ആറ്റിങ്ങൽ: മോഷണം, പിടിച്ചുപറി, വധശ്രമം , കഞ്ചാവ് കടത്തൽ ഉൾപ്പെടെ അമ്പതോളം കേസുകളിലെ പ്രതി രണ്ടുകിലോ കഞ്ചാവുമായി ആറ്റിങ്ങൽ പോലീസിന്റെ പിടിയിൽ. വെഞ്ഞാറമൂട് , കോട്ടുകുന്നം ഇടവം പറമ്പിൽ,വൃന്ദാവനത്തിൽ ചന്ദു എന്ന് വിളിക്കുന്ന ദിലീപ് ( 38) ആണ് രണ്ട് കിലോ കഞ്ചാവുമായി പിടിയിലായത്. വിവിധ ജയിലുകളിൽ നിന്നും കോടതിയിൽ എത്തിക്കുന്ന വിചാരണ തടവുകാർക്ക് കൈമാറുന്നതിനായി കരുതിയിരുന്ന മൂന്ന് കിലോയിൽ അധികം കഞ്ചാവുമായി ആറ്റിങ്ങൽ കോടതി പരിസരത്ത് നിന്ന് രണ്ട് പേർ കഴിഞ്ഞദിവസം പോലീസ് പിടിയിൽ ആയിരുന്നു. ഇപ്പോൾ പിടിയിൽ ആയ ദിലീപ് ഇടുക്കി വണ്ടിപ്പെരിയാറിൽ പത്ത് കിലോ കഞ്ചാവുമായി കഴിഞ്ഞ വർഷം പിടിയിൽ ആയിരുന്നു. ജയിലിൽ നിന്നും ഇറങ്ങി വീണ്ടും കഞ്ചാവ് കച്ചവടം ചെയ്യുന്നതിനിടയിൽ കഴിഞ്ഞ മാർച്ച് മാസത്തിൽ ഇയാൾ ഏഴു കിലോ കഞ്ചാവും കാട്ടുമൃഗങ്ങളുടെ കൊമ്പും , തോലും , വെടിവെക്കാൻ ഉപയോഗിക്കുന്ന തോക്കുമായി…
Read MoreCategory: TVM
വൈദ്യുതി ചാർജ് വർധന തീരുമാനിക്കേണ്ടത് റെഗുലേറ്ററി കമ്മീഷനെന്ന് എം.എം. മണി
തിരുവനന്തപുരം: വൈദ്യുതി ചാർജ് വർധന തീരുമാനിക്കേണ്ടത് റെഗുലേറ്ററി കമ്മീഷനെന്ന് മന്ത്രി എം.എം. മണി. ചാർജ് വർധന ഉണ്ടാകുമെന്നാണ് കരുതുന്നതെന്നും അദ്ദേഹം പറഞ്ഞു. വൈദ്യുതി സബ്സിഡി നിർത്തലാക്കാനുള്ള കേന്ദ്ര സർക്കാർ നീക്കം സാധാരണ ഉപഭോക്താക്കൾക്ക് മേൽ അമിതഭാരം അടിച്ചേൽപിക്കാനാണെന്നും അദ്ദേഹം പറഞ്ഞു വൻകിട ഉപഭോക്താക്കൾക്ക് ഇളവ് നൽകുന്നതിനെ കുറിച്ച് മാത്രമാണ് കേന്ദ്ര സർക്കാർ ആലോചിക്കുന്നതെന്നും മണി കൂട്ടിച്ചേർത്തു.
