തിരുവനന്തപുരം: റിലയൻസിന്റെ ഇനിയും പ്രവർത്തനം ആരംഭിച്ചിട്ടില്ലാത്ത ജിയോ ഇൻസ്റ്റിട്ട്യൂട്ടിന് ശ്രേഷ്ഠപദവി നൽകാനുള്ള തീരുമാനത്തിനെതിരേ മന്ത്രി തോമസ് ഐസക്. അംബാനി മോഹിച്ചാൽ അന്പിളിയമ്മാവനെ സർക്കാർ ചെലവിൽ ആൾട്ട്മൗണ്ട് റോഡിലെ വീട്ടിലെത്തിക്കാൻ ബാധ്യസ്ഥരായവരാണ് കേന്ദ്രഭരണാധികാരികളെന്നും ഇനിയും പ്രവർത്തനം ആരംഭിച്ചിട്ടില്ലാത്ത ഒരു സ്ഥാപനത്തെ ലോകോത്തര സ്ഥാപനങ്ങളുമായി താരതമ്യം ചെയ്ത് പട്ടികയിൽ ഉൾപ്പെടുത്താൻ കേന്ദ്രത്തിനു വൈമനസ്യമുണ്ടായില്ലെന്നും തോമസ് ഐസക് ഫേസ്ബുക്കിൽ എഴുതിയ കുറിപ്പിൽ കുറ്റപ്പെടുത്തി. തോമസ് ഐസകിന്റെ ഫേസ്ബുക്ക് പോസ്റ്റിന്റെ പൂർണരൂപം… ഭൂമിയിൽ ഇനിയും അവതരിച്ചിട്ടില്ലാത്ത വിദ്യാഭ്യാസ സ്ഥാപനത്തിന് ശ്രേഷ്ഠപദവി നൽകാൻ തീരുമാനിച്ച നരേന്ദ്രമോദിയോടുപമിക്കാൻ ചരിത്രത്തിൽ ഒരു ഭരണാധികാരിയേ ഉള്ളൂ. സ്വപ്നത്തിൽ തന്നെ വേട്ടയാടാനെത്തുന്ന സിംഹത്തിൽ നിന്നു രക്ഷപെടാൻ മൃഗശാലയിലേയ്ക്കു പാഞ്ഞെത്തി കൂട്ടിൽകിടന്ന സിംഹങ്ങളെ വെടിവെച്ചു കൊന്ന ഈജിപ്തിലെ ഫാറൂക്ക് രാജാവിനോട്. കേന്ദ്രസർക്കാർ ശ്രേഷ്ഠപദവി നൽകിയിരിക്കുന്ന ജിയോ ഇൻസ്റ്റിറ്റ്യൂട്ടിന് ഇതുവരെ തറക്കല്ലുപോലുമിട്ടിട്ടില്ല. പക്ഷേ, അത്തരം സ്ഥാപനങ്ങൾക്കു നീക്കിവെച്ചിരിക്കുന്ന 1000 കോ…ടിയിൽനിന്നു കനപ്പെട്ട ഒരു…
Read MoreCategory: TVM
കാലവർഷം: സംസ്ഥാനത്ത് ഇതുവരെ 102 കോടി രൂപയുടെ നാശ നഷ്ടം; 75 മരണം
എം.ജെ ശ്രീജിത്ത് തിരുവനന്തപുരം: കാലവർഷക്കെടുതിയിൽ സംസ്ഥാനത്ത് ഇതുവരെ 102 കോടി രൂപയുടെ നാശ നഷ്ടം. കാലവർഷം ആരംഭിച്ച മെയ് 29 മുതൽ ഇന്നു രാവിലെ വരെയുള്ള കണക്കാണിത്. ഇതു കൂടാതെ കാലവർഷക്കെടുതിയിൽ 75 പേർ മരിക്കുകയും മൂന്നുപേരെ കാണാതാവുകയും ചെയ്തിട്ടുണ്ട്. 