എം.സുരേഷ്ബാബു. തിരുവനന്തപുരം: കഴക്കൂട്ടത്തേത് ഉൾപ്പെടെ സംസ്ഥാനത്തെ വിവിധ സ്ഥലങ്ങളിലെ എടിഎം കൗണ്ടറുകൾ കവർച്ച ചെയ്ത കേസുകളിലെ മുഖ്യപ്രതി പോലീസിന്റെ പിടിയിലായി. ചെങ്ങന്നൂർ സ്വദേശി സുരേഷ് (44) ആണ് പോലീസിന്റെ പിടിയിലായത്. ഇയാളുടെ അറസ്റ്റ് ഇന്ന് വൈകുന്നേരത്തോടെ രേഖപ്പെടുത്തും. ആലപ്പുഴ എസ്പിയുടെയും കഴക്കൂട്ടം സൈബർ സിറ്റി അസിസ്റ്റന്റ് കമ്മീഷണർ എ.പ്രമോദ്കുമാറിന്റെയും നേതൃത്വത്തിലുള്ള സംയുക്ത അന്വേഷണ സംഘമാണ് പ്രതിയെ പിടികൂടിയത്. ചെങ്ങന്നൂർ സ്വദേശിയായ സുരേഷ് ഏറെ വർഷങ്ങളായി ഹരിയാന ഉൾപ്പെടെയുള്ള സംസ്ഥാനങ്ങളിൽ ഇൻവെർട്ടർ മെക്കാനിക്കായി ജോലി ചെയ്ത് വരികയായിരുന്നു. ഇയാൾക്ക് കേരളവുമായി ബന്ധം കുറവായിരുന്നു. ഹരിയാനയിലെ ഉൾപ്പെടെ എടിഎം കവർച്ച നടത്തുന്ന സംഘവുമായി സുരേഷിന് ബന്ധമുണ്ടായിരുന്നു. ഈ ബന്ധം ഉപയോഗിച്ച് അവിടെ നിന്നെത്തിച്ച അന്തർ സംസ്ഥാന മോഷണ സംഘമാണ് എടിഎം കവർച്ച നടത്തിയതെന്ന് പോലീസിന്റെ അന്വേഷണത്തിൽ തെളിയുകയായിരുന്നു. ആറ് പേരടങ്ങുന്ന സംഘമാണ് എടിഎം കവർച്ച നടത്തിയതെന്ന് പ്രതി പോലീസിന്റെ ചോദ്യം…
Read MoreCategory: TVM
മദ്യപിക്കാൻ ആഗ്രഹമുള്ളവരെ തടഞ്ഞാൽ വിഷമദ്യമൊഴുകും; പാതയോര മദ്യശാലകൾ പൂട്ടണമെന്ന കോടതിവിധി തിരുത്തണമെന്ന് മന്ത്രി ജി. സുധാകരൻ
തിരുവനന്തപുരം: പാതയോര മദ്യശാലകൾ പൂട്ടണമെന്ന സുപ്രീം കോടതി വിധിക്കെതിരേ മന്ത്രി ജി. സുധാകരൻ. മദ്യപിക്കാൻ ആഗ്രഹമുള്ളവരെ തടഞ്ഞാൽ വിഷമദ്യമൊഴുകും. സുപ്രീം കോടതി വിധി തിരുത്തുകയാണ് വേണ്ടത്. ഭരണഘടനാപരമായി മദ്യക്കച്ചവടം നടക്കട്ടെയെന്നും അദ്ദേഹം പറഞ്ഞു. ചേർത്തല കുറ്റിപ്പുറം പാതകൾ ദേശീയ പാതകളല്ലെന്ന വാദം തെറ്റാണ്. ദേശീയ പാതയല്ലെങ്കിൽ പിന്നെ എന്തിനാണ് വീതി കൂട്ടുന്നതെന്നും അദ്ദേഹം ചോദിച്ചു.
