തിരുവനന്തപുരം: അബുദാബിയിലെ പ്രമുഖ ഇൻഡസ്ട്രിയൽ ക്ലിനിക്കിലേക്ക് ബിഎസ്സി നഴ്സുമാരുടെ (പുരുഷൻ) ഒഴിവിലേക്ക് മൂന്നു വർഷം പ്രവൃത്തി പരിചയമുള്ള ഉദ്യോഗാർഥികളെ നിയമിക്കാൻ ഒഡിഇപിസി മുഖേന ഇന്റർവ്യൂ നടത്തും. ഉദ്യോഗാർഥികൾ എച്ച്എഎഡി/ഡിഒഎച്ച് പരീക്ഷ പാസാവണം. പരിശീലന സഹായം ഒഡെപെക് നൽകും. താത്പര്യമുള്ളവർ ബയോഡാറ്റ, സർട്ടിഫിക്കറ്റുകളുടെ പകർപ്പുകൾ എന്നിവ സഹിതം uae.odepc@ gmail.com എന്ന ഇ-മെയിലിലേക്ക് 26നകം അപേക്ഷിക്കുക. കൂടുതൽ വിവരങ്ങൾക്ക് www.odepc.kerala.gov.in സന്ദർശിക്കുക.
Read MoreCategory: TVM
നെടുങ്കണ്ടം കസ്റ്റഡി കൊലപാതകം; സിബിഐ അന്വേഷണത്തിന് ഉത്തരവിട്ട് സർക്കാർ
തിരുവനന്തപുരം: നെടുങ്കണ്ടം കസ്റ്റഡി മരണക്കേസിൽ സിബിഐ അന്വേഷണത്തിന് ഉത്തരവിട്ട് സർക്കാർ. ഇന്നു ചേർന്ന് മന്ത്രിസഭാ യോഗമാണ് ഇതുസംബന്ധിച്ച് തീരുമാനമെടുത്തത്. നിലവിലെ ജൂഡീഷൽ കമ്മീഷൻ അന്വേഷണം നടക്കുന്നതിനു പുറമേയാണ് സിബിഐക്കും വിടാൻ സർക്കാർ തീരുമാനിച്ചത്. നെടുങ്കണ്ടം കസ്റ്റഡി കൊലപാതകത്തിൽ സർക്കാരിനുതന്നെ ഏറെ വിമർശനം കേൾക്കേണ്ടിവന്ന സാഹചര്യത്തിലാണ് സിബിഐ അന്വേഷണത്തിന് അനുമതി നൽകിയത്. കഴിഞ്ഞ ദിവസം കസ്റ്റഡി കൊലപാതകത്തിൽ അന്വേഷണം പരിതാപകരമാണെന്ന് ഹൈക്കോടതി വിമർശനം നടത്തിയിരുന്നു. കേസിലെ ഒന്നാം പ്രതിയും മുൻ എസ്ഐയുമായ സാബു സമർപ്പിച്ച ജാമ്യാപേക്ഷ പരിഗണിക്കുന്നതിനിടെയാണ് ഹൈക്കോടതി പോലീസ് അന്വേഷണത്തെ വിമർശിച്ചത്. സാമ്പത്തിക തട്ടിപ്പ് കേസില് കസ്റ്റഡിയിലെടുത്ത രാജ്കുമാറിനെ പാർപ്പിച്ച ജയിൽ,ലോക്കപ്പ് എന്നിവിടങ്ങളിലെ സിസിടിവി ദൃശ്യങ്ങൾ എന്തുകൊണ്ട് പരിശോധിച്ചില്ല എന്നും കോടതി ചോദിച്ചു. കേസിൽ സിബിഐ അന്വേഷണം ആവശ്യപ്പെട്ട് രാജ്കുമാറിന്റെ ബന്ധുക്കളും നേരത്തേ ഹൈക്കോടതിയെ സമീപിച്ചിരുന്നു.
Read Moreപ്രളയത്തിൽ എലിപ്പിനി പടരാൻ സാധ്യതയേറെ; പ്രതിരോധ മരുന്നായ ഡോക്സി സൈക്ലിന് കടുത്ത ക്ഷാമം
എം.ജെ ശ്രീജിത്ത് തിരുവനന്തപുരം: ദുരന്തബാധിത മേഖലകളിൽ എലിപ്പനി പടർന്നു പിടിക്കാതിരിക്കാൻ മുൻകരുതലായി കഴിക്കുന്നതിനുള്ള പ്രതിരോധ മരുന്നായ ഡോക്സി സൈക്ലിന് കടുത്ത ക്ഷാമം. രക്ഷാപ്രവർത്തനത്തിനായി വെള്ളത്തിൽ ഇറങ്ങുന്നവർ 12 മണിക്കൂറിന് മുന്പായി കഴിക്കേണ്ട ഗുളികയാണ്. ക്യാന്പുകളിൽ കഴിയുന്നവർക്കും മുൻകരുതലായി കഴിക്കേണ്ട മരുന്നാണ്. വെള്ളത്തിലൂടെയാണ് എലിപ്പനി പടർന്നു പിടിക്കുന്നത്. പ്രളയം കാരണം സംസ്ഥാനം മുഴുവൻ വെള്ളക്കെട്ടാണ്. എലിപ്പനി പടർന്നു പിടിക്കാനുള്ള സാഹചര്യം വളരെ കൂടുതലാണ്. സംസ്ഥാനത്ത് രണ്ടര ലക്ഷത്തോളം പേർ ദുരിതാശ്വാസ ക്യാന്പുകളിൽ കഴിയുകയാണ്. ഇവർക്കെല്ലാം പ്രതിരോധ പ്രവർത്തനത്തിന്റെ ഭാഗമായി ഈ ഗുളിക നൽകണം. ഈ ഗുളികയ്ക്കാണ് കടുത്ത ക്ഷാമം നേരിട്ടിരിക്കുന്നത്. ഈ ഗുളിക നിലവിൽ തിരുവനന്തപുരം കൊല്ലം ജില്ലകളിലാണ് ആവശ്യത്തിനുള്ളത്. തൃശൂർ ആലപ്പുഴ,വയനാട്, കോഴിക്കോട് അടക്കമുള്ള ജില്ലകളിൽ ആവശ്യത്തിന് സ്റ്റോക്കില്ല. സംസ്ഥാനത്തും ആശുപത്രികളിൽ ഈ ഗുളിക വിതരണം ചെയ്യുന്നത് മെഡിക്കൽ സർവീസ് കോർപറേഷനാണ്.ഡോക്സി സൈക്ലിന് ക്ഷാമം ഉണ്ടാകുമെന്ന സൂചന…
Read Moreപഠനം മുടക്കേണ്ടിവരില്ല..! പാഠപുസ്തകങ്ങൾ നഷ്ടപ്പെട്ടവർക്ക് പുതിയവ നൽകുമെന്ന് മന്ത്രി സി. രവീന്ദ്രനാഥ്
തിരുവനന്തപുരം: സംസ്ഥാനത്തുണ്ടായ കനത്തമഴയിലും വെള്ളപ്പൊക്കത്തിലും പ്രകൃതിക്ഷോഭത്തിലുംപെട്ട് പാഠപുസ്തകങ്ങൾ നഷ്ടപ്പെട്ട ഒന്ന് മുതൽ 12 വരെ ക്ലാസുകളിലെ വിദ്യാർഥികൾക്ക് പുതിയ പാഠപുസ്തകങ്ങൾ നൽകുമെന്ന് പൊതുവിദ്യാഭ്യാസ മന്ത്രി പ്രഫ.സി.രവീന്ദ്രനാഥ് അറിയിച്ചു. ആവശ്യക്കാരായ വിദ്യാർഥികളിൽ നിന്ന് പ്രഥമാധ്യാപകർ വിവരം ശേഖരിച്ച് ബന്ധപ്പെട്ട വിദ്യാഭ്യാസ ഓഫീസർമാർ മുഖേന പൊതുവിദ്യാഭ്യാസ ഡയറക്ടർക്ക് നൽകണം. വിദ്യാർഥികൾക്ക് പാഠപുസ്തകങ്ങൾ അടിയന്തരമായി ലഭിക്കുന്നതിനു വേണ്ട നടപടികൾ സ്വീകരിക്കുന്നതിന് പൊതുവിദ്യാഭ്യാസ സെക്രട്ടറിക്ക് നിർദേശം നല്കിയിട്ടുണ്ടെന്നു മന്ത്രി അറിയിച്ചു.