14 ദുരിതാശ്വാസ ക്യാന്പുകൾ പ്രവർത്തിക്കുന്നുണ്ട്. ഇതിൽ എട്ടെണ്ണം വയനാട് ജില്ലയിലാണ്. ഇടുക്കിയിൽ, കോഴിക്കോട്,വയനാട്,ആലപ്പുഴ ജില്ലകളിലാണ് ദുരിതാശ്വാസ ക്യാന്പുകൾ. 14 ക്യാന്പുകളിലായി 490 പേരാണ് കഴിയുന്നത്. ഏറ്റവും കൂടുതൽ പേർ കഴിയുന്നത് വയനാട് ജില്ലയിലാണ്. ഇന്നലെ മാത്രം വയനാട് ജില്ലയിൽ എട്ടു ദുരിതാശ്വാസ ക്യാന്പുകൾ തുറന്നു. ഉരുൾപൊട്ടൽ ഉണ്ടായ കോഴിക്കോട് ജില്ലയിൽ ഇപ്പോഴും ദുരിതാശ്വാസ ഒരു ക്യാന്പ് പ്രവർത്തിക്കുന്നുണ്ട്. സംസ്ഥാനത്ത് കാലവർഷം കൂടുതൽ നാശം വിതച്ചിരിക്കുന്നത്. കോഴിക്കോട് വയനാട്,ഇടുക്കി ജില്ലകളിലാണ്. വയനാട് ജില്ലയിലെ പല മേഖലകളും ഇപ്പോഴും ഒറ്റപ്പെട്ട അവസ്ഥയിലാണ്. ഈ ഭാഗങ്ങളിൽ ഇപ്പോഴും കനത്ത മഴയും…
Read Moreപിഎസ്സി: അഞ്ചു തസ്തികകളിലേക്കുള്ള സാധ്യതാ പട്ടിക ഉടൻ
തിരുവനന്തപുരം: അഞ്ചു തസ്തികകളിലേക്കുള്ള സാധ്യതാ പട്ടിക ഉടൻ പ്രസിദ്ധീകരിക്കുന്നതിനു തിങ്കളാഴ്ച ചേർന്ന പിഎസ്സി യോഗം തീരുമാനിച്ചു. പാലക്കാട്, തൃശൂർ, എറണാകുളം ജില്ലകളിലെ വിവിധ വകുപ്പുകളിൽ ആയ, കൊല്ലം, കോട്ടയം, വയനാട്, കാസർഗോഡ് ജില്ലകളിൽ ആരോഗ്യ വകുപ്പിൽ മോട്ടോർ മെക്കാനിക്, ഇടുക്കി ജില്ലയിൽ ഹോമിയോപ്പതി വകുപ്പിൽ ഫാർമസിസ്റ്റ് ഗ്രേഡ് രണ്ട് (ഹോമിയോ-വിശ്വകർമ), മലപ്പുറം ജില്ലയിൽ ഹോമിയോപ്പതി വകുപ്പിൽ ഫാർമസിസ്റ്റ് ഗ്രേഡ് രണ്ട് (ഹിന്ദു നാടാർ), ഇടുക്കി ജില്ലയിൽ ഹോമിയോപ്പതി വകുപ്പിൽ ഫാർമസിസ്റ്റ് ഗ്രേഡ് രണ്ട് (എസ്സി) എന്നീ തസ്തികകളിലേക്കുള്ള സാധ്യതാ പട്ടികയാണ് പ്രസിദ്ധീകരിക്കുന്നത്. മെഡിക്കൽ വിദ്യാഭ്യാസ വകുപ്പിൽ അസിസ്റ്റന്റ് പ്രഫസർ ഇൻ ഇൻഫെക്ഷ്യസ് ഡിസീസസ്, മെഡിക്കൽ വിദ്യാഭ്യാസ വകുപ്പിൽ സീനിയർ ലക്ചറർ ഇൻ ഡെർമറ്റോളജി ആൻഡ് വെനറോളജി (എസ്സി), ഹയർ സെക്കൻഡറി വിദ്യാഭ്യാസ വകുപ്പിൽ ഹയർ സെക്കൻഡറി സ്കൂൾ ടീച്ചർ കോമേഴ്സ് (ജൂണിയർ), സോഷ്യോളജി (എസ്സി) എന്നീ തസ്തികകളിലേക്കുള്ള…