Read Moreവീട്ടിൽ ആരുമില്ലെന്ന് മനസിലാക്കിയ ശേഷം യുവതിയെ പീഡിപ്പിക്കാന് ശ്രമിച്ച കേസ്: പെൺകുട്ടിയുടെ പരാതിയിൽ ഒളിവിൽ പോയ പ്രതിയെ പോലീസ് അറസ്റ്റു ചെയ്തു
വെഞ്ഞാറമൂട് : യുവതിയെ പീഡിപ്പിക്കാന് ശ്രമിച്ച കേസിലെ ഒളിവിലായിരുന്ന പ്രതി അറസ്റ്റില്.വെമ്പായം കുതിരകുളം ചിറ്റൂര്കോണം എസ്.എസ്.ഭവനില് ശരത്ത് (23) നെ ആണ് വെഞ്ഞാറമൂട് പോലിസ് അറസ്റ്റ് ചെയ്തത്. കഴിഞ്ഞ ദിവസമായിരുന്നു സംഭവം വീട്ടില് ആരുമില്ലെന്നു മനസിലാക്കിയ പ്രതി അതിക്രമിച്ചു കയറി യുവതിയെ പീഡിപ്പിക്കാന് ശ്രമിക്കുകയായിരുന്നു. തുടര്ന്നു ബഹളം വെയ്ക്കുകയും നാട്ടുകാര് ഓടിക്കൂടുകയും ചെയ്തതോടെ പ്രതി അവിടെ നിന്ന് രക്ഷപെടുകയായിരുന്നു തുടര്ന്നു യുവതി പോലീസ് സ്റ്റേഷനിലെത്തി പരാതി നല്കി .തുടര്ന്നു ഒളിവില് പോയ പ്രതിയെ വെഞ്ഞാറമൂട് എസ്ഐ ദീപു വിന്റെ നേതൃത്വത്തിലാണ് പ്രതിയെ പിടികൂടിയത് .
Read Moreവോട്ടിനു ഷാപ്പെന്നത് എൽഡിഎഫ് നയം , അമിത് ഷായുടെ ന്യൂനപക്ഷ പ്രേമം ആരാച്ചാരുടെ അഹിംസാ പ്രസംഗം പോലെയാണെന്നും എം.എം ഹസൻ
തിരുവനന്തപുരം: വോട്ടിന് ഷാപ്പെന്നതാണ് എൽഡിഎഫ് സർക്കാരിന്റെ നയമെന്ന് കെപിസിസി പ്രസിഡന്റ് എം.എം. ഹസൻ. ദേശീയ പാതയല്ലെന്ന ഉത്തരവ് സർക്കാർ സംഘടിപ്പിച്ചത് കോടതിയെ തെറ്റിധരിപ്പിച്ചാണെന്നും അദ്ദേഹം പറഞ്ഞു.അമിത് ഷായുടെ ന്യൂനപക്ഷ പ്രേമം ആരാച്ചാരുടെ അഹിംസാ പ്രസംഗം പോലെയാണെന്നും ഹസൻ പരിഹസിച്ചു.
Read Moreഗെറ്റ് ഔട്ട് ..! ഐപിഎസ് ലഭിക്കാൻ ജനനത്തീയതി തിരുത്തിയ ഉന്നത പോലീസ് ഉദ്യോഗസ്ഥൻ പടിക്ക് പുറത്ത്; കർശന നടപടിയെടു ക്കാൻ സംസ്ഥാന പോലീസ് മേധാവി
എം.സുരേഷ്ബാബു തിരുവനന്തപുരം: ഐപിഎസ് ലഭിക്കാനും സർവീസിൽ കൂടുതൽ കാലം തുടരാനും വ്യാജരേഖകൾ ചമച്ച് ജനനത്തീയതി തിരുത്തിയ ഉന്നത പോലീസ് ഉദ്യോഗസ്ഥൻ പോലീസ് സേനക്ക് പുറത്തേക്ക്. പോലീസ് സർവീസിൽ തുടരവെ സ്വന്തം നേട്ടങ്ങൾക്ക് ഒൗദ്യോഗിക പദവി ദുരുപയോഗം ചെയ്യുകയും വ്യാജരേഖകൾ ചമച്ച് ജനനതീയതി തിരുത്തുകയും ചെയ്ത എസ്പി റാങ്കിലുള്ള ഉന്നത പോലീസ് ഉദ്യോഗസ്ഥനെ സർവീസിൽ നിന്നും പിരിച്ച് വിടാനും ക്രിമിനൽ കേസ് എടുക്കാനും ഡിജിപി ഡോ . ടി.