കാറുകളുടെ ക്രാഷ് ടെസ്റ്റ് പരീക്ഷണത്തിനായി ഉപയോഗിച്ചത് ജീവനുള്ള പന്നികളെ. ചൈനയിൽ നിന്നുമാണ് ഏറെ ഞെട്ടലുളവാക്കുന്ന റിപ്പോർട്ടുകൾ വരുന്നത്. ഏകദേശം 15ലധികം പന്നികളെ ഇത്തരത്തിൽ ഉപയോഗിച്ചുവെന്നാണ് വാർത്തകൾ സൂചിപ്പിക്കുന്നത്. ഡ്രൈവറില്ലാത്ത കാറിനുള്ളിൽ പന്നികളെ ഇരുത്തിയതിന് ശേഷം കാർ മതിലിലും മറ്റും ഇടിപ്പിക്കുകയായിരുന്നു. പരീക്ഷണങ്ങൾക്കിടയിൽ ഏഴ് പന്നികൾ ചത്തുവെന്നും എട്ട് പന്നികൾക്ക് ഗുരുതരമായി പരിക്കേറ്റുവെന്നും റിപ്പോർട്ടുകൾ സൂചിപ്പിക്കുന്നു. കൊല്ലപ്പെട്ട പന്നികളുടെ ആന്തരീകാവയവങ്ങൾ തകർന്ന നിലയിലായിരുന്നു. പരീക്ഷണത്തിന് ഒരു ദിവസം മുൻപ് പന്നികളെ പട്ടിണിക്കിട്ടുവെന്നും ആറ് മണിക്കൂർ വെള്ളം പോലും നൽകാതിരുന്നുവെന്നും റിപ്പോർട്ടിൽ പറയുന്നു. എന്നാൽ ഇതെല്ലാം കുട്ടികളുടെ സുരക്ഷയ്ക്ക് വേണ്ടിയുള്ള പരീക്ഷണമായിരുന്നുവെന്നാണ് ഗവേഷകരുടെ വാദം. ആറ് വയസിൽ താഴെയുള്ള കുട്ടികൾക്കു പ്രത്യേകതമായി നിർമിക്കുന്ന സീറ്റ് ബെൽറ്റിനുവേണ്ടിയാണ് ഈ പരീക്ഷണം നടത്തിയതെന്നും ചെറിയ പന്നികളുടെയും കുട്ടികളുടെയും ആന്തരീകാവയവങ്ങളുടെ ഘടന ഒരുപോലെയാണെന്നും ഇവർ പറയുന്നു. ക്രാഷ് ടെസ്റ്റിനായി പന്നികളെ കോണ്ടുപോകുന്നതിന്റെ ചിത്രങ്ങൾ വൈറലായി…
Read MoreCategory: NRI
സോഷ്യൽ മീഡിയയിൽ ട്രംപിന് ഭീഷണി മുഴക്കിയ പ്രതിക്ക് ജാമ്യം നിഷേധിച്ചു
ഷ്രെവപോർട്ട് (ലൂസിയാന): സോഷ്യൽ മീഡിയയിൽ ട്രംപിനെതിരെ ഭീഷണി മുഴക്കിയ ഫ്രൈഡ് റിച്ച് ഇഷോലക്കിന് (31) യുഎസ് മജിസ്ട്രേറ്റ് ഡിസ്ട്രിക്ട് ജഡ്ജി ജാമ്യം നിഷേധിച്ചു. കഴിഞ്ഞ ആഴ്ചയിൽ അറസ്റ്റിലായ പ്രതിയെ ബുധനാഴ്ച കോടതിയിൽ ഹാജരാക്കിയപ്പോഴായിരുന്നു ജഡ്ജിയുടെ ഉത്തരവ്. ബോണ്ട് സമർപ്പിച്ച് ജാമ്യം നൽകണമോ എന്നു പിന്നീട് കോടതി തീരുമാനിക്കും. നവംബർ ആറിനായിരുന്നു ഫ്രൈഡിനെ പൊലീസ് അറസ്റ്റ് ചെയ്തത്. കാഡൊ പാരിഷ് ഷെറിഫ് ഓഫിസാണ് സോഷ്യൽ മീഡിയായിലെ ഭീഷണി കണ്ടെത്തിയത്. സോഷ്യൽ മീഡിയയിലൂടഐന്തും പ്രചരിപ്പിക്കാം എന്ന് ചിന്തിക്കുന്നവർക്ക് ഒരു മുന്നറിയിപ്പാണ് ഈ വിധി. സോഷ്യൽ മീഡിയയിൽ അമേരിക്കൻ രഹസ്യാന്വേഷണ വിഭാഗം വിദഗ്ദ്ധമായ പരിശോധനകൾ നടത്തുന്നുണ്ട്. തനിക്ക് ആരോഗ്യപരമായ പ്രശ്നങ്ങൾ ഉണ്ടെന്നുഇഷോലക്ക് കോടതിയിൽ ബോധിപ്പിച്ചുവെങ്കിലും യുഎസ് മാർഷൽ പരിശോധിക്കുമെന്നായിരുന്നു ജഡ്ജിയുടെ മറുപടി. റിപ്പോർട്ട്: പി.പി. ചെറിയാൻ