Read Moreജെസ്ന എവിടെ ? അന്വേഷണസംഘത്തിൽ കൂടുതൽ സൈബർ വിദഗ്ധർ ; മുണ്ടക്കയത്ത് ജെസ്നയോട് സാദൃശ്യമുള്ള പെൺകുട്ടി ആരാണെന്ന് കണ്ടുപിടിക്കാൻ സഹായിക്കണമെന്ന് ആവശ്യപ്പെട്ട് പോലീസിന്റെ ഫേസ് ബുക്ക് പോസ്റ്റ്
പത്തനംതിട്ട: മുക്കുട്ടുതറ കൊല്ലമുള സ്വദേശി ജെസ്ന മരിയ ജയിംസിന്റെ തിരോധാനവുമായി ബന്ധപ്പെട്ട അന്വേഷണം സൈബർ വിദഗ്ധരുടെ സഹായത്തോടെ വിപുലപ്പെടുത്തുന്നു. ലഭ്യമായ ചില സൂചനകളും നിഗമനങ്ങളും വിലയിരുത്താൻ സൈബർസംഘത്തിന്റെ സേവനം ആവശ്യമായിട്ടുണ്ടെന്ന് ജില്ലാ പോലീസ് മേധാവി ടി. നാരായണൻ പറഞ്ഞു. മുണ്ടക്കയത്തെ കടയിൽ നിന്നു ലഭ്യമായ സിസിടിവി ദൃശ്യത്തിലേത് ജെസ്നയല്ലെന്ന് ഉറപ്പിക്കാനുള്ള ശ്രമമാണ് പോലീസ് ഇപ്പോൾ നടത്തുന്നത്. അതു ജെസ്നയല്ലെന്നു പിതാവും സഹോദരനും ഉറപ്പിച്ചു പറയുന്പോൾ പിന്നെ ആര് എന്നതിന് ഉത്തരം ലഭിച്ചെങ്കിൽ മാത്രമേ ആ വഴിക്കുള്ള അന്വേഷണം പൂർണമാകുകയുള്ളൂവെന്ന് എസ്പി പറഞ്ഞു. ഇതിനായി കടയിൽ നിന്നു ലഭ്യമായ സിസിടിവി ദൃശ്യത്തിന്റെ സ്ക്രീൻ ഷോട്ട് പോലീസ് പുറത്തുവിട്ടിട്ടുണ്ട്. ദൃശ്യത്തിൽ കാണുന്ന യുവതിയെ സംബന്ധിച്ച് വിവരം ലഭിക്കുന്നവർ പോലീസിനെ അറിയിക്കണമെന്നതാണ് അറിയിപ്പ്. തിരുവല്ല ഡിവൈഎസ്പിയുടെ നന്പർ സഹിതമാണ് അറിയിപ്പ് നൽകിയിട്ടുള്ളത്. പോലീസിന്റെ ഫേസ് ബുക്ക് പേജുകൾ, വാട്സാപ്പ് ഗ്രൂപ്പുകൾ എന്നിവയിലൂടെയാണ്…
Read Moreസഹോദരനെ കമ്പികൊണ്ട് ആക്രമിച്ച കേസിൽ അനിയനും സുഹൃത്തും പിടിയിൽ; അനിയൻ സഞ്ചരിച്ച ടിപ്പർ ബൈക്കിൽ തട്ടിയത് ചോദ്യം ചെയ്തതാണ് പ്രകോപനത്തിന്കാരണമായതെന്ന്
നെടുമങ്ങാട്: സഹോദരനെ കമ്പികൊണ്ട് ആക്രമിച്ച അനുജൻ ഉൾപ്പെടെ രണ്ടുപേർ പിടിയിൽ. ആനാട് വേങ്കവിള എസ്എസ് ഭവനിൽ സന്തോഷ്(41), ആനാട് വേട്ടംമ്പള്ളി തൊഴുകുമേൽ കിഴക്കുംകര പുത്തൻ വീട്ടിൽ ഷൈജു(25) എന്നിവരെയാണ് നെടുമങ്ങാട് പൊലീസ് അറസ്റ്റുചെയ്തത്. കഴിഞ്ഞ ഒന്നിന് രാവിലെ 9.30നാണ് സംഭവം. ആനാട് വേങ്കവിള കുഴിവിള വീട്ടിൽ ബിജുവിനാണ് പരിക്കേറ്റത് സന്തോഷും ബിജുവും സഹോദരങ്ങളാണ്. ബിജുവിന്റെ ബൈക്കിൽ സന്തോഷ് സഞ്ചരിച്ചിരുന്ന ടിപ്പർ ലോറി തട്ടിയതായി പോലീസ് പറഞ്ഞു. ഇതിനിടെ ബിജുവിന്റെ മൊബൈൽ ഫോൺ തറയിൽ വീണു പൊട്ടി. ഇത് ചോദിക്കാനെത്തിയ ബിജുവിനെ കമ്പികൊണ്ട് ഇരുവരും ചേർന്ന് ആക്രമിക്കുകയായിരുന്നെന്ന് പോലീസ് പറഞ്ഞു. നെടുമങ്ങാട് ഇൻസ്പെക്ടർ എസ്.എസ്.സുരേഷ് കുമാർ, എസ്ഐമാരായ എസ്.എൽ.അനിൽ കുമാർ, സുനിൽ ഗോപി എന്നിവർ പിടികൂടിയ ഇവരെ കോടതിയിൽ ഹാജരാക്കി.</span> </div>
Read Moreഎസ്ഡിപിഐയും പോപ്പുലർ ഫ്രണ്ടും ഭീകരസംഘടനയെന്ന് സിപിഎം കേന്ദ്രകമ്മിറ്റി അംഗം എളമരം കരീം
തിരുവനന്തപുരം: എസ്ഡിപിഐയും പോപ്പുലർ ഫ്രണ്ടും ഭീകരസംഘടനയെന്ന് സിപിഎം കേന്ദ്രകമ്മിറ്റി അംഗം എളമരം കരീം. മതപരിവർത്തനത്തെ പ്രോത്സാഹിപ്പിക്കുന്ന ഭീകരവാദികളാണ് പോപ്പുലർ ഫ്രണ്ട്. സിമിയുടെ നേതാക്കൾതന്നെയാണ് പോപ്പുലർ ഫ്രണ്ടിനെയും നയിക്കുന്നതെന്നും അദ്ദേഹം പറഞ്ഞു. പഞ്ചായത്തുതലത്തിൽ എസ്ഡിപിഐയുമായി ബന്ധമുണ്ടാക്കിയവർക്കെതിരെ നടപടി സ്വീകരിക്കുമെന്നും അദ്ദേഹം പറഞ്ഞു. കേരളത്തിന് പുറത്ത് സംഘടനയ്ക്ക് ഒളിത്താവളമുണ്ടെന്നും പള്ളിക്കമ്മിറ്റികൾ ഇവരെ ബോധപൂർവം മാറ്റിനിർത്താൻ ശ്രമിക്കണമെന്നും എളമരം കരീം കൂട്ടിച്ചേർത്തു.