പി സെൻകുമാർ ഉത്തരവിട്ടു. പോലീസിന് പുറത്ത് ഒരു സുപ്രധാന വിഭാഗത്തിൽ പോലീസ് സൂപ്രണ്ടായി സേവനമനുഷ്ഠിക്കുന്ന ഉന്നത പോലീസ് ഉദ്യോഗസ്ഥനെതിരെയാണ് സംസ്ഥാന പോലീസ് മേധാവി കർശന നടപടി സ്വീകരിക്കാൻ ഉത്തരവിട്ടത്. വിജിലൻസ് സ്പെഷൽ ഇൻവെസ്റ്റിഗേഷൻ എസ്പി. കെ.ജയകുമാറിന്റെ അന്വേഷണ റിപ്പോർട്ടിന്റെ അടിസ്ഥാനത്തിലാണ് ആരോപണ വിധേയനായ ഉന്നത പോലീസ് ഉദ്യോഗസ്ഥനെ സർവീസിൽ നിന്നും പിരിച്ച് വിടാൻ ഉത്തരവിട്ടത്. വ്യാജരേഖകൾ ചമച്ച് ജനനത്തീയതി തിരുത്തുകയും…
Read Moreഅമ്മ 11 കാരി മകളെ ചട്ടുകം കൊണ്ട് പൊള്ളിച്ചതായി പരാതി; അമ്മയ്ക്ക് എതിരെ പോലീസ് കേസെടുത്തു;എന്നാൽ അബദ്ധത്തിൽ പറ്റിയതാണെന്ന് അമ്മ
കാട്ടാക്കട : അമ്മ മകളെ ചട്ടുകം കൊണ്ട് പൊള്ളിച്ചു. സംഭവവുമായി ബന്ധപ്പെട്ട് അമ്മയ്ക്ക് എതിരെ നെയ്യാർഡാം പോലീസ് കേസെടുത്തു. കുറ്റിച്ചൽ ഉത്തരംകോട് ചപ്പാത്ത് പൂച്ചപ്പാറ കോളനിയിൽ സരിതയ്ക്ക് എതിരെയാണ് കേസ്. ഇന്നലെ വൈകിട്ടാണ് സംഭവം. സ്ഥലത്തെ പഞ്ചായത്ത് അംഗം വൽസലാ രാജൻ നൽകിയ മൊഴിയെ തുടർന്നാണ് കേസ്സ് എടുത്തതെന്ന് എസ്.ഐ സന്തോഷ് കുമാർ പറഞ്ഞു. സരിതയും മകൾ ഷിമിയും തമ്മിൽ വഴക്കു നടന്നു. തുടർന്ന് അമ്മ മകളുടെ ദേഹത്ത് ചട്ടുകം കൊണ്ട് പൊള്ളിക്കുകയും ചെയ്തു.അമ്മ സരിതയും ബന്ധുക്കളും ഷിമിയെ ആശുപത്രിയിൽ എത്തിക്കുന്നതായി കൊണ്ടു പോകുന്നതിനിടെയാണ് സംഭവം അറിഞ്ഞ് പഞ്ചായത്ത് അംഗം എത്തിയതും ആ വിവരം പോലീസിന് കൈമാറിയതും തുടർന്ന് കേസ്സ് എടുത്തതും. ഷിമി ഇപ്പോൾ എസ്.എ.ടി ആശുപത്രിയിൽ ചികിൽസയിലാണ്.ഈ കുട്ടിയുടെ ദേഹമാസകലം പൊള്ളലേറ്റിട്ടുണ്ട്. എന്നാൽ അമ്മ നൽകുന്നത് മറ്റൊരു മൊഴിയാണെന്ന് പോലീസ് പറയുന്നു. വഴക്കിനിടെ അമ്മയുടെ കയ്യിലിരുന്ന…