Read Moreകുവൈറ്റില് വാഹനാപകടം; മലയാളി നഴ്സ് മരിച്ചു, അഞ്ച് പേര്ക്ക് പരിക്ക്
കുവൈറ്റ് സിറ്റി: കുവൈത്തില് ശനിയാഴ്ച രാത്രിയിലുണ്ടായ വാഹനാപകടത്തില് മലയാളി നഴ്സ് മരിച്ചു. സംഭവത്തിൽ അഞ്ച് പേര്ക്ക് പരിക്കേല്ക്കുകയും ചെയ്തു. കെഒസി ആശുപത്രിയില് കെആര്എച്ച് കമ്പനിയുടെ കീഴില് നഴ്സായി ജോലി ചെയ്യുന്ന മേഴ്സി മറിയക്കുട്ടിയാണ് മരിച്ചത്. ശനിയാഴ്ച രാത്രി സിക്സ്ത് റിംഗ് റോഡിനും അഹമ്മദി റോഡിനും ഇടയിലാണു അപകടം നടന്നത്. നഴ്സ്മാരുമായി ജോലി സ്ഥലത്തേക്ക് പോകുകയായിരുന്ന സ്വകാര്യ ട്രാന്സ്പോര്ട്ട് കമ്പനിയുടെ വാഹനമാണ് അപകടത്തിൽപ്പെട്ടത്. ഇടിയുടെ ആഘാതത്തില് പുറത്തേക്ക് തെറിച്ച മേഴ്സി വാഹനത്തിന്റെ പിന്ഭാഗത്തുള്ള ചക്രത്തിനടിയില് കുടുങ്ങുകയായിരുന്നുവെന്ന് ദൃക്സാക്ഷികള് അറിയിച്ചു. പരിക്കേറ്റ മറ്റു നഴ്സുമാരെ അദാന് ആശുപത്രിയില് പ്രവേശിപ്പിച്ചിരിക്കുകയാണ്. ഇവരുടെ പരിക്ക് ഗുരുതരമല്ലെന്നാണു പ്രാഥമിക വിവരം.
Read Moreഇരട്ട കൊലപാതകം! കസ്റ്റഡിയിൽ നിന്നും രക്ഷപ്പെട്ട പതിമൂന്നുകാരനെ അമ്മ പോലീസിൽ ഏല്പിച്ചു
നോർത്ത് കരോളൈന: ഇരട്ട കൊലപാതക കേസിൽ അറസ്റ്റു ചെയ്തു കോടതിയിൽ ഹാജരാക്കിയശേഷം തിരികെ കൊണ്ടുവരുന്നതിനിടയിൽ പോലീസുകാരുടെ കണ്ണുവെട്ടിച്ചു രക്ഷപ്പെട്ട പതിമൂന്നുകാരനായ ജെറിക്കൊയെ മാതാവ് പോലീസിൽ ഏൽപിച്ചു. നവംബർ 5 നായിരുന്നു കാലിൽ ചങ്ങലയിട്ടിരുന്ന ജെറിക്കൊ റോബ്സൺ കൗണ്ടി കോർട്ടിൽ നിന്നും പുറത്തുകടക്കുന്നതിനിടെ രക്ഷപ്പെട്ടത്.കുട്ടിയെ കണ്ടെത്തുന്നവർക്ക് പോലീസ് 15,000 ഡോളർ പ്രതിഫലം പ്രഖ്യാപിച്ചിരുന്നു. ഒക്ടോബർ 14 ന് ഫ്രാങ്ക് തോമസ് (34) ആഡം തോമസ് (33) എന്നിവർ മരിച്ച കേസിലായിരുന്നു ജെറിക്കൊയെ അറസ്റ്റു ചെയ്തു കൊലപാതക കുറ്റത്തിന് കേസെടുത്തത്. പ്രായപൂർത്തിയാകാത്ത കുട്ടികളുടെ ചിത്രം പരസ്യപ്പെടുത്തുന്നതിന് വിലക്കുണ്ടെങ്കിലും ജെറിക്കൊ അപകടകാരിയെന്ന് ബോധ്യപ്പെട്ടതിനെ തുടർന്നു കുട്ടിയുടെ ചിത്രം പോലീസ് പരസ്യപ്പെടുത്തുകയും പിടികൂടാൻ പൊതുജനങ്ങളുടെ സഹകരണം അഭ്യർഥിക്കുകയും ചെയ്തിരുന്നു. നവംബർ 5 മുതൽ പോലീസിന് തലവേദന സൃഷ്ടിച്ച ജെറിക്കൊ സ്വന്തം വീട്ടിൽ എങ്ങനെ എത്തിയെന്നറിയില്ല. ബുധനാഴ്ച ജെറിക്കൊയെ ജുവനൈൽ ഡിറ്റൻഷൻ സെന്ററിൽ അടച്ചു.…