Read Moreഅഭിമന്യുവിന്റെ കൊലപാതകം എൻഐഎയ്ക്ക് കൈമാറും; യു.എ.പി.എ ചുമത്തുന്ന കാര്യം പരിശോധിക്കുകയാണെന്ന് കൊച്ചി റെയ്ഞ്ച് ഐ.ജി രാഷ്ട്രദീപികയോട്
എം.ജെ ശ്രീജിത്ത് തിരുവനന്തപുരം: അഭിമന്യുവിന്റെ കൊലപാതകം കേന്ദ്ര ഏജൻസിയായ എൻ.ഐ.ഐയ്ക്ക് കൈമാറിയേക്കും. ഇതു സംബന്ധിച്ച് ഡിജിപി ലോക്നാഥ് ബെഹ്റ മുഖ്യമന്ത്രിയുമായും ആഭ്യന്തര സെക്രട്ടറിയുമായും കഴിഞ്ഞ ദിവസം ചർച്ച ചെയ്തിരുന്നു. ഇതിനുശേഷമാണ് ഡി.ജി.പി ഡയറക്ടർ ജനറൽ ഓഫ് പ്രോസിക്യൂഷനോട് നിയമോപദേശം തേടിയത്. കൊലപാതകവുമായി ബന്ധപ്പെട്ട് പ്രതിപ്പട്ടികയിലുള്ള ചിലർക്ക് തീവ്രവാദ സംഘടനകളുമായി അടുത്ത ബന്ധമുണ്ടെന്ന ചില തെളിവുകൾ പോലീസിന് ലഭിച്ചിരുന്നു. ഈ സാഹചര്യത്തിൽ പ്രതികൾക്കെതിരെ യു.എ.പി.എ ചുമത്തുന്ന കാര്യം പരിശോധിക്കുകയാണെന്ന് കൊച്ചി റെയ്ഞ്ച് ഐ.ജി രാഷ്ട്രദീപികയോട് പറഞ്ഞു. തെളിവുകൾ കുറച്ചു കൂടി ലഭിക്കാനുണ്ട്. കൂടാതെ ഇതു സംബന്ധിച്ച നിയമോപദേശം തേടിയിരിക്കുകയാണ്. ഇതു കൂടി ലഭിക്കുന്നതോടെ യു.എ.പി.എ ചുമത്തുന്ന കാര്യത്തിൽ അന്തിമ തീരുമാനം ഉണ്ടാകും. പ്രതികളെ എത്രയും വേഗം പിടികൂടുമെന്നും. പ്രതികൾക്ക് എസ്.ഡി.പി നേതാക്കളിലാരുടേയെങ്കിലും സംരക്ഷണം ലഭിച്ചിട്ടുണ്ടോയെന്ന് പരിശോധിക്കുകയാണെന്നും കൃത്യമായ തെളിവുകൾ ലഭിച്ചാൽ മാത്രമെ ഇവർക്കെതിരെ എന്തെങ്കിലും നടപടി ഉണ്ടാകുകയുള്ളുവെന്നും അദ്ദേഹം…
Read Moreഅപകടങ്ങൾ നിത്യ സംഭവമായിട്ടും തിരിഞ്ഞു നോക്കാതെ അധികൃതർ; അമരവിള ഒറ്റശേഖരമംഗലം റോഡിന്റെ ശോച്യാവസ്ഥ തുടരുന്നതിൽ നാട്ടുകാർ പ്രതിഷേധത്തിൽ
