തിരുവനന്തപുരം: നവകേരള സദസിന് സ്കൂൾ ബസ് വിട്ട് നൽകണമെന്ന് വിദ്യാഭ്യാസവകുപ്പിന്റെ നിർദേശം. സംഘാടകർ ആവശ്യപ്പെട്ടാൽ നവകേരള സദസിന്റെ ആവശ്യത്തിന് ബസ്സുകൾ വിട്ട് നൽകണമെന്ന് പൊതുവിദ്യാഭ്യാസ വകുപ്പ് ഡയറക്ടർ ഉത്തരവിറക്കി. ബസിന്റെ ഇന്ധനച്ചെലവും ഡ്രൈവറുടെ ബാറ്റയും സംഘാടകർ വഹിക്കണമെന്നാണ് ഉത്തരവിൽ വ്യക്തമാക്കുന്നത്. പൊതുജനങ്ങൾക്ക് പരിപാടികളിൽ പങ്കെടുക്കാനുള്ള സൗകര്യം കണക്കിലെടുത്താണ് നിർദേശമെന്നാണ് വ്യക്തമാക്കുന്നത്. നേരത്തെ നവകേരള സദസിന് ആള്ക്കാരെ എത്തിക്കാന് സ്വകാര്യ ബസുകള് സൗജന്യമായി വിട്ടു നല്കണമെന്ന് ബസുടമകളോട് ആവശ്യപ്പെട്ട് മോട്ടോര് വാഹനവകുപ്പധികൃതർ രംഗത്ത് വന്നിരുന്നു. മലപ്പുറത്ത് നാല് ദിവസത്തെ പരിപാടിക്കായി അറുപത് ബസുകള് ആവശ്യപ്പെട്ടതായാണ് അന്ന് സ്വകാര്യ ബസ് ഉടമകള് വെളിപ്പെടുത്തിയത്. ഉദ്യോഗസ്ഥര് രേഖാമൂലം ആവശ്യപ്പെട്ടാല് ബസുകള് വിട്ടു നല്കാമെന്നു സ്വകാര്യ ഉടമകൾ നിലപാടും എടുത്തിരുന്നു. സേവനമെന്ന നിലയിലാണ് ബസുകള് ആവശ്യപ്പെട്ടതെന്നും ആരെയും നിര്ബന്ധിച്ചിട്ടില്ലെന്നുമാണ് അന്ന് മോട്ടോര് വാഹന വകുപ്പ് ഉദ്യോഗസ്ഥര് പ്രതികരിച്ചത്. അതേ സമയം നവകേരള സദസിനെ…
Read MoreCategory: Loud Speaker
സ്ഫോടക വസ്തുക്കൾ കൊണ്ടുവരുന്നത് ഒഴിവാക്കാൻ ട്രെയിനുകളിൽ സുരക്ഷ വർധിപ്പിക്കും
കൊല്ലം: ഉത്സവ സീസണുകൾ പ്രമാണിച്ച് ട്രെയിനുകളിൽ സ്ഫോടക വസ്തുക്കൾ കൊണ്ടുവരുന്നത് ഒഴിവാക്കാൻ കർശന പരിശോധനകൾ നടത്താൻ അധികൃതരുടെ നിർദേശം. ഇതു സംബന്ധിച്ച് റെയിൽവേ സംരക്ഷണ സേനയ്ക്കും പോലീസിനും ജാഗ്രതാ നിർദേശം ലഭിച്ചു കഴിഞ്ഞു. കൂടുതൽ പോലീസ് ഉദ്യോഗസ്ഥരെ ഇതിനായി എല്ലായിടത്തും നിയോഗിച്ചിട്ടുണ്ട്. പാർസൽ ഓഫീസ് വഴി ബുക്ക് ചെയ്യുന്ന ലഗേജുകളും പാർസലുകളും സ്കാനിംഗ് അടക്കമുള്ള കർശന പരിശോധന നടത്തിയശേഷമേ ട്രെയിനുകളിൽ കയറ്റാവൂ എന്നു നിർദേശത്തിൽ പറയുന്നു.