തിരുവനന്തപുരം: കേരളാബാങ്ക് രൂപീകരണത്തിന്റെ പേരിൽ സിപിഎം നിയന്ത്രണത്തിലുള്ള സഹകരണ സ്ഥാപനമായ റബ്കോയുടെ 238 കോടി കിട്ടാക്കടം ഏറ്റെടുക്കാനുള്ള സർക്കാർ തീരുമാനം ദൂരവ്യാപകമായ പ്രത്യാഘാതമുണ്ടാക്കുമെന്നു പ്രതിപക്ഷ നേതാവ് രമേശ് ചെന്നിത്തല. കേരളാ ബാങ്കിന് അംഗീകാരം നൽകണമെങ്കിൽ സംസ്ഥാന സഹകരണബാങ്കിന്റെ കിട്ടാക്കടങ്ങൾ ഇല്ലാതാക്കണമെന്ന റിസർവ് ബാങ്കിന്റെ നിർദേശത്തിന്റെ മറപിടിച്ചാണ് സിപിഎം നിയന്ത്രണത്തിലുള്ള പ്രൈമറി സഹകരണ സംഘം മാത്രമായ റബ്കോയുടെ 238 കോടി കടം സർക്കാർ ഏറ്റെടുക്കുന്നത്. രൂപീകരണ ശേഷം ഇന്നേവരെ ലാഭമുണ്ടാക്കാത്ത സ്ഥാപനമാണ് റബ്കോ. മുഖ്യമന്ത്രി പിണറായി വിജയനായിരുന്നു റബ്കോയുടെ ആദ്യ ചെയർമാൻ. കോടിക്കണക്കിന് രൂപ നഷ്ടം വരുത്തിയിട്ടും നൽകിയ കടത്തിൽ നിന്നും ഒരു രൂപ പോലും ഈടാക്കാൻ സംസ്ഥാന സഹകരണ ബാങ്കോ സർക്കാരോ ശ്രമിച്ചില്ല. റബ്കോ പുറത്തിറക്കുന്ന ഉൽപ്പന്നങ്ങൾക്ക് വിപണയിൽ കാര്യമായ ചലനങ്ങൾ ഉണ്ടാക്കാനായില്ല. പ്രളയത്തിനു നടുവിൽ ജനം ദുരിതം അനുഭവിക്കുമ്പോൾ ഇത്തരം നിരവധി ധൂർത്തുകളാണ് ആരും ശ്രദ്ധിക്കില്ലന്ന…
Read MoreCategory: TVM
വിദേശകാര്യ സഹമന്ത്രി ഇന്ന് കവളപ്പാറയിൽ; പ്രളയത്തെ തുടർന്ന് ദുരിതാശ്വാസ ക്യാമ്പിൽ കഴിയുന്നത് ഒന്നരലക്ഷത്തോളം പേർ; കവളപ്പാറയിലും പുത്തുമലയിലും തെരച്ചിൽ തുടരുന്നു
തിരുവനന്തപുരം: പ്രളയത്തെത്തുടർന്ന് വിവിധ ദുരിതാശ്വാസ ക്യാന്പിൽ കഴിയുന്നവർ ഒന്നരലക്ഷത്തോളംപേർ. 965 ക്യാന്പുകളിലായി 155796 പേരാണ് ക്യാന്പുകളിൽ കഴിയുന്നത്. മലപ്പുറം വയനാട് കോഴിക്കോട് കണ്ണൂർ ആലപ്പുഴ എറണാകുളം ജില്ലകളിലാണ് കൂടുതൽപേർ ക്യാന്പുകളിൽ കഴിയുന്നത് . കവളപ്പാറയിലെ ഉരുൾപ്പെട്ടലിൽപ്പെട്ട രണ്ടുപേരുടെ മൃതദേഹംകുടി ഇന്നു കണ്ടെത്തി. കിഷോർ എന്ന കുട്ടിയുടെ മൃതദേഹമാണ് ഇന്നു ലഭിച്ചതിലൊന്ന്. കവളപ്പാറയിൽ ഇതുവരെ മരണമടഞ്ഞവരുടെ എണ്ണം 35 ആയി. ഇനി 24 പേരെക്കൂടി ഇവിടെ നിന്നും കണ്ടെത്താനുണ്ട്. പുത്തുമലയിൽ ഏഴുപേരെയും ഇനിയും കണ്ടെത്തിയില്ല. പ്രളയദുരന്തത്തിൽ മരിച്ചവരുടെ എണ്ണം 105 ആയി. കവളപ്പാറയിലും പുത്തുമലയിലും ഇന്നും തെരച്ചിൽ തുടരുകയാണ്. കവളപ്പാറയിൽ ഇന്നലെ നടത്തിയ തെരച്ചിലില് മൂന്ന് പേരുടെ മൃതദേഹം കണ്ടെത്തി. കമല (55), സുകുമാരൻ (63), രാധാമണി 58 എന്നിവരുടെ മൃതദേഹമാണ് ഇന്നലെ കണ്ടെത്തിയത്. വിദേശകാര്യ സഹമന്ത്രി വി മുരളീധരൻ ഇന്ന് വൈകീട്ട് കവളപ്പാറയിലെത്തും. ദുരിതാശ്വാസ ക്യാമ്പും അദ്ദേഹം…
Read Moreതലസ്ഥാനത്ത്നിന്ന് പ്രളയമേഖലയിലെ കുട്ടികൾക്കായി കളിപ്പാട്ട വണ്ടി കോഴിക്കോട്ടേക്ക്
തിരുവനന്തപുരം: പ്രളയ ദുരിതമേഖലയിലെ കുട്ടികൾക്കായി തലസ്ഥാനത്ത് നിന്ന് കളിപ്പാട്ടവണ്ടി ഇന്നു തിരിക്കും . കുട്ടികൾക്കായി പ്രവർത്തിക്കുന്ന റൈറ്റ്സ് എന്ന സംഘടനയാണ് കളിപ്പാട്ടങ്ങൾ ശേഖരിച്ച് ദുരന്തമേഖലയിൽ എത്തിക്കാൻ ശ്രമിക്കുന്നത്. ദുരന്തങ്ങൾ തകർത്തെറിയുന്നത് കുട്ടികളുടെ കളിചിരികൾ കൂടിയാണ് എന്ന ചിന്തയില് നിന്നാണ് ഇത്തരമൊരു ആശയം ജനിച്ചതെന്ന് റൈറ്റ്സ് സംഘടനാ ഭാരവാഹികൾ പറയുന്നു. കളിപ്പാട്ടങ്ങൾ കൊണ്ട് അവരുടെ സന്തോഷത്തിന്റെ ലോകം പുനർനിർമ്മിക്കുകയാണ് കളിപ്പാട്ടവണ്ടിയുടെ ലക്ഷ്യം. ദുരിതമേഖലയിലെ കുട്ടികൾക്കായി കളിപ്പാട്ടങ്ങൾ സമ്മാനിക്കാൻ ആഗ്രഹിക്കുന്നവർക്ക് റൈറ്റ്സിന്റെ തിരുവനന്തപുരം ഓഫീസിൽ എത്തിക്കാം. കളിപ്പാട്ടങ്ങൾക്ക് പുറമേ ക്രയോൺസും, കളർപെൻസിലും ചെസ് ബോർഡും തുടങ്ങി കുട്ടികൾക്ക് കളിക്കാനുളളതെന്തും ഇവർക്ക് കൈമാറാം. തിരുവനന്തപുരത്ത് നിന്ന് കളിപ്പാട്ടവണ്ടി ഇന്നു കോഴിക്കോട്ടേക്ക് പുറപ്പെടും. തലസ്ഥാനത്ത് 12 കേന്ദ്രങ്ങളിലായാണ് കളിപ്പാട്ട ശേഖരണം ഒരുക്കിയിരിക്കുന്നത്. പോകുന്ന വഴിയിൽ 100 കേന്ദ്രങ്ങളിൽ നിന്നും കളിപ്പാട്ടങ്ങൾ ശേഖരിക്കും.
