തിരുവനന്തപുരം: കെപിസിസി പുനഃസംഘടനയിൽ പ്രതിസന്ധിയില്ലെന്ന് അധ്യക്ഷൻ മുല്ലപ്പള്ളി രാമചന്ദ്രൻ. കെ.മുരളീധരനോട് പുനഃസംഘടനയെ കുറിച്ച് അഭിപ്രായം ചോദിച്ചിരുന്നു. എന്നാൽ അദ്ദേഹം പരാതിപ്പെട്ടിട്ടില്ലെന്നും കെപിസിസി അധ്യക്ഷൻ പറഞ്ഞു. പുനഃസംഘടനയിൽ കെ.മുരളീധരൻ അതൃപ്തി പ്രകടിപ്പിച്ചതായുള്ള റിപ്പോർട്ടിനെ കുറിച്ച് പ്രതികരിക്കുകയായിരുന്നു മുല്ലപ്പള്ളി. ഒരാൾക്ക് ഒരു പദവി എന്ന അഭിപ്രായത്തിൽ അന്തിമതീരുമാനം ഹൈക്കമാൻഡ് എടുക്കും. ജംബോ കമ്മിറ്റി വേണ്ടെന്നാണ് വ്യക്തിപരമായ അഭിപ്രായമെന്നും അദ്ദേഹം കൂട്ടിച്ചേർത്തു. മുതിർന്ന നേതാക്കളോട് ആലോചിക്കാതെയാണ് പുനഃസംഘടനാനീക്കമെന്ന് കാണിച്ച് കെ.മുരളീധരൻ മുല്ലപ്പള്ളിക്ക് കത്തുനൽകിരുന്നു. രാഷ്ട്രീയകാര്യസമിതിയുടെ തീരുമാനപ്രകാരമുള്ള കൂടിയാലോചനകൾ നടക്കുന്നില്ല. ഏകപക്ഷീയമായി തീരുമാനങ്ങൾ നടപ്പാക്കുകയാണെന്നും മുരളീധരൻ കത്തിൽ പറഞ്ഞിരുന്നു.
Read MoreCategory: TVM
മന്ത്രിയുടെ വാഹനം ഗതാഗതക്കുരുക്കിൽപ്പെട്ട സംഭവം; പോലീസുകാരുടെ സസ്പെൻഷൻ പിൻവലിച്ചു
തിരുവനന്തപുരം: മന്ത്രി ജെ. മേഴ്സിക്കുട്ടിയമ്മയുടെ വാഹനം ഗതാഗതക്കുരിക്കിൽ അകപ്പെട്ട സംഭവത്തിൽ സസ്പെൻഡ് ചെയ്യപ്പെട്ട പോലീസുകാരെ സർവീസിൽ തിരിച്ചെടുത്തു. മൂന്നു പോലീസുകാരുടെ സസ്പെൻഷനാണ് പിൻവലിച്ചത്. ഇവരെ സ്ഥലമാറ്റുകയും ചെയ്തു. പോലീസുകാരെ സസ്പെൻഡ് ചെയ്ത നടപടിയിൽ വ്യാപക വിമർശനം ഉയർന്ന സാഹചര്യത്തിലാണ് നടപടി പിൻവലിച്ചത്. സുരക്ഷാ വീഴ്ച ചൂണ്ടിക്കാട്ടി കൊല്ലം ശൂരനാട് പോലീസ് സ്റ്റേഷനിലെ സിപിഒമാരായ ഹരിലാൽ, രാജേഷ്, എഎസ്ഐ നുക്യുദീൻ എന്നിവരെയാണ് സസ്പെൻഡ് ചെയ്തിരുന്നത്. പത്തനംതിട്ടയിൽ സ്വാതന്ത്ര്യദിനാഘോഷം കഴിഞ്ഞ് മടങ്ങുകയായിരുന്ന മന്ത്രിയുടെയും ശൂരനാട്ടെ ദുരിതാശ്വാസ ക്യാന്പുകളിൽ സന്ദർശനത്തിന് എത്തിയ എസ്പി ആർ. ഹരിശങ്കറിൻറെയും വാഹനങ്ങളാണ് ചക്കുവള്ളിക്ക് സമീപം വിവാഹ ഓഡിറ്റോറിയത്തിനു മുന്നിലെ ഗതാഗതക്കുരുക്കിൽ അകപ്പെട്ടത്.