പടക്കങ്ങൾ അടക്കമുള്ള സ്ഫോടക വസ്തുക്കൾ, ഗ്യാസ് സിലിണ്ടറുകൾ, ആസിഡ്, പെട്രോൾ, മണ്ണെണ്ണ തുടങ്ങിയവ ഒന്നും വണ്ടികളിൽ കൊണ്ടുപോകാൻ അനുവദിക്കില്ല. ഇത്തരം വസ്തുക്കളുമായി സഞ്ചരിക്കുന്നവരെ സ്റ്റേഷൻ പ്ലാറ്റ്ഫോമുകളിലോ ട്രെയിനുകളിലോ കണ്ടാൽ സഹയാത്രികർ വിവരം അടിയന്തരമായി 139 എന്ന ടോൾഫ്രീ നമ്പരിൽ അറിയിക്കണം എന്നും നിർദേശത്തിൽ പറയുന്നു.കൂടാതെ ഇത് സംബന്ധിച്ച മുന്നറിയിപ്പുകൾ എല്ലാ സ്റ്റേഷനുകളിലും സ്ഥിരമായി മൈക്ക് അനൗൺസ്മെന്റുകൾ വഴി നടത്തുകയും വേണം. സുരക്ഷാ…
Read Moreഉത്തരകാശിയില് 40 തൊഴിലാളികൾ തുരങ്കത്തിലകപ്പെട്ടിട്ട് ഏഴ് ദിവസം; തുരങ്കം വീണ്ടും ഇടിഞ്ഞതായി ആശങ്ക, രക്ഷാപ്രവർത്തനം നിർത്തിവച്ചു
ഡെറാഡൂൺ: ഉത്തരാഖണ്ഡിലെ ഉത്തരകാശിയില് നിര്മാണത്തിലിരിക്കുന്ന സിൽക്യാര തുരങ്കം ഇടിഞ്ഞതിനെത്തുടര്ന്ന് കുടുങ്ങിയ 40 തൊഴിലാളികളെ പുറത്തെത്തിക്കാനുള്ള ശ്രമം വീണ്ടും തടസപ്പെട്ടു. തുരങ്കത്തിനുള്ളിൽനിന്നു വലിയ ശബ്ദം കേട്ടതിനെത്തുടർന്ന് തുരക്കൽ നിർത്തിവച്ചുവെന്ന് സുരക്ഷാ ഉദ്യോഗസ്ഥർ അറിയിച്ചു. തുരങ്കം വീണ്ടും ഇടിഞ്ഞതായി ആശങ്ക പരന്നിട്ടുണ്ട്. ഇതേത്തുടർന്നു വിദഗ്ധരുടെ യോഗം വിളിച്ചിട്ടുണ്ട്. ഡ്രില്ലിംഗ് മെഷീന് അവശിഷ്ടങ്ങള്ക്കിടയിലെ ലോഹഭാഗങ്ങളില് തട്ടി ഇന്നലെ രക്ഷാപ്രവര്ത്തനം തടസപ്പെട്ടിരുന്നെങ്കിലും തകരാര് പരിഹരിച്ച് രാത്രിയോടെ ഡ്രില്ലിംഗ് പുനരാരംഭിച്ചിരുന്നു. ഗ്യാസ് കട്ടറുകളുപയോഗിച്ച് ലോഹഭാഗങ്ങള് മുറിച്ചുമാറ്റിയാണു ഡ്രില്ലിംഗ് പുനരാരംഭിക്കാനായത്. വ്യാഴാഴ്ച ഡല്ഹിയില്നിന്ന് അമേരിക്കന് നിര്മിത കൂറ്റന് ഡ്രില്ലിംഗ് മെഷീന് എത്തിച്ചതോടെ രക്ഷാദൗത്യത്തിന് വേഗത കൈവന്നിരുന്നു. മറ്റൊരു ഡ്രില്ലിംഗ് മെഷീന്കൂടി ഇന്നു രാവിലെ ഇന്ഡോറില്നിന്ന് വിമാനമാര്ഗം എത്തിക്കും. ഇതോടെ രക്ഷാപ്രവർത്തനം കൂടുതൽ എളുപ്പമാക്കാൻ കഴിയും. 25 മീറ്ററോളം തുരന്നുപോയ ഡ്രില്ലിംഗ് മെഷീന് ഇന്നലെ രാവിലെ പത്തോടെയാണു ലോഹഭാഗങ്ങളില് തട്ടിയത്. തുരന്ന ഭാഗത്തു സ്റ്റീല് പൈപ്പുകള് സ്ഥാപിച്ചുകഴിഞ്ഞാല്…
