തിരുവനന്തപുരം: അഭിമന്യു വധക്കേസിലെ മുഴുവൻ പ്രതികളും ഉടൻ പോലീസ് പിടിയിലാകുമെന്ന് മന്ത്രി ജി. സുധാകരൻ. അന്വേഷണം ശരിയായ ദിശയിൽ നടക്കുന്നുണ്ടെന്നും അദ്ദേഹം പറഞ്ഞു. തങ്ങളല്ല കുറ്റക്കാർ എന്ന എസ്ഡിപിഐ നിലപാട് സ്വാഭാവികമാണെന്നു പറഞ്ഞ സുധാകരൻ പ്രതികളായവർ ആരും തങ്ങൾ പ്രതികളാണ് എന്ന് സമ്മതിക്കാറില്ലെന്നും കൂട്ടിച്ചേർത്തു.
Read MoreCategory: TVM
മത്സരയോട്ടത്തിനിടെ ബൈക്ക് ഇടിച്ച് അഞ്ച് പേർക്ക് പരിക്ക്; ഒരാളുടെ നില ഗുരുതരം; റോഡ്മു റിച്ചുകടക്കുകയായിരുന്ന ഇവരെ ഇടിച്ചു തെറിപ്പിക്കുകയായിരുന്നുവെന്ന് ദൃക്സാക്ഷികൾ
തിരുവനന്തപുരം: മത്സരയോട്ടത്തിനിടെ ബൈക്ക് ഇടിച്ച് മൂന്ന് സ്ത്രീകൾ ഉൾപ്പെടെ അഞ്ച് പേർക്ക് പരിക്ക്. കവടിയാർ-അമ്പലംമുക്കിൽ ഇന്ന് ഉച്ചയോടെയായിരുന്നു സംഭവം. പരിക്കേറ്റവരെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഇതിൽ ഒരു സ്ത്രീയുടെ നില ഗുരുതരമാണെന്ന് അധികൃതർ അറിയിച്ചു. അതിവേഗത്തിലെത്തിയ ബൈക്ക് നർമദ ജംഗ്ഷനിൽ വച്ച് റോഡ് മുറിച്ചുകടക്കുകയായിരുന്ന സ്ത്രീകളെ ഇടിച്ചു തെറിപ്പിക്കുകയായിരുന്നു. ബൈക്കോടിച്ചിരുന്ന യുവാവിനും പരിക്കേറ്റു. സംഭവത്തിൽ പോലീസ് കേസ് രജിസ്റ്റർ ചെയ്തു.
Read Moreവിലകൂടിയ മൊബൈൽ ഫോണുകൾ മോഷ്ടിച്ച് വിൽപന നടത്തുന്ന സംഘം അറസ്റ്റിൽ; പിടിയിലായവരെല്ലാം 25 വയസിൽ താഴെയുള്ളവരെന്ന് പോലീസ്
തിരുവനന്തപുരം: വീടുകളിൽ നിന്നും മൊബൈൽ ഫോണുകൾ മോഷ്ടിച്ച് വിൽപ്പന നടത്തിവരികയായിരുന്ന സംഘത്തിലെ മൂന്ന് പേരെ ഫോർട്ട് പോലീസ് അറസ്റ്റ് ചെയ്തു. കരിമടം കോളനിയിൽ താമസിക്കുന്ന ഹാജ (23), റഫീക്ക് (23), ഷാജി (20) എന്നിവരാണ് അറസ്റ്റിലായത്. വിലകൂടിയ മൊബൈൽ ഫോണുകളാണ് ഇവർ മോഷ്ടിച്ച് വന്നിരുന്നതെന്ന് പോലീസ് പറഞ്ഞു. മൊബൈൽ ഫോണുകൾ വിൽക്കാൻ ശ്രമിക്കുന്നുവെന്ന രഹസ്യ വിവരത്തെ തുടർന്ന് ഫോർട്ട് സിഐ.അജിചന്ദ്രൻ നായരും സംഘവും മൂവരെയും അറസ്റ്റ് ചെയ്യുകയായിരുന്നു. പ്രതികളുടെ വീടുകളിൽ നിന്നും 20000 രൂപയോളം വിലപിടിപ്പുള്ള മൂന്ന് മൊബൈൽ ഫോണുകൾ പോലീസ് പിടിച്ചെടുത്തു. കോടതിയിൽ ഹാജരാക്കിയ പ്രതികളെ റിമാന്റ് ചെയ്തു.
Read Moreഇപ്പോ ഒരു തീരുമാനമായില്ലേ… അമ്മയിൽ ഏകപക്ഷീയ തീരുമാനങ്ങളുണ്ടാകില്ലെന്ന് മോഹൻലാൽ; അമ്മയിലെ വിവാദങ്ങൾ സംഘടനയുടെ ആഭ്യന്തര പ്രശ്നങ്ങളെന്ന് എ.കെ.ബാലൻ
തിരുവനന്തപുരം: മലയാളം സിനിമാ അഭിനേതാക്കളുടെ സംഘടനയായ അമ്മയുടെ പ്രസിഡന്റ് നടൻ മോഹൻലാൽ സാംസ്കാരിക വകുപ്പ് മന്ത്രി എ.കെ.ബാലനുമായി കൂടിക്കാഴ്ച നടത്തി. മന്ത്രിയുടെ ഔദ്യോഗിക വസതിയിലായിരുന്നു കൂടിക്കാഴ്ച. നടി ആക്രമിക്കപ്പെട്ട കേസും ദീലീപിന്റെ അമ്മയിലേക്കുള്ള തിരിച്ചുവരവും ഉൾപ്പെടെ വിവാദ വിഷയങ്ങൾ കൂടിക്കാഴ്ചയിൽ ചർച്ചയായി. ഏകപക്ഷീയമായ തീരുമാനങ്ങൾ അമ്മയിൽ ഉണ്ടാകില്ലെന്ന് മോഹൻലാൽ ഉറപ്പുനൽകിയെന്ന് കൂടിക്കാഴ്ചയ്ക്കുശേഷം മാധ്യമങ്ങളെ കണ്ട മന്ത്രി എ.കെ.ബാലൻ അറിയിച്ചു. അമ്മയിലെ വിവാദങ്ങൾ സംഘടനയുടെ ആഭ്യന്തര പ്രശ്നങ്ങളാണെന്നും അതിൽ സർക്കാർ ഇടപെടില്ലെന്നും മന്ത്രി വ്യക്തമാക്കി. അടുത്ത ദിവസം മോഹൻലാൽ വിദേശത്തേക്കു പോവുകയാണെന്നും തിരിച്ചെത്തിയശേഷം സംഘടനയിൽ ഉടലെടുത്ത പ്രശനങ്ങൾക്കു പരിഹാരത്തിനു ശ്രമിക്കാമെന്ന് അറിയിച്ചെന്നും മന്ത്രി കൂട്ടിച്ചേർത്തു.
Read Moreകുട്ടിക്ക് ശാരീരിക അസ്വാസ്ഥ്യത! സ്കൂൾ അധികൃതർ വിവരം അന്വേഷിച്ചു; വിദ്യാർഥിയെ പീഡിപ്പിച്ച സ്കൂൾ ബസ് ഡ്രൈവർ അറസ്റ്റിൽ
തിരുവനന്തപുരം:എൽകെജി വിദ്യാർഥിയെ പ്രകൃതി വിരുദ്ധ പീഡനത്തിനിരയാക്കിയ സ്കൂൾ ബസ് ഡ്രൈവറെ മ്യൂസിയം പോലീസ് അറസ്റ്റ് ചെയ്തു. അന്പലമുക്ക് സ്വദേശിയെയാണ് ് കുട്ടിയുടെ ബന്ധുക്കളുടെ പരാതിയെ തുടർന്ന് പോലീസ് അറസ്റ്റ് ചെയ്തത്. കുട്ടിക്ക് ശാരീരിക അസ്വാസ്ഥ്യത അനുഭവപ്പെട്ടതിനെ തുടർന്ന് സ്കൂൾ അധികൃതർ വിവരം അന്വേഷിച്ചപ്പോഴാണ് കുട്ടി പീഡന വിവരം വെളിപ്പെടുത്തിയത്. പ്രതിയെ ഇന്ന് കോടതിയിൽ ഹാജരാക്കും.
