ശ്രീനഗർ: ശ്രീനഗറിൽ കുട്ടികളോടൊപ്പം ക്രിക്കറ്റ് കളിക്കുകയായിരുന്ന പോലീസ് ഉദ്യോഗസ്ഥന് വെടിയേറ്റു. മൈതാനത്ത് ക്രിക്കറ്റ് കളിക്കുന്നതിനിടെ ഇൻസ്പെക്ടർ മസ്റൂർ അഹമ്മദ് വാനിക്കുനേരേ തീവ്രവാദികൾ വെടിവയ്ക്കുകയായിരുന്നു. ഇന്നലെ വൈകിട്ടായിരുന്നു സംഭവം. പോലീസ് ഉദ്യോഗസ്ഥന് ഗുരുതരമായി പരിക്കേറ്റതായാണ് റിപ്പോർട്ടുകൾ. ശരീരത്തില് ഒന്നിലധികം വെടിയുണ്ടകളേറ്റിട്ടുണ്ട്. അക്രമം നടന്ന ഉടൻതന്നെ വാനിയെ സമീപത്തെ ആശുപത്രിയിൽ പ്രവേശിച്ചതായി കാഷ്മീർ പോലീസ് അറിയിച്ചു. സംഭവത്തിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചതായും പോലീസ് വ്യക്തമാക്കി. പോലീസും അർധസൈനിക ഉദ്യോഗസ്ഥരും സ്ഥലത്തെത്തി സ്ഥിതിഗതികൾ വിലയിരുത്തി. അക്രമികൾക്കായുള്ള തെരച്ചിലും പ്രദേശത്ത് പുരോഗമിക്കുന്നുണ്ട്. അതിനിടെ ആക്രമണത്തിന്റെ ഉത്തരവാദിത്തം തീവ്രവാദ സംഘടനയായ ദ റെസിസ്റ്റൻസ് ഫ്രണ്ട് ഏറ്റെടുത്തു. വടക്കൻ കാഷ്മീരിലെ നിയന്ത്രണ രേഖയിൽ തീവ്രവാദികൾ നുഴഞ്ഞുകയറാൻ നടത്തിയ ശ്രമം സൈന്യം പരാജയപ്പെടുത്തി മൂന്ന് ദിവസത്തിനുശേഷമാണ് ആക്രമണം. അഞ്ച് ലഷ്കർ-ഇ-തൊയ്ബ തീവ്രവാദികളെ സൈന്യം അന്ന് വധിച്ചിരുന്നു.
Read MoreCategory: Loud Speaker
കായികമേളയ്ക്കിടെ ട്രാക്ടറിനടിയിൽ വീണ് യുവാവ് മരിച്ചു
അമൃത്സർ: പഞ്ചാബിൽ ഗ്രാമീണ കായികമേളയ്ക്കിടെ ട്രാക്ടറിന്റെ അടിയിൽ വീണ് യുവാവിന് ദാരുണാന്ത്യം. സുഖ്മൻദീപ് സിംഗ് (29) ആണ് മരിച്ചത്. ഗുരുദാസ്പുരിലെ ഫത്തേഗഡ് ചുരിയൻ മണ്ഡലത്തിന് കീഴിലുള്ള സർചൂർ ഗ്രാമത്തിലാണ് സംഭവം. കായികമേളയിൽ ട്രാക്ടർകൊണ്ട് സുഖ്മാൻദീപിന്റെ അഭ്യാസ പ്രകടനമുണ്ടായിരുന്നു. ഇതിനിടെ സുഖ്മൻദീപ് ടയറുകളിലൊന്നിൽ ചവിട്ടി ട്രാക്ടറിലേക്ക് കയറാൻ ശ്രമിച്ചപ്പോൾ തെന്നി നിലത്ത് വീണു. ഇതിനിടെ ഇയാളുടെ ശരീരത്തിലൂടെ ട്രാക്ടർ കയറിയിറങ്ങുകയായിരുന്നു. ഗുരുതരമായി പരിക്കേറ്റ സുഖ്മൻദീപിനെ ഉടൻതന്നെ ആശുപത്രിയിലെത്തിച്ചുവെങ്കിലും ജീവൻ രക്ഷിക്കാനായില്ല.