Read Moreദുരിതാശ്വാസ സഹായവുമായി വയനാട്ടിൽ പോയി മടങ്ങിയ പിക്കപ്പ് വാൻ ലോറിയുമായി കൂട്ടിയിടിച്ച് അപകടം; തിരുവനന്തപുരം സ്വദേശികളായ മൂന്ന് യുവാക്കൾക്ക് പരിക്ക്
മുഹമ്മ. ദേശീയപാതയിൽ വളവനാട് ജംഗ്ഷന് സമീപം പിക്കപ്പുവാനും ടാങ്കർ ലോറിയും കൂട്ടിയിടിച്ച് മൂന്നുപേർക്ക് പരിക്കേറ്റു. പിക്കപ്പുവനിലുണ്ടായിരുന്ന തിരുവനന്തപുരം വട്ടിയൂർക്കാവ് സ്വദേശി ശരത് (35), തിരുവനന്തപുരം വേട്ടമുക്ക് സ്വദേശികളായ രാജീവ് (27), അഖിൽ (26) എന്നിവർക്കാണ് പരിക്കേറ്റത്. ഇ വരെ വണ്ടാനം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. പ്രളയദുരിതാശ്വാസ സഹായവുമായി വയനാട്ടിൽ പോയിട്ട് വരുകയായിരുന്ന പിക്കപ്പുവാൻ എതിരെ വന്ന ലോറിയുമായി കൂട്ടിയിടിക്കുകയായിരുന്നു. ഇന്നലെ രാവിലെ ആറോടെയായിരുന്നു അപകടം. ഓടിക്കൂടിയ നാട്ടുകാരാണ് പരിക്കേറ്റവരെ ആശുപത്രിയിലെത്തിച്ചത്. അപകടത്തെ തുടർന്ന് അര മണിക്കൂറോളം ഗതാഗതം തടസപ്പെട്ടു. ആലപ്പുഴയിൽ നിന്നുമെത്തിയ ഫയർഫോഴ്സ് ഉദ്യോഗസ്ഥരാണ് ഗതാഗതം പുനഃസ്ഥാപിച്ചത്.
Read Moreഇത് ഞങ്ങളുടെ സമ്പാദ്യമാ സിസ്റ്ററേ..! സജ്നയും ജിതിനും കുടുക്ക പൊട്ടിച്ചു: പ്രളയ ദുരിത ബാധിതരെ സഹായിക്കാന്; അഭിമാനത്തോടെ പ്രിൻസിപ്പൽ പറഞ്ഞ വാക്കുകളിങ്ങനെ…
സ്വന്തം ലേഖകന് നെയ്യാറ്റിന്കര : സിസ്റ്ററേ, പ്രളയത്തില് സങ്കടപ്പെടുന്ന ഒരുപാട് പേരില്ലേ… ഇത് ഞങ്ങളുടെ സന്പാദ്യമാ… ഞങ്ങളുടെ പക്കല് ഇതേയുള്ളൂ സിസ്റ്ററേ… ലൂര്ദിപുരം സെന്റ് ഹെലന്സ് ഹൈസ്കൂള് പ്രിന്സിപ്പൽ സിസ്റ്റര് എല്സമ്മ തോമസ് നാണയത്തുട്ടുകള് അടങ്ങിയ ആ കിഴികള് ഏറ്റുവാങ്ങുന്പോള് ഹൃദയം സന്തോഷത്താല് നിറഞ്ഞു. ഇരുവരെയും ചേര്ത്ത് പിടിച്ച് സിസ്റ്റര് എല്സമ്മ പറഞ്ഞു “ഗോഡ് ബ്ലസ് യു ചില്ഡ്രന്…’ലൂര്ദിപുരം സെന്റ് ഹെലന്സ് സ്കൂളിലെ വിദ്യാര്ഥികളായ സജ്നയും ജിതിനുമാണ് നിഷ്കളങ്കമായ സ്നേഹത്തിന്റെയും അതിരുകളില്ലാത്ത നന്മയുടെയും ഉദാത്ത മാതൃകകളായത്. പ്രളയ ദുരിതാശ്വാസത്തിനായി