Read Moreപ്രളയത്തിൽ വയറിംഗ് നശിച്ച വീടുകളിൽ കെഎസ്ഇബിയുടെ സൗജന്യ സേവനം
തിരുവനന്തപുരം: പ്രളയത്തിൽ മുങ്ങി വയറിംഗ് നശിച്ച വീടുകളിൽ സിംഗിൾ പോയിന്റ് കണക്ഷനുകൾ തികച്ചും സൗജന്യമായി ചെയ്തു കൊടുക്കുമെന്നു കെഎസ്ഇബി.എല്ലാ കുടിവെള്ള പന്പിംഗ് സ്റ്റേഷനുകളിലും ദുരിതാശ്വാസ ക്യാന്പുകളിലും വൈദ്യുതി എത്തിക്കുന്നതിനു മുന്തിയ പരിഗണന കൊടുക്കും. റിലീഫ് ക്യാന്പുകളിൽ കഐസ്ഇബിയുടെ ലെയ്സണ് ഓഫീസർമാരെ നിയോഗിക്കും. റിലീഫ് ക്യാന്പുകളിൽ വൈദ്യുതി തടസമുണ്ടാകാതെ നോക്കാനും, തടസമുണ്ടായാൽ അടിയന്തരമായി വൈദ്യുതി പുന:സ്ഥാപിക്കുന്നതിനാണ് ഇതെന്നും കെഎസ്ഇബി അറിയിച്ചു.
Read Moreപള്ളിക്കലാർ കരകവിഞ്ഞു; നിരവധി വീടുകളിൽ വെള്ളം കയറി; ദുരിതാശ്വാസ ക്യാമ്പുകൾ തുടങ്ങി
കരുനാഗപ്പള്ളി : പള്ളിക്കലാർ കരകവിഞ്ഞതോടെ തൊടിയൂർ പാലത്തിനു സമീപവും ചുരുളി മേഖലയിലും നിരവധി വീടുകളിൽ വെള്ളം കയറി.പള്ളിക്കലാറിലൂടെ കിഴക്കൻ മേഖലയിൽ നിന്നും കൂടുതൽ ജലം ഒഴുകി എത്തിയതോടെയാണ് സമീപ പ്രദേശങ്ങിലുള്ള കൂടുതൽ വീടുകളിൽ വെള്ളം കയറിയത്. പള്ളിക്ക ലാറിന്റെ സമീപ പ്രദേശങ്ങളിലുള്ള അൻപതിലധികം വീടുകളിൽ വെള്ളം കയറി. തഹസിൽദാർ എൻ സാജിദ ബിഗത്തിന്റെ നേതൃത്വത്തിലുളള സംഘം സ്ഥലത്തെത്തി സ്ഥിതിഗതികൾ വിലയിരുത്തി.ഇന്നലെ രാത്രിയിൽ കൂടുതൽ വീടുകളിലേക്ക് വെള്ളം കയറിയതിനാൽ രണ്ട് ദുരിതാശ്വാസ ക്യാമ്പുകൾ തുറന്നു. തൊടിയൂർ വേങ്ങറ എൽ പിഎസ് ,അമൃത എൽ പി എസ് എന്നിവിടങ്ങളിണിലാണ് ദുരിതാശ്വാസ ക്യാമ്പുതുടങ്ങിയത്. ഫയർഫോഴ്സിന്റെ നേതൃത്വത്തിൽ തൊടിയൂർ പാവുമ്പ ചുരുളി ഭാഗത്തെ പള്ളിക്കലാറ് കരകവിഞ്ഞ് ഒഴുകി വെള്ളം കയറിയ ഒന്പത് കുടുംബങ്ങളെ ഒന്നര കിലോമീറ്റർ വെള്ളത്തിലൂടെ സേനാംഗങ്ങൾ ലൈഫ് ജാക്കറ്റ്, ലൈഫ് ബോയ് സ്ട്രക്ചർ എന്നിവയുടെസഹായത്താൽ ആളുകളെ ചുമന്ന് കരക്കെത്തിച്ചു .രാത്രിയോടെ…
Read Moreപ്രളയ ദുരിതാശ്വാസത്തിന്റെ പേരിൽ നുണപ്രചാരണം; 19 കേസുകള് രജിസ്റ്റര് ചെയ്തതായി ഡിജിപി
തിരുവനന്തപുരം: ദുരിതാശ്വാസ പ്രവർത്തനവുമായി ബന്ധപ്പെട്ട് സാമൂഹ്യമാധ്യമങ്ങളിലൂടെ വ്യാജപ്രചാരണം നടത്തിയ സംഭവത്തില് കേസുകള് രജിസ്റ്റര് ചെയ്തു. ഡിജിപി ലോകനാഥ് ബെഹ്റയാണ് കേസ് രജിസ്റ്റർ ചെയ്ത വിവരം അറിയിച്ചത്. രജിസ്റ്റർ ചെയ്ത കേസുകൾ സംബന്ധിച്ച് സൈബർ സെൽ, സൈബർ ഡോം, ഹൈടെക് സെൽ എന്നിവ വിശദമായി അന്വേഷണം ആരംഭിച്ചിട്ടുണ്ട്. ദുരിതാശ്വാസവുമായി ബന്ധപ്പെട്ട് കുപ്രചരണം നടത്തുന്ന തരത്തിൽ സന്ദേശം പ്രചരിപ്പിക്കുന്നവരെ അറസ്റ്റ് ചെയ്ത് നിയമപരമായ എല്ലാ നടപടികളും സ്വീകരിക്കുമെന്നും ബെഹ്റ അറിയിച്ചു.
