൽക്കാറുണ്ട്. ബിനോയിക്കെതിരെ ഉയർന്ന സാന്പത്തിക തട്ടിപ്പ് വിവാദം വളരെയേറെ കോളിളക്കം സൃഷ്ടിച്ചിരുന്നു. ദുബായിലെ ജാസ് ടൂറിസം എല്എല്സി എന്ന കമ്പനി ഉടമ ഹസന് അല് മര്സൂഖിയാണ് ബിനോയിക്കെതിരെ ആരോപണവുമായി രംഗത്ത് വന്നത്. കോടികള് തട്ടിപ്പ് നടത്തി ബിനോയ് മുങ്ങി എന്നതായിരുന്നു ആരോപണം. പിന്നീടാണ് ബിനോയിക്കെതിരെ പീഡന ആരോപണം…
Read Moreരോഗിയുമായി ആശുപത്രിയിലേക്ക് പോകുകയായിരുന്നു ആംബുലൻസ് ബൈക്കുമായി കൂട്ടിയിടിച്ച് യുവാവിന് ദാരുണാന്ത്യം
തിരുവനന്തപുരം: കാട്ടാക്കടയിൽ ആംബുലൻസും ബൈക്കും കൂട്ടിയിടിച്ച് ബൈക്ക് യാത്രികനായ യുവാവ് മരിച്ചു. ആനകോട് വീരണകാവ് കോണിനടയിൽ ഷിബു നിവാസിൽ എസ്. ഷിബു(44) ആണ് മരിച്ചത്. കുണ്ടമൺകടവ് പുതിയ പാലത്തിൽ വച്ചാണ് സംഭവം.രോഗിയുമായി ആശുപത്രിയിലേക്ക് പോകുകയായിരുന്നു ആംബുലൻസ്. വിമാനത്താവളത്തിലെ ജീവനക്കാരനായിരുന്ന ഷിബു ജോലി കഴിഞ്ഞ് വീട്ടിലേക്കു മടങ്ങുകയായിരുന്നു. ഗുരുതരമായി പരിക്കേറ്റ ഷിബുവിനെ ഉടൻ തന്നെ നാട്ടുകാരും പോലീസും ചേർന്ന് മെഡിക്കൽ കോളജ് ആശുപത്രിയിൽ പ്രവേശിപ്പിച്ചുവെങ്കിലും ജീവൻ രക്ഷിക്കാനായില്ല. ഭാര്യ രാജി. മക്കൾ കാർത്തികേയൻ, കാഞ്ചന. ഗുരുതരമായി പരിക്കേറ്റ ഷിബുവിനെ ഉടൻ തന്നെ നാട്ടുകാരും പോലീസും ചേർന്ന് മെഡിക്കൽ കോളജ് ആശുപത്രിയിൽ പ്രവേശിപ്പിച്ചുവെങ്കിലും ജീവൻ രക്ഷിക്കാനായില്ല. ഭാര്യ രാജി. മക്കൾ കാർത്തികേയൻ, കാഞ്ചന.