Read Moreരാജസ്ഥാൻ സർക്കാരിനെ താലിബാനുമായി താരതമ്യം ചെയ്ത് ബിജെപി നേതാവ്
ജയ്പുർ: രാജസ്ഥാൻ മുഖ്യമന്ത്രി അശോക് ഗെലോട്ടിന്റെ നേതൃത്വത്തിലുള്ള കോൺഗ്രസ് സർക്കാരിനെ അഫ്ഗാനിസ്ഥാനിലെ താലിബാൻ ഭരണകൂടവുമായി താരതമ്യപ്പെടുത്തി രാജസ്ഥാൻ ബിജെപി അധ്യക്ഷൻ സി.പി. ജോഷി. സംസ്ഥാനത്ത് പ്രീണന രാഷ്ട്രീയം പിന്തുടരുകയാണെന്നും അദ്ദേഹം ആരോപിച്ചു. വരാനിരിക്കുന്ന രാജസ്ഥാൻ നിയമസഭാ തെരഞ്ഞെടുപ്പിൽ ചരിത്രപരമായ ജനവിധിയോടെ ബിജെപി സർക്കാർ രൂപീകരിക്കുമെന്നും ജോഷി ആത്മവിശ്വാസം പ്രകടിപ്പിച്ചു. ഉദയ്പുരിൽ കാവി പതാക നിരോധിച്ചതിനും സിക്കാറിലെ രാം ദർബാർ തകർത്തതിനും മുഖ്യമന്ത്രി ഉത്തരവാദിയാണെന്ന് അദ്ദേഹം ആരോപിച്ചു. ജനങ്ങൾക്ക് ഇത് സഹിക്കാനാവില്ല. ആരെങ്കിലും അതിന് ഉത്തരവാദിയാണെങ്കിൽ അത് മുഖ്യമന്ത്രി അശോക് ഗെലോട്ടാണ്. സംസ്ഥാനത്ത് പ്രീണനം നടത്തിയ രീതി ജനങ്ങൾ മറക്കില്ലെന്നും അദ്ദേഹം ഒരു ദേശീയ മാധ്യമത്തോട് പറഞ്ഞു. സംസ്ഥാനത്ത് അധികാരത്തിലെത്തിയ കോൺഗ്രസ് സർക്കാർ വാഗ്ദാനങ്ങൾ പാലിക്കുന്നതിൽ പരാജയപ്പെട്ടുവെന്നും അദ്ദേഹം കൂട്ടിച്ചേർത്തു.