Read Moreകോടിയേരി അനുവദിക്കില്ല ..! പാർലമെന്റ് തെര ഞ്ഞെടുപ്പിൽ സംസ്ഥാനത്തെ ഒരു സീറ്റിലെ ങ്കിലും വിജയം ഉറപ്പാക്കണമെന്ന അമിത് ഷായുടെ മോഹം വിലപ്പോകില്ലെന്ന്
തിരുവനന്തപുരം: വരുന്ന പാർലമെന്റ് തെരഞ്ഞെടുപ്പിൽ സംസ്ഥാനത്തെ ഒരു സീറ്റിലെങ്കിലും വിജയം ഉറപ്പാക്കണമെന്ന ബിജെപി ദേശീയ അധ്യക്ഷൻ അമിത് ഷായുടെ മോഹം വിലപ്പോകില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. ബിജെപി കേരളത്തിൽ ഒരിക്കലും നേട്ടമുണ്ടാക്കില്ല. തെരഞ്ഞെടുപ്പിൽ വിജയിക്കാൻ ബിജെപി കോർപ്പറേറ്റുകളിൽ നിന്നും പിരിച്ച കോടികൾ കേരളത്തിൽ ഒഴുക്കുകയാണ്. ബിജെപിയുടെ നീക്കങ്ങളെ കോണ്ഗ്രസ് കണ്ടില്ലെന്നു നടിക്കുന്നുവെന്നും കോടിയേരി പറഞ്ഞു. കേരളത്തിനു കേന്ദ്രമന്ത്രിസഭയിൽ പ്രാതിനിധ്യം ലഭിക്കണമെങ്കിൽ അടുത്ത തെരഞ്ഞെടുപ്പിൽ സംസ്ഥാനത്തെ ഒരു സീറ്റിലെങ്കിലും വിജയം ഉറപ്പാക്കണമെന്നാണ് അമിത് ഷാ കഴിഞ്ഞ ദിവസം പറഞ്ഞത്. എന്തുവില കൊടുത്തും കേരളത്തിൽനിന്നു പാർലമെന്റിലേക്ക് ഒരാളെ എത്തിക്കാൻ കഴിയണമെന്നും അദ്ദേഹം എറണാകുളം ഗസ്റ്റ് ഹൗസിൽ ബിജെപി കോർ കമ്മിറ്റി യോഗത്തിൽ ആവശ്യപ്പെട്ടു.
Read Moreയുവാവ് വീടിനുള്ളിൽ വെട്ടേറ്റു മരിച്ചനിലയിൽ; മാതാപിതാക്കളെ കാണ്മാനില്ല; രാത്രിയായിരിക്കാം കൊലപാതം നടന്നതെന്ന് അയൽവാസികൾ
പാറശാല: പാറശാലയ്ക്കു സമീപം കൊടവിളാകത്ത് യുവാവിനെ വെട്ടേറ്റുമരിച്ചനിലയിൽ കണ്ടെത്തി. പാറശാല കൊടവിളാകം പറങ്കിമാംവിള വീട്ടിൽ ശ്രീധരൻ – സരസ്വതി ദന്പതികളുടെ മകൻ സന്തോഷി (25) നെയാണ് കൊല്ലപ്പെട്ടനിലയിൽ കണ്ടെത്തിയത്. ഇന്നലെ രാത്രിയായിരിക്കാം കൊലപാതകമെന്ന് അയൽവാസികൾ പറയുന്നു. സന്തോഷിന്റെ മാതാപിതാക്കളായ ശ്രീധരനെയും സരസ്വതിയെയും കാണ്മാനില്ല.ഇന്നുരാവിലെ സന്തോഷിന്റെ സഹോദരനാണ് സന്തോഷ് കൊല്ലപ്പെട്ടകാര്യം നാട്ടുകാരെ അറിയിച്ചത്. വീട്ടിലെ മുറിയിലാണ് മൃതദേഹം കാണപ്പെട്ടത്. തലയ്ക്കു വെട്ടേറ്റനിലയിലായിരുന്നു മൃതദേഹം കണ്ടെത്തിയത്.