Read Moreരാമായണ മാസാചരണം; സിപിഎം രാമായണമാസം ആചരിക്കുന്നുവെന്ന് വാർത്തകൾ നിഷേധിച്ച് കോടിയേരി
തിരുവനന്തപുരം: സിപിഎം രാമായണ മാസാചരണം നടത്തുന്നുവെന്ന വാർത്തകൾ നിഷേധിച്ച് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. സിപിഎം രാമായണമാസം ആചരിക്കുന്നുവെന്ന് പ്രചാരണം അടിസ്ഥാനരഹിതമാണെന്നും അദ്ദേഹം പറഞ്ഞു. സംസ്കൃത സംഘം സിപിഎമ്മിന്റെ കീഴിലുള്ള സംഘടനയല്ല. സംസ്കൃത സംഘം നടത്തുന്നത് രാമയണ മാസാചരണം അല്ലെന്നും അദ്ദേഹം പറഞ്ഞു. സ്വതന്ത്ര സംഘടനയുടെ പരിപാടി സിപിഎമ്മിനെതിരായ ആയുധമാക്കുന്നുവെന്നും കോടിയേരി ആരോപിച്ചു.
Read Moreതിരുവനന്തപുരത്ത് ബോട്ട് മറിഞ്ഞ് മത്സ്യത്തൊഴിലാളി മരിച്ചു; ശക്തമായ തിരയിൽപ്പെട്ട് ബോട്ട് മറിഞ്ഞ് തലയ്ക്ക് ഗുരുതരമായി പരിക്കേറ്റിരുന്നു
തിരുവനന്തപുരം: കഠിനംകുളം പുതുക്കുറിച്ചിയിൽ ശക്തമായ തിരയിൽപ്പെട്ട് ബോട്ട് മറിഞ്ഞ് മത്സ്യത്തൊഴിലാളി മരിച്ചു. പുതുക്കുറിച്ചി തെരുവിൽ തൈവിളാകത്തിൽ സൈറസ് അടിമയാണ്(55) മരിച്ചത്. ബുധനാഴ്ച പുലർച്ചെയായിരുന്നു സംഭവം. സൈറസ് അടിമയെ കൂടാതെ മറ്റ് നാലുപേർ ബോട്ടിലുണ്ടായിരുന്നു. ഇവർ പരിക്കുകളില്ലാതെ രക്ഷപ്പെട്ടു. അപടത്തിൽ തലയ്ക്ക് പരിക്കേറ്റ സൈറസിനെ മെഡിക്കൽ കോളജ് ആശുപത്രിയിലെത്തിച്ചെങ്കിലും രക്ഷിക്കാനായില്ല.
Read Moreറേഷൻ വിതരണം: ടെലിഫോണിലൂടെ പരാതി സ്വീകരിക്കും; മൂന്നു ദിവസത്തിനകം നടപടി
തിരുവനന്തപുരം: റേഷൻ വിതരണം സംബന്ധിച്ച് ജനങ്ങൾക്കുള്ള പരാതി പറയാനായി 24 മണിക്കൂറും പ്രവർത്തിക്കുന്ന ഔദ്യോഗിക നന്പർ നൽകുന്നു. സിവിൽ സപ്ലൈസ് കമ്മിഷണർ മുതൽ റേഷനിംഗ് ഉദ്യോഗസ്ഥർവരെയുള്ള ഉദ്യോഗസ്ഥർക്ക് ബിഎസ്എൻഎല്ലിന്റെ ഗ്രൂപ്പ് കണക്ഷൻ സിം കാർഡ് അനുവദിച്ചു. ഉദ്ഘാടനം പിആർ ചേംബറിൽ നടന്ന ചടങ്ങിൽ മന്ത്രി പി. തിലോത്തമൻ സിവിൽ സപ്ലൈസ് സെക്രട്ടറി മിനി ആന്റണിക്ക് സിം കാർഡ് നൽകി നിർവഹിച്ചു. റേഷൻ സംബന്ധമായ പരാതികൾ ടെലിഫോണിൽ ലഭിച്ചാൽ മൂന്നു ദിവസത്തിനകം പരിഹാരം കാണാൻ നിർദേശിച്ചതായി മന്ത്രി പി. തിലോത്തമൻ പറഞ്ഞു. ലഭിക്കുന്ന പരാതികൾ രേഖപ്പെടുത്തിവയ്ക്കും. ഔദ്യോഗിക ഫോണ് ഓഫാക്കിവയ്ക്കുകയോ എടുക്കാതിരിക്കുകയോ ദുരുപയോഗം ചെയ്യുകയോ ചെയ്താൽ കർശന നടപടി സ്വീകരിക്കും. റേഷനിംഗ് ഇൻസ്പെക്ടർ, താലൂക്ക് സപ്ലൈ ഓഫീസർ എന്നിവരുടെ ഫോണ് നന്പരുകൾ അതതു റേഷൻ കടകളിലും മറ്റ് ഉദ്യോഗസ്ഥരുടെ നന്പരുകൾ അതത് ഓഫീസുകളിലെ നോട്ടീസ് ബോർഡിലും പ്രദർശിപ്പിക്കും. സിവിൽ…