Read Moreഗ്ലാസിലെ നുരയും പ്ലേറ്റിലെ കറിയും; കടുത്ത നടപടികളിലേക്ക് അധികൃതർ; അഡ്മിൻ അജിത്തും ഭാര്യ വിനിതയ്ക്കുമെതിരേ ക്രിമിനൽ കേസിന് എടുത്തേക്കും
തിരുവനന്തപുരം: സോഷ്യൽ മീഡിയയിലൂടെ മദ്യപാനത്തിനും മദ്യപിക്കുന്നവർക്കും പ്രോത്സാഹനം നൽകുന്ന ജിഎൻപിസി (ഗ്ലാസിലെ നുരയും പ്ലേറ്റിലെ കറിയും) എന്ന ഫെയ്സ്ബുക്ക് പേജിന്റെ അഡ്മിനെതിരെ നടപടി കടുപ്പിക്കാൻ എക്സൈസ് തീരുമാനം. ഫെയ്സ് ബുക്ക് കൂട്ടായ്മയുടെ അഡ്മിൻ നേമം കാരയ്ക്കമണ്ഡപം സ്വദേശി അജിത് കുമാർ, ഭാര്യ വിനിത എന്നിവർക്കെതിരെ ക്രിമിനൽ കേസ് രജിസ്റ്റർ ചെയ്യുന്നതിന് സിറ്റി പോലീസ് കമ്മീഷണറോട് രേഖാമൂലം ആവശ്യപ്പെടാനാണ് എക്സൈസ് തീരുമാനിച്ചിരിക്കുന്നത്. കഴിഞ്ഞ ദിവസം അജിത്കുമാറിന്റെ നേമത്തെ വസതിയിൽ എക്സൈസ് സംഘം നടത്തിയ റെയ്ഡിൽ മദ്യവും ഭക്ഷണവും വിൽക്കാൻ ഉപയോഗിച്ച കൂപ്പണുകളും പ്രിന്ററുകളും എക്സൈസ് പിടിച്ചെടുത്തിരുന്നു. അജിത്കുമാറും വിനിതയും ഒളിവിലാണ്. ഫെയ്സ് ബുക്ക് കൂട്ടായ്മയിൽ 36 അഡ്മിൻമാർ ഉണ്ടെന്ന് എക്സൈസ് നടത്തിയ അന്വേഷണത്തിൽ കണ്ടെത്തിയിട്ടുണ്ട്. അഡ്മിൻമാരുടെ ഐഡന്റിറ്റി ഉൾപ്പെടെ അറിയാൻ സൈബർ സെല്ലിന്റെ സഹായവും തേടിയിട്ടുണ്ടെന്ന് എക്സൈസ് അധികൃതർ വ്യക്തമാക്കി. പിന്നാലെ കൂടുതൽ അഡ്മിൻമാർക്കെതിരെ കൂടി അബ്കാരി നിയമ…
Read Moreനിപ്പ പ്രതിരോധം: കേരളത്തിന് അന്താരാഷ്ട്ര അംഗീകാരം, മുഖ്യമന്ത്രി പുരസ്കാരം ഏറ്റുവാങ്ങി
തിരുവനന്തപുരം: നിപ്പ രോഗപ്രതിരോധ പ്രവര്ത്തങ്ങളില് കേരളം കൈക്കൊണ്ട ഫലപ്രദമായ പ്രതിരോധ പ്രവര്ത്തങ്ങള്ക്ക് സംസ്ഥാന സര്ക്കാരിന് അന്താരാഷ്ട്ര അംഗീകാരം. അമേരിക്കയിലെ ബാള്ട്ടിമോര് ഹ്യൂമന് വൈറോളജി ഇന്സ്റ്റിറ്റ്യൂട്ട് നല്കിയ പുരസ്കാരം മുഖ്യമന്ത്രി പിണറായി വിജയനും ആരോഗ്യ വകുപ്പ് മന്ത്രി കെ.കെ ശൈലജയും എറ്റു വാങ്ങി. ഇൻസ്റ്റിറ്റ്യൂട്ടിന്റെ സഹസ്ഥാപകനും പ്രശസ്ത വൈദ്യശാസ്ത്ര ഗവേഷകനുമായ ഡോ.റോബർട്ട് ഗെലോയാണ് പുരസ്കാരം സമ്മാനിച്ചത്. സംസ്ഥാനത്തിന് ആരോഗ്യമേഖലയിൽ ലഭിക്കുന്ന വലിയ ബഹുമതിയായാണ് പുരസ്കാരത്തെ കാണുന്നതെന്ന് മുഖ്യമന്ത്രി ഫേസ്ബുക്ക് പേജിൽ കുറിച്ചു.