Read Moreകളമശേരി ബോംബ് സ്ഫോടനം; മരണം മൂന്ന്; നാലു പേരുടെ നില ഗുരുതരം; ലയോണയെ ബന്ധു തിരിച്ചറിഞ്ഞത് കൈയിലെ മോതിരം കണ്ട്
കൊച്ചി: കളമശേരിയിലെ സമ്ര ഇന്റര്നാഷണല് കണ്വന്ഷന് ആന്ഡ് എക്സിബിഷന് സെന്ററില് യഹോവ സാക്ഷികളുടെ പ്രാര്ഥനാ സമ്മേളനത്തിനിടെ ഉണ്ടായ ബോംബ് സ്ഫോടനത്തില് മരണം മൂന്നായി. പരിക്കേറ്റ് ചികിത്സയിലായിരുന്ന കടുവന്കുഴി വീട്ടില് ലിബിന (12) യാണ് ഇന്ന് പുലര്ച്ചെ 12.40ന് മരിച്ചത്. 95 ശതമാനം പൊള്ളലേറ്റ കുട്ടി വെന്റിലേറ്ററില് ചികിത്സയിലായിരുന്നു. കുട്ടിക്ക് ആവശ്യമായ ചികിത്സകള് മെഡിക്കല് ബോര്ഡിന്റെ നിര്ദേശപ്രകാരം നല്കി വരികയായിരുന്നു. എന്നാല്, മരുന്നുകളോട് പ്രതികരിക്കാതെ വരികയും ഇന്നു പുലര്ച്ചെ മരണം സംഭവിക്കുകയായിരുന്നെന്നും ആശുപത്രി അധികൃതര് അറിയിച്ചു. സ്ഫോടനത്തില് വിവിധ ആശുപത്രികളിലായി 52 പേരാണ് ചികിത്സ തേടിയത്. ഇതില് 30 പേര് ചികിത്സയിലുണ്ട്. നാല് പേരുടെ നില ഗുരുതരമാണ്. എറണാകുളം കുറുപ്പുംപടി സ്വദേശി ലയോണ പൗലോസ് (60), തൊടുപുഴ സ്വദേശിയായ കുമാരി (53) എന്നിവരാണ് ഇന്നലെ മരിച്ചത്. സ്ഫോടനത്തില് ആദ്യം മരിച്ച ലയോണ പൗലോസിനെ രാത്രി വൈകിയാണ് തിരിച്ചറിഞ്ഞത്. ലയോണയെ…
Read Moreമക്കളുടെ മുന്നിൽ വച്ച് ഭാര്യയെ മർദിച്ച് കൊലപ്പെടുത്തി; പ്രതി പോലീസ് പിടിയിൽ
കുട്ടികളുടെ മുന്നിൽ വെച്ച് ഭാര്യയെ മർദിച്ച് കൊലപ്പെടുത്തിയാൾ പോലീസ് പിടിയിൽ. നോർത്ത് ഡൽഹിയിലെ രൂപ് നഗർ പ്രദേശത്താണ് സംഭവം. ഡൽഹി പോലീസ് പറയുന്നതനുസരിച്ച് വെള്ളിയാഴ്ച രാത്രി വൈകിയാണ് സംഭവത്തെക്കുറിച്ച് അവർക്ക് വിവരം ലഭിച്ചത്. മദ്യലഹരിയിലായിരുന്ന ഇയാൾ ഭാര്യയുമായി വഴക്കുണ്ടാക്കുകയും അവരുടെ മക്കളുടെ കൺമുന്നിൽ വെച്ച് ഭാര്യയെ അടിച്ച് കൊലപ്പെടുത്തുകയും ചെയ്തു. മർദനത്തെ തുടർന്ന് അന്ന് രാത്രി തന്നെ യുവതി മരിച്ചതായി പോലീസ് പറഞ്ഞു. രാവിലെ പ്രതി വീട്ടിൽ നിന്ന് ഓടി രക്ഷപ്പെട്ടെങ്കിലും സംഭവത്തെ കുറിച്ച് വിവരം ലഭിച്ചതിനെ തുടർന്ന് പോലീസ് ഇയാളെ ബീഹാറിൽ വെച്ച് അറസ്റ്റ് ചെയ്തു. കൂടുതൽ അന്വേഷണത്തിനായി പ്രതിയെ ഡൽഹിയിലേക്ക് കൊണ്ടുവരും.