Read Moreരാഹുൽ ഗാന്ധിക്കെതിരേ അപകീർത്തിക്കേസ് നൽകിയ എംഎല്എക്ക് ബിജെപിയിൽ ഉയർന്ന ചുമതല
ന്യൂഡല്ഹി: കോൺഗ്രസ് നേതാവ് രാഹുല്ഗാന്ധിക്കെതിരേ അപകീര്ത്തിക്കേസ് നല്കിയ ഗുജറാത്ത് എംഎല്എ പൂര്ണേഷ് മോദിക്ക് പുതിയ സംഘടനാ ചുമതല നല്കി ബിജെപി. ദാദ്ര നാഗര് ഹവേലി, ദാമന് ദിയു എന്നിവിടങ്ങളിലെ ചുമതലയാണ് നല്കിയത്. പൂര്ണേഷ് മോദിയെ പ്രദേശ് പ്രഭാരിയായും ദുഷ്യന്ത് പട്ടേലിനെ സഹപ്രഭാരിയായും നിയമിച്ചു. തെക്കന് ഗുജറാത്തിൽനിന്നുള്ള പൂര്ണേഷ് മോദി സൂറത്ത് വെസ്റ്റില്നിന്നുള്ള എംഎല്എയാണ്. പ്രദേശത്തുനിന്നുള്ള ശക്തനായ ഒബിസി നേതാവ് കൂടിയാണ് പൂർണേഷ് മോദി. കോലാറില് രാഹുല്ഗാന്ധി നടത്തിയ പ്രസംഗത്തിനെതിരേ പൂര്ണേഷ് മോദി നല്കിയ പരാതിയില് രാഹുല്ഗാന്ധിയെ വിചാരണക്കോടതി തടവിനു ശിക്ഷിച്ചിരുന്നു. തുടര്ന്ന് അദ്ദേഹത്തെ അയോഗ്യനാക്കി. രാഹുലിനെതിരേയുള്ള ശിക്ഷാവിധി കഴിഞ്ഞ ജൂലൈയിൽ സുപ്രീംകോടതി സ്റ്റേ ചെയ്തു.
Read Moreനവകേരള സദസ് അവസാനത്തെ കമ്മ്യൂണിസ്റ്റ് സര്ക്കാരിന്റെ വിലാപയാത്ര: കടുത്ത വിമർശനവുമായി കെ.സുരേന്ദ്രന്
തിരുവനന്തപുരം: നവകേരള സദസിനെതിരേ കടുത്ത വിമര്ശനവുമായി ബിജെപി സംസ്ഥാന അധ്യക്ഷൻ കെ.സുരേന്ദ്രന്. അവസാനത്തെ കമ്മ്യൂണിസ്റ്റ് സര്ക്കാരിന്റെ വിലാപയാത്രയാണിതെന്ന് സുരേന്ദ്രന് വിമര്ശിച്ചു. മുഖം മിനുക്കാനുള്ള പിണറായിയുടെ നാടകമാണിത്. പരിപാടി കഴിയുമ്പോള് മുഖ്യമന്ത്രിയുടെയും മന്ത്രിമാരുടെയും മുഖം കൂടുതല് വികൃതമാകുമെന്നും സുരേന്ദ്രന് കുറ്റപ്പെടുത്തി. സര്ക്കാര് എത്രമാത്രം ജനദ്രോഹ നിലപാടുമായാണ് മുന്നോട്ട് പോകുന്നത് എന്നതിന് തെളിവാണ് കോടിക്കണക്കിന് രൂപ ധൂര്ത്തടിച്ചുകൊണ്ടുള്ള നവകേരള സദസ്. ഇത് സര്ക്കാരിന്റെ അന്ത്യയാത്രയാണെന്നും സുരേന്ദ്രന് പറഞ്ഞു.