തങ്ങളാൽ കഴിയുന്നത് നൽകി സഹായിക്കാൻ സ്കൂളിലെ പ്രഥമാധ്യാപിക സിസ്റ്റർ എൽസമ്മ തോമസ് കുട്ടികളെ അറിയിച്ചിരുന്നു. ചിലര് അവശ്യ സാധന സാമഗ്രികള് എത്തിച്ചു. മറ്റു ചില കുട്ടികള് രക്ഷിതാക്കള് നല്കിയ തുകകള് സ്കൂളില് ഏല്പ്പിച്ചു. സഹോദരങ്ങളായ സജ്നയും ജിതിനും ഇന്നലെ സ്കൂളില് വന്നത് രണ്ടു കിഴികളുമായാണ്. ഒന്നാം ക്ലാസ്…
Read Moreപ്രായപൂർത്തിയാവാത്ത പെൺകുട്ടിയെ വിവാഹം കഴിക്കാമെന്ന് പറഞ്ഞ് മോഹിപ്പിച്ചു; പിന്നീട് പല സ്ഥലങ്ങളിൽ കൊണ്ടുപോയി പീഡിപ്പിച്ചതായി പരാതി
പാലോട്: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ പ്രതിയെ അറസ്റ്റ് ചെയ്തു. പെരിങ്ങമ്മല അഗ്രിഫാം പന്നിയോടുകടവിൽ അഖിൽ വിലാസത്തിൽ അഖിൽസുധൻ (19) ആണ് അറസ്റ്റിലായത്. പെൺകുട്ടിയെ വിവാഹ വാഗ്ദാനം നൽകി പ്രലോഭിപ്പിച്ച് തട്ടിക്കൊണ്ടുപോയി പീഡിപ്പിക്കുകയായിരുന്നു. പെൺകുട്ടിയുടെ വീട്ടുകാരുടെ പരാതിയെത്തുടർന്ന് പാലോട് പോലീസ് കേസ് രജിസ്റ്റർ ചെയ്ത് പ്രതിയെ പിടികൂടുകയായിരുന്നു. പാലോട് സിഐ സി. കെ. മനോജ്, എസ്ഐമാരായ സതീഷ്കുമാർ, ഹുസൈൻ, എഎസ്ഐ അൻസാരി, സിപിഒമാരായ റിയാസ്, ജുറൈജ്, വനിതാ സിപിഒ എന്നിവരാണ് അന്വേഷണം നടത്തി പ്രതിയെ അറസ്റ്റ് ചെയ്തത്.
Read Moreസർട്ടിഫിക്കറ്റിൽ ഒപ്പിടാൻ വന്നയാളെ സൂപ്രണ്ട് മർദിച്ച് അതേ ആശുപത്രിയുടെ അത്യാഹിതത്തിൽ പ്രവേശിപ്പിച്ചു; നെടുമങ്ങാട് ആശുപത്രിയിൽ സംഭവിച്ചതിനെക്കുറിച്ച് ലേ സെക്രട്ടറി രാമഭദ്രൻ പറയുന്നതിങ്ങനെ…
നെടുമങ്ങാട് : നെടുമങ്ങാട് ജില്ലാ ആശുപത്രി സൂപ്രണ്ട് ലേ സെക്രട്ടറിയെ മര്ദിച്ചതായി പരാതി. സര്ട്ടിഫിക്കറ്റ് ഒപ്പുവയ്ക്കുന്നതിനെ ചൊല്ലിയുള്ള തർക്കമാണ് മർദനത്തിൽ കലാശിച്ചത്. പരിക്കേറ്റ ലേ സെക്രട്ടറി രാമഭദ്രന് ഇതേ ആശുപത്രിയില് ചികിത്സ തേടി. ഇന്നലെ വൈകുന്നേരം മൂന്നോടെയാണ് സംഭവം. മെഡിക്കല് സര്ട്ടിഫിക്കറ്റ് നല്കിയ ഡോക്ടറുടെ കൃത്യമായ വിവരങ്ങളില്ലാതെ സര്ട്ടിഫിക്കറ്റില് സീല് ചെയ്യാന് ലേ സെക്രട്ടറി തയാറായില്ല. ഇതേ തുടര്ന്നാണ് തര്ക്കങ്ങള് തുടങ്ങിയത്. സര്ട്ടിഫിക്കറ്റ് എഴുതി നല്കിയ ഡോക്ടറുടെ പേരോ വിവരങ്ങളോ ഇല്ലാത്തതിനാല് സീല് പതിച്ചു നല്കാനാവില്ലെന്ന് ലേ സെക്രട്ടറി രോഗിയോട് പറഞ്ഞു. ഉടന് തന്നെ സൂപ്രണ്ട് ഡോ.