Read Moreജലനിരപ്പ് നിയന്ത്രിച്ചു നിർത്തുന്നതിനായി അരുവിക്കര, നെയ്യാർ ഡാമുകളുടെ ഷട്ടറുകൾ ഇന്ന് തുറക്കും
തിരുവനന്തപുരം: ജലനിരപ്പ് നിയന്ത്രിച്ചു നിർത്തുന്നതിനായി അരുവിക്കര, നെയ്യാർ ഡാമുകളിൽ നിന്ന് ഇന്ന് കൂടുതൽ ജലം തുറന്നുവിടും. ഇതിനായി രാവിലെ ഒമ്പതോടെ അരുവിക്കര ഡാമിന്റെ ഷട്ടർ 50 സെന്റീമീറ്റർ തുറക്കും. ചൊവ്വാഴ്ച രാവിലെ പത്തോടെ നെയ്യാർ ഡാം ഷട്ടറുകളും ഒരിഞ്ച് വീതം തുറക്കുന്നുണ്ട്. കനത്ത മഴ പെയ്താൽ ഡാം പെട്ടെന്നു തുറക്കേണ്ട സാഹചര്യം ഒഴിവാക്കാനാണിത്. വടക്കു പടിഞ്ഞാറൻ ദിശയിൽ നീങ്ങുന്ന ന്യൂനമർദം കേരളത്തിൽ ഇന്നു ശക്തമായ മഴയ്ക്കു കാരണമാകുമെന്നാണ് കാലാവസ്ഥാ നിരീക്ഷണ കേന്ദ്രം പ്രവചിക്കുന്നത്. മുന്നറിയിപ്പിന്റെ പശ്ചാത്തലത്തിൽ ആലപ്പുഴ, എറണാകുളം, ഇടുക്കി, മലപ്പുറം, വയനാട്, കണ്ണൂർ ജില്ലകളിൽ ഇന്ന് ഓറഞ്ച് അലർട്ട് പ്രഖ്യാപിച്ചു. പത്തനംതിട്ട, തൃശൂർ, പാലക്കാട്, കോഴിക്കോട്, കാസർഗോഡ് ജില്ലകളിൽ യെലോ അലർട്ടും പ്രഖ്യാപിച്ചിട്ടുണ്ട്. റെഡ് അലർട്ട് എവിടെയും പ്രഖ്യാപിച്ചിട്ടില്ല. ഓറഞ്ച് അലർട്ട് പ്രഖ്യാപിക്കപ്പെട്ട ജില്ലയിലെ ജനങ്ങൾ ജാഗ്രത പാലിക്കണമെന്ന് ദുരന്തനിവാരണ അഥോറിറ്റി അറിയിച്ചിട്ടുണ്ട്.