Read Moreട്രെയിൻ ഗതാഗതത്തിൽ നിയന്ത്രണം; എട്ട് ട്രെയിനുകൾ റദ്ദാക്കി
തിരുവനന്തപുരം: ട്രാക്കിലെ അറ്റകുറ്റപ്പണികളുടെ ഭാഗമായി സംസ്ഥാനത്ത് ട്രെയിൻ ഗതാഗതത്തിൽ നിയന്ത്രണം ഏർപ്പെടുത്തി. 18, 19 തീയതികളിൽ മാവേലി എക്സ്പ്രസ് ഉൾപ്പെടെ എട്ട് ട്രെയിനുകൾ റദ്ദാക്കിയിട്ടുണ്ട്. 12 ട്രെയിനുകൾ ഭാഗികമായി റദ്ദാക്കി. പുതുക്കാട് -ഇരിഞ്ഞാലക്കുട സെക്ഷനിൽ പാലം അറ്റകുറ്റപ്പണി നടക്കുന്നതിനാൽ ട്രെയിൻ ഗതാഗതത്തിൽ നിയന്ത്രണം ഏർപ്പെടുത്തിയിരിക്കുന്നത്. നാളെ റദ്ദാക്കിയ ട്രെയിനുകള്– 16603 മംഗളൂരു സെന്ട്രല്- തിരുവനന്തപുരം മാവേലി എക്സ്പ്രസ്, 06018 എറണാകുളം- ഷൊര്ണ്ണൂര് മെമു, 06448 എറണാകുളം- ഗുരുവായൂര് എക്സ്പ്രസ് സ്പെഷല്, നവംബര് 19-ന് റദ്ദാക്കിയ ട്രെയിനുകള്– 16604 തിരുവനന്തപുരം സെന്ട്രല്- മംഗളൂരു മാവേലി എക്സ്പ്രസ്,06017 ഷൊര്ണൂര്- എറണാകുളം മെമു, 06439 ഗുരുവായൂര്- എറണാകുളം എക്സ്പ്രസ് സ്പെഷല്, 06453 എറണാകുളം- കോട്ടയം എക്സ്പ്രസ് സ്പെഷൽ, 06434 കോട്ടയം- എറണാകുളം എക്സ്പ്രസ് സ്പെഷൽ. ഭാഗികമായി റദ്ദാക്കിയ ട്രെയിനുകള്- 17-ന് യാത്രയാരംഭിക്കുന്ന 22656 ഹസ്രത്ത് നിസാമുദ്ദീന്- എറണാകുളം വീക്ക്ലി സൂപ്പര്ഫാസ്റ്റ് എക്സ്പ്രസ്…
Read Moreഇനി ഭരണചക്രം ബസിലിരുന്നു തിരിക്കും; നവകേരളസദസിനു നാളെ കാസർഗോഡ് തുടക്കം, പ്രതിപക്ഷം ബഹിഷ്കരിക്കും
തിരുവനന്തപുരം: നവകേരള സദസിന് നാളെ തുടക്കം. ഇനിയുള്ള ഒരുമാസത്തോളം മുഖ്യമന്ത്രിയും മന്ത്രിമാരും സഞ്ചരിക്കുന്ന ബസ് ആകും സംസ്ഥാനത്തിന്റെ ഭരണസിരാകേന്ദ്രം. നയപരമായ തീരുമാനങ്ങളും ഭരണപരമായ തീരുമാനങ്ങളുമെല്ലാം ബസിൽ സഞ്ചരിച്ചു കൊണ്ടായിരിക്കും കൈക്കൊളളുക. സംസ്ഥാനത്തെ 140 മണ്ഡലങ്ങളിലും മന്ത്രിസഭ നേരിട്ടെത്തി പരാതികൾ കേൾക്കുന്ന നവകേരള സദസിൽ എല്ലാ മന്ത്രിമാരും പങ്കെടുക്കണമെന്ന് നിർദേശമുണ്ട്. നവകേരള സദസിനായി മുഖ്യമന്ത്രിയും മന്ത്രിമാരും നാളെ കാസർഗോഡ് എത്തും. നാളെ രാവിലെ മുഖ്യമന്ത്രി കാസർഗോഡ് മന്ത്രിമാരുടെ യോഗം വിളിച്ചിട്ടുണ്ട്. തുടക്കത്തിൽ ചുരുക്കം ഉന്നത ഉദ്യോഗസ്ഥർ മാത്രമേ മന്ത്രിമാർക്ക് ഒപ്പമുണ്ടാകു. ഉദ്ഘാടന പരിപാടിയിൽ പങ്കെടുത്ത് മടങ്ങുന്ന ചീഫ് സെക്രട്ടറി ഡോ. വി. വേണു മന്ത്രിസഭാ യോഗം ചേരുന്ന ദിവസങ്ങളിൽ മാത്രം പര്യടനത്തിന് ഒപ്പം ചേരാനാണ് ധാരണ. മുഖ്യമന്ത്രിക്കും മന്ത്രിമാര്ക്കും ഒപ്പം ഏകദേശം 120 ഉദ്യോഗസ്ഥരെങ്കിലും സ്ഥിരമായി യാത്രചെയ്യും. പൊതുജനങ്ങളിൽ നിന്ന് പരാതികൾ സ്വീകരിക്കുന്നതിന് ഓരോ മണ്ഡലങ്ങളിലും പ്രത്യേക കൗണ്ടർ…
Read Moreപൂജപ്പുര സെൻട്രൽ ജയിൽ സ്ഥലപരിമിതിയിൽ വീർപ്പുമുട്ടുന്നു; അട്ടക്കുളങ്ങര വനിതാ ജയിലിലെ തടവുകാരെ മാറ്റി പുരുഷ തടവുകാരെ പാർപ്പിക്കും
എം. സുരേഷ്ബാബു തിരുവനന്തപുരം: പൂജപ്പുര സെൻട്രൽ ജയിലിൽ തടവുകാരെ പാർപ്പിക്കാൻ ഇടമില്ലാതായതോടെ ഇവരെ അട്ടക്കുളങ്ങരയിലെ വനിതാ ജയിലിലേക്ക് മാറ്റും. പുജപ്പുര സെൻട്രൽ ജയിലിലെ പുരുഷ തടവുകാരെയാണ് അട്ടക്കുളങ്ങര ജയിലിൽ പാർപ്പിക്കുക. ദക്ഷിണ മേഖലാ ജയിൽ ഡിഐജി ടി. സുധീറിന്റെ റിപ്പോർട്ടിന്റെ അടിസ്ഥാനത്തിൽ സംസ്ഥാന ജയിൽ മേധാവി ബൽറാംകുമാർ ഉപാധ്യായ നടപടികൾക്ക് നിർദേശം നൽകി. 700 തടവുകാരെ പാർപ്പിക്കാൻ മാത്രം സൗകര്യമുള്ള പൂജപ്പുര സെൻട്രൽ ജയിലിൽ നിലവിൽ 1400 -ഓളം തടവുകാരെയാണ് പാർപ്പിച്ചിരിക്കുന്നത്. തടവുകാരുടെ എണ്ണത്തിലെ വർധനയും സ്ഥലപരിമിതിയും തടവുകാർ തമ്മിൽ ഏറ്റുമുട്ടലുകൾ ഉണ്ടാകുന്നത് കുറയ്ക്കാൻ ജയിൽമാറ്റം ഗുണം ചെയ്യുമെന്നാണ് ദക്ഷിണ മേഖലാ ജയിൽ ഡിഐജി നൽകിയിരിക്കുന്ന റിപ്പോർട്ട്. 300 തടവുകാരെ പാർപ്പിക്കാൻ സൗകര്യമുള്ള അട്ടക്കുളങ്ങര വനിതാ ജയിലിൽ നിലവിൽ അറുപതിൽ താഴെയുള്ള വനിതാ തടവുകാരെയാണ് പാർപ്പിച്ചിരിക്കുന്നത്. അട്ടക്കുളങ്ങരയിലുള്ള വനിതാ തടവുകാരെ പൂജപ്പുര സെൻട്രൽ ജയിലിലെ പ്രത്യേക ബ്ലോക്കിലേക്ക്…
Read Moreകണ്ടല സഹകരണ ബാങ്ക് തട്ടിപ്പ്; എന്. ഭാസുരാംഗന് ഇന്ന് ഇഡിക്ക് മുന്നില് ഹാജരായേക്കില്ല