Read Moreഅറ്റ്ലാന്റയിൽ കാണാതായ കോളജ് വിദ്യാർഥിനിയുടെ മൃതദേഹം കണ്ടെത്തി
അറ്റ്ലാന്റ: അറ്റ്ലാന്റ യൂണിവേഴ്സിറ്റി വിദ്യാർഥിനി അലക്സിസ് ക്രോ ഫോർഡിന്റെ (21) മൃതദേഹം ഡികാൽബ് കൗണ്ടി പാർക്കിൽ നിന്നും കണ്ടെടുത്തതായി അറ്റ്ലാന്റ പോലീസ് ചീഫ് എറിക് ഷീൽഡ്സ് വാർത്താസമ്മേളനത്തിൽ അറിയിച്ചു. ഒരാഴ്ച മുമ്പാണ് വിദ്യാർഥിനിയെ കാണാതായത്. വിദ്യാർഥിനിയുടെ തിരോധാനവും കൊലപാതകവും സംബന്ധിച്ചു രണ്ടു പേരെ ചോദ്യം ചെയ്യുന്നതിനായി കസ്റ്റഡിയിൽ എടുത്തിട്ടുള്ളതായി പോലീസ് പറഞ്ഞു. ക്രോഫോർഡിന്റെ റൂം മേയ്റ്റ് ജോർഡൻ ജോൺസിനേയും (21) ഇവരുടെ ബോയ്ഫ്രണ്ട് ബാരൺ ബ്രാന്റെലെയുമാണ് (21) ചോദ്യം ചെയ്യുന്നത്. ഒക്ടോബർ 27 ന് ക്രോഫോർഡ് പോലീസിൽ നൽകിയ പരാതിയിൽ റൂം മേയ്റ്റ് ജോർഡന്റെ ബോയ്ഫ്രണ്ട് തന്നോട് അപമര്യാദയായി പെരുമാറി എന്നു ചൂണ്ടികാണിച്ചിരുന്നു. നവംബർ ഒന്നിനാണ് ക്രോഫോർഡിനെ കാണാതായത്. കാണാതായ ദിവസം ക്രോഫോർഡിന്റെ സഹോദരിയുമായി ഫേയ്സ് ടൈമിൽ സംസാരിച്ചിരുന്നതായി പറയുന്നു. റിപ്പോർട്ട്: പി.പി. ചെറിയാൻ
Read Moreലേലം വിളി പൊടിപൊടിച്ചു; ഒരു ഞണ്ടിനെ വിറ്റത് 33 ലക്ഷത്തിന്
ഞണ്ടിനെ ലേലത്തിൽ വിറ്റത് റിക്കാർഡ് തുകയ്ക്ക്. ജപ്പാനിലെ ടോട്ടോറിയയിലാണ് അൽപ്പം വ്യത്യസ്തമായ കച്ചവടം നടന്നത്. ഞണ്ടിനെ 46,000 ഡോളറിനാണ് (33 ലക്ഷം രൂപ) വിറ്റത്. 1.2 കിലോഗ്രാം ഭാരവും 14.6 സെന്റീമീറ്റർ നീളവുമുള്ള ഞണ്ടിന്റെ വിളിപ്പേര് സ്നോ ക്രാബ് എന്നാണ്. ഇവിടെ എല്ലാ വർഷവും ഞണ്ട് ലേലം നടക്കുന്നതാണ്. എന്നാൽ ഇതാദ്യമായി ആണ് ഇത്രെയും വലിയ തുകയ്ക്ക് ഞണ്ടിനെ വിറ്റത്. ഇവിടെയുള്ള ഒരു റസ്റ്റോറന്റിലെ ആവശ്യത്തിന് ഞണ്ടിനെ ഉപയോഗിക്കുമെന്നാണ് റിപ്പോർട്ടുകൾ സൂചിപ്പിക്കുന്നത്. ഞണ്ടിനെ കൂടാതെ ട്യൂണ, മത്തങ്ങ എന്നിവയെല്ലാം വലിയ തുകയ്ക്കാണ് ലേലത്തിൽ പോയത്. ഇത്രെയും വലിയ തുകയ്ക്ക് ഞണ്ടിനെ വിറ്റത് വളരെ അത്ഭുതകരമായ കാര്യമാണെന്ന് പ്രദേശത്തെ സർക്കാർ ഉദ്യോഗസ്ഥനായ ഷോട്ടോ ഇനമോണ എന്നയാൾ പറഞ്ഞു.
