കൊച്ചി: വീണ്ടും ഇരുട്ടടി സമ്മാനിച്ച് രാജ്യത്ത് വാണിജ്യ ആവശ്യങ്ങള്ക്കുള്ള പാചകവാതക സിലിണ്ടര് വില വര്ധിപ്പിച്ചു. 19 കിലോ സിലിണ്ടറിന് 102 രൂപയാണ് എണ്ണക്കമ്പനികള് കൂട്ടിയത്. വിലവര്ധനയോടെ പുതുക്കിയ വില 1842 രൂപയായി. കഴിഞ്ഞ ഒക്ടോബര് ഒന്നിന് വാണിജ്യ ആവശ്യത്തിനുള്ള സിലണ്ടറിന് 209 രൂപ കൂട്ടിയിരുന്നു. ഒരു മാസം പിന്നിടുമ്പോഴാണ് ഇന്ന് വീണ്ടും 102 രൂപ വര്ധിപ്പിച്ചത്. സാധാരണ എണ്ണക്കമ്പനികള് ഒന്നാം തീയതി വില പുതുക്കി നിശ്ചയിക്കാറുണ്ട്. കഴിഞ്ഞ കുറെ ദിവസമായി രാജ്യാന്തര വിപണിയില് ക്രൂഡ് ഓയില് വില ഉള്പ്പെടെ ഉയരുന്ന സാഹചര്യമുണ്ട്. ഇതെല്ലാം കണക്കിലെടുത്താണ് വാണിജ്യാവശ്യത്തിനുള്ള സിലിണ്ടറിന്റെ വില 102 രൂപ കൂടി വര്ധിപ്പിച്ചതെന്നാണ് വിവരം. വാണിജ്യാവശ്യത്തിനുള്ള സിലിണ്ടറിന്റെ വില വര്ധന ഹോട്ടല് മേഖലയിലുള്ളവര്ക്ക് തിരിച്ചടിയാകും. അവശ്യസാധനങ്ങളുടെ വിലവര്ധനയ്ക്ക്പുറമെ പാചകവാതകത്തിന്റെയും വില പലപ്പോഴായി വര്ധിപ്പിക്കുന്നത് ഹോട്ടല് വ്യവസായത്തെതന്നെ പ്രതിസന്ധിയിലാക്കുകയാണെന്നാണ് ഈ മേഖലയിലുള്ളവര് പറയുന്നത്.
Read MoreCategory: Loud Speaker
ജമ്മു കാഷ്മീരിൽ പോലീസുകാരന് വീരമൃത്യു; ഭീകരർക്കായി പ്രദേശം വളഞ്ഞ് സുരക്ഷാസേന തെരച്ചിൽ തുടങ്ങി
ന്യൂഡൽഹി: ജമ്മു കാഷ്മീരിലെ ബാരമുള്ളയിൽ പോലീസ് ഹെഡ് കോൺസ്റ്റബിളിനെ ഭീകരർ വെടിവെച്ച് കൊലപ്പെടുത്തിയ സംഭവത്തിൽ സുരക്ഷാസേന പ്രദേശം വളഞ്ഞ് വ്യാപക തെരച്ചിൽ തുടങ്ങി. ഗുലാം മുഹമ്മദ് ദർ എന്ന പോലീസുകാരനാണ് വീരമൃത്യു വരിച്ചത്. പോലീസുകാരന്റെ വീടിന് സമീപത്തായിരുന്നു വെടിവയ്പ്. ഗുരുതരമായി പരിക്കേറ്റ ഗുലാം മുഹമ്മദിനെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. കഴിഞ്ഞ മൂന്ന് ദിവസങ്ങളിലായി ജമ്മു കാഷ്മീരിലുണ്ടാകുന്ന മൂന്നാമത്തെ ഭീകരാക്രമണമാണിത്. ഞായറാഴ്ച ശ്രീനഗറിൽ മറ്റൊരു പൊലീസുകാരനുനേരേ ഭീകരർ വെടിയുതിർത്തിരുന്നു. ഇന്നലെ യുപിയിൽനിന്നുള്ള തൊഴിലാളിയെ പുൽവാമയിൽ വെടിവച്ചുകൊന്നു.
Read Moreനാനോ ഫാക്ടറി അടച്ചുപൂട്ടിയ കേസ്; ബംഗാള് സര്ക്കാർ 766 കോടി ടാറ്റയ്ക്ക് നല്കണം
കോല്ക്കത്ത: സിംഗൂരിലെ നാനോ ഫാക്ടറി അടച്ചുപൂട്ടിയ വകയില് ബംഗാള് സര്ക്കാര് ടാറ്റ മോട്ടോഴ്സിന് 765.78 കോടി രൂപ നല്കണമെന്ന് മൂന്നംഗം ആര്ബിട്രല് ട്രൈബ്യൂണലിന്റെ വിധി. 2016 സെപ്റ്റംബര് മുതലുള്ള 11 ശതമാനം പലിശസഹിതമുള്ള തുകയാണിത്. “പശ്ചിമബംഗാളിലെ സിംഗൂരിലെ ഓട്ടോമൊബൈല് നിര്മാണകേന്ദ്രത്തെ സംബന്ധിച്ച്, മൂന്നംഗ ആര്ബിട്രല് ട്രൈബ്യൂണലിനു മുമ്പാകെയുണ്ടായിരുന്ന തീര്പ്പുകല്പ്പിക്കാത്ത വ്യവഹാര നടപടികള് 2023 ഒക്ടോബര് 30ന് ടാറ്റ മോട്ടോഴ്സിന് അനുകൂലമായി ഏകകണ്ഠമായി തീര്പ്പാക്കിയതായി അറിയിക്കുന്നു. തത്ഫലമായി സെപ്റ്റംബര് ഒന്നു മുതല് 11 ശതമാനം പലിശ സഹിതമുള്ള 765.78 കോടി രൂപ തിരിച്ചെടുക്കാന് ടാറ്റ മോട്ടോഴ്സിന് അവകാശമുണ്ട്’ ടാറ്റ മോട്ടോഴ്സ് നാഷണല് സ്റ്റോക്ക് എക്സ്ചേഞ്ചിന് നല്കിയ കുറിപ്പില് അറിയിച്ചു. 2008ല് ബംഗാളില് സ്ഥാപിക്കാനിരുന്ന നാനോ ഫാക്ടറി ഇപ്പോഴത്തെ മുഖ്യമന്ത്രിയും അന്നത്തെ പ്രതിപക്ഷ നേതാവുമായിരുന്ന മമതാ ബാനര്ജിയുടെ നേതൃത്വത്തില് നടന്ന പ്രതിഷേധങ്ങളെത്തുടര്ന്ന് പിന്നീട് ഗുജറാത്തിലേക്കു മാറ്റി സ്ഥാപിക്കുകയായിരുന്നു.
Read Moreയുപിയിൽ ബിജെപി നേതാവിന്റെ മകൻ ചികിത്സ ലഭിക്കാതെ മരിച്ചു; അന്വേഷണത്തിന് മൂന്നംഗ സമിതി
ലക്നോ: ഉത്തർപ്രദേശിൽ ബിജെപി മുൻ എംപിയുടെ മകൻ ചികിത്സ ലഭിക്കാത്തതിനെത്തുടർന്ന് മരിച്ചു. ലക്നോവിലെ എസ്ജിപിജിഐ ആശുപത്രിയിലാണു സംഭവം. ബിജെപി നേതാവ് ഭൈറോൺ പ്രസാദ് മിശ്രയുടെ മകൻ പ്രകാശ് മിശ്ര (41) ആണ് മരിച്ചത്. കിഡ്നി രോഗിയായ പ്രകാശ് മിശ്രയെ ഞായറാഴ്ച രാത്രി 11 ഓടെയാണ് ആശുപത്രിയിലെത്തച്ചത്. തുടർന്ന് ഇദ്ദേഹത്തെ അത്യാഹിതവിഭാഗത്തിൽ പ്രവേശിപ്പിച്ചു. എന്നാൽ, ഇവിടെ ഒരു കിടക്കപോലും ലഭിച്ചില്ല. താമസിയാതെ മരണം സംഭവിച്ചു. ഇതേതുടർന്ന് അത്യാഹിത വിഭാഗത്തിന്റെ മുന്നിൽ മകന്റെ മൃതദേഹവുമായി ഇരുന്ന് ഭൈറോൺ പ്രസാദ് മിശ്ര പ്രതിഷേധിച്ചു. സംഭവത്തെ തുടർന്ന് ഡ്യൂട്ടി ഡോക്ടറെ സസ്പെൻഡ് ചെയ്തു. വിഷയത്തിൽ കർശന നടപടി സ്വീകരിക്കുമെന്ന് ഉറപ്പുനൽകിയ ആശുപത്രി അധികൃതർ അന്വേഷണം നടത്താൻ മൂന്നംഗ സമിതിയെ രൂപീകരിക്കുകയും ചെയ്തിട്ടുണ്ട്. സംഭവത്തിൽ സംസ്ഥാനത്തെ ബിജെപി സർക്കാരിനെതിരേ ആഞ്ഞടിച്ച് സമാജ്വാദി പാർട്ടി നേതാവ് അഖിലേഷ് യാദവ് രംഗത്തെത്തി. ഇത് ആശുപത്രിയുടെ കുഴപ്പമല്ല. മുഖ്യമന്ത്രി…
Read More81.5 കോടി ഇന്ത്യക്കാരുടെ വിവരങ്ങൾ വിൽപ്പനയ്ക്കു വച്ചു?
ന്യൂഡൽഹി: 81.5 കോടി ഇന്ത്യക്കാരുടെ ആധാർ അടക്കമുള്ള വിവരങ്ങൾ ചോർന്നുവെന്ന് റിപ്പോർട്ട്. ഇത്രയധികം ഇന്ത്യക്കാരുടെ ആധാർ, പാസ്പോർട്ട് ഡാർക് വെബിൽ വിൽപ്പനയ്ക്കു വച്ചിരുന്നതായി യുഎസ് സൈബർ സുരക്ഷാ ഏജൻസിയായ റീസെക്യൂരിറ്റിയാണ് വെളിപ്പെടുത്തിരിക്കുന്നത്. ‘pwn0001’ എന്ന പേരിലുള്ള ‘എക്സ്’ പ്രൊഫൈലിലൂടെ ഇക്കാര്യം പരസ്യപ്പെടുത്തിയിരുന്നുവെന്നാണു റിപ്പോർട്ട്. പേര്, ആധാർ, പാസ്പോർട്ട് വിവരം, ഫോൺ നമ്പർ, വിലാസം, പ്രായം, ജെൻഡർ, രക്ഷിതാവിന്റെ പേര് എന്നിവയടക്കമുള്ള വിവരങ്ങൾ ഇതിലുണ്ടെന്നാണ് അവകാശവാദം. 80,000 യുഎസ് ഡോളറാണ് (ഏകദേശം 66.61 ലക്ഷം രൂപ) ഈ വിവരശേഖരത്തിനു വിലയിട്ടിരുന്നത്. കോവിഡ് പരിശോധനയുമായി ബന്ധപ്പെട്ട് ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐസിഎംആർ ) ശേഖരിച്ച വിവരങ്ങളാണിവയെന്നും സംശയിക്കപ്പെടുന്നു. എന്നാൽ, ഇക്കാര്യത്തിൽ സ്ഥിരീകരണമില്ല. ഇതു സംബന്ധിച്ച് ഐടി മന്ത്രാലയത്തിനു കീഴിലുള്ള കംപ്യൂട്ടർ എമർജൻസി റെസ്പോൺസ് ടീം (സെർട്ട്-ഇൻ) ഐസിഎംആറിനെ വിവരമറിയിച്ചതായും റിപ്പോർട്ടുണ്ട്.