Read Moreസിപിഎമ്മിന്റെ ക്ഷണം നിരസിച്ച് ആർഎസ്പി; നിലവിൽ യുഡിഎഫ് വിടേണ്ട സാഹചര്യമില്ലെന്ന് സംസ്ഥാന സെക്രട്ടറി എ.എ.അസീസ്
തിരുവനന്തപുരം: സിപിഎമ്മിലേക്കുള്ള കോടിയേരി ബാലകൃഷ്ണന്റെ ക്ഷണം നിരസിച്ച് ആർഎസ്പി. നിലവിൽ യുഡിഎഫ് വിടേണ്ട സാഹചര്യമില്ലെന്ന് ആർഎസ്പി സംസ്ഥാന സെക്രട്ടറി എ.എ.അസീസ് പറഞ്ഞു. ദേശീയ തലത്തിൽ കോൺഗ്രസിന്റെ നേതൃത്വത്തിലുള്ള മതേതര മുന്നണിയുടെ പ്രസക്തി വർധിച്ചു. ആർഎസ്പി സ്വീകരിച്ച നിലപാടിനെ ശക്തിപ്പെടുത്തുന്ന അവസ്ഥയാണ് ഇപ്പോഴുള്ളത്. കോടിയേരിയുടെ ശ്രമം അണികളിൽ ആശയക്കുഴപ്പം സൃഷ്ടിക്കാനാണെന്നും അസീസ് പറഞ്ഞു. പാർട്ടി മുഖപത്രത്തിലെ ലേഖനത്തിലൂടെയാണ് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ ആർഎസ്പിയെ ഇടതുമുന്നണിയിലേക്ക് ഔദ്യോഗികമായി ക്ഷണിച്ചത്. ലോക്സഭാ തിരഞ്ഞെടുപ്പു വേളയിൽ എൽഡിഎഫ് വിട്ടശേഷം ഈ നിലയ്ക്കുള്ള തുറന്ന സമീപനം ആർഎസ്പിയുടെ കാര്യത്തിൽ സിപിഎം സ്വീകരിക്കുന്നത് ആദ്യമാണ്. യുഡിഎഫ് വിട്ടുവന്നാൽ ആർഎസ്പിയെ ഉൾക്കൊള്ളാൻ എൽഡിഎഫ് തയാറാണ്. ചെങ്ങന്നൂർ ഉപതെരഞ്ഞെടുപ്പു ഫലത്തെ തുടർന്നു കോൺഗ്രസ് മുന്നണി വിടണമെന്ന അഭിപ്രായം ആർഎസ്പിയിൽ ശക്തമാണ്. ഇടത് ഐക്യത്തിന്റെ കൊടി ഉയർത്തണമെന്നു പരസ്യമായി പറയാൻ ചില നേതാക്കൾ തയാറായിട്ടുണ്ട്. ഇവരുടെ ശബ്ദം…
Read Moreനാല് സ്വാശ്രയ മെഡിക്കൽ കോളജുകളുടെ വിലക്ക് നീക്കി; വിലക്ക് നീങ്ങിയതോടെ 450 സീറ്റുകളിൽ പ്രവേശനം നടത്താം
തിരുവനന്തപുരം: ആരോഗ്യ സർവകലാശാല അഫിലിയേഷൻ നിഷേധിച്ച നാല് സ്വാശ്രയ മെഡിക്കൽ കോളജുകളുടെ വിലക്ക് നീക്കി. അസീസിയ കൊല്ലം, കണ്ണൂർ മെഡിക്കൽ കോളജ്, ഡോ. സോമർവെൽ കാരക്കോണം, എസ്യുടി തിരുവനന്തപുരം എന്നീ കോളജുകളുടെ വിലക്കാണ് നീക്കിയത്. ഇവിടങ്ങളിൽ ഈ വർഷം എംബിബിഎസ് പ്രവേശനം നടത്താമെന്ന് ആരോഗ്യ സർവകലാശാല അറിയിച്ചു. വിലക്ക് നീങ്ങിയതോടെ ആകെ 450 സീറ്റുകളിൽ പ്രവേശനം നടത്താം. പ്രവേശനത്തിന് വേണ്ട സൗകര്യം ഒരുക്കാമെന്ന് ആരോഗ്യ സർവകലാശാല കോളജുകൾക്ക് ഉറപ്പ് നൽകി.
Read More