Read Moreപാൽ പണികൊടുത്തു; താഴെവീണ യുവാവിനെ രക്ഷിച്ചത് പാൽ കവർ
നിലത്തേക്ക് തലകുത്തി വീണ ഹോട്ടൽ ജീവനക്കാരൻ തലനാരിഴയ്ക്ക് രക്ഷപെടുന്നതിന്റെ അമ്പരപ്പിക്കുന്ന ദൃശ്യങ്ങൾ വൈറലാകുന്നു. ഹോട്ടൽ ജീവനക്കാരനായ ഒരാൾ പാലുമായി നടന്നു നീങ്ങുമ്പോൾ കൈയിൽ ഇരുന്ന പാൽ കവർ നിലത്തേക്ക് വീണു. മുന്നിലേക്ക് നടക്കുവാൻ ശ്രമിച്ച ഇയാൾ പാലിൽ ചവിട്ടി നിലത്തേക്ക് തെന്നി വീഴുകയായിരുന്നു. കൈയിലുണ്ടായിരുന്ന പാൽ കവറിൽ തലയിടിച്ചത് കൊണ്ട് ഇയാൾ തലനാരിഴയ്ക്ക് രക്ഷപെടുകയായിരുന്നു. സമീപത്തെ സിസിടിവിയിലാണ് ഈ ദൃശ്യങ്ങൾ പതിഞ്ഞത്. സംഭവം എവിടെയാണ് നടന്നതെന്ന് വ്യക്തമല്ല. When things go from bad to worse in less than a second. pic.twitter.com/XMazyZIR3f — Imtiaz Mahmood (@ImtiazMadmood) November 8, 2019
Read Moreആത്മാർഥ സേവനത്തിന് ആദരം; ജീവനക്കാരുടെ കാൽ കഴുകി കമ്പനി ഉടമകൾ
ഏൽപ്പിച്ചിരിക്കുന്ന ടാർഗറ്റ് വിജയകരമായി പൂർത്തിയാകാത്ത ജീവനക്കാരെ കമ്പനിയുടമകൾ ക്രൂരമായി ശിക്ഷിക്കുന്ന സംഭവങ്ങൾ ലോകത്തിന്റെ പലഭാഗങ്ങളിൽ നിന്നും റിപ്പോർട്ട് ചെയ്യപ്പെടാറുണ്ട്. എപ്പോഴിതാ ആത്മാർഥമായി ജോലി ചെയ്യുന്ന ജീവനക്കാരുടെ കാൽ കമ്പനിയുടമകൾ വൃത്തിയാക്കുന്നതിന്റെ ദൃശ്യങ്ങളിലാണ് സോഷ്യൽമീഡിയയുടെ കണ്ണുടക്കുന്നത്. ചൈനയിലെ ഷാൻഡോംഗ് പ്രവശ്യയിലുള്ള ജിനനിൽ പ്രവർത്തിക്കുന്ന സൗന്ദര്യ വർദ്ധകവസ്തുക്കൾ നിർമിക്കുന്ന സ്ഥാപനത്തിലാണ് സംഭവം. നിരനിരയായി ഇരിക്കുന്ന എട്ട് ജീവനക്കാരുടെ കാൽ പാദങ്ങൾ രണ്ട് പേർ വൃത്തിയാക്കുന്നതാണ് വീഡിയോയിലുള്ളത്. സ്ഥാപനത്തിന്റെ വളർച്ചയ്ക്കു വേണ്ടി ജീവനക്കാർ കഠിനമായി പരിശ്രമിക്കുന്നതിനുള്ള നന്ദിയാണ് ഈ പ്രവർത്തിയിലൂടെ സ്ഥാപന ഉടമകൾ അറിയിച്ചത്. ജീവനക്കാരുടെ കാൽ വൃത്തിയാക്കുന്നതിന്റെ ദൃശ്യങ്ങൾ വൈറലായി മാറിയിരിക്കുകയാണ്. ഈ പ്രവർത്തിയെ വിമർശിച്ചും പിന്തുണച്ചും നിരവധിയാളുകൾ രംഗത്തെത്തിയിരിക്കുന്നത്.