Read More99 പ്രശ്നങ്ങൾക്കും എന്റെ ഒരേ ഒരു പരിഹാരം; ദൈവത്തിന്റെ കോടതിയിൽ ചിലർക്കുള്ളത് ബാക്കിയുണ്ട് ; കുറിപ്പുമായി മാധവ് സുരേഷ്
സുരേഷ് ഗോപിക്കൊപ്പമുള്ള ചിത്രം പങ്കുവച്ച് മകൻ മാധവ് സുരേഷ് . തന്റെ എല്ലാ പ്രശ്നങ്ങൾക്കുമുള്ള ഒരേ ഒരു പരിഹാരമാണിതെന്ന് മാധവ് ചിത്രത്തോടൊപ്പം കുറിച്ചു. ഇൻസ്റ്റഗ്രാമിലൂടെയാണ് മാധവ് പോസ്റ്റ് പങ്കുവെച്ചത്. ’99 പ്രശ്ങ്ങൾക്കുള്ള എന്റെ ഒരു പരിഹാരം. ദൈവത്തിന്റെ കോടതിയിൽ ചിലർക്കുള്ളത് ബാക്കിയുണ്ട്.’ എന്ന കുറിപ്പോടെയാണ് മാധവ് ഇൻസ്റ്റാഗ്രാമിൽ അച്ഛനോടൊപ്പമുള്ളചിത്രം പങ്കുവെച്ചത്. സുരേഷ് ഗോപി മാധ്യമ പ്രവർത്തകയെ ആക്ഷേപിച്ചു എന്ന പ്രശ്നം നില നിൽക്കുന്ന സാഹചര്യത്തിലാണ് മാധവിന്റെ കുറിപ്പ്. തന്റെ എല്ലാ പ്രശ്നങ്ങഴുടെയും പരിഹാരം തന്റെ അച്ഛനാണെന്ന് മാധവ് പറയുന്നു. സാധാരണ സുരേഷ് ഗോപിക്കെതിരെ സെെബർ അറ്റാക്ക് വരുമ്പോൾ അതിനെതിരെ പ്രതികരിക്കുന്നത് മൂത്ത മകൻ ഗോകുൽ സുരേഷ് ആണ്. എന്നാൽ ഈ കാര്യത്തിൽ ഗോകുൽ ഇതേ വരെ ഒന്നും പ്രതികരിച്ചിട്ടില്ല. അതേ സമയം സുരേഷ് ഗോപിക്കെതിരെ സാധ്യമ പ്രവർത്തക കേസ് കൊടുത്തിട്ടുണ്ട്. മാധ്യമപ്രവർത്തകയുടെ മൊഴി പോലീസ് എടുത്തു. എന്നാൽ…
Read Moreസംസ്ഥാനത്ത് അടുത്ത 5 ദിവസം ഇടിമിന്നലോടു കൂടിയ മഴ
തിരുവനന്തപുരം: സംസ്ഥാനത്ത് അടുത്ത 5 ദിവസം ഇടിമിന്നലോടു കൂടിയ മഴക്ക് സാധ്യതയെന്ന് കാലാവസ്ഥാ വകുപ്പ്. ശ്രീലങ്കയ്ക്കും കോമറിൻ മേഖലയ്ക്കും മുകളിലായി സ്ഥിതിചെയ്യുന്ന ചക്രവാത ചുഴിയുടെയും ബംഗാൾ ഉൾക്കടലിൽ നിന്നും തെക്കേ ഇന്ത്യക്കു മുകളിലേക്ക് വീശുന്ന കാറ്റിന്റെയും സ്വാധീന ഫലമായി കേരളത്തിൽ ഇന്ന് വ്യാപകമായ മഴയ്ക്ക് സാധ്യതയുണ്ട്. കേരള തീരത്ത് ഇന്ന് രാത്രി 11.30 വരെ 1.2 മുതൽ 2 മീറ്റർ വരെ ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രവും അറിയിച്ചു. തെക്കൻ തമിഴ്നാട്, വടക്കൻ തമിഴ്നാട് തീരങ്ങളിൽ ഇന്ന് രാത്രി 11.30 വരെ 1.2 മുതൽ 2.3 മീറ്റർ വരെ ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ട്. മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം. നവംബർ 3 വരെ ഒറ്റപ്പെട്ട സ്ഥലങ്ങളിൽ ശക്തമായ മഴക്കും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ വീശിയേക്കാവുന്ന…