കൊച്ചി: കണ്ടല സഹകരണ ബാങ്ക് തട്ടിപ്പക്കേസില് ബാങ്ക് മുന് പ്രസിഡന്റും സിപിഐ നേതാവുമായ എന്. ഭാസുരാംഗന് ഇന്ന് എന്ഫോഴ്സ്മെന്റ് ഡയറക്ടേറ്റി(ഇഡി)നു മുന്നില് ഇന്ന് ഹാജരായേക്കില്ല. ചില അസൗകര്യങ്ങള് കാരണം മറ്റൊരു ദിവസം നല്കണമെന്ന് ഭാസുരാംഗന് ഇഡിയോട് ആവശ്യപ്പെട്ടതായാണ് സൂചന. വീണ്ടും ചോദ്യം ചെയ്യലിനായി കൊച്ചിയിലെ ഓഫീസില് ഇന്ന് ഹാജരാകാന് ഇഡി ഭാസുരാംഗന് നിര്ദേശം നല്കിയിരുന്നു. സാമ്പത്തിക വിവരങ്ങളും ബാങ്ക് സ്റ്റേറ്റ്മെന്റുകളും നല്കാനും ആവശ്യപ്പെട്ടിരുന്നു. കഴിഞ്ഞ രണ്ട് ദിവസങ്ങളിലായി ഭാസുരാംഗനെ കൊച്ചിയിലെ ഓഫീസില് വിളിച്ചുവരുത്തി ഇഡി ചോദ്യം ചെയ്തിരുന്നു. ഇതിന് പിന്നാലെയാണ് വീണ്ടും ചോദ്യം ചെയ്യാന് ആവശ്യപ്പെട്ടത്. ഭാസുരാംഗനെയും മകന് അഖില് ജിത്ത്, മകള് ഡോ. അഭിമ എന്നിവരെയും ഇഡി പത്തു മണിക്കൂര് ചോദ്യം ചെയ്തിരുന്നു.ബാങ്കില് നടന്ന 101 കോടി രൂപയുടെ തട്ടിപ്പിലെ ബന്ധം സംബന്ധിച്ചാണ് ഭാസുരാംഗനെ ഇഡി ചോദ്യം ചെയ്യുന്നത്. ബാങ്കില് നടന്ന സാമ്പത്തികയിടപാടുകള് സംബന്ധിച്ച വ്യക്തമായ…
Read Moreട്രെയിന് യാത്രക്കാര്ക്കെല്ലാം 2027ഓടെ സീറ്റ് ഉറപ്പാക്കും
ന്യൂഡല്ഹി: 2027 ആകുമ്പോഴേയ്ക്കും രാജ്യത്തെ എല്ലാ ട്രെയിന് യാത്രക്കാര്ക്കും സീറ്റ് ഉറപ്പാക്കാൻ റെയില്വേയുടെ നീക്കം. ദീപാവലിയോട് അനുബന്ധിച്ച് തിങ്ങിനിറഞ്ഞ റെയില്വേ പ്ലാറ്റ്ഫോമിന്റെയും ട്രെയിനുകളുടെയും ചിത്രങ്ങള് സമൂഹ മാധ്യമത്തില് പ്രചരിക്കുകയും ഏറെ വിമര്ശനങ്ങൾ ഉയരുകയും ചെയ്തതിനു പിന്നാലെയാണ് റെയില്വേ ഇത്തരത്തിലുള്ള നീക്കത്തെക്കുറിച്ചു സൂചിപ്പിക്കുന്നത്. ബിഹാറില് ട്രെയിനില് കയറാനുള്ള ശ്രമത്തിനിടെ 40കാരന് മരിച്ച സംഭവവും റെയില്വേയ്ക്കെതിരേ വ്യാപക വിമര്ശനത്തിന് കാരണമായിയുന്നു. പ്രതിദിനം 10,748 ട്രെയിൻ സർവീസുകളാണ് രാജ്യത്തുള്ളത്. ഇത് 13,000 ആയി ഉയര്ത്തുകയാണു ലക്ഷ്യമെന്നും റെയില്വേ വൃത്തങ്ങള് പറയുന്നു. രാജ്യത്തെ പാസഞ്ചര് കപ്പാസിറ്റി എന്നത് നിലവില് പ്രതിവര്ഷം 800 കോടി യാത്രക്കാരാണ്. ഇത് 1,000 കോടിയായി ഉയര്ത്തും. പ്രതിവര്ഷം 4,000 മുതല് 5,000 കിലോമീറ്റര് വരെ ദൂരം പുതിയ ട്രാക്കുകള് ഒരുക്കാനും നീക്കമുണ്ട്.
Read More