Read Moreക്ഷേത്രവാതിൽ തകർത്ത് പൂജാരിയെ ആക്രമിച്ചു പരിക്കേൽപ്പിച്ചു; പൂജാരിയെ പോലീസ് ആശുപത്രിയിൽ പ്രവേശി പ്പിച്ചു; ഒളിവിൽ പോയ പ്രതിയെ പോലീസ് പിടികൂടി
കാട്ടാക്കട: ക്ഷേത്രത്തിൽ കയറി പൂജാരിയെ ആക്രമിച്ച കേസിൽ യുവാവിനെ പോലീസ് പിടികൂടി. അന്തിയൂർക്കോണം നീറോട്ടുകോണം സുബ്രഹ്മണ്യ സ്വാമി ക്ഷേത്രത്തിൽ കയറി ആക്രമണം നടത്തിയ മലയിൻകീഴ് ചിറ്റിയൂർക്കോട് ഹരി വിലാസത്തിൽ എസ്. ഹരികുമാറാണ് (47) അറസ്റ്റിലായത്. കഴിഞ്ഞ ദിവസം രാത്രിയിലാണ് സംഭവം. ക്ഷേത്രസംരക്ഷണ സമിതിയുടെ കീഴിലുള്ള ക്ഷേത്രത്തിലെ പൂജാരിയായ കാലുകൾക്ക് സ്വാധീനമില്ലാത്ത സുരേന്ദ്രസ്വാമിയെ (43) മർദ്ദിച്ച ശേഷം ക്ഷേത്രത്തിലെ സാധനങ്ങൾ അടിച്ച് തകർക്കുകയായിരുന്നു. സ്വാമിയുടെ വസ്ത്രങ്ങൾ വലിച്ച് കീറുകയും ചെയ്തു. വിവരമറിഞ്ഞെത്തിയ പൊലീസാണ് സ്വാമിയെ ആശുപത്രിയിലെത്തിച്ചത്. ദീപാരാധന കഴിഞ്ഞു വിശ്രമിക്കുകയായിരുന്ന പൂജാരിയെ വാതിൽ തകർത്ത് അകത്ത് കയറിയ പ്രതി മർദ്ദിക്കുകയായിരുന്നു എന്നാണ് പരാതി. പൂജാപാത്രങ്ങൾ, വിളക്കുകൾ, എണ്ണ എന്നിവയും നശിപ്പിച്ചു. സംഭവത്തിന് ശേഷം ഒളിൽ പോയ ഹരിയെ ക്ഷേത്ര ഭാരവാഹികളുടെ പരാതിയിൽ ചിട്ടിയൂർക്കോണത്ത് നിന്നാണ് പിടികൂടിയത്.
Read Moreസുഖോയ് വിമാനപകടത്തിൽ മരിച്ച പൈലറ്റ് ലെഫ്റ്റനന്റ് അച്ചു ദേവിന്റെ മൃതദേഹം നാട്ടിലെത്തിച്ചു; വ്യോമസേന അധികൃതരും ബന്ധുക്കളും മൃതദേഹം ഏറ്റുവാങ്ങി
തിരുവനന്തപുരം: ചൈന അതിർത്തിയിൽ ഒരാഴ്ച മുൻപ് സുഖോയ്-30 വിമാനം തകർന്നു വീണു മരിച്ച മലയാളി പൈലറ്റ് ലെഫ്റ്റനന്റ് എസ്. അച്ചുദേവിന്റെ മൃതദേഹം തിരുവനന്തപുരത്ത് എത്തിച്ചു. വ്യോമസേന അധികൃതരും ബന്ധുക്കളും ചേർന്നു മൃതദേഹം ഏറ്റുവാങ്ങി. മേയ് 23-നാണ് ആസാം-അരുണാചൽപ്രദേശ് അതിർത്തിയിൽ രണ്ടു പൈലറ്റുമാരുമായി വിമാനം കാണാതായത്. അതിർത്തിയിലെ വനപ്രദേശത്തുനിന്നുമാണ് അച്ചുദേവ്, ദിവേശ് പങ്കജ് എന്നിവരുടെ മൃതദേഹങ്ങൾ കഴിഞ്ഞ ദിവസം കണ്ടെത്തിയത്. കോഴിക്കോട് പന്തീരങ്കാവ് പന്നിയൂർക്കളം സ്വദേശിയാണ് അച്ചുദേവ്. പരിശീലന പറക്കലിനിടെയാണ് വിമാനം റഡാറിൽ നിന്നും അപ്രത്യക്ഷമായത്. തേസ്പൂർ വിമാനത്താവളത്തിൽ നിന്നും 60 കിലോമീറ്റർ അകലെ ബിശ്വനാഥ് ജില്ലയിൽ നിന്നാണ് വിമാനം അപ്രത്യക്ഷമായത്. ചൈന അതിർത്തിയോട് ചേർന്ന ചെങ്കുത്തായ മലഞ്ചരുവിൽ വിമാനം തകർന്നു വീഴുകയായിരുന്നു.ഇവിടെ നിന്നായിരുന്നു വിമാനത്തിന്റെ അവശിഷ്ടങ്ങൾ ലഭിച്ചത്.
Read More