Read Moreസഹകരണ ഫെഡറേഷൻ വായ്പ ഏറ്റെടുക്കാനുള്ള തീരുമാനം പിൻവലിക്കണമെന്ന് ചെന്നിത്തല
തിരുവനന്തപുരം: സഹകരണ ഫെഡറേഷനുകളുടെ വായ്പ ഏറ്റെടുത്ത നടപടിക്കെതിരെ പ്രതിപക്ഷ നേതാവ് രമേശ് ചെന്നിത്തല. സംസ്ഥാന സർക്കാരിന്റെ തീരുമാനത്തെ പ്രതിപക്ഷം നിയമപരമായി നേരിടും. വായ്പ ഏറ്റെടുക്കാനുള്ള തീരുമാനം പിൻവലിക്കണമെന്നും പ്രതിപക്ഷ നേതാവ് ആവശ്യപ്പെട്ടു. റബ്കോ, റബർ മാർക്ക്, മാർക്കറ്റ് ഫെഡ് എന്നീ സഹകരണ സ്ഥാപനങ്ങൾക്ക് 306.75 കോടി രൂപ ജില്ലാ സഹകരണ ബാങ്കുകളിലും സംസ്ഥാന സഹകരണ ബാങ്കിലുമായി വായ്പാ കുടിശിക ഉണ്ടായിരുന്നു. ഈ തുകയാണ് സർക്കാർ അടച്ചുതീർത്തത്. വായ്പാ ബാധ്യത സർക്കാർ അടച്ചുതീർത്തതു വ്യക്തമായ ധാരണാപത്രത്തിന്റെ അടിസ്ഥാനത്തിലാണെന്നായിരുന്നു ആദ്യം സർക്കാരിന്റെ വാദം. എന്നാൽ ഈ സ്ഥാപനങ്ങൾ തുക സർക്കാരിനു തിരിച്ചു നൽകുമെന്ന് മന്ത്രി കടകംപള്ളി സുരേന്ദ്രൻ തിരുത്തിയിരുന്നു. ഇതിനുള്ള കരാർ വ്യവസ്ഥകൾ സംബന്ധിച്ചു ചർച്ചകൾ നടന്നുവരികയാണെന്നും തിങ്കളാഴ്ച മന്ത്രി വ്യക്തമാക്കിയിരുന്നു.
Read Moreകെപിസിസി പുനഃസംഘടനയിൽ അതൃപ്തി; കെ. മുരളീധരന് കത്ത് നൽകി;കത്തിൽ പറയുന്നതിങ്ങനെ…
തിരുവനന്തപുരം: കെപിസിസി പുനഃസംഘടനയിൽ അതൃപ്തി അറിയിച്ച് കെ.മുരളീധരൻ എംപി. ഇഷ്ടമുള്ളത് ചെയ്തോളൂവെന്ന് മുരളീധരൻ കെപിസിസി അധ്യക്ഷൻ മുല്ലപ്പള്ളി രാമചന്ദ്രനു കത്ത് നൽകി. പുനഃസംഘടനയിൽ കൂടിയാലോചനകൾ കൃത്യമായി നടക്കുന്നില്ലെന്നും അദ്ദേഹം പറഞ്ഞു. തലപ്പത്ത് ജനപ്രതിനിധികളെ കുത്തിനിറയ്ക്കാനുള്ള നീക്കം നടക്കുന്നുണ്ട്. ചിലർ ഏകപക്ഷീയമായി തീരുമാനം എടുക്കുകയാണ്. മുൻ അധ്യക്ഷൻ എന്ന നിലയിൽ ആരുടേയും പേര് നിർദേശിക്കുന്നില്ലെന്നും കെ.മുരളീധരൻ കത്തിൽ പറയുന്നു.