Read Moreആന്ധ്രാ ട്രെയിൻ അപകടം: മരണസംഖ്യ 14 ആയി, 12 ട്രെയിനുകൾ റദ്ദാക്കി
ആന്ധ്രാപ്രദേശിൽ ഇന്നലെ ഉണ്ടായ തീവണ്ടി അപകടത്തിൽ മരിച്ചവരുടെ എണ്ണം 14ആയി. മരിച്ചവരിൽ പാലസ എക്സ്പ്രസിന്റെ ലോക്കോ പൈലറ്റും ഗാർഡും മരിച്ചവരിൽ ഉൾപ്പെടുന്നു. അപകടസ്ഥലത്ത് രക്ഷാപ്രവർത്തനങ്ങളും ട്രാക്ക് പുനരുദ്ധാരണ പ്രവർത്തനങ്ങളും ഇപ്പോഴും നടന്നുകൊണ്ടിരിക്കുകയാണെന്ന് ഈസ്റ്റ് കോസ്റ്റ് റെയിൽവേ ഉദ്യോഗസ്ഥൻ പറഞ്ഞു. അതേസമയം, അപകടത്തെ തുടർന്ന്12 ട്രെയിനുകൾ റദ്ദാക്കി. 15 ട്രെയിനുകൾ വഴിതിരിച്ചുവിട്ടതായും ഏഴ് ട്രെയിനുകൾ ഭാഗികമായി റദ്ദാക്കിയതായും ഈസ്റ്റ് കോസ്റ്റ് റെയിൽവേ ഉദ്യോഗസ്ഥർ അറിയിച്ചു. അപകടത്തിൽ മരിച്ചവരുടെ ബന്ധുക്കൾക്ക് 10 ലക്ഷം രൂപ വീതവും പരിക്കേറ്റവർക്ക് 2 ലക്ഷം രൂപ വീതവും സംസ്ഥാനത്ത് നിന്ന് ധനസഹായം നൽകാൻ ഉദ്യോഗസ്ഥർക്ക് ആന്ധ്രാപ്രദേശ് മുഖ്യമന്ത്രി വൈഎസ് ജഗൻ മോഹൻ റെഡ്ഡി നിർദ്ദേശം നൽകി. ദുരന്തബാധിതർക്ക് കേന്ദ്ര റെയിൽവേ മന്ത്രാലയവും സഹായധനം പ്രഖ്യാപിച്ചിട്ടുണ്ട്. പരിക്കേറ്റവരെ ആശുപത്രികളിലേക്ക് മാറ്റി. ഇന്നലെ വൈകുന്നേരം 7 മണിയോടെ റായഗഡയിൽ നിന്ന് വിശാഖപട്ടണത്തേക്ക് പോവുകയായിരുന്ന പാസഞ്ചർ ട്രെയിനും പാലസ…
Read Moreകളമശേരി സ്ഫോടനം ഗൗരവമായി കാണുന്നു; അങ്ങേയറ്റം ദൗർഭാഗ്യകരം; മുഖ്യമന്ത്രി പിണറായി വിജയൻ
കളമശ്ശേരിയിലെ സ്ഫോടനം അങ്ങേയറ്റം ദൗർഭാഗ്യകരമെന്ന് മുഖ്യമന്ത്രി പിണറായി വിജയൻ. സംഭവത്തിന്റെ വിശദാംശങ്ങൾ പരിശോധിച്ചു വരികയാണ്. എറണാംകുളത്തുള്ള പൊലീസ് ഉദ്യോഗസ്ഥർ സംഭവ സ്ഥലത്തെത്തിയിട്ടുണ്ട്. ഡിജിപി ഡിജിപി ഉൾപ്പെടെയുള്ള ഉന്നത ഉദ്യോഗസ്ഥർ ഉടൻ തന്നെ സംഭവസ്ഥലത്തേക്ക് എത്തും. ഇന്ന് രാവിലെ 9.30 നാണ് കൺവൻഷൻ സെന്ററിൽ പൊട്ടിത്തെറി ഉണ്ടായത്. സ്ഫോടനത്തിൽ ഒരാൾ മരിച്ചു. രണ്ടു പേരുടെ നില ഗുരുതരം.23 പേർക്ക് പരിക്കേറ്റു. പരിക്കേറ്റവർ ആശുപത്രിയിൽ ചികിത്സയിലാണ്. മറ്റ് വിവരങ്ങൾ ലഭിച്ചാൽ മാത്രമേ ആക്രമണത്തെ കുറിച്ച് കൂടുതലായി എന്തെങ്കിലും പറയാനാവൂ. കാര്യങ്ങൾ ഗൗരവമായിത്തന്നെ കാണുന്നുണ്ട്. കൂടുതൽ വിവരങ്ങൾ അന്വേഷണത്തിന്റെ ഭാഗമയി ലഭിക്കണമെന്നും മുഖ്യമന്ത്രി കൂട്ടിച്ചേർത്തു. അതേസമയം കളമശ്ശേരിലെ സ്ഫോടനത്തിന്റെ പശ്ചാത്തലത്തില് സംസ്ഥാനത്ത് ഒട്ടാകെ ജാഗ്രത പാലിക്കണമെന്ന് ജില്ലാ പൊലീസ് മേധാവികള്ക്ക് നിര്ദ്ദേശം നൽകി.