Read Moreസംസ്ഥാനത്ത് പണിമുടക്കുന്നത് 5000ലേറെ ബസുകൾ; 21 മുതൽ അനിശ്ചിതകാല സമരം
തിരുവനന്തപുരം: സംസ്ഥാനത്ത് സ്വകാര്യ ബസ് സൂചനാ സമരം ആരംഭിച്ചു. ഇന്ന് അർധരാത്രി വരെയാണ് സമരം. വിദ്യാർഥികളുടെ യാത്രാ നിരക്ക് കൂട്ടണം, ബസുകളിൽ സീറ്റ് ബെൽറ്റും കാമറയും അടിച്ചേൽപ്പിക്കാനുള്ള നീക്കം ഉപേക്ഷിക്കണം തുടങ്ങിയ ആവശ്യങ്ങൾ ഉന്നയിച്ചാണ് സൂചനാ സമരം. ഈ ആവശ്യങ്ങൾ ഉന്നയിച്ചു ബസുടമകളുടെ സംയുക്ത സമിതി ഗതാഗത മന്ത്രിക്ക് നിവേദനം നൽകിയിരുന്നു. ആവശ്യങ്ങള് നടപ്പാക്കിയില്ലെങ്കിൽ അടുത്ത മാസം 21 മുതൽ അനിശ്ചിതകാല സമരം തുടങ്ങും. അതേസമയം സ്വകാര്യ ബസ് സമരം മൂലം ജനങ്ങൾ കൂടുതൽ വലഞ്ഞ വടക്കൻ കേരളത്തിൽ കൂടുതൽ കെഎസ്ആർടിസി ബസുകൾ സർവീസ് നടത്തുന്നുണ്ട്. അയ്യായിരത്തിലേറെ സ്വകാര്യ ബസുകളാണ് സമരത്തിൽ അണിനിരക്കുന്നത്. നവംബർ ഒന്നിനകം എല്ലാ സ്വകാര്യ ബസുകളിലും സീറ്റ് ബെൽറ്റും കാമറയും ഘടിപ്പിക്കണമെന്നായിരുന്നു സർക്കാർ നിർദ്ദേശം. ഇതില് പിന്നീട് ഇളവും സാവകാശവും നൽകിയിരുന്നു. എന്നാൽ സർക്കാർ തീരുമാനം അധിക ചെലവാണെന്നാണ് ബസുടമകൾ പറയുന്നത്. എന്നാൽ…
Read Moreപുതിയ തലമുറ നേതാക്കൾ നോക്കി പഠിച്ചു വക്കേണ്ട ഒരു പാഠപുസ്തകമാണ് മുഖ്യമന്ത്രി പിണറായി വിജയൻ; മുരളി തുമ്മാരക്കുടി
പ്രതിസന്ധി ഘട്ടങ്ങൾ തരണം ചെയ്യാൻ സാധിക്കാതെ വരുമ്പോൾ എല്ലാവരും കണ്ട് പഠിക്കേണ്ട പാഠ പുസ്തകമാണ് മുഖ്യമന്ത്രി പിണറായി വിജയൻ എന്ന് മുരളി തുമ്മാരക്കുടി. ഫേസ്ബുക്കിലൂടെയാണ് ഇക്കാര്യം മുരളി തുമ്മാരക്കുടി പറഞ്ഞിരിക്കുന്നത്. പ്രതിസന്ധി ഘട്ടങ്ങൾ വരുന്ന സമയത്ത് അവ എങ്ങനെ കെെകാര്യം ചെയ്യുന്നു, ജനങ്ങളോട് എങ്ങനെ സംവദിക്കുന്നത് എന്നതിലൊക്കെ ഒരു പാഠപുസ്തകമാണ് മുഖ്യമന്ത്രി എന്ന് അദ്ദേഹം കുറിച്ചു. പുതിയ തലമുറ നേതാക്കൾ നോക്കി പഠിച്ചു വക്കുന്നത് നല്ലതാണെന്നും മുരളി തുമ്മാരക്കുടി പറഞ്ഞു. ഫേസ്ബുക്ക് പോസ്റ്റിന്റെ പൂർണരൂപം… ക്രൈസിസ് മാനേജ്മെന്റിന്റെ പാഠപുസ്തകം, എങ്ങനെയാണ് ഒരു ക്രൈസിസ് കൈകാര്യം ചെയ്യുന്നത്, ക്രൈസിസിന്റെ സമയത്ത് ജനങ്ങളോട് എങ്ങനെയാണ് സംവദിക്കുന്നത് എന്നതിലൊക്കെ ഒരു പാഠപുസ്തകമാണ് നമ്മുടെ മുഖ്യമന്ത്രി ശ്രീ പിണറായി വിജയൻ. പുതിയ തലമുറ നേതാക്കൾ നോക്കി പഠിച്ചു വക്കുന്നത് നല്ലതാണ്.മുരളി തുമ്മാരുകുടി പോസ്റ്റ് കാണാൻ ഇവിടെ ക്ലിക് ചെയ്യുക.