Read Moreശ്രീറാം കേസ്: പരിശോധിക്കാൻ തയാറായില്ലെന്ന വാദം തെറ്റ്; പോലീസിനെതിരെ കെജിഎംഒഎ
തിരുവനന്തപുരം: ഐഎഎസ് ഉദ്യോഗസ്ഥനായ ശ്രീറാം വെങ്കിട്ടരാമൻ ഓടിച്ച കാറിടിച്ചു മാധ്യമപ്രവർത്തകൻ കെ.എം. ബഷീർ മരിച്ച സംഭവത്തിൽ പോലീസിനെതിരെ ഡോക്ടർമാരുടെ സംഘടന. ശ്രീറാമിന്റെ രക്തം പരിശോധിക്കാൻ ഡോക്ടർമാർ തയാറായില്ലെന്ന് വാദം തെറ്റ്. ഡോക്ടര് നടപടിക്രമങ്ങള് പാലിച്ചിരുന്നു. പോലീസ് റിപ്പോർട്ടിനെതിരെ കെജിഎംഒഎ മുഖ്യമന്ത്രിക്കും ഡിജിപിക്കും പരാതി നൽകുമെന്നും കെജിഎംഒഎ ഭാരവാഹികൾ പറഞ്ഞു. പോലീസിന്റെ കുറ്റകരമായ അനാസ്ഥ മറയ്ക്കാനുള്ള ശ്രമാണു പ്രത്യേക അന്വേഷണ സംഘത്തിന്റെ റിപ്പോർട്ടെന്ന് ആരോപണം ഉയർന്നിരുന്നു. രക്ത പരിശോധന നടത്താത്തതിൽ ജനറൽ ആശുപത്രിയിലെ ഡോക്ടറെ കുറ്റപ്പെടുത്തിയാണ് പ്രത്യേക അന്വേഷണ സംഘത്തിന്റെ റിപ്പോർട്ട്. എന്നാൽ കേസ് നമ്പർ അടക്കം നൽകാതിരുന്ന പോലീസ് നടപടിയിലെ വീഴ്ചകളെ കുറിച്ചു റിപ്പോർട്ടിൽ പറയുന്നില്ല. പ്രാഥമികാന്വേഷണത്തിൽ ഗുരുതര വീഴ്ച വരുത്തിയ പോലീസ് ഉദ്യോഗസ്ഥരെ സംരക്ഷിക്കുന്നതിന്റെ ഭാഗമായിട്ടാണ് പോലീസ് നർകോട്ടിക് സെൽ അസിസ്റ്റന്റ് കമ്മീഷണർ ഷീൻ തറയിലിന്റെ നേതൃത്വത്തിലുള്ള സംഘം കോടതിയിൽ നൽകിയ റിപ്പോർട്ടെന്നാണ് സിറാജ് പത്രത്തിന്റെ…
Read Moreവഫയുടെ ലൈസൻസ് ഉടൻ സസ്പെൻഡ് ചെയ്യില്ല; പിഴയടച്ചിരുന്നെന്ന് മോട്ടോർവാഹനവകുപ്പ്
തിരുവനന്തപുരം: മാധ്യമപ്രവർത്തകൻ കെ.എം.ബഷീറിനെ വാഹനമിടിച്ച് കൊലപ്പെടുത്തിയ സംഭവത്തിൽ ശ്രീറാം വെങ്കിട്ടരാമന്റെ ഒപ്പമുണ്ടായിരുന്ന വഫ ഫിറോസിന്റെ ഡ്രൈവിംഗ് ലൈസന്സ് ഇപ്പോള് സസ്പെൻഡ് ചെയ്യില്ല. നോട്ടീസ് കൈപ്പറ്റാത്ത സാഹചര്യത്തിൽ വഫയ്ക്ക് വീണ്ടും നോട്ടീസ് നൽകും. അമിതവേഗത്തിന് നൽകിയ നോട്ടീസിന് വഫ പിഴ അടച്ചിരുന്നു. പിഴ അടച്ചത് കുറ്റകൃത്യം അംഗീകരിച്ചതിന് തെളിവെന്ന് മോട്ടോർവാഹനവകുപ്പ് അറിയിച്ചു. കേസിലെ ഒന്നാംപ്രതി ശ്രീറാമിന്റെ ലൈസൻസ് മാത്രമാണ് ഇന്ന് സസ്പെൻഡ് ചെയ്യുന്നത്. നോട്ടീസ് കൈപ്പറ്റി രണ്ടാഴ്ച കഴിഞ്ഞിട്ടും ശ്രീറാം മറുപടി നല്കാത്ത സാഹചരര്യത്തിലാണ് ലൈസന്സ് സസ്പെൻഡ് ചെയ്യുന്നത്. ഈ മാസം മൂന്നിനാണ് ആശുപത്രിയിൽ വച്ച് ശ്രീറാം നോട്ടീസ് കൈപ്പറ്റിയത്. നടപടി ക്രമങ്ങൾ പൂർത്തിയായാൽ ഉടൻ ലൈസൻസ് സസ്പെൻഡ് ചെയ്യുമെന്നു തിരുവനന്തപുരം ആർടിഒ അറിയിച്ചു. അതേസമയം, ശ്രീറാമിന്റെയും വഫയുടെയും ഡ്രൈവിംഗ് ലൈസന്സ് റദ്ദാക്കാന് വൈകിയോയെന്ന് അന്വേഷിക്കാന് ഗതാഗത സെക്രട്ടറിയോട് ആവശ്യപ്പെട്ടിട്ടുണ്ടെന്ന് ഗതാഗതമന്ത്രി അറിയിച്ചു. ലൈസന്സ് റദ്ദാക്കുന്ന കാര്യത്തില് ഉടന്…
Read Moreമത്സ്യബന്ധന വള്ളത്തിൽ ബോട്ടിടിച്ചു; നാല് തൊഴിലാളികൾ അത്ഭുകരമായി രക്ഷപ്പെട്ടു; അപകടത്തിന്ശേഷം അമിതവേഗത്തിൽ ബോട്ട് ഓടിച്ചു പോയതായി തൊഴിലാളികൾ
വിഴിഞ്ഞം: മീൻ പിടിത്തവള്ളത്തിൽ ബോട്ടിടിച്ചു. ഇടിച്ച ബോട്ട് നിർത്താതെ ഓടിച്ചു പോയി. ഇടിയുടെ ആഘാതത്തിൽ കടലിൽ വീണ മത്സ്യത്തൊഴിലാളിയെ വള്ളത്തിലുണ്ടായിരുന്ന മറ്റുള്ളവർ രക്ഷപെടുത്തി. ഇന്നലെ രാത്രി പന്ത്രണ്ടോടെ വിഴിഞ്ഞത്തിനും മുപ്പത് കിലോമീറ്റർ ഉൾക്കടലിലായിരുന്നു സംഭവം.കോട്ടപ്പുറം സ്വദേശി യേശുദാസന്റെ സിന്ധു യാത്ര മാത എന്ന വള്ളത്തിൽ ഇന്നലെ വൈകുന്നേരം നാലോടെ പുറപ്പെട്ട തമിഴ്നാട് തൂത്തുക്കുടി സ്വദേശികളായ ഒലിവർ (56), ജോൺ(47) വിഴിഞ്ഞം സ്വദേശി ഷാജി (35) കരിംകുളം സ്വദേശി (60) എന്നിവരാണ് അപകടത്തിൽ നിന്ന് കഷ്ടിച്ച് രക്ഷപ്പെട്ടത്. വലവിരിച്ച് മീൻപിടിക്കുന്നതിനിടയിൽ അമിത വേഗത്തിലെത്തിയ ബോട്ട് വള്ളത്തിന്റെ പുറകിൽ എൻജിൻ ഘടിപ്പിച്ച ഭാഗത്താണ് ഇടിച്ചത്. ഇടിയുടെ ആഘാതത്തിൽ ഒലിവർ തെറിച്ച് കടലിൽ വീഴുന്നതിനിടയിൽ ഇടിച്ച ബോട്ട് രക്ഷപ്പെട്ടു. ഭാഗീകമായി തകർന്ന ഒരെഞ്ചിന്റെ സഹായത്തോടെ സംഘം ഇന്ന് പുലർച്ചെ തുറമുഖത്ത് എത്തി. ഇടിച്ച ബോട്ടിനായി മറൈൻ എൻഫോഴ്സ്മെന്റ് തിരച്ചിൽ ആരംഭിച്ചു.