Read Moreകേരളീയം ഫുഡ് വ്ലോഗർമാർക്ക് വലിയ സാധ്യതകൾ ഒരുക്കുന്നു; മന്ത്രി പി.രാജീവ്
തലസ്ഥാനം കേരളീയത്തിനായി ഒരുങ്ങി കഴിഞ്ഞു. അടുത്ത മാസം ഒന്നു മുതൽ 17 വരെയാണ് കേരളീയം പരിപാടി നടക്കുന്നത്. കേരളത്തിന്റെ പുരോഗതിയും നേട്ടങ്ങളും സാംസ്കാരിക പാരമ്പര്യവും ലോകത്തിന് മുന്നിൽ അവതരിപ്പിക്കുകയാണ് കേരളീയം പരിപാടിയുടെ ലക്ഷ്യം. വിവിധ തരത്തിലുള്ള പരിപാടികളാണ് കേരളീയത്തിനായി സംഘടിപ്പിച്ചിരിക്കുന്നത്. കേരളീയം ഫുഡ് വ്ലോഗർമാർക്കും വലിയ സാധ്യതകളാണ് ഒരുക്കുന്നതെന്ന് വ്യവസായ മന്ത്രി പി.രാജീവ്. ഫേസ്ബുക്ക് പോസ്റ്റിലൂടെയാണ് മന്ത്രി ഈ കാര്യം വ്യക്തമാക്കിയിരിക്കുന്നത്. ഫേസ്ബുക്ക് പോസ്റ്റിന്റെ പൂർമ രൂപം… ഫുഡ് വ്ലോഗിങ്ങ് കേരളത്തിൽ വലിയ പ്രചാരം നേടിക്കൊണ്ടിരിക്കുകയാണ്. കേരളത്തിന്റെ തനതായതും വ്യത്യസ്തമായതുമായ ഭക്ഷ്യവിഭവങ്ങളുടെ മേന്മ മറ്റിടങ്ങളിലേക്കുമെത്തിക്കുന്നതിൽ ഇവരുടെ പങ്ക് വലുതാണ്. നവംബർ 1 മുതൽ 7 വരെ നടക്കുന്ന കേരളീയം ഫുഡ് വ്ലോഗർമാർക്കും വലിയ സാധ്യതകളാണ് ഒരുക്കുന്നത്. കേരളത്തിന്റെ ഭക്ഷ്യവിഭവങ്ങളെല്ലാം ഒരു കുടക്കീഴിൽ വരും വിധത്തിൽ നാടിതു വരെ കാണാത്ത ബൃഹത്തായ ഭക്ഷ്യമേളയാണ് തിരുവനന്തപുരത്ത് ഒരുങ്ങുന്നത്. 11 വേദികളിലായി…
Read Moreഅമ്മയെ ആക്രമിച്ച് അഭിഭാഷകൻ; കേസെടുത്ത് പോലീസ്
രോഗിയായ അമ്മയെ ആക്രമിച്ച കേസിൽ അഭിഭാഷകൻ അറസ്റ്റിൽ. പഞ്ചാബിലെ രൂപ്നഗറിലാണ് സംഭവം. അഭിഭാഷകനായ മകൻ അങ്കുർ വർമ്മയുടെ ആക്രമണത്തിനിരയായ വയോധികയെ മകളുടെയും ഒരു സാമൂഹിക സംഘടനയുടെയും സഹായത്തോടെ രക്ഷപ്പെടുത്തിയതായി പോലീസ് പറഞ്ഞു. കിടപ്പിലായ അമ്മയെ അഭിഭാഷകൻ മർദിക്കുന്ന വീഡിയോ സോഷ്യൽ മീഡിയയിൽ പ്രചരിച്ചതോടെയാണ് സംഭവവികാസങ്ങൾ ആരംഭിച്ചത്. അഭിഭാഷകൻ വർമ്മയ്ക്കും ഭാര്യയ്ക്കും മകനുമെതിരെ പോലീസ് കേസെടുത്തു. “അങ്കുർ വർമ്മയെ ഇന്നലെ അറസ്റ്റ് ചെയ്യുകയും കോടതിയിൽ ഹാജരാക്കുകയും ചെയ്തു. കോടതി ഒരു ദിവസത്തെ പോലീസ് റിമാൻഡിൽ അയച്ചു” എന്നും എസ്എച്ച്ഒ പവൻ കുമാർ പറഞ്ഞു. https://twitter.com/ANI/status/1718466147778281553?ref_src=twsrc%5Etfw%7Ctwcamp%5Etweetembed%7Ctwterm%5E1718466147778281553%7Ctwgr%5Eb84759342232482af41a1fd3220e1dda02f8cff0%7Ctwcon%5Es1_c10&ref_url=https%3A%2F%2Fwww.indiatvnews.com%2Fnews%2Findia%2Fpunjab-lawyer-seen-assaulting-mother-in-video-arrested-woman-rescued-police-probe-viral-video-2023-10-29-900115
Read Moreഇരുമ്പ് ദണ്ഡ് വയറ്റിൽ തുളച്ച് കയറ്റിയ നിലയിൽ; കുറ്റിക്കാട്ടിൽ നിന്ന് യുവതിയുടെ മൃതദേഹം കണ്ടെത്തി
വയറ്റിൽ ഇരുമ്പ് ദണ്ഡ് തുളച്ച് കയറിയ നിലയിൽ യുവതിയുടെ മൃതദേഹം കണ്ടെത്തി. ഉത്തർപ്രദേശിലെ ഇറ്റാഹ് ജില്ലയിൽ കാളി നദിയുടെ തീരത്തുള്ള കുറ്റിക്കാട്ടിൽ നിന്നാണ് മൃതദേഹം കണ്ടെത്തിയത്. വിവരം അറിയിച്ചതിനെ തുടർന്ന് പോലീസ് സ്ഥലത്തെത്തിയെന്ന് അഡീഷണൽ പോലീസ് സൂപ്രണ്ട് (എഎസ്പി) ധനഞ്ജയ് കുശ്വാഹ പറഞ്ഞു. മൃതദേഹം പോസ്റ്റ്മോർട്ടത്തിന് അയച്ചിട്ടുണ്ടെന്നും കൊല്ലപ്പെടുന്നതിന് മുമ്പ് യുവതി ബലാത്സംഗത്തിനിരയായോ എന്ന് റിപ്പോർട്ട് വന്നതിന് ശേഷം വ്യക്തമാകുമെന്നും അദ്ദേഹം കൂട്ടിച്ചേർത്തു. ബാഗ്ബാല പോലീസ് സ്റ്റേഷൻ പരിധിയിലാണ് കുറ്റകൃത്യം നടന്നത്. മരിച്ച യുവതിയെ തിരിച്ചറിയാനുള്ള ശ്രമങ്ങൾ നടന്നുവരികയാണെന്നും കുശ്വാഹ പറഞ്ഞു.
Read More