അമരവിള : രണ്ട് ബജറ്റുകളിൽ സ്ഥാനം പിടിച്ച അമരവിള ഒറ്റശേഖരമംഗലം റോഡിന്റെ വികസനം അനന്തമായി നീളുന്നു. റോഡിന്റെ വികസനത്തെ ചൊല്ലി പ്രതിഷേധങ്ങൾ സംഘടിപ്പിച്ചവരും പിൻ വാങ്ങിയതോടെ റോഡിന്റെ അവസ്ഥ തകർച്ചയിൽ തുടരുകയാണ് എൽഡിഎഫ് സർക്കാർ ആദ്യബഡ്ജറ്റിൽ റോഡിനായി 15 കോടി വകയിരുത്തിയെങ്കിലും കഴിഞ്ഞ ജനുവരിയിലാണ് ടെണ്ടർ നടപടികൾ പൂർത്തീകരിച്ചത്. ആദ്യബജറ്റിൽ പാറശാല മണ്ഡലത്തിന് ലഭിച്ച കൂടിയ തുകയും അമരവിള ഒറ്റശേഖരമംഗലം റോഡിനായിരുന്നു. എന്നാൽ റോഡ് വികസനം അനന്തമായി നീളുന്നതിൽ നാട്ടകാർ പ്രതിഷേധത്തിലാണ്. നിലവിൽ 26.97 കോടി രൂപക്കാണ് റോഡ് ടെണ്ടർ ചെയ്ത് സ്ഥലമെടുക്കലിനായി മൂന്നു കോടി കൂടി അനുവദിച്ചു. റോഡ് വികസനത്തിനായി 85 സെന്റോളം സ്ഥലം വേണമെന്നിരിക്കെ സ്ഥലമേറ്റെടുക്കലിന്റെ പ്രാഥമിക നടപടികൾപോലും ആരംഭിച്ചിട്ടില്ല. നിലവിലുള്ള പാലങ്ങൾ ബലപ്പെടുത്തി ചിറ്റാറ്റിൻകരയിലും ആര്യൻകോടും ഫുഡ് ബ്രിഡ്ജുകൾ പണിതാണ് റോഡ് നിർമാണം പൂർത്തിയാക്കേണ്ടത്. റോഡിൽ അപകടങ്ങൾ പതിവായതോടെ പൊട്ടിപ്പൊളിഞ്ഞ ആറു കിലോമീറ്ററോളം…
Read Moreകടലിൽ ബോട്ട് മറിഞ്ഞ് മത്സ്യത്തൊഴിലാളി മരിച്ചു; കോസ്റ്റ്ഗാർഡിന്റെ സഹായത്തോടെ കരയ്ക്കെത്തിച്ചെങ്കിലും ജീവൻ രക്ഷിക്കാനായില്ല; കൂടെയുണ്ടായിരുന്ന രണ്ടുപേർക്ക് പരിക്ക്
തിരുവനന്തപുരം: കാപ്പിൽ കടലിൽ ബോട്ട് മറിഞ്ഞ് മത്സ്യത്തൊഴിലാളി മരിച്ചു. കൊല്ലം വെസ്റ്റ് ശാലോം നഗറിൽ എഡ്മണ്ട് (52) ആണ് മരിച്ചത്. പുലർച്ചെ ആറരയോടെ കാപ്പിൽ കടലിലായിരുന്നു അപകടം. ഇദ്ദേഹത്തോടൊപ്പം ബോട്ടിൽ മത്സ്യബന്ധനത്തിന് ഉണ്ടായിരുന്ന സെബാസ്റ്റ്യൻ, നെൽസണ് എന്നിവർക്ക് പരിക്കേറ്റു. കോസ്റ്റ്ഗാർഡിന്റെ സഹായത്തോടെ മൂവരെയും കരയ്ക്കെത്തിച്ചെങ്കിലും എഡ്മണ്ടിന്റെ ജീവൻ രക്ഷിക്കാനായില്ല. അയിരൂർ പോലീസ് മേൽനടപടി സ്വീകരിച്ചു. മൃതദേഹം വർക്കല താലൂക്കാശുപത്രിയിലേക്ക് മാറ്റി.