Read Moreപെരുന്പാവൂരിലെ ഇതരസംസ്ഥാന തൊഴിലാളിയുടെ കൊലപാതകം ; സംശയമുന മൂന്നു സുഹൃത്തുക്കളിലേക്ക്
പെരുമ്പാവൂർ: ഇതര സംസ്ഥാന തൊഴിലാളിറോഡരികിൽ വെട്ടേറ്റു മരിച്ച സംഭവത്തിൽ സുഹൃത്തുക്കളായ മുന്നുപേരെ കേന്ദ്രീകരിച്ച് പോലീസ് അന്വേഷണം ആരംഭിച്ചു. കൂവപ്പടിയിലെ സ്വകാര്യ റൈസ് മിൽ കമ്പനിയിലെ തൊഴിലാളിയായ മധ്യപ്രദേശ് റവ വില്ലേജിലെ സാങ്കി പ്രദേശി സന്തോഷ് മകൻ സോനു (24) ആണ് വെട്ടേറ്റ് കൊല്ലപ്പെട്ടത്. സോനുവിനൊപ്പം ഇതേ കമ്പനിയിൽ ജോലി ചെയ്തിരുന്ന സുഹൃത്തുക്കളാണ് കൊലപാതകത്തിന് പിന്നിലെന്നാണ് പോലീസ് നൽകുന്ന സൂചന. കമ്പനിക്ക് സമീപം ഐമുറിക്കവലയിൽ റോഡരികിലെ തോട്ടിലാണ് ഇന്നലെ മൃതദേഹം കിടന്നിരുന്നത്. മൃതദേഹത്തിന്റെ തലയ്ക്കും കൈയ്ക്കും വയറിലും വെട്ടേറ്റ പാടുണ്ട്. കത്തിയുടെ കവർ സംഭവസ്ഥലത്ത് നിന്ന് പൊലീസ് കണ്ടെടുത്തു. മരിച്ച സോനു രണ്ട് മാസം മുമ്പാണ് വിവാഹിതനായത്. ഭാര്യ ശനിയാഴ്ച വൈകിട്ട് 6.30ന് സോനുവിനെ വിളിച്ചിരുന്നു.നാലു സൃഹൃത്തുക്കളുമായി ശനിയാഴ്ച വൈകീട്ട് ഒരുമിച്ചാണ് സോനു കമ്പനിയിൽ നിന്ന് ഇറങ്ങിയത്. രാത്രിയോടെയാണ് കൊലപാതകം എന്ന് കരുതുന്നു. റോഡരികിലെ ഒരു പറമ്പിൽ പിടിവലി…
Read Moreഭക്ഷണം നൽകാൻ വൈകിയതിനെ ചൊല്ലിയുള്ള തർക്കം; മദ്യപസംഘം ഹോട്ടലിൽ കയറി ഉടമയെ വെട്ടി പരിക്കേൽപ്പിച്ചു
വെഞ്ഞാറമൂട്: വക്കുതർക്കത്തെ തുടർന്ന് മദ്യപസംഘം ഹോട്ടലിൽ കയറി ഉടമയെ വെട്ടിപ്പരിക്കേൽപിച്ചു. ജീവനക്കാരനെ മർദിച്ചു. കോലിയക്കോട് ബിവറേജ് ജംഗ്ഷനിലെ തിരുവോണം ഹോട്ടൽ ഉടമ വാവറ അമ്പലം, ശ്രീനാരായണപുരം, ആതിരാലയത്തിൽ മോഹനൻ നായർ (55) നാണ് കൈയ്ക്ക് വെട്ടേറ്റത്. കടയിലെ ജീവനക്കാരനായ ഹരികുമാർ (35) നാണ് മർദനമേറ്റത്. ഇന്നലെ വൈകുന്നേരം 6.45 ന് കോലിയക്കോട് തിരുവോണം ഹോട്ടലിലായിരുന്നു സംഭവം. ബൈക്കിലെത്തിയ മൂവർ സംഘം ഹോട്ടലിൽ ഭക്ഷണം ആവശ്യപ്പെടുകയും ലഭിക്കാൻ താമസിച്ചതിനെ തുടർന്ന് ഉടമയുമായി വാക്കുതർക്കം ഉണ്ടാകുകയും ചെയ്തു. ഇതിന്റെ വൈരാഗ്യത്തിൽ ഇവരിൽ ഒരാൾ കൈയിൽ സൂക്ഷിച്ചിരുന്ന വെട്ടുകത്തി ഉപയോഗിച്ച് മോഹനൻ നായരെ വെട്ടുകയും കൂടെയുണ്ടായിരുന്നവർ ഹരികുമാറിനെ മർദിക്കുകയുമായിരുന്നെന്ന് പോലീസ് പറയുന്നു. സംഭവ ശേഷം മൂന്നു പേരും ബൈക്കിൽ കയറി പാറയ്ക്കൽ ഭാഗത്തേയ്ക്ക് പോയി. ബൈക്കിന്റെ നമ്പർ ദൃക്സാക്ഷികളിൽ നിന്നും പോലീസിന് ലഭിച്ചു. കൈയ്ക്ക് പരിക്കേറ്റ മോഹനൻനായരെയും, ഹരികുമാറിനെയും കന്യാകുളങ്ങര ഗവ.ആശുപത്രിയിൽ പ്രവേശിപ്പിച്ചു.…
Read More