Read Moreമൂന്ന് വർഷം ഇരുന്നത് മതി; ജെഡിഎസിൽ മാത്യു ടി. തോമസിനെതിരെ കലാപം
തിരുവനന്തപുരം: മന്ത്രി മാത്യു ടി. തോമസിനെതിരെ ജെഡിഎസിൽ കലാപം. മാത്യു ടി. തോമസിനെ മന്ത്രിസ്ഥാനത്തുനിന്ന് നീക്കണമെന്ന് ആവശ്യപ്പെട്ടാണ് ഒരു വിഭാഗം രംഗത്തെത്തിയിരിക്കുന്നത്. മൂന്ന് വർഷത്തിനുശേഷം മാത്യു ടി. തോമസ് മന്ത്രിസ്ഥാനം ഒഴിയണമെന്ന് ധാരണയുണ്ടായിരുന്നതായും സൂചനകളുണ്ട്. ജൂലൈ 13ന് തുടങ്ങുന്ന ജെഡിഎസ് സംസ്ഥാന സമിതി യോഗത്തിൽ ഇക്കാര്യം ചർച്ചയാകുമെന്നാണ് വിവരം.
Read Moreകനത്ത മഴ: ദുരന്തങ്ങളൊഴിവാക്കാൻ ജില്ലാ കളക്ടർമാർക്ക്സ്റ്റേറ്റ് ഡിസാസ്റ്റർ മാനേജ്മെന്റ് പ്രത്യേക നിർദേശങ്ങൾ
തിരുവനന്തപുരം: വെള്ളിയാഴ്ച വരെ കേരളത്തില് മഴയ്ക്ക് സാധ്യതയുണ്ട് എന്ന കേന്ദ്ര കാലാവസ്ഥ വകുപ്പിന്റെ പശ്ചാത്തലത്തിൽ അപകടങ്ങൾ ഒഴിവാക്കാനുള്ള നടപടികൾ സ്വീകരിക്കാൻ എല്ലാ ജില്ലാ കളക്ടർമാർക്കും സ്റ്റേറ്റ് ഡിസാസ്റ്റർ മാനേജ്മെന്റ് നിർദേശം നൽകി. ശക്തമായ മഴ പെട്ടന്നുള്ള വെള്ളപ്പൊക്കം, ഉരുള്പൊട്ടല്, മണ്ണിടിച്ചില് എന്നിവയ്ക്ക് കാരണമാകാം. ആലപ്പുഴ ജില്ലയ്ക്ക് വടക്കുള്ള ജില്ലകളിലും, മലയോര മേഖലയിലും അതി തീവ്രമായ മഴ ആയിരിക്കുവാന് സാധ്യതയുണ്ട്. കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, കണ്ണൂര്, കാസര്ഗോഡ് എന്നീ ജില്ലകളിലെ മലയോര മേഖലയില് ഉരുള്പൊട്ടല് സാധ്യത തുടര്ച്ചയായ മഴ മൂലം വര്ദ്ധിച്ചതിനാല് പ്രത്യേക ശ്രദ്ധ ഉണ്ടായിരിക്കണമെന്നും നിർദേശിക്കുന്നു. മലയോര മേഖലയിലെ താലൂക്ക് കണ്ട്രോള് റൂമുകള് 24 മണിക്കുറുംവെള്ളിയാഴ്ച വരെ പ്രവര്ത്തിപ്പിക്കുക. മഴ ശക്തമായിട്ടുള്ളതും, വെള്ളപ്പൊക്ക സാധ്യതയുള്ളതുമായ താലൂക്കുകളില് ദുരിതാശ്വാസ ക്യാമ്പുകള് പ്രവര്ത്തിപ്പിക്കുവാന് ഉദ്ദേശിക്കുന്ന കെട്ടിടങ്ങളുടെ ഒരു താക്കോല് വില്ലേജ് ഓഫീസര്മാര്/തഹസില്ദാര്മാര് കയ്യില് കരുതുക.…
Read More