Read Moreഅര ലക്ഷം രൂപയുടെ നിരോധിത പുകയില ഉൽപന്നങ്ങളുമായി വ്യാപാരി പിടിയിൽ
പത്തനാപുരം : നിരോധിത പുകയില ഉൽപന്നങ്ങൾ വിറ്റു വന്നയാൾ പോലീസ് കസ്റ്റഡിയിൽ. ജംഗ്ഷനിൽ സ്റ്റേഷനറി വ്യാപാരം നടത്തിവന്ന ഷറഫുദ്ദീനെ (62) യാണ് പൊലീസ് പിടികൂടിയത്.സ്കൂള് വിദ്യാർത്ഥികൾക്കടക്കം പുകയില ഉൽപന്നങ്ങൾ നല്കുന്നതായി കൊല്ലം എസ്.പിയ്ക്ക് ലഭിച്ച രഹസ്യവിവരത്തിന്റെ അടിസ്ഥാനത്തിൽ പത്തനാപുരം എസ്.ഐ പുഷ്പകുമാറിന്റെ നേതൃത്വത്തിൽ വ്യാപാര സ്ഥാപനത്തിൽ പരിശോധന നടത്തി പതിനഞ്ചോളം കവർ നിരോധിത പുകയില ഉൽപന്നങ്ങൾ കണ്ടെടുത്തു. കൂടുതൽ ചോദ്യം ചെയ്തതിനെ തുടർന്ന് മഞ്ചളളൂരിലെ വീട്ടിൽ നടത്തിയ പരിശോധനയിൽ 50000 രൂപയിലധികം വിലവരുന്ന നിരോധിത പുകയില ഉൽപന്നങ്ങൾ കണ്ടെടുത്തു. പുകയില ഉൽപന്നങ്ങൾ വില്പന നടത്തിയതിന്റെ പേരിൽ ഷറഫുദ്ദീൻ മുൻപും ജയിൽ ശിക്ഷ അനുഭവച്ചിട്ടുള്ളതാണെന്നും ജാമ്യമില്ലാ വകുപ്പ് പ്രകാരമാണ് കേസെടുത്തിട്ടുള്ളതെന്നും എസ്.ഐ പുഷ്പകുമാർ പറഞ്ഞു. പ്രതിയെ ഇന്ന് കോടതിയിൽ ഹാജരാക്കും.
Read Moreആഗസ്റ്റ് മാസം തന്നെ നടത്തും..! നെഹ്റു ട്രോഫി വള്ളംകളി ഈ മാസം തന്നെ നടത്തുമെന്ന് മന്ത്രി തോമസ് ഐസക്
തിരുവനന്തപുരം: നെഹ്റു ട്രോഫി വള്ളംകളി ഈ മാസം തന്നെ നടത്തുമെന്ന് ധനകാര്യമന്ത്രി ഡോ.തോമസ് ഐസക്ക്. ഈ മാസം 31 നുള്ളിൽ ജലോത്സവം നടത്തുന്ന കാര്യത്തിൽ വിനോദസഞ്ചാര വകുപ്പ് ഉടൻ തീരുമാനമെടുക്കുമെന്നും ലീഗ് മത്സരങ്ങൾ ഉൾപ്പെടെ ഉണ്ടാകുമെന്നും അദ്ദേഹം വ്യക്തമാക്കി. മാധ്യമപ്രവർത്തകരുടെ ചോദ്യങ്ങൾക്ക് മറുപടിയായാണ് അദ്ദേഹം ഇക്കാര്യം വ്യക്തമാക്കിയത്.
Read Moreതലസ്ഥാനത്ത് വീണ്ടും എടിഎം തട്ടിപ്പ്; ഐഎഎസ് ഉദ്യോഗസ്ഥയുടെ പണം നഷ്ടപ്പെട്ടു
തിരുവനന്തപുരം: തലസ്ഥാനത്ത് വീണ്ടും എടിഎം തട്ടിപ്പ്. ഐഎഎസ് ഉദ്യോഗസ്ഥയുടെ അക്കൗണ്ടിൽ നിന്നും പതിനായിരം രൂപ നഷ്ടപ്പെട്ടു. ഇന്നലെയാണ് പണം നഷ്ടപ്പെട്ടത്. പണം പിൻവലിച്ചതിന്റെ സന്ദേശം മൊബൈൽ ഫോണിൽ എത്തിയപ്പോഴാണ് പണം നഷ്ടപ്പെട്ട വിവരം ഉദ്യോഗസ്ഥ അറിഞ്ഞത്. സിവിൽ സപ്ലൈസ് വിഭാഗത്തിൽ സേവനമനുഷ്ഠിക്കുന്ന ഉദ്യോഗസ്ഥയുടെ പണമാണ് നഷ്ടമായത്. പണം നഷ്ടപ്പെട്ടതിനെ തുടർന്ന് ഉദ്യോഗസ്ഥ പോലീസിൽ പരാതി നൽകുകയായിരുന്നു. പരാതിയുടെ അടിസ്ഥാനത്തിൽ പോലീസ് കേസെടുത്ത് അന്വേഷണം ആരംഭിച്ചു.
Read More