Read Moreഇരട്ടക്കൊല! ആക്രമണങ്ങൾ തുടരുന്നു; കെപിസിസി അംഗം ലീനയുടെ വീട് അടിച്ചു തകർത്തു
തിരുവനന്തപുരം : യൂത്ത് കോൺഗ്രസ് മുൻ സംസ്ഥാന സെക്രട്ടറിയും കെപിസിസി അംഗവുമായ ലീനയുടെ വീടിനു നേരേ ആക്രമണം. വീടിന്റെ ജനൽ ച്ചില്ലുകൾ അടിച്ചു തകർത്തു. ജനൽച്ചില്ലുകൾ തെറിച്ചു വീണു ലീനക്കും മകനും പരിക്കേറ്റു. ഇന്ന് പുലർച്ചെ രണ്ടു മണിയോടെ ബൈക്കിലെത്തിയ രണ്ടു പേരാണ് ആക്രമണം നടത്തിയതെന്നും ആക്രമണത്തിനു പിന്നിൽ സിപിഎം പ്രവർത്തകരാണെന്നും ലീന ആരോപിച്ചു. ഇതു നാലാമത്തെ തവണയാണ് തന്റെ വീടിന് നേരേ ആക്രമണം ഉണ്ടാകുന്നതെന്ന് ലീന ആരോപിച്ചു. മൂന്ന് ദിവസം മുൻപ് കോൺഗ്രസിന്റെ നേതൃത്വത്തിൽ ഓണക്കിറ്റ് വിതരണം നടത്തിയിരുന്നു. അന്ന് സിപിഎം പ്രവർത്തകർ ഭീഷണിപ്പെടുത്തിയിരുന്നുവെന്നും അതിന്റെ തുടർച്ചയാണ് ആക്രമണമെന്ന് സംശയിക്കുന്നതായും ലീന പറയുന്നു. പൂന്തുറ പോലീസിൽ പരാതി നൽകി.
Read Moreപ്രെസ്റ്റീജ് കാര്യമാണ്..!പാർട്ടിയെ സ്നേഹിക്കുന്നവർ പരസ്യ പ്രസ്താവന നടത്തരുതെന്ന് മുല്ലപ്പള്ളി
തിരുവനന്തപുരം: സംഘടനാപരമായ വിഷയങ്ങളിൽ പരസ്യപ്രസ്താവന നടത്തരുതെന്ന എഐസിസിയുടെ നിര്ദ്ദേശം എല്ലാവരും പാലിക്കണമെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ. എല്ലാവർക്കും പാര്ട്ടി വേദികളില് അഭിപ്രായം പറയാൻ സ്വാതന്ത്ര്യമുണ്ട്. എന്നാൽ പാര്ട്ടിയെ സ്നേഹിക്കുന്നവർ പരസ്യപ്രസ്താവന നടത്തരുതെന്ന് മുല്ലപ്പള്ളി പറഞ്ഞു.ഉള്പ്പാര്ട്ടി ജനാധിപത്യം പൂര്ണമായും അനുവദിക്കുന്ന പ്രസ്ഥാനം എന്ന നിലയില് പാര്ട്ടി വേദികളില് അഭിപ്രായം രേഖപ്പെടുത്താന് എല്ലാവര്ക്കും സ്വാതന്ത്ര്യമുണ്ട്. പാര്ട്ടിയെ സ്നേഹിക്കുന്നവരാരും പരസ്യപ്രസ്താവന നടത്തരുത്. സംഘടനാപരമായ വിഷയങ്ങളിൽ പരസ്യപ്രസ്താവന നടത്തരുതെന്ന എഐസിസിയുടെ നിര്ദേശം എല്ലാവരും പാലിക്കണമെന്നും മുല്ലപ്പള്ളി ആവശ്യപ്പെട്ടു. സംഘടനാ വിഷയത്തിൽ സോണിയാഗാന്ധിക്ക് കത്ത് നൽകിയ ശശി തരൂരിനെ ചൊല്ലി സംസ്ഥാന കോൺഗ്രസിൽ വാക്പോര് രൂക്ഷമായ സാഹചര്യത്തിലാണ് പരസ്യ പ്രസ്തവന വിലക്കി മുല്ലപ്പള്ളി രാമചന്ദ്രൻ രംഗത്തെത്തിയത്. വിശ്വ പൗരൻ ആണെന്ന് കരുതി എന്തും പറയരുതെന്നാണ് കൊടിക്കുന്നിൽ സുരേഷ് തരൂരിനെ വിമർശിച്ചത്. അതേസമയം തരൂരിന് പിന്തുണയുമായി പി.ടി തോമസും കെ.എസ് ശബരീനാഥനും രംഗത്തെത്തിയിരുന്നു.
Read More