Read Moreഭക്ഷ്യ വിഷബാധ; പോലീസ് സ്പെഷൽ ബ്രാഞ്ച് റിപ്പോർട്ടെത്തി; ജിവി രാജ സ്പോർട്സ് സ്കൂൾ പ്രിൻസിപ്പലിനെ സ്ഥലംമാറ്റി
തിരുവനന്തപുരം: വിദ്യാർഥികൾക്ക് ഭക്ഷ്യ വിഷബാധയേറ്റ സംഭവത്തിൽ ജിവി രാജ സ്പോര്ട്സ് സ്കൂൾ പ്രിൻസിപ്പലിനെ സ്ഥലംമാറ്റി. പ്രിൻസിപ്പൽ സി.എസ്. പ്രദീപിനെ കണ്ണൂർ സ്പോർട്സ് ഡിവിഷനിലേക്കാണ് സ്ഥലംമാറ്റിയത്. സ്പോര്ട്സ് ഹോസ്റ്റലില് നിന്നും ഭക്ഷണം കഴിച്ച 60 കുട്ടികൾക്കാണ് ഭക്ഷ്യവിഷബാധയേറ്റത്. കുട്ടികള് അസ്വസ്ഥത പ്രകടിപ്പിച്ചിട്ടും മാതാപിതാക്കളെ വിവരമറിയിക്കുകയോ ആശുപത്രിയിലേക്കു മാറ്റുകയോ ചെയ്യാതെ ഡോക്ടറെ ഹോസ്റ്റലില് കൊണ്ടുവന്നു പരിശോധിപ്പിക്കുകയായിരുന്നു. ഹോസ്റ്റൽ ഭക്ഷണത്തിൽ നിന്നും കുട്ടികൾക്കുണ്ടായ വിഷബാധ പുറത്തറിയാതിരിക്കാന് വിദ്യാർഥികളെ പൂട്ടിയിട്ടെന്ന് പരാതിയുയർന്നിരുന്നു. തുടർന്ന് പോലീസ് സ്പെഷൽ ബ്രാഞ്ച് റിപ്പോർട്ടിനെ തുടർന്നാണ് പ്രിൻസിപ്പലിനെ സ്ഥലംമാറ്റിയത്. സ്കൂളിലെ കുട്ടികൾക്കുള്ള ഭക്ഷണത്തിൽ കുട്ടികളെ കൊണ്ട് തന്നെ പ്രിൻസിപ്പൽ മായം കലർത്തുന്നെന്ന സംശയവും സ്പെഷൽ ബ്രാഞ്ച് പ്രകടിപ്പിച്ചിരുന്നു. ഭക്ഷ്യവിഷബാധയുണ്ടായ ശേഷം 15 ഹോസ്റ്റൽ ജീവനക്കാരെ പിരിച്ചുവിടുകയും ചെയ്തു.
Read Moreകോൺഗ്രസിന്റെ ശത്രു പാർട്ടിക്കാർ തന്നെ; പരസ്പരം കലഹിക്കുന്ന യാദവ കുലം പോലെയാണ് ഇപ്പോഴത്തെ കോൺഗ്രസെന്ന് എ.കെ ആന്റണി
തിരുവനന്തപുരം: കോൺഗ്രസിന്റെ ശത്രു പാർട്ടിക്കാർ തന്നെയെന്ന് മുതിർന്ന കോൺഗ്രസ് നേതാവ് എ.കെ. ആന്റണി. ക്ഷമിക്കാന് കഴിഞ്ഞില്ലെങ്കില് ഇപ്പോഴത്തെ നേതാക്കള് പാര്ട്ടിയെ നശിപ്പിച്ചവരെന്ന് അറിയപ്പെടും. 1967ലേതിനേക്കാൾ കടുത്ത പ്രതിസന്ധിയിലൂടെയാണ് കോൺഗ്രസ് ഇപ്പോൾ കടന്നു പോകുന്നതെന്നും അദ്ദേഹം പറഞ്ഞു. പരസ്പരം കലഹിക്കുന്ന യാദവ കുലം പോലെയാണ് ഇപ്പോഴത്തെ കോൺഗ്രസ്. കോണ്ഗ്രസിലെ കലാപം പാര്ട്ടിയെ ജനങ്ങള്ക്ക് മുന്നില് അപഹാസ്യമാക്കിയിരിക്കുകയാണെന്നും അദ്ദേഹം പറഞ്ഞു. നേതാക്കൾക്ക് ലക്ഷ്മണരേഖ വരയ്ക്കണം. ചാനലിൽവച്ച് പാർട്ടിയുടെ ആഭ്യന്തരകാര്യങ്ങൾ ചർച്ച ചെയ്യരുത്. പ്രധാന തീരുമാനങ്ങൾ പാർട്ടി വേദികളിലാണ് ചർച്ച ചെയ്യേണ്ടതെന്നും അദ്ദേഹം പറഞ്ഞു. ചെങ്ങന്നൂർ ഉപതെരഞ്ഞെടുപ്പിൽനിന്നും പാർട്ടി പാഠം പഠിക്കണം. ഇല്ലെങ്കിൽ കോൺഗ്രസിനെ തകർത്തവരാണ് ഇന്നത്തെ നേതാക്കളെന്ന് അടുത്ത തലമുറ പറയും. പാർട്ടി തീരുമാനമെടുത്താൽ അതായിരിക്കണം പാർട്ടി നയമെന്നും ആന്റണി കൂട്ടിച്ചേർത്തു.