Read Moreഎന്നോടാ കളി..! വൈദ്യുതി പ്രവഹിക്കുന്ന വേലി പുഷ്പം പോലെ തകർത്ത് കാട്ടാന
കൃഷിയിടങ്ങളിൽ വന്യമൃഗങ്ങൾ കയറാതിരിക്കുവാൻ സ്ഥാപിച്ച വൈദ്യുത വേലി കാട്ടാന തകർക്കുന്നതിന്റെ വീഡിയോ സോഷ്യൽമീഡിയയിൽ അമ്പരപ്പുണർത്തുന്നു. വനം വകുപ്പ് ഉദ്യോഗസ്ഥനായ സുശാന്ത നന്ദയാണ് ഈ വീഡിയോ പങ്കുവച്ചത്. വൈദ്യുതി പ്രവഹിക്കുന്ന വേലിയുടെ ഒരു ഭാഗത്ത് തുമ്പികൈകൊണ്ട് പിടിച്ച് വലിച്ച ആന അത് നിലത്തേക്ക് ഇട്ടു. തുടർന്ന് മുന്നോട്ട് പോയി കൃഷി സാധനങ്ങൾ അകത്താക്കുകയും ചെയ്തു. ഈ പ്രദേശങ്ങളിൽ വന്യമൃഗങ്ങളുടെ വലിയ ശല്യമാണ് കർഷകർ നേരിടുന്നത്. ഇത് അവസാനിപ്പിക്കുവാനാണ് വൈദ്യുതി പ്രവഹിക്കുന്ന കമ്പി സ്ഥാപിച്ച് അവർ വന്യമൃഗങ്ങളെ പ്രതിരോധിക്കുന്നത്. എന്നാൽ ഇതും ഉപയോഗപ്രദമാകുന്നില്ലല്ലോ എന്ന ആശങ്കയാണ് കർഷകർക്കുള്ളത്. Elephants will go where they want. Solar electric fencing maintained at 5kv was designed to deter them. It’s intelligence makes them cleaver to breach that barrier. Interesting. pic.twitter.com/vbgcGTZfij — Susanta…
Read Moreകടുത്ത ചെവി വേദനയുമായി ആശുപത്രിയിലെത്തി; ചെവിയിൽ നിന്നും പുറത്തെടുത്തത് പാറ്റക്കൂട്ടത്തെ
കടുത്ത ചെവി വേദനയുമായി ആശുപപത്രിയിലെത്തിയയാളുടെ ചെവിയിൽ നിന്നും കണ്ടെത്തിയത് ഒന്നിലധികം പാറ്റകളെ. ചൈനയിലാണ് സംഭവം. 24കാരനായ ഒരാളുടെ ചെവിയിൽ നിന്നുമാണ് പാറ്റകളെ കണ്ടെത്തിയത്. കടുത്ത ചെവി വേദനയെ തുടർന്ന് ഇയാൾ വീട്ടിലുള്ളവരോട് ചെവി പരിശോധിക്കണമെന്ന് ആവശ്യപ്പെട്ടിരുന്നു. ചെവിയിൽ ടോർച്ച് വെളിച്ചത്തിന്റെ സഹായത്താൽ ഇവർ പരിശോധിച്ചപ്പോഴാണ് ചെവിക്കുള്ളിൽ പാറ്റായുണ്ടെന്ന് കണ്ടെത്തിയത്. ഉടൻ തന്നെ ഇദ്ദേഹം ആശുപത്രിയുമായി ബന്ധപ്പെട്ടു. തുടർന്ന് നടത്തിയ വിശദമായ പരിശോധനയിൽ ഏകദേശം 10ൽ അധികം പാറ്റാകളെ ഇയാളുടെ ചെവിക്കുള്ളിൽ നിന്നും ഡോക്ടർമാർ പുറത്തെടുത്തു. ഇയാൾ സുഖം പ്രാപിച്ചുവരികയാണ്. എന്നാൽ എങ്ങനെയാണ് ഇത്രയധികം പാറ്റാകൾ ഇയാളുടെ ചെവിക്കുള്ളിൽ പ്രവേശിച്ചതെന്ന് അവ്യക്തമാണ്.
Read More