Read Moreസന്തോഷവും, സാഹോദര്യവും, നന്മയും എന്നും നിലനിൽക്കേണ്ട ലോകത്ത് സ്വാർഥ ലാഭത്തിനുവേണ്ടി വാക്കുകളിലും പ്രവൃത്തികളിലും വെറുപ്പിനെ പുരട്ടുന്നു; ഷെയ്ൻ നിഗം
കളമശേരി സാമ്രാ കൺവൻഷൻ സെന്ററിൽ നടന്ന സ്ഫോടനത്തിന്റെ പശ്ചാത്തലത്തിൽ നടൻ ഷെയ്ൻ നിഗം ഫേസ്ബുക്കിൽ പങ്കുവച്ച കുറിപ്പ് വൈറലായിരുന്നു. വിഷയത്തിൽ പ്രതികരണവുമായി മറ്റൊരു പോസ്റ്റുമായി ഷെയ്ൻ രംഗത്തെത്തിയിരിക്കുകയാണ്. കഴിഞ്ഞ ദിവസം പോസ്റ്റ് ചെയ്ത വിഷയത്തിൽ ഒരുപാട് ആളുകൾ അഭിനന്ദനങ്ങളും ഐക്യദാർഢ്യവും നൽകുന്നതിൽ സന്തോഷമുണ്ടെന്ന് ഷെയ്ൻ പറഞ്ഞു. ഫേസ്ബുക്ക് പോസ്റ്റിന്റെ പൂർണ രൂപം… ഹലോ ഡിയർ ഫ്രണ്ട്സ്, കഴിഞ്ഞ ദിവസം പോസ്റ്റ് ചെയ്ത വിഷയത്തിൽ ഒരുപാട് ആളുകൾ അഭിനന്ദനങ്ങളും ഐക്യദാർഢ്യവും നൽകുന്നുണ്ട്… സന്തോഷം തന്നെ. ഞാൻ എന്ന വ്യക്തിയുടെ പൗരബോധത്തിന് ഉപരി, സമൂഹത്തിൽ ഇപ്പോഴും നിലനിൽക്കുന്ന വർഗ്ഗ, മത, വർണ്ണ വിഭാഗീയതക്ക് സാക്ഷ്യം വഹിക്കുന്ന വ്യക്തി എന്ന നിലക്ക് എന്റെ വ്യക്തിരമായ അഭിപ്രായങ്ങളും കാഴ്ചപ്പാടുകളും മാത്രം ആണ് അത്. സന്തോഷവും, സാഹോദര്യവും, നന്മയും എന്നും നിലനിൽക്കേണ്ട ലോകത്ത്. സ്വാർഥ ലാഭത്തിനുവേണ്ടി വാക്കുകളിലും പ്രവൃത്തികളിലും വെറുപ്പിനെ പുരട്ടുമ്പോൾ…ഞാനല്ല ..നാം ഓരോരുത്തരും…
Read More