Read Moreമോർഫ് ചെയ്ത് മുഖ്യമന്ത്രിയുടെ ചിത്രം പ്രചരിപ്പിച്ച സംഭവം: പോലീസ് കേസെടുത്തു
തിരുവനന്തപുരം: മോർഫ് ചെയ്ത് മുഖ്യമന്ത്രി പിണറായി വിജയന്റെ ചിത്രം പ്രചരിപ്പിച്ച സംഭവത്തിൽ പോലീസ് കേസെടുത്തു. ഡിജിപിയെ മുന്നിൽ നിർത്തി മുഖ്യമന്ത്രി ഫയൽ ഒപ്പിടുന്ന ചിത്രം ഭക്ഷണം കഴിക്കുന്നതായി മോർഫ് ചെയ്ത സംഭവത്തിലാണ് കേസ്. കഴിഞ്ഞ ദിവസം പിണറായി പോലീസ് സ്റ്റേഷൻ ഉദ്ഘാടനം ചെയ്തശേഷം സ്റ്റേഷൻ ഹൗസ് ഓഫീസറുടെ കസേരയിലിരുന്ന് ജനറൽ ഡയറിയിൽ ഉദ്ഘാടനം ചെയ്തതായി മുഖ്യമന്ത്രി രേഖപ്പെടുത്തിയിരുന്നു. ഈ ചിത്രമാണ് മോർഫ് ചെയ്യപ്പെട്ടത്. ഈ ചിത്രത്തിൽ മുഖ്യമന്ത്രി ഭക്ഷണം കഴിക്കുന്ന ചിത്രം മോർഫ് ചെയ്യുകയായിരുന്നു.
Read Moreപത്തു ദിവസം നീളുന്ന പരിപാടികളുമായി മുഖ്യമന്ത്രി നാളെ അമേരിക്കയിലേക്ക്
തിരുവനന്തപുരം: പത്തു ദിവസം നീളുന്ന പരിപാടികളുമായി മുഖ്യമന്ത്രി പിണറായി വിജയൻ നാളെ പുലർച്ചെ അമേരിക്കയിലേക്കു പോകും. അമേരിക്കൻ സന്ദർശനവുമായി ബന്ധപ്പെട്ട വിശദാംശങ്ങൾ ഇന്ന് അറിയിക്കാമെന്നു മുഖ്യമന്ത്രിയുടെ ഓഫീസ് അറിയിച്ചു.
Read Moreഅഭിമന്യു വധം കാമ്പസ് രാഷ്ട്രീയത്തിലെ ഏകാധിപത്യ പ്രവണതയ്ക്കേറ്റ തിരിച്ചടിയെന്ന് കോൺഗ്രസ്
തിരുവനന്തപുരം: എറണാകുളം മഹാരാജാസ് കോളജിലെ ബിരുദ വിദ്യാർഥിയും എസ്എഫ്ഐ പ്രവർത്തകനുമായിരുന്നു അഭിമന്യുവിന്റെ കൊലപാതകത്തിൽ എസ്എഫ്ഐക്കെതിരെ പരോക്ഷ വിമർശനവുമായി കോൺഗ്രസ്. സംസ്ഥാനത്തെ കാമ്പസ് രാഷ്ട്രീയത്തിലെ ഏകാധിപത്യ പ്രവണതയ്ക്കേറ്റ തിരിച്ചടിയാണ് അഭിമന്യുവിന്റെ കൊലപാതകമെന്ന് കെപിസിസി അധ്യക്ഷൻ എം.എം.ഹസൻ ആരോപിച്ചു. കൊലപാതകത്തെ ഒരുതരത്തിലും ന്യായീകരിക്കാനാകില്ലെന്നും തീവ്രവാദത്തെ നിയമംകൊണ്ട് നേരിടണമെന്നും അദ്ദേഹം ആവശ്യപ്പെട്ടു.
Read More