നജീബ് തന്റെ ക്യാബിനിലെത്തി രോഗികളുടേയും ജീവനക്കാരുടേയും മുന്നില് വച്ച് തന്നെ അസഭ്യം പറയുകയും കൈയേറ്റം ചെയ്യുകയായിരുന്നുവെന്ന് രാമഭദ്രന് പറയുന്നു. സംഭവത്തിനെത്തുടര്ന്ന് കുഴഞ്ഞു വീണ രാമഭദ്രനെ ഇതേ ആശുപത്രിയിലെ അത്യാഹിതവിഭാഗത്തില് പ്രവേശിപ്പിച്ചു. ഇതേ തുടര്ന്ന് ഏറെ സമയം ആശുപത്രി പ്രവര്ത്തനങ്ങള് തടസപ്പെട്ടു.…
Read Moreഎല്ലാം ഉദ്യോഗസ്ഥർ നോക്കിക്കൊള്ളും..! പ്രളയ ബാധിതരെ കണ്ടെത്താൻ പ്രാദേശിക രാഷ്ട്രീയ നേതാക്കൾ വേണ്ടെന്ന് മന്ത്രി സഭ
സ്വന്തം ലേഖകൻ തിരുവനന്തപുരം: ദുരന്ത ബാധിതർക്കുള്ള 10,000 രൂപയുടെ അടിയന്തര ധനസഹായത്തിന് അർഹരായ കുടുംബങ്ങളെ കണ്ടെത്തുന്പോൾ പരാതി പരമാവധി കുറയ്ക്കാനുളള പ്രായോഗിക നടപടി വേണമെന്നു മന്ത്രിസഭാ യോഗത്തിൽ നിർദേശം. പ്രളയ ദുരന്തത്തിൽപെട്ട കുടുംബങ്ങളെ കണ്ടെത്താൻ പ്രാദേശിക രാഷ്ട്രീയ നേതാക്കളെ ഒഴിവാക്കി വില്ലേജ് ഓഫീസ് അധികൃതരെ ഏൽപിക്കുന്നതാകും കൂടുതൽ പ്രായോഗികമെന്നു സിപിഐ മന്ത്രിമാർ മന്ത്രിസഭാ യോഗത്തിൽ അഭിപ്രായപ്പെട്ടു. കഴിഞ്ഞ വർഷമുണ്ടായ പ്രളയത്തിൽ പഞ്ചായത്ത് അംഗങ്ങൾ അടക്കം ചിലർ അനർഹരുടെ പട്ടിക സർക്കാരിലേക്കു നൽകിയപ്പോൾ ചില അർഹരായവരെങ്കിലും ഒഴിവാക്കപ്പെട്ടതു വിമർശനങ്ങൾക്കിടയാക്കിയ കാര്യം റവന്യു മന്ത്രി ഇ. ചന്ദ്രശേഖരൻ പറഞ്ഞു. ഇതിനു പകരം എംഎൽഎമാരും പഞ്ചായത്ത് പ്രസിഡന്റും അംഗങ്ങളും അടക്കമുള്ളവർ ദുരന്തത്തിന് ഇരയായ കുടുംബങ്ങളുടെ പട്ടിക വില്ലേജ് അധികൃതർക്കു കൈമാറുകയും ഇവർ പരിശോധന നടത്തി സർക്കാരിലേക്കു നൽകുന്നതിനുള്ള നടപടി സ്വീകരിക്കാനും നിർദേശം വന്നു. തുടർന്നു വില്ലേജ് ഓഫീസർക്കൊപ്പം പഞ്ചായത്ത് സെക്രട്ടറി കൂടി…
Read Moreമന്ത്രിമാർ ഒരു മാസത്തെ ശന്പളം നൽകും; സാലറി ചലഞ്ചിൽ പങ്കെടുക്കാത്തവർക്കു സുവർണാവസരമെന്ന് മുഖ്യമന്ത്രി
തിരുവനന്തപുരം: കഴിഞ്ഞ പ്രളയത്തിലെ സാലറി ചലഞ്ചിൽ പങ്കെടുക്കാത്ത സർക്കാർ ജീവനക്കാർക്ക് ഇത്തവണ ആദ്യം മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരു മാസത്തെ ശന്പളം നൽകാനുള്ള സുവർണാവസരമെന്നു മുഖ്യമന്ത്രി പിണറായി വിജയൻ. ഇത്തവണയും സർക്കാർ ജീവനക്കാർക്കു സാലറി ചലഞ്ച് പോലുള്ളവ ഏർപ്പെടുത്തുമോ എന്ന മാധ്യമ പ്രവർത്തകരുടെ ചോദ്യങ്ങൾക്കു മറുപടി നൽകുകയായിരുന്നു മുഖ്യമന്ത്രി. സാലറി ചലഞ്ചിനെക്കുറിച്ച് ഇപ്പോൾ ആലോചിച്ചിട്ടില്ല. എന്നാൽ, ചില പെൻഷൻകാരും ജീവനക്കാരും അടക്കമുള്ളവർ ഒരുമാസത്തെ ശന്പളവും പെൻഷനും ചോദിക്കാതെതന്നെ മുഖ്യമന്ത്രിയുടെ ദുരിതാശ്വാസ നിധിയിലേക്കു നൽകിയിട്ടുണ്ട്. മന്ത്രിമാർ ഒരു മാസത്തെ ശന്പളവും അലവൻസുകളും അടക്കമുള്ള ഒരു ലക്ഷം രൂപ വീതം നൽകും. മുഖ്യമന്ത്രിയുടെ ദുരിതാശ്വാസ നിധിയിലേക്കുനൽകുന്ന എത്ര ചെറിയ തുകയും ചെറുതല്ല, എത്ര വലിയ തുകയും വലുതുമല്ലെന്നും മുഖ്യമന്ത്രി പറഞ്ഞു.
Read Moreസ്വാതന്ത്ര്യദിനത്തിൽ ദുരിതാശ്വാസ പ്രവർത്തനങ്ങൾക്ക് മുൻതൂക്കമെന്ന് മുഖ്യമന്ത്രി
തിരുവനന്തപുരം: സ്വാതന്ത്ര്യദിനം ദുരിതാശ്വാസ പ്രവർത്തനങ്ങൾക്ക് സമർപ്പിക്കണമെന്ന് മുഖ്യമന്ത്രി പിണറായി വിജയന്റെ ആഹ്വാനം. 73-ാം സ്വാതന്ത്ര്യദിനത്തിൽ തിരുവനന്തപുരം സെൻട്രൽ സ്റ്റേഡിയത്തിൽ പതാക ഉയർത്തിയ ശേഷം സംസാരിക്കുകയായിരുന്നു അദ്ദേഹം. രാജ്യത്ത് ജാതിയുടെയും മതത്തിന്റെ പേരിൽ കൊലപാതകങ്ങൾ വർധിച്ചുവരുന്നത് മനുഷ്യത്വരഹിതമാണ്. സംസ്ഥാനങ്ങളുടെ അധികാരങ്ങൾ കവർന്നെടുക്കുന്നത് ഫെഡറൽ സംവിധാനത്തെ ഇല്ലാതാക്കുമെന്നും ഇത് ഭരണഘടനാ വിരുദ്ധമായ നടപടിയാണെന്നും അദ്ദേഹം പറഞ്ഞു. ജമ്മു കാഷ്മീരിലെ രാഷ്ട്രീയ നേതാക്കളെ തടവിലാക്കിയ നടപടിയെയും മുഖ്യമന്ത്രി വിമർശിച്ചു. ഇത്തരം നടപടികൾ ജനാധിപത്യ വിരുദ്ധമാണെന്ന് അദ്ദേഹം കുറ്റപ്